Coss Ear2
lakbima.lk
COSS Ear 1

හොල්මන් අවතාර ඇතිද නැතිද යන්න පිළිබඳව කාලයක් තිස්සේ වාද විවාද සිදුවෙමින් පවතී. ඉදිරියටත් එසේම පවතිනු ඇත. එ්වා සැබවින්ම තිබුණ ද නැති ද එ් පිළිබඳ මිනිසුන් අතර පවතින මතිමතාන්තර නම් නිරන්තරයෙන් හොල්මන් කරමින් තිබේ. මේ නිසා හොල්මන් ගැන යමක් කතා කිරීමේ එතරම් වරදක් නැතැයි සිතේ. සිතේ අවුලක් ඇත් නම් මේ ලිපිය රාත‍්‍රී කාලයේ දී කියවීමෙන් වැළකී දහවලේ දී පමණක් කියවීම සුදුසුය. කෙසේ නමුත් මේ කියන්නට සැරසෙන්නේ එසේ මෙසේ හොල්මන් නොව, හොල්මන් බවට පත් වූයේ යැයි ලොව පුරා ප‍්‍රකටව ඇති සුප‍්‍රකට පුද්ගලයන් ගැනය. මේ කිසිවකු අප රටේ නැති නිසා බයක් නැතිව කියවිය හැකි බවට සහතික වන්නට ද පුළුවන. 
 
මැරිලින් මොන්රෝ
කලෙක ලොව සිටී සුරූපී, අනුරාගී හොලිවුඞ් නිළියක වූ මැරිලින් මොන්රෝගේ මරණය ද අභිරහසකි. එ් පිටුපස ඇමෙරිකානු ජනපතිවරු ද සිටින බවට කට කතා පවතී. කෙසේ වෙතත් ඇගේ මරණින් පසු හොල්මනක් බවට පත්ව හොල්මන් කරනා බවට බොහෝ කතා ඇසේ. ඈ අධික ලෙස නිදිපෙති පානය කිරීමෙන් පසු මිය ගොස් සිටි බෙන්ට්වුඞ් නිවස අවට මෙන්ම හොලිවුඩයේ ඇති රූස්වෙල්ට් හෝටලයේ ද ඇගේ හොල්මන් සැරිසරන බවට දැනගන්නට ලැබී තිබේ. මෙය ඇය නිතර ආ ගිය නැවතී සිටි ස්ථානයකි. අද පවා මෙයට පැමිණෙන අමුත්තන් පවසන්නේ මැරිලින් මොන්රෝගේ පෙනුම ඇති සුරූපී කාන්තාවක් පැමිණ තමන් සමග කතා බහ කොට හිටිවනම අතුරුදන් වන බවයි.
 
ඕර්සන් වෙල්ස්
ඕර්සන් වෙල්ස් යනු හොලිවුඩයේ ඉතිහාස ගත නළුවකු හා අධ්‍යක්ෂවරයෙකි. ලෝකයේ ශ්‍රේෂ්ඨ යැයි සැලකෙන සිනමා නිර්මාණ අතර පවතින, ‘සිටිසන් කේන්’ හි රංගනයේ යෙදී ඇති ඔහු විලියම් ශේක්ෂපියර් ගේ ‘ජුලියස් සීසර්’ වේදිකා නාට්‍යයේ ද රංගනයේ යෙදුණු විශිෂ්ට ගණයේ ශිල්පියෙකි. ඔහු ආහාර කෙරෙහි ඉමහත් ලෝලීත්වයක් දැක් වූ පුද්ගලයකු ලෙස ද ප‍්‍රකටය. මේ නිසා ඔහු නිතර හොල්මන් කරන්නේ යැයි පැවසෙන්නේ ආහාර බහුලව ඇති තැන්වලය. එවැනි එක් තැනක් වන්නේ ලොස් ඇන්ජලිස් හි මෙල්රෝස් වීදියේ පවතින ‘ස්වීට්ලේඩි ජේන්’ බේකරියයි. මෙහි සේවකයන් පවසන්නේ කළු පැහැ ඇදුමක් ලා ගත් ප‍්‍රමාණයෙන් විශාල මිනිසකු බේකරියේ කොනකට වී සුරුට්ටුවක් උරමින් බ‍්‍රැන්ඩි වීදුරුවක් රස විදිමින් සිටිනු බොහෝ වතාවක් දැක ඇති බව ය.  ඕර්සන් වෙල්ස් ජීවත්ව සිටි සමයේ නිතරම සිට ඇත්තේ මෙම ස්ථානයේමය. 
 
ජෝන් ලෙනන්
ජෝන් ලෙනන් යනු ඉංග‍්‍රීසි ජාතික සුප‍්‍රකට ගායකයකු හා සංගීතඥයෙකි. බීට්ල්ස් නමින් පැවති ලෝක ප‍්‍රසිද්ධ සංගීත කණ්ඩායමේ සමාරම්භකයකු ද වන්නේ ය. ඔහු මිය ගියේ වෙඩි වැදීමෙනි. ජෝන් ලෙනන් ගේ සමීපතම සංගීත සගයකු වූ පෝල් මැකාර්ට්නි වරෙක පවසා සිටියේ ජෝන් අවසන් නොකළ සංගීත සංධ්වනියක වැඩ කරමින් සිටින අතරේ ජෝන් ලෙනන් පෙනී සිටිනු දුටු බවය. නිව්යෝර්කයේ ඇති ඩැකෝටා ගොඩනැගිල්ල ද ජෝන් ලෙනන්ගේ අවතාරය නිතර දක්නට ලැබුණු ස්ථානයක් යැයි පැවැසේ. මෙම ගොඩනැගිල්ල හා ජෝන් ලෙනන්ගේ ජීවිතයේ බොහෝ අවස්ථාවන් සම්බන්ධතාවක් පවතී. 
 
