Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

Selfie කලාවේ පුරෝගාමියා සහ ප‍්‍රමුඛයා වන OPPO සමාගම නව OPPO F5 දුරකථනය නිල වශයෙන් මෙරටට හඳුන්වා දීමට පසුගියදා කටයුතු කළේ ය. ඊට අමතරව, ශ‍්‍රී ලංකාවේ වෙළඳපොළ තුළ තමන් ලද සාර්ථකත්වය සංකේතවත් කරමින් 'Selfie Expert and Leader'. ලෙස නව සන්නාම පාඨයක්ද එහිදී හඳුන්වා දෙන ලදි. මේ වනවිට OPPO දුරකථන රටවල් 28 ක තරුණ තරුණියන් මිලියන 200 කගේ පමණ හදවත් දිනාගැනීමට සමත් වී තිබේ. ශ‍්‍රී ලංකාවේදී OPPO දියත් කරන FHD සහ Full Screen තිරයක් සහිත ප‍්‍රථම දුරකථනය මෙම F5 දුරකථනය වන අතර,Selfie ඡායාරූප තවතවත් අලංකාර කරන පුරෝගාමී තාක්ෂණයක් වනA.I. Beauty තාක්ෂණයද මීට ඇතුළත් ය.  මෙම තාක්ෂණයSelfie කලාව නව මානයකට රැගෙන යනු නිසැක ය.


රු. 47,990 කට මිල ඇති  OPPO F5 දුරකථනය නොවැම්බර් මස 11 දින දිවයින පුරා අලෙවිසෑල් වලින් මිලදීගත හැකි වනු ඇත. OPPO රසිකයන්ට මාදිලි කිහිපයක් අතරින් තමන් කැමති මාදිලිය තෝරාගැනීමේ අවස්ථාව ලබාදීම සඳහා F5 6GB සහ F5 Youth ලෙස තවත් මාදිලි දෙකක්ද හඳුන්වා දෙනු ලබන අතර මෙම මාදිලි එළඹෙන දෙසැම්බර් මාසයේ සිට මිලදීගැනීමේ අවස්ථාව හිමි වේ.
මීට අමතරව දැනට OPPO සන්නාම තානාපතිනිය ලෙස කටයුතු කරන දීපිකා පදුකෝන්ට (Deepika Padukone)අමතරව තවත් බොලිවුඞ් තරුවක් වන සිද්ධාර්ත් මල්හෝත‍්‍රාද (Sidharth Malhotra) සන්නාම තානාපතිවරයෙකු ලෙස OPPO හා එක්වනු ඇත.
 

දේපළ වෙළඳාම් ක්ෂේත්‍රයේ තවත් දැවැන්ත පියවරක් ඉදිරියට තබමින් හෝම් ලෑන්ඩ් ස්කයිලයින් සමාගමේ  නවතම සුපිරි නිවාස සංකීර්ණය වන  Aurum Skyline Residencies හි ඉදිකිරීම් ඇරඹෙයි. මෙම අවස්ථාව සදහා හෝම් ලෑන්ඩ්ස් සමූහයේ සභාපති නලින් හේරත් මහතා, අධ්‍යක්ෂිකා හර්ෂණී හේරත් මහත්මිය, සෑන් පයිලිං පුද්ගලික සමාගමේ  කළමණාකාර අධ්‍යක්ෂ අර්ජුන ගුණතිලක මහතා,  හෝම් ලෑන්ඩ් ස්කයිලයින් හි පිරිවැය උපදේශක, වරළත් ප්‍රමාණ සමීක්ෂක නිශාන්ත වික්‍රමසිංහ, ආකෘති ඉංජිනේරු ශිරෝමාල් ප්‍රනාන්දු, ව්‍යාපෘති ප්‍රධානි හිරාන් ගුණසේකර සහ ජ්‍යෙෂ්ට කළමණාකරු දේපළ වෙළඳාම් දුමින්ද මෙන්ඩිස් මහතා ඇතුළු සම්භාවනීය අමුත්තන් පිරිසක් එක්ව සිටියහ.

Aurum Skyline Residencies හි පයිලිං කටයුතු ආරම්භ කරමින් මෙහි ඉදිකිරීම් කටයුතු නිල වශයෙන් ඇරඹුන අතර එහි පයිලිං කටයුතු සිදුකරන්නේ සන්කෙන් කන්ස්ට්‍රක්ෂන්ස් (පුද්ගලික) සමාගමට අනුබද්ධිත සමාගමක් මෙන්ම මෙරට පයිලිං ක්ෂේත්‍රයේ ප්‍රමුඛ සමාගමක් වන සෑන් පයිලිං පුද්ගලික සමාගම විසිනි. ගුණාත්මක බවින් ඉහළ සේවා සැපයීම තුලින් එම සමාගම අත්පත් කරගෙන සිටින කීර්ති නාමය හේතුවෙන් හෝම් ලෑන්ඩ් ස්කයිලයින් සමාගම සිය ඉදිකිරීම් කටයුතු සඳහා සෑන් පයිලිං සමාගම තෝරා ගෙන තිබේ.

