Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

බ්‍රිතාන්‍ය රජ පවුල මේ දිනවල නිතර පුවත් මවන පවුලක් බවට පත්ව ඇති බව පෙනේ. මහ රැජින සහ පිලිප් කුමරු අතර විවාහයේ ප්ලැටිනම් ජුබිලිය හෙවත් 70 වෙනි සංවත්සරය පැවැත්වුණේ මෙයට සතියකට පෙරය. ඒ පිළිබඳ පුවත්වලින් පසුගිය දිනවල ජනමාධ්‍ය බොහෝ කාර්යබහුල වී සිටි අන්දම දැකිය හැකි වූ අතර දැන් නැවතත් රජ පවුලෙන් තවත් විවාහයක් හා බැඳුණු පුවතක් වාර්තා වෙයි. මෙවර මෙම ප්‍රවෘත්තියේ කතා නායකයන් වී සිටින්නේ හැරී කුමරු  සහ ඔහුගේ පෙම්වතිය වන මෙගාන් මාර්කල්ය. ඔවුන් දෙදෙනාගේ විවාහ ගිවිස ගැනීම පිළිබඳ පුවත පසුගිය 27 වෙනි දින ප්‍රථම වරට නිල වශයෙන් නිවේදනය කෙරුණු අතර විවාහ උත්සවය ලබන වසරේ මුල් භාගයේ පැවැත්වෙනු ඇති බවද රජ මාලිගයෙන් නිවේදනය කෙරිණි. මෙම පුවතත් සමග  රජ පවු‍ලේ ලෝලීන් විශාල වශයෙන් උද්දාමයට පත්ව සිටින අයුරු බ්‍රිතාන්‍ය මාධ්‍ය හරහා දැකගත හැකි විය.
හැරී-මෙගාන් ආදර කතාව පිළිබඳ කිසියම් ආන්දෝලනයක් ඇති කළ එක් කාරණයක් වූයේ මෙගාන් බ්‍රිතාන්‍ය ජාතික තරුණියක නොවීමයි. එමෙන්ම ඇය වරක් විවාහ වී සිට දික්කසාද වූ අයෙකු වීමද  අවධානයට ලක් වූ කාරණයක් විය. ඒ රජ පවු‍ලේ සාමාජිකයෙකු විවාහ වීමේදී ඒ හා බැඳුණු සම්ප්‍රදායන් තුළ මෙවැනි කාරණා ගැන වැඩියෙන් සොයා බැලෙන බැවිණි. දික්කසාද වූ අය සමග විවාහ වීමට අදාළව කලක් රජ පවුල තුළ දැඩි සීමාවන් පැවැතිණි. නවසිය තිස් ගණන්වල විසූ 8 වෙනි ජෝර්ජ් රජුට රජකම අත්හැරීමට පවා සිදු වූයේ ඔහු වොලිස් සිම්ප්සන් නමැති, දෙවරක් දික්කසාද වූ කාන්තාවක සමග විවාහ වීමට තීරණය කිරීම නිසාය. නමුත් මේ වනවිට මෙම කාරණය ගැන එතරම් දැඩි සීමා ක්‍රියාත්මක නොවන අතර චාල්ස් සහ කැමිලා පාකර් අතර විවාහය එම පැරණි සම්ප්‍රදායන් විශාල වශයෙන් වෙනස් කළ අවස්ථාවක් විය. 
මෙගාන් මාර්කල් ඇමෙරිකානු ජාතික තරුණියක වන අතර සිනමා සහ රූපවාහිනී නිළියක ලෙසද, නිරූපණ ශිල්පිනියක ලෙසද කටයුතු කළ කෙනෙකි. 1981 අගෝස්තු 4 වෙනි දින ඇමෙරිකාවේ ලොස් ඇන්ජලීස්හි උපත ලැබූ මෙගාන්ගේ මව්පියන් වන්නේ තෝමස් මාර්කල් සහ ඩොරියා රද්ලාන්ය. තෝමස් සුදු ජාතිකයෙකු වන අතර ඩොරියා  අප්‍රිකානු- ඇමෙරිකානු කාන්තාවකි. තෝමස්  රූපවාහිනී ආලෝකකරණ අධ්‍යක්ෂවරයෙකු ලෙසද, ඩොරියා මනෝ චිකිත්සකවරියක ලෙසද කටයුතු කර ඇත. මෙගාන්ගේ පවු‍ලේ තවත් සහෝදරයෙකු සහ සහෝදරියකද සිටින බව ද සඳහන් වේ. කෙසේ නමුත් මෙගාන්ට වයස අවුරුදු හයේ දී ඇගේ මව්පියන් දික්කසාද වී ඇතැයි පැවැසේ. නමුත් ඇය තවමත් ඇගේ මව්පියන් සමග ඉතා සමීපව ඇසුරු කරන බව සඳහන්ය. 