ඒබ‍්‍රහම් ලින්කන්
එ්බ‍්‍රහම් ලින්කන් ඇමෙරිකා එක්සත් ජනපදයේ දහසය වැනි ජනාධිපතිවරයාය. ජීවිතයේ පහළම ස්ථානයේ සිට රටක ඉහළම ස්ථානය දක්වා ගමන් කළ පුද්ගලයකු සඳහා දිය හැකි හොඳම නිදසුන වන්නේ එ්බ‍්‍රහම් ලින්කන් චරිතයයි. ඇමෙරිකානු ජනපතිවරුන් සඳහා ලබා දෙන නිල නිවාසය වූ ධවල මන්දිරයේ ඔහුගේ අවතාරය සැරිසරනු බොහෝ දෙනෙක් බොහෝ වාරයක් දැක තිබේ. ඔහුගේ අවතාරය දැක ඇතැයි පවසන්නේ සාමාන්‍ය පුද්ගලයන් පමණක් නොවේ. මහා බි‍්‍රතාන්‍යයේ සිටි අගමැතිවරයකු වූ වින්ස්ටන් චර්චිල් මේ අතරින් එක් අයෙකි. ඔහු පවසන්නේ එ්බ‍්‍රහම් ලින්කන් සුරුට්ටුවක් බොමින් නාන බේසමෙන් නැගිට යනු දුටු බවය. එ් චර්චිල් අගමැතිවරයා ලින්කන් ජීවත්ව සිටි කාලයේ භාවිත කළ කාමරයේ සිටියදීය. ඉන් පසු කිසිම දාක චර්චිල් අගමැතිවරයා ධවල මන්දිරයට පැමිණි කිසිම අවස්ථාවක ලින්කන්ගේ කාමරයෙහි නැවතී නොසිටි බව පැවැසේ.
 
එල්විස් ප්‍රෙස්ලි
රොක් ඇන්ඞ් රොල් සංගීත ලෝකයේ රජු ලෙස කිරුළු පැලැඳ සිටි එල්විස් ප්‍රෙස්ලි ද අවසානයේ නැවතුනේ හොල්මනක් බවට පත්වීමෙනි. ඔහු 1977 අගෝස්තු 16 වැනිදා හෘදයාබාධයක් වැළදීමෙන් අකාලයේ මරුමුවට පත් වූයේය. එ් ඔහුගේම නිවසේ නාන කාමරයේදී ය. ඔහුගේ මරණින් පසු සිය නිවස අසල නිතර හොල්මන් කරමින් සිටි බවට බොහෝ පුද්ගලයෝ පවසති. ලාස්වේගාස්හි හිල්ටන් හෝටලයේ ද ඔහුගේ අවතරය නිතර දර්ශනය වූ තවත් ස්ථානයකි. එමෙන්ම ඔහුගේ ගීත නිතර පටිගත කෙරුණු ශබ්දාගාරවලදී ද අවතාරයක් බවට පත් වූ එල්විස් දර්ශනය වී තිබේ. 
 
ඇමී වයින්හවුස් 
ඇමී වයින්හවුස් ඉංග‍්‍රීසි ජාතික ගායිකාවක හා ගීත රචිකාවක විය. ඇයට අවුරුදු 27ක්ව තිබියදී 2011 වසරේදී මත්පැන් විෂවීමෙන් මරුමුවට පත් වූවාය. පීට් ඩොහර්ටි නම් ඉංග‍්‍රීසි ජාතික සංගීතඥයා පවසන්නේ තමාට අයත් මහල් නිවාසයේ ඇමී වයින්හවුස් හොල්මන් කරනා බවය. ඔහු මෙයට කෙතරම් බිය වී ඇති ද කිවහොත් සිය මව්රටින් ද බැහැරව ගොස් ප‍්‍රංශයේ පැරීසියේ කලක් ජීවත්ව සිටි බව ද පැවසේ. ඔහු කලක් ඇමීගේ සමීපතමයෙකු බවට පත්වී සිටියේය. 
මේ පවසන ලද පුද්ගලයන්ට අමතරව ඇමෙරිකාවේ හිටපු ජනපතිවරයකු වූ ජෝන් එෆ්. කෙනඩි, ඇමෙරිකානු ගායකයකු වූ ජිම් මොරිසන්, ඇමෙරිකානු මොස්තර නිරූපණ ශිල්පිනියක වූ ඇනා නිකෝල් ස්මිත් ආදීන් ද අවතාර බවට පත්ව ඇති බවට පැවැසේ. 
 
නිරංජන් චාමින්ද කරුණාතිලක

නව යොවුන් වියේදීම නිළියන් එක්ක පවා තරග කරලා රූ රැජින විදියට කිරුළු දැරූ දා ඔබට ගොඩක් සතුටු දැනෙන්න ඇති..
1992 දී මම සේවිකා රූ රැජින විදියට කිරුළු දැරුවා. එදා ඒ තරගයට එවකට හිටපු ජනප්‍රිය නිරූපිකාවන් වගේම නිළියකුත් ඉදිරිපත් වී සිටියා. ඒ අය අභිභවා කිරුළ හිමිකර ගැනීම සතුටට කරුණක් නොවෙයිද?
 
රූපය, ගායන හැකියාව, රංගන හැකියාව උපතින් හිමිවීම ගැනත් ඒ වගේම සතුටු ඇති නේද? 
මම රූ රැජිනක් විදියට කිරුළු දැරුවා. ගායිකාවක් විදියට ඉහළම ජනප්‍රියතාවක් ලැබුවා. රංගනයට, නිවේදනයට එකතු වුණා. ඒ හැමදේම ගැන හිතද්දී සතුටුයි තමයි.
 
ඒ කා‍ලේ ගායිකාවක් විදියට ජනප්‍රිය වුණත් නිළියක් විදියට ලොකු ගමනක් යන්න ලැබුණේ නැහැ. ඒ ගැන දුකක් නැද්ද?
 ඒ දවස්වල මට එක දිගට චිත්‍රපට ලැබුණා. ඒත් අම්මගෙ තහංචි හින්දා ඒ අවස්ථා මගෙන් ගිලිහී ගියා. ඒ දවස්වල ඒ ගැන පුදුමාකාර විදියට දුක්වුණා. හැඬුවා. හැබැයි එතකොට මට වයස 21-22 විතර ඇති.
 
ඒ කියන්නේ අද ඒ ගැන දුකක් නැහැ? 
මම පුංචි සිදුවීමක් කියන්නම්. ඒ කා‍ලේ අතිශය ජනප්‍රිය අධ්‍යක්ෂවරයෙක් මට එයාගේ චිත්‍රපටයට කතා කළා. මේ රටේ ඉහළම ජනප්‍රිය තරු තමයි ඒකේ රඟපෑවේ. ඒ අය මාව මුණගැහෙන්න අපේ ගෙදර ආපු දවසේ අම්මා මාව කාමරේක දාලා දොර ලොක් කළා. මම කාමරේට වෙලා ඉකි ගහගහ ඇඬුවා. කාලෙකට පස්සේ මම ගෙදර සාලෙට වෙලා මගේ ළමයි දෙන්නට කෑම කවන වෙලාවක ටී.වී. එකේ චිත්‍රපටයක් යනවා. ජනප්‍රිය තරුණ නිළියක් නාන ඇඳුමින් සැරසිලා නාන තටාකයකින් මතුවනවා. ජනප්‍රිය නළුවෙක් නාන ඇඳුමින් එතැන ඉන්නවා. අම්මා මට කිව්වා. “එදා මම ඔයාව කාමරේට දාලා දොර වැහුවේ නැත්නම් මේ සීන් එකේ ඉන්නේ ඔයා. එහෙනම් ළමයින්ට බත් කව කවා පෙන්නන්න වෙන්නේ ඔයා රඟපාපු මේ ජවනිකාව“ කියලා. ඒ වෙලාවේ මට අම්මාගේ කකුල් දෙක අල්ලලා වඳින්න හිතුණා. එදා අම්මා පනවපු සීමා තහංචි හින්දා නේද අද මගේ ජීවිතේ සාර්ථක වෙලා තියෙන්නේ කියලා හිතද්දී ලොකු සතුටක් දැනෙනවා. 
 
