Coss Ear2
lakbima.lk
COSS Ear 1

ආහාර විෂවීමකින් හැටන්, දික්ඔය ප්‍රදේශයේ ඇඟලුම් කම්හලක දෙසීයකට ආසන්න සේවිකාවන් පිරිසක් හදිසියේ රෝගාතුර වූ බව පසුගිය බදාදා (04) මාධ්‍ය මගින් රටපුරා ප්‍රචාර විය.

මුලින් විද්‍යුත් මාධ්‍යටත්, ඊට පසු දින මුද්‍රිත මාධ්‍යටත් එක් වූ මෙම පුවත මාධ්‍යකරුවන් විසින් අවිචාරවත් ලෙස සමාජගත කරන ලද්දක් බව පැහැදිළිවම පෙනෙන්නට තිබේ.

එම සිද්ධියට මුල් වනුයේ ඉකුත් බදාදා (04) පෙරවරු 9.45 ට පමණ සේවිකාවන් කිහිප දෙනෙකු ක්ලාන්ත වී ඇද වැටීමකි.  එහෙත් ඉන්පසුව කෙමෙන් එම සේවිකාවන් ගණන සියය ද ඉක්මවා තිබිණි. ඒ සමඟම කම්හල තුළ මෙන්ම අවට ප්‍රදේශයේ ද ඇති වූයේ මහත් කලබැගෑනියකි.

"අතන ගාමන්ට් එකේ ළමයි සිහිය  නැතිව වැටෙනවා; කෑමකට වහක් මුසුවෙලා ලු."

හාත්පස පැතිර ගියේ එම රාවයයි.

එය කණවැකීමත් සමඟ අසල්වැසි ජනතාව සේම එම ඇඟලුම් කම්හලේ සේවිකාවන්ගේ සමීප ඥාතීන්ද කම්හල වටා රොක්වන්නට වූයේ එය බිහිසුණු ව්‍යසනයක පෙරනිමිත්තක් ය යන බියෙනි. කෙසේ හෝ එසේ සිහිසුන් නොමැතිව ඇද වැටුණු සේවිකාවන් ප්‍රමාණය සියය ඉක්මවන විට ඔවුන් රෝහල් ගත කිරීමට අවශ්‍ය වාහන සපයා ගැනීමද බරපතල ගැටලුවක් විය. එවිට පාරේ ගමන් කරමින් තිබූ ත්‍රිරෝද රථ, මෝටර් රථ, බස් රථ, ලොරි රථ පවා යොදා ගනිමින් අවට වැසියෝ එම සේවිකාවන් රෝහල වෙත ගෙන ආහ.

මෙහිදී සමහර සේවිකාවක පා ගමනින් රෝහල වෙත ගමන් කළ අතර තවත් පිරිසක් රෝද පුටු මඟින් රෝහල වෙත ගෙන යනු සහ තවත් පිරිසක් රෝහල තුළට ගෙනයාමට ගිලන් මැසි පවා යොදනු දැකිය හැකි විය. ඔවුන් සියළුම දෙනා ක්ලාන්ත ස්වභාවයක් පළ කළ අතර සමහරුන් බියෙන් හඬා වැටෙනුද දක්නා ලදී.

ආහාර වීෂවීමකදී හෝ අසාත්මික තාවයකදී මූලිකව පළවන කායික ලක්ෂණ කිහිපයක් තිබේ. එහෙත් ආහාර ගත් සැනින් සිහිසුන්වීම ආහාර විෂවීමක හෝ අසාත්මික තාවයක සුලබ ලක්ෂණයක් නොවේ. එසේ සිදුවිය හැක්කේ සිරුරට ඇතිවන අසාත්මිකතා කම්පනය (Anaphylactic chock) නම් බැරෑරුම් තත්ත්වයකදීය. එහෙත් මෙම ඇඟලුම් සේවිකාවන් රෝහලට ගෙන එන විටම ඔවුන්ට ආහාර විෂවී ඇති පුවතක් මාධ්‍ය මගින් ප්‍රචාරය කෙරිණ. එහෙත් එම ඇඟලුම් සේවිකාවන් පරික්ෂා කළ රෝහල් වෛද්‍යවරුනට මූලිකව නිගමනය කළ හැකි වූයේ මෙය ආහාර විෂවීමකට වඩා ශ්වසන අපහසුවක් මුල්කොට ගත් රෝග තත්ත්වයක් බවකි.

