Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

වාහන නිෂ්පාදනයේ ලොව ප්‍රමුඛයෙකු වන ෆෝර්ඩ් සමාගමේ ශ්‍රී ලංකා නියෝජිතත්වය දරන සොෆ්ට්ලොජික් හෝල්ඩින්ග්ස් පීඑල්සී හි ෆියුචර් ඔටෝ මොබයිල්ස් පුද්ගලික සමාගම Ford Ranger පික්අප් රථ තුනක් ජාතික සත්වෝද්‍යාන දෙපාර්තමේන්තුව වෙත භාර දෙයි.

මෙම සිංගල් කැබ් වර්ගයේ පිකප් රථ තුන හම්බන්තොට රිදියගම සෆාරි උද්‍යානයේ සේවය සඳහා භාවිත කිරීමට නියමිතව තිබේ. එම උද්‍යානය අක්කර 500ක භූමියක් පුරා පැතිරුණු උද්‍යානයක් වන අතර  එම උද්‍යානය තුළ සේවක ප්‍රවාහනය, සතුන්ට ආහාර ප්‍රවාහනය කිරීම ආදී කාර්යයන් සදහා මෙම පික්අප් රථය භාවිත කිරීමට අපේක්ෂිතය.

Duratorq TDCi 2.2L සහ  3.2L VG Turbo ඩීසල් එන්ජිමකින් සමන්විත Ford Ranger පික්අප් රථය  නවතම ගියර් 6ක ගියර් පද්ධතියකින් සමන්විත වෙයි. මෙම රථයේ පසුපස කොටස භාණ්ඩ පැටවීම සහ රැගෙන යාම සඳහා වැඩි ඉඩකඩක් සහිතව නිමවා ඇති අතර කිලෝග්‍රෑම් 3500ක බරක් මෙහි රැගෙන යා හැකිය. මෙම පික්අප් රථය මිලි මීටර් 800ක්  ගැඹුරු ජලය මතින් ධාවනය කරවීමේ සුවිශේෂී හැකියාවෙන් යුක්ත වන අතර රළු බොරළු සහිත පාරවල් වලට ඔරොත්තු දෙන off-road  හැකියාවෙන් යුක්ත රථයකි. “රළු බවින් නිමවූ  Ford“ යන උදෘත පාඨය තව දුරටත් තහවුරු කරමින් ඕනෑම තත්වයකට ඔරොත්තු දෙන ආකාරයට ඉතා සවිමත් ලෙස මෙම FordRanger රථය නිපදවා තිබේ.

Ford Ranger රථය ආරක්ෂාව සම්බන්ධයෙන් මෙරට තරු පහේ  ANCAP ශ්‍රේණිගත කිරීම ලත් පික්අප් රථයක් වෙයි.  ANCAP (Australasian New Car Assessment Program) යනු ඔස්ට්‍රේලේසියා හි ප්‍රමුඛ වාහන ආරක්ෂාව සම්බන්ධයෙන්  නිරීක්ෂණ ආයතනයකි.  මෙම ආයතනය විසින් වර්ෂ 1993සිට ඔස්‍ට්‍රේලියාවේ සහ නවසීලන්තයේ සිදුවූ අනතුරු 590ක් පමණ සම්බන්ධයෙන් පරීක්ෂණ පවත්වා තිබේ. එක් එක් වාහන සඳහා 1සිට 5දක්වා තරු ලබාදෙමින් එම එක් එක් වාහන වල ආරක්ෂාව සම්බන්ධයෙන් ශ්‍රේණිගත කිරීම් සිදුකිරීම මෙම ආයතනය විසින් සිදුකරයි. මෙහිදී අනතුරකදී වාහනයේ ගමන් ගන්නන් සහ පදිකයින් ආරක්ෂා වන්නේ කෙසේද යන්න ආදිය පිළිබඳ පවා විමසා බැලීම් සිදු කෙරෙයි. එමෙන්ම නවීන තාක්ෂණය භාවිත කරමින් අනතුරක් වලක්වාගත ගැනීමට වාහනයක් සතු හැකියාව පිළිබඳ ව ද  මෙහිදී විමසා බැලෙයි. ජාත්‍යන්තර වශයෙන් පිළිගත්  ප්‍රමිතීන්ට අනුව මෙම පරීක්ෂාවන් සහ ශ්‍රේණිගත කිරීම් සිදුකරේ.  එම සම්ම්තයන් හා ප්‍රමිතීන්ට අනුව වන ආරක්ෂාකාරී උපාංග රැසක් මෙම Ford Ranger රථයෙහි ඇතුළත් වෙයි. පැත්තෙන් සහ  දොරෙහි ඉහළින් වන  එයාර්බෑග්ස්, පවතින ආලෝක තත්වයන්ට අනුව ක්‍රියාක්මක වන  ස්වයංක්‍රිය ප්‍රධාන ලාම්පු, හදිසි හැරවුමක දී වාහනය පෙරළීයාම වැලැක්වීමේ  තාක්ෂණික පහසුකම්,  කඳුකර ප්‍රදේශවල අවධානමකින් තොරව ධාවනය කරවීම සඳහා අවශ්‍ය පහසුකම්,  හදිසි නැවැත්වීමකට අවශ්‍ය තිරිංග ක්‍රියාකාරීත්වය, මෙන්ම  Load Adaptive Control සහ  Traction Control යනාදී  විශේෂාංග වලින් ද මෙම රථය සමන්විත වෙයි.