ඒත් ඔබේ සමකාලීන ගායිකාවන් අද ඔබව අභිභවා ගිහින් කියලා හිතෙද්දී දුකක් දැනෙන්නේ නැද්ද?
ඒකට කලින් දීපු උත්තරේ සම්බන්ධයි. මම කලා ජීවිතේ සීමා කරගත්තේ මගේ පෞද්ගලික ජීවිතේ සාර්ථක කරගන්න. “රෝඩ් ෂෝ”වලට නාමල් උඩුගමයි මමයි අත්‍යවශ්‍ය චරිත දෙකක් තිබූ යුගයක් තිබුණා. ඒ ජනප්‍රියත්වය ඒ විදියටම හැමදාම තියෙන්නේ නැහැ. අලුත් අය ඒ තැන්වලට එනවා. ගායිකාවක විදියට පවතින්න, ඒ තුළම රැඳෙන්න කැපවෙලා කටයුතු කළා නම් පෞද්ගලික ජීවිතය, පවුල් ජීවිතය තුළ ගැටලු මතුවන්න තිබුණා. ඒ හින්දා මට ඔය කාරණය ගැන කිසි දුකක් නැහැ. ඒ ඔක්කොටම වඩා මම දැන් ලොකු සමාජ මෙහෙවරක් කරනවා. මම රූපලාවන්‍ය ගැන වගේම පෞරුෂ සංවර්ධනය ගැනත් දේශනා දෙනවා. කලාකාරිනියක් විදියට ලැබූ ජනප්‍රියත්වය වගේම නම කැත කරගන්නේ නැතුව ජීවිතය අරගෙන ආපු හින්දයි මට අද අනිත් අයට උපදෙස් දෙන්න පුළුවන් විදියේ ප්‍රතිරූපයක් ගොඩ නැගිලා තියෙන්නේ.
 
ඔබ කියන විදියට ඔබේ ජීවිතය හැම අතින්ම පරිපූර්ණයි. තෘප්තිමත්... කිසිම දුකක් ජීවිතයේ කොනකවත් නැද්ද?
 එකම එක දුකක් තියෙනවා. 
 
මොකක්ද ඒ දුක? 
මම සමාජයට මෙහෙවරක් කරන්න හරි කැමතියි. දේශපාලනයට පිවිසිලා රටට යමක් කරන්න ආශාව හිතේ තියෙන කාලෙදී දේශපාලන පක්ෂ කිහිපයකින්ම ආරාධනා ලැබුණා. මම රඟපාන්නේ නිවේදනය කරන්නේ සමාජ කටයුතු කරන්නේ සැමියාගෙන් අහලා. දේශපාලනයට යන්න ඔහුගෙන් අවසර ඉල්ලුවා. 
 
ඔහු දුන් පිළිතුර ඔබව දුකට පත්කළාද?
දේශපාලනයට යන්න අවසර දෙන්න දවස් දෙකක් කල් දෙන්න කියලා සුසන්ත කිව්වා. මම ඇයි කියල අහද්දී ඔහු කිව්වා. දවස් දෙකක් ඇති ඩිවෝස් පේපර්ස් ලෑස්ති කරන්න කියලා. මගේ හැම කටයුත්තකටම සහය දෙන සැමියගෙ සිතැඟි ඒ උත්තරයෙන් මම තේරුම් ගත්තා. මම ඒ මොහොතේම දේශපාලනයට යන අදහස අත හැරියා. හැබැයි සුසන්තවත් මමවත් දේශපාලනය නරකයි කියන්නේ නැහැ. දේශපාලනය හොඳයි. ඒත් මගේ හිතේ තියෙන පිරිසිදු දේශපාලන වටාපිටාවක් මට ලැබෙන එකක් නැති හින්දයි එදා අපි ඒ තීරණය ගත්තේ. 
 
ආරියවංශ කුලතිලක

මේ උදා වී තිබෙන්නේ නත්තල් බැති ගී දසතින්ම ඇසෙන සමයක්. නත්තල උදාවන්නේ අද රාත්‍රියේ වුවත් මේ දෙසැම්බර් මාසය පුරා නත්තල හා බැඳුණු ගීත මාධ්‍ය ඔස්සේ නිතර අසන්නට ලැබෙනවා. ඒ බැති ගී ගායනා කරන ගායක ගායිකාවන් අතරින් කිසිසේත්ම අමතක කළ නොහැකි ගායකයෙක් තමයි අනිල් භාරතී කියන්නේ. දශක ගණනාවක් තිස්සේ ගායන 
ක්ෂේත්‍රයේ රැඳී සිටින ඔහු නත්තල් සමයට ඉහළම ඉල්ලුමක් තිබෙන ගායකයෙක් බවද අමුතුවෙන් කිව යුතු නැහැ. නත්තල වෙනුවෙන් පැවැත්වෙන ප්‍රසංග අතරේ බොහොම කාර්ය බහුලම සිටියදීයි අනිල් කලකට පසු අප සමග මෙම කතා බහට එක් වුණේ.
 
අනිල් භාරතී කියන්නේ නත්තල් මාසයත් එක්ක බැඳිලා තියෙන නමක් වගෙයි කීවොත් නිවැරදියි නේද? 
ඒක ඇත්ත. මම අවුරුද්දේ වැඩිපුරම කාර්ය බහුල වෙන මාසය තමයි නත්තල් මාසය. මොකද නත්තල් මාසෙටනේ මට තියෙන ඉල්ලුම වැඩි වෙන්නේ. 
 
සාමාන්‍යයෙන් නත්තල් මාසෙට කොච්චර විතර ප්‍රසංගවලට ඔබට සහභාගි වෙන්න සිදුවෙනවාද? 
ගණන් කරලා කියන්න බැරි තරමට මේ කාලෙට මට ආරාධනා ලැබෙනවා. රට පුරා තියෙන විවිධ ආයතනවල කැරොල් ප්‍රසංග, රූපවාහිනී නාලිකාවල වැඩසටහන් ආදියට මේ දවස්වල මාව නැතුවම බැරි ගායකයෙක් බවට පත් වෙලයි තියෙන්නේ. 
 
