Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

අනුරාධපුරය යනු ශ්‍රී ලාංකීය බෞද්ධයන්ගේ ප්‍රමුඛතම ආධ්‍යාත්මික පුරවරයකි. නමුත් පසුගිය කාලය තුළ ඊට ඉඳුරාම වෙනස් අතිශ්‍ය අප්‍රසන්න සහගත තත්ත්වයක් පිළිබඳවද අනුරාධපුරයෙන් වාර්තා විය.

ඊට හේතුව ශ්‍රී ලංකාවේ ගණිකා ගහණයෙන් වැඩිම ප්‍රතිශතයක් අනුරාධපුරයෙන් වාර්තා වීමය. මෙයට ප්‍රධානතම හේතුවක් වී තිබුණේ පසුගිය යුද සමයේ උතුරුකරයේ සේවයේ යෙදුණු හමුදා සාමාජිකයන්ගේ සංක්‍රමණ (Transit) නගරයක් ලෙස අනුරාධපුරය පැවතීමය.

ඇතැම් විට මාස දෙක තුනක වැටුප්ද සහිතව පලාලි සිට අනුරාධපුරය දක්වා ගුවන් මඟින් එන හමුදා සෙබලුන් ඩැහැගැනීම සඳහා අනුරාධපුරය ආශ්‍රිත ගණිකා ව්‍යාපාරය ප්‍රබල ලෙස ව්‍යාප්ත වී තිබුණි. ඊට අමතරව එම ගණිකාවන් වෙත යන ආරක්ෂක සාමාජිකයන්ගේ මාස දෙක තුනක වැටුප් මුදල් පවා අහිමි වූ සිද්ධීන් විශාල වශයෙන් අසන්නට ලැබිණ.

මීට අමතරව වන්දනාවේ එන මුවාවෙන් අනුරාධපුරයට පැමිණෙන සල්ලාලයන් හට ගණිකාවන් සැපයීමේ යාන්ත්‍රණයක් ද අනුරාධපුරයේ ක්‍රියාත්මක විය. ඔවුන් ගණිකා නිවාස වෙත කැඳවාගැනීමට අමතරව  අනුරාධපුරය හා ඒ ආශ්‍රිතව ඇති සිය ගණනක් ලැඟුම්හල් වලින් කොටසක් වෙත එම ගණිකාවන් සැපයීමේ යාන්ත්‍රණයක් ද ක්‍රියාත්මක වූ අතර අනුරාධපුර ප්‍රදේශයේ ඇතැම් ත්‍රිරෝද රථ රියදුරන් එම ජාවාරමට සෘජුව හා වක්‍රව හවුල් වන බවටද තොරතුරු වාර්තා වී තිබේ.

තත්ත්වය එසේ තිබියදී ආයුර්වේද සම්බාහන මධ්‍යස්ථාන (Spa) පවත්වාගෙන යන මුවාවෙන් අනුරාධපුර නගරයට පැමිණෙන පුද්ගලයන්ට කතුන් අලෙවි කළ ස්ථාන පහක් පස්වන වතාවටත් වැටලීමට පෙරේදා (06) පොලිසිය සමත්විය. එහිදී ගණිකා වෘත්තියේ නිරත වූ කතුන් දසදෙනකු අනුරාධපුර මූලස්ථාන ‍පොලිස් පරීක්ෂකවරයා ඇතුළු පරීක්ෂක ශ්‍රේණියේ නිලධාරීන් පිරිසක් විසින් පෙරේදා (06) සවස අත්අඩංගුවට ගනු ලැබිය.

සැකකාරියන් අනුරාධපුර පොලිස් ස්ථානයට ගෙන ආ අවස්ථාව

අත්අඩංගුවට පත් සැකකාරියන් මීට පෙරත් අවස්ථා ගණනාවකදීම අවකල් ක්‍රියාවේ නිරත වීමේ චෝදනාවට අත්අඩංගුවට ගෙන අධිකරණයට ඉදිරිපත් කර තිබෙන බව ‍පොලීසිය පැවැසූ අතර පසුගිය මාස කිහිපයේ අඛණ්ඩව කළ වැටලීම්වලදී ගණිකා වෘත්තියේ නිරත වූ කාන්තාවන් අසූදෙනකු පමණ ‍පොලිස් අත්අඩංගුවට ගෙන අධිකරණයට ඉදිරිපත් කර තිබෙන බවද පොලීසිය පැවසීය.

ඉතා රහසිගතව සම්භාහන මධ්‍යස්ථාන වල හිමිකරුවන් කතුන් විකිණීමේ ව්‍යාපාරය පවත්වාගෙන යන බවට අනුරාධපුර මූලස්ථාන ‍පොලීසියේ ස්ථානාධිපතිවරයාට දිගින්දිගටම ලැබුණු පැමිණිලි මත අනුරාධපුර ප්‍රධාන මහේස්ත්‍රාත් අධිකරණයෙන් ලබාගත් සෝදිසි වරෙන්තුවලට අනුව රහසිගතව කළ මෙහෙයුමක් මගින් මෙම අත්අඩංගුවට ගැනීම සිදුකරන ලදී.

වැටලීම සිදු කරද්දී ඇතැම් ආයතනවල හිමිකරුවන් ගේට්‌ටුවලට අගුළු දමා පොලිසිය පැමිණේ දැයි විමසිලිමත්ව සිටි බවත් ඔවුන්ට ගේට්‌ටු විවෘත කරන ලෙස පොලිසිය පැවසූ විට යතුරු නැතිවී ඇතැයි කීම නිසා පොලිසිය තාප්ප උඩින් පැන ආයතනවලට ඇතුළු වී බලද්දී තරුණ කාන්තාවන් කාමරවල සඟවා සිටි බවත් පොලිසිය පවසයි.

වයස අවුරුදු 25 - 40 අතරේ පසුවන අනුරාධපුර මැදවච්චිය පුත්තලම තඹුත්තේගම යන ප්‍රදේශවල පදිංචිකාරියන්  දසදෙනෙකු මෙලෙස අත්අඩංගුවට පත් වූ බව ‍පොලීසිය කීය.

සෝදිසි වරෙන්තු 16ක් ලබාගෙන එම ස්ථාන සියල්ල වැටලීමට උත්සහ කළත් මීට පෙර කිසියම් ආකාරයකින් සම්භාහන මධ්‍යස්ථාන හිමියන්ට වැටලීම කරන බව කලින් සැලවීමත් සමඟ ඔවුන් ආයතන වසා දමා පලාගොස් තිබූ බව ‍පොලීසිය කීය. අනුරාධපුර නව නගරය, දහයියාගම, පුබුදුපුර හා ෆ්රීමන් මාවත යන ප්‍රදේශවල පවත්වාගෙන ගිය සම්භාහන මධ්‍යස්ථාන තුනක් හා නිවාඩු නිකේතන දෙකක් වටලා සැකකාරියන් අත්අඩංගුවට ගත් බව ‍පොලීසිය පැවැසීය.

