Coss Ear2
lakbima.lk
COSS Ear 1

පාසල් වයසේ පසුවන ඥාති දියණියක පැහැරගෙන ගොස් අතුරුගිරිය ප්‍රදේශයේ රඳවා ගැනීමේ වරදට දහඅට හැවිරිදි  මෝස්තර නිරූපන  ශිල්පියෙකු යැයි කියන තරුණයෙකු හා ඊට ආධාර අනුබල දුන් බව කියන ඔහුගේ සහෝදරිය අනුරාධපුර මූලස්ථාන  ‍පොලීසියේ ළමා හා කාන්තා කාර්යාංශය මගින් ඊයේ (03) අත්අඩංගුවට ගත්හ.
අනුරාධපුර ඇලයාපත්තුව ප්‍රදේශයේ පදිංචි බාලවයස්කාරියගේ පියා අනුරාධපුර මූලස්ථාන ‍පොලීසියට කළ පැමිණිල්ලක් සම්බන්ධයෙන් පරීක්ෂණ සිදුකර සැකකරු සමග පාසල් සිසුවිය අත්අඩංගුවට ගෙන තිබුණි. මීට වසර තුනකට පමණ ඉහත සිට දෙදෙනා අතර ප්‍රේම සම්බන්ධතාවයක් තිබි ඇති බව කියන ‍පොලීසිය පසුගිය (27) වනදා තරුණයා දැරිය පැහැරගෙන ගොස් ඇති බව කියයි.
දැරිය පැහැර ගැනීමෙන් අනතුරුව තරුණයා අතුරුගිරියේ පිහිටි සහෝදරියගේ නිවසට ගොස් තිබෙන බවත් සහෝදරයා හා දැරිය වහාම බාරදීමට කටයුතු කරන ලෙස ‍පොලීසිය ඇයට දැන්වුවත් නව වසරෙන් පස්සේ ගෙනත් දෙන්නම් යනුවෙන් පවසා දුරකථන ඇමතුම විසන්ධි කළ බවත් ‍පොලීසිය කියයි. ඒ අනුව සැකකරු දැරිය රඳවාගෙන සිටින ස්ථානයට ගොස් අනුබල දුන් සහෝදරියත් සමග අත්අඩංගුවට ගත් බව ද ‍පොලීසිය පැවැසුවේය.
සැකකරු දැරියට ලිංගික අතවරයක් සිදුකර ඇත්ද යන්න අනාවරණය කර ගැනීමට දැරිය අනුරාධපුර ශික්ෂණ රෝහ‍ලේ අධිකරණ වෛද්‍යවරයා හමුවට ඉදිරිපත් කෙරුණි. 
නීත්‍යානුකූල භාරකාරත්වයෙන් දැරියක් අපහරණය කිරීමේ චෝදනාවට සැකකාර තරුණයා අධිකරණයට ඉදිරිපත් කිරීමට නියමිතව තිබූ අතර ඊට ආධාර අනුබල දුන් සහෝදරියත් අධිකරණයට ඉදිරිපත් කරන බව ‍පොලීසිය පැවැසුවේය.
අනුරාධපුර මූලස්ථාන ‍පොලීසියේ ළමා හා කාන්තා කාර්යාංශයේ උප ස්ථානාධිපති උප ‍පොලිස් පරීක්ෂක කේ. ඒ. රත්නසිරි මහතා ඇතුළු නිලධාරීහු පිරිසක් සැකකරුවන් අත්අඩංගුවට ගෙන තිබුණි.
 