ෆියුචර් ඔටෝමොබයිල්ස් වෙතින් අලෙවි කෙරෙන සෑම Ford Ranger රථයක්ම කිලෝමීටර් 100,000ක් දක්වා  හෝ වසර 5ක වගකීමේ සහතිකයක් සහිතව අලෙවි කෙරෙයි. ෆෝර්ඩ් සඳහා ආවේණික 3S  නියෝජිත පහසුකම් මෙරට දී ලබාගත හැකිවීම  මෙහිදී විශේෂත්වයකි.  ඒ යටතේ ෆෝර්ඩ් හි ජාත්‍යන්තර ප්‍රමිතීන්ට අනුකූලව සිදුකෙරෙන සේවා පහසුකම්  උපකරණ මෙන්ම නියම අමතර කොටස් පමණක් නොව විශේෂයෙන් පුහුණ කරවන ලද කාර්ය මණ්ඩලයක සේවා ලබාගැනීම ආදී විශේෂ අවස්ථා රැසක් හිමිවෙයි. දිවයිනේ පලාත් 9පුරා සේවා ස්ථාන 12ක් පිහිටුවමින් සිය පාරිභෝගිකයින් වෙත තත්වයෙන් උසස් පුළුල් සේවාවක් සැපයීමට ෆෝර්ඩ් කටයුතු කර තිබේ.

Ford Ranger රථ පිළිබඳව අදහස් දක්වමින්  ෆියුචර්  ඔටෝ මොබයිල්ස් හි ප්‍රධාන විධායක නිලධාරි චමත් තෙන්නකෝන් මහතා පෙන්වා දුන්නේ Ford Ranger රථය තාක්ෂණයෙන් උසස් මෙන්ම නිසි තත්වයෙන් සමන්විත රථයක් බවයි. “රළු බවින් නිමවූ  Ford“ යන උදෘතපාඨය පෙරටු කොට ගනිමින්  Ford Ranger රථය නිර්මාණය කර ඇති බවත්, මෙම රථය වෙලඳ පළේ ඇති රළු වාහන අතරින් ප්‍රමුඛ වාහනයක් බවද පෙන්වා දුන්නේය. ඉහළ අශ්වබල ධාරිතාවකින් යතු බල සම්පන්න, ඉන්ධන පිරිමැස්මක් සහිත එන්ජිමකින් සමන්විත මෙම රථය රියදුරාගේ සහ ඉදිරිපස අසුනේ ගමන් ගන්නාගේ ආරක්ෂාව සම්බන්ධයෙන් උපරිම පහසුකම් සලසා ඇති රථයක් බව ද පෙන්වා දුන්නේය. මීට  අමතරව Ford Ranger රථය අවස්ථා ගණනාවකදී ජාත්‍යන්තර ඇගයීමට ලක්වූ බව පෙන්වා දුන් චමත් තෙන්නකෝන් මහතා  සඳහන් කළේ 2017වසරේ පැවති මැදපෙරදිග කලාපයේ වසරේ මෝටර් රථය (Middle East Carof the Year 2017 Awards)යන සම්මාන උළෙලේ දී  “හොඳම මධ්‍ය ප්‍රමාණයේ ට්‍රක් රථය“ ලෙස Ford Ranger රථය පිදුම් ලැබූ බවයි.

Ford Ranger රථය වල දේශිය අලෙවිය පිළිබඳව අදහස් දැක්වූ ෆියුචර් ඔටෝමොබයිල්ස් හි අලෙවි අධ්‍යක්ෂ ගිහාන් විතාරණ මහතා සඳහන් කළේ රාජ්‍ය ආයතන විසින් Ford Ranger රථ මිලදී ගැනීමට උනන්දු වීම Ford Ranger රථ වල පවතින ජාත්‍යන්තර තත්වය  පිළිබඳ ඇගයීමක් ලෙස සැලකිය හැකි බව පෙන්වා දුන්නේය.  Ford Ranger රථ සඳහා වැයකරන මුදල ආයෝජනයක් වන බවත්  වසර 10ක් 12ත් අතර කාලයක් තුළ ඒ බව තහවුරු වන්නේ යැයි ද හෙතෙම පෙන්වා දුන්නේය. දීප ව්‍යාප්ත සේවා ජාලයක් පවතින නිසා Ford Ranger රථ පහසුවෙන් නඩත්තු කිරීමටද හැකියාව ලැබෙන බව පෙන්වා දුන්නේය. Ford Ranger රථ රජයේ ආයතන විසින් මිලදී ගත් ප්‍රථම අවස්ථාව මෙය නොවන බව පෙන්වා දුන් ගිහාන් විතාරණ මහතා පැවසුවේ ජනාධිපති ලේකම් කාර්යාලය, සමූපකාර හා අභ්‍යන්තර කටයුතු අමාත්‍යංශය, ජාතික නිවාස සංවර්ධන අධිකාරිය, ජාතික තරුණ සේවා සභාව, පොල් සංවර්ධන මණ්ඩලය සහ ලංකා බැංකුව වැනි ආයතන විසින් මේ වන විටත් Ford Ranger රථ භාවිත කරමින් සිටින බව පෙන්වා දුන්නේය.

ෆෝර්ඩ් හි ශ්‍රී ලංකා ඉතිහාසය මෙරට මෝටර් රථ ඉතිහාසය තරමට පැරණි එකක් වන අතර 2010ෆෝර්ඩ් මෙරට වෙළඳ පලට පැමිණෙන විට මෙරට පාරිභෝගිකයා ආරක්ෂාව, නවීනත්වය , ඉන්ධන පිරිමැස්ම සහ ක්‍රියාකාරිත්වය යන සාධක පදනම් කරගනිමින් ෆෝර්ඩ්  වාහන වෙත වැඩි වශයෙන් යොමුවිය. Ford Ranger පික්අප් රථවලට අමතරව  Fiesta මගී මෝටර් රථ, Kuga, EcoSport සහ  Everest ආදී SUV රථ ෆෝර්ඩ් ප්‍රදර්ශණාගාර වලදී අලෙවි කෙරේ.