අද වෙද්දී ඔබ කොච්චර විතර නත්තල් ගීත ගායනා කරලා තියෙනවාද කියලා මතකද? 
මම මේ වෙනකොට මගේම ගීත 100කට වැඩි සංඛ්‍යාවක් ගායනා කරලා තියෙනවා. ඒ අතරින් 50කට වැඩි ගණනක් නත්තල් ගීත. 
 
ඔබ නත්තලට විතරක් කළ එළි බහිනා ගායකයෙක් විදිහට ඇතැමුන් ඔබව දකින්නේ ඔය තරම් විශාල කතෝලික ගීත එකතුවක් ඔබ සතුව තිබෙන නිසාම වෙන්න ඇති නේද? 
ඒකත් එක හේතුවක් වෙන්න පුළුවන්. අනික අපේ ගීත දැන් මාධ්‍ය වලින් ප්‍රචාරය කරනවාත් අඩුයිනේ. ඒනිසාත් මම නත්තල් ගීත විතරක් ගායනා කරන ගායකයෙක් විදිහට ඇතැමුන්ට පේනවා ඇති. 
 
ඒ අතරින් වැඩිපුරම ජනප්‍රිය වුණේ මොන ගීතයද කියලා කියන්න පුළුවන්ද? 
මම හිතන්නේ බෙත්ලෙහෙම් පුරේ දිළිඳු ගවලෙනේ කියන ගීතය තමයි මගේ නත්තල් ගීත අතරින් වැඩිපුරම ජනතාව අතරට ගියේ. 
 
කොහොමද ඒ ගීතය ඔබට ගායනා කරන්න ලැබුණේ? 
මම ගායනා ජීවිතය ආරම්භ කළේ ක්ලැරන්ස් විජේවර්ධන ප්‍රමුඛ ගෝල්ඩන් චයිම්ස් සංගීත කණ්ඩායමෙන්. ඒ කා‍ලේ ක්ලැරන්ස්ට වුවමනා වුණා නත්තල් ගීතයක් නිර්මාණය කරන්න. විශේෂිතම කාරණය තමයි ඔහු මේ ගීතය රචනා කර ගන්න ගියේ. කතෝලිකයෙක් ළඟට ‍නෙවෙයි බෞද්ධයෙක් ළඟට. 
 
ඒ කියන්නේ මේ ගීතය රචනා කළේ බෞද්ධයෙක්? 
ඔව්. ඒ පද රචකයා තමයි කරුණාරත්න අබේසේකර. එදා ගීතය නිර්මාණය වූ දා පටන් අද දක්වා දශක හතරක කාලයක් ගතවෙලා තිබුණත් බෙත්ලෙහෙම් පුරේ ගීතයේ ජනප්‍රියත්වය වැඩි වෙලා මිසක් අඩු වෙලා නැහැ. 
 
ගෝල්ඩන් චයිම්ස් සංගීත කණ්ඩායමෙන් ඉවත්වෙන ඔබ කණ්ඩායම් සංගීතයෙනුත් සදහටම ඉවත් වන්නට වුණා නේද? 
ඔව්. ගෝල්ඩන් චයිම්ස් සංගීත කණ්ඩායමේ අවුරුදු 5ක් විතර ඉඳලා මම ගායකයෙක් විදිහට තනිව ගමනක් යන්න පටන් ගත්තා. මොකද කණ්ඩායම් සංගීතයත් එක්ක ගියා නම් මට ගායකයෙක් විදිහට මේ තරම් ජනප්‍රිය වෙන්න බැරි වෙනවා. 
 
ඒ ජනප්‍රියත්වයට සාක්ෂි විදියට රසිකයන් වැලඳගත් ගීත රැසක් ඔබ සතුව තිබෙනවා? 
ඔව්. අද මෙන් ඉරු දින මා ආදරෙයි සඳයි තරුයි සහ ටිකිරි මලී මගේ බොහෝ ගීත හුඟක් ජනප්‍රිය වුණා. මේ ගීතත් එක්ක අවුරුදු 45ක් තිස්සේ ජනප්‍රියත්වය එක විදිහටම පවත්වාගෙන යන්න ලැබිම ලොකු වාසනාවක් විදිහටයි මට දැනෙන්නේ. 
 
ඒ වාසනාවත් එක්ක වෘත්තීයමය ගායකයෙක් විදිහට ජීවිතය ආර්ථික ස්ථාවරත්වයක් ඇති කරගන්න ඔබට හැකි වුණාද? 
දැන් කා‍ලේ ගායක ගායිකාවන්ට වගේ ‍නෙවෙයි. සෙමින් කටුක ගමනක් ඇවිල්ලයි මම අද මේ තත්ත්වයේ ඉන්නේ. හැමදෙයක්ම කළමනාකරණය කරගෙන ඒ ගමන ආපු නිසා මම අද මගේ පවු‍ලේ උදවියත් එක්ක සතුටින් ජීවත් වෙනවා. 
 
කිෂාන් කනංකෙ
 
ඡායාරූපය: ලක්මාල් වසන්ත

ඔබ පැවිදි දිවියට පා තැබූ බවට සමාජ මාධ්‍ය ජාලා ඔස්සේ මේ දිනවල ඡායාරූප පෙළක් සමග පුවතක් හුවමාරු වෙනවා. මොකක්ද මේ කතාවේ ඇත්ත නැත්ත?
ඔව්. මේ අවස්ථාව මගේ ජීවිතයට ලැබුණ වටිනාම අවස්ථාවක්. මට මෙහෙණින් වහන්සේ නමක් ලෙසට චරිතයක් නිරූපණය කරන්නට අවස්ථාවක් ලැබුණා. ඒ නවක අධ්‍යක්ෂවරයෙක් වන බරණ රනසෙන් ගේ මල් ලස්සනයි කියන කෙටි චිත්‍රපටයට. මේ කෙටි චිත්‍රපටය සඳහා මාව මෙහෙණින් වහන්සේ නමක් විදියට වේශ නිරූපණය කළා. ඒ ඡායාරූප තමයි අන්තර්ජාලයේ ඔය විදියට හුවමාරු වෙන්නේ.
 