බුද්ධික මහේෂ් විජේසූරිය - අනුරාධපුර

ජීවත්වීමට හැකි කිසිදු පහසුකමක් නොමැතිවීම හේතුවෙන් මහනුවර දිස්ත්‍රික්කයේ දුෂ්කර ගම්මානයක් මේ වන විට හුදකලා ගමක් බවට පත් වී තිබේ.
මීමුරේ ග්‍රාම නිලධාරි කොට්ඨාසයට අයත් අතිදුෂ්කර ගමක් වන දන්දෙණිකුඹුර අද වන විට එක් පුද්ගලයෙකු පමණක් ජීවත් වන ගම්මානයක් බවට පත්ව ඇත්තේ ජනතාවට ජීවත්වීමට හැකි ප්‍රමාණවත් පහසුකම් එහි නොමැති වීම නිසාය.
දැනට වසර පහළොවකට පෙර පවුල් තිහක් පමණ ජීවත් වී ඇති මෙම ගම්මානයේ ජනතාව මෙහි ඇති අතිදුෂ්කර බව හේතුවෙන් ක්‍රමයෙන් ගම අතහැර ගොස් වෙනත් ප්‍රදේශවල පදිංචි වී තිබේ. ප්‍රවාහන ක්‍රමයක් නොමැතිවීම ප්‍රධාන ගැටලුවක් වන අතර ගම්මානයේ ජනතාවට ගමන් කිරීම පයින් ද භාණ්ඩ ප්‍රවාහනය ගවයන් බැඳී තවලම් පිට සිදු කිරීමට සිදුව තිබුණි.
මෙම ගම්මානයට මාර්ග, පාසලක්, රෝහලක්, වෙළෙඳසැල් වැනි යටිතල පහසුකම් නොමැති අතර ජනතාව එම පහසුකම් වෙනුවෙන් කිලෝමීටර් ගණනාවක් ගංගා තරණය කරමින් වන දුර්ග ඔස්සේ පයින් ගමන් කළ යුතුව ඇත.
දන්දෙණිකුඹුර ග්‍රාමයේ සිට ගලමුදුන ගමට කිලෝමීටර් තුනක්, මීමුරේ ගමට කිලෝමීටර් පහක් සහ සුළුගුණේ ගම්මානයට කිලෝමීටර් අටක් පයින් ගමන් කළ යුතුවේ. සෑම මාර්ගයකදීම ජල පහරක් හමුවන අතර සුළුගුණේ ගම්මානයට යන විට හීන් ගඟද මීමුරේට ගමන් කරන විට දිවිගොල්ලේ ඔය ද තරණය කිරීමට ගම්වාසීන්ට සිදුව ඇත. 
හෙල්මළු ක්‍රමයට වගා කරන අක්කර සියයකට ආසන්න වෙල්යායකින් යුතු වූ දන්දෙණිකුඹුර ගම්මානයේ වෙල්යාය වසර පහළොවකින් වගා නොකිරීම නිසා මේ වන විට සම්පූර්ණයෙන්ම පුරන් වී කැලෑවෙන් වැසී යමින් පවතී. ගම්මානයේ තිහක් පමණ වූ නිවාස සියල්ලම විනාශ වී නටඹුන් බවට පත්ව ඇති අතර ඉතිරිව ඇත්තේ එක් නිවාසයක් පමණි. ඒ දැනට එම ග්‍රාමයේ ජීවත් වන පාරම්පරික හෙළ වෙද මහතෙකු වන මහරගෙදර හීන්බණ්ඩා වෙද මහතාගේ නිවස වේ.
“ගමේ කිසිම පහසුකමක් නැහැ. දරුවන් පාසලකට යවන්න කිලෝමීටර් පහක් පමණ පයින් යන්න ඕනි. මහ වැසි වැස දිවිගොල්‍ලේ ඔය, හීන් ගඟ උතුරන විට ගගෙන් යන්න බැරි නිසා මාසයක් වුවත් වතුර අඩුවන තුරු දරුවන් පාසල් නොගොස් නිවෙස්වලට වී සිටිනවා. ගඟ තරණය කිරීම සඳහා ගස් ආධාර කොට වැල් පාලම් සකස් කර තිබුණත් අද ඒ  සියල්ල දිරාපත් වෙමින් තිබෙනවා. ගම්මානයේ සියල්ලන්ම ගම අත හැර මීමුරේ, සුළුගුණේ, ගලමුදුන, හෙට්ටි‍පොල ගොඩඋල්පත වැනි ගම්මානවල පදිංචියට ගියා. මම පමණයි ගමේ සිටින්නේ.