හෝම් ලෑන්ඩ් ස්කයිලයින් සමාගමේ 8 වන නිවාස  සංකීර්ණය ලෙස ඉදිවන මෙම Aurum Skyline Residencies කොළඹ 5, ජාවත්ත ප්‍රදේශයේ ඉදි කෙරේ. මෙහි නිර්මාණ කටයුතු මෙරට සම්මානලාභී විශේෂඥ ගෘහ නිර්මාණ ශිල්පියෙකු වන තුසර වෛද්‍යස්කර මහතා විසින් සිදු කර තිබේ. මෙම Aurum Skyline Residencies නිවාස සංකීර්ණය සුපිරි නිවාස ව්‍යාපෘතියක් පමණක් නොව විශිෂ්ඨ ගෘහ නිර්මාණ ශිල්පයේ සංකේතයක් ද වෙයි.

තත්වයෙන් උසස් , සුපිරි, පිරිමැසුම්දායක, සුවපහසු ජීවිතයක් ගත කිරීමට අවශ්‍ය සියලුම පහසුකම් සිය පාරිභෝගිකයින් වෙත පිරිනමමින්  ඉදිවන  Aurum Skyline Residencies සියලු සුපිරි පහසුකම් සහිතව ක්‍රමෝපාය  වශයෙන් වැදගත් වන ස්ථානයක පිහිටා තිබීම ද විශේෂත්වයකි. බුලර්ස් පාර, හැව්ලොක් පාර, ඇල්විටිගල මාවත, නාවල, කිරුලපන පාර සහ බම්බලපිටිය යා කෙරෙන මාර්ගයක පිහිටි Aurum Skyline Residencies ප්‍රමුඛතම පාසැල් වන විශාඛා විද්‍යාලය, රාජකීය විද්‍යාලය,සිරිමාවෝ බාලිකා විද්‍යාලය,  ආදී පාසැල් වෙත පහසුවෙන් ළගා විය හැකි ස්ථානයක පිහිටා තිබේ.  මීට අමතරව සාප්පු සංකීර්ණ, රෝහල්, පමණක් නොව විනෝදාස්වාදය, විලාසිතා සහ ආහාර පාන ආදී සියලු පහසුකම් වෙත පහසුවෙන් ළගාවිය හැකි ස්ථානයක Aurum Skyline Residencies ඉදිවෙයි.

සුපිරි ජීවිතයක් ගත කිරීමට අවශ්‍ය සියලු පහසුකම් වෙත ඉක්මනින් සමීප විය හැකි ක්‍රමෝපාය වශයෙන් වැදගත් ස්ථානයක ඉදිවන Aurum Skyline Residencies අගනුවරදී අත් විඳිය හැකි ඉහළම පහසුකම් වලින් සමන්විත වෙයි. අසමසම ජීවන රටාවකට ගැලපෙන ආකාරයට නිමවන Aurum Skyline Residencies අසාමාන්‍ය ජීවන අත්දැකීම් රැසක් තිලිණ කරදෙයි. Aurum Skyline Residencies මඟින් සුපිරි ජීවිතයක් පමණක් නොව නිදහස සහ ජීවන තත්වයටද කදිමට ගැලපෙන ආකාරයට නිමකෙරෙයි..  Aurum Skyline Residencies හි දොරටු ඔබ වෙත විවර වීමෙන් සුපිරි බව සහ නිදහස් බව පමණක් නොව සාඩම්බර ජීවන තත්වය ද පෙන්නුම් කරයි. මහල් 9ක් පුරා විහිදුන නිවාස ඒකක 45 ක් Aurum Skyline Residencies සතු වන අතර  පළමු මහල සහ බිම් මහල අතර මහලක් සහ මහල් 3ක් වාහන නවතා තැබීම සඳහා වෙන් කෙරෙයි. මෙම නිවාස සංකීර්ණයේ නිවැසියන්ට තම සිතැගියාව පරිදි එක් වාහනයක් හෝ දෙකක් නවතා තැබීම සඳහා අවස්ථාව ලබාගැනීමට මෙහිදී අවස්ථාව සලසා ඇත.

ගෘහ නිර්මාණ ශිල්පයේ විශිෂ්ඨත්වය මැනවින් තහවුරු කරමින් ඉදිකෙරෙන Aurum Skyline Residencies අත්තිවාරමේ සිට විශිෂ්ඨත්වය සහ ගුණාත්මක සුරැකෙන පරිදි ඉදිකිරීමට හෝම් ලෑන්ඩ් ස්කයිලයින් සමාගම අපේක්ෂා කරයි. එම අරමුණ සාක්ෂාත් කරගැනීම සඳහා හෝම් ලෑන්ඩ් ස්කයිලයින් සමාගම විසින් මෙරට ප්‍රමුඛතම ඉදිකිරීම් කොන්ත්‍රාත්කරුවන් මෙම ව්‍යාපෘතිය සඳහා තෝරාගෙන තිබේ. සෑන් පයිලිං පුද්ගලික සමාගම පයිලිං කටයුතු සඳහා යොදාගැනීම තුළින් එම ගුණාත්මක භාවයේ ආරම්භය සංකේතවත් කරයි.