නිසි වාතාශ්‍රය නොමැති ස්ථානයක මඳ වේලාවක් රැඳී සිටීමේ දී මෙබඳු ලක්ෂණ ඇතිවිය හැකි බව වෛද්‍යවරුන්ගේ නිගමනය විය. මෙම පුවත ඩැහැගත් ඇතැම් මාධ්‍යකරුවන් මෙය 'විෂවායු කාන්දුවක්' ලෙස අර්ථ දැක්වීමට උත්සාහ කළහ.

මුල්පෙලේ ඇඟලුම් කර්මාන්ත ශාලාවල රෙදි පිළි සඳහා යොදනු ලබන රසායනිකයන් සහිත බැරල් මුද්‍රා ඉවත් කිරීමේ දී එසේ විෂවායු කාන්දුවන අවස්ථා නැත්තේම නොවේ. එහෙත් මෙම කර්මාන්ත ශාලා පරිසරය තුළ එවැන්නක් නොමැති බවද අනාවරණය විණි.

එසේනම් ඇඟලුම් සේවිකාවන් මෙතරම් පිරිසකට එක්වරම හුස්ම ගැනීමට අපහසු වී සිහිසුන් වූයේ කෙසේද?

මෙය ඉතා සරල ලෙස විස්තර කළ හොත් අර්ථකතනය කළ හැක්කේ 'සමූහ මායා රෝගය' (Mass Hysteria) යත තත්ත්වයක් ලෙසිනි. මෙහිදී සිදුවනුයේ කිසියම් සංසිද්ධියක් මුල්කොට සැලකියයුතු පිරිසක් තුළ ඇතිවන 'තීව්‍රර' මානසික බලපෑම මත එම සංසිද්ධිය එම පිරිස අතර පැතිර යාමය.

නිදසුනක් ලෙස කිසියම් කායික හෝ මානසික හේතුවක් මත තරුණියක් හිටිහැටියේ සිහිසුන්ව වැටුණහොත් එය දකින 'නම්‍යශීලී පෞරුෂය'කින් යුතු තවත් තරුණියක් එලෙසින්ම ඇද වැටෙන්නට පුළුවන. ඒ එම තත්ත්වය තමන් වෙතද ආරෝපනය කර ගනිමිනි. මෙලෙස තරුණියන් දෙදෙනෙකු සිහිසුන්ව වැටෙනු දුටු තවත් තරුණියක් එතුළින් ඇති කරගන්නා බිය සැක මුල්කොට එය තමන්වෙතද ආරෝපනය කරගෙන එසැනින් එම තත්ත්වයටම පත්විය හැක. මායා රෝගී ආදී දුබල පෞරුෂයන්ගෙන් යුත් තරුණියන් යම් පිරිසක් මෙසේ ඇද වැටෙන විට දුබල නොවූ පෞරුෂයකින් යුත් තරුණියන්ද පසුව එසේ ඇද වැටීමට පුළුවන.

ඒ තමන් හා සම තත්ත්වයේ පිරිසක් එලෙස ඇද වැටීම තමන්ට ද ආදේශ විය හැකිය යන පුහු තර්කය නිසාය.

මෙලෙස මෙය සිහිසුන්ව ඇද වැටීමට පමණක් සීමා නොවේ.  කිනම් හෝ හේතුවක් මත කිසියම් තරුණියක් අධික ලෙස සිනාසෙනු දකින විට ඒ සිනහවට හේතුව නොදැන ඇගේ සිනහව මුල්කොට පමණක් තවත් තරුණියක් තුළ සිනහ ඉපදීමට පුළුවන. එලෙස ඔවුන් දෙදෙනා සිනාසෙනු දැක එය බලා සිටින තවත් තරුණියන් පිරිසකට සිනහ යන්නට පුළුවන. මෙලෙස එක් තරුණියක් හේතුවක් මත සිනාසෙන විට ඒ සිනහව මුල්කොට තවත් තරුණියන් විශාල පිරිසක් අතරේ අහේතුකව ඒ සිනහව පැතිර යා හැක. මෙවැනි තත්ත්වයන් බාලිකා පාසල් වල ඉඳ හිට මතුවනු දක්නට ලැබේ.  මෙය සමාජයේ ඕනෑම ජන කොටසක් අතර සිදුවිය හැකි වුවද තරුණියන් අතරේ මේ තත්ත්වය බහුලවම දැකිය හැක.

විවිධ ආගමික ස්ථාන වල හාස්කම් දර්ශනය වීම් සම්බන්ධයෙන්ද බොහෝ විට මෙවන් තත්ත්වයන් දක්නට පුළුවන.