මෙලෙස අනුරාධපුර නගරය ආශ්‍රිතව සිදුකෙරෙන ගණිකා ජාවාරමේ සමස්ත යාන්ත්‍රණය පිළිබඳ තොරතුරු මේ වන විට හෙළිව ඇතැයි පවසන පොලිසිය අනුරාධපුර නිවාඩු නිකේතන, ලැඟුම්හල්, විශ්‍රාමශාලා වෙත ගණිකාවන් සපයන පුද්ගලයන් සහ තැරැව්කරුවන් පිළිබඳවද ඔවුන් ගැවසෙන ස්ථාන පිළිබඳවද මේ වන විට තොරතුරු ලැබී ඇතැයි පොලිසිය ප්‍රකාශ කරයි.

අනුරාධපුර කොට්ඨාස භාර ‍පොලිස් අධිකාරී තිළිණ හේවාපතිරණ සහ සහකාර ‍පොලිස් අධිකාරී චූලනී සී. වීරරත්න යන මහත්වරුන්ගේ උපදෙස් මත අනුරාධපුර මූලස්ථාන ‍පොලීසියේ ස්ථානාධිපති ප්‍රධාන ‍පොලිස් පරීක්ෂක සංජීව මහනාම, ‍පොලිස් පරීක්ෂක එම්.එස්. කුමාරසිංහ, උප ‍පොලිස් පරීක්ෂකවරුන් වන ඩී.බි.අයි. ප්‍රේමරත්න, විමල් රංජිත්, කේ.ඒ. රත්නසිරි සහ උප ‍පොලිස් පරික්ෂිකා යමුනා කාන්ති යන මහත්ම මහත්මීහු මෙම වැටලීම කළහ.

 

බුද්ධික මහේෂ් විජේසූරිය- අනුරාධපුරය

 

මේ දිනවල දිවයින පුරා  පවතින ඉන්ධන හිඟය හේතුවෙන් කොළඹ නගරයේ පමණක් නොව දිවයිනේ සෑම ඉන්ධන පිරවුම් හලකම දිගු ‍පෝලිම් දක්නට ලැබුණ බව දැක ගන්නට ලැබිණි.

ඉන්ධන නොමැතිවීමෙන් දුෂ්කරතාවන්ට පත්ව සිටින  ජනතාවගේ අදහස් දැන ගැනීමට කොළඹ අවට පිහිටි ඉන්ධන පිරවුම්හල් කිහිපයකට අපි ගියෙමු. එහිදී කිලෝමීටර ගණනක් දිගු ‍පෝලිම් දක්නට ලැබුණි. එමෙන්ම ඉන්ධන පිරවුම්හල්වල ආරක්ෂාව සඳහා ‍පොලීසියද යොදවා තිබෙනු දක්නට තිබිණි.

ඉන්ධන නොමැතිව කුපිත වූ ජනතාව අතර ස්ථාන කිහිපයකදී බහින් බස්වීම් ද අපි දැක්කෙමු. මේ එම ‍පෝලිම්වල සිටි ජනතාවගේ අදහස්ය.

ෂෙඩ් 10 ක විතර ‍පෝලිම්වල හිටියා
ටී. සිවපාලන් - යටියන්තොට

මම යටියන්තොට ඉඳන් ලෙඩෙක් අරන් හයර් එකක් ආවේ. අවිස්සාවේල්‍ලේ ඉඳන් ෂෙඩ් දහයක විතර ‍පෝලිමේ හිටියා. පැය ගාණක් ‍පෝලිමේ ඉඳලා ටිකක් ඉස්සරහට යන කොට ෂෙඩ් එකේ පෙට්‍රල් ඉවරයි කියනවා. ඔරුගොඩවත්තේ මේ ෂෙඩ් එකෙත් පැය ගාණක් තිස්සේ ‍පෝලිමේ ඉන්නේ. ඒත් පෙට්‍රල් ගහන්නේ රුපියල් 500 ක විතරයි. මට පෙට්‍රල් ගහගන්න බැරි වුණොත් අද මේ ලෙඩත් එක්ක පාරේ තමයි ඉන්න වෙන්නේ.
මිනිස්සු හැමෝම අපහසුතාවට ලක්වෙලා.රජයට තෙල් ටිකවත් බෙදා ගන්න බැරිනම් වැඩක් නෑනේ.

හැම කරදරයක්ම අපි වගේ අයටයි
එම්. අස්කාර් - ග්‍රෑන්ඩ්පාස්

මම දරු පවුලක් නඩත්තු කරන්නේ ත්‍රීවිල් රස්සාව කරලා. දවස් දෙකක ඉඳන් හයර් එකක් දුවාගන්න බැරිවුණා. අපි දවසේ වියදම හොයා ගන්නේ හයර් දුවලයි. මෙහෙම තව දවස් කිහිපයක් පෙට්‍රල් නැති වුණොත් අපි වගේ මිනිස්සු කී දාහක් දුක් විඳිනවාද? ‍පෝලිම්වල ඉඳලම එපා වෙලා තියෙන්නේ. ‍පොඩි මිනිහාටම තමයි, ඔක්කොම ප්‍රශ්න. මිනිස්සු හරිම කේන්තියෙන් ඉන්නේ. ඒ කේන්තිය සාධාරණයි.
 

 


අණ්ඩුව ගැන විශ්වාසයක් නෑ
ජේ.පී. කුමාර - මාලිගාවත්ත

ඊයේ රෑ දහයට මතෛන්ට ආවේ. පෙට්‍රල් ගහන්නත් සල්ලි කීයක් හරි හොයා ගන්න ඕනේ. ඒකට හයර් එකක් දුවන්න ඕනේ. මේ ආණ්ඩුව මොනවා කරනවාද දන්නේ නෑ. ඉන්ධන නැතිව රටේ කිසිම දෙයක් කරන්න බෑ. ඒක විසඳගන්නත් ආණ්ඩුවට බැරිනම්, මිනිස්සු ආණ්ඩුව විශ්වාස කරන්නේ කොහොමද? පාරවල්වල යන්න බෑ පාරවල් කැඩිලා. ඒ පාරවල් බේරගෙන මිනිස්සු තෙල් ගහන්න එන්නත් ඕනේ. පාරෙ ට්‍රැෆික් එකේ හිරවෙලා ඉන්න කොට තියෙන තෙල් ටිකත් පිච්චෙනවා. කවද්ද මේ ආණ්ඩුව ‍පොඩි මිනිහා ගැන බලන්නේ.