ශ්‍රී ලංකාව තුළ ඉතා සාර්ථක ලෙස ව්‍යාප්ත වී ඇති ස්මාර්ට් ජංගම දුරකථන ක්‍ෂේත්‍රයේ සහ වර්චුවල් රියැලිටි අත්දැකීමේ ගෝලීය ප්‍රමුඛයෙකු වන HTC ආයතනය කොළඹ ලිබර්ටි ප්ලාසා පරිශ්‍රයේ දී විදුලි සංදේශ සහ ඩිජිටල් යටිතල පහසුකම් අමාත්‍ය ගරු හරීන් ප්‍රනාන්දු අමාත්‍යතුමා ගේ සුරතින් විවෘත කරන ලද සිය ප්‍රථම HTCවෙ‍ළෙඳ ප්‍රදර්ශනාගාරය සැබැවින්ම ශ්‍රී ලංකාව තුළ පෙරළියක් ඇති කරන්නට සමත් බව සැමගේ විශ්වාසයයි.

HTCආයතනයේ දකුණු ආසියානු උප සභාපති ෆයිසාල් සිද්ධික් මහතා මෙසේ පවසා සිටිය්ය. " ශ්‍රී ලංකාව තුළ HTCවෙළෙඳ ප්‍රදර්ශනාගාරයක් විවෘත කිරීමට ලැබීම සැබැවින්ම සතුටට කරුණක්. ඉදිරි මාස කිහිපය තුළ ශ්‍රී ලංකාව තුල නවීන තාක්ෂණයේ විධිමත් මුහුණුවරයන් හඳුන්වා දීම අපගේ අභිප්‍රායයි. ශ්‍රී ලංකාව අපට ඉතා වැදගත් වෙළෙඳපොළක් වන අතර මෙම වෙළෙඳපොළේ පාරිභෝගිකයන්ට නව තාක්ෂණය හා නවෝත්පාදනයන් රැසක් හඳුන්වා දීම සඳහා අප ආයතනය නිතැතින්ම කැප වී සිටිනවා."‍‍

HTCනව ප්‍රදර්ශනාගාරයේ දී නව තාක්ෂණයේ ස්මාර්ට් ජංගම දුරකථන පෙළක් හා සුවිශේෂී VIVE වර්චුවල් රියැලිටි ගේමින් (Virtual Reality Gaming) අත්විඳීමට පාරිභෝගිකයාට ඉඩ සලසා ඇත. නව ලොවට පිවිසීමට කැමැති සියල්ලන්ගේම බලාපො‍රොත්තු ඉටු කරමින් VIVE වර්චුවල් රියැලිටි අත්දැකීම සම්මාන 65 කින් පිදුම් ලබා තිබේ. මේ අතරින් 2016 වසරේ Trusted Reviews Awards සම්මානයෙන් ද, Trusted Reviews & VR Headset of the Year – Wearable Tech Awards සම්මානයෙන් ද පිදුම් ලද අතර මෙය 2015 වසරේ බොහෝ ප්‍රශංසාවට ලක් වූ තාක්ෂණික අත්දැකීමකි.

ශ්‍රී ලංකාව තුළ ප්‍රථම වරට විවෘත කරන ලද HTCවෙළෙඳ ප්‍රදර්ශනාගාරය සහ අද්විතීය VIVEරියැලිටි අත්දැකීම හරහා වර්චුවල් රියැලිටි ගේම්ස් (Virtual Reality Gaming) සඳහා නව මානයක් ශ්‍රී ලංකාවට හඳුන්වාදෙන බව විශ්වාසයයි. නවතම HTCනිර්මාණය වන U – 11  දුරකථනයේ කැමරාව DXO – 90 නව තාක්ෂණයට අනුව නිපදවා ඇති සුවිශේෂී නිර්මාණයකි. එසේම මෙම U – 11  නිර්මාණය 6 GB RAM සහ 128 GBඉන්ටර්නල් මෙමරි වලින් සන්නද්ධ සුපිරි නව තාක්ෂණයෙන් නිමැවුණු ලද්දකි.

ටෝස්ට්මාස්ටර්ස්  දිස්ත්‍රික් 82  හා ශ්‍රී ලංකා රේසිං ධාවකයින්ගේ සහ පැදිකරුවන්ගේ සංගමය  (SLARDAR) එක්ව The Toastmasters Fun Rally – GET TO THE POINT කොළඹදී පැවැත්වීමට කටයුතු සූදානම් කරයි. ඒ අනුව 2017ඔක්තෝබර් 22වන දින කොළඹ 7නිදහස් චතුරස්‍රය සහ ශ්‍රී ලංකා පදනම් ආයතනය කේන්ද්‍ර කරගනිමින් මෙය පැවැත්වීමට නියමිත ය.

මෙහි මූලිකත්වය ගෙන කටයුතු කරන ටෝස්ට්මාස්ටර්ස්  දිස්ත්‍රික්  අධ්‍යක්ෂ DTM අජන්ත ජයවර්ධන විසින් මෙම The Toastmasters Fun Rally – GET TO THE POINT හඳුන්වා දී ඇත්තේ ටෝස්ට්මාස්ටර්ස් හි ක්‍රියාකාරීත්වය පිළිබඳව ජනතාව දැනුවත් කිරීමේ වැඩසටහනක් ලෙස ය. මෙය මහජන සහභාගිත්වයෙන් සිදුකෙරෙන විනෝදාත්මක සන්ධ්‍යාවකින් ද සමන්විත වෙයි. එහිදී The Toastmasters Fun Rallyසඳහා සහභාගි වන රථ තුල සිදුවන ක්‍රියාකාරකම්  සජීවි ලෙස කොළඹ පදනම් ආයතන පරිශ්‍රයේ ප්‍රදර්ශනය කෙරෙන අතර DJ සංගීතය හා ආහාර පාන ආදි විනෝදාංග රැසකින් සමන්විත වෙයි.