කිසියම් ආගමික උත්සවයක දී වර්ණවත් වළාකුලක් දකින භක්තියෙන් අන්ධ වූවෙකුට එය සක්දෙවිඳුන් වැඩමකිරීමක් ලෙස හැඟී ගොස් අන්න 'සක්‍රදෙවියො වඩිනවා' යැයි හඬනගා කිවහොත් ඒ කෙරෙන් මතුකරගත් මානසිකත්වය ඔස්සේ විශාල පිරිසකට එම වළාකුල සක්දෙවිඳුන්ගේ රුව ලෙස දර්ශනය විය හැක. ඒ එම මොහොතේ ඔවුන් තුළ පැන නැගී ඇති ආගමික භක්තිය මුල්කොට ගත් මානසික උත්තේජනය නිසාය.

පසුගිය කාලයේ ගම්පොල ප්‍රදේශයේ පාසලක දරුවන් අතර හටගත් කැසීම් තත්ත්වයක් ද පාසල පුරා පැතිර ගිය අතර එහිදී එය පරීක්ෂා කිරීම සඳහා සෞඛ්‍ය අමාත්‍යංශය මගින් සමේ රෝග විශේෂඥ වෛද්‍යවරුන් පවා යැවූ පුවත මාධ්‍ය මගින් ප්‍රචාරය විය. ඊට හේතුව එම සිසුන්ගේ ශරීර වල පලු නැගී තිබූ නිසා යැයි අමාත්‍යංශයෙන් පැවසිණි.

එහෙත් කිසියම් දෙයක් සම්බන්ධ තීව්‍රර මානසික කුළුගැන්වීමක දී  ඊට අදාල කායික ලක්ෂණද පළවීම සාමාන්‍ය දෙයකි. නිදසුනක් ලෙස ගවමස් කෑමෙන් ශරීරයේ පලු නඟින කෙනෙකුට ගව මස් යනුවෙන් හඟවා වෙනත් යමක් ආහාරයට දී ඒ සම්බන්ධයෙන් තීව්‍රර මානසික ඇනවුමක් ජනිත කළ විට ද ඔහු කෙරෙන් එම පලු නැගීම තරමක් දුරට හෝ දක්නට පුලුවන.

ඒ කෙසේ හෝ මෙසේ  ආහාර විෂ වූ බව සහ විෂ වායු කාන්දු වූ බව පැවසෙන එම ඇඟලුම් සේවිකාවන් එදින දහවලම කිසිදු ප්‍රතිකාරයක් නොලබා රෝහලෙන් පිට වී යාමෙන්ම මෙම පුවත 'අලයක් තබා මුලක් වත් නොමැති පස් උඩින් සිටුවන ලද ව්‍යාජ වෘක්ෂයක්' බව කාටත් වැටහුණි.

මෙවත් තත්ත්වයක් යටතේ මෙබඳු පුවත් ජනගත කිරීමට පෙර අපගේ මාධ්‍යකරුවන් මීට වඩා සංවිභාගශීලී වන්නේ නම් ජනතාව තුළ වැරදි වැටහීම් ඇති කරවන මෙවන්  පුවත් සමාජගත වීම බොහෝදුරට අඩු කර ගත හැක.

 

තිලක් සේනාසිංහ

කාලගුණ විද්‍යාඥයකු ලෙස කටයුතු කරන තමන්ට ඉදිරි කාලය තුළ සුපුරුදු වෘත්තිය අතහැර දමා ජ්‍යෙතිර්වේදියකු ලෙස කටයුතු කිරීමට අවශ්‍ය පසුබිම සැකසී ඇතැයි ජ්‍යෙෂ්ඨ කාලගුණ විද්‍යාඥ කේ.ආර්. අබේසිංහ මහතා ලක්බිම ඔන්ලයින් වෙත ලිපියක් මඟින් කියා සිටී.

කාලගුණ විද්‍යා දෙපාර්තමේන්තුවේ හිටපු අධ්‍යක්ෂවරයකු වන අබේසිංහ මහතා පේරාදෙණිය විශ්ව විද්‍යාලයීය පශ්චාත් උපාධි ආයතනයේ බාහිර කථිකාචාර්යවරයකු ලෙස ද සේවය කරයි.

කාලගුණ විද්‍යා විෂය පඵය සම්බන්ධයෙන් ග්‍රන්ථ ගණනාවක් රචනා කොට ඇති ඔහු විද්වත් දේශකයෙක් ද වෙයි. අබේසිංහ මහතා ගත් එම තීරණය පිළිබඳ කිසිවක් ප්‍රකාශ නොකරන අපි ඔහු අප වෙත එවා ඇති ලිපිය මෙලෙස ඒ අයුරින්ම ඔබ වෙත ඉදිරිපත් කරන්නෙමු.

