Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

Drop Catch Dayasiri
ශ්‍රී ලංකාවේ තාමත් භාවිතා කරන්නේ 1960 ගණන්වල ව්‍යායාම බවත්, බඩට කරවන ව්‍යායාම තවමත් 75-80 කාලවල කළ ඒවා බවත් ව්‍යායාම ලෝකයේ සිදුවී තිබෙන වෙනස්කම් පුහුණුකරුවන් නොදන්නා බවත් ක්‍රීඩා ඇමැති දයාසිරි ජයසේකර මහතා පවසයි.
ක්‍රීඩා ඇමැතිවරයා මෙම අදහස් පළ කළේ ක්‍රීඩා විද්‍යා ආයතනය මගින් පැවැත් වූ පාඨමාලා සාර්ථකව නිම කළ ශිෂ්‍ය ශිෂ්‍යාවන් වෙත සහතික පත්‍ර ප්‍රදානය කිරීමේ උළෙලට එක්වෙමිනි.
“ක්‍රීඩා අභ්‍යාස සහ පුහුණුවීම් ක්‍රමවේද දවස ගාණේ වෙනස් වෙනවා. ලංකාවේ ඉහළම මට්ටමේ පුහුණුකරුවන් සිටින්නේ තුන් හතර දෙනයි. ඒ අය හැර වෙනත් කාටවත් මෙතන්ට එන්න හම්බවෙන්නෙත් නෑ. එන්න දෙන්නෙත් නෑ. ඒක තමයි ඇත්ත තත්ත්වය. දැන් අපි හිතන්න ඕන මේ තුන් හතර දෙනාගෙන් ලංකාවට අවශ්‍ය පුහුණු කිරීම් සිදුකරගන්නවාද නැත්නම් විවිධ ක්‍ෂේත්‍රවලින් තවත් පුහුණුකරුවන් ඇති කරගන්නවාද කියන එක.


ලංකාවේ ක්‍රීඩාව ඇද වැටීමට ඇති පළවෙනි හේතුව තමයි පුහුණුකරුගේ ඇති ආත්මාර්ථකාමීත්වය. දෙක පුහුණුකරුවන් ලෙස විශාල පිරිසකට මෙම ක්‍ෂේත්‍රයට ඒමට තිබෙන ඉඩ අහුරා තිබිම. තුන පුහුණුකරුවන් ලෙස ලැබිය යුතු පුහුණුව හා අධ්‍යාපනය නොමැතිව ක්‍රීඩකයන්ව පුහුණු කිරීම. ක්‍රීඩාවේ සිටි කෙනෙක් ලෙස මම දන්නවා තාමත් අපි භාවිතා කරන්නේ 1960 ගණන්වල භාවිතා කළ ක්‍රමවේදමයි. බඩට කරවන ව්‍යායාම තාමත් 1975, 80 කා‍ලේ කරපුවා” යැයි ක්‍රීඩා ඇමැතිවරයා පැවැසීය


“ක්‍රිකට්වල නම් ජාතික කණ්ඩායමට පැමිණි පසුවයි ශක්ති වර්ධන ව්‍යායාම කරන්න මහන්සි වෙන්නේ. නමුත් එතකොට සම්පූර්ණ ශරීරය වෙනත් පැත්තකට හැරිලා ඉවරයි. ලංකා කණ්ඩායමට ඇවිල්ලා දිගටම ඒ අභ්‍යාස කරන විට සිදු වෙන්නේ 50 ගහන කොට කකුල අල්ලගෙන ඉඳගන්න සිද්ධ වෙන එක. 25ක් ගහන කොට දුවාගන්න බෑ. මෙච්චර කල් ක්‍රිකට්වල තිබුණා ක්‍රීඩකයෙක්ගේ කකු‍ලේ ආබාධයක් ඇති වුණාම ඒ වෙනුවට දුවන්න කෙනෙක් ගන්න පුළුවන්කම. දැන් ඒකත් නතර කරලා තියෙන්නේ. ඒක හොඳයි. මොකද 50 ගහනකල් දුවන්න බැරිනම් එයා ගෙදර යන්න ඕන. එහෙම ෆිට්නස් නැත්නම් ස්ට්‍රේන්ත් නැත්නම් ක්‍රීඩා කරලා වැඩක් නෑ” යැයි ඇමැතිවරයා පවසයි.
ජාතික කණ්ඩායමට ආවට පස්සේ ඉන්න පිටරට පුහුණුකරුවෝ කියනවා අ‍පෝ මෙයාව දුවවන්න එපා. මෙයා අපිට ඉන්න හොඳ ප්‍ලේයර් කෙනෙක් කියලා.  මෙයාගේ මාංශ පේශියක් ගියොත් සෙල්ලම් කරන්න බැරි වෙනවා  කියනවා. ඉතිං ක්‍රීඩා කරන විට පේනවා ටී ෂර්ට් එකට උඩින් බඩ ඇවිල්ලා තියෙනවා. ලංකාවේ තරම් කැත මිනිස්සු ටිකක් ක්‍රිකට් ක්‍රීඩා කරන වෙන රටක් නෑ. කිහිප දෙනයි එහෙම නැතුව ෆිට්නස් ස්ට්‍රේන්ත් එක්ක ඉන්නේ. මේක කිව්වට පස්සේ මට කට්ටිය බනින්න පුළුවන්. කෙනෙක් කියලා තිබුණා කැච් අත ඇරුණා කියලා මැච් පරදින්නේ නැහැ කියලා. කැච් අත ඇරුණ නිසා තමයි මැච් පැරදුණේ. කැච් එක ගන්න ළඟට යනකොට බඩ වැඩිනම් කැච් එක අල්ලන්න අත යන්නේ නැහැ. ඊට පස්සේ කැච් එක අතඇරලා ඔළුවේ අතගහගෙන ඉන්නවා. මේක තමයි සිද්ධ වෙන්නේ. නමුත් අපේ කණ්ඩායමේ සියලු දෙනාව බාබාලා වගේ තමයි හදන්නේ. මම ඒ නිසයි කිව්වේ මේ අයව හමුදා කඳවුරකට යවලා මාස 6ක් විතර පුහුණු කිරීම් කරවන්න ඕන කියලා. නැත්නම් මේක හරියන වැඩක් ‍නෙවෙයි. 50 ගහන කොට කකුල අල්ලගෙන බිම ඉඳගන්නවා” යැයි ඇමැතිවරයා පැවැසීය.