GET TO THE POINT යනු කාලය, වේගය හා දුර ප්‍රමාණය සැලකිල්ලට ගනිමින් පැවැත්වෙන විනෝදාත්මක මෝටර් රැළියකි. කොළඹ නගරය ආශ්‍රිතව කිලෝමීටර් 125ක දුරක් ආවරණය වන පරිදි මෙම රැළිය පැවැත්වෙයි. එම මාර්ගය පුරා පරීක්ෂණ ස්ථාන 12ත් 15ත් අතර ප්‍රමාණයක් ස්ථාපිත කෙරෙන අතර එම පරීක්ෂණ ස්ථාන වලදී  රැළියේ වේගය,කාලය සහ  දුරප්‍රමාණය පිළිබඳ ව ඇගයීම් සිදුකරනු ඇත. පස්වරු 2.00සිට රාත්‍රී 7. 30දක්වා මෙම රැළිය පැවැත්වෙන අතර මේ වනවිට මෙම රැළිය සඳහා කණඩායම් 35කට අධික  සංඛ්‍යාවක් සහභාගි වන බවට මේ වනවිට ලියාපදිංචි වී තිබේ.

මෙම රැළිය සාමාන්‍ය මෝටර් ධාවන තරඟාවලියක් මෙන් නොව මූලික වශයෙන් ටෝස්ට්මාස්ටර්ස් සංකල්පය පිළිබඳව මහජනතාව දැනුවත් කරමින් ක්‍රියාත්මක වන්නක් වීම විශේෂත්වයකි. මෙම රැළියට එක්වන වයස අවුරුදු 18න් ඉහළ සහභාගිවන්නන් මඟින් ටෝස්ට්මාස්ටර්ස්  හි ක්‍රියාකාරීත්වය පිළිබඳ අදහස පොදු මහජනතාවට ප්‍රදර්ශනය වන ආකාරයට මෙම රැළිය සංවිධානය කර තිබේ. ටෝස්ට්මාස්ටර්ස් පිළිබඳ මහජනතාව දැනුවත් කිරීම සඳහා මෙවන් ඉසව්වක් පැවැත්වෙන ප්‍රථම අවස්ථාව මෙයයි.

මෙම  ක්‍රියාන්විතය පිළිබඳ අදහස් දැක්වූ ටෝස්ට්මාස්ටර්ස් ජාත්‍යන්තරයේ සභාපති DTM බාල්රාජ් අරුනාචලම් මහතා සඳහන් කළේ ටෝස්ට්මාස්ටර්ස් හි ක්‍රියාකාරීත්වය මහජනතාව අතරට ගෙනයාම සඳහා මෙම වැඩසටහන ක්‍රියාත්මක කරන බවයි.  මෙම ක්‍රියාන්විතය මඟින් තරුණ වැඩිහිටි  සහ මැදි වයස් කාණ්ඩවල ඕනෑම අයෙකුට ටෝස්ට්මාස්ටර්ස් සංකල්පය මැනවින් වටහා ගැනීමට අවස්ථාව සැලසෙන බව හෙතෙම පෙන්වා දුන්නේය. එමඟින් තවත් බොහෝ පිරිසක් ටෝස්ට්මාස්ටර්ස් හා එක්වනු ඇති බවට හෙතෙම විශ්වාසය පල කළේය.

මෙම අවස්ථාව සඳහා සහයෝගය දැක්වීම පිළිබඳ අදහස් දැක්වූ ශ්‍රී ලංකා පැදිකරුවන්ගේ සහ ධාවකයින්ගේ සංගමයේ උප සභාපති ටෝස්ට්මාස්ටර් කාමිල් හුසේන් මහතා පෙන්වා දුන්නේ  මෙම රැළිය මඟින් නාගරිකව වෙසෙන තරුණ ජනතාවට ටෝස්ට්මාස්ටර්ස් පිළිබඳ සංකල්පය ඒත්තුගැන්වීමට ක්‍රියාකරන බවයි.ටෝස්ට්මාස්ටර්ස් යන නම ඇසූ පමණින් සාමාන්‍ය මහජනතාව එම සංකල්පය පිළිබඳ නිවැරදි වැටහීමකින් කටයුතු නොකරන බවත්, ඔවුන් මෙය කෝකියෙකු හෝ පේස්ට්‍රි සාදන්නකු යනුවෙන් වැරදියට වටහාගනු ඇති බවත් පෙන්වා දෙමින් කියා සිටියේ එම වැරදි අවබෝධයන් දුරුකරලමින් ටෝස්ට්මාස්ටර්ස් පිළිබඳ නිවැරදි අවබෝධයක් සමාජගත කිරීමට මෙමඟින් හැකියාව ලැබෙන බවයි. මෙම ක්‍රියාන්විතයෙන් පසු සාමාන්‍ය මහජනතාව ටෝස්ට්මාස්ටර්ස් හා එක්වී සමාජය ගොඩනැංවීමේ කාර්යයට සිය දායකත්වය දක්වනු ඇති බව පෙන්වා දුන්නේය.

සමාජයට අවශ්‍ය නායකයින් බිහිකිරීම සඳහා කටයුතු කරමින් සමාජ සංවර්ධන කාර්යය සඳහා කැපවූ ටොස්ට්මාස්ටර්ස් පුද්ගලයින්ගේ කථන, සන්නිවේදන හා නායකත්ව  කුසලතාවන් වර්ධනය කරමින් කටයුතු කරයි.එමෙන්ම යම් ක්ෂේත්‍රයක් පිළිබඳව උනන්දුවන පාර්ශව එම ක්ෂේත්‍රවල ප්‍රවීණයන් බවට පත්කරලීම සඳහා ද ටෝස්ට්මාස්ටර්ස් කැපවී කටයුතු කරමින් ඔවුන් සාමාජයට මඟ පෙන්වන නියම නායකයින් බවට පත්කරලීමේ කාර්ය භාරය ඉටුකරයි.