නමුත් වෙදකම් කර ගැනීම සඳහා මීමුරේ, ගලමුදුන, සුළුගුණේ වැනි ගම්මානවල ජනතාව තවමත් මා සොයා පැමිණෙනවා. වන ගත දුෂ්කර මාර්ග ඔස්සේ රෝගීන්ට පැමිණිය නොහැකි අවස්ථාවලදී මම රෝගීන් වෙත ගොස් ප්‍රතිකාර කරනවා. ප්‍රතිකාර සඳහා මුදල් අය කරන්නේ නැහැ. මගේ අප්පච්චි කළෙත් වෙදකම. අද මම කරන්නේත් අප්පච්චිගෙන් උගත් වෙදකම. මගේ පුතුන් දෙදෙනා ද අද ඒ පාරම්පරික වෙදකම් කරනවා. පුතුන් පදිංචිව ඉන්නේ මීමුරේ. ඔවුන් සතියකට වරක් මා බලන්න දන්දෙණිකුඹුරට එනවා.
රක්ෂිතයේ භාවනායෝගීව වැඩ වසන භික්ෂුන් වහන්සේ සඳහා දානය ලබාදීම මගේ ප්‍රධාන කාර්යයක්. සෑම දිනකම උදෑසන මා ඒ කාර්යය සිදු කරනවා. ඇතැම් අවස්ථාවලදී මමත් භාවනා කරනවා.
අපේ අප්පච්චි, මුත්තා ආදීන් ජීවත් වුණේ මෙම ගමේ. මම ජීවත්වන්නේත් මැරෙන්නේත් මේ ගමේ. ගම අතහැර යන්න මට අදහසක් නැහැ. නමුත් අද ගම කැලයෙන් යටවෙනවා. ගම වටේටම රක්ෂිත වනාන්තර. ගමේ කිසිදු කුඹුරක් අද අස්වද්දලා නැහැ. හේන් ගොවිතැන  සිදුවන්නේ නැහැ. විහාරස්ථානයේ, බණ්ඩාර දෙවියන්ගේ දේවාලයත් අද ගරා වැටිලා. පැරණි නිවාස රැසක් සම්පූර්ණයෙන්ම විනාශ වෙලා. කුඹුරු තිබුණු තැන් පමණක් අද ඉතිරිව තිබෙනවා. ගම්මානයේ සිටි මී ගවයන් අද කුළු ගවයන් බවට පත් වෙනවා. ‍පොල් ගස් අලින් පෙරළනවා.
ගම දියුණු කිරීමට බලධාරීන් කිසිදු උත්සහයක් දැරුවේ නැහැ. මහනුවර දිස්ත්‍රික්කයත් මාත‍ලේ දිස්ත්‍රික්කයත් යා කළ හැකි මාර්ගයක් මේ ගම්මානය හරහා ආරම්භ කළ හැකියි. දැනටමත් කිවුල්වාඩියේ සිට බතලවත්ත දක්වා මාර්ගයක් කපා අවසන්. එම මාර්ගය මීමුරේ සිට බතලවත්තට සම්බන්ධ කර ඉදිකරන්නේ නම් ජනතාවගෙන් තොර වුණු දන්දෙණිකුඹුර ගම්මානය යළි ජනාවාස සහිත ගම්මානයක් බවට පත් කළ හැකියි. ගමෙන් ගිය පදිංචිකරුවන් යළි ගමට පැමිණෙනු ඇතැයි මා විශ්වාස කරනවා.
ඡන්දය ඉල්ලමින් දේශපාලනඥයන් මේ ගමට ආවා. ‍පොරොන්දු රැසක් අපට ලබා දුන්නා. නමුත් කිසිදු ‍පොරොන්දුවක් ඉටු කළේ නැහැ. ඔවුන් යළි ගමට පැමිණියේත් නැහැ. ඉදිරියේදී පළාත් පාලන මැතිවරණය එනවා. එවිට දේශපාලනඥයන් මා සොයා යළි දන්දෙණිකුඹුර ගමට පැමිණේවි.
බලධාරීන්ගේ අවධානය නොමැති නිසා දන්දෙණිකුඹුර ගමේ ඉන්නේ මා පමණයි. මේ වන විට මේ ගම පමණක් නොව මීට නුදුරු ඉලුක්හේන, කැකලවත්ත ගම්මාන ද ජනශුන්‍ය ගම්මාන බවට පත්ව තිබෙනවා යැයි මහරගෙදර හීන්බණ්ඩා වෙද මහතා (70) ප්‍රකාශ කළේය.
නදීක දයා බණ්ඩාර - මහනුවර අතිරේක