ශ්‍රී ලංකාවේ අංක එක දක්වා වර්ධනය වන ස්මාර්ට්ෆෝන් සන්නාමය වන Huawei  සිය නවතම මධ්‍ය පරාසයේ ස්මාර්ට්ෆෝනය වන Huawei  nova 2i ශ්‍රී ලංකාවට හඳුන්වා දෙයි. මෙම හඳුන්වා දීම පසුගියදා කොළඹ පාක් ස්ට්‍රීට් මිව්ස් හිදී  උත්කර්ෂවත් අන්දමින් පැවැත්විණ. එම අවස්ථාව සඳහා Huawei ශ්‍රී ලංකා ප්‍රධාන විධායක නිලධාරි ෂුන්ලි වොන්ග්, සිංගර් ශ්‍රී ලංකා පීඑල්සී වෙළඳ අධ්‍යක්ෂ කුමාර් සමරසිංහ සහ සිංගර් ශ්‍රී ලංකා  සහ Huawei ශ්‍රී ලංකා හි කළමණාකාරීත්වය සහ අලෙවි නියෝජිතයින් මෙන්ම සහකරුවන් ද එක්ව සිටියහ.

Huawei හි සුපිරි කැමරා තාක්ෂණය මතකයන් සිහිවටන බවට පත්කරගැනීමේදී අතිශය වැදගත් වන අතර මෙම නවතම ස්මාර්ට්ෆෝනය කැමරා 4කින් සමන්විත වෙයි. ඉදිරිපස කැමරා ද්විත්වය flash පහසුකම සහිත 13MP  වන අතර  පසුපස කැමරා  ද්විත්වයද flash පහසුකම සහිත 16MP plus 2MP වෙයි. Huawei nova 2iහි ඉදිරිපස කැමරා ද්විත්වය  ඡායාරූප ලබාගැනීමෙන් පසු ෆෝකස් කළ හැකි ජනප්‍රිය ඡායාරූප අලංකරණ මාදිලියක් වන  bokeh තාක්ෂණයට අනුව නිපදවා තිබේ. මේ නිසා ඉතා සුපැහැදිලි මෙන්ම විචිත්‍රවත් ඡායාරූප ලබාගැනීම සඳහා මෙමඟින් හැකියාව ලැබේ.

පෙනුම සහ හැඩය අතින් සලකා බැලූ කළ Huawei nova 2i මනරම් පෙනුමකින් සහ නිමාවකින් ද යුක්ත වෙයි. කෙළවර හතර මදක් රවුම් හැඩයට නිමවා තිබීම නිසා භාවිතයේ පහසුව මෙන්ම මනා පෙනුමක් ද ලබා දෙයි. අඟල් 5.9ක් වන සම්පූර්ණ තිරයකින්  යුතු මෙම ස්මාර්ට්ෆෝනය අතින් අල්ලා ගැනීමේ පහසුව සැලසෙන ප්‍රමාණයෙන් යුක්ත වෙයි. මෙම ස්මාර්ට්ෆෝනය උසස් තත්වයේ HD දර්ශන ලබාගැනිමේ හැකියාවෙන් යුක්ත වන අතර  එමඟින්  සමාජ මාධ්‍ය , වීඩියෝ නැරඹීම, කියවීම, ක්‍රීඩා කිරීම සහ අන්තර් ජාල පරිහරණය ආදිය සඳහා වැඩි පහසුකම් සපයයි.

Huawei  ස්මාර්ට්ෆෝන් ශ්‍රී ලංකා ප්‍රධාන විධායක නිලධාරි ෂුන්ලි වොන්ග්  මහතා සදහන් කළේ මෙම නවතම හඳුන්වා දීම මෙරට පාරිභෝගිකයින්ට වටිනා අවස්ථාවක්  මෙන්ම  ඔවුන්ගේ ජීවිතයේ නව පරිච්ඡේදයක ආරම්භයක්  ලෙසින් සැලකිය හැකි බවයි. සියලු සම්මතයන් බිඳ හෙළමින් පාරිභෝගික අවශ්‍යතාව මැනවින් හඳුනා ගනිමින්  මෙරට පාරිභෝගිකයින්ට උසස්තම දේ තිළිණ කිරීමට Huawei නිරන්තරයෙන් කටයුතු කරන බව ද හෙතෙම   පෙන්වා දුන්නේය.

Huawei nova 2i ස්මාර්ට්ෆෝනය සියලු පහසුකම් එක්තැන් කළ කේන්ද්‍රස්ථානයක් ලෙස හැඳින්විය හැකිය. flash, dual cameras, fingerprint sensor සහ  USB port ආදී සියල්ල සමමිතක ලෙස කේන්ද්‍රගත කර ඇති බැවින්  අවශ්‍ය උපාංග සියල්ල පහසුවෙන් භාවිත කිරීමට හැකියාව ලැබේ. දකුණු පසින් පිහිටා ඇති ඉදිරි කැමරාව  සහ දකුණු පස පිහිටා ඇති සෙන්සර් පද්ධතිය නිසා  Huawei nova 2i මනරම්  සමබර පෙනුමකින් යුක්ත වෙයි.