පාන්දර 3 ඉඳලා දවල් 1.00 වෙනකල් හිටියා
නලින් ප්‍රශාන්ත - කැලණිය
 
ත්‍රීවිල් එකේ පාන්, බනිස් විකුණන එකයි මගේ රැකියාව. මේ ත්‍රීවිල් එකත් මගේ ‍නෙවෙයි. ත්‍රිවිල් එක කුලියට අරගෙනයි, බනිස් විකුණන්නේ. ත්‍රීවිල් එකේ අයිතිකාරයටත් මම දවසකට රුපියල් 500 ක් ගෙවන්න ඕනේ දිව්වත් නැතත්. අද පාන්දර තුනේ ඉඳන් මම ෂෙඩ්වල ‍පෝලිමේ ඉන්නවා.දැන් වෙලාව දවල් එකයි. ඒත් තවම බැරි වුණා,පෙට්‍රල් ටිකක් ගහගන්න. ලොකු වාහනවලට, කාර්වලට කිසි ‍පෝලිමක් නෑ. ඒ අය ආපු ගමන්ම පෙට්‍රල් ගහලා යවනවා. අපි වරු ගණන් ‍පෝලිමේ ඉන්නවා. මගේ මේ රස්සාවෙන් පවු‍ලේ පස් දෙනෙක් ජීවත් වෙනවා.අද රස්සාව කර ගන්න බැරි වුණා. හෙටත් බැරි වුණොත් අපේ ගෙදරවුන්ට කන්න දෙන්නේ කොහොමද මම?.
 


හරිනම් ඇමැති අස්වෙන්න ඕනෑ
පකීර් නසීර් ඛාන් - වත්තල

මම මෙතැන ඉන්නේ පාන්දර තුනේ ඉඳන්. මගේ දරු පවුල ජීවත් කරන්නේ මම මේ ත්‍රීවිල් රස්සාවෙන්. මේ ආණ්ඩුවට තෙල් ටිකවත් හරියට ගෙන්නලා බෙදා දෙන්න බැරිද? මිනිස්සු මේ විදිහට මහපාරේ ‍පෝලිම්වල තියන්න නම්, මේ රටට ආණ්ඩුවක් ඕනේද? තෙල් ටික හරියට බෙදන්නවත් ඇමැතිට බැරි නම්, ඒ ඇමැති අයින් වෙන්න ඕනේ. අයින් වෙන්නේ නැත්නම්, අයින් කරන්න ඕනේ. ‍පොඩි මිනිහාට හැමදාම හිමි වුණේ මහපාර. ඒ සංස්කෘතිය තාමත් මේ රටෙන් ඉවත් කරන්න කාටවත් බැරිවුණා. ඡන්දේ ගන්න එන්නේ නම්, අරක දෙනවා, මේක දෙනවා කියලා. ‍පොඩි මිනිහට මොනවාද හම්බ වුණේ. අපිට උරුම වුණේ මහපාරයි, ‍පෝලිමයි විතරයි.

පුදුම දුකක් අපි විඳින්නේ
ප්‍රසාද් ලක්මාල්  - වැල්ලම්පිටිය.

මම මේ ත්‍රීවිල් එක දුවන්නෙත් කුලියට අරගෙන. හවසට ත්‍රීවිල් එකට රුපියල් 500 ක් දෙන්න ඕනේ. පාන්දර ඉඳන් ‍පෝලිමේ හිටියත් තාම පෙට්‍රල් ටිකක් ගහගන්න බැරි වුණා. හවසට රුපියල් 500 ගෙවන්නවත් අද හයර් එකක් දුවා ගන්න බැරි වුණා. දැන් ෂෙඩ් එකෙන් කියනවා, තෙල් ඉවරයිලු. ආයෙත් තෙල් බවුසරයක් අවොත් තෙල් දෙන්න පුළුවන්ලු. කීයට එනකම්, කියලා බලාගෙන ඉන්නද?



වාහනේ නැත්නම් තෙල් දෙන්නේ නෑ
කේ. ඩී. සුමිත් - ඔරුගොඩවත්ත

මගේ ත්‍රීවිල් එකේ තමයි ළමයි ඉස්කො‍ලේ යන්නේ. උදේ ඉස්කෝලෙට එක්ක යනකොට පෙට්‍රල් ඉවර වුණා.මම ළමයින්ට කිව්වා පෙට්‍රල් ගහගත්තොත් එක්ක යන්න එන්නම්, නැත්නම් බස් එකේ එන්න කියලා. අද කා‍ලේ ළමයෙක් පාරේ තනියම යවන්න පුළුවන් ද?
වාහනේ තෙල් නැති නිසා මම කෑන් එකක් අරන් ආවා තෙල් ගෙනියන්න. කෑන්වලට තෙල් දෙන්න බැරිලු. වාහනේ එන්න තෙල් නැත්නම්, කරේ තියන් එන්න කියලාද? කියන්නේ. මේවා හරි මෝඩ අසාධාරණ තීරණ. මිනිස්සුන්ට හරියට තෙල් ටික බෙදන්න බැරි නම්, මේ ඇමැතිගෙන් ඇති වැඩේ මොකක්ද?

තෙල් නැතිනම් වාහනේ උස්සන් එන්නද?
නන්දා රංජිනි - කිරිබත්ගොඩ

මම කිරිබත්ගොඩ ඉඳන් ආවේ, මගේ දුවගේ බයිසික‍ලේට තෙල් ටිකක් ගෙනියන්න. මගදි ෂෙඩ් තුනකින් බැස්සා. ඒ එකකවත් පෙට්‍රල් තිබුණේ නෑ. මතෛන්ට ආවාම, කෑන්වලට තෙල් දෙන්න බැරිලු. වාහනේ තෙල් නැත්නම්, කොහොමද වාහනවල එන්නේ. ආණ්ඩුවට මේ ප්‍රශ්න විසඳන්න බැරි නම්, පුළුවන් කෙනෙකුට මේක කරන්න දෙන්න ඕනේ.
 

