Coss Ear2
lakbima.lk
COSS Ear 1

පබසරා මධුෂානි මේ දිනවල විකාශය වන තව දුරයි ජීවිතේ, මුතුකුඩ, මෙඩිසිනා ඇතුළු ටෙලිනාට්‍ය කිහිපයකින්ම රූපවාහිනී ප්‍රේක්ෂකයන් හමුවට එන රංගන ශිල්පිනියකි. හාසේ‍යා්ත්පාදක රංගනයන්ද ඇතුළුව එකිනෙකට වෙනස් වූ චරිත රඟපෑමට තමන් සතුව තිබෙන හැකියාව මේ වනවිටත් පෙන්නුම් කර තිබෙන ඇය සිය රංගන දිවිය පිළිබඳව වැඩිදුර තොරතුරු කතාබහ කිරීමට මෙසේ සංවාදයට එක්වූවාය.
 
තව දුරයි ජීවිතේ ටෙලි නාට්‍යයේ ටිටි කියන්නේ ඔබ රඟපාන චරිත අතරින් වැඩි ප්‍රේක්ෂක ආකර්ශනයක් හිමිවී තිබෙන චරිතයක් කීවොත් නිවැරදියි. මොන විදිහේ ප්‍රතිචාරද ඒ චරිතය වෙනුවෙන් ඔබට ලැබෙන්නේ?
පබසරා කියනවාට වඩා දැන් බොහෝ දෙනා මට කතා කරන්නේ ටිටි කියලයි. ඇත්තටම තව දුරයි ජීවිතේ ටිටි කියන චරිතයට පුළුවන් වුණා මගේ ජීවිතයත් ගොඩාක් දුර ගෙනියන්න. පබසරා කියන මාව නොදන්න අයටත් පබසරා ගැන හඳුන්වලා දුන් චරිතය තමයි ටිටි කියන්නේ.
 
එතකොට ටිටි කියන චරිතය සැබෑ ජීවිතේ පබසරාගෙන් වෙනස් වෙන්නේ කොහොමද?
ටිටි වගේම මමත් දඟකාරයි. ඒත් ටිටි වගේ මම නම් ටිකක්වත් නපුරු නැහැ. මම නපුරු වෙන්නේ රංගන ජීවිතයේදී විතරයි. මගෙන් හුඟක් අය අහනවා කොහොමද පබසරා ටෙලිනාට්‍යය වෙනුවෙන්වත් මෙච්චර නපුරු වුණේ කියලා.
 
මෙඩිසිනා ටෙලි නාට්‍යයේත් ඔබ නිරූපණය කරන්නේ හාසේ‍යා්ත්පාදක චරිතයක්. ඒ වගේම මුතුකුඩ ටෙලි නාට්‍යයේ ඔබ නිරූපණය කරන්නේ ගැමි චරිතයක්. මේ වගේ වෙනස් චරිත රඟපාන ඔබේ රංගන දිවියේ ඊළඟ බලා‍පොරොත්තුව මොකක්ද කියලා ඇහුවොත්?
මෙඩිසිනා වලින් මගේ හාස්‍ය රංගනයේ දක්ෂතා පෙන්වන්න මට පුළුවන් වුණා. ඒ වගේම මුතුකුඩ හරහා ගැමි යුවතියක් විදිහට මම චරිතයක් හරහා ප්‍රේක්ෂකයන් ඉදිරියට එනවා. මගේ සැබෑ ජීවිතයේ බාහිර ස්වරූපය, පාට කරපු කොණ්ඩා විලාසිතාව පවා එහෙමම වෙනසකට ලක්වුණේ මුතුකුඩ ටෙලි නාට්‍යයෙන්. මේ විදිහට විවිධ චරිත කරන මගේ ජීවිතයේ ලොකුම බලා‍පොරොත්තුව අහිංසක යුවතියකගේ චරිතයක් රඟපෑම. ඒ අවස්ථාව ලැබෙන තුරු මම හරිම ආශාවෙන් බලාගෙන ඉන්නවා.
 
ඕපාදූප කටකතා කියන්නේ අලුතින් ක්ෂේත්‍රයට එන ඕනෑම නිළියකට මුහුණ දෙන්න සිදුවෙන අභියෝගයක්. පබසරා ඒ අභියෝගයට මුහුණ දෙන්නේ මොන විදිහටද?
කලාවේ විතරක් ‍නෙවෙයි, වෙනත් ඕනෑතරම් ක්ෂේත්‍රවල අය ගැන ගොසිප් ඕනතරම් හැදෙනවා. හැබැයි රංගන ශිල්පිනියක් වුණාම ජනතාව අතරට ගියත් අවධානය යොමුවෙනවා වැඩි නිසා තමයි නිළියන් ගැන කතාවෙන ‍පොඩි දේවලුත් ලොකුවට ඉස්මතු වෙන්නේ.
හැබැයි අපි හරියට අපේ ගමන ගියොත් ඒ අභියෝගයට මුහුණ දීම ගැටලුවක් වෙන්නේ නැහැ.
 