Octa-core Kirin 659  ප්‍රොසෙසරයකින් සහ 2.36GHz දක්වා වන් චිප්සෙට් එකකින් මෙන්ම ,  4GB RAM  සහ  64GB ROM ආදී පහසුකම් නිසා   Huawei nova 2i කාර්යක්ෂමතාවයෙන් ඉහළ ස්මාර්ට්ෆෝනයක් ලෙස හැඳින්විය හැකිය.  දිගු කාලයක්  පවතින  3340 mAh බැටරියකින් සහ Android 7- පදනම් වූ  EMUI 5.1ආදී විශේෂතා මෙන්ම  ඩයලොග් ආසියාටා පීඑල්සී හි VoLTE  තාක්ෂණයෙන්ද මෙම ස්මාර්ට්ෆෝනය සමන්විත වෙයි.

මෙම  Huawei nova 2i ස්මාර්ට්ෆෝනය රුපියල් 44900ක මුදලකට මිලදී ගත හැකි අතර එහි ගැපයිට් කළු සහ ප්‍රෙස්ටීජ් රන්වන් යනාදී පැහැයෙන් යුතු ස්මාර්ට්ෆෝන් මෙරටට නිකුත් කර තිබේ. Huawei මධ්‍යස්ථාන, Huawei හි එකම ජාතික බෙදාහරින්නා සහ ශ්‍රී ලංකාවේ ප්‍රමුඛතම ස්මාර්ට්ෆෝන් අලෙවිකරු වන සිංගර් ශ්‍රී ලංකා පීඑල්සී හි පුළුල්තම අලෙවි ජාලය වන සිංගර් මෙගා, සිංගර් ප්ල්ස්, සිසිල් වර්ල්ඩ් ස්ටෝර්ස්, ආදී   ස්ථානවලින් මෙන්ම  420කට අධික ඩිජිටල් මීඩියා අලෙවි ජාලය මෙන්ම 1500කට අධික අලෙවි නියෝජිත ජාලය සහ ඩයලොග් ආසියාටා මධ්‍යස්ථාන, දිවයින පුරා පිහිටි මොබිටෙල් මධ්‍යස්ථාන  ඔස්සේ මෙම ස්මාර්ට්ෆෝනය මිළදී ගත හැකිය.

2017වසරේ දී  BrandZ විසින්  ලොව වටිනාතම සන්නාම 100  ශ්‍රේණිගත කෙරුනු අතර එහි 49වන ස්ථානය හිමි කර ගැනීමට   Huawei සමත් වී තිබේ. එමෙන්ම ලොව හොඳම සන්නාම සඳහා Forbes හි ශ්‍රේණිගත් කිරීමට අනුව  88වන ස්ථානය හිමිකරගෙන සිටින Huawei,  Brand Finance Global 500හි 40වන ස්ථානය හිමිකරගෙන සිටියි. මීට අමතරව 2017වසරේ Interbrand’s හි ශ්‍රේණිගත කිරීම් වලට අනුව  ලොව හොඳම සන්නාමය ලෙස 70වන ස්ථානය හිමිකර ගැනීමට Huawei සමත්ව සිටියි.මෙම වසරට පෙර  Fortune 500  සමාගම් ලැයිස්තුවේ 83 වන ස්ථානය හිමිවූයේ ද Huaweiවෙත ය.  ශ්‍රී ලංකාවේ ස්මාර්ට්ෆෝන් වෙළඳ පළින් 30%ක ප්‍රතිශතයක් අත්පත් කරගනිමින්  Huawei මෙරට අංක එකේ ස්මාර්ට්ෆෝනය බවට පත්වීමට ආසන්නයේ සිටියි.

ශ්‍රී ලංකාවේ විශාලතම රථවාහන ප‍්‍රදර්ශනාගාරයට හිමිකම් කියන වාසනා ටේ‍්‍රඩින් (පුද්ගලික) සමාගම සිය අලෙවියෙන් පසු සේවා අංශය වන වාසනා කෙයාර් (Wasana Care) ආයතනයට  අනුබද්ධ වාසනා මෝටර් ගරාජ් (Wasana Motor Garage) සහ හයි ටෙක්නොලොජි රෙපයාර් සෙන්ටර් (High Technology Repair Center) යන අංශ පසුගියදා සම්පූර්ණයෙන්ම නවීකරණය කර විවෘත කරනු ලැබීය.

අංක 391, මීගමුව පාර, වැලිසර දරන ස්ථානයේ පිහිටි වාසනා කෙයාර් ආයතනයට පැමිණෙන  ඕනෑම කෙනකුට එම නවීකරණය කරන ලද අංශ මගින් පිරිනමන අද්විතීය මට්ටමේ සේවා පහසුකම් අත්විඳිය හැකිය.