මෙම ක්‍රියාන්විතය සඳහා අංශ කිහිපයක් යටතේ වාහන කාණ්ඩකර තිබේ. ඒ අනුව පළමු කාණ්ඩය - ජීප් රථ හා කැබ් රථ වන අතර දෙවන කාණ්ඩය වන්නේ  1000cc වලට ඉහළ  මෝටර් රථ හා වෑන් රථ ය. තෙවන කාණ්ඩය වන්නේ  1000cc වලට වඩා අඩු මෝටර් රථ ය. මෙම රැළිය සඳහා කණ්ඩායම් වශයෙන් වුවද සහභාගී විය හැකි අතර සාමාජිකයින් 4දෙනෙකුගෙන් කණ්ඩායම සමන්විත විය යුතුය. එම සිව් දෙනාගෙන් අවම වශයෙන් දෙදෙනෙකු ටෝස්ට්මාස්ටර්ස් වරුන් වීම අනිවාර්ය වෙයි. මෙම ක්‍රියාන්විතය SLARDAR TV ඔස්සේ සහ අන්තර්ජාලය ඔස්සේ සජීවීව විසිරුවා හැරෙයි. මෙම ක්‍රියාන්විතය  නැරඹිම සඳහා සාමාන්‍ය ජනතාවට සහභාගි විය හැකි අතර ඒ සඳහා නාමික ඇතුළත්වීමේ ගාස්තුවක් ගෙවිය යුතු වෙයි. මෙම අවස්ථාව විනෝදාංග ගණනාවකින් සමන්විත වන නිසා පවුලේ හිතවතුන් සහ මිතුරන් සමඟ විනෝද වීම සඳහා කදිම අවස්ථාවක් වෙයි.

මෙම ක්‍රියාන්විතය පිළිබඳ අදහස් දැක්වූ DTM අජන්ත ජයවර්ධන මහතා වැඩිදුරටත් පෙන්වා දුන්නේ  මෙම වැඩසටහන තුළින් සන්නිවේදන කුසලතා සහ නායකත්ව කුසලතා වර්ධනය කිරීමට අපේක්ෂා කරන බවයි. ටෝස්ට්මාස්ටර්ස් සංවිධානය පිළිබඳව ජනතාව දැනුවත් කිරීම තුළින් ඉදිරි කටයුතු  වඩා සාර්ථකව සිදුකරමින්  පුළුල් සමාජ මෙහෙවරක් සිදුකිරීමට අවස්ථාව හිමිවනු ඇති බවට හෙතෙම විශ්වාසය පළ කළේය. සමස්ථ ශ්‍රී ලංකාවාසීන් තුළම  ටෝස්ට්මාස්ටර්ස් හි ක්‍රියාකාරීත්වය පිළිබඳ යම් වැටහීමක් සහ අවබෝධයක් ඇති කරලීම මෙහි අරමුණ බව ද DTM අජන්ත ජයවර්ධන මහතා සඳහන් කරයි. එම අරමුණ සාක්ෂාත් කරගැනීම සඳහා පැවැත්වෙන මෙම මෝටර් රැළිය විනෝදාත්මක සහ සාමාන්‍ය ජනතාව මෙතෙක් අත්නුදුටු අත්දැකීම් රැසකින් සමන්විත වන බව ද ඊට සම්බන්ධ වන සියලු දෙනාගේම සහයෝගයෙන් ටෝස්ට්මාස්ටර්ස් පිලිබඳ පණිවුඩය සමාජගත වනු ඇති බවද හෙතෙම පෙන්වා දුන්නේය.

ටෝස්ට්මාස්ටර්ස් හා සම්බන්ධ වීමට සහ වැඩිදුර තොරතුරු දැනගැනීම සඳහා [email protected] වෙතින් විමසීම් කරන්න

හොඳම ජාත්‍යන්තර සන්නාම පිළිබදව වන Interbrand’s 2017ශ්‍රේණිගත කිරීම්වල ඉදිරියට යමින් 70වන ස්ථානය පත්වීමට Huawei සමත් වෙයි. 2017වසර සදහා වන Interbrand’s හි නවතම ශ්‍රේණිගත කිරීම් පසුගියදා එලිදැක්වුනු අතර ඊට අනුව Huawei හි සන්නාම වටිනාකම  පසුගිය වසරට සාපේක්ෂව 14%කින් ඉහළ ගොස් තිබේ.

එමෙන්ම Huawei හි වාර්ෂික ආදායම ඇමරිකානු ඩොලර් මිලියන 6676ක් දක්වා වර්ධනය වී තිබේ. එමෙන්ම  ලොව හොඳම සන්නාම 100අතර සිටින Huawei ගතවූ වසරේ වර්ධනය ඉලක්කම් දෙකක ප්‍රතිශතයකින් ඉහළ නැංවූ සමාගම් 16අතරට ද එක්ව සිටියි.

Huawei හි  මෙම සාර්ථකත්වය  පසුපස ඇත්තේ පාරිභෝගික අපේක්ෂාවන් වෙනුවෙන් Huawei කළ කැපකිරීම වන අතර සමාගමක් වශයෙන් පාරිභෝගික අවශ්‍යතා මැනවින් හඳුනා ගනිමින් කටයුතු කිරීම මෙහිදී වැදගත් ක්‍රියාවකි.

ගතවූ  දශක තුන තුළ  නවීන තාක්ෂණය සිය පාරිභෝගිකයින් වෙත සමීප කරවීමට  මෙන්ම උසස් මට්ටමේ  නිෂ්පාදන පෙළක් පාරිභෝගිකයා වෙත හඳුන්වා දීමට කටයුතු කළ බවත් ඒ ඔස්සේ කෙටි කාලයක් තුළ මෙම සාර්ථකත්වය අත්පත් කර ගැනීමට සමත් වූ බවත්  Huawei හි සමූහ අලෙවි සභාපති කෙවින් සැන්ග් පෙන්වා දෙයි.