33 වෙනි වියේ පසුවන හැරී සහ 36 හැවිරිදි මෙගාන් මුල් වරට මුණ ගැසුණේ මෙයට වසර එකහමාරකට පමණ පෙරය. 2016 ජූලි මාසයේ ලන්ඩන් නුවරදී එම හමුව සිදු වූයේ ඔවුන් දෙදෙනාගේම මිතුරියකගේ මැදිහත් වීමෙනි. හැරී පසුගිය දිනෙක පවසා තිබුණේ ඇය හමු වූ මුල් දිනයේම තමා තුළ මෙගාන් පිළිබඳ බැඳීමක් ඇති වූ බවයි. හැරී සහ මෙගාන් අතර මෙම හමුව සිදුවෙද්දී මෙගාන් ඇගේ පළමු විවාහයෙන් දික්කසාද වී වසර තුනකට ආසන්න කාලයක් ගතවී තිබිණි. ඇය කලින් විවාහ වී සිටියේ හොලිවුඩ් චිත්‍රපට නිෂ්පාදකයෙකු වන ටේ‍රවර් එන්ගල්සන් සමගය. 2011දී යුග දිවියට එළැඹුණු ඔවුහු  2013 වසරේ එකිනෙකාගෙන් වෙන් වූහ. එම දික්කසාදයට හේතුව ලෙස සඳහන් වූයේ ඔවුන් දෙදෙනා අතර තිබූ නොගැළපීම්ය. ටේ‍රවර් මේ වනවිට රජ පවුලක් පසුබිම් කරගත් රූපවාහිනී මාලානාටකයක් නිෂ්පාදනය කරමින් සිටින බව පැවැසෙන අතර තවමත් ඔහු සිය කලින් බිරිඳගේ විවාහ ගිවිස ගැනීම ගැන කිසිදු ප්‍රකාශයක් සිදු කර නැති බවද සඳහන් වේ.
හැරීද මෙගාන් සමග ප්‍රේම සම්බන්ධය ඇති කරගැනීමට පෙර තවත් තරුණියන් කිහිප දෙනෙකු සමග සබඳතා පවත්වා ඇති බවද සඳහන් විය. 2014 වසරේ හඳුනාගන්නට ලැබුණු බව පැවැසෙන 30 හැවිරිදි එලී ගෝල්ඩින් එවැනි එක් ‘පෙම්වතියකි’. 2016 මැයි මාසය වනතෙක්ම මේ දෙදෙනා අතර ඇසුරක් පැවැති බව සඳහන් වේ. හැරී සමග සබඳතා පැවැත්වූ බව පැවැසෙන ඇතැම් තරුණියන් පසුව එම සබඳතා නතර කර ඇත්තේ රජ පවු‍ලේ ජීවන ෙශෙලියට හැඩ ගැසීමට තිබූ අපහසුතා නිසා බවද පැවැසේ.
ලබන වසරේ හැරී-මෙගාන් විවාහ උත්සවය පැවැත්වෙන්නේ කවදාද, කවර ආකාරයෙන්ද   යන්න සම්බන්ධයෙන් තවමත් නිශ්චිත තොරතුරු අනාවරණය වී නැත. එය විලියම් කුමරු සහ කේට් මිඩ්ල්ටන් අතර පැවැති උත්සවය මෙන් මහා පරිමාණයෙන් පැවැත්වෙන්නක් වේවිද, නැතහොත් එතරම් විශාල නොවන උත්සවයක් වේවිද යන්න ගැනද කිසිවක් සඳහන්ව නැත. ඔවුන් දෙදෙනාගේ විවාහයෙන් පසු හැරී-මෙගාන් යුවළ රජ පවුලට අයත් කෙන්සින්ටන් මාලිගය පිහිටි භූමියේම පිහිටා ඇති නොටිංග්හැම් කොටේජ් (Nottingham Cottage)  නමින් හැඳින්වෙන මන්දිරයේ වාසය කරනු ඇත. විලියම් සහ කේට් දෙදෙනා මේ වනවිට කෙන්සින්ටන් මාලිගයේ වාසය කරන අතර දැනටත් හැරී කුමරුගේ වාසස්ථානය වන්නේ ඉහත කී නොටිංග්හැම් මන්දිරයයි. විලියම්-කේට් දෙදෙනාද කලක් මෙම මන්දිරයේ වාසය කර තිබේ. එය නිදන කාමර දෙකකින් පමණක් සමන්විත තරමක් කුඩා මන්දිරයකි. නිදන කාමරවලට අමතරව තවත් කාමර කිහිපයක්ද, අලංකාර ගෙවත්තක්ද එයට අයත් බව සඳහන් වේ.
හැරී සහ මෙගාන් දෙදෙනා විවාහ ගිවිස ගැනීම ප්‍රසිද්ධියට පත් කළේ පසුගිය සඳුදා (27) වුවද එම ගිවිස ගැනීම සිදුව ඇත්තේ මේ මාසයේ මුල් දිනවල බවද අනාවරණය වෙයි. මහ රැජින, චාල්ස් කුමරු, විලියම් සහ කේට් යුවළ ඇතුළු රජ පවු‍ලේ සාමාජික සාමාජිකාවන් මෙන්ම මෙගාන්ගේ මවුපියන් ද මේ සම්බන්ධයෙන් මහත් සතුටට පත්ව සිටින බව මාධ්‍ය වාර්තා කර තිබිණි. බ්‍රිතාන්‍ය අගමැතිනි තෙරේසා මේ ද, විපක්ෂ නායක ජෙරමි කෝබින් ද හැරී-මෙගාන් යුවළට සුබ පතමින් නිවේදන නිකුත් කර ඇත. 
 