ජපාන, චීන ඇතුළු  ඕනෑම මාදිලියේ වාහනයක් අලූත්වැඩියා කිරීම සහ හදිසි අනතුරු රෙපයාර් පහසුකම් ඇතුළු  ඕනෑම තාක්ෂණික සේවාවක් සැපයීම සඳහා වාසනා කෙයාර් විසින් මෙහෙයවනු ලබන පළපුරුදු, කාර්යක්ෂම කාර්ය මණ්ඩලය සැදී පැහැදී සිටියි. හයිබි‍්‍රඞ් සහ ඉලෙක්ටි‍්‍රක් වාහනවල බැටරිවල තත්ත්ව පරීක්ෂා කිරීම, එ්වායේ කාර්යක්ෂමතාව ඉහළ නැංවීම සහ බැටරි අලූතින් යෙදීම ආදී බැටරි නඩත්තු සේවාවන් ඉහළ ප‍්‍රමිතියකින් යුක්තව නවීන තාක්ෂණික උපකරණ භාවිතයෙන් ඉටුකර දීමේ හැකියාවද ආයතනය සතුව තිබේ. හයිබි‍්‍රඞ් රථවල තත්ත්වය ඉහළ නැංවීම තුළින් එ්වායේ පෙට‍්‍රල් පරිභෝජනය වැඩිකිරීම මෙම සේවාවන්හි ප‍්‍රධාන අරමුණකි. අනෙකුත් ආයතනවලට සාපේක්ෂාව ඉතා සාධාරණ මිලකට වාසනා කෙයාර් හරහා මෙම සේවාවන් ලබාගත හැකිවීම විශේෂත්වයකි. බැටරි අලූත්වැඩියාව සඳහා 0772092402 (ෆර්නැන්ඩස්) සහ වාහන අලූත්වැඩියා සඳහා 0772931813 (ප‍්‍රසන්න* ඇමතීමෙන් වැඩි විස්තර දැනගත හැකිය. නොමිලයේ බැටරි පරීක්ෂා කිරීමේ සේවාවක්ද නොවැම්බර් මස 30 වැනි දින දක්වා මෙම ආයතනයේ ක‍්‍රියාත්මක වේ.

වාසනා ටේ‍්‍රඩින් ලංකා (පුද්ගලික) සමාගමින් වාහන මිලදී ගත් පාරිභෝගිකයන්ට පමණක් නොව  ඕනෑම පාරිභෝගිකයකුට මෙම සේවාවන් අත්විඳිය හැකිය. හයිබි‍්‍රඞ් සහ ඉලෙක්ටි‍්‍රක් වාහන මෙරටට හඳුන්වා දීමෙහි ප‍්‍රමුඛයා වන වාසනා ටේ‍්‍රඩින් ලංකා (පුද්ගලික) සමාගම වාහන අලෙවින් පමණක් නොනැවතී පාරිභෝගිකයන්ට අවශ්‍ය තාක්ෂණික දැනුම සහ සේවාවන් ලබාදීමට නිරන්තරයෙන් කැපවී සිටින බවත්, අතිනවීන තාක්ෂණික පහසුකම්වලින් සමන්විත වන පරිදි වාසනා කෙයාර් ආයතනය නවීකරණය කිරීම එහි තවත් එක් ඉදිරි පියවරක් බවත් වාසනා ටේ‍්‍රඩින් ලංකා (පුද්ගලික) සමාගමේ කළමනාකාර අධ්‍යක්ෂ ඉන්දික සම්පත් මෙරෙංචිගේ මහතා පැවැසීය.

චීන වාහනද ඇතුළුව  ඕනෑම වාහනයක අමතර කොටස් ලබාගැනීමට හැකිවීම සහ මෙරටින් මිලදී ගැනීමට නොහැකි අමතර කොටස් කඩිනමින් ගෙන්වා ගැනීමේ පහසුකම්ද ජපන් සමාගමක් හා එක්ව එදිනම හඳුන්වා දෙනු ලැබිණ. අංක 312, මීගමු පාර, නාගොඩ, කඳාන දරන ලිපිනයෙහි වාසනා ටේ‍්‍රඩින් ලංකා ප‍්‍රදර්ශනාගාරය පිහිටා ඇත. 0112241333 යන දුරකථන අංකයෙන් සහ www.trademe.lk යන වෙබ් අඩවියෙන් වැඩිදුර තොරතුරු දැනගත හැකිය.

තොරතුරු හා සන්නිවේදන තාක්ෂණයේ ජාත්‍යන්තර ප්‍රමුඛයා වන Huawei, විදුලි සංදේශ හා ඩිජිටල් යටිතල පහසුකම් අමාත්‍යංශය හා එක්ව සිය ජාත්‍යන්තර ප්‍රජා සේවා වැඩසටහන වන ‘Seeds for the Future’ දෙවන වරටත් දියත් කරයි.  මෙම වැඩසටහන යටතේ පසුගිය වසරේ මුල් වරට ශ්‍රී ලාංකික විශ්ව විද්‍යාල සිසු කණ්ඩායමක් චීනයේ අධ්‍යාපන චාරිකාවක නිරත වූ අතර එහි දෙවන පියවර මෙලෙස ක්‍රියාත්මක කරයි. දේශීය තොරතුරු සන්නිවේදන ක්ෂේත්‍රය නඟා සිටුවීමේ අරමුණින් සංවිධානය කෙරෙන මෙම වැඩසටහන යටතේ මෙවර ශ්‍රී ලාංකිය විශ්ව විද්‍යාල වලින් තෝරාගත් සිසුන් 10දෙනෙක් Huaweiහි පූර්ණ අනුග්‍රාහකත්ව ශිෂ්‍යත්ව ක්‍රමයක් යටතේ  චීන සංචාරයක  යෙදවීමට නියමිතව තිබේ. මෙම අධ්‍යාපන සංචාරය තුළදී  තොරතුරු තාක්ෂණය හා චීන සංස්කෘතිය පිළිබඳ අධ්‍යයනයක නිරත වීම ට මෙම සිසු කණ්ඩායමට අවස්ථාව හිමිවෙයි.