ලොව විශාලතම පොත් අලෙවිය වන Big Bad Wolf පොත් අලෙවිය පසුගියදා ආරම්භ විය. කොළඹ ප්‍රදර්ශන හා සම්මේලන මධ්‍යස්ථානයේදී  පැවැත්වෙන මෙහි සමාරම්භක අවස්ථාව පසුගියදා පැවැත්විණ.   අධ්‍යාපන අමාත්‍ය අකිල විරාජ් කාරියවසම් මැතිතුමා මෙහි ප්‍රධාන ආරාධිත අමුත්තා වශයෙන් එක්ව සිටි අතර , මෙම අවස්ථාව සඳහා  Big Bad Wolf Books  නිර්මාතෘ සහ කළමණාකාර අධ්‍යක්ෂ ඇන්ඩෘ යැප් මහතා, සම නිර්මාතෘ ජැකලින් Ng , ProRead Lanka (Pvt) Ltd  අධ්‍යක්ෂ නිශාන් වාසලතන්ත්‍රී යන සම්භාවනීය අමුත්තන්ගේ ප්‍රධානත්වයෙන් පැවැත්විණ. මෙම පොත් අලෙවියෙහි නිල සන්නිවේදන සහකරු වන්නේ මොබිටෙල් සමාගමයි. එමෙන්ම නිල ආහාර පාන සහ අයිස් ක්‍රීම් සන්නාමයන් ලෙස Keells Krest සහElephant House කටයුතු කරයි.

මෙම පොත් අලෙවියෙහි විශේෂත්වය වන්නේ එය පැය 24පුරාම විවෘතව පැවතීමයි. පොත් පත් පරිශීලනය කරන්නන්ට නොනැවතී එක දිගට දින 11ක් තිස්සේ පොත් පත් මිලදී ගැනීමට මෙහිදී අවස්ථාව සැලසෙයි. මෙම පොත් අලෙවිය පැය 255ක්  විවෘතව තැබීමට නියමිතය. මෙම නිසා ඕනෑම වයසක පසුවන්නකුට සිය කැමැත්ත පරිදි පොත් තෝරා ගැනීම සඳහා කාලය ගැටළුවක් නොවනු ඇත. නවතම ඉංග්‍රීසි පොතපත සඳහා 60%සිට 80%දක්වා විශේෂ වට්ටම් මෙහිදී ලබාගත හැකිය. උසස් තත්වයේ නවතම ඉංග්‍රිසි පොත් පත් රැසක් මෙහිදී අලෙවි කීරිමට අපේක්ෂිත ය.  අඩු මිලකට හොඳ පොත් පත් මිලට ගැනීමට පාඨකයාට අවස්ථාව සැලසීමේ අරමුණ ඇතිව මෙම පොත් අලෙවිය  ක්‍රියාත්මක වෙයි. ශ්‍රී ලාංකිකයන් තුළ ඉංග්‍රීසි දැනුම වර්ධනය කිරීම සහ පොත පත කියවීමේ වටිනාකම ප්‍රචලිත කිරීම ද මෙහි තවත් අපේක්ෂාවකි.

විවිධ පොත පත රැසක් එකම වහලක් යටදී අඩුම මිලකට මිලදී ගැනීමට ලැබෙන හොඳම අවස්ථාව ලෙස මෙම අවස්ථාව හැදින්විය හැකිය.  ලොව පුරා අතිශය ජනප්‍රිය ඉංග්‍රීසි පොත් 20000ක් ද ඇතුළුව  විවිධ ෂානරයන්ගෙන් යුත්  මිලියන 1.5කට අධික පොත්පත් ප්‍රමාණයක් මෙහිදී අලෙවි කෙරේ.  චරිත කථා, ප්‍රබන්ධ, ප්‍රබන්ධ නොවන, සාහිත්‍ය, ඉවුම් පිහුම්, ළමා පොත් වැනි කුඩා පොත පත සහ දෙමව්පියන්ට, ගුරුවරුන්ට සහ ළමයින්ට වැදගත් වන අධ්‍යාපනික පොත පත ද ඒ අතර වෙයි.  ඉතා දුර්ලභ සීමිත පිටපත් සංඛ්‍යාවලින් යුතු පොතපත එකතු කරන්නන්ට ද මෙම අවස්ථාව කදිම අවස්ථාවකි. දේශීය පොතපත අලෙවි කරුවන්ටද මෙම අලෙවියෙහි අවකාශයක් වෙන් කර දී ඇති අතර DVD සහ  Blu-Ray චිත්‍රපට මිලදී ගැනීමටද මෙහිදී අවස්ථාව සැලසෙයි.

වසර 2009දී  මැලේසියාවේ  සේලන්ගර් හි Dataran Hamodal  හි දී ඇරඹි මෙම Big Bad Wolf පොත් අලෙවිය ඉතා කෙටි කලක් තුළ අතිශයින් ජනප්‍රියත්වයට පත්වූ සංකල්පයකි.කෙටි කාලයක් තුළ අසල්වැසි රටවල් වන ඉන්දුනීසියාව සහ තායිලන්තය යන රටවල් වෙත මෙම Big Bad Wolf පොත් අලෙවිය  ව්‍යාප්ත වූ අතර ශ්‍රී ලංකාව මෙම දැවැන්ත පොත් අලෙවිය පවත්වන  හතරවන රට ය.

පහත සඳහන් සබැඳිය ඔස්සේ Big Bad Wolf Book Sale හි නිල වෙබ් අඩවියට පිවිසීමෙන් Wolf Pack සමාජිකත්වය හා ලියාපදිංචි වී මෙම පොත් අලෙවියේ දී විශේෂ වරප්‍රසාද ලබාගත හැකිය.