 

 

පෙට්‍රල් ටිකත් හිඟාකන්න වෙලා
ප්‍රදීප් කුමාර - පිටකොටුව

මම උදේ පාන්දර හතරේ ඉඳන් ෂෙඩ්වල ‍පෝලිමේ.අපි පත් කර ගත්ත ආණ්ඩුවට අපිටම බනින්න වෙලා. උන්ට වඩා මුන් හොඳයි කියලා පත් කර ගත්තා. දැන් උනුත් එකයි, මුනුත් එකයි. මගේ නැන්දම්මා ඉස්පිරිතා‍ලේ එයාව තුන්වේලම බලන්න යන්න ඕනේ. පාරේ ට්‍රැෆික්. බස් එකේ යනකොට මගටම කා‍ලේ ගතවෙනවා.කාර්වලට ෂෙඩ්වලින් ලීටර් 20 ක් තෙල් ගහනවා.ඒත් එදා වේල හම්බ කරන් කන ත්‍රීවිල්වලට ගහන්නේ ලීටර් 3යි. ‍පොඩි මිනිහාට කොයි ආණ්ඩුවත් සලකන්නේ මෙහෙම තමයි. අපිට අද පෙට්‍රල් ටිකටත් හිඟා කන්න වෙලා. මේවා ෆොටෝ ගහලා ඉන්ටනෙට් දැම්මම අපි හිඟාකන රටක් කියලා මේ ආණ්ඩුවට ලැජ්ජා නැද්ද? මේ ආණ්ඩුව මේවට වගකියන්න ඕනේ.

දරු පවුලම දැන් අනාථයි
නයිසර් මොහොමඩ් - ග්‍රෑන්ඩ්පාස්

මම උදේ පාන්දර ඉඳන් මේ ‍පෝලිමේ ඉන්නේ. මම දරුවෝ තුන් දෙනෙක් ජීවත් කරන්නේ ත්‍රීවිල් රස්සාව කරලා. දැන් දවස් දෙකක ඉඳන් හයර් එකක්වත් දුවන්න බැරි වුණා. ෂෙඩ්වල ‍පෝලිමේ හිටපු එකයි කළේ.ආණ්ඩුව මේකට වග කියන්න ඕනේ. ආණ්ඩුව කියන විදිහට මේ ප්‍රශ්නය විසඳන්න තව දවස් දෙකක් විතර යනවාලු. එතකන් අපි ‍පෝලිම්වල ඉන්නද මේ ආණ්ඩුව කියන්නේ.






කමණී හෙට්ටිආරච්චි
ඡායාරූප - තුෂාර අතපත්තු

සෑම ජංගම දුරකතනයකම පෙනෙන පැත්තක් සහ නොපන පැත්තක් තියෙනවා. අප බොහෝ විට දකින්නේ එහි දැකුම්කළු බව, වේගය ආදී දේ පමණයි. එහි සැඟවුණු දේ බොහෝ දෙනෙක් දන්නේ නැහැ. නමුත් එ් සැඟවුණු රහස්වලින් ගත හැකි ප‍්‍රයෝජන නම් බොහොමයක් තියෙනවා. අද කතා කරන්න යන්නේ ජංගම දුරකතන, විශේෂයෙන් ස්මාර්ට් වර්ගයේ දුරකතන භාවිත කරන්නන්ට ප‍්‍රයෝජනවත් වන විදියේ රහස් කිහිපයක් හෙළිදරව් කිරීමයි.
මේ සෑම රහසක්ම අනාවරණය කරගන්නට දොරටුව විවර කරන්නේ ඔබගේ දුරකතනයේ ඩයල් පෑඞ් එක බව මුළින්ම සඳහන් කල යුතු වෙනවා. මේවා හඳුන්වන්නේ ‘රහස් කේත’ නමින්. ඔබගේ ඩයල් පෑඞ් එකෙන් මේ කේත ඩයල් කිරීමෙන් මේ රහස් හෙළිදරව් කරගන්නට පුළුවන්.
 
1. #31#
මෙය ඩයල් කිරීමෙන් ඔබ ලබා ගන්නා ඇමතුම්වල ඔබගේ අනන්‍යතාව සඟවන්නට පුළුවන්. එ් කියන්නේ අනෙක් පැත්තේ පුද්ගලයාට ඔබගේ අංකය කුමක්ද කියා පෙන්වන්නේ නැහැ. කොහොම වුනත් ඔබ භාවිත කරන ජංගම දුරකතන ජාල පද්ධතිය මේ සඳහා අවසර දී ඇත්නම් පමණයි මෙය ක‍්‍රියාත්මක වෙන්නේ. 
 
2. *#06#
මේක ඉතා වැදගත් කේතයයක්. ඔබගේ හැඳුනුම්පත් අංකය වගේම ඔබගේ දුරකතනයටත් හැඳුනුම් පත් අංකයක් තියෙනවා. ජංගම දුරකතන ජාල පද්ධතිය ඔබගේ දුරකතනය හඳුනාගන්නේ මේ අංකයෙන්. අපි සාමාන්‍යයෙන් කට වචනයට මෙයට කියන්නේ ‘ඉමි’ (IMEI) අංකය කියලා. එ් වචනය සැදී තිබෙන්නේ International Mobile Equipment Identity කියන වචනවල මුල් අකුරු එකතු වීමෙන්. මේ කේතය  ඕනෑම ජංගම දුරතනයක ඩයල් පෑඞ් එකෙන් ඩයල් කිරීමෙන් ඔබගේ ඉමි අංකය පරීක්ෂා කරන්න පුළුවන්. යම් විදියකින් ඔබගේ ජංගම දුරකතනය නැති වුනොත් පොලීසියේ සහ විදුලි සංදේශන නියාමන කොමිසමේ පැමිණිල්ලක් දැමිය යුත්තේ මේ අංකයත් සමගයි. එ් නිසා මේ අංකය බලා විතරක් මදි. කොහේ හරි මතක තියෙන තැනක ලියා තියාගන්නවා නම් තවත් හොඳයි.
 
3. *#30#
ඔබ ඇමතුම ලබා ගන්නා පුද්ගලයාට ඔබගේ අංකය සඟවන්නට මේ කේතය භාවිත කළ හැකියි. නමුත් මේ පහසුකම ලබා ගත හැක්කේ ද ජංගම දුරකතන ජාල පද්ධතිය හිමි සමාගම එයට අවසර දෙනවා නම් පමණයි.
 
4. *33*#
ඔබට හොරෙන් කවුරුන් හෝ ඔබගේ ජංගම දුරකතනයෙන් ඇමතුම් ලබා ගන්නවා කියා සැක පහළ වුණොත් මේ කේතය ඔබට ප‍්‍රයෝජනවත්. මෙයින් පුළුවන් ඔබගේ දුරකතනයෙන් පිටතට ගන්නා ඇමතුම් අවලංගු කොට දමන්නට. නමුත් ඔබට ඇමතුමක් ගන්නට අවශ්‍ය වූ විට *33*#PIN# ඩයල් කිරීමෙන් පිටතට ඇමතුම් ලබාගන්නට පුළුවන්. මෙහිදී PIN යනු ඔබගේ ජංගම දුරකතනයට අදාළ PUK කේතයයි. එය ජංගම දුරකතන සමාගමින් දැනගත හැකි කේතයක්.
 