කසාවතින් සිරුරු වසාගනිද්දී ඔබට මොනවගේ හැඟීමක්ද ඇති වුණේ..?
මම මුලින්ම කල්පනා කළා කොණ්ඩේ තට්ටේ ගාන්නේ නැතිව මෙහෙණියක ලෙස සිවුරු දැරීම සාර්ථක වෙයිද කියලා. මොකද ඒ වගේ චරිතයකදී අංග රචනය අසාර්ථක වුණොත් මිනිස්සුන්ට ඒ චරිතේ දැනෙන්නේ නැහැ. මේ හින්දා මගේ කොණ්ඩෙ පෙනෙයිද කියලා මට මුලින් ‍පොඩි කුතුහලයක් තිබ්බා. නමුත් වේශ නිරූපණ ශිල්පියා බුවනෙක රණවක කියලා දැනගත්තම මට තිබ්බ බය නැති වුණා. චරිතයට අදාළ විදිහටම හොඳ වේශ නිරූපණයක් මට ලැබුණා.
 
මහණදම් පුරන්නට සිත හදාගන්නවා කියන එක ලෙහෙසි පහසු වැඩක් නෙමෙයි. සැබෑවට නොවුණත් ඒ වගේ චරිතයකට අවතීර්ණ වෙද්දී හොඳ සංයමයක්, ඉවසීමක් අවශ්‍ය වෙනවා. මේ කියන දේවල් ඔබට තිබුණද..?
බරණ මට මෙහෙණින් වහන්සේ නමක් ලෙස රඟපාන්න ආරාධනා කළාම මුලදිනම් ඇති වුණේ විශාල සතුටක්. ඒ වගේම මෙහෙණින් වහන්සේ නමකගේ චරිතයක් කරන්න ඕන කියලා මට මුල ඉඳලම ලොකු ආශාවකුත් තිබ්බා. ඒ නිසා මේ අවස්ථාව ලැබුණ ගමන් මම හා කිව්වා. ඒ ගැන දෙපාරක් හිතුවේ නැහැ. මෙහෙණියක ලෙස සැරසිලා හිටපු මාව දකිනකොට මට දැනුණේ පුදුම පහන් හැඟීමක්. අනේ මටත් මෙහෙම ඉන්න පුළුවන් නම් කියලා හිතුණා. සිවුර ඇන්දම මෙහෙණින් වහන්සේ නමකට තිබෙන්න ඕනේ සංයමය නිරායාසයෙන්ම මගේ ඇඟට ආවා. මට ලොකු පදවියක් ලැබුණා වගේ දැනුණා.
 
ඔබට කවදහරි දවසක ඇත්තටම මෙහෙණින් වහන්සේ නමක් වෙන්න හිතුණොත්.?
සිවුර ඇඟට දාගත්තම මටත් මහණදම් පුරමින් ඉන්න තිබෙනවා නම් කොයිතරම් සැනසීමක් තියෙනවද කියලා හිතුණා. ඒත් මට තිබෙන බැඳීම්, වගකීම් එක්ක ඒ වගේ තීරණයක් ගන්න නම් මේ ආත්මෙ බැරි වෙයි. ඒත් ජීවිතේ කවදාහරි දවසක මැරෙන්න කලින් ටික කාලෙකට හරි සිවුරක් දරන්න පුළුවන් නම් හොඳයි කියන හැඟීම හිත කොණක හැංගිලා තියෙනවා.
 
සිවුර දරාගෙන ඔබ ඉදිරියට එනවිට ලැබුණ ප්‍රතිචාර මොනවගේද..?
රූගතකිරීම් තිබුණේ පන්සලක. ඒ නිසා මම කාටවත් පේන්න ආවේ නැහැ. මොකද පන්සලට වඳින්න මිනිස්සු එනවනේ. එයාලා ඇත්තටම මෙහෙණින් වහන්සේ නමක් විදිහට මා දිහා බැලුවොත් පව් සිද්ධ වෙයි කියලා මට හිතුණා.
 
සමහරවිට ලැබුණ ප්‍රතිචාර එක්කම ඔබට තවත් මෙවැනිම චරිතයකට ආරාධනා ලැබෙන්නත් පුළුවන් නේද..?
ඔව්. දැනටමත් මගේ ඡායාරූප දැකලා මේ වගේම ටෙලි නාට්‍යයක් කරන්න අදහසක් ආවා. එක් නිර්මාණකරුවෙක් මට කතා කළා. ඔය විදියේ ආරාධනා ඉදිරියටත් තව එන්න පුළුවන්. 
 