ජයප්‍රකාශන් ශිවගුරුනාදන්ගේ නවතම සිනමාපටය “පහ සමත්” මේ දිනවල දිවයින පුරා සිනමාහල්  හැත්තෑවක සාර්ථක ලෙස  තිරගතවෙයි. පහේ ශිෂ්‍යත්වය සමත්ව ඈත ගමකින් කොළඹ ප්‍රසිද්ධ විදුහලකට එන අහිංසක දරුවකු මුහුණ දෙන අත්දැකීම් රැසක් එක්කළ “පහ සමත්” චිත්‍රපටයේ “වෙනුර” ලෙස ඔබ හමුවට එන්නේ “ෂාරද් චන්දිම”යි. පුංචිම සන්දියේදී රංගනයට එක් වූ “ෂාරද්” මේ වනවිට නිර්මාණ කිහිපයකටම එක්ව සිටින දක්ෂතා පිරි ළමා රංගන ශිල්පියෙකි.
 
ෂාරද්ට කලා ලෝකය නුහුරු නැහැ..  
මගේ තාත්තා “ජයප්‍රකාශ් ශිවගුරුනාදන්” චිත්‍රපට සහ ටෙලි නාට්‍ය අධ්‍යක්ෂවරයෙක්. පුංචි කා‍ලේ ඉඳන්ම අපේ ගෙදර තිබුණේ කලා ලෝකයට සම්බන්ධ පසුබිමක්. ඒ හින්දම තමයි මටත් කලාවට ආශාවක් ඇතිවුණේ.
 
රඟපාන්න ආසයි කියලා ෂාරද් තාත්තට කිව්වද .. ?
ඔව් .. මම අප්පච්චිට කිව්වා රඟපාන්න ආසයි කියලා. ඊට පස්සේ තමයි අප්පච්චි මාව අප්පච්චි කරපු “නිර්භීතයි අපි” ටෙලි නාට්‍යයේ රඟපාන්න ගත්තේ. එතකොට මම හතර වසරේ.
 
දැන් ඉගෙන ගන්නේ කීය වසරෙද...?
9 වසරේ 
 
පහ සමත් සඳහා එක්වනවිට ඉගෙන ගත්තේ කීය වසරෙද?
එතකොට මම 8 වසරේ 
කොහොමද රංගනයට ලැබෙන ප්‍රතිචාර .. ?
ගොඩක් හොඳ ප්‍රතිචාර ලැබෙනවා. ඉස්කෝ‍ලේ යාළුවෝ, ගුරුවරු චිත්‍රපටය බලලා මට හොඳයි කියනවා. 
 
සාමාන්‍ය තොරතුරු ටිකකුත් කියන්නකෝ .. 
අපි පදිංචිවෙලා ඉන්නේ මහනුවර තෙල්දෙනියේ. පවු‍ලේ ඉන්නේ අම්මයි, අප්පච්චියි, මමයි, මල්ලියි. මම ඉගෙන ගන්නේ මහනුවර ශ්‍රී චන්ද්‍රානන්ද විදුහ‍ලේ.
 
කවදා හෝ පියාගේ අඩිපාරේ යමින් අධ්‍යක්ෂණයට යොමුවෙන්න ආසා නැද්ද .. ?
අධ්‍යක්ෂණයටත් ආසයි. ඒත් චිත්‍රපට, ටෙලි නාට්‍යවලට වඩා කැමති වීඩියෝ ඩිරෙක්ටර් කෙනෙක් වෙන්න. 
 
ඔබේ පියා කළ නිර්මාණ අතරින් වඩාත්ම කැමති නිර්මාණය කුමක්ද?
“හාර කෝටිය” ටෙලි නාට්‍යයට මම ගොඩක් කැමතියි. 
 