****
අනේක විධ කාලගුණික අතවර ඇතුළු තවත් ස්වභාවික විපත් සමයක් අත ළඟටම පැමිණ තිබේ. ඒ තව හෝරා කිහිපයකින් හෝ දින කිහිපයකින් වසරේ දෙවන අන්තර් මෝසම් සමය එ‍ළඹෙන බැවිනි. මෙම අන්තර් මෝසම් සමයේ බලපෑම මුලු දිවයිනටම එක සමාන වනු ඇත. එමගින් මිනිස් දේපල සහ ජීවිත වලට සැලකිය යුතු හානි සිදුවීමට ද පුළුවන.

අප රටේ යම් පිරිසකට තමන්ගේ හෝ පවුලේ ඥාතීන්ගේ ජීවිත අහිමිවීමට පුළුවන. එසේ නැතහොත් වෙනත් කායික, මානසික ආපදාවන්ට ලක්වීමට ද පුළුවන. එසේත් නැත්නම් තමන් කණකර, ඇඳුම් පැළදුම් ඇතුළු තමන් සන්තක දෑ සේම ඇතැම් විට ගේ දොර ඉඩකඩම් පවා අහිමිවීමට වුවද පුලුවන. ඒ ඉදිරි දින වල ක්‍රියාත්මක වන අන්තර් මෝසම් සංසිද්ධින්වල බලපෑම නිසාය.

එහෙත් කාලගුණ විද්‍යාඥයකු ලෙස මා මෙම අනාවැකිය කීමේ තේරුමක් ඇත්දැයි මට යළි යළිත් සිතේ. ඊට හේතුව අප විසින් පළකරන මෙවැනි විද්‍යාත්මක අනාවැකි කෙරෙහි මෙරට සාමාන්‍ය ජනසමාජය කිසිදු සංවේදීතාවයක් නොදක්වන බැවිනි.

මේ සඳහා නිදසුන් සෙවීමට වැඩි අතීතයකට යා යුතු නැත. පසුගිය මැයි මස අවසානයේ ඇරඹි මුළු රටම කම්පා කරමින් මිනිස් ජීවිත සහ දේපල හානි රැසක් සිදුකළ ගං වතුර පිළිබඳව සියල්ලන්ටම පළමුව මම විද්‍යාත්මක අනාවැකියක් පළ කළෙමි.

"ස්වභාවික ආපදා සමයක් අත ළඟ" යන සිරස්තලය යටතේ ලක්බිම ඔන්ලයින් හි එය පළ කරන ලද්දේ පසුගිය මැයි මස 15 වෙනිදාය. ඒ වන විට රට පුරා ඉතා යහපත් කාලගුණික තත්ත්වයක් පැවැති අතර නිරිතදිග මෝසම් සමය මුල් කොට ගත් එම ආපදා සමය පිළිබඳව ඒ වන විට කිසිවෙකුත් අනතුරු අඟවා නොතිබුණි. එනිසාම එම ස්වභාවික ආපදා සමය සම්බන්ධයෙන් පූර්ව ආපදා කළමනාකරණ සැලසුම් සකස් කිරීමට වගකිය යුතු කිසිවෙකුත් ඉදිරිපත් වූයේ ද නැත. එසේ ඉදිරිපත් වූයේ නම් එම ස්වභාවික ආපදාවෙන් ජීවිත හා දේපල හානි සැලකිය යුතු ලෙස අවම කර ගත හැකිව තිබුණි.

අප රටේ වගකිව යුත්තන් කෙසේ වෙතත් සාමාන්‍ය ජනතාව ස්වභාවික ආපදා කෙරෙහි සංවේදී වන අවස්ථා තිබේ. නමුත් ඔවුන් එසේ සංවේදී වනුයේ විද්‍යාත්මක අනාවැකි කෙරෙහි නොවේ. ජ්‍යෙතිෂ්‍ය ආදී ගුප්ත ශාස්ත්‍ර වලින් පැවසෙන අනාවැකි සම්බන්ධයෙනි. ඒ අනුව කාලගුණ විද්‍යාඥ කේ. ආර්. අබේසිංහ යන නම වෙනු‍වට 'ජ්‍යෙතිර්වේදී කේ.ආර්.අබේසිංහ' යනුවෙන් මෙම පණිවිඩය ජනමාධ්‍ය වලට නිකුත් කළ හොත් එමගින් වැඩි ජීවිත සහ දේපළ ප්‍රමාණයක්  බේරාගැනීමට මට හැකි වනු ඇත.