කිත්සිරි මල්වත්ත

ඇමෙරිකා එක්සත් ජනපදයේ ලාස්වේගාස් හිදී පසුගියදා (26) පැවැති 2017 විශ්ව රූ රැජින (Miss Universe) තරගයේ අවසන් තරගකාරිනියන් 16 දෙනා අතරට තේරී පත්වීමට ශ්‍රී ලංකාව නියෝජනය කරමින් තරග වැදුණු ක්‍රිස්ටිනා පීරිස්  සමත්වී තිබේ. 
1955 වසරෙන් පසු විශ්ව රූ රැජින තරගයක අර්ධ අවසාන පුර්ව වටය දක්වා ශ්‍රී  ලංකේය තරගකාරිනියන් පැමිණි පළමු අවස්ථාව මෙය වීම විශේෂත්වයකි. 1955 වසරේදී ශ්‍රී  ලංකාව නියෝජනය කරමින් විශ්ව රූ රැජින තරගාවලියට සහභාගි වූ මොරින් හින්ගර්ට් එහි තෙවනි ස්ථානය දිනාගැනීමට සමත්වූවාය. රත්මලාන ප්‍රදේශයේ උපත ලබා බම්බලපිටියේ හෝලි ෆැමිලි විදුහලෙන් 9 වැනි ශ්‍රේණිය දක්වා අධ්‍යාපනය ලබා ඇති ක්‍රිස්ටිනා ඉන් අනතුරුව සිය පවු‍ලේ සාමාජිකන් සමග අබුඩාබිහි පදිංචියට ගොස් තිබේ. ඇය මේ වන විට 23 වන වියේ පසුවන්නීය. මෙවර පැවති 66 වැනි විශ්ව රූ රැජින තරගාවලියේ කිරුළ දකුණු අප්‍රිකාවේ ඩබේලෙග් නෙල් පීටර්සන්ට හිමිවිය.

ගම්පොළ කුරුඳුවත්ත ‍පොලීසියට අනුයුක්ත උප ‍පොලිස් පරීක්ෂක සමීර රංගන හා ‍පොලිස් සැරයන් සිංහපාල (15419)  යන නිලධාරීහු රථවාහන පරීක්ෂාවක යෙදී සිටියදී ආරක්ෂක පටි නොපැළඳු මෝටර් රථයකින් පැමිණි පුද්ගලයකු පරීක්ෂාවට ලක් කළහ.  එවිට ඒ සම්බන්ධ වරද පිළිනොගත්  රියදුරු අසුනේ සිටි එම තැනැත්තා පොලිස් නිලධාරීන් වෙත හැඳුනුම්පත දිගු කළේ 'මම අග්‍රාමාත්‍ය ආරක්ෂක කොට්ඨාසයේ අරලියගහ මන්දිරයේ ඩියුටි කරන කෙනෙක්' යැයි පවසමිනි.

එම හැඳුනුම්පත පරීක්ෂා කළ උපපොලිස් පරීක්ෂකයාට පොලිස් රාජකාරි හැඳුනුම්පතක් වන එහි සඳහන් මෙම වැකිය කියැවීමට ලැබුණ.  

"මෙම හැඳුනුම්පත හිමි අය නිසි පරිදි පත්කරන ලද පොලිස් නිලධාරියෙකු බවත් ඔහු වෙත පැවරෙන රාජකාරි ඉටුකිරීම සඳහා මෙය ඔහුගේ අධිකාරි බලය වන බවත්  මින් සහතික කරමි."

එම හැඳුනුම්පත 2002 වසරේ ඔක්තේම්බර් 15 වෙනි දින නිකුත් කරන ලද බවත් එහි පොලිස්පතිවරයා සහ අපරාධ වාර්තා කොට්ඨාශයේ අධ්‍යක්ෂකවරයා අත්සන් තබා ඇති නිළ හැඳුනුම්පතක් ලෙස මතුපිටින් පෙනුණද  උපපොලිස් පරීක්ෂක සමීර ‍ගේ සිතට සියුම් සැකයක් පහල විය.ඒ අනුව එම හඳුනුම්පත වැඩිදුරටත් පරීක්ෂා කිරීමට අවශ්‍ය බව දන්වා ඔහු පොලිස්ථානය වෙත ගෙන්වා ගන්නා ලදී එවිට අනාවරණය වූයේ ඔහු අග්‍රාමාත්‍ය  ආරක්ෂක කොට්ඨාශයේ අරලියගහ මන්දිරයේ සේවය කරන පෙලිස් නිලධාරියෙකු ලෙස හඟවමින් ශ්‍රී ලංකා ‍පොලීසිය නොමග යැවීමට උත්සාහ කළ ගම්පොළ අධ්‍යාපන කලාපයේ රජයේ ප්‍රසිද්ධ පාසලක ගුරුවරයකු බවය.