සමන්මලී නැලිගම

මීට කලකට ඉහත වෘත්තීය අවශ්‍යතාවයක් සඳහා හේවාහැට ප්‍රදේශයේ විහාරස්ථානයකට ගිය මාහට එහි විහාරස්ථානාධිපති හිමියෝ මෙබඳු කතාවක් කීහ.
පුංචි කා‍ලේ ඉඳලම අපේ පන්සලට යන එන බොහොම ගුණ යහපත් ළමයෙක් ඉන්නවා. මේ මෑතක ඒ ළමයා නුවර පැත්තෙන් කසාදයක් කර ගත්තා. ඒත් මෑතක ඉඳලා ඒ මනමාලි හරි අමුතු විදිහේ අත්දැකීම්වලට  මුහුණ දෙනවලු. සමහරු නම් කියනවා මේක අමනුෂ්‍ය දෝෂයක්ලු. කෝකටත් ඒ ළමයගෙන් වැඩි විස්තර දැනගන්න පුළුවන් වෙයි.
ඉන්පසු ඒ අමනුෂ්‍ය දෝෂය කුමනාකාරයේ එකක්දැයි දැනගනු පිණිස එම විහාරස්ථානය නුදුරේම පදිංචිව සිටි එම තරුණයා විහාරස්ථානයට කැඳවා ගතිමි. ඔහු කෘෂිකර්මය සහ ගව පාලනය ජීවන වෘත්තීය කරගත් අයෙකි.
අපි කසාද බැඳලා දැන් මාස පහක් විතර වෙනවා. මීට මාස දෙකකට විතර කලින් රෑ නවයට විතර මගේ නෝනා කළුවරේ එළියට ගිහින් ඇවිත් කිව්වා එක පාරටම කවුරු හරි පැනලා මගේ පපුව සීරුවා කියලා. ඒ කතාව මට කොහොමවත් අදහා ගන්න බැරි වුණා. ඒත් මම ඒ වෙලාවෙම ටෝච් එකක් අරගෙන ඒ අවට හැම තැනම හෝදිසි කළා. ඒත් කවුරුවත් පේන්න බැහැ. පස්සේ මම ගෙට ඇවිත් මෙයාගේ පපුව හෝදිසි කරන කොට හූරපු පාරවල් හොඳටම පෙනුණා. ‍ලේත් ඇවිත් තිබුණා. අර බළල්ලු හූරන්නේ, හරියට ඒ වගේ හෙතෙම කීය.
කෙසේ හෝ මෙම සිද්ධියෙන් පසු මෙම තරුණයාත් ඔහුගේ මවත් මෙම මනාලියට රාත්‍රියට නිවසින් පිටතට යාමට ඉඩ දී නැත. එහෙත් ඊට පසු දිනයකද ඇය එම සීරීම් උවදුරකට ලක්ව තිබිණි. ඒ එක්තරා දහවලක වත්ත පහළ පිහිටි පිහිල්ලකට හෝ දොළ පාරකට යන අතරේය. එය තරමක වනගත ප්‍රදේශයක් වූ අතර ඇය එහි ගොස් තිබුණේද තනිවමය. කලින් පපු පෙදෙස සීරීම්වලට ලක්ව තිබූ අතර ඇගේ පිට ප්‍රදේශය එවර එබඳුම සීරීම්වලට ලක්ව තිබිණ. 
මේක මොන වගේ තත්ත්වයක්ද කියලා අපිට හිතාගන්න බැරි වුණා. මගේ නෝනා කියනවා ඒ වෙලාවට කවුරු හරි හූරනවා වගේ තේරුණත් එහෙම සූරන කෙනෙක් පේන්න හිටියෙත් නැතිලු එම තරුණයා තම බිරිඳගේ ඒ අත්දැකීම් එලෙස මා හා විස්තර කළාය. 
කෙසේ හෝ ඉන්පසු ඇයට රාත්‍රී කාලයේ තබා දහවල් කාලයේවත් නිවසින් පිටතට යාමට සැමියාගෙන් සහ නැන්දම්මාගෙන් අවසර නොලැබිණ. එහෙත් ඊට පසු දිනයෙක තම සැමියා සමග රාත්‍රී නින්දට පිවිසි එම තරුණ බිරිඳ අලුයම පිබිදෙන විට කිසිවකු විසින් ඇගේ දෑතේ බාහුවේ සිට වැලමිට අතර ප්‍රදේශය එලෙසින්ම සීරීම්වලට ලක්ව ඇති බව දැකිය හැකි විය.
ඒ සිද්ධියෙන් පස්සේ නම් මට තේරුණා ඒ මනුස්සයෙකුගේ වැඩක් වෙන්න බැහැ කියලා. පස්සේ අපි මේ ගැන නෝනාගේ පවු‍ලේ අය එක්ක කියන කොට ඒ අය තමයි කිව්වේ මේක පහුරුස්සා කියන අමනුෂ්‍යයෙකුගේ වැඩක් කියලා. ඒ අමනුෂ්‍යයාට සමහරු 'පරුස්සා' කියලත් කියනවලු. කාටවත් බරපතළ හානියක් කරන්න බැරි ඔය අමනුෂ්‍යයාට පුළුවන් කාවහරි පහුරු ගාන්න විතරලු. ඉතින් අපි මේකට පුංචි පුංචි වැඩ කළා. ඒත් අපේ හාමුදුරුවෝ නම් කියන්නේ ඕක මොකක් හරි මානසික බලපෑමකින් සිදුවෙන දෙයක් කියලයි එම තරුණයා කීයේ විහාරාධිපති හිමියන්ගේ කීම පිළිගැනීමට අදිමදි කරන්නාක් මෙනි.
ඉන්පසුව එම අසාමාන්‍ය අත්දැකීමට මුහුණදුන් තරුණියද එම විහාරයට කැඳවාගත් මම පළමුව ඒ වනවිට තරමක් සුවවී තිබූ ඇගේ දෑතේ ඇති සීරීම් ලකුණු නිරීක්ෂණය කළෙමි.
හොඳට හිතලා බලන්න, ඔය හැම සීරීමක්ම වෙන්නේ තමන් අතේ තියෙන නිය‍පොතුවලට පහසුවෙන් හසුකර ගන්න පුළුවන් සීමාවන්වල විතරයි. ඒ වගේම ඒවා නිය‍පොතුවලින් කරපු සීරීම් වගේ පේනවා. අනික ඒ සීරීම් වුණත් ගැඹුරට කැපී ගිය බවක් පේන්නේ නැහැ. ශරීරයේ මතුපිට හමට විතරයි යන්තම් හානිවෙලා තියෙන්නේ මා එසේ කී විට එම අඹු-සැමි දෙපළම ඒ කරුණ පිළිගත්හ.   ඉන්පසු එම සැමියාගේ අවසරය මත එම තරුණ මනමාලිය පමණක් වෙන්කොට කලින් ගතකළ ජීවිතයට වඩා මෙම යුග ජීවිතය තුළ මුහුණදෙන අපහසුතා පිළිබඳව විස්තර විමසුවෙමි.
අපේ ගෙදරට වඩා මෙයාලගේ ගෙවල් හරිම අපිරිසිදුයි. ඒකට හේතුව තමයි මේ අය කිරි හරක් ඇති කිරීම, මෙයාලගේ හරක් මඩුව අපායක් වගේ. ඒ අපිරිසිදුකම ගේ ඇතුළෙත් තියෙනවා. කන්න ගන්න කෑමවල හිටන් මැස්සෝ. මේ අයට නම් ඒකේ වගේ වගක් නෑ. ඒත් මට මේක මානසික වදයක්. එම තරුණ මනාලිය කීවාය.
පහුරුස්සා නැතහොත් පරුස්සා යනුවෙන් ප්‍රාදේශීය වශයෙන් හැඳින්වෙන මෙම යක්ෂයාගේ ක්‍රියාකාරීත්වය මීට මඳ කලකට ඉහත මට තඹුත්තේගම රාජපක්ෂ ගමේ දී ද දැකිය හැකි විය. ඒ 2015 වසරේ ජුනි මාසයේදීය. එම වසරේ දිනයෙක ඉන්දික නම් තරුණයකු දහවලක ත්‍රිරෝද රථයකින් යමින් සිටියදී පිළිස්සුම් තුවාල සහිත නන්නාඳුනන කාන්තාවක සොහොන් පිටියක් අද්දරදී ත්‍රිරෝද රථයකට නැගීමේ අතිශය සාමාන්‍ය සිදුවීමක්. පසුව මුවින් මුව පැතිර ගොස් එමගින් අපූරු හොල්මන් කතාවක් නිර්මාණය වී තිබිණ. පසුව එම හොල්මන් කතාවට තවත් හොල්මන් කතා කිහිපයක්ද ඈඳීමත් සමග රාජපක්ෂ ගමේ පදිංචි කිහිපදෙනකුගේම ශරීරවල මෙබඳු අද්භූත සීරීම් පහරවල් දක්නට ලැබිණ.  එය එවක මාධ්‍යකරුවන් රැසකගේ 'කට ගැස්මක්' විය.
අප විසින් කරනු ලබන සෑම ක්‍රියාවක්ම සවිඥානකත්වය හා බැඳී ඇතැයි අපි විශ්වාස කරමු. එහෙත් ඉතා කලාතුරකින් සවිඥානකත්වයෙන් බැහැර ක්‍රියාවන්ද අප වෙතින් සිදුවෙයි. හේවාහැටට අලුතින් කැඳවාගෙන ආ මනාලියගේ සේම තඹුත්තේගම රාජපක්ෂ ගැමියන් අතින් සිදුව ඇත්තේ තමන් විසින්ම සිදුකරගනු ලැබූ සවිඥානකත්වයෙන් බැහැර ක්‍රියාවක් බව ඉඳුරාම පැහැදිලිය. කිසියම් කරුණක් මුල්කොට හට ගන්නා මානසික ගැටුම මුල්කරගත් 'විඝටනය' නම් මානසික තත්ත්වය මතද මෙවැනි සවිඥානකත්වයෙන් බැහැර ක්‍රියා සිදුකර ගැනීමට සමහරෙක් පෙළඹෙති. මෙහිදී හේවාහැට අලුත් මනමාලිය එබඳු අස්වාභාවික චර්යාවන් තුළින් නිරූපණය කරන ලද්දේ තම සැමියාගේ නිවස හා වටපිටාව මුල්කොට ගත් අපිරිසිදු බව සහ එනිසා වෙනත් වාසස්ථානයක් සොයා ගැනීමට ඇති නොහැකියාව පදනම් කරගත් මානසික ගැටුමය. ඇගේ පෞරුෂය සහ හැදියාව ආදී සංස්කෘතික බැඳීම් යන කරුණු මත තම සිත තුළ පැන  නැගී ඇති අතෘප්තිමත් බව සැමියා හෝ ඔහුගේ පවු‍ලේ පිරිස් සමග කීමට ඇති නොහැකියාව මුල්කොට ජන සංස්කෘතියේ එන 'පහුරුස්සා' නම් යක්ෂයා  ඇගේ අවිඥානය තුළින්ම පැන නැගී තිබිණ.
මේ අතර කිනම් හෝ කරුණක් මත තමන් කෙරෙහි අන්‍යයන්ගේ විශේෂ අවධානයක් අපේක්ෂා කරන්නෝ මෙලෙස අස්වාභාවික චර්යාවන්ට පෙළඹෙති.  ප්‍රධාන මානසික රෝග නොවූවත් යම් යම් පුද්ගලයන්ගේ පෞරුෂයන් හා ඔවුන් පවුල්, ප්‍රජා, සමාජමය වශයෙන් ඇතිකර ගන්නා ගැටුම් නිසා හට ගන්නා මෙවන් එක් එක් මානසික අර්බුද වෙනුවෙන් අමනුෂ්‍ය සංකල්ප ඉදිරිපත් කොට තිබිම මානව විද්‍යාත්මක වශයෙන් අතිශය ගැඹුරින් විමසා බැලිය යුතුය. 
 