එමෙන්ම ඔබ බොහෝ දෙනෙකු නොදන්නා රහසක් ද තිබේ. එනම් ඊනියා ජ්‍යෙතිර්වේදීන් මෙම කාලගුණික අනාවැකි පළකරනුයේ ක්‍රම දෙකකිනි. එනම් වසරේ කාලගුණික රටාව පිළිබඳව ඇති සාමාන්‍ය දැනුම සහ කාලගුණ විද්‍යාඥයන් වෙතින් සිඟා කන ලද හෝ පැහැරගන්නා ලද විද්‍යාත්මක දැණුම ග්‍රහයන්ට ආරෝපණය කරමිනි. එක්තරා ප්‍රවීණ ‍ජ්‍යෙතිර්වේදියෙකුට කාලගුණ අනාවැකි කීමට ශක්තිය දුන් එක් ‘ග්‍රහයෙකු‘ වනුයේ මෙය ලියන මාය. පසුව ඔහුගේ එම සට කපට ක්‍රියාව වැටහුණු පසු මම ඔහු සමඟ ඇති සියලු ‘පයුරුපාසානයන්‘ අත් හළෙමි.

මේ ලෝකයේ කාලගුණික, දේශගුණික සාධක පාලනය කිරීමට බාහිර ග්‍රහලෝක වලට හැකියාවක් නැත. මා එසේ කියන්නේ එම කාලගුණික සහ දේශගුණික ව්‍යුහයන් පිළිබඳ විද්‍යාත්මක නිර්වචනයක් දැන් ලෝකය හමුවට පැමිණ ඇති බැවිනි. අපට සමීපතම උපග්‍රහයා වන චන්ද්‍රයා පමණක් 'වඩදිය බාදිය' ආදී බලපෑම් මඟින් ඉතා සුළු ලෙස තම ආකර්ශන බලය පෘථිවිය කෙරෙහි එල්ල කරයි.

ඒ හැරුණු කොට ආලෝක වර්ෂ ගණන් දුරින් ඇති සෙසු ග්‍රහයන් නිසා අපට හෝ මෙලොවට බලපෑම් සිදුවනවා යැයි පැවසීම 'ලන්ඩන් නුවර සිටින සුද්දෙකුට කිවිසුමක් ගිය විට ඉන් අපට සෙම්ප්‍රතිෂ්‍යාව වැළදේවි යන සිතුවිල්ලටත් වඩා දහස් ගුණයකින් ළද බොලද, ලාමක, මෝඩ අදහසකි.'

පසුගිය ස්වභාවික විපත් උදාකළ නිරිතදිග මෝසම් සමයේ වැඩි බලපෑම් එල්ල වූයේ ප්‍රධාන වශයෙන් අප රටේ බස්නාහිර, සබරගමුව, මධ්‍යම සහ දකුණු පළාතටය. වයඹ සහ ඌව පළාත් කෙරෙහිද එහි බලපෑම් මඳ වශයෙන් ඇතිවිය. එහෙත් මෙම අන්තර් මෝසමේ බලපෑම එලෙස දිවයිනේ එක් අර්ධයකට පමණක් සීමා නොවේ. මුළු දිවයින පුරාම අධික වැසි, අකුණු අනතුරු, සුළි සුළං, ටොනේඩෝ(Tornado), දිය ගොබ වලා(Water Spout), ආදී කාලගුණික තත්ත්වයන්ද එමගින් ගං වතුර, නාය යාම්, පස් කඳු කඩා වැටීම් වැනි ස්වභාවික විපත් ද ඇති විය හැක. මෙහිදී එළඹෙමින් පවතින අන්තර් මෝසම් සමයේ ඇතිවන ගිගුරුම් සහිත වැසි නිසා අකුණු අනතුරු බහුලවම සිදුවිය හැක. වර්ෂාවක් නොමැතිවද මෙම අකුණු අනතුරු සිදුවිය හැකි බැවින් ඒ සම්බන්ධයෙන් වන ආරක්ෂක පිළිවෙත් පිළිබඳව  කල් ඇතිවම දැන සිටීම ඉන් වැළකිය හැකි හොඳම මඟය.