ඒ අනුව ඔහු භාවිතා කළ ව්‍යාජ හැඳුනුම්පත සහ මෝටර් රථයද සමඟ ගම්පොළ කුරුඳුවත්ත ‍පොලීසිය මගින් පෙරේදා (26) දින ඔහු අත්අඩංගුවට ගෙන තිබේ.

ගම්පොළ, තැලිහුන්න, මීතලාව ප්‍රදේශයේ පදිංචි   හතලිස් හැවිරිදි විවාහකයෙකු වන මොහුගේ බිරිඳද රාජ්‍ය  නිලධාරිනියක් බව අනාවරණය වී තිබේ.

මොහු කලින් ශ්‍රී ලංකා පොලිස් සේවයට සම්බන්ධව සිටි බවටද තොරතුරු ලැබී ඇත. එහෙත් මොහු සකසා ඇති ‍පොලිස් දෙපාර්තමේන්තු  හැඳුනුම්පත විවිධ කටයුතු සඳහා වසර ගණනාවක් භාවිත කර ඇති බව ‍පොලිස් පරීක්ෂණවලින් අනාවරණය වී ඇත.

එහෙත් එය කිසියම් අස්වාභාවික මානසිකත්වයක් මත සකස්කරගත් එකක්ද නැතහොත් විවිධ වංචනික ක්‍රියා සඳහා සකසා ගත් එකක්ද යන්න පිළිබඳව මේ වන විට මූලික පරීක්ෂණ සිදුකෙරෙමින් තිබේ.

සැකකරු ඊයේ (27) ගම්පොළ මහේස්ත්‍රාත් අධිකරණය වෙත ඉදිරිපත් කරන ලදී.

ගම්පොළ කොට්ඨාස බාර ‍පොලිස් අධිකාරී නුවන් මෙන්ඩිස් සහකාර ‍පොලිස් අධිකාරී චන්ද්‍රසේන බණ්ඩාර යන නිලධාරීන්ගේ උපදෙස් මත ගම්පොළ කුරුඳුවත්ත ‍පොලිස් ස්ථානාධිපති ‍පොලිස් පරීක්ෂක චන්දික ශ්‍රී කාන්ත මහතා ප්‍රමුඛ ‍පොලිස් කණ්ඩායමක් මේ පිළිබඳව වැඩිදුර පරීක්ෂණ මෙහෙයවති.

එස්.ඩී. රාජනායක - ගම්පොළ

 

 

 

 

 

 

 

 

රෑට නින්දෙන් ගොරවන එක අසනීප තත්වයක් කියලා තමයි  බොහෝ අය  හිතාගෙන ඉන්නෙ. නමුත් ඒක අසනීප තත්ත්වයක් නෙවෙයි.

නමුත් නින්දෙන් ගෙරවීම මුල්කොට ගත් අසනීප තත්ත්වයකුත් තිබෙනවා. ඒකට කියන්නේ Sleep Apnea කියලා. මේ තත්ත්වය වෛද්‍ය ප්‍රතිකාර මඟින් සුව කළ යුතු වෙනවා. එසේ නොමැති වුවහොත් මේ රෝගය නිසා ඉතා කලාතුරකින් යමෙකු මිය යාමට වුණත් පුළුවන්.

කොහොම වුණත් අනිත් අයට නිදා ගන්න බැරි වෙන තරම් ශබ්ද නගා ගොරවන අය වෙනුවෙන් නිර්මාණය කරපු අලූත් ගැජට් එකක් හඳුන්වලා දෙන්නයි මේ හදන්නෙ. මේකට කියන්නෙ snore stopper කියලා. ඒ කියන්නෙ ගෙරවීම නතර කරන උපාංගය කියන එකයි. මේක හදලා තියෙන්නේ සැහැල්ලූ ප්ලාස්ටික්වලින්. නිදා ගන්න කලින් රූපයේ ආකාරයට නාසයට පළඳින එක විතරයි කරන්න තියෙන්නෙ. මේක පැළඳුවා කියලා නින්දට බාධාවක් ඇති වෙන්නෙ නැහැ. ඉතින් රෑට ගොරවන කෙනෙක් (හැබැයි නින්දෙන්) ගෙදර ඉන්නවා නම් ඔබටත් මේ උපාංගය බොහොම ප‍්‍රයෝජනවත් වේවි. ඒකට හේතුව නින්දෙන් ගෙරවීම නිසා ප්‍රශ්න ඇතිවන්නේ ගොරවන තැනැත්තාටත් වඩා ඒ අවට සිටින අයට වීම නිසයි.

රුපියල් 200 ත් 300 ත් අතර මිලකට snore stopper එකක් දැන් ඔබටත් මිලදී ගන්න පුළුවන්. කංකරච්චලයක් වන කෙනෙකුගේ නින්දෙන් ගෙරවීම වලක්වන්න මේ වගේ පුංචි මුදලකට පුළුවන් කියන එකත් ලොකු දෙයක් නේද?

