lakbima.lk
2017-06-15 ඇමෙරිකා ඩොලරය ගැනුම් මිල රු.150.8400 , විකුණුම් මිල රු.154.6400 | බි‍්‍රතාන්‍යය පවුම ගැනුම් මිල රු.191.5800 , විකුණුම් මිල රු.198.1100 | යුරෝ යුරෝපය ගැනුම් මිල රු.168.2300, විකුණුම් මිල රු.174.5900 | ස්වීස් ප‍්‍රෑන්ක් ගැනුම් මිල රු.154.3400 , විකුණුම් මිල රු.160.4500 | කැනඩා ඩොලරය ගැනුම් මිල රු.113.2400 , විකුණුම් මිල රු.117.7200 | ඔස්ට්‍රේලියා ඩොලරය ගැනුම් මිල රු.113.7400 , විකුණුම් මිල රු.118.8200 | සිංගප්පූරු ඩොලරය ගැනුම් මිල රු.109.0900 , විකුණුම් මිල රු.113.1000 | ජපානය යෙන් ගැනුම් මිල රු.1.3701, විකුණුම් මිල රු.1.4216 |

අප්‍රාණික වූ දකුණු අතට සුවය ගෙන ආ භෞත චිකිත්සක ප්‍රතිකාර

කිහිල්‍ලේ හටගත් ගෙඩිය සැත්කමකින් ඉවත් කිරීමෙන් පසු වෛද්‍ය ගමගේ නිවසට පැමිණේ. දින කිහිපයකින් යළි රෝගී තත්ත්වය උත්සන්න වීම නිසා ඔහු යළි පේරාදෙණිය රෝහ‍ලේ දැඩි සත්කාර ඒකකයට ඇතුළු කරයි. එහිදී ඔහු තම කිහිල්ලෙන් ඉවත් කළ ගෙඩියේ පරික්ෂණ වාර්තාවෙන් වැලඳී ඇත්තේ පිළිකාවක් බව තහවුරු වීමෙන් අනතුරුව ඒ පිළිබද වැඩිදුරටත් අන්තර්ජාලය ඔස්සේ දැනුවත් වෙයි. ඉන් අනතුරුව වෛද්‍ය ගමගේ පිළිකා රෝගය සඳහා රසායන ප්‍රතිකාර වෙත යොමුවේ.
අද එතැන් සිට...
 
දැඩි සත්කාර ඒකකයේ සිටිය දී මා හට ඇති වූ ප‍්‍රධානතම ගැටලූව නම් දකුණු අතේ හට ගත් වේදනාව සහ ඇඟිලි ඉදිමී හිරිවැටී පණ නැති වීම යි. දැන් මා හට කිසිවක් දකුණු අතින් ඇල්ලීමට හෝ ලිවීමට නො හැකිය. වැලමිටෙන් සහ උරහිසින් නම් නැවිය හැකි ය. ඒ පිළිබඳව ස්නායු රෝග විශේෂඥ වෛද්‍යවරිය වෙත දන්වන ලදී. ඇය පැමිණ පරීක්ෂාකොට සැත්කමෙන් ගෙඩිය ඉවත් කළ ප‍්‍රදේශයේදී ගෙළේ අවසාන කොඳු ඇටයෙන් එළියට එන (C8) ස්නායුව සහ උරස් කොඳු ඇට පෙළේ පළමු කොඳු ඇටය දිගේ එළියට එන (T1) ස්නායු තෙරපෙන බව නිගමනය කළාය. එය ස්ථිර කිරීම සඳහා ඇය විසින් Nerve Conduction Study(ස්නායු සන්නායක අධ්‍යයනයක්) සඳහා මා මිත‍්‍ර මහාචාර්ය විජිත වීරසිංහ වෙත යොමු කරන ලදී. ඔහුගේ පරීක්ෂණ ප‍්‍රතිඵල අනුව ස්නායු රෝග වෛද්‍යවරියගේ නිගමනය ස්ථීර විය. 
 