නොවැම්බර්4වනදා සිට නොවැම්බර් 18වනදා දක්වා වන මෙම අධ්‍යයන චාරිකාවේ දී බෙයිජිං භාෂාවේ  අක්ෂර රටා සහ සිතුවම් රටා පිළිබඳව  මෙන්ම චීන සංස්කෘතිය පිළිබඳව ද පළමු සතියේදී  බෙයිජිං නුවර දී   අධ්‍යයනයක නිරත වීමට නියමිතයි. ඉන් අනතුරුව  තොරතුරු සන්නිවේදනය අතින් අති නවීනතම විද්‍යාගාර වලින් සමන්විත  චීනයේ  සෙන්ෂෙන්  හි පිහිටි   Huawei මූලස්ථානයේදී   5G, ක්ලවුඩ් කම්පියුටින්ග්, ආදී ලොව  උසස්තම  තොරතුරු තාක්ෂණික ක්‍රමවේද පිළිබඳ ව ප්‍රායෝගික පුහුණුවක් ලබාගැනීමට ද මෙම සිසුන්ට අවස්ථාව හිමිවනු ඇත.

මෙම අධ්‍යාපනික චාරිකාව සඳහා සත්කාරක අනුග්‍රාහකත්වය දැක්වීම සඳහා Huawei මැදිහත් වන්නේ තොරතුරු තාක්ෂණ විෂය ක්ෂේත්‍රය සඳහා මෙරට  තරුණ තරුණියන් වැඩි වශයෙන් යොමු කරවා ගැනීම  සඳහා ය. ඒ ඔස්සේ මෙරට ඩිජිටල් යටිතල පහසුකම් වර්ධන ක්‍රියාවලිය   ආර්ථිකමය වාසිදායක  ක්‍රියාවලියක් බවට  පත්කරගැනීමට අපේක්ෂිත ය. මෙරටට නවීන තාක්ෂණය හා මුසුවූ පාරිභෝගික විසඳුම් හඳුන්වා දෙමින් සහ  නවීන තාක්ෂයෙන් යුතු Huawei මධ්‍යස්ථාන හඳුන්වා දෙමින් මීට පෙර ද  ශ්‍රී ලංකාවේ තොරතුරු තාක්ෂණික ක්ෂේත්‍රය  ජාත්‍යන්තර මට්ටමට ඔසවා තැබීමට  Huawei කටයුතු කර  තිබේ.

Huawei හි  ප්‍රජා සේවා වැඩසටහන අති සාර්ථක ලෙස දෙවන  වරටත් ක්‍රියාත්මක කිරීම පිළිබඳව අදහස් දැක්වූ විදුලි සංදේශ හා ඩිජිටල් යටිතල පහසුකම් අමාත්‍ය හරීන් ප්‍රනාන්දු මහතා සඳහන් කළේ ශ්‍රී ලංකාවේ තොරතුරු තාක්ෂණ ක්ෂේත්‍රෙය් වර්ධනය සඳහා  Huawei හි එක් පියවරක් ලෙස මෙම ‘Seeds for the Future’ වැඩසටහන හැඳින්විය හැකි බවයි.පසුගිය වසරේ මෙම වැඩසටහන යටතේ යොමුකළ සිසුන් මේ වනවිට එහි සාර්ථක ප්‍රථිපල අත්කරගනිමින් සිටින බව ද අමාත්‍යවරයා පෙන්වා දුන්නේය.  ලොව උසස්ම තාක්ෂණය, කුසලතා, මෙන්ම ශ්‍රී ලංකාවට අවශ්‍ය නවීන තාක්ෂණික උපාංග ආදිය පිළබදව එම සිසුන් පුළුල් අවබෝධයක් ලබා ඇති බවද සඳහන් කළේය. දේශිය ප්‍රජාව, විශ්ව විද්‍යාල , සිසුන්  සහ ශ්‍රී ලාංකේය තොරතුරු තාක්ෂණය යන ක්ෂේත්‍ර වල උන්නතිය සඳහා  Huawei  විසින් ක්‍රියාත්මක කරන මෙම වැඩසටහන අගය කළ යුතු  බවද අමාත්‍යවරයා පෙන්වා දුන්නේය.