5. *3370#
ජංගම දුරකතනය ඔස්සේ අප සියලූම පහසුකම් ලබා ගන්නේ ජංගම දුරකතන තරංග ඔස්සේ. ඇතැම් පළාත්වලට මේවා ලැබෙන්නේ දුර්වල මට්ටමින්. එවිට ලබාගන්නා ඇමතුම් පැහැදිලි මදි. නමුත් මේ තත්වය යම් තරමකින් වර්ධනය කරගන්නට නම් ජංගම දුරකතනයේ ඇති EFR කියන පහසුකම ක‍්‍රියාතමක කරගත යුතුයි. ඉහත කේතය ඩයල් කිරීමෙන් මෙම පහසුකම ලබා ගන්නට පුළුවන්.
 
6. *#5005*7672#
ජංගම දුරකතනයකින් කෙටි පණිවිඩ යවද්දී වැදගත් ම දෙයක් තමයි අපට සේවා සපයන සමාගමේ සේවා අංකය. සාමාන්‍යයෙන් සිම් පතක් ජංගම දුරකතනයට දැමූ විට මේ අංකය අදාළ ස්ථානයට පිටපත් වීම සිදු වෙනවා. නමුත් කුමක් හෝ දෝෂයක් සිදු වී මෙය මැකී ගියොත් එය සොයා ගන්නට ඉහත අංකය ඩයල් කළ හැකියි.
 
7. *3001#12345#*
සාමාන්‍යයෙන් ජංගම දුරකතනය සංඥා පෙන්වන්නේ සිරස් අතට ඇති තීරු ආකාරයෙන්. නමුත් මේ කේතය ඩයල් කළ පසු එය අංක ලෙස බලා ගන්නට ඔබට හැකියාව තිබෙනවා. 
 
නිරංජන් චාමින්ද කරුණාතිලක

පරම්පරාගත උරුමයෙන් කලාවට පිවිසි ඇය කලාවේ ඉසව් රැසක දස්කම් පෑ කලාකාරියකි. ගායිකාවක සේම නිවේදිකාවක් ලෙසත් සිය කුසලතා පළකළ මෙම කලා ශිල්පිනිය අභිෂේකා විමලවීරයි. මෙවර රැජිණ තුළින් අප අභිෂේකාව ඔබ වෙත කැඳවාගෙන එන්නට සිතුවේ මේ දිනවල “සිරස ටීවී” ඔස්සේ විකාශය වන “ජූනියර් සුපර් ස්ටාර්” තුළින් අභිෂේකා විනිසුරුවරියක ලෙස ඉදිරිපත් කරන නවතම භූමිකාව අද වනවිට බොහෝ අයගේ කතාබහට ලක්ව ඇති නිසාමය.
 
අභිෂේකාට කලාව හිමිවුණේ උපතින්.. ඔබ පරම්පරා උරුමයෙන් කලාවට පිවිසි කලාකාරියක් ... 
මගේ තාත්තා සුනිල් විමලවීර ගීත රචකයෙක් වගේම චිත්‍රපට අධ්‍යක්ෂවරයෙක්. , ලොකු තාත්තා සරත් විමලවීර ගී පද රචකයෙක් වගේම නිවේදකයෙක් . අම්මා දමයන්ති විමලවීර ගායනයට නාවත් හොඳ ගායන කුසලතාවක් තිබූ කෙනෙක්. කලා පසුබිම අපේ පවුල තුළ තිබුණා. මම කලාවට යොමුවන්නට එයත් බලපාන්නට ඇති.  
 
අභිෂේකා කලාවට පිවිසුණේ බාලවියේදීම නේද.. ?
මම මුලින්ම ගීතයක් ගායනා කළේ  “ සංජානා” චිත්‍රපටයේ. එතකොට මට වයස 10 ක් විතර ඇති. ඒ වගේම මම ස්වාධීන රූපවාහිනිය ඔස්සේ ළමා නිවේදිකාවක් වුණෙත් ගුවන් විදුලිය තුළින් ළමා ගායිකාවක් වුණෙත් එම වයසේදීම තමයි. මම සංගීතයෙන් ඉදිරියට යා යුත්තේ ඒ ගැන හැදෑරීමක් සමග බවයි මගේ මව්පියන්ගේ තීරණය වුණේ. වයස 10 දීම මම සනත් නන්දසිරි සර් යටතේ සංගීතය හදාරන්න පටන්ගත්තේ ඒ හින්දා. 
 
මේ වනවිට ඔබ දායක වී ඇති නිර්මාණ ගැන කතාකළොත් .. ?
ටෙලි නාට්‍යය 7 ක සහ චිත්‍රපට 8 ක පසුබිම් ගායනයට එක් වී සිටිනවා. ඊට අමතරව මගේ ගී සහ රූප රචනා තියෙනවා. 
 
නිරන්තරයෙන් ටීවී එකෙන් දකින කාර්යබහුල කලාකරුවන් සිටිනවා.. ඒත් අභිෂේකා මාධ්‍ය තුළ නිතර හමුවන කාර්යබහුල කලාකාරියක් ‍නෙවෙයි ?
ඇත්ත . මම අන්තිමට ගීතයක් කළේ මීට වසර දෙකකට කළින් . ඒ “රිදි රිදී” ගීිතය.  අලුත් ගීතයක් සහ රූප රචනාවක් කරන්න තවම බැරිවුණා. මම ප්‍රසංග වේදිකාවේ ගී ගයන්නෙත් නෑ. මම මගේ ආත්ම තෘප්තිය වෙනුවෙනුයි කලාව කරන්නේ. මුදල් හම්බකරන්න මගේ ව්‍යාපාර තියෙනවා. ඒ හින්දා තමයි මම 
කාර්යබහුල කලාකාරියක් නොවන්නේ ..
 
අධ්‍යක්ෂවරුන්ගේ දූ දරුවෝ පියාවරුන් විසින් රංගනයට ගෙන ආ අවස්ථා කලා ලොවේ දකින්නට ලැබෙනවා. තාත්තා අධ්‍යක්ෂකවරයෙක් හින්දා අභිෂේකාටත් පහසුවෙන්ම නිළිකමට එන්න තිබුණා නේද.. ? 
මට රඟපෑමේ හැකියාව නැහැ. අනික මම දැන් පුංචි දුවක් ඉන්න අම්මා කෙනෙක් . අපි කොයි තරම් හොඳින් හිටියත් කටකතා හැදෙන්න පුළුවන්. මගේ දුවට මාව පෙන්නලා අර ඉන්නේ මගේ අම්මා කියන්න පුළුවන් වතාවරණයක් තියෙන්න ඕන.. ඒ හින්ද මම යන මේ ගමන හොඳයි .
 