අතේ හට ගත් අධික වේදනාව සඳහා ගැබාපෙන්ටින්, ප‍්‍රී ගැබලින්, ස්ටීරොයිඞ්, මෝෆීන්, පෙතිඩින් වැනි වේදනානාශක ඖෂධ ලබා දුන්නත් ඒවායින් වැඩි සහනයක් ලැබුණේ නැත. අතේ වේදනාවට අමතරව මාගේ සිතේ වේදනාව අධික වීමට හේතු වූයේ මගේ දකුණු අතේ ඇඟිලි අප‍්‍රාණික වීමයි. 
මා දකුණත්කරුවෙක්මි. දක්ෂ චිත‍්‍ර ශිල්පියෙක්මි. සුළු සැත්කම් කිරීමට දක්ෂයෙක්මි. පුවත්පත්වලට ලිපි සපයන්නෙක්මි. පොත්පත් ලියන්නෙක්මි. ඒවා කිසිවක් දැන් මට කළ නොහැක. අනාගතයේ දී මා හට ඒවා කිසිවක් කිරීමට නොහැකි වේවිද? හිතට දැනෙන්නේ මහත් බියකි. මා මෙය කෙසේ හෝ සුව කර ගත යුතුමය.
අනාගතයේ දී අත ප‍්‍රකෘති තත්ත්වයට ගැනීමට නම් දැන් සිටම අතට ව්‍යායාම දෙමින් එය කොර වීම වැළැක්විය යුතු ය. එබැවින් වහාම භෞත චිකිත්සාව හෙවත් පිසියොතෙරපි ආරම්භ කළ යුතුය. මා ඒ පිළිබඳව වාට්ටුවේ වෛද්‍යවරුන් සමග සාකච්ඡුා කළෙමි. ඔවුන් වහාම පේරාදෙණිය රෝහලේ පිසියොතෙරපි දෙපාර්තමේන්තුවට දන්වා මාගේ අතට ව්‍යායාම හෙවත් පිසියොතෙරපි දීමට භෞත චිකිත්සකවරයෙකු හෙවත් පිසියොතෙරපිස්ට් කෙනෙකු සූදානම් කළේය.
දින දහයක් දැඩි සත්කාර එ්කකයේ ප‍්‍රතිකාර ලබා ඉන් ඉවත් වන විට මා ඇඳ ඉහපතේ අත්සන තැබිය යුතු වේ. එහෙත් මා හට එය කළ නොහැකි විය. මා අත්සන වෙනුවට මාපටඟිලි සලකුණ තබන විට මාගේ ඇස් දෙකේ පමණක් නොව අත්සන ලබා ගැනීමට පැමිණි හෙදියගේ ඇස්වලින්ද කඳුළු ගලා ගියේය. 
දැඩි සත්කාර ඒකකයේ සිට නිවසට පැමිණ දා සිට දිනපතා මාවනැල්ල රෝහලේ භෞත චිකිත්සක තුෂාර ඒකනායක මහතා සවස් යාමයේ නිවසට පැමිණ පිසියොතෙරපි හෙවත් භෞත චිකිත්සාව, ඉලෙක්ටි‍්‍රකල් ස්ටිටියුලේෂන් හෙවත් විද්‍යුත් උත්තේජන ප‍්‍රතිකාර ලබා දුන්නේ ය. ඊට අමතරව ධාන්‍ය ඇට කුප්පියකට දැමීම, පෑන අල්ලා ගෙන තනි රූල් පොතක රවුම් සහ කොටු ඇඳීමට ඔහු විසින් හුරු කරන ලදී. මාස දෙකක් පමණ යන විට මා හට පෑන ඇල්ලීමට හැකි වූ අතර අකුරු යන්තමින් කුරුටු ගාන්නට හැකි විය.
දැන් මාගේ සිතට දැනෙන්නේ විශාල සතුටකි. කුරුටු අකුරෙන් හෝ ලියන්නට හැකි වීම එම සතුට හේතුව යි. 
වේදනාව අඩු වීම සඳහා මාස 3 ක් පමණ ප‍්‍රි ගැබලින් නැමති ස්නායු වේදනා නාශක ඖෂධය ලබා ගැනීමට සිදු විය.  