 

ප්‍රතිභා රත්නසූරිය

දුලීකා මාරපන කියන රටම දන්නා ජනප්‍රිය නිළිය ජීවිතේ සතුටු වූ සහ දුක් වූ අවස්ථාව මතක් කරන්න කැමතිද? 
අනිත් අයට දුක හිතෙන දේවල් මට දුකක් නොවෙන්න පුළුවන්. අනිත් අය සතුටින් මහ හයියෙන් හිනාවෙන අවස්ථාවල් මට මහ ලොකු හිනාවක් ගෙන දෙන දෙයක් නොවෙන්නත් පුළුවන්. ඒ වගේම තමයි මහ හයියෙන් හිනාවෙලා සතුට සැමරීමයි, දුකකදී විලාප නගා හැඩීමයි මගේ ජීවිතේ නැහැ. ඒ හින්දා ඔය ප්‍රශ්නෙට පැහැදිලි උත්තරයක් මට නැහැ.
 
ඒ කියන්නේ දුලීකාගේ ඇස්වලට කඳුළු එන්නේම නැද්ද?
තරහ ඉවසගන්න බැරි වුණාම නම් කඳුළු එනවා. 
 
ඒ විදියට තදින්ම දෑසට කඳුළු පිරුණු අවස්ථාවන් මතක් කළොත්? 
එක යායට ගස් කපලා දාලා ඉඩමක් කට්ටි කරලා, බෙදලා විකුණනන්න හදන අවස්ථාවක් දැකලා තමයි මගේ ඇස්වල කඳුළු පිරුණේ.
 
ඔය කියන ඉඩම දුලීකාගේ එකක්ද? 
මගේ ඉඩමක ගහකොළවලට අත තියන්න මම ඉඩ දෙන්නේ නැහැ. 
මේ විදිහට ගස් කපලා ඉඩම් කට්ටි කරලා විකුණනවා දකින අවස්ථා මගතොටේදී තියෙනවා. මේ දැවැන්ත ඉඩමක ගහක් හැදෙන්න කොයිතරම් කාලයක් යනවද? එක මොහොතකින් ඒක විනාශ කරලා දාන එක කොයිතරම් අපරාධයක්ද කියලා හිතද්දී ඇස්වලට කඳුළු එනවා.
 
කාගේ හරි මරණයක් වෙනුවෙන් ඔය විදියට ඇස්වලට කඳුළක් ඇවිත් නැද්ද? 
ජීවිතේට මම මළ ගෙදරකදී අඬලා තියෙන්නේ එකම එක වතාවයි. ඒ හැර කිසිම මළ ගෙදරක මම අඬලා නැහැ. 
 
දුලීකා අඬවපු ඒ අවමඟුල කාගෙද? 
මගේ මිත්තනියගේ 
 
ඇගේ අභාවය ඔය තරම් දුකක් ඇති කළේ ඇයි ? 
එතකොට මට වයස 5ක් වත් නැහැ. ඒ මළ ගෙදරදී හැමෝම අඬනවා. අපේ අම්මත් අඬනවා. ඉතින් මම හිතුවා මේක අඬන්න ඕන අවස්ථාවක් කියලා. මම මිනී පෙට්ටිය ළඟට ගිහින් ඇඬුවා. ඒත් කඳුළු ආවේ නැහැ. පස්සේ එතනින් අයින් වෙලා පැත්තකට වෙලා හිටියා.
 
දුලීකා ආදරේ හින්දා දුක් විඳලම නැද්ද? 
නැහැ 
 
ඒ කියන්නේ දුලීකා ප්‍රථම ප්‍රේමය ජයගත්තා කියන එකද? 
නැහැ, නැහැ... ආදරේ විරහව වෙන්නේ ළංවෙලා හිටපු කෙනෙක් අපෙන් ඈත් වෙලා ගියොත්. මට එහෙම වෙලා නැහැ. මට ළංවෙලා හිටපු කෙනෙක් මට ගැළපෙන්නේ නෑ කියල තේරුණොත් මමයි එයාගෙන් ඈත් වෙන්නේ. ඒ හින්දා මගේ ජීවිතයේ සිදුවු ඒ විදියේ වෙන්වීම් හැම එකකදීම විරහව දැනුණේ මට ‍නෙවෙයි.
 
එහෙනම් අනිත් පාර්ශ්වය ඒ විරහව විඳගන්න ඇති ? 
දන්නේ නෑ. ඒක මට අදාළත් නැහැ.
 
ඔබ හිතන විදියට වැඩියෙන්ම සතුට රැඳිලා තියෙන්නේ තනිකඩ ජීවිතය තුළද විවාහ ජීවිතය තුළද?
දෙකේම හොඳ හා නරක පැති තියෙනවා.
 
ඔබට අනාගතය ගැන හිතන විට දැනෙන්නේ සතුටක්ද දුකක්ද? 
කිසිම හැඟීමක් නැහැ
 
ඇයි ඒ ? 
අනාගතය සැලසුම් කරන හින්දා දුකක් බයක් නෑ.. ඒත් අපේ අනාගතය මරණයද දන්නේ නෑනේ. ඒ හින්දා සතුටු වන්නත් බැහැ.
 