පාරිභෝගික භාණ්ඩ අලෙවියේ මෙරට ප්‍රමුඛයා වන සිංගර් ශ්‍රී ලංකා  විසින් සිංගර්  GEO Smart ශිතකරණ වෙළඳ පළට හදුන්වා දෙයි. ආසියාවේ වඩාත්ම කාර්යක්ෂම  සහ බලශක්තිය පිරිමසින ශීතකරණයක් ලෙස මෙම GEO Smart ශිතකරණය වෙළඳ පළට හදුන්වා දී තිබේ.

වසර 2003දී සිංගර් විසින් හඳුන්වා දුන් සිංගර්  GEO ශීතකරණ තාක්ෂණය  තව දුරටත් වර්ධනය කරමින් මෙම නවතම GEO Smart ශිතකරණය නිපදවා තිබේ. 100%ක්ම පරිසර හිතකාමී ශීතකරණයක් වන මෙම  GEO Smart ශිතකරණය R600aක  ශීතකරණ හැකියාවෙන් යුක්ත  වෙයි. එමෙන්ම 50%ක බලශක්ති අරපිරිමැස්මක් සහිත වීම මෙහි ඇති තවත් විශේෂත්වයකි. භාවිත කරන කාලය පුරාම වගකීමක් සහිත තඹ නල වලින් සැදුම් ලත් මෙම ශීතකරණය අවම නඩත්තුවක් සහිත  එකක් වන අතර එහි  LED දීප්තිමත් බල්බ් පද්ධතිය සහ  දිගු කළක් බලශක්තිය පිරිමසා ගැනීමට හැකිවීම ආදී විශේෂතා රැසකි. දේශීය නිෂ්පාදනයක් වන මෙම  සිංගර්  GEO Smart ශිතකරණය Regnis කර්මාන්ත ශාලාවේ නිපදවනු ලබයි. මෙම නවතම සිංගර්  GEO Smart ශිතකරණ දිවයින පුරා පිහිටි සිංගර් අලෙවිසැල් වලදී වසර 10ක සිංගර් වගකීමේ සහතිකය සමඟ මිලදී ගැනීමෙට හැකියාව ඇත. Inverter, No Frost  සහ Direct Cool වශයෙන් වන විශේෂතා අනුව මාදිලි 6කින් මෙම සිංගර්  GEO Smart ශිතකරණ මිලදී ගත හැකිය. මෙම සිංගර්  GEO Smart ශිතකරණවල උපරිම ප්‍රමාණය ලීටර් 240ක ධාරිතාවයෙන් යුක්ත වෙයි.

සිංගර්  GEO Smart ශිතකරණය නවතම Smart තාක්ෂණයෙන් යුක්ත වන අතර  ආහාර නැවුම්ව තබාගැනීම සහ බලශක්තිය අරපිරිමැස්ම සඳහා  මෙහි ඇති විශේෂතා රැසකි. ඒ අතරපරිසර උෂ්ණත්ව සෙන්සරය මඟින්   ශීතකරණය තබා ඇති කාමරයෙන් පිටත  ඇති උෂ්ණත්වයට සමගාමීව ශිතකරණය අභ්‍යන්තර උෂ්ණත්වය ස්වයංක්‍රීයව සකස් වීම ප්‍රමුඛ විශේෂතාවයකි එමෙන්ම  විදුලි බලය අඩු වැඩි වීමකදී  ශිතකරණයේ කොම්ප්‍රෙසරයට හානියක් නොවන ආකාරයට ඊට අනුගත වීමේ ස්වයංක්‍රිය ක්‍රමවේදය සහිත ධාරිතා සෙන්සරය මෙන්ම , ශීතකරණයේ දොර විවෘත කිරීමේදී විදුලි බලය වැයවීම වැලැක්වීමේ ක්‍රමවේදය හා ද්විත්ව ක්‍රියාකාරී උෂ්ණත්ව පාලන ක්‍රමවේදයන් ආදී තාක්ෂණික ක්‍රමවේද රැසකින් මෙම ශීතකරණය සමන්විත වෙයි.

වසර 2013දී   හඳුන්වා දුන් සිංගර් GEO මාදිලියේ ශීතකරණ R600a ගෑස්  තාක්ෂණය යටතේ මෙරටට හඳුන්වා දුන් ප්‍රථම ශීතකරණය වෙයි. R600a ගෑස්  තාක්ෂණය 100%ක් පරිසර හිතකාමී වන අතර HFC තාක්ෂණයේ ශීතකරණ වලින් ඕසෝන් ස්ථරයට සිදුවන හානිය අවම කිරීම හා මිහිතලය උණුසුම් වීම වැනි පාරිසරික හානි අවම කිරීම ද එමඟින් සිදුවෙයි.  පරිසරය ආරක්ෂා කිරීම සඳහා වන මොන්ට්‍රියල් ගිවිසුම අනුව වසර 2040වන විට R600a ගෑස් තාක්ෂණය භාවිත කිරීම අනිවාර්ය කිරීමට නියමිතව තිබේ. සිංගර් විසින් මෙම ගෝලීය තත්වයන්  මීට දශක දෙකකට පමණ ඉහතදී හඳුනාගනිමින් R600a ගෑස් තාක්ෂණයෙන් යුත් ශීතකරණ මෙරට හඳුන්වා දීමට කටයුතු කර තිබේ.එහිදී සියලු ප්‍රවර්ධනය කිරීම් ආදිය සිදු කළේ ද  R600a ගෑස් තාක්ෂණයේ විශේෂත්වය හා වාසි පිළිබදව අවධාරණය කරමිනි. තවද සිංගර් සමාගම විසින් ඒ වනවිට අලෙවි කරමින් සිටි R134a මාදිලියේ ශීතකරණ අලෙවියද සම්පූර්ණයෙන් නවතා දමමින් සම්පූර්ණයෙන් R600a  ශීතකරණ අලෙවිය සඳහා යොමු විය.