මේ අතරතුර අත පණ නැති වීම හේතුව හරියට දැන ගැනීම සඳහා තවත් ස්නායු රෝග පිළිබඳ විශේෂඥ වෛද්‍යවරුන් තිදෙනකු හමු වීමට මම ගියෙමි. එනම් මහනුවර ස්නායු වෛද්‍ය විශේෂඥ ඉඳුනිල් විජේවීර, කුරුණෑගල ස්නායු රෝග විශේෂඥ වෛද්‍ය ඞී. එම්. ඩබ්ලිව්. ධර්මකීර්ති මහතා සහ මා මිත‍්‍ර ශ‍්‍රී ජයවර්ධනපුර විශ්වවිද්‍යාලයේ ස්නායු රෝග විශේෂඥ වෛද්‍ය මහාචාර්ය සමන් ගුණතිලක යන අය ය. මහාචාර්ය සමන් ගුණතිලක සහ මා කොළඹ වෛද්‍ය විද්‍යාලයේ ඉගෙන ගත්තේ එකම වසරේ ය. 
ඔවුන්ගේ අදහස වුණේ මාගේ කිහිල්ලේ සහ උරයේ MRI ස්කෑනයක් කර බැලිය යුතු ය යන්නයි.
චුම්බක ක්ෂේත‍්‍රයක් මගින් ක‍්‍රියාත්මක වෙන Magnetic Resonance Imaging නමැති MRI ස්කෑනය මගින් මාගේ උරහිසේ සිදු වී ඇති දෙය පැහැදිලිව දැක ගත හැකි විය.
විකිරණශීලී විශේෂඥ වෛද්‍යවරයා ලබා දුන් වාර්තාවට අනුව මාගේ කිහිල්ලේ පිළිකා ගෙඩි දෙකක් තිබී ඇත. ශල්‍යකර්මය මගින් ඉවත් කර ඇත්තේ එකකි. අනික මාගේ අත වෙත ගමන් ගන්නා ස්නායු ජාලය (Brachial Plexus) තෙරපයි. එම පිළිකාව ස්නායු ජාලය තුළට ද ස්නායු වට කරගනිමින් වැඞී ඇති බව පෙනේ. 
කෙසේ වෙතත් දැන් මාගේ අතෙහි ක‍්‍රියාකාරිත්වය සෙමින් සෙමින් දියුණු අතට පත් වීමෙන් පෙනෙන්නේ එම ලිම්ෆෝමාව කීමෝතෙරපි මගින් ලබා දුන් රසායනයන් නිසා හැකිලෙමින් පවතින බවයි. දියවෙමින් පවතින බවයි. තවත් ටික කලත් යන විට අතෙහි පණ නැති ගතිය පහ වී සාමාන්‍ය තත්වයට හෝ සාමාන්‍ය තත්ත්වයට ආසන්න මට්ටමකට පත්වේය යන්න ස්නායු වෛද්‍ය විශේෂඥයන්ගේ නිගමනය විය.  
කීමෝතෙරපි අවසානයේ දී කරන ලද CT/PET ස්කෑන් පරීක්ෂණයෙන් පෙනී ගියේ කිහිල්ලේ තිබූ පිළිකාව සම්පූර්ණයෙන් වියැකී ගොස් නැති බවයි. එබැවින් වහාම මහරගම රෝහලට ගොස් විශේෂඥ වෛද්‍ය ස්කන්ධ රාජා මහතා හමු වී රේඩියෝතෙරපි හෙවත් කිරණ ප‍්‍රතිකාර ආරම්භ කළෙමි. 
කිරණ ප‍්‍රතිකාර මගින් පිළිකාව හැකිලි යන බව පෙනුණි. දැන් ඉතිරිව ඇත්තේ මුල දී තිබුණ අප‍්‍රාණිකතාවයෙන් 10% ක් පමණ ප‍්‍රමාණයකි.
චෙක් පත්වල කතිරයක් ගසා ඇඟිලි සලකුණ තැබූ මා හට දැන් හොඳින් අත්සන තැබීමේ හැකියාව ලැබී තිබේ.
මේ ලිපිය ලියන අවස්ථාව (2017 මැයි 20) වන විට මා හට හොඳින් අකුරු ලිවීමේ හැකියාව තිබේ. එහෙත් වතුර ජෝගුවක් වැනි ලොකු බරක් දකුණු අතින් එසවිය නොහැක. 
මේ වන විට සුළු සැත්කම් රෝහල් කාර්ය මණ්ඩලයේ සහාය ඇතිව කරගන යාමේ හැකියාව ලැබී තිබේ.
මෙම ලිපිය පරිගණක ගත කරන ශ්‍යාමලී මෙනවිය පසුගිය දින විවාහ පත් විය. ඇයගේ පාර්ශ්වයෙන් විවාහය සඳහා සාක්ෂියට අත්සන් තැබුවේ ද මා විසිනි.
 