සුළි සුළං මගින් බොහෝ විට අනතුරු සිදු වනුයේ නිවාස වලට අලාභහානි පැමිණ වීම සහ විශාල ගස් සහ අතු කඩා වැටීමෙන් ජීවිත සහ දේපොළ වලට හානි වීමය. එනිසා එම සුළි සුළං අනතුරු වලින් මිදීම සඳහා වාසස්ථාන වටා  ඇති අනතුරු දායක ලෙස වැවී ඇති ගස් වැල්, අනාරක්ෂිත තාත්ප ආදී ඉවත් කිරීම ඉතා වැදගත්ය. සුළි සුළං අනතුරක් හැඟවෙන විටම ආරක්ෂාකාරී ස්ථානයක් වෙත සේන්දු වීමෙන් විපත් අවම කර ගත හැක.
ටෝනේඩෝව බොහෝ විට සිදුකරනුයේ මිහිමත ඇති ද්‍රව්‍ය එක් වරම උඩු ගුවනට ඇද ගනිමින් වෙනත් දෙසකට ගෙන ගොස් දැමීමය. මෙම ටෝනේඩෝ අතරින් බහුවිධ ටෝනේඩෝ (Multi Tornado)  ඉතා අන්තරා කාරී‍ වේ. මේවායින් මිදීම සඳහා විවිධ ආරක්ෂිත උපක්‍රම තිබේ. ඒ සම්බන්ධයෙන් පූර්ව දැනුවත් කමකින් සිටීමද වැදගත්ය.

එමෙන්ම ගංවතුර, නායයාම, පස් කඳු කඩා වැටීම් ආදිය සම්බන්දයෙන් අවදානම් කලාප කල් ඇතිව වෙනම හඳුනාගත හැක. එහෙත් මෙම සුළි සුළං සහ ටෝනේඩෝ තත්ත්වයන් සම්බන්ධයෙන් එවන් අවදානම් කලාප කල් ඇතිව වෙන් කොට හඳුනාගැනීමේ හැකියාවක් නැත.

ගොඩබිමදී ඇතිවන මෙම ටෝනේඩෝව ජලාශයක් මතට පතිත වන විට එය හැඳින්වෙනුයේ දියගොබ වලාව යනුවෙනි. එසේ ජලය මතට එල්ලවන දිය ගොබ වලාව මගින් ඉහළට ඇද ගන්නා ජලය වෙනත් ගොඩබිම් හේ ජල ප්‍රදේශයකට ගෙන ගොස් දැමීම මෙහි ලක්ෂණයයි.  මෙය ඇතැම් ප්‍රදේශ වල 'දිය හෙණ' යනුවෙන්ද හඳුන්වනු ලැබේ.

මාළු වැසි, විවිධ පාට වැසි ආදිය බොහෝ විට අත්දකින්නට ලැබෙනුයේ මෙම දියගොබ වලාවන්හි ක්‍රියාකාරීත්වය නිසාය. මේ අතර වාසුලි උත්සර්ජන නම් තවත් කාලගුණික තත්ත්වයක් ඇත. මෙවර එය වැඩිපුරම බලපානුයේ දිවයිනේ නැගෙනහිර වෙරළබඩ ප්‍රදේශයටය.  එනිසා මුහුදු යාම් ආදී කටයුතු වලදී වඩාත් ප්‍රවේශම් කාරී විය යුතුය.

මෙවන් කාලගුණික අතවර සහ ස්වභාවික විපත් තත්ත්වයක් යටතේ මිනිස් ජීවිත සහ දේපළ සැලකිය යුතු ලෙසින් අහිමි වන බවට කාලගුණ විද්‍යාඥ කේ.ආර්.අබේසිංහ යන නමින් විද්‍යාත්මක අනාවැකියක් පළ කිරීමට වඩා මේ සම්බන්ධයෙන් ජ්‍යෙතිර්වේදී කේ.ආර්.අබේසිංහ යනුවෙන් අනාවැකියක් පළ කොට ජනතා විශ්වාසය දිනා ගැනීමට;  නූතන ව්‍යවහාරය අනුව කිවහොත් 'පොරක් වීමට' හැකි අවාසනාවන්ත පසුබිමක් අදටත් මෙරට ඇති බව ඉතා සංවේගයෙන් යුතුව ප්‍රකාශ කරමින් මෙම අනතුරු ඇඟවීම මින් හමාර කරමි.