ෂාරද “පහ  සමත්” චිත්‍රපටයේ “විනුර” වගේ සැබෑ ජීවිතයේත් දඟකාරයෙක්ද.. ?
නැහැ මම විනුරට වඩා ගොඩක් වෙනස්. මම කවමදාකවත් කාටවත් හිරිහැර කරන ළමයෙක් ‍නෙවෙයි. 
 
“පහ සමත්” චිත්‍රපටයේ රඟපාන්න ගිහින් සිදුවූ අමතක නොවන සිදුවීම් මොනවාද .. ?
චිත්‍රපටයේ මම වැලක එල්ලිලා ඉන්න දර්ශනයක් තියෙනවා. ඒ ජවනිකාව ගත්තේ “ඩේ‍රා්න කැමරා” එකකින්.මම වැ‍ලේ එල්ලුණා. ඒත් එකපාරටම කැමරාව ක්‍රියාත්මක වුණේ නැහැ. දැන් ඔන්න මම වැ‍ලේ එල්ලිලා ඉන්නවා. මට එහෙම ඉන්න අමාරුයි. මට වැල අතහැරිලා බිමට වැටුණා.  මට තුවාලත් වුණා .
 
“පහ සමත්” චිත්‍රපටයේ නම් “සමත්” සහ විනුර සතුරෝ  
ඒත් සැබෑ ජීවිතේදී නම් අපි දෙන්න හොඳම යාළුවෝ. චිත්‍රපටය ඉවරවෙලා ගියත් තවමත් අපි නිතරම දුරකථනයෙන් කතා කරනවා. කතාකරන්න බැරි උනොත් “මැසේජ්” කරගන්නවා.
 
ෂාරද් “පහ සමත්” සහ “නිර්භීතයි අපි” නිර්මාණ ඇර වෙනත් නිර්මාණවලට සම්බන්ධවෙලා නැද්ද .. ?
“මලී - 2 අත්තම්මා” ටෙලි නාට්‍යයේ රඟපෑවා
 
දිගටම රඟපානවද .. ?
රඟපාන්න ආසයි. 
 
ඒ කියන්නේ ෂාරද් අනාගතේ අපේ රටේ දක්ෂ ජනප්‍රිය නළුවෙක් වෙනවා කියන එකද.. ?
ආසාවට රඟපෑවත් මම ආසම කරන්නේ තාරකා විද්‍යාවට.. ඒ වගේම අයි.ටී.  (තොරතුරු තාක්ෂණය) කරන්නත් ආසයි. මේ අංශ දෙකම එකතු වෙන විදියේ ක්ෂේත්‍රයක් තමයි තෝරාගන්න හිතාගෙන ඉන්නේ. ඒ වුණත් ඉඳල හිටල හරි රඟපාන්නත් එකතු වෙනවා. 
 
ආරියවංශ කුලතිලක 

බෞද්ධ සිද්ධස්ථාන වැදපුදා ගැනීමට ශ්‍රී ලංකාවට පැමිණීමට අවශ්‍ය බව පවසමින් නිරන්තරයෙන් ඇවිටිලි කළ වයස අවුරුදු දෙකේදී පැවිදි බිමටපත් භූතානයේ රැජිනගේ මුණුපුරු සාමනේර හිමියන් ඇතුළු දූතපිරිසක් නිලනොවන සංචාරයකට පැමිණ පසුගිය දා මිහින්තලය රජමහා විහාරය වැදපුදා ගත්හ.

සිව්වන වියේ පසුවන රැජිනියගේ මුණුපුරා වන සාමනේර හිමියන් වයස අවුරුදු දෙකේදී පැවිදි වී තිබෙන බවත් සාමනේර හිමියන්ට ශ්‍රී ලංකාවේ ශාසන ඉතිහාසය පිළිබඳ ඇති දැනීම සම්බන්ධයෙන් මහ රැජිණිය මෙන්ම තමන් වහන්සේද මවිතයට පත්වූ බවත් මිහින්තලා රජමහා විහාරාධිපති හා භාරකාර පූජ්‍ය වලවාහැංගුණවැවේ ධම්මරතන හිමියයෝ පැවසූහ.