වෙදෙක් වුණත් ලෙඩෙක් වුණොත්

1 වන කොටස - දකුණු කිහිල්ලේ වේදනා රහිත ගෙඩියක්

2 වන කොටස - ගෙඩියට හේතුව ක්ෂය රෝගයද? ටොක්සොප්ලැස්මෝසිස්ද?

3 වන කොටස - ශල්‍යකර්මය මගින් වේදනා රහිත ගෙඩිය ඉවත් කෙරේ

4 වන කොටස - පොත් ලියල, ලිපි ලියල හමාරයිද?

5 වන කොටස - දුරකථන ඇමතුමකින් ලැබුණ අසුබ පණිවුඩය

6 වන කොටස - පිළිකාව ජයගන්නට අන්තර් ජාලයෙන් ක්‍රම සෙව්වෙමි

7 වන කොටස - පිළිකාව ඇතිවී පැතිරෙන්නේ මෙහෙමයි

8 වන කොටස - පිළිකාව ජයගත හැකි බවට විශ්වාසයක්

9 වන කොටස - පිළිකාවට ලොව හොඳම ප්‍රතිකාර ලංකාවේදීම ලබා ගතිමි

10 වන කොටසප්‍රතිකාර අතරතුර හිස කෙස් ගැලවී යාම පිළිබඳ සතුටු වුණෙමි

11 වන කොටස -  පිළිකාවට හේතුව යකැදුරෙකුගේ සාපයක් බවට මතයක්

 
IMAGE

සිංහල මාධ්‍යවල අපරාධ වාර්තාකරණයත් බිහිසුණුයි

IMAGE 2017 Jun 28 11:07
එකම පවුලක කිහිප දෙනෙකු ඝාතනය කිරීම ඕනෑම ශිෂ්ඨ සම්පන්න සමාජයක් මගින් මහත් පිළිකුලින් යුතුව...
Views - 697

අන්තර් ජාලයේ උයන පිහන මස්තානම්මා

IMAGE 2017 Jun 28 08:49
අන්තර්ජාලය හරහා වැඩි ආකර්ෂණයක් ඇත්තේ තරුණ පිරිස්වලට යැයි බොහෝ විට අපට සිතේ. එහෙත් ඒ සිතුවිල්ල...
Views - 1630

'මළගමකට' වෙන් කළ මුදලත් පැහැරගෙන ගිහින් !

IMAGE 2017 Jun 27 20:45
ජීවත් වන්නවුන් වෙනුවෙන් වියදම් කිරීමට ඇති මුදල් ගසා කන්නවුන් පිළිබඳ තොරතුරු අපට නොයෙක් විට...
Views - 528

බුද්ධි-බූඩි අළුත් වැඩක

IMAGE 2017 Jun 26 13:47
ශ්‍රී ලාංකිය සිනමාව නව මගකට යොමුකළ බුද්ධි කිර්තිසේන හා බූඩි කිර්තිසේන පිය පුතු දෙපළ සිනමා...
Views - 1458

ලංකාවේ අවංකම බස් කොන්දොස්තර කුරුණෑගලින්?

IMAGE 2017 Jun 26 10:49
කුරුණෑගල මහ රෝහල ඉදිරිපිට බස් නැවතුම නිතර ජනයාගේන් පිරී පවතින්නකි. විශේෂයෙන් රෝහලේ රෝගීන්...
Views - 3231

සෙල්ෆි ගැසීම මානසික රෝගයක් නොවේ

IMAGE 2017 Jun 26 09:57
තමාගේම ඡායාරූපයක් තම ජංගම දුරකථනයෙන් ගැනීම හෙවත් සෙල්ෆි ගැනීමට ගිය කීපදෙනෙකු අවාසනාවන්ත ලෙස...
Views - 1259

Please publish modules in offcanvas position.