වාසුලි උස්සර්ජන

බහුවිධ ටෝනේඩෝ (Multi Tornado)

ටොනේඩෝ(Tornado)

දිය ගොබ වලා(Water Spout)

 ලේඛකයා පසුගිය මැයි 15 වෙනිදා පළ කළ කාලගුණ අනාවැකියට මෙතැනින් පිවිසෙන්න,

“මැඩම් මේ චේන් එක අපට ගන්න විදිහක් නෑ මේක බාල රත්තරන්. මේක  කැරට් විසි දෙකක රත්තරන් නෙමෙයි” කියමින් උකස් ආයතනයේ සිටි තරුණ නිලධාරියා අංජලි අතට ඇයගේ රන් මාලය ආපසු භාර දෙන්නට විය. 
අංජලී තුෂ්නිම්භූත විය. පශ්චාත් උපාධියේ ලියාපදිංචි කටයුතුවලට අවශ්‍ය මුදල් සපයා ගැනීම සඳහා තමාගේ රන් මාලය උකස් කිරීමට ගිය අංජලී උකස් ආයතනයේ නිලධාරියා විසින් ප්‍රකාශ කළ දෙයින් මහා අසරණකමක් දැනුණි. තමා මෙතුවක් කල් ආඩම්බරයෙන් පැළඳ සිටි රන් මාලය නිසි වටිනාකමකින් යුක්ත එකක් නොවන බව ඇය විශ්වාස කළේ නැත. අංජලීට මහා දුකක් හා පසුතැවීමක් ඇතිවිය. අංජලී මේ රන්මාලය මිලට ගත් ආයතනයේ ඇයට මෙම රන් භාණ්ඩය අලෙවි කරන්නට යෙදුනේ නියම පිරිසිදු කැරට් 22 රත්තරන් බව පවසමිනි. ඒ සඳහා ඇයට ලබාදුන් සියලුම රිසිට්පත් හා සහතික අංජලී සතුව තිබේ. අංජලීගේ රන් මාලය පවුම් දෙකක එකක් විය. තමා මුලාවකට ලක්වි ඇත්දැයි අංජලී කලබල විය. 
රන් භාණ්ඩ අලෙවියේදී මේ ආකාරයේ වංචනික ක්‍රියාවන්ට හා මුලා කිරීම්වලට කාන්තාවන් ලක්වීමට ඉඩ තිබේ. මන්ද බොහෝවිට රන් භාණ්ඩ මිලදී ගැනීමේ ක්‍රියාවලියට සක්‍රියව දායකවන්නේ කාන්තාවන් වන බැවිනි. රත්තරන් භාණ්ඩ මිලදී ගැනීමේදී ගත හැකි ආරක්ෂිත ක්‍රියාමාර්ග කවරේද? අංජලීට අත් වූ ඉරණම වැනි අවස්ථාවකදී ගත හැකි නෛතික ප්‍රතිකර්ම කවරේද ? යන කරුණු පිළිබඳව යම් අධ්‍යනයක් කිරීම අතිශයින් වටී.
සෑම නගරයකම පාහේ ස්වර්ණාභරණ අලෙවි සැල් පිහිටා තිබේ. ඇතැම් නගරවල ස්වර්ණාභරණ අලෙවිය සඳහා වෙන් වූ මාවත්, වීදි, පාරවල් තිබේ. කොළඹ පිටකොටුවේ හෙට්ටිවීදිය එවැනි මාවතකි. ස්වර්ණාභරණ අලෙවි කුටි පමණක්ව තිබෙන වෙනමම වෙළෙඳ සංකීර්ණවේ. පෞද්ගලික මට්ටමින් පිටරටින් ගෙනවිත් රන් භාණ්ඩ අලෙවි කරන අලෙවි කරුවන්ද වේ. පිටරට සිට මෙරටට හොර රහසේ රන් භාණ්ඩ රැගෙන ඒමට උත්සාහ කරන අයද එමටය. එවැනි ක්‍රියා මගින් අත්අඩංගුවට පත්වන අය පිළිබඳවද නිතර නිතර පුවත් වාර්තාවේ. ගෙවීමේ ක්‍රමයට මුදල් ගෙවීමෙන් පසු ස්වර්ණාභරණ අලෙවිකරන ආයතනද දැන් දැන් වර්ධනය වී තිබේ. කේ‍රඩිට් කාඩ් වලින් පහසු ගෙවීමේ ක්‍රමයට ස්වර්ණාභරණ අලෙවිකරන ක්‍රමවේදයක්ද ඇත. 