ආරියවංශ කුලතිලක

ගල්කිස්ස ප්‍රදේශයේ එක්තරා ආයුර්වේද ප්‍රතිකාර ආයතනයක් ඉදිරියේ නතර වූ සුඛෝපභෝගී වාහනයකි. එයින් බැසගත් ආරෝහ පරිණාහ දේහයකින් යුත් කඩවසම් තරුණයෙකි. ඔහු ප්‍රතිකාර ආයතනය වෙත පියනැගුවේය. සාමාන්‍යයෙන් ආයුර්වේද සම්බාහන ආයතනයන් තුළ සිදු කරනුයේ රෝගීන් සඳහා සම්බාහන ප්‍රතිකාර ක්‍රමය ඇතුළු අනෙකුත් ප්‍රතිකාරයන්ය. විශේෂයෙන්ම අංශබාගය සෑදුණු පුද්ගලයින්ගේ  හෝ සන්ධි රෝග සෑදුණු පුද්ගලයින්ගේ මාංශ පේශී ලිහිල් කිරීම සඳහා ඖෂධීය තෙල් වර්ගයන් ආ‍ලේප කර සම්බාහනය කිරීමක් කරනු ලැබේ. මෙහිදී එම පුද්ගලයාගේ  මාංශපේශී ක්ෂය වීම වැළකී යම් සහනයක් ලැබෙන්නේ යැයි ආයුර්වේදයේ සඳහන් වන්නේය. ඒත්  මේ සම්බාහන ආයතනය වෙත ගොඩ වුණ කඩවසම් තරුණයාට ඉහෙන් බහින රෝගයක් නම් නොතිබුණි. ඇත්තෙන්ම මේ සම්බාහන ආයතනය පෙරකී රෝග තත්ත්වයන්ට ප්‍රතිකාර කරන්නක්ද නොවේ. එසේ නම් මෙවැනි ආයතනයන් තුළ සිදු කරන්නේ කුමක්ද යන්න අපි සොයා බැලුවෙමු.
වර්තමානයේ ආයුර්වේද ප්‍රතිකාර මධ්‍යස්ථාන යන නාමපුවරුවට මුවා වී පවත්වාගෙන යන බොහෝමයක් ප්‍රතිකාර මධ්‍යස්ථානවල නම සඳහන් වන්නේ “ස්පා” යනුවෙනි. ස්පා කියන වචනය ලොකු අකුරින් සඳහන් වන අතර එම ස්ථානයේ ලබා දෙන ආයුර්වේද ප්‍රතිකාරයන් පිළිබඳව කුඩා අකුරින් සඳහන් කර ඇත්තේය. එහිදී ආයුර්වේදයේ සඳහන් පංචකර්ම චිකිත්සාව ඇතුළු විවිධ ආයුර්වේද ප්‍රතිකාර ක්‍රමයන් මෙහිදී ලබා ගත හැකි බව එම නාම පුවරුවල සඳහන් වන්නේය. ඒත් සමගම ඇතැම් ප්‍රතිකාර මධ්‍යස්ථානයන්හි ඇති නාම පුවරුවෙහි විදේශීය කාන්තාවකගේ රුවක් ඇතුළත් කර එහි “තායි ස්පා ක්‍රම” යනුවෙන් සඳහන් වන්නේය.
ආයුර්වේද ප්‍රතිකාර මධ්‍යස්ථාන , ආයුර්වේද සම්බාහන ප්‍රතිකාර මධ්‍යස්ථානයන්  සහ ස්පා මධ්‍යස්ථානයන්හි සිදුකරන්නේ කුමක්ද යන්න වග අප  රජයේ ආයුර්වේද වෛද්‍ය නිලධාරීන්ගේ සංගමයේ සභාපති මෙන්ම බස්නාහිර පළාත් ආයුර්වේද කොමසාරිස් ලෙස සේවය කළ වෛද්‍ය නිමල් කරුණාසිරිගෙන් විමසීමක් කළේය. එහිදී ඔහු එහි වෙනස පිළිබඳව පැහැදිලි කළේ මෙසේය.
“ඇත්තෙන්ම කියනවා නම් ආයුර්වේද වෛද්‍ය කර්මය තුළ හෝ පාරම්පරික වෙදකම තුළ සම්බාහනය කියලා ප්‍රතිකාර ක්‍රමයක් නැහැ.  පූර්ව කර්ම හා පංච කර්ම කියලා ක්‍රම දෙකක් තිබෙනවා. පච්චාත් කර්ම කරන්න කලින් රෝගියාගේ ශරීරය සකස් කළ යුතු වෙනවා. ශරීරය සකස් නොකර පංච කර්ම කරන්න බැහැ. රෝගියාගේ ශරීරය සකස් කරනවා කියන්නේ ආයුර්වේදයට අනුව වමන, විරේචන, වස්ති, රක්තමෝක්ෂණ නස්‍ය කියන කාර්ය පහ කිරීමට පෙර ස ුදුසු ලෙස ශරීරය සකස් කළ යුතු වෙනවා. 
මෙසේ ශරීරය සකස් කිරීමේදී එම පුද්ගලයාට තිබෙන රෝගයට අනුව හා ඔහුට අසාත්මික නොවන ආකාරයේ තෙල් වර්ගයක් යොදා ගෙන මාංශ පේශී ලිහිල් කිරීම සඳහා අවශ්‍ය තර්පන කරනවා. 
ඒ වගේම ශරීරයෙන් දහඩිය පිටවන මාර්ගයන් අවහිර වී ඇත්නම් ඒවා ලිහිල් කිරීමක් කරනවා. (ස්වේද කර්ම) මෙසේ කළාට පසුව තමයි එම රෝගියාගේ  ශරීරය පංච කර්ම කිරීම සඳහා  සුදුසු තත්ත්වයට පත් වෙන්නේ. පංච කර්ම කියන්නේ චිකිත්සීය ක්‍රියාවලියක් පමණයි. 
ඒත් අපේ රටේ බොහෝ ප්‍රදේශවල “ස්පා” යන නම භාවිතා කරලා ආයුර්වේද ප්‍රතිකාර ආයතන ලෙස  පවත්වාගෙන යන්නේ පුද්ගලයින්ට සෘජුවම ලිංගික ආස්වාදයන් ලබාදෙන ආයතනයන්. අනික ඔය “ස්පා” කියන වචනය අපේ භාෂාවේ තිබෙන වචනයක් නොවේ. ඔය ඉංග්‍රීසි වචනයක්. ස්පා කියන්නේ අපේ ආයුර්වේදයේ සඳහන් වන  ප්‍රතිකාර ක්‍රම පිළිබඳ වචන ටිකත් ඇතුළත් කරගෙන මේ අය කරන්නේ ලිංගික ආස්වාදය අවශ්‍ය පුද්ගලයින්ට එය ලබා දීමයි.” 