අභිෂේකා මේ දිනවල “සිරස ටීවී” තුළින් ඉදිරිපත් වන “ ජූනියර් සුපර් ස්ටාර්” වැඩසටහනේ විනිසුරුවරියක්..... ඒ ගැනත් යමක් සඳහන් කරමු .. ?
සති දෙක තුනක් තුළ එම වැඩ සටහන විශාල ජනතා ආකර්ෂණයක් ලබල තියෙනවා. මට ඒ ගැන ගොඩක් සතුටුයි. වැඩසටහන ආරම්භ වූ දා පටන් විවිධ මත ගොඩනැගුණා . ඒ එම වැඩසටහන බොහෝ් අයගේ අවධානයට යොමු වූ හින්දා.. මේ තරගයට ඉදිරිපත් වූ ඇතැම් දරුවන්ගේ ගීත අන්තර්ජාලයේ ලක්ෂ ගණන් නැරඹූ බව දකින්නට පුළුවනි. ඇත්තෙන්ම “සිරස ජූනියර් සුපර් ස්ටාර්” සඳහා සම්බන්ධ වීමට ලැබිම සතුටක් .. 
 
තරගයේදී ඔබ ඇතුළු විනිසුරුවන් ඇතැම් තරගකරුවන්ට විශේෂත්වයක් දක්වන බවක් හැඟෙනවා...
කිසිසේත්ම නැහැ.. මෙය සම්පූර්ණයෙන් විනිවිධ භාවයෙන් යුතු බව අවධාරණයෙන් කිව යුතුයි . මම , ප්‍රදීප් සහ හේෂාන් තිදෙනා සහ තරගකරුවන් තරග පරිශ්‍රය තුළදී  මුණ ගැසෙන්නේවත් නැහැ.. ආහාර ගැනීමට විවේක ගැනීමට පවා අපිට වෙන් වෙන් වශයෙනුයි ඉඩ වෙන්වී තිබෙන්නේ .  අනික ඒ හැම ළමයෙකුගේම මව්පියන් එතැන සිටිනවා. ඉතින් අපිට බැහැ කාටවත් විශේෂත්වයක් දක්වන්න .
 
මෙවැනි රියැලිටි තරගවලදී තරග විනිශ්චය තුළ විනිසුරුවන් ගැටෙන අවස්ථා තියෙනවා.. ඒත් හේෂාන් , ප්‍රදීප් සහ ඔබ ඇතැම් අවස්ථාවල ඇතැමුන්ට ප්‍රතිචාර දක්වන්නේ හරියට කලින් සැලසුම් කරගෙන සිටියා වගේ කියලා ඇතැමුන් පවසනවා. ..?
එය සම්පූර්ණයෙන්ම වැරදි මතයක් . අපි අතර එවැනි සැලසුමක් නැහැ. ඔය විදියේ ප්‍රතිචාර නගන අය ඒ වගේ තීරණ ගන්නේ මේ විකාශය වූ වැඩසටහන් බලලා... නමුත් අවසන් 12 දී අපිට වෙන් වෙන් වශයෙන් තරගකරුවන් ලැබෙනවා. ඒ අය ඉදිරියට යවන අවස්ථාවේදී අප අතර ඇතිවන මත ගැටුම් ඉදිරියේදී පෙනේවි. 
 
අභිෂේකාගේ පෞද්ගලික තොරතුරු ටිකක් කතාකළොත්..
මගේ සැමියා නිරාන් අලහකෝන් . ඔහු ඉංජිනේරුවෙක්. මගේ පළමු ගීත රූප රචනය “ සීමා නෑ” රූප රචනයේ ඔහු රඟපෑවා. මගේ දුව “ෆියුරි අභිලාෂ්‍යා අලහකෝන්”ට දැන් වයස 4 යි. අපේ ජීවිත සතුටින් ගෙවී යනවා. 
 