තිලක් සේනාසිංහ

ඇත් දළ සොරුන් විසින් ගල්ගමුවේ දළ පූට්ටුවා නම් හස්තියා මරා දැමීම මේ වන විට මුළු මහත් ජාතියේම කතා බහට ලක්ව තිබේ. එමෙන්ම අලි ඇතුන් ඝාතකයන්ට ජීවිතාන්තය දක්වා සිරදඬුවම් හිමිකර දිය යුතු බවට නීති සම්පාදනය කළ යුතු යැයි පසුගිය දා කැබිනට් මණ්ඩලයද තීරණය කොට තිබුණි.

මේ අතර එම දළ පූට්ටුවා වැඩි වශයෙන් සැරිසැරූ බවට සැලකෙන ගල්ගමුවේ උස්ගල - සියඹලන්ගමුව වැව් ඉස්මත්තේ පිහිටි පෞරාණික පලුගස් සෙවනක පසුගියදා ගම්මුන් විසින් දේව කන්නලව්වක් ද සංවිධානය කොට තිබිණ.

එහි දී එම අසරණ ඝාතනය කළවුන් මුළුමනින් වනසා දමන මෙන් දෙවි දේවතාවුන්ගෙන් අභිචාරාත්මක කන්නලව්වක් ද කරන ලදී. මෙවන් කන්නලව් වල කිසියම් ගුප්ත බලයක් තිබේද?

මේ ඒ පිළිබඳව ශ්‍රී ලංකාවේ ආධ්‍යාත්මික විශ්වාස පිළිබඳ ප්‍රමුඛ ගවේෂකයෙකු වන පේරාදෙණිය විශ්ව විද්‍යාලයේ සමාජ විද්‍යා අධ්‍යනාංශයේ මහාචාර්ය දයා අමරසේකරයන් වෙතින් අප කළ විමසීමකි.

  • දේව කන්නලව්, පලි ගැසීම්, ශාප කිරීම් වැනි දේවල් සමාජ විද්‍යාත්මකව විස්තර කෙරෙන්නේ කෙලෙසද?

මේවා සෑම සමාජයකම පාහේ විවිධ අයුරින් ක්‍රියාත්මක වෙනවා. පොදුවේ ගත් විට ඒවා සමාජ තුළනයට හේතුවන බව කිව හැකියි.

  • ඒවා සමාජ තුළනයට හේතුවන්නේ කෙසේද?

කිසියම් පුද්ගලයෙකුට, පවුලකට, ප්‍රජාවකට හෝ සමාජයකට එරෙහිවීමක්, ද්‍රෝහි කමක්, විපතක් සිදුකළ විට එසේ ඊට ගොදුරුවන පාර්ශවයෙන් ඊට එරෙහිව ප්‍රතිරෝධයක් පැන නැගීම ස්වාභාවිකයි. ඒ සඳහා එල්ල විය හැකි  ස්වාභාවික ප්‍රතිරෝධය වන්නේ පලිගැනීම්, ගැටුම් සටන් ආදිය නිර්මාණය වීමයි.

දේශපාලන ආදී  ක්‍ෂේත්‍රවල 'අසාධාරණයට එරෙහිව' යන තේමාව යටතේ විරෝධතා, පෙළපාලි, ඇතැම් විට සන්නද්ධ අරගල පවා ඇතිවන්නේ මේ නියාමය මතයි. නමුත් මෙය මිනිසුන්ට සේම සතුන්ටද එක සේ පොදු න්‍යායක්. නමුත් තමන්ට එරෙහි වූ කිසියම් බලයකට එරෙහිව ආධ්‍යාත්මික ශක්තිය යෙදවීම මිනිසුන්ට පමණක් ආවේණික වූවක්. එක් එක් සංස්කෘතික ධාරාවන්ගෙන් උරුමවූ එහි සන්දර්භය වෙනස් වුවත් තේමාව, හරය සහ අරමුණ ආදී වශයෙන් බලනවිට එකයි. දේව කන්නලව්, පලිගැසීම් ආදී වශයෙන්  අප සංස්කෘතියේ එන්නේත් අප සමාජයේ සාමූහික විඥානයෙන් හිමිකරගත් එවැනි චින්තන හා චර්යා සම්ප්‍රදායක්.