සාමනේර හිමියන්, භූතාන රැජිනිය සමඟ ඇගේ දියණිය වන සාමනේර හිමියන්ගේ මව සහ පැවිදි වී සිටින මුණුපුරා ගේ විහාරයේ නායක හිමිපාණන්,  හා සාමනේර හිමියන්ගේ සහෝදරයා මෙන්ම ශ්‍රී ලංකාවේ භූතාන තානාපතිවරයා ඇතුළු දූත පිරිස පෙරේදා (31) මිහින්තලය පූජා භූමිය වැදපුදා ගැනීමට පැමිණ සිටියහ.

දැනට සිව්වන වියේ පසුවන සාමනේර හිමියන් වසර කිහිපයක සිට ශ්‍රී ලංකාවට පැමිණිය යුතුබවට ඇවිටිලිකරමින් හඬා වැටීම නිසා නිලනොවන අන්දමින් ශ්‍රී ලංකාවට පැමිණි බව රැජිනිය විහාරාධිපති ධම්මරතන හිමියන්ට පැවසුවාය.

සාමනේර හිමියන්ට ශ්‍රී ලංකාවේ ශාසනික ඉතිහාස සම්බන්ධයෙන් ඇති දැනීම පිළිබඳව මවිතයට පත්වූ විහාරාධිපති හිමියෝ මෙසේ කීය.

සාමනේර හිමියන් ලංකාවේ සෑම බෞද්ධ සිද්ධස්තානයක් පිළිබඳවම හොඳින් දන්නවා. කැලණිය විහාරයට වැඩම කළ අවස්ථාවේ එම විහාරයට බුදුන් වැඩිය බවත් පවසා තිබුණා. අනුරාධපුර ජය ශ්‍රී මහ බෝධීන්වහන්සේ වැදපුදා ගැනීමට ගිය අවස්ථාවෙත් ශ්‍රී මහ බෝධින්වහන්සේ බුදුන්ට බුදුවීමට පිටදුන් බෝධියේ ශාඛාවක් බව පවසා තිබුණා. රැජිනය හා ඇගේ දියණියත් සාමනේර හිමියන්ගේ මේ ප්‍රකාශයන්ට මවිතවී සිටියා.

උන්වහන්සේ මීටපෙර ලංකාවට වැඩමකර නෑ. උන්වහන්සේට  මෙම දැනුම ලැබුණු ආකාරය පිළිබඳව මටත් හිතා ගන්න බැරුව හිටියේ. මිහින්තලයට වැඩම කිරීමෙන් පසුව මේ විහාරය මිහිඳු මාහිමිපාණන් ලංකාවට බුද්ධාගම රැගෙනා ආ ස්ථානය යනුවෙන් උන්වහන්සේ හඳුනාගත්තා. මිහින්තලා මහා සෑයේ බුදුන්වහන්සේගේ ඌරණ රෝම ධාතුව  තැන්පත්කර තිබෙන බවත් පැවසුවා.

ඉන්පසුව ධාතුන් වහන්සේලා නැරඹීමට අවශ්‍ය බව පවසා ඒ පිළිබඳව විස්තර පැවසුවා.

මිහිදු හිමියන් ආදාහනය කිරීමට යොදාගත් දැවයන්හි අඟුරු පෙන්වූ අවස්ථාවේ ඒවා සඳුන් දැව බව උන්වහන්සේ පැවසුවා. ධාතු මන්දිරයට ගොස් සියළුම ගාථා හොඳින් සජ්ජායනා කරමින් වැදුම් පිදුම් කළා.

රැජිනිය ඇතුළු සියළුම දෙනා මවිතයට පත්වී සිටියේ. මාත් මවිතයට පත්වුණා; සාමනේර හිමියන්ගේ දැනුම පිළිබදව. රැජිනිය පවසනවා සාමනේර හිමියන් පෙර භවයන් වල ශ්‍රී ලංකාවේ හරි ඉන්දියාවේ හරි ඉපදිලා උසස් ආධ්‍යාත්මික ජීවිතයක් ගතකරන්න ඇති කියලා. බුදු දහම සම්බන්ධයෙන්ද සාමනේර හිමියන් බොහෝ දේවල් දන්නවා. උන්වහන්සේ ලංකාවට වැඩම කළ පසුව පෙර භවයන් මතකයට එන්න ඇති කියලා මාත් විශ්වාස කරනවා යනුවෙන් නායක හිමිපාණන් පැවසූහ.