ආරියවංශ කුලතිලක

මගතොටදී කාන්තාවක මුණගැසෙන බොහෝ දෙනකු පවසන ‍පොදු කරුණක් ඇත. ඒ අනේ ඔයා හොඳටම මහත්වෙලානේ යන්නය. එහෙත් එය හුදෙක් ආවාට ගියාට කරනා ප්‍රකාශයක් නොවනා බව දැන් සැබැවින්ම තහවුරුව ඇත. පසුගියදා ජන හා සංඛ්‍යා‍ලේඛන දෙපාර්තමේන්තුව සිදු කළ පර්යේෂණයකින්ද අනාවරණය වූයේ මෙරට කාන්තාවන්ගෙන් සියයට 30ක් දෙනා අධි බරින් යුක්ත වන බවය. එම ප්‍රතිශතය කොළඹ දිස්ත්‍රික්කය තුළ පමණක් සියයට 50ක් බව එම සමීක්ෂණයෙන් වැඩි දුරටත් අනාවරණය වී තිබේ. 
කෙසේ නමුත් කාන්තාවන්ගේ ස්ථූලභාවය හෙවත් බර වැඩි වීම ඇය හෘද රෝග, දියවැඩියාව, අධි රුධිර පීඩනය, ආඝාතය හා පිළිකාව වැනි බෝ නොවන රෝග රැසකට ගොදුරු වීම වැළැක්විය නොහැකි බව මේ වන විටත් හෙළිව තිබේ. ශ්‍රී ලංකාවේ පවුල් ඒකක කාන්තාවන් මුල් කර බිහිව ඇති බැවින් නිවසේ මවගේ සෞඛ්‍ය පිරිහීම සමස්ත පවු‍ලේම දියුණුවට බාධාවක් වන බව නොරහසකි.
කාන්තාවකගේ බර වැඩි වීම ආරම්බ වන්නේ වයස අවුරුදු 9 දීය. එනම් පාස‍ලේ හතර, පහ වසරට පිය නැගීමත් සමගය. ඊට ප්‍රධාන හේතුව ශිෂ්‍යත්ව විභාගය ඉලක්ක කර ගනිමින් ආරම්භ වන  අධ්‍යාපනයේ තරගකාරී බවය. දරුවන් පුටුවට සීමා කරවන තරගකාරී අධ්‍යාපනය නිසා ඔවුන් රෝගීන් බවට පත්වන බව බොහෝ දෙනා නොසිතන්නේය.  ඊට හේතුව  එම කාලය තුළ දෙමාපියන් දරුවන්ගේ අධ්‍යාපනයට මුල් තැන දෙන නමුත් ඔවුන්ගේ ‍පෝෂණයට ලබා දෙන්නේ දෙවන හෝ තුන්වන තැන වීමය. මේ අනුව දරුවන්ට සමබල ආහාර වේලක් ලැබෙන්නේ කලාතුරකිනි. ඔවුන්  නිතරම බුක්ති විඳිනුයේ තෙල්, සීනි, ලුණු, පිටි අධික  කෑම බිමය. රෝල්ස්, කට්ලට්, බනිස්, බයිට්, පැණි බිම දරුවන්ගේ ආහාර රටාවේ ප්‍රධාන අංගයන් බවට අද පත්ව තිබේ.
එසේ ක්ෂණික හා කෙටි කෑම බිමවලට  යොමු වන අතරම ‍පොත පතට පමණක් දවසේ වැඩි කාලයක් ගත කිරීමට සිදු වීම තුළ දරුවන්ට සෙල්ලම් කිරීමට විනෝද වීමට කාලයක් නොලැබේ. මේ අනුව  ශරීරයට නිසි ව්‍යායාමයක් නොලැබෙන අතර ඔවුන්ගේ ශරීරවල අතිරික්ත කැලරි දහනය කිරීමට නොහැකි වීම ශරීරයේ බර වැඩි වීමට ප්‍රධාන හේතුව වන්නේය.
පාසල් කාලය තුළදී මෙසේ බර වැඩි වන ගැහැනු  දරුවන් ක්‍රමයෙන් එම බර අඩු කර ගැනීම වෙනුවට සිදු වන්නේ එම බර තව දුරටත් එසේම පවත්වාගෙන යාම හෝ වැඩි කර ගැනීමය. දරුවන් එකතැන වාඩි වී ක්‍රියාශීලී බවින් ඈත්ව කටයුතු කිරීමෙන් හුරු කර ගන්නා අලස ජීවන රටාවෙන් මිදීමට අකමැත්තක් පෙන්වති. පහ වසර ශිෂ්‍යත්ව විභාගයෙන් ආරම්භ වන අලස ජීවිතය අ‍පොස සාපෙළ , උසස් පෙළ, විශ්වවිද්‍යාල අධ්‍යාපනය දක්වා  පමණක් නොව ඔවුන්ගේ මුළු ජීවිතය පුරාම පවතිනු ඇත.
ඉන් අනතුරුව කාන්තාවකගේ දෙවන වරට  බර වැඩි වන්නේ දරුවෙකු ප්‍රසූත කිරීමෙන් පසුවය. දරුවෙකු ලැබිමට සිටින කාන්තාවක් දෙදෙනකුට සෑහෙන ආහාර ගත යුතු බව පවසමින් අධිකව ආහාර ලබා දීමට අපේ ඇතැම් වැඩිහිටියෝ පෙළඹෙති. මේ හේතුවෙන් ගර්භණී මව්වරුන්ගෙන් සියයට 25ක් දෙනා අධි බරෙන් යුක්ත බව ද මෑතක කරන ලද සමීක්ෂණවලින් තහවුරුව ඇත. 
එපමණක් නොව දරුවා බිහිකළ පසුව  දරුවාට කිරි දීමට අවශ්‍ය බව පවසා ගර්භණී කාලය තුළ ලබා දුන් ‍පෝෂණයේ කිසිදු අඩුවක් නොකර ඇතැම් විට ඊටත් වඩා ආහාර ප්‍රමාණයේ වැඩි වීමක් කර එම කාන්තාවට ලබා දේ. මෙසේ ලබා දුන්නද ඇය කය වෙහෙසා දහඩිය පිට වන සේ වැඩ පලක් නොකරන බැවින් කැලරි දහනය අවම තත්ත්වයේ පවතී.  මේ තත්ත්වය නිසි ව්‍යායාමයෙන් තොර කල් පවතින සෞඛ්‍ය ගැටලු රැසක් ලාංකික කාන්තාවන්ට ඇති කර තිබේ. එකවර දෙදෙනකුට සෑහෙන්න ආහාර  ලබා දීම කිසිසේත් සුදුසු නොවේ. වැදගත්ම කරුණ වනුයේ ලාංකික ආහාර රටාවේ වැඩියෙන් ඇත්තේ පිෂ්ඨය වන නිසා බොහෝ විට අපට ලැබෙනුයේ පිෂ්ඨය මිස ‍ප්‍රෝටීන් නොවීමයි.
කාන්තාවකගේ තුන්වන වරට බර වැඩි වන්නේ වයස අවුරුදු 40 ඉක්ම ගිය පසුවය. සාමාන්‍යයෙන් කාන්තාවගේ පරිවෘත්තීය ක්‍රියාවන් වයස අවුරුදු 40 ඉක්ම යාමත් සමග අඩු වේ. ඒත් සමගම ශරීරයේ හෝමෝනයන්හි ක්‍රියාකාරකම් වෙනස් වීම, ආර්ථව චක්‍රය නතර වීම වැනි හේතු මත කාන්තාවක් තමන් දිනකට  ගන්නා කැලරි ප්‍රමාණය අඩු කළ  යුතුය. එක් අතකින් ඔවුන්ගේ පරිවෘත්තීය ක්‍රියාවන් අඩු වීමත් සමග ශරීරයට අවශ්‍ය  කැලරි ප්‍රමාණය අඩු කළ යුතුය. එසේම වයස් ගත වීමත් සමග ක්‍රියාශීලීව වැඩ කිරීමට නොහැකි වීම හේතුවන් ද ගන්නා ආහාර ප්‍රමාණයන් ක්‍රමයෙන් අඩු කළ යුතු වන්නේය. 
 සාමාන්‍යයෙන් වයස අවුරුදු 40 ඉක්ම වන  කාන්තාවක් දිනකට ගන්නා ආහාරයේ අන්තර්ගත කැලරි ප්‍රමාණයෙන් 200ක් අඩු කර ගත යුතු වන්නේය. එහෙත් කනගාටුවට කරුණක් වන්නේ අපේ කාන්තාවන් තම ආහාර වේල තුළ අන්තර්ගත කැලරි අඩු කරනවා වෙනුවට සිදු කරන්නේ වැඩි කිරීමය. මේ හේතුවෙන් අපගේ කාන්තාවන් බහුතරයක්  වයස් ගත වීමත් සමග බර වැඩි වීමක් පෙන්නුම් කරනු ඇත.
කෙසේ නමුත් අපගේ ඇතැම් වැඩිහිටියන්ගේ මතයක් වී ඇත්තේ වයස්ගත වීමත් සමග හොඳින් ‍පෝෂණය ලබා දිය යුතු බව පවසමින් ආහාර පාන වැඩි වශයෙන් ලබා දේ. ඒත් එහි කිසිදු සත්‍යතාවක් නොමැත. සිදු වන්නේ ශරීරයේ බර වැඩි වීම හා ඒ හරහා රෝගී වීම පමණි.
වැයවන ශක්තිය අනුව ආහාර ලබාගැනීම සඳහා නිසි ‍පෝෂණයෙන් යුත් ආහාර, විධිමත් ප්‍රමාණයකින් ලබා ගැනීම වැනි දේ මගින් නිරෝගිමත් ජීවිතයක් ලබා ගැනීමට හැකිවනු ඇත.
 