  • මින් ඇතිවන සමාජමය යහපත කුමක්ද?

තමන්ට එරෙහි වූ පුද්ගලයා හෝ කණ්ඩායම වෙත කලහකාරී, සටන්කාමී වැනි ප්‍රචණ්ඩාකාරයකින් යොමුවීම නිසා කලකෝලාහල, මිනීමැරුම්, දේපල සහ මිනිස් ජීවිත පවා විනාශ විය හැකියි. නමුත් ඒ අතින් බලන විට මෙවැනි ආධ්‍යාත්මික ප්‍රවේශයන් තුළ සාමකාමී බවක් තිබෙනවා. එය සමාජයේ අපරාධ පාලනයට නැතහොත් මා ඉහත කී ආකාරයට සමාජ තුලනයට හේතු වෙනවා.

  • නමුත් ඉන් ලැබෙන විද්‍යාත්මක ප්‍රතිඵලයක් නැහැ නේද?

එහි ඉතා  ප්‍රබල මනෝවිද්‍යාත්මක වැදගත් කමක් තිබෙනවා. එනම් එවැනි දේව කන්නලව්, පලිගැසීම් ආදිය පුද්ගලයෙකුගේ හෝ සමාජයක භාව විරේචනයක් (Catharsis) ඇතිවීමයි. එමගින් ඔවුන්ගේ හැඟීම් ආවේග පහවී මානසික සැනසුමක් ලැබීම සමාජමය වශයෙන් වැදගත් කාරණයක්.

  • ඒ හැරුණු කොට එවන් දේව කන්නලව් පලිගැසීම් ආදියෙන් වෙනත් ආකාරයක ගුප්ත ප්‍රතිඵලයක් ලද නොහැකිද?

මේ විශ්වයේ පවත්නා සෑම ශක්තියක් හා පදාර්ථයක් පිළිබඳව තේරුම් ගැනී‍මේ හැකියාවක් මිනිස් අප සතුව නැහැ. ඒ අනුව එවැනි අභිචාර විධි මඟින් අපට නොවැටහෙන ගුප්ත ප්‍රතිඵලයක් නොලැබෙතැයි කීමට කාටවත් පුළුන්කමක් නැහැ.

  • ඒ අනුව ඔබ සිතන්නේ ගල්ගමුවේ දල පූට්ටුවාගේ ඝාතකයන්ට එම දේව කන්නලව්වෙන් කියැවුණු පරිදිම දේව දඬුවම් ලැබෙතැයි කියාද?

දෙවිවරුන් කියන්නේ එක් එක් සංස්කෘතියට ආවේණික වූ විවිධ ආරෝපණ. මිනිසුන් විසින් ඒ ආරෝපණ ගොඩනගාගෙන ඇත්තේ මේ විශ්වයේ ඇති මෙතෙක් හඳුනා නොගත් පාරභෞතික අති ප්‍රබල ශක්තීන් පදනම් කර ගෙනයි. නිදසුනක් හැටියට කන්ද උඩරට ඇදහෙන නෘථ දෙවියන් දේව විශ්වාසයෙන් ශාන්තිවාදී සහ සෞම්‍ය ආ‍රෝපණයක් පළ කරන අතර  වන්නි හත්පත්තු ආදී ප්‍රදේශ වල ඇදහෙන කඩවර, කම්බිලි ආදී දෙවිවරුන් ඊට ‍ඉඳුරාම වෙනස් රෞද්‍ර, ප්‍රචණ්ඩ ස්වරූපයක් දරණවා. ඒ දෙවිවරුන්ට කරන කන්නලව් වලින් සිදුකෙරෙන්නේ විශ්වයේ පවත්නා ඒ ඒ ලක්ෂණ වලට ආදල පාරභෞතික ශක්ති ප්‍රවාහයන් කුලුගැන්වීමයි.‍

  • සෘජුවම කියන්න; ඔබ  සිතන්නේ ගම්මුන් පතන ආකාරයටම දළ පූට්ටුවාගේ ඝාතකයන්ට කුරිරු දඬුවම් ලැබෙයි කියාද?

එහිදී එම යාතු කර්මයේ සහ එහි වත්පිළිවෙත් වල සාම්ප්‍රදායිකත්වය සහ එය සිදුකළ ආකාරයේ නිරවද්‍ය බව ආදී සාධක වැදගත් වෙනවා. ඔබ පවසන ආකාරයට එය සිදුකොට ඇත්තේ වසර සිය ගණනක සිට ගැමියන්ගේ වත්පිළිවෙලට කේන්ද්‍ර වූ පළු ගස් සෙවනක නම් එහි විශේෂිත බලයක් නොතිබුණා යැයි කීමට කිසිදු හැකියාවක් අපට නැහැ. ඒ වගේම ඒ යාතු කර්මය සිදුකළ තැනැත්තා ගේ මානසික ශක්තිය වාචික ශක්තිය වැනි දේවලුත් එම ප්‍රතිඵලය සාර්ථක ලෙස ලබා දීමට ඉවහල් වෙනවා.

  • ඒ අනුව ඔබ කියන්නේ දළ පූට්ටුවාගේ ඝාතකයන් නොදුරේ දීම කුරිරු ඉරණමකට ලක්වේවි කියා නේද?

ඒ පිළිබඳ නිශ්චයක් දීමට මට බැහැ. නමුත් එවැන්නක් පිළිබඳ දැඩි අවදානමක්  ඔවුන් හමුවේ ඇති බව පැහැදිලියි. ඔවුන්ට අත්වන ඉරණම පිළිබඳව අපට සාක්ෂි ලබා ගත හැක්කේ අනාගතයෙනුයි. පොදුවේ ගත් කළ ලොව සෑම කෙනෙකුම "සොබාදහමේ නීතිය" (Law Of Nature) ලෙස හඳුන්වන්නේත් මේ පවත්නා විද්‍යාවෙන් විස්තර කළ නොහැකි බලයම බව අවසන් වශයෙන් කිව යුතුයි.

- දේව කන්නලව්වේ වීඩියෝව මෙතනින්-

සාකච්ඡාව සහ වීඩියෝ සටහන - චන්ද්‍රරත්න ඉලංගකෝන්

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1234

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 706

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 4100

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2354

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4386

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 5543

Please publish modules in offcanvas position.