අනුරාධපුර බුද්ධික මහේෂ් විජේසූරිය

 

 

 

දැනට අප රටෙහි ඇතැයි පැවසෙන නවීන ගුවන්විදුලි සම්ප්‍රේෂණ උපකරණ මඟින් ප්‍රාදේශීය ගුවන්විදුලි සන්නිවේදන ක්‍රියාවලීන් ඇරඹිය හැක. එහෙත් මෙලෙස  ගුවන්විදුලි වැඩසටහන් විසුරුවා හැරීම හෙවත් සංඛ්‍යාත විමෝචනය කිරීම ඉඳුරාම නීති විරෝධීය.

එහෙත් එසේ නීති විරෝධී ලෙස පවත්වාගෙන යනු ලබන ගුවන්විදුලි චැනලයන් පිළිබඳව වරින් වර වාර්තා වේ.

මේ අතර  නීති විරෝධීව දැරණියගල නගරයේ සිට විකාශනය කළ FM  නාලිකාවක් ශ්‍රී ලංකා විදුලි සංදේශ නියාම කොමිෂන් සභාව විසින් පසුගියදා වටලන ලදී. කොමිෂන් සභාව සතු අති නවීන පිරික්සුම්  පද්ධතිය මගින් මෙම ස්ථානය  අනාවරණය කරගත් අතර අපරාධ පරීක්ෂණ දෙපාර්තමේන්තුවේ සහාය ඇතිව මේ වැටලීම සිදු කෙරිණි.
ගුවන් විදුලි විකාශයක් සඳහා අවශ්‍ය  සියලු තාක්ෂණික උපකරණ හා ඒ සඳහා සහාය වන අනෙකුත් උපකරණ විශාල තොගයක්ද මෙහිදී අත්අඩංගුවට ගෙන තිබේ.

ශ්‍රී ලංකා විදුලි සංදේශ නියාමන කොමිෂන් සභාවෙන් ලබාගත් නිසි බලපත්‍රයක් නොමැතිව ගුවන් විදුලි තරංග විමෝචක උපකරණ භාවිතා කිරීම 1991අංක 25 දරන විදුලි සංදේශ පනත හා සංශෝධිත 1996අංක 27 දරන පනත යටතේ දඬුවම් ලැබිය හැකි වරදකි.  
මීට පෙරද මෙවැනි නීති විරෝධී විකාශන උපකරණ හා එම විකාශනවලට සම්බන්ධ පුද්ගලයන් අත්අඩංගුවට ගෙන අධිකරණයනය හමුවේ නඩු පවරා ඇති බව විදුලි සංදේශ නියාමන කොමිෂන් සභාවේ අධ්‍යක්ෂ ජනරාල් ශාමල් ජයතිලක මහතා පැවැසීය.

නීති විරෝධී සංඛ්‍යාත විමෝචන උපකරණ ක්‍රියාත්මක කළහොත්  විනාඩි කිහිපයක් තුළදී හඳුනා ගැනීමට හැකිවන ස්වයංක්‍රීය සංඛ්‍යාත පිරික්සුම් මධ්‍යස්ථාන 2018 වසරේදී මුළු දිවයිනම ආවරණය වන පරිදි ස්ථාපනය කෙරේ. ඒ මගින් නීති විරෝධීව ගුවන් විදුලි තරංග විමෝචන උපකරණ හා භාවිතා කරන්නන්  ක්ෂණිකව අත්අඩංගුවට ගැනීමට කටයුතු කරන බවද අධ්‍යක්ෂ ජනරාල්වරයා වැඩිදුරටත් පැවැසීය.