නවතම සිංගර්  GEO Smart ශිතකරණ හඳුන්වා දීමේ අවස්ථාවට එක්වෙමින් සිංගර් ශ්‍රී ලංකා සමාගමේ අලෙවි අධ්‍යක්ෂ කුමාර් සමරසිංහ මහතා  සඳහන් කලේ  වසර 2013හඳුන්වා දීමේ සිට අති සාර්ථක අලෙවියක් පෙන්නුම් කරන සිංගර් GEO ශීතකරණ  මේ වනවිට 500, 000 ක් පමණ  අලෙවි කර ඇති බවයි.  බලශක්ති අරපිරිමැස්ම   සහ  Smart තාක්ෂණය සහිතව හදුන්වා දුන්  සිංගර්  GEO Smart ශිතකරණය වත්මන් පාරිභෝගිකයාගේ අවශ්‍යතාව පරිදි  නිමවා ඇති බවත්  එය ශීතකරණ ක්ෂේත්‍රෙය් නවතම පෙරළිය බවත්  හෙතෙම සඳහන් කළේය. දීර්ඝ කාලයක් තිස්සේ සිදුකරන පර්යේෂන හා සංවර්ධන කටයුතු වල ප්‍රතිඵලයක් ලෙස නවතම කාර්යක්ෂම ශීතකරණයක් හදුන්වා දීමට හැකි ව ඇති බව ද සමරසිංහ මහතා  වැඩිදුරටත් පෙන්වා දුන්නේය. නියත වශයෙන්ම මෙම නවතම සිංගර්  GEO Smart ශිතකරණය මෙරට වෙළඳ පළ තුල අතිශය ජනප්‍රියත්වයට පත්වනු ඇති බව ද හෙතෙම වැඩිදුරටත් පැවසීය.

සිංගර් ශ්‍රී ලංකා සමාගම Beko,Huawei, Dell, Moulinex, Tefal, Singer, SISIL, Samsung, Hitachi, TCL, Sony, Sharp, Whirlpool  සහ  Mitsubishi ආදී  ජාත්‍යන්තර වශයෙන් ප්‍රමුඛ නිෂ්පාදන පෙළක් මෙරට පාරිභෝගිකයා වෙත අලෙවි කරන ලබයි. සිංගර් සමාගම  දිවයින පුරා පිහිටි  420කට අධික  අලෙවි සැල් සහ 2800කට අධික නියෝජිත අලෙවි සැල් ජාලය ඔස්සේ  මෙම නිෂ්පාදන අලෙවි කරන අතර ඊට සමගාමීව අලෙවියෙන් පසු සේවාවක් ද සපයනු ලබයි. භාණ්ඩ මිලදී ගැනීමේ දී සිය පාරිභෝගිකයින් වෙත පොලී රහිත පහසු ගෙවීමේ ක්‍රම, විශේෂ වට්ටම්, අලෙවි වට්ටම්, ක්‍රෙඩිට් කාඩ්පත් සඳහා  විශේෂ දීමනා ආදී  වරප්‍රසාද රැසක් ලබාදෙයි.

Page 2 of 7

IMAGE

මෙතේ බුදු පදවිය ලබන්නේ බැංකු කළමණාකරුවෙක්ද?

IMAGE 2017 Nov 17 12:13
ඔහු මධ්‍යම පළාතේ වාණිජ බැංකුවක කළමණාකරුවෙකි.  ඔහුගේ වයස අවුරුදු 45 ක් පමණ වේ. ක්‍රිස්තියානි...
Views - 1279

බොහෝ කලා කරුවන් තමන්ගේ පවුල් ජීවිත ගැන කියන්නේ බොරු

IMAGE 2017 Nov 16 11:31
වත්මන් ශ්‍රී ලාංකීය ජන සමාජයේ දික්කසාද වීම් සහ පවුල් අර්බුද පැන නැගීම සම්බන්ධයෙන් කලා...
Views - 2128

මුහුණුපොත ගැන ඔබ මෙතෙක් නෑසූ කතා

IMAGE 2017 Nov 16 09:44
‘ෆේස්බුක්’ කියන්නේ නම කියූ මණින් අද උපන් දරුවාගේ සිට සිහිකල්පනාවක් ඇති මහල්ලා දක්වාම...
Views - 2077

හැංගිමුත්තම් කරන අතරේ ඇඳ යටදී දැරියට අතවර කරලා

IMAGE 2017 Nov 15 09:26
හැංගි මුත්තම් සෙල්ලමක් අතරදී වයස අවුරුදු 10 ක වන පාසල් සිසුවියක දුෂණය කළ බව කියන 16 හැවිරිදි...
Views - 4912

ලිංගික උත්තේජන පෙති අකල්මරණවලට හේතුවක් ද?

IMAGE 2017 Nov 14 10:46
පුරුෂ ලිංගික උද්දීපනය සඳහා ගනු ලබන පෙති වර්ග වලින් අකල් මරණ සිදුවන බවට සමාජය පුරා පොදු...
Views - 4541

වික්ටර්ට අපහාස වෙන බව දන්නවා නම් මම හොඳ කෙළියක් කරනවා

IMAGE 2017 Nov 13 13:02
සිනමාවේ හැමදාමත් දුෂ්ටකම් කරන විල්සන් කරූ පසුගිය දවස්වල ඉරාජ්ගේ මියුසික් වීඩියෝ එකක රඟපාලා...
Views - 7325

Please publish modules in offcanvas position.

DMC Firewall is developed by Dean Marshall Consultancy Ltd