සංචාරක කර්මාන්තය නගා සිටුවීම සඳහා යැයි පවසමින් මෙවැනි ස්පා ආයතන රට පුරාම ප්‍රධාන නගර ඉලක්ක කර ගනිමින්  පිහිටුවා තිබේ. ආයුර්වේද ප්‍රතිකාර මධ්‍යස්ථානය යන නමින් හඳුන්වන මෙම ආයතන ආරම්භ කිරීමට පෙර ආයුර්වේද කොමසාරිස් දෙපාර්තමේන්තුවෙන් අවසරය ලබා ගත යුතුයි. මේ වන විට එවැනි අවසර ලබා ගත් ආයතන  3000ක් පමණ ආයුර්වේද දෙපාර්තමේන්තුව තුළ ලියා පදිංචි වී  තිබෙන බව ආයුර්වේද කොමසාරිස් මංගලිකා කරුණාරත්න සඳහන් කළාය. 
මෙම ආයතනයන් තුළ ලිංගික කාර්යයන් කෙරෙන බව බස්නාහිර පළාතේ හිටපු ආයුර්වේද කොමසාරිස් වෛද්‍ය නිමල් කරුණාසිරි මහතා සඳහන් කළද එය වළක්වා ලීමට බලධාරීන් ක්‍රියා නොකරන්නේ මන්ද යන්න ගැටලුවකි. ඒත් ඔහු තව දුරටත් අප හා පැවැසුවේ මෙවන් අදහසකි.
“මම ආයුර්වේද කොමසාරිස්වරයාව සිටි කාලයේදී ආයුර්වේද ප්‍රතිකාර (සම්බාහන ) මධ්‍යස්ථානයන් තුළ සිදුකරන ලිංගික කටයුතු නතර කර ප්‍රඥප්තියක් පවා සකස් කළා. එම ප්‍රඥප්තිය තවමත් ක්‍රියාත්මක කර ගන්න බැරිව තමයි අපිත් ඉන්නේ. එම ප්‍රඥප්තිය තුළ සඳහන් වුණ කරුණු අතර තිබෙනවා මෙවැනි ආයතනයක් පිහිටුවන්න අවශ්‍ය නම් එම ප්‍රදේශයේ ‍පොලීසියේ, සමිති සමාගම්, ආගමික ස්ථානවල අවසරය ලබා ගත යුතු බව, එම ආයතනය තුළ අනිවාර්යයෙන්ම  ආයුර්වේද වෛද්‍යවරයෙක් සිටිය යුතු බව ආදීය වශයෙන් කරුණු ගණනාවක් තිබෙනවා.  
ආයුර්වේද වෛද්‍යවරයෙක් හෝ නොමැතිව දේශපාලන හයිය ඇතිව ප්‍රදේශයේ සිටින මුදල් හදල් හා මැර බලය ඇති අයට පහසුවෙන්ම හා ලෙහෙසියෙන්ම මෙවැනි ආයුර්වේද සම්බාහන ආයතන නමින් ලිංගික ආස්වාදයන් ලබා දෙන ආයතන ආරම්භ කිරීමට හැකියාව ඇත. ඒ සඳහා ආයුර්වේද දෙපාර්තමේන්තුවේ ද ලියාපදිංචිය ලබා ගැනීමට හැකිය. 
එහෙත් ආයුර්වේද කොමසාරිස්වරියගෙන් අප මේ පිළිබඳව විමසූ විට ඇය සඳහන් කළේ.
“අපි කිසි විටෙකත් “ස්පා” හෝ ආයුර්වේද සම්බාහන ආයතනයන් සඳහා ලියාපදිංචිය ලබා දෙන්නේ නැහැ. අපි ලියා පදිංචිය ලබා දෙන්නේ ආයුර්වේද ප්‍රතිකාර මධ්‍යස්ථානයන් සඳහා පමණයි.”
ඇය එසේ සඳහන් කළද මෙම ආයතන පවත්වාගෙන යන හයිරන්කාරයින් ප්‍රතිකාර මධ්‍යස්ථානයක් ලෙස ලියා පදිංචිය ලබා ගන්නේය. ඒ සඳහා ඔවුන් කෙසේ හෝ ආයුර්වේද වෛද්‍යවරයෙකුද තම කටයුත්තට ඈඳා ගන්නා බව හිටපු පළාත් ආයුර්වේද කොමසාරිස් නිමල් කරුණාසිරි අප හා කළ කතා බහේදී පැවැසීය. ආයුර්වේද ප්‍රතිකාර ක්‍රමයේ ආම්පන්නද පෙන්වමින් මෙම ආයතනයට ලියාපදිංචිය ලබා ගන්නේය. එම නීත්‍යනුකූල ලියවිල්ල අරගැනීමෙන් අනතුරුව ඔවුන් තමන්ට අවැසි ලිංගික සේවා සැපයීමට කටයුතු කරගෙන යන්නේය. ඒ සඳහා සොයා බැලීමට කවුරුන් හෝ ඉදිරිපත් නොවෙති. එහෙත් මේ පිළිබඳව සොයා බැලීමේ අයිතිය ඇත්තේ ආයුර්වේද කොමසාරින් දෙපාර්තමේන්තුවටය. ඒත් ඔවුන් ඒවා සොයා බලන්නේ වසරකට වරක්ය. එයද වසරක් පාසා මෙම ආයතන අලුතින් ලියාපදිංචි කළ යුතු නිසාය. මෙසේ ලියා පදිංචිය ලබා දීමට පෙර ආයුර්වේද දෙපාර්තමේන්තුවේ නිලධාරීන් පැමිණ එම ස්ථානය පරීක්ෂා කරනු ලැබේ. එසේ පරීක්ෂා කිරීමේදී ආයුර්වේද වෛද්‍යවරයෙක් යටතේ එම ස්ථානයේ ආයුර්වේද ප්‍රතිකාර ක්‍රමයන් භාවිතා කරන්නේද යන්න සොයා බැලීමකින් අනතුරුව ලියාපදිංචිය ලබා දෙන්නේය.
මෙම ආයතනයන් තුළ ලිංගික සම්බාහන කටයුතු කරන පුද්ගලයෙකුගේ සාමාන්‍ය මාසික වැටුප රුපියල් ලක්ෂය ඉක්මවන බව වෛද්‍ය කරුණාසිරි සඳහන් කරයි. ඔහු පවසන්නේ ආයුර්වේද ප්‍රතිකාර මධ්‍යස්ථානයක් තුළ එක් පුද්ගලයෙකුට මාසිකව රුපියල් ලක්ෂයක වැටුපක් ලබා දිය නොහැකි බවය.
නීතිමය අවසරය ලබා ගනිමින් සිදු කරන නීති විරෝධී ආයතන මැඩලීමට තවත් බොහෝ කාලයක් ගත වෙනු ඇත.
 