ශ්‍රියානි විජේසිංහ

හිසට සෙවණක් ලබා ගැනීම කියන මූලික අවශ්‍යතාවයවත් සපුරා ගන්න බැරුව අන්ත අසරණ තත්ත්වයකට පත්වූ පවුල් ගැන විටින් විට මාධ්‍ය ඔස්සේ අසන්නට ලැබුණා. එවැනි පුවතකින් දැනුවත් වූ ජනප්‍රිය තරුණ රංගන ශිල්පියෙක් අසරණ පවුලකට පසුගියදා පිහිට වුණා. ඒ රංගන ශිල්පියා තමයි විශ්ව කොඩිකාර. විශ්ව කොඩිකාර තමන්ගේ පියා වන පද්මසිරි කොඩිකාර සමග එක්වෙලයි මේ කටයුත්තට දායක වෙලා තිබුණේ. ඒ ගැන වැඩිදුර තොරතුරු විශ්ව ‘රිද්ම’ට කීවේ මේ අයුරිනුයි. 
 
විශ්ව පසුගියදාක ලොකු පින්කමක් කළා නේද? 
ඔව්. අපි හැමෝගේම මූලිකම අවශ්‍යතාවක් තමයි නිවහනක් ලබා ගන්න එක. ඒ වාසනාව නොතිබුණු පවුලකට උපකාරයක් වීමයි මම කරපු ඒ පින්කම. ඉන්න හිටින්න තැනක් නැතුව පරණ අබලන් වෙච්ච වාහනයක ජීවත් වන පවුලක් ගැන පුවතක් දෙරණ නාලිකාවෙන් විකාශය වෙලා තිබුණා. අම්මා ඒක දැකලා මට ඒ ගැන දැනුම් දුන්නේ. පස්සේ මමයි තාත්තයි එකතුවෙලා දෙරණට කතා කරලා ඔවුන්ගේ තොරතුරු අරගෙන ඒ අයට ඉඩමක් පරිත්‍යාග කළා.
බෙලිඅත්තේ ව්‍යාපාරිකයකු වන මධුසංඛ එම ඉඩමෙහි නිවස හදාදෙන්නට ඉදිරිපත් වුණා.
 
විශ්ව මේවගේ දෙයක් කරපු පළමු වතාව මෙය නොවෙයි නේද? 
2013 වසරේ මගේ උපන්දිනය දවසේ පවුල් 5කට පර්චස් 20 බැගින් ඉඩමක් කොටස් කරලා ත්‍යාග කළා. 2014දී පවුල් දෙකකට ඉඩම් ලබා දුන්නා. පූජා භූමියකටත් ඉඩමක් පූජා කළා. මේ වගේ පින් අතේ වැඩ මට අලුත් දෙයක් ‍නෙවෙයි. 
 
විශ්ව මේ වෙද්දී ඉඩම් කොපමණ ප්‍රමාණයක් මේ විදියට දන් දීලා තියෙනවාද? 
අක්කර 4ක් පමණ දන් දීලා තිබෙනවා. හැබැයි ඒ ගැන විශේෂයෙන් දෙයක් කියන්න තියෙනවා. 
 
මොකක්ද ඒ... ? 
මේ සියලුම ඉඩම් කට්ටි මගේ තාත්තාට (පද්මසිරි කොඩිකාර) අයිති ඒවා. ඒවා කවදාහරි මටයි අක්කටයි තමයි අයිතිවෙන්නේ. අපි දෙන්නයි අම්මයි තුන්දෙනාම තාත්තා කරන කටයුත්තට සහය දුන්නා. 
 
මේ විදියට ඉඩම් කට්ටි පරිත්‍යාග කරන්න හිතුවේ ඇයි ? 
තාත්තා පුංචි කා‍ලේ ඉඳන් අපිට ඉගැන්නුවේ ඕනෑම දෙයක් අපිට අවශ්‍ය ප්‍රමාණයට  විතරක් තියාගන්න කියලයි. වැඩිපුර තියන දේවල් තවත් කෙනෙකුට දෙන්න කියන පාඩම අපි කුඩා කා‍ලේ දීම ඉගෙන ගත්තු දෙයක්. 
 
විශ්වගේ බිරිඳ මේ කටයුතුවලට මොකද දක්වන ප්‍රතිචාරය?
ඇය මම කරන හැම කටයුත්තකටම උපරිම සහය ලබාදෙන බිරිඳක්. මේ වගේ පුණ්‍ය කටයුතුවලට දායක වෙන්න ඇයත් ගොඩක් ආසයි. 
 
විශ්ව මේ වෙද්දී දරුවෝ දෙන්නෙකුගේ තාත්තා කෙනෙක්. දැන් පවුල් ජීවිතේ වගකීමුත් වැඩිවෙලා නේද?
ඔව්. ලොකු දුවට දැන් අවුරුදු දෙකයි. පුතාට මාස 2යි. ලොකු දුව එයාගේ මල්ලිට ගොඩක් ආදරෙයි. මම ගෙදර ඉන්න වෙලාවට දෙන්නම මට ළංවෙලා ඉන්න තමයි කැමති.
 
පවුල් ජීවිතයේ වැඩ රාජකාරි රංගන ජීවිතයට බාධාවක් නැද්ද?  
අ‍පොයි නෑ, රංගන කටයුතුවලත් මම සුපුරුදු විදියටම යෙදෙනවා. අලුත්ම ටෙලි නාට්‍යයකට පසුගියදා සම්බන්ධ වුණා.
 
චන්ද්‍රලතා තන්ත්‍රිගේ
 
ඡායාරූපය - කසුන් - කමෝජ්
IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 3871

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 3620

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 6700

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4123

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2562

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3365

Please publish modules in offcanvas position.

Web Analytics