ස්වර්ණාභරණ කර්මාන්තය පිළිබඳව වන ප්‍රධානතම ව්‍යවස්ථාපිත ආයතනය 1993 අංක 50 දරන පනතේ ස්ථාපනය කළ ජාතික මැණික් හා ස්වර්ණාභරණ අධිකාරියයි. මෙම කර්මාන්තය සංවර්ධනය කිරීම විධිමත් කිරීම හා ප්‍රවර්ධනය කිරීම මෙම ආයතනයේ ප්‍රධානතම කාර්යවේ. ස්වර්ණාභරණ කර්මාන්තකරුවන්ගේ මෙන්ම ස්වර්ණාභරණ මිලදී ගන්නා අයගේ ආරක්ෂාව සම්බන්ධයෙන්ද ජාතික මැණික් හා ස්වර්ණාභරණ ආයතනයට සුවිශේෂී වගකීමක් පැවැරී තිබේ. 
පාරිභෝගිකයකු විසින් රත්තරන්, රිදී, දියමන්ති, ප්ලැටිනම් වැනි දේ මිලදී ගත හැකිය. තමන් මිලදී ගන්නා ස්වර්ණාභරණ අධිකාරියෙන් පරීක්ෂා කරවාගෙන ඒ සම්බන්ධයෙන් පිළිගත් සහතිකයක් ලබාගැනීමට පාරිභෝගිකයන්ට අවස්ථාව තිබේ. ඒ සඳහා ජාතික මැණික් හා ස්වර්ණාභරණ ආයතනයේ ප්‍රධාන කාර්යාලයට පැමිණ යම් ගාස්තුවක් ගෙවා අදාළ ස්වර්ණාභරණ පරීක්ෂාව සඳහා භාරදිය යුතුය. ඒ සඳහා කොළඹ 03, ගෝල්ෆේස් ටෙරස් අංක 25 ස්ථානයෙහි පිහිටි ජාතික මැණික් හා ස්වර්ණාභරණ අධිකාරියේ වටිනා ලෝහ විෂ්ශ්‍ලේෂණය කිරීමේ කාර්යාංශයට පැමිණිය යුතුය. එම ආයතනයේ ජු දුරකථන අංකය 0112390652 ද ෆැක්ස් අංකය 0112320758 ද වේ. ජාතික මැණික් හා ස්වර්ණාභරණ පනතේ 46 වන වගන්තියට අනුව වැරදි ප්‍රමිතිය පෙන්වමින් රන් භාණ්ඩ අලෙවිය වරදකි. ඉහත කී ආකාරයේ සහතිකයක් ලබාගැනීමෙන් පසු ඔබේ රන් භාණ්ඩ නිසි ප්‍රමිතියට නොමැතිනම් ඒවා සහතිකයද සමග අදාළ ස්වර්ණාභරණ අලෙවි ආයතනයට ගොස් ඔවුන් අලෙවිකර ඇති රන් භාණ්ඩයේ සැබෑ ස්වභාවය පෙන්වා ඔබට වාසිදායක අන්දමේ සමථයකට පැමිණිය හැකිය. එහෙම නැත්නම් ‍පොලීසියට පැමිණිල්ලක් ඉදිරිපත්කර අධිකරණමය ක්‍රියාමාර්ගවලටද යා හැකිය. නැත්නම් අලාභ අය කරවා ගැනීම සඳහා සිවිල් නඩු කරයක්ද ගොනුකළ හැකිය. 
ඉහත කී මැණික් හා ස්වර්ණාභරණ අධිකාරියේ වටිනා ලෝහ විශ්‍ලේෂණය කිරීමේ කාර්යාංශය යුරෝපීය වටිනා ලෝහ විශ්‍ලේෂණය කිරීමේ සංගමයේද පූර්ණ සාමාජිකත්වය ලබා ඇති නිසා එම ආයතනයෙන් ලබාදෙන සහතිකය ජාත්‍යන්තරව පිළි
ගන්නා එකකි. 
විශේෂයෙන්ම රන් භාණ්ඩ මිලදී ගැනීමේදී “SLAO ප්‍රමිති මුද්‍රාව” තබා රන්වල ප්‍රමිතිය සහතික කරන ලද ආභරණ මිලදී ගැනීමට කටයුතු කිරීමෙන් ඔබට ආරක්ෂා සහිතව ඔබගේ ගනුදෙනුව සිදුකරගත හැකි වනු නියතය. 
 
කැරට් 22 රන් භාණ්ඩ නිතර මිලදී ගන්නා නිසා ඊට අදාළ “SLAO ප්‍රමිති මුද්‍රාව” පහත දක්වමු. 
- වටිනා ලෝහ විශ්‍ලේෂණය කිරීමේ කාර්යාංශයේ රසායනාගාර මුද්‍රාව 
- රන් ලෝහය හඳුනා ගැනීමේ මුද්‍රාව 
916 - කැරට් 22 රන් බව දැක්වෙන මුද්‍රාව 
ඔබ මිලට ගන්නා කැරට් 22 ක රන් ආභරණ “SLAO ප්‍රමිතිය මුද්‍රාව” තවද සහතික කළ එකක් නම් මෙම මුද්‍රා තුනම එම රන් භාණ්ඩයේ තිබිය යුතු අතර ඊට අමතරව නිෂ්