ශ්‍රියානි විජේසිංහ
IMAGE

රැඳවියකු බැලීමට ආ රූමතියට නියාමකගෙන් 'යෝජනාවක්'

IMAGE 2018 Jan 18 10:53
අනුරාධපුර බන්ධනාගාරයේ රක්ෂිත බන්ධනාගාර ගත කර සිටින සිය ඥාතියකු බැලීමට සහෝදරියක සමග ගිය...
Views - 4705

අයිවෝ ඩෙනිස් රෝහ‍ලේ

IMAGE 2018 Jan 17 10:59
මෙරට බිහි වූ විශිෂ්ටතම සංගීතඥයකු වූ සුනිල් ශාන්තයන්ගේ ගීත උරුමය ඉදිරි පරපුර වෙත රැගෙන ආ...
Views - 3363

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 4831

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 5454

අන්තර්ජාල ඡායාරූපයේ සත්‍ය කතාව උදාරි හෙළි කරයි

IMAGE 2018 Jan 15 12:15
ප්‍රවේගය සිනමා පටයෙන් බොහෝ දෙනාගේ ආදරය දිනාගත් උදාරි පෙරේරාගේ තට්ට හිස සහිත ඡායාරූප පෙළක්...
Views - 6274

හොලිවුඩ් නිළියන්ටත් ලිංගික හිංසන

IMAGE 2018 Jan 15 11:49
වසර හැත්තෑ පහක කාලය තුළ අමුතුම ආකාරයේ ගෝල්ඩන් ග්ලෝබ් සම්මාන උළෙලක් පළමු වරට පසුගිය ඉරිදා...
Views - 3840

Please publish modules in offcanvas position.

X

Right Click

No right click