එබැවින් තමන් විසින්ම සකසා ගත් විමෝචන උපකරණ භාවිතා කිරීමද ඉහත සඳහන් ආඥා පනත යටතේ සිරදඬුවම් සහ දඬමුදල් වලට යටත් කෙරෙන වරදක් බව සැලකිය යුතුය.

 

 

කන්ද උඩරට එක්තරා ස්ථානයක හිරු බැස යන මෙහොතේ වරින් වර දිස්වන අත්භූත රූමතියක් පිළිබඳ තොරතුරු මට මුල්වරට අසන්නට ලැබුණේ එම ප්‍රදේශයේම පාසල් ගුරුවරයෙකු වෙතිනි. මුලදී ඒ පිළිබඳව කිසිදු තැකීමක් නොකළ ද ඔහු විසින් දෙන ලද තොරතුරු ඔස්සේ ඒ පිළිබඳව මවිසින් කළ වැඩිදුර සොයා බැලීම් වලදී දැනගත හැකි වූයේ ඒ මිනිසුන් බියට පත් කරවන බිහිසුණු අවතාරයක් නොව දකින්නවුන්ගේ සිත් සතන් මෝහනයට පත් කරවන සුරංගනාවියකගේ බඳු මනස්කාන්ත ලලනා රූපයක් බවය.

එහෙත් මෙහිදී සමහරෙකු ඒ අත්භූත රුව මිහිමත දක්නට ලැබෙන්නක් බව විස්තර කළ අතර තවත් අයෙකු ප්‍රකාශකර සිටියේ එම රුව අහසේ වලාකුළු අතරින් දක්නට ලැබෙන බවය.

මෙහි යතාර්ථය කෙසේ වෙතත් මෙය එක්තරා අන්දමක කාව්‍යාත්මක සංකල්පයක් බැවින් මම ඒ පිළිබඳව විමසීම පිණිස අද (31) ඉර බැස යන සැන්දෑවේ එම ඉසව්වට ගියෙමි.

එහ පිහිටියේ මධ්‍යම පළාතේ ගෝමරේ සිට රංවල දක්වා වැටී ගත් මාවතේය.

මෙහිදී මට තවත් දැනගැනීමට ලැබුණු විශේෂ දෙයක් තිබිණ. එනම් අතීතයේ මෙහි ජීවත් වූ ගෝමරී නම් අත්භූත රූමතියගේ රූපයක් මෙම ප්‍රදේශයේ සැරි සැරූ බවට තොරතුරු ඇති බවය.

එහෙත් මෙය එක්තරා අන්දමක මිනිසුන් හමුවේ මැවෙන මනෝ භ්‍රාන්තියක් ද එසේ නොමැති නම් මෙම දර්ශනයෙන් ඇතමුන්ගේ සිත තුළ මැවෙන මෝහනමය පරිකල්පනයක් ද එසේ නැත්නම් මෙතෙක් විද්‍යාවට හසු නොවූ කිසියම් අධි යතාර්ථවාදී තත්වයක් ද යන්න නිශ්චය කිරීමට නොහැකි මම අද එම පසුතලයේදී ගත් ඡායාරූප කිහිපයක් පමණක් මෙසේ ඔබ වෙත ඉදිරිපත් කරමි.




වෛද්‍ය සුගත් විජේවර්ධන

IMAGE

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 1771

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 1043

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 3109

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 4187

කසාද බැඳලා දරුවොත් ඉන්න ඇය මේ කතාව කාටවත් කියන එකක් නැහැ

IMAGE 2018 Feb 18 12:57
අද වන තුරු කාටවත් නොකී රස රහසක් මගේ ජීවිතය තුළත් තියෙනවා. ඇත්තටම ඒ රහස මම ඇර තව එක්කෙනයි දන්නේ....
Views - 7183

ලංකාවේ සුපිරි ධනවතාගේ කෝටි 16 මෝටර් රිය

IMAGE 2018 Feb 18 12:00
2015 ජනාධිපතිවරණ සමයේ දේශපාලන වේදිකාවේ බොහෝ දේ කතාබහ කෙරුණි. මිල අධික ලැම්බ්‍රෝගිනි මෝටර් රථද ඒ...
Views - 6328

Please publish modules in offcanvas position.