පබසරාට නිළියක් වෙන්න මග විවර කරලා දුන්නේ නිවේදිකාව කියන භූමිකාව. ඒත් දැන් නිවේදන වෘත්තියෙන් ඔබ සමු අරගෙන නේද?
නිවේදන වෘත්තියට මම සමු දීලා නැහැ. මම ‍පොඩි විවේකයක් ගත්තා විතරයි. මොකද දැන් රංගන කටයුතුත් එක්ක මට නිවේදන කටයුතු සඳහා වෙලාව වෙන් කර ගන්න ටිකක් අපහසුයි. ඒත් නිළියක් වෙන්නට මග පෙන්වපු නිවේදනයට මම හැමදාමත් ආදරෙයි.
 
සමන්මලී නැලිගම

ජනප්‍රිය නළු කාවිංග පෙරේරා ඊයේ විවාහප්‍රාප්ත විය. ඔහුගේ අතගත් මනාලිය වූයේ සනායා නම් වෛද්‍යවරියකි. කාවිංග සනායා විවාහය ඊයේ බම්බලපිටිය ශාන්ත මේරි දේවස්ථානයේ සිදුවූ අතර එදින රාත්‍රී විවාහ මංගල උත්සවය පැවැත්වූයේ කොළඹ සිනමන් ලේක් සයිඩ් හෝටලයේය.











ඡායාරූප -ධනුෂ්ක සේනාධීර

මැතිවරණයක් ළං වන විට සමාජ කරලියට එන පිරිස් අතරින් ජෝතිර්වේදීන්හු ප්‍රමුඛ වෙති. රටට ජනසමාජයට බලපාන ප්‍රබල සංසිද්ධීන් සම්බන්ධයෙන් පූර්ව විනිශ්චයක් ලබා දිය හැකි යැයි පැවසෙන මාධ්‍ය අතරින් ජ්‍යොතිෂයට හිමිවනුයේ ද ප්‍රබල තැනකි. එනිසාම අතීතයේ පැවැති සෑම මැතිවරණයකට පෙරාතුවම ඒ සම්බන්ධයෙන් රටේ පිළිගත් ජෝතිර්වේදීන් විසින් අනාවැකි පළ කළ අවස්ථා කොතෙකුත් තිබේ. ඒ අනාවැකි අතරින් යම් ප්‍රමාණයක් සත්‍ය වූ අතර තවත් ප්‍රමාණයක් අසත්‍ය වූ බව පෙනේ.

අතීතයේ සිට අපරටේ ජනතාව ප්‍රචලිතව තිබූ ජෝතිර්වේදය මෑතක සිට ඉතා වේගවත් පසුබෑමකට ලක් වෙමින් පවතින බව නොරහසකි. ඊට හේතුව ජෝතීර්වේදීන් ලෙසින් ජනමාධ්‍ය ඔස්සේ ජනතාව අතරට ආ බොහෝ දෙනෙකු තුළ ජ්‍යොතීර්වේදය පිළිබඳව මූලික සිද්ධාන්තමය දැනුමවත් නොතිබීමය. විශේෂයෙන් පසුගිය කාලය තුළ රූපවාහිනියෙන් ජ්‍යෙතීර්වේදීන් ලෙස ජනකාන්ත බවට පත් බොහෝ දෙනෙකු තුළ ජ්‍යෙතිර්වේදය පිළිබඳ සිද්ධාන්තමය දැනුමවත් නොතිබූ බව ජොතිර්වේදය හදාරා ඇත්තවුන්ට රහසක් නොවේ. නමුත් ජනමාධ්‍යවේදීන්ට සහ ආයතන වලට අතයට මුදල් ගෙවීමෙන් සහ තමන්ගේ හැකියාවන් පිළිබඳව පැවසෙන නරඹන්නන්ගේ දුරකතන ඇමතුම් ලෙස හඟවමින් තමන්ගේ තැරැව්කරුවන් විසින් දෙනුලබන ව්‍යාජ ඇමතුම් තමන් පෙනී සිටින සජීවී වැඩසටහන් වලට ගෙන්වා ගැනීම ආදී සටකපට ක්‍රියා නිසා මොවුන් සැබෑ ජ්‍යොතීර්වේදීන් සේ සාමාන්‍ය ජනතාවට වැටහී තිබුණි. එහෙත් 2015 ජනාධිපතිවරණයේ දී අසවල් අපේක්ෂකයා බලයට පත්වුවහොත් තමන් වෙඩිතබා ගන්නවා, ගිනිතබා ගන්නවා වැනි අඥාන ප්‍රකාශ කළ සටකපට තොරම්බල් කාරයන් කිහිප දෙනෙකු අදවනවිට ජනප්‍රියත්වයේ කුණු බක්කියට විසිවී සිටිති.

මේ තත්ත්වය යටතේ ඉදිරි පළාත් පාලන මැතිවරණය සඳහා ඉදිරිපත් වන අනාවැකි පිළිබඳවද බොහෝ දෙනෙක් විමසිලිමත්ව සිටිති.

මෙවර පළාත් පාලන මැතිවරණය සඳහා ඉදිරිපත් වන ශ්‍රී ලංකා නිදහස් පක්‍ෂය, එක්සත් ජාතික පක්ෂය, එක්සත් ජනතා නිදහස් සන්ධානය, ශ්‍රී ලංකා පොදුජන පෙරමුණ, ජනතා විමුක්ති පෙරමුණ ඇතුළු පක්‍ෂ අතරින් වැඩි ජයග්‍රහණයක් අත්කරගන්නේ කුමන පක්ෂයක්ද යන්න ඉදිරියේ පළවන ජ්‍යොතිෂ්‍ය අනාවැකි මගින් පැවසෙනු ඇත.

 එහෙත්  පසුගිය මැතිවරණ වලදී ඊනියා ජ්‍යොතීර්වේදීන් පලකළ කිසිදු අනාවැකියක් සමඟ ඒ සඳහා බලපාන ග්‍රහපිහිටීම් දක්වා තිබුණේ නැත. ඔවුන් දක්වා තිබුණේ අසවලාගේ ග්‍රහපිහිටීම අසවලාට සාපේක්ෂව සුබයි; එනිසා මෙම ජයග්‍රහණය නියතයි; ආදී වශයෙන් වන ශාස්ත්‍ර විරෝධී ප්‍රකාශ පමණි. එමෙන්ම කිසිදු ජ්‍යොතිෂ අනාවැකියක් 100% ඉලක්ක කොට පැවසිය නොහැකි බවට වන සිද්ධාන්තය වත් ඔවුන් දන්නා බවක් නොපෙනේ.

එහෙත් අතීතයේ විසූ ජ්‍යොතිර්වේදීන් ජ්‍යෙතිෂ්‍ය සම්බන්ධයෙන් පළ කරන සෑම අනාවැකියටම පෙරම ඒ සම්බන්ධ ග්‍රහ පිහිටීම ඉදිරිපත් කළ බය නොරහසකි. එවිට ජ්‍යෙතීර්වේදයේ නිපුන තවත් අයෙකුට ඒ සම්බන්ධයෙන් ජ්‍යෙතීර්වේදයට අනුව විශ්ලේෂණයක් කිරීමටත් ජ්‍යෙතීර්වේදය තුළින් ම එම මතය ඛණ්ඩනය කිරීමටත් හැකිවනු ඇත.

එහෙත් නූතනයේ  ජනකාන්ත තොරම්බල්කාර ජ්‍යෙතීර්වේදීන්ට එවැන්නක් කර කියා ගැනීමට නොහැකිව ඇත්තේ ඔවුන් හුදු තොරම්බල් කාරයන් මිස සැබෑ ජ්‍යෙතීර්වේදීන් නොවන නිසා යැයි මට සිතේ. ඒ කෙසේ හෝ ඉදිරියේ දී කල එලි බසින ඉදිරි පළාත් පාලන මැතිවරණය සම්බන්ධ දේශපාලන අනාවැකි සහ ඒවා පළකරන්නවුන් පිළිබඳව ඉහත සඳහන් කරුණු විමසා බැලීමෙන් එවැනි සටකපට පුද්ගලයන්ගේ ශාස්ත්‍රීය නිරුවතද  අප සමාජය හමුවේ එළි දැක්වෙනු නොඅනුමානය.

 

මහාචාර්ය දයා අමරසේකර

සමාජවිද්‍යා අධ්‍යනාංශය

පේරාදෙණිය විශ්ව විද්‍යාලය

ලහිරුකාගේ සාමාන්‍ය තොරතුරු මොනවාද.. ?
මගේ ගම් පළාත මාත‍ලේ. දැනට මාත‍ලේ සංඝමිත්තා බාලිකා විදුහ‍ලේ වාණිජ අංශයෙන් ඉංග්‍රීිසි මාධ්‍යයෙන් උසස් පෙළ හදාරනවා. මේ අවුරුද්දේ තමයි උසස් පෙළට ලියන්නේ.

“ඒ ලෙවල්..”චිත්‍රපටයේ අහිංසා වන්නට අවස්ථාව උදාවුණේ කොහොමද .. ?
මම සංස්කෘතික මධ්‍යස්ථානයේ නාට්‍ය හා රංග කලාව හදාරනවා. කමල් ගුණරත්න සර්ව හඳුනා ගත්තේ එතැනදී. ඒ සර් මගේ රංගන හැකියාව ගැන දන්නවා. “ ඒ ලෙවල්” චිත්‍රපටයේ අධ්‍යක්ෂ රොහාන් පෙරේරා සර් චිත්‍රපටියේ අහිංසාගේ චරිතයට කෙනෙක්ව හොයන වෙලාවේ කමල් සර් තමයි මං ගැන කියලා තියෙන්නේ . ඒ අනුව කමල් සරුයි රොහාන් සරුයි අපේ ගෙදර ආවා. මාත් එක්ක කතාකරලා ගෙදර අය එක්කත් කතාකරලා පස්සේ දන්වන්නම් කියලා ගියා. පස්සේ තමයි කෝල්කරලා කිව්වේ මාව චිත්‍රපටයට තෝරගත්තා කියලා.
 
අහිංසා හා අනුත්තර පෙම්වතුන්. පාසැල් සිසුවියක නිසා ලහිරුකාට එවැනි චරිතයක් රඟපාන්න
ගෙදරින් හා පාසැලින් විරෝධතා එල්ල වුණේ නැද්ද .... ?
ගෙදරින් මුලදී අකමැති වුණේ මම අහිංසාගේ චරිතය රඟපානවට ‍නෙවෙයි. මම සිනමාවට එනවට.. ඒත් පස්සේ කැමති වුණා. මේ චිත්‍රපටියේ පිටපත අම්මා කියවලා බැලුවා. ඉන් පස්සේ අම්මම කිව්වා මේක හොඳ නිර්මාණයක් බව. ඉස්කෝලෙනුත් අවසර ලැබුණා. රූගත කිරීම්වලට යද්දි අම්මා මාත් එක්ක ආවා . පෙම් චරිතයක් වුණාට මහා ප්‍රේම ජවනිකා නැහැ. අතින් අල්ලන සීන් එකක් විතරයි තිබුණේ. දෙබස්වලිනුයි ඉරියව් වලිනුයි තමයි ප්‍රේමය මතු කරන්න තිබුණේ.

පෙම් ජවනිකා රඟපාද්දී ලැජ්ජාවක් ඇතිවුණේ නැද්ද .. ?
මුලදී ලැජ්ජා හිතුණා. ඒත් අනුත්තරගේ චරිතය රඟපෑ සචිත්‍ර අයියාගෙන් ලොකු සහයෝගයක් ලැබුණා. ඒ හින්දා ගැටලුවක් ඇතිවුණේ නැහැ. හැබැයි ඉතින් මුල් දවස් ටිකේදි පෙම් ජවනිකා විතරක් ‍නෙවෙයි චිත්‍රපටයේ රඟපාන එකම ‍පොඩි අපහසුතාවයක් වුණා.  

ඇයි ඒ .. කලින් රඟපාලා තිබුණේ නැද්ද .. ?
වේදිකා නාට්‍යවල රඟපාලා තියෙනවා. ඒත් මේ චිත්‍රපටයේ රඟපාන එක අපහසුවුණේ රඟපාන්න තියෙන ලැජ්ජාවට ‍නෙවෙයි. මම ඉගෙනගන්නේ බාලිකා පාසැලක. පිරිමි ළමුන් එක්ක එකට වැඩ කරලා නැහැ. මේ චිත්‍රපටයේ හැටියට මම ඉගෙන ගන්නේ මිශ්‍ර පාසැලක. ගෑණු ළමයි වගේම පිරිමි යාළුවොත් ආශ්‍රය කරනවා. අනික මේ කතාවේ හැටියට මට අනුත්තර එක්ක පෙම් කරන්නත් තියෙනවානේ . ඒ හින්දයි මුලදී ටිකක් අපහසු වුණේ . රඟපාන්න ගිය අලුත මම ඒ අයට සමීප වුණේ් නැහැ. ටික දවසක් යද්දි අපි කට්ටියම හොඳ යාළුවෝ වුණා. ඊට පස්සේ නම් රඟපාන එක අපහසු වුණේ නැහැ.

 කලින් රඟ පෑ වේදිකා නාට්‍යය මොනවාද .. ?  
මම 2010 රාජ්‍ය ළමා නාට්‍ය උළෙ‍ලේ අවසන් වටය දක්වා ගිය නාට්‍යයක රඟපෑවා. 2015 මධ්‍යම පළාතේ නාට්‍ය තරඟයෙන් පළමු ස්ථානය දිනූ නාට්‍යයේ චරිත 6 ක් රඟපෑවා.

අහිංසා කියන්නේ සංකීර්ණ ප්‍රශ්න රැසකට මුහුණදෙන කෙනෙක් .. කොහොමද ඒ වගේ චරිතයක් ග්‍රහණය
කරගත්තේ  .. ?
රූගත කිරීම් පටන්ගන්න කලින් අපිට වැඩමුළු තිබුණා. චරිතය ගැන ගොඩක් හොඳින් පැහැදිලි කළා. අහිංසා මුහුණු දීපු ප්‍රශ්නවලට මුහුණු දීලා නැතිවුණාට මමත් ජීවිතේ ප්‍රශ්නවලට මුහුණදීල තියෙන හින්ද මට ඒ  චරිතය කරන්න පුළුවන් වුණා.

මොනවද ඔබ ජීවිතෙදී මුහුණදීපු ප්‍රශ්න .. ?
අප්පච්චිගේ  මරණය තමයි මගේ ජීවිතේ මුහුණ දීපු ලොකුම ප්‍රශ්නය

රංගනයට  අමතරව ලහිරුකාට තියෙන දක්ෂතා මොනවද ..?
මම සංගීතයට කැමතියි .
සාමාන්‍ය පෙළ දක්වා සංගීතය ඉගෙනගත්තා. දැනට වයලීන් සහ ඕගන් හදාරනවා. උසස්පෙළ ඉවරවෙලා සංගීතය වැඩිදුර ඉගෙනගන්න හිතාගෙන ඉන්නවා.

කලාවටයි සංගීතයටයි දක්ෂතා  තිබියදී ඇයි  උසස් පෙළට වාණිජ විෂය ධාරාව තෝරාගත්තේ .. ?
මම ඉගෙනගන්නේ ඉංග්‍රීසි මාධ්‍යයෙන් . උසස්පෙළට කලා විෂය තෝරාගත්තොත් සිංහල විෂය කරන්න වෙනවා. ඒ හින්දා පුංචි බයක් හිතේ තිබුණා. ඒකයි කලා විෂය තෝරාගත්තේ නැත්තේ .

දැන් ඔබ රටම හඳුනන නිළියක් .. කොහොමද රසික ප්‍රතිචාර .. ?
ගොඩක් හොඳ ප්‍රතිචාර ලැබෙනවා. තවම චිත්‍රපටිය මාත‍ලේට ආවේ නැහැ. ඉස්කෝ‍ලේ ගුරුවරුයි යාළුවොයි දන්න හැමෝමයි බලාගෙන ඉන්නේ චිත්‍රපටය එනකල්.

නිළියක් විදියට දුර ගමනක් යන්නද බලා‍පොරොත්තුව.. ?
උසස් පෙළට මම කරන්නේ වාණිජ විෂය ධාරාව.
කළමනාකරණය තුළින් ඉහළ අධ්‍යාපනයක් ලබන්න තමයි හිතාගෙන ඉන්නේ . රැකියාව විදියට තෝරාගන්න හිතාගෙන ඉන්නේ නම් බැංකු ක්‍ෂේත්‍රය .
හැබැයි රඟපාන්න ආසයි. විවේකය අනුව රඟපෑමටත් එකතු වෙනවා.  

ආරියවංශ කුලතිලක

මේක නිකම්ම  කතාවක් නෙමෙයි. මේක හරිම අවනඩුවක් කිව්වොත් තමයි හරි. අපි කට්ටිය හැමෝම ඉන්නේ අත්තිඩිය පන්සල පාරෙන් ගිහින් කහවිට පාරේ. කහවිට පෙදෙස කියන හරියේ. වමට  හැරෙන දෙවැනි අතුරුපාරේ පැන්ට්‍රි කඩබ් වැඩපළ ළඟයි. ඒ ඉස්සරහම තියෙන ගරාජ් එක අයිති හඩ්සන් මහත්තයා තමයි අපිට කන්න බොන්න දීලා අපිව බලාගන්නේ ඩොට් කොම්, කළු බ්‍රවුනි. චීටි. ජුන්ඩා, චණ්ඩි වගේ නම් තියෙන අපි ඔක්කොම පිරිමි සත්තු හතරයි. ගැනු සත්තු හයයි. කාලයක් තිස්සේ අපි මේ විදියට මේ පාරේ හිටියට අපි  හැමෝම වගේ කලින් හිටියේ මේ  පාරෙම ගෙවල්වල තමයි. 
දැන් මේ බ්‍රවුනි හිටියේ මේ ළඟම ගෙදරක. ඒ අය හිටියේ කුලියට. ඒ අය ගෙවල් ඇරල යනකොට බ්‍රවුනි විතරක් තියල අනිත් හැම දෙයක්ම අරගෙන ගියා. හුඟක් දවස් ඒ අය ආපහු එයි කියලා මඟ බලාගෙන හිටපු බ්‍රවුනි අන්තිමට අපේ කාණ්ඩෙට එකතු වුණා. ඒ විදියට අමානුෂික විදියට අතරමං  කරලා දාපු සාමාජිකයෝ කීප දෙනෙක්ම අපේ කල්ලියේ ඉන්නවා.
තවත් සමහරු  පුංචි කා‍ලේ මේ ගෙවල් ඇතුළේ සැපට හැදුණු අයයි. ටිකක් ලොකුවෙලා ඒ  හුරුබුහුටිකම නැතිවෙලා යනකොට කෙලින්ම ගේට්ටුවෙන් එළියට. මේ ප්‍රශ්නෙට මුල් වුණෙත් ඒ වගේ ආපු කෙනෙක් තමයි. ශීබා හිටියේ මේ එහා පැත්තේ ගෙදර. එයා පුංචි කා‍ලේ බොහෝම ආදරෙන් හිටිය අය ටිකක් ලොකු වෙනකොට එයාව එළියට දැම්මේ කිසිම හිතක් පපුවක් නැති ගාණටයි. මේ ළඟදි දවසක ශීබා එයාගේ කලින් මහගෙදර ළමයෙක්ව හපලා. සමහරවිට එයාගේ හිතේ එයාට වුණු අසාධාරණය ගැන මතකයක් තියෙන්නත් ඇති. අනේ ඉතින් ඒ අය ‍පොලීසි ගිහින්. අපිට කන්න දෙන අපේ හඩ්සන් මහත්තයාගෙන් වන්දි විදියට රු. 10.000/- අරගෙන. දැන් තවත් සල්ලි ගන්න හදනවලු. අපිට කන්න දෙනව මදිවට මේ කරුණාවන්ත මනුස්සයට තවත් කරදර. දැන් මේ වටපිටාවේ කීප දෙනෙක්ම එකතුවෙලා අපිව මරණව කියල තර්ජනය කරනවා. දැන් අපි වගේම අපේ හඩ්සන් මහත්තයත් ඉන්නේ හරිම බයෙන්. ඒ වගේම දුකෙන්. අපිට හුඟාක් ආදරේ කරන අපේ පණ රැකගන්න උදව් කරන මේ ගරාජ් එකේ රුවන් වගේම අනිත් මහත්තුරුත් ඉන්නේ දුකෙන්. ඇයි ඉස්සරහ පැන්ට්‍රි කබඩ් වැඩ‍පොළේ දමයන්ති නෝනයි ඒ මහත්තයයි අපිව ආරක්ෂා කරගන්න ලොකු සටහනක් කරනවා. දැන් මරණ බය අපි කාටත් දැනෙනවා. කෙනෙකුගේ මරණ බය නැති කරන එක අති විශාල කුසල කර්මයක් කියලා ළඟදී රේඩියෝ එකේ බණකට  කියනවා අපිත් අහගෙන. අනේ අපිට ලොකු සැප සම්පත් ඕනේ නැහැ. කරුණාවන්ත කෙනෙකුගේ ගෙදර, ඉදුල් ටික්ක කාලා, අගුවක හරි හිතේ සැනසීමෙන් ඉන්න තිබුණොත් ඇති. අපි හැමෝටම එකට ඉන්න ඕනෙත් නැහැ. අනේ ඔයාලට පින් සිද්ධවෙයි අපේ ජීවිත බේර ගන්න උදව්වෙන්න. අපි හැමෝටම අවශ්‍ය කරන එන්නත් දීලයි තියෙන්නේ. ඒ ගැන කතා කරගන්න අපේ හඩ්සන් මහත්තයාගේ 077-3056246 නොම්මරේට කතා කරන්න.
 
සටහන නිර්මලා කුමාරි සේනාරත්න

ලක් වැසියෝ සාමාන්‍යයෙන් ගෙදර ආහාර වේලකින් පසු ලබා ගන්නේ කෙසෙල් ගෙඩියක්, පැ‍පොල් බෑවක්, එහෙමත් නැත්නම් අත්ලට හලාගත් සීනි හැන්දක් වැනි සරල අතුරුපසකි. අයිස්ක්‍රීම්, මීකිරි වැනි අතුරුපසක් ගෙනෙන්නේ එහෙමත් දවසකටය. එහෙමත් දෙයක් කන්නට වත්කමක් ඇත්තේ මධ්‍ය ආදායම් ලබන යම් පිරිසකට පමණි. එයට හේතුව යම්තම් එදා වේල පිරිමසන සමාජයට අයිස්ක්‍රීම් පෙට්ටියේ, මීකිරි හට්ටියේ මිලද දරන්නට අපහසු නිසාය. එහෙත් අප අද කියන්නට යන්නේ රුපියල් ලක්ෂ තිස්අටක් වටිනා අතුරුපසක් ගැනය. ඒ ලෝකයේ සුපිරිම ධනවතුන් වෙසෙන ඇමෙරිකාව, ප්‍රංශය හෝ ඉතාලිය වැනි රටක නොවේ. අපේම ලංකාවේය. 
ඇත්තෙන්ම මෙම අතුරුපස නිර්මාණය කිරීමේ අරමුණ සංචාරක ආකර්ෂණය ලංකාව වෙත යොමු කර ගැනීමය. නුවරඑළිය ග්‍රෑන්ඩ් හෝටලයේ විධායක සූපවේදී විරාජ් ජයරත්න තම සූපවේදී ජීවිතයට වසර 25ක් පිරීම නිමිති කරගෙන මෙම පර්යේෂණාත්මක කටයුත්තකට අත ගසන්නේය. 
"Marry Me"යනුවෙන් නම් කළ මෙම ලක්ෂ 38කට මිල වූ අතුරුපසට රන් රිදී මුතු මැණික් අයත් වනවාදැයි ඔබට සැකයක් ඇතිවන්නට පුළුවන. එය ඇත්තය. මෙම සුපිරි අතුරුපසට ආහාරයට ගත හැකි රන් හා රිදී මෙන්ම ලොව මිල අධිකම චොක්ලට් ඇතුළු අමුද්‍රව්‍ය පමණක් නොව ලක්ෂ 30ක් පමණ වටිනා මැණිකක්ද අයත් වෙයි. අපි මේ කුතුහලය දනවන කතාව සූපවේදී විරාජ් ජයරත්නගේම වචනයෙන්ම අසා බලමු. 
ලෝකෙ ගොඩක් වටින අතුරුපස හදලා තියෙනවා. නමුත් කලාත්මක විදියට වටිනාකමෙන් වැඩි අතුරුපසක් නිර්මාණය කෙරී තිබුණෙ නැහැ. මගේ සූපවේදී වෘත්තීය ජීවිතයට වසර 25ක් ගවෛද්දී කිසියම් වෙනස් දෙයක් කිරීමයි මගේ අරමුණ වුණේ. ඒ අනුව මෙම නිර්මාණය ආහාරමය වශයෙනුත් ඉතා අධික මිල ගණන්වලින් යුතු ද්‍රව්‍ය  යොදමින් භෞතික පෙනුමටත් වටිනාම ද්‍රව්‍ය යොදමින් වටිනාකම් දෙකක් සහිතව නිර්මාණය කළා. ලොව මිල අධිකම මැඩගස්කර් චොක්ලට් විශේෂයත්, 
ලෝකෙ තියෙන මිල අධිකම ෂැම්පේන්  ඇසුරින් සෑදූ අයිස්ක්‍රීම් එකක්, ස්පාඤ්ඤයෙන් ගෙන්වූ, ලොව මිල අධිකම සෝස් විශේෂයක් ඇතුළත්ව මෙහි ආහාරමය කොටස නිර්මාණය කර තිබෙනවා. 
ඊට අමතරව මෙහි කලාත්මක අගය වැඩි කිරීමට අතුරුපස පිළිගන්වන පිඟානේ චොක්ලට්වලින්, නුවර පෙරහර ඇඳ තිබෙනවා. එය ඇල්පෙනෙති තුඩකින් කළ  ඉතා සියුම් නිර්මාණයක්. එහි නැට්ටුවෝ දෙදනෙක් සහ බෙරකාරයෝ දෙදෙනෙක් ප්‍රදර්ශනය වෙනවා. 
නිර්මාණයේ කලාත්මක අගය ඉන් නතර වන්නේ නැත. අයිසින් සීනි භාවිතයෙන් ආහාරයට ගත හැකි පරිදි නිර්මාණය කළ හස්තීන් සිවු දෙනකු මත අතුරුපස පිඟානක තබා තිබේ. එහි මල්කම්, ලියකම් මෝස්තරද නිර්මාණය කර ඇත්තේ අයිසින් සීනි භාවිතයෙනි. මේ නිර්මාණය යන්ත්‍රයක් භාවිත නොකර දින ගණනක් තිස්සේ අතින්ම කරන ලද සියුම් උත්සාහයක ප්‍රතිඵලයක් බව පෙනේ. ලොව අති දුර්ලභ කැරට් 24 රත්රන් සහ රිදී ආහාරයට ගැනීමට සුදුසු පරිදි සියුම් ලෙස සකසා මෙම නිර්මාණයට යොදා තිබේ. 
ලංකාවට සංචාරක ආකර්ෂණය රඳවා ගනු වස් 'නෙළුම් කුලුන' වැනි සංකල්පයක් ලොවට ගෙන යන්නටද මෙම අතුරුපස තුළින් එහි සංකල්පධාරී විරාජ් ජයරත්න කටයුතු කර තිබේ. අයිසින් සීනි භාවිතයෙන් නිර්මාණය කළ නෙළුම් කුලුනේ අනුරුව මත වූ නෙළුම් මලෙහි තැන්පත් කර ඇත්තේ ලොව මිල අධිකම ස්වාභාවික 'බ්ලූ සැෆයර්' වර්ගයේ මැණිකකි. එහි වටිනාකම රු. ලක්ෂ 30 ඉක්මවන බව කියවේ. කිසියම් පුද්ගලයෙකු මෙම නිර්මාණාත්මක අතුරුපස මිලට ගන්නේ නම් එම මැණිකද, එහි සැකසුම් කොටස් සියල්ලද ඔහුට හිමිවේ. 
මේකෙ සංකල්පය "Marry Me" කියලා යොදා ගැනීම තුළ අපි බලා‍පොරොත්තු වුණේ පිරිමි කෙනෙක් ගෑනු කෙනෙක්ට හෝ ගෑනු කෙනෙක් පිරිමි කෙනෙක්ට මේක ත්‍යාගයක් වශයෙන් දෙනකොට නිර්මාණාත්මකව කරන ආරාධනයක් ලෙස යොදා ගැනීමයි. මෙහි සම්පූර්ණ වියදම දැරුවේ නුවරඑළිය ග්‍රෑන්ඩ් හෝටලයේ කළමනාකාරීත්වය මගින්. මෙහි මූලික අරමුණ සංචාරකයන් උදෙසා ලෝකය පුරා ශ්‍රී ලංකාවේ නාමය ඉස්මතු කර තැබිම. අපි ඒ සඳහා තමයි මුල්ම නිර්මාණය ලොව ජනප්‍රියම ශ්‍රී ලාංකිකයෙකු වන කුමාර් සංගක්කාර වෙත ප්‍රදානය කරන්නේ. ලොව මතෛක් කර නැති නිර්මාණයක් කිරීමෙන් අපේ මූලික අපේක්ෂාව සාර්ථක වන බව පෙනෙනවා. “නුවරඑළිය” ජාත්‍යන්තරයට ගෙනයාමත් මෙහි එක් අරමුණක් වුණා. අපිට මේ සඳහා ගිනස් ලෝක වාර්තාවක් අයැදුම් කිරීමට අවශ්‍ය වුණත් නියමිත දිනට ඒ සඳහා කටයුතු සූදානම් කර ගැනීම අපහසු වුණා. ඒත් නුදුරේදීම ඒ සඳහා කටයුතු කිරීමට අපි සූදානම්. මේ වන තුරු මෙවැනි නිර්මාණයක් ලොව කොහේවත් කර නැති නිසා ගිනස් කමිටුවෙන්ද අප කළ විමසීමේදී මෙයට අවස්ථාව පවතින බව දැනගන්නට ලැබුණා. මේ සියල්‍ලේ අවසාන අරමුණ ශ්‍රී ලංකාව වැනි රටක ලොව හොඳම, මිල අධිකම සහ නිර්මාණාත්මකම අතුරුපස නිර්මාණය කර තිබේය යන පණිවුඩය ලෝකය වෙත ගෙනයාමයි.” සූපවේදී විරාජ් ජයරත්න කියන්නේය. 
මෙහි සංකල්පය විධායක සූපවේදී විරාජ් ජයරත්නගේ වුවද එකී ජයග්‍රහණය පිටුපස නුවරඑළිය ග්‍රෑන්ඩ් හෝටලයේ සමස්ත කාර්ය මණ්ඩලයේම කැපවීම සැඟව පවතින බව ඔහු සඳහන් කරන්නේය. ග්‍රෑන්ඩ් හෝටලයේ කළමනාකාර අධ්‍යක්ෂ ග්‍රෑන්ඩ් ඔන්ඩච්චි, සාමාන්‍යාධිකාරී රිෆාන් රිසාන්, ප්‍රධාන සූපවේදී දිමුතු කරුණාසිංහ ඇතුළු සමස්ත කාර්ය මණ්ඩලයම මෙම නිර්මාණයේ සාර්ථකත්වය පිටුපස සිටින්නෝ වෙති.
සූපවේදී විරාජ් ජයරත්න  සූපවේදය කලාවක් වශයෙන් ඉස්මතු කිරීම තුළ දෙස් විදෙස් සම්මානවලට පාත්‍ර වී පදක්කම් 30ක් පමණ හිමිකරගෙන තිබේ. මෙ නව නිර්මාණයේ අවශ්‍යතාව කිසිවකුට පවතීනම් දින තුනකට පමණ පෙර ඇණවුම් කිරීමෙන් Marry Me නිර්මාණයක් සකසාගත හැකි බව හෙතෙම සඳහන් කරයි. පසුගිය 3 දා පෙරවරුවේ ශ්‍රී ලංකා ක්‍රිකට් ශූර කුමාර් සංගක්කාර වෙත පිරිනැමුණු මෙම නිර්මාණාත්මක අතුරුපස ඔහුගේ බිරිඳ යෙහාලි සංගක්කාර වෙත පිළිගැන්වුණි. 
 මෙම ක්‍රියාව අන්තර්ජාල සමාජ මාධ්‍ය තුළ සංගක්කාර විසින් කළ මිලදී ගැනීමක් ලෙස සඳහන්ව විවිධ මත සංසරණය වුවද එය හුදෙක් සංචාරක ප්‍රවර්ධන අරමුණු කරගත්තක් බවද නුවරඑළිය ග්‍රෑන්ඩ් හෝටලයේ කළමනාකාරිත්වයේ මූල්‍ය දායකත්වය මත නිර්මාණය කර සංකේතාත්මකව සංගක්කාර වෙත ප්‍රදානය කෙරූවක් බවද අවධාරණය කළ යුතුය.
 
මිහිරාන් කරුණාරත්න

 

IMAGE

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 2195

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 1583

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 3120

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 1825

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 6590

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 3978

Please publish modules in offcanvas position.