‘Seeds for the Future’ ප්‍රජා සේවා වැඩසටහන  2008වසරේ  Huawei විසින් මෙරට දියත් කළ අතර එහිදී තොරතුරු තාක්ෂණ දැනුමින් මෙරට තරුණ ප්‍රජාව සවිබල ගැන්වීම සඳහා  Huawei  ඇප කැපවී කටයුතු කළේය. එම ක්‍රියාකාරකම් මෙරට තරුණ ප්‍රජාවගේ තොරතුරු තාක්ෂණ දැනුම වර්ධනය කරලීමට ඉවහල් වූ අතර එය දේශීය තොරතුරු තාක්ෂණ කර්මාන්තයටද හිතකර අන්දමින් බලපෑවේ ය.

ශ්‍රී ලංකාව වැනි රටකට  මෙවැනි  වැඩසටහනක අවශ්‍යතාව පැහැදිලි කළ ශ්‍රී ලංකාවේ චීන තානාපති ගරු  යී ෂියෑංලියෑං  මහතා සඳහන් කළේ ශ්‍රී ලංකාව සහ චීනය අතර අතීතය දක්වා විහිදුන සබඳතාවක් ඇති බවයි. එම සබඳතා තවදුරටත් තහවුරු  කරමින් ශ්‍රී ලංකාවේ අනාගතය සඳහා අවශ්‍ය තොරතුරු තාක්ෂණ  සහයෝගය ලබා දීමට ජාත්‍යන්තරයේ ප්‍රමුඛ චීන සමාගමක් වන Huawei විසින් ඉටුකරන මෙහෙය අගය කරන බව හෙතෙම පෙන්වා දුන්නේය.

මෙම සංචාරය සඳහා එක්වන සිසුන්ට තාක්ෂණික දැනුම ලබාගන්නා අතරතුර  චීන සංස්කෘතිය පිළිබඳව ද අත්දැකීමක් ලබාගැනීමට හැකිවීම විශේෂත්වයක් බව පෙන්වා දුන් චීන තානාපතිවරයා ලබාගත් තාක්ෂණික දැනුම ඔස්සේ අනාගතයේදී ශ්‍රී ලංකාවට මහත් සේවයක් කිරීමට හැකිවේවා යි පැවසීය.

සිය ප්‍රජා සේවා වැඩසටහනේ දෙවන අදියර දියත් කිරීමේ අවස්ථාවට එක්වූ Huawei ශ්‍රී ලංකා හි  ප්‍රධාන විධායක නිලධාරි ෂුන්ලි වොන්ග් මහතා පැවසූවේ සෑම කර්මාන්තයකම පාහේ ප්‍රමුඛ තැනක් වර්තමානයේදී තොරතුරු තාක්ෂණයට හිමිව ඇති බවයි.  එවන් අවස්ථාවක ජාත්‍යන්තර ප්‍රමුඛයින් වන  Huawei  විවිධ රටවල තොරතුරු  තාක්ෂණය නඟා සිටුවීමේ වැඩ සටහන සඳහා සක්‍රිය අන්දමින් දායක වන්නේ  ආර්ථික,සමාජ සහ පාරිසරික තිරසර භාවයේ  දිගු කාලීන ඉලක්කයක් සහිතව බවද පෙන්වා දුන්නේය. මේ වසර තුළදී ශ්‍රී ලාංකේය විශ්ව විද්‍යාල සිසුන්  10  දෙනෙකු ජාත්‍යන්තර තොරතුරු තාක්ෂණ අත්දැකීම්  සඳහා යොමු කරන බවත්, එමඟින් ඔවුන් තම දැනුම දියුණු කරගනු ඇති බවත් පෙන්වා දුන්නේය.

Huawei ජාලකරණ, වෙළඳ, පාරිභෝගික සහ ක්ලවුඩ් කම්පියුටින්ග්  යන ක්ෂේත්‍රවල ජාත්‍යන්තර ප්‍රමුඛ සමාගමකි. ලොව පුරා රටවල් 170කට අධික සංඛ්‍යාවකට  Huawei සිය නිෂ්පාදන හා  සේවා සපයයි. එම ප්‍රමාණය ලෝක ජනගහණයෙන් තුනෙන් එකකි. වසර 2005දී ශ්‍රී ලංකාවේ මෙහෙයුම් ආරම්භ කළ  Huawei මේ වනවිට  ජනගහනයෙන් 70% ක පමණ පිරිසක් යා කරමින්   මෙරට දුරකථන සේවා සපයන්නන් සමඟ කටයුතු කරමින් සිටියි.

ඉලෙක්ට්‍රොනික භාණ්ඩ නිෂ්පාදන ක්ෂේත්‍රයේ ලොව ජනප්‍රියතම සන්නාමයක් වන SHARP  මේ වනවිට ශ්‍රී ලංකාවේ පාරිභෝගිකයා අතර ද අතිශය ජනප්‍රිය සන්නාමයකි. වසර 2013සිට SHARP නිෂ්පාදන අලෙවි කිරීමේ එකම  නියෝජිතයා වන්නේ සිංගර් සමාගමයි.