Drop2


“ලංකාවේ හොඳ පුහුණුකරුවෝ පිරිසක් හදාගන්න පුළුවන් නම් ලංකාවේ හොඳ ක්‍රීඩකයෝ ටිකක් හදාගන්න පුළුවන්. ලංකාවේ ක්‍රීඩකයෝ නැත්තේ ලංකාවේ හොඳ පුහුණුකරුවෝ නැති නිසා. අපි මේ වනකොට ලංකාවේ පාසල් 6440කින් දරුවෝ තෝරලා පාසල් 316ක් තුළ ඔවුන්ට පුහුණු කිරීමේ මූලික වැඩපිළිවෙළ ක්‍රියාත්මක කර තිබෙනවා. 2028 දක්වා මේ පුහුණුවීම් සිදුවෙනවා. මම එනවිට පාසල් මට්ටමේ පුහුණුකරුවන් විශාල පිරිසක් සිටියා. අවුරුදු ගණනාවකින් කිසිම පුහුණුවක් නොලබපු. මම සජිත් ජයලාල් මහත්මයාට කිව්වා පළාතෙන් පළාතට ගොස් පළාත් අධ්‍යාපන අමාත්‍යාංශයත් සමග සාකච්ඡා කරලා මේ අයට අලුත් පුහුණු ක්‍රමවේද කියා දීලා පුහුණු කිරීමේ වැඩපිළිවෙළක් පටන්ගන්න කියලා. එතකොට අපිට මෙතනින් ඉස්සරහට යන්න පුළුවන්.
මේ වන විට මලල ක්‍රීඩා ක්‍ෂේත්‍රයේ පස්වන මට්ටමේ පුහුණුකරුවන් තුන් හතරදෙනයි සිටින්නේ. ඒ නිසා තමුන්නාන්සේලා අතරින් වැඩි පිරිසක් එතැනට යා යුතුයි. මෙය මෙතැනින් නතර වෙන දෙයක් ‍නෙවෙයි. අද චන්දික හතුරුසිංහට පුළුවන් වී තිබෙනවා බංග්ලාදේශයට ගිහින් බංග්ලාදේශ කණ්ඩායම ලොව හොඳ කණ්ඩායමක මට්ටමට ගෙන ඒමට. ඒ වගේම මතක තියා ගන්න තමන් ඔලිම්පික් ගියා, වර්ල්ඩ් කප් දිනුවා, එහෙම නැත්නම් ලෝකේ තියෙන හොඳම කණ්ඩායමේ ක්‍රීඩා කළා කියලා, නැත්නම් විකට් හාරසියයක්, අටසියයක් ගත්තා කියලා හොඳ පුහුණුකරුවෙක් වෙන්න බෑ. පුහුණුකරුවෙක් වෙන්න නම් ඔහු පුහුණුකරුවකු වීමට පුහුණු විය යුතුයි. චමින්ද වාස් කියන්නේ විකට් හාරසියයක් ගත්තු ලෝකේ ඉන්න හොඳම වේග පන්දු යවන්නෙක් ලෙස නම් දරපු ක්‍රීඩකයෙක්. මම ඔහුට කිව්වා පුහුණුකරුවෙකු ලෙස පුහුණුවන්න කියලා. අද චමින්ද වාස් ඉතාම දක්ෂ පුහුණුකරුවෙක් හැටියට විවිධ රටවල වැඩ කරන්නේ ඒ පුහුණුව ලබාගත් නිසයි. ඒ නිසා හිතන්න එපා තමන් ලොකු මෙඩ්ල් එකක් ගත්තා කියලා තමන්ට අනිත් අයව පුහුණුකරන්න පුළුවන් කියලා. එහෙම කරන්න බැහැ. එහෙම පදක්කම් නොගත් අය අද හොඳ පුහුණුකරුවන් වී තිබෙනවා. ඩේව් වට්මොර් ටෙස්ට් තරග 50ක් වත් ක්‍රීඩා කර නැහැ. නමුත් අද ඔහු ලොව සිටින දක්ෂ පුහුණුකරුවෙක්” යැයි ක්‍රීඩා ඇමැතිවරයා පවසයි.

ජනාධිපති මෛත්‍රීපාල සිරිසේන මහතාටත් රජයේ තවත් කිහිප දෙනෙකුටත් එරෙහිව කරන ලද හූනියමක් පිළිබඳ පුවතට මේ වන විට ජාතික මට්ටමේ ප්‍රසිද්ධියක් ලැබී තිබේ.  බොහෝ මාධ්‍ය මෙම පුවත විවිධාකාරයෙන් 'තළුමරනු' පෙනේ.

මෙම ‘හූනියම’ යනුවෙන් සඳහන් වනුයේ කැබිතිගොල්ලෑවේ සොහොන් බිමක තිබී හමුවූ කුඩා තඹ පතක් සහ තවත් ද්‍රව්‍ය කිහිපයක් පමණි. එවැනි ද්‍රව්‍ය කිහිපයක් දුටු සැනින් එය හූනියමක් ලෙස අර්ථ ගන්වන ලද්දේ කවුරුන් විසින්ද? මෙරට ජනමාධ්‍ය විසිනි. එසේ නොමැතිනම් එය කිසිවෙකුටත් කිසිදු වැදගැම්මකට නැති තඹ පතක් පමණි.

සාමාන්‍යයෙන් මානසික රෝගීන්, මානසික අර්බුද වලින් පෙළෙන්නවුන්, ගුප්ත ශාස්ත්‍රවල සරණ යන්න වුන් සේම සමාජය නොමඟ යැවීමට වෙරදරන කපටි කයිරාටිකයන් ද පුද්ගල වශයෙන් හෝ කණ්ඩායම් වශයෙන් මෙබඳු කටයුතු වල නියැලෙන බව නොරහසකි. එබඳු සිදුවීම් මීට පෙර අපි කොතෙකුත් අත්දැක ඇත්තෙමු. ‍

මෙය එක්තරා අන්තගාමී අදහසක් වුවද ‘ප්‍රවෘත්ති අහේනියෙන් පෙළෙන’ ජනමාධ්‍ය ආයතනයකට, මාධ්‍යවේදීයෙකුට වුවද මෙවැනි තඹ තහඩුවකින් ජාතියම ලොමු දැහැගැන්වෙන අන්දමේ ප්‍රවෘත්තියක් මවා ගැනීමට නොහැකියාවක් නැත. නමුත් මෙහිදී එවැන්නක් නම් සිදු නොවූ බව අපගේ පෞද්ගලික අදහසය.

ඒ කෙසේ හෝ අණවින හදිහූනීයම් ලොව පුරා හැඳින්වෙනුයේ කලු අභිචාර (Black Magic) යනුවෙනි. කලු අභිචාර වලින් මිනිසුන්ට විපත් පැමිණවීමට ඇති හැකියාවම ඊට ඉඳුරාම ප්‍රතිවිරුද්ධ සුදු අභිචාර (white Magic) ඔස්සේ මිනිසුන්ට යහපතක් කිරීමට යොදා ගත හැකි බව ලොව පුරා පොදු පිළිගැනීමකි.

ඒ අනුව මෙවැනි කලු අභිචාර ගණයේ හූනියමකට ජනාධිපතිවරයා බලයෙන් පහ කළ හැකිනම් එවැනි සුදු අභිචාර වලින් අලුතෙන් ජනාධිපතිවරයකු පත් කර ගැනීමට ද හැකි විය යුතුය.

මෙවැනි ගුප්ත විශ්වාස මගින් සමාජයේ ගාමක බලය මෙහෙයවෙන බව පිළිගැනෙනුයේ අප නොදියුණු යැයි සලකන ගෝත්‍රික සමාජයන් වල පමණි. එහෙත් පැය කිහිපයක් තුළ මුළු මහත් ජාතියේම අවධානය ‍යොමු කර ගැනීමට සේම ජනාධිපතිවරයාගෙන් පවා අදහසක් ලබා ගැනීමට තරම්  මෙම හූනියම ප්‍රබල වී නම් එමගින් අනියම් ලෙස පැවසෙනුයේ අප සමාජයෙහි මුල්බැස ගත් මෙවන් අන්ධ විශ්වාස ප්‍රජාතන්ත්‍රවාදය සහ ජනතා පරමාධිපත්‍යය ද ඉක්මවා ඉහළ තලයක වැජඹෙන බවය. මෙවන් තත්ත්වයක් තුළ ‘සංවර්ධනය’ පිළිබඳව තවදුරටත් විමසා බැලීම සිහිනෙන් දුටු ඉඩමක ඔප්පු පරීක්ෂා කිරීම සඳහා ඉඩම් කච්චේරියට යාමටත් වඩා විහිළු සහගත වැඩකි.

කිසියම් මානසික රෝගීයෙකු, අඥානයකු, කපටි කයිරාටියෙකු හෝ  එවැනි කිහිපදෙනෙකුගෙන් සමන්විත කණ්ඩායමක් විසින් මිනීවලක් මත තබන ලද කුඩා තඹ තහඩුවක් ජාතික මට්ටමේ කැළබීමකට මුල් වූයේ නම් ශ්‍රී ලංකීය ජනසමාජය විනාශ වීමට ඊට වඩා තවත් බරපතල ‘හූනියමක්’ අවශ්‍ය නොවන බව මගේ ඒකායන පිළිගැනීමයි.

මෙම සිද්ධිය මුල්කොට මගේ මතකයට නැගෙන භාරතීය සංස්කෘත සාහිත්‍යයෙහි එන එක්තරා රසවත් කතාවක් තිබේ.

ඒ මෙලෙසිනි.

අතීතයේ එක් රජ කෙනෙක් රාජ්‍යයේ තොරතුරු විමසීම පිණිස රහසින් වීදි සංචාරය කිරීම පුරුද්දක් වශයෙන්  සිදුකළේය. ඒ එක් ගමනක දී රජතුමා කුඩා දරුවන් වැලි බත් උයන තැනකට ගොස් ඔවුන් කරන කියන දේවල් කෙරෙහි විමසිල්ලෙන් පසුවිය. එහි දී එක් දරුවෙකු මෙතෙක් අසා නොපුරුදු අමුතුම වදනක් කියමින් කෑ ගසනු රජතුමාට ඇසිණ. තමන් මින් පෙර එවන් වදනක් අසා නොමැති බැවින් රජතුමා ඒ වචනය මතකයේ තබාගෙන අවුත් රාජසභාවේ පූරෝහිතයාට ඒ බව දැනුම් දුන්නේය.  ඒ එහි අරුත කුමක් දැයි දැනගැනීමය.  එහෙත් ඉන් පැහැදිළි අරුතක් පළ නොවූ බැවින්  ශබ්ද ශාස්ත්‍රානුකූලව ඒ වදන විමසුමට ලක් කළ පුරෝහිත බමුණා එම වචනය මහා ව්‍යසනකාරී එකක් බවත් එය උච්චාරණය කෙරෙන වාරයක් පාසා රාජ්‍යයට මහා විනාශයක් සිදුවන බව රජතුමාට දැනුම් දුන්නේය.

ඉන් පසු ඉන් මහත් සේ තැති ගත් රජතුමා ඒ පිළිබඳව තවදුරටත් විමසීම පිණිස වේදයෙහි පරප්‍රාප්ත බමුණු පිරිසකට භාර කළේය. ඒ සියළුම දෙනාගේ ද  පොදු නිගමනය වූයේ මෙය කිසියම් ශබ්ද ශාස්ත්‍රයේ නිපුන පඬිවරයකු විසින් රජතුමා සහ රාජ්‍යය විනාශ කිරීම පිණිස ගණ පිහිටුවා ප්‍රබන්ධය කරන ලද අතිශය ව්‍යසනකාරී වැකියක් බවය.  කෙසේ හෝ මේ තොරතුර බමුණන් වෙතින් සාමාන්‍ය ජනසමාජය අතරේද පැතිරයන්නට විය..

ඉන්පසු රටෙහි ඇතිවූ සියළු කාලගුණික, දේශගුණික ආදී විපර්යාස  පිළිබඳව පවා  ජනතාව සිතන ලද්දේ ඒ සියල්ල ඉහත සඳහන් ව්‍යසනකාරී වැකිය නිසා සිදුවන දේවල් ලෙසය. අවසානයේ එම ජාතික ව්‍යසනයෙන් රාජ්‍යය බේරා ගත හැකි එකම ක්‍රමය ලෙස බොහෝ දෙනෙකු දැක ඇත්තේ රජතුමා බලයෙන් පහකිරීමය. ඒ අනුව රහස් කුමන්ත්‍රණයක් මගින් බලයෙන් පහකෙරුණු රජතුමා අප්‍රකට දිවියකට මුල පිරීය.  ඉන්පසු දිනක ඉහත සඳහන් වීදිය ඔස්සේ ගමන්කරන රජතුමාට නැවතත් එම කෙළිබත් උයන දරු පිරිස  අහම්බෙන් මුණසුණි. එහි සිටි  එම වදන කියූ දරුවා වෙත පි‍විසි රජතුමා දරුවාට එම වදන උගන්වන ලද්දේ කවුරුන් විසින් දැයි විමසූ විට සෙසු දරුවෝ වහා ඉදිරිපත් වී එයට පිළිතුරු දෙන්නට වූහ.

“අපේ මේ මිත්‍රයාට හුඟක් වචන හරියට උච්චාරණය කරන්න බැහැ. ඒකත් ඔහුගේ ඒ නොහැකියාව මත ඔහුට පැටලුණු වචනයක් විතරයි. නමුත් මේ රටේ හිටපු මෝඩ රජා ඒක ඔලුවට අරගෙන රජකමත් නැතිකරගත්තා."

 ඒ අනුව වත්මන් ජනාධිපති මෛත්‍රීපාල සිරිසේන මහතාට ද කැබිතිගොල්ලෑවේ හූනියම මුල්කොට එවන් ඛේදවාචකයකට මුහුණදීමට සිදු නොවේවායි අපි එක සිතින් පතමු.

 

තිලක් සේනාසිංහ

යාල වනෝද්‍යානයේ වාසය කළ තිලක් නම් වූ දළ පූට්ටු ඇතා තවත් ඇතෙකු ගේ ප්‍රහාරයකට ලක්ව ඊයේ (14) සවස මිය ගිය බව දකුණු දිසාව භාර පශු වෛද්‍ය ආනන්ද ධර්මකිර්තී මහතා පැවසීය.

ඊයේ (14) සවස ලුණුගම්වෙහෙර  වන වන ජීවී අඩවි කාර්යාලයේ නිළධාරීන් ට තුවාල ලබා සිටි මෙම ඇතා යාල පලටුපාන ප්‍රදේශයේදී හමු වී ඇත.ඉන් අනතුරුව එම නිළධාරීන් තමන් දැනුවත් කළ බවත් තමන් තණමල්විල සිට පලටුපාන ප්‍රදේශයට යන විටත් ඇතා මිය ගොස් සිටි බවත් වෛද්‍ය ධර්මකිර්ති මහතා පැවසීය.

වයස අවුරුදු 51ක් පමණ වූ මෙම ඇතාට පසු ගිය වසර කිහිපය තුළ වරින් වර තුවාල වී තිබුණා. අපි ඒවාට ප්‍රතිකාර කළා. නමුත් පෙරේදා අප දුටුවා ඇතාගේ දකුණු ප්‍රදේශයේ පපුව ආසන්නයේ දරුණු තුවාලයක් තිබුණු බව.එම තුවාලය පපුව ප්‍රදේශයේ ඉල ඇටයක්ද කඩා ගෙන පෙනහැල්ල දක්වා විහිදී තිබුණා. අභ්‍යන්තර ලේ වහනය වීමෙන් මෙම දළ පූට්ටුවා මිය ගොස් තිබුණු බව වෛද්‍ය පරීක්ෂයෙන් අනතුරුව තහවුරු වූ බව වෛද්‍ය ධර්ම කිර්ති මහතා පැවසීය.

වෛද්‍ය ධර්මකිර්ති මහතා වැඩි දුරටත් පැවසුවේ මේ වන විට දළ පුට්ටු ඇතුන් තිදෙනෙකු මෙරට ජීවත් වෙන බවට තහවුරු වී තිබෙන බවයි.ඉන් එක් ඇතෙකු මෙම තිලක් නම් දළ පුට්ටුවා බවද ඔහු පැවසීය.

මෑත කාලය තුල තිලක් නම් දළ පූට්ටු ඇතා යාල පලටුපාන ප්‍රදේශයේ වසය කළ බවපැවසූ වන ජීවී නිළධාරීහු මෙම දළ පුට්ටුවාගේ දළ දෙක සමග හිස යාල වනෝද්‍යානයේ සංරක්ෂණය කරන බවද පැවසූහ.

තංගල්ල චන්ද්‍රසේන ගමගේ

අප හා සේවය කරන තරුණ වෛද්‍යවරියක් දිනක් වෛද්‍ය විවේකාගාරයේ දී මතක හිටින කතාවක් කීවාය. ‘‘ෆේස්බුක් එකවුන්ට් එකක් තියෙන කාටවත් හිතට එකඟව වැඩ කරන්න බෑ’’ ඒ මොහොතේ ඇය සිටියේ තම ජංගම දුරකතනයෙන් ෆේස්බුක් සමාජ ජාලය හා එක්වෙමිනි. ‘‘ඒ මොකද?’’ එතැන සිටි තවත් වෛද්‍යවරියක් ඇසුවාය. 
 
‘‘කවුරුහරි තමන්ගෙ සෙල්ෆියක් ගහගෙන ෆේස්බුක් එකට දැම්මම ඒ පින්තූරෙ කොච්චර කැත වුණත් ‘‘ලස්සනයි, නයිස්’’ වගේ කමෙන්ට්ස් දාන්න වෙනවනේ. මමත් දැන් මේ කරන්නේ එහෙම වැඩක්’’ ඇය සිනාසුනාය. 
 
මතුපිටින් බලන විට සරල සරදමක් සේ පෙනුණු එම වෛද්‍යවරියගේ කතාව ඊට වඩා මඳක් ගැඹුරින් විමසන විට පැහැදිලි මනෝ විද්‍යාත්මක පදනමක් ඇති කියමනක් සේ මට හැඟේ 
 
සෙල්ෆි කලාව අද වන විට විනෝදාංශය යන සීමාව ඉක්මවා මාරක උපද්‍රව ගෙන දෙන බිහිසුණු කර්තව්‍යයක් බවට පත්ව තිබේ. සෙල්ෆි ඡායාරූපයක් ගැනීමෙන් සහ එය ෆේස්බුක් වැනි සමාජ ජාල වෙබ් අඩවි වෙත එක් කිරීමෙන් යමෙකුට අහිංසක සතුටක් භුක්ති විඳිය හැකි බව ඇත්තකි. නමුත් පමණ ඉක්මවා සෙල්ෆි ඡායාරූප ගැනීම සහ ඒවා සමාජ ජාලවලට එක් කිරීම යමෙකුගේ පෞරුෂ විෂමතාවයන් හුවා දක්වන්නක් බව ඔබ දන්නවා ද? ඒ අනුව යමෙකුගේ ෆේස්බුක් වෙබ් අඩවියට පිවිසෙන ඔබට ඒ තැනැත්තා ඒ සඳහා සෙල්ෆි ඡායාරූප එක්කොට ඇති ආකාරයෙන් ඔහු තමන් කෙරෙහි දැඩි ඇල්මක් දක්වන හෙවත් ආත්මරාගී (Narcissism) පුද්ගලයෙකු ද යන්න පහසුවෙන් වටහා ගත හැකි වනු ඇත. 
 
ඇමරිකානු මනෝ වෛද්‍ය සම්මේලනය (APA) නිල වශයෙන් නිවේදනය කොට ඇති පමණ ඉක්මවා සෙල්ෆි ගැනීම සහ ඒවා සමාජ ජාලවලට එක් කිරීම මානසික රෝගයකි. ඔවුහු එම රෝගය අදියර තුනක් වශයෙන් විස්තර කරති. Selsitis යනුවෙන් හඳුන්වන එම රෝගයේ අවස්ථා තුන මෙසේ ය. 
 
1 - මායිම් සීමා අවස්ථාව :  
දිනකට සෙල්ෆි ඡායාරූප 3 කට වඩා ගැනීම හා ඒවා සමාජ ජාලවලට එක් නොකිරීම. 
 
2 -  තීව‍්‍ර අවස්ථාව : 
දිනකට සෙල්ෆි ඡායාරූප 3 කට වඩා ගැනීම හා ඒවා සමාජ ජාල හා එක් කිරීම. 
 
3 - නිදන්ගත අවස්ථාව : 
තමන්ට පාලනය කරගත නොහැකි ආකාරයට සෙල්ෆි ඡායාරූප ගැනීම සහ ඒවා දිනකට හය වරකට වඩා සමාජ ජාලා වෙබ් අඩවි වෙත එක් කිරීම. 
 
ඒ කෙසේ හෝ හුදු විනෝදාංශයක් වශයෙන් වුව සෙල්ෆියක් ගන්නා සෑම අවස්ථාවකම ඔබගේ අවධානය එක් නිමේෂයක් තුළ හෝ බාහිර පරිසරයෙන් මුළුමනින්ම අත්මිදෙන බැවින් එය ජීවිත අවදානමකට ද හේතුවන බව විශේෂයෙන් සිහි තබා ගැනීම වැදගත් ය. මක්නිසාද ලෝකයේ විනෝදාංශ මුල් කොට ගත් අකල් මරණ අතරින් සෙල්ෆි මරණ (Selfie Death) ලොව ශීඝ‍්‍රයෙන් ඉහළ තැනකට පත්ව ඇති බැවිනි. 
 
වෛද්‍ය සුගත් විජේවර්ධන, සිරිමාවෝ බණ්ඩාරනායක විශේෂිත ළමා රෝහල, පේරාදෙණිය

රුහුණු මහා කතරගම දේවාලයේ කපු තනතුර සම්බන්ධයෙන් තම පරපුරට ඇති පාරම්පරික උරුම මුල් කොට නැවත තමන්ට හට එම තනතුර ලබා දෙන මෙන් අධිකරණ ක්‍රියා මාර්ගයකට පිවිස සිටින පත්මසිරි අධිකාරම් මහතාට එම තනතුර බාර දෙන ලෙස නියෝග කරමින් ගල්කිස්ස දිසා අධිකරණය විසින් ලබා දෙන නියෝගය වත්මන් බස්නායක නිළමේ ඩී. පී. කුමාරගේ මහතා ක්‍රියාවට නොනැගීම මත ඔහුට පිස්කල් මාර්ගයෙන් එම අධිකරණ නියෝගයට අදාළ ලිපිය බාර දීමට කටයුතු යොදා තිබුණි.

එහෙත් එම ලිපිය බස්නායක නිළමේ වරයා වෙත බාර දීමට පිණිස ඉකුත් 10දා පිස්කල් වරයා එහි ගියද  එම නියෝගය ඇතුළත් ලිපිය බස්නායක නිලමේවරයාගේ කාර්යාලයේ කිසිවකු බාර ගෙන නොමැත.

එබැවින් එම අධිකරණ නියෝගය ඇතුළුත් ලිපිය නීත්‍යානු කූල පදනම යටතේ  බස්නායක නිල කාර්යාලයේ බිත්තියේ අලවා තැබිමට පිස්කල් නිලධාරියා පියවර ගත්තේය.

පත්මසිරි අධිකාරම් මහතා පවසන පරිදි කතරගම දේවාලයේ කපු තනතුර සඳහා තම පරපුරට ඇති පාරම්පරික හිමිකම  වර්තමානයේ අහිමි කොට ඇති බැවින් තම පරපුර වෙත කතරගම දේවාලයේ කපු තනතුර ලබා දෙන ලෙස ඉල්ලා මින් වසර 55ක් පමණ  කාලයක් රන්ජිත් අධිකාරම් පරපුරේ අය නඩු කියා තිබේ.

ඒ අනුව රන්ජිත් අධිකාරම් මහතාට නැවත පාරම්පරික කපු තනතුර ලබා දෙන ලෙස කීප විටක්ම අධිකරණ නියෝග ලබාදෙනු ලැබුවත් මීට පෙර සිටි බස්නායක නිලමේවරුන් කීප දෙනකු විසින්ම එම ඉල්ලීම පැහැර හරින ලදී.

පසුගිය 10වැනි දින කතරගම බස්නායක නිලමේ හමුවීමට අධිකරණ නිලධාරීන් පැමිණියද බස්නායක නිලමේ නිල මැදුරේ නොසිටි අතර එහි රැදීසිටිය වුන්ද අධිකරණ නියෝගය බාර ගැනීම ප්‍රතික්ෂේප කර ඇත. අධිකරණ නියෝගය බිත්තියේ අලවා තැබීමට සිදුවූයේ එබැවිනි.

පද්මසිරි අධිකාරම් මහතාගේ පරපුරට කතරගම කපු තනතුර සඳහා ඇති නීත්‍යානූ කූල හිමිකම අධිකරණය මගීන් පවා තහවුරු කොට ඇති පසුබිමක කතරගම බස්නායක නිළමේ වරු කිහිප දෙනෙකුම නීතියට පිටුපා කටයුතු කිරීම පිළිබඳව මේ වන විට බොහෝ දෙනෙකුගේ අවධානයට ලක්වී තිබේ.

පොල්ගසකින් ඇද වැටිම නිසා වම්පාදයේ කලවා ප්‍රදේශය පසාරු කරගෙන ගොස් තිබු අඩි පහක පමණ ගිනිසීඩියා උලක් විස්මිත සැත්කමකින් පසු ඉවත් කිරිමට ගාල්ල කරාපිටිය ශික්ෂණ රෝහලේ නහර හා අවයව බද්ධ කිරිමේ විශේෂඥ ශල්‍ය වෛද්‍ය  රංජුක උබේසිරි මහතා සමත්ව තිබේ.

සිව්දරු පියෙකු වන මෙහු  පොල් ගසකින් පොල් කඩා යළී පොල් ගසින් බැසිමේදී අඩි තිස්පහක් හතලිහක් පමණ උසකින් ඇදවැටි ඒ අසල තිබු ගිනිසීඩියා වැටක් මටත වැටි තිබේ. එහිදි ඔහුගේ වම්පාදයේ කලවා ප්‍රදේශය පසාරුකරගෙන යන සේ ගිනිසිඩියා උලක් ඇණී තිබේ.
ඉකුත් 12 වැනි දින මෙම සිද්ධිය වි ඇති අතර ඔහු ඇඹ්ලිපිටිය රෝහලට ඇතුලත් කිරිමෙන් පසු කලවේ ඇණී තිබූ ලි උලත් සමග  12 වැනි දින පස්වරුවේ කරාපිටිය ශික්ෂණ රෝහලට  මාරුකොට එවා තිබේ.

එදින පැය දෙකහමාරක පමණ විස්මිත සැත්කමකින් පසු මෙම ලී කොටය ඉවත් කිරිමට විශේෂඥ ශල්‍ය වෛද්‍ය රංජුක උබේසිරි මහතා ඇතුළු වෛද්‍ය කණ්ඩායම සමත්ව ඇත. මෙම සැත්කම නිසා මෙම පුද්ගලයාගේ ජිවිතය බේරාගැනිමට හැකිවි තිබේ. මෙම අනතුරට මුහුණ පෑවේ  එදිරිගේ පියසිරි  (55) නමැති  අගුණුකොඵපැලැස්ස උස්වැව ප්‍රදේශයේ පදිංචි කරුවෙකි.

මෙකි විස්මිත සැත්කම පිළිබද අදහස් දක්වමින් විශේෂඥ ශල්‍ය වෛද්‍ය රංජුක උබේසිරි මහතා මේසේ කිවේය.

මෙම රෝගියා  මෙම අනතුරට ලක්වුණාට පසු මුලින්ම ඇඹ්ලිපිටිය රෝහලට තමයි ඇතුලත් කරලා තිබුණේ ඒ රෝහලේ වෛද්‍යවරයකු මට කථා කරලා කිවා මෙම රෝගියා කරාපිටිය ශික්ෂණ රෝහලට මාරුකොට එවනවා කියා සැත්කම කිරිමට. නහර වලට අනතුරක් වි ඇති බව කිවා.  ඒ නිසා ලි කොටයත් සමග තමයි එව්වේ. පසුව ශල්‍යාගාරයට මෙම රෝගියා අරගෙන සැත්කමකින් එම ලි කොටය ඉවත් කළා.  මුලින්ම පාදයේ රුධිර වහනය නතර කළා. උඩින් තිබු නහරවල ලේ සැපයම නතර කරලා  තුවාලය සම්පුර්ණයෙන් හෝදලා නහර පිළිසකර කරලා තමයි සැත්කමකින් ලි කොටය අයින් කළේ. නමුත් මොහුගේ ප්‍රධාන නහරය බේරිලා තිබුණේ. සැත්කමින් පසු මෙම රෝගයාගේ පාදවල ඇති නහරවල හොදින් රුධිරය ගමන් කරනවා. සුසුම්නාවට හානි වේලාද කියලා බලන්න දැන් එම්.ආර්.අයි පරික්ෂණයක් කරණවා. රෝගියා හොද සෞඛ්‍ය තත්වයෙන් ඉන්නවා.

 මේ වගේ උලක් ඇණුනු අවස්ථාවක එක ගලවන්නේ නැතිව රෝහලට රැගෙන එන්න ඕන. ගලවන්න ගියහොත් රුධිර වහනය වෙලා ජිවිතය පවා නැති වෙන්න පුළුවන්. යැයිද විශේෂඥ ශල්‍ය වෛද්‍යවරයා කීවේ.

මෙම අනතුරට පත්වූ එදිරිගේ පියසිරි  (55) මෙසේ  කිවේය.

මුදලාලි කෙනෙකුගේ පොල් කැඩුවා එක වත්තක පොල් ගස් 17ක විතර පොල් කැඩුවා. අනෙක් වත්තේ  14ක විතර පොල් කැඩුවා. ඊට පස්සේ   තවත් පොල්ගහකට ගිහින් බහින්න හදන කොට  එක් පොල්පිත්තක් අල්ලා ගත්තා ඒ පොල්පිත්ත ගැලවුණා. මට අනික් පොල්පිත්ත අල්ලා ගන්න බැරිවුණා. මාව ගහෙන් බිමට වැටුණා. වැටේ තිබුනා ගිනිසීඩියා ගහක් ඒක තමයි කකුලේ ඇනිලා තිබුණේ. ගහෙන් ලී කැබැල්ල කපලා වෙන් කරලා  තමයි මාව රෝහලට ගෙනාවේ. පියසිරි කිවේය.

ගාල්ල කමල් විජේහේවා / ජිනේෂ් නානායක්කාර

IMAGE

තනි දළයා සිපිරිගෙට යනු බලා ගල්ගමු වැසියෝ කඳුළු සලති

IMAGE 2017 Dec 18 13:25
තම පවුලක නාහෙට නාහන හිතුවක්කාර තරුණයෙකු වුව බන්ධනාගාරගත වන්නේ නම් එම පවුලේ ඥාතීන් තුළ විශාල...
Views - 812

සාර්ථක ගැබ් ගැන්වීමක් සඳහා පිරිමියෙකු සතු සුදුසුකම්

IMAGE 2017 Dec 18 12:42
දරු පිළිසිඳ ගැනීමකදී කාන්තාවක තුළ තිබිය යුතු සුදුසුකම් පිළිබඳව බොහෝ දෙනෙක් කථා කරනවා. නමුත්...
Views - 1497

ඉදිරියට යනකොට මට හිතුණා මේ ජයග්‍රහණය ලැබෙයි කියලා

IMAGE 2017 Dec 18 10:00
දෙරණ  සිහින තරු වේදිකාව අදියර හයක් පුරා නවක ගායන තරු රැසක්ම සංගීත ක්ෂේත්‍රයට බිහි කළේය....
Views - 773

හීං බබා සීයා වෙන්න කලින් මම හිඟන්නෙක්

IMAGE 2017 Dec 18 09:11
සේන ගුණවර්ධන කියන ඔබව දැන් රටම හඳුනන්නේ “හීං බබා සීයා” නමින්. වයසට ගිහින් හරි රටම හඳුනන...
Views - 1988

හැරී කුමරුගේ සහ මෙගන් මාර්කල් ගේ විවාහ දිනය නිවේදනය කරයි

IMAGE 2017 Dec 18 09:03
බ්‍රිතාන්‍යයේ රජ පවුල පිළිබඳ තොරතුරු කියවීමට කැමැත්ත දක්වන බොහෝ දෙනෙකු තුළ පසුගිය දිනවල...
Views - 648

තනුජා සිරස හැර යයි

IMAGE 2017 Dec 17 12:25
පෞද්ගලික රූපවාහිනී නාලිකා මේ රටේ ඇති කළ වෙනස තුළ බිහි වූ ප්‍රබල චරිතයක් තමයි තනුජා ජයවර්ධන...
Views - 4495

Please publish modules in offcanvas position.