1912ජපානයේ පිහිටුවනු ලැබූ SHARP සමාගම නව හඳුන්වා දීම් රැසකට මූලික වූ සමාගමකි.1915සිය  ප්‍රථම හඳුන්වාදීම  සිදුකරන SHARP සමාගම කාර්මික පැන්සලක් හඳුන්වා දෙයි. එය නම් කරන්නේ ‘Ever-Ready SharpPencil’නමිනි.  පළමු හඳුන්වා දීමෙන්  පසු වර්තමානයේ පවා  ජනප්‍රියව ඇති  තවත් නිපැයුම් රැසක්  ඉදිරිපත් කිරීමට   SHARP සමාගම සමත් විය. ඒ අතර  ලොව මුල්ම ට්‍රාන්සිස්ටර් කැල්කියුලේටරය වැනි නව හඳුන්වාදීම් රැසක් ද විය.

ඉන් අනතුරුව SHARP සමාගම විසින්  සාක්කු කැල්කියුලේටරය හඳුන්වා දෙන ලදී. TFT LCD TV  සහ  LED TV හඳුන්වාදීමේ පුරෝගාමියා වන්නේ ද  SHARP සමාගමයි. වර්ෂ 1988දී SHARP සමාගම විසින් එම රූපවාහිනී  හඳුන්වා දෙන ලදී.

SHARP සමාගමේ නවතම හඳුන්වාදීම වන්නේ  වර්ණ 4ක ‘Quattron Pro’පුවරුවයි. එමෙන්ම ලොව ප්‍රමුඛතම 8K LED TV සහිත  වර්ණ 4පුවරුවද SHARP සමාගමේ අනගිතම   නිෂ්පාදනයකි.  SHARP සමාගමේ තවත්  නවතම හඳුන්වාදීමක් වශයෙන්  ‘Plasmacluster Ion’ වායු පෙරහන් පද්ධතිය සැලකිය හැකිය.

වසර ගණනාවක් ලොව පුරා ජනප්‍රියතම සන්නාමයක් වන SHARP සමාගමේ නිපැයුම් අතරින් ශ්‍රී ලංකාවේ දේශගුණයට සරිලන, ජීවන රටාවට ගැපෙන නිපැයුම් මෙරටට ගෙන්වා බෙදාහරින්නේ  සිංගර් ශ්‍රී ලංකා සමාගම යි. අඟල් 32සිට  විශාල පුළුල් තිර දක්වා වන LED  රූපවාහිනී, මයික්‍රොවේව් උදුන, රෙදි සෝදන යන්ත්‍ර, වායු පෙරහන් පද්ධති, විදුලි පංකා, වැක්‍යුම් ක්ලීනර්ස්,  විශාල ප්‍රමාණයේ රයිස් කුකර්, ආදී නිපැයුම් පෙළක් සිංගර් සමාගම විසින් මෙරට අලෙවි කරයි.

සිංගර් විසින් අලෙවි කරන SHARP නිෂ්පාදන සඳහා විශිෂ්ඨ වගකීම් සහතිකයක් පිරිනමන අතර රූපවාහිනී යන්ත්‍ර සඳහා වසර දෙකක විශේෂ වගකීමේ සහතිකයක් පිරිනමයි. වර්තමානය වනවිට SHARP නිෂ්පාදන සියලුම සිංගර්  හා සිසිල් අලෙවිසැල්,  හා නියෝජිත ජාලය ඔස්සේ මිලදී ගත හැකිය. තීරු බදු රහිත ක්‍රමයට භාණ්ඩ මිලදී ගැනීමට අවශ්‍ය පාරිභෝගිකයින් සඳහා සිංගර් හි ප්‍රදර්ශණාගාරයක්  කටුනායක බණ්ඩාරණායක ජාත්‍යන්තර ගුවන් තොටුපළේ තීරු බදු රහිත සාප්පු සංකීර්ණයේ  පිහිටුවා ඇති අතර එහිදී  ද SHARP නිෂ්පාදන මිලදී ගැනීමට අවස්ථාව හිමිවෙයි.

අගනා පහසු ගෙවීමේ ක්‍රම , පොලී රහිත පහසු ගෙවීමේ ක්‍රමවේද,  විශේෂ වට්ටම් සහ දීමනා පාරිභෝගිකයින් වෙත පිරිනමමින්, ලොව ප්‍රමුඛ සන්නාමවලින් යුතු භාණ්ඩ රැසක් මෙරට පාරිභෝගිකයා වෙත සමීප කරවීමට සිංගර් සමාගම සමත්ව තිබේ.  සිංගර් සමාගම විසින්  හඳුන්වා දුන්  “සිංගර් සැනසුම “යන  දීර්ඝ කළ හැකි වගකීමේ ක්‍රමවේදය SHARP නිෂ්පාදන සඳහා ද ලබාගත හැකි  වීම විශේෂත්වයකි. සිංගර් වගකීමේ සහතිකය වෙනුවට නියම SHARPනිෂ්පාදන මිලදී ගැනීමේදී  එම දීර්ඝ කළ හැකි වගකීමේ ක්‍රමවේදය ද හඳුන්වා දෙනු ලැබේ.

Page 1 of 7

IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 4475

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 4135

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 7241

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4541

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2887

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3696

Please publish modules in offcanvas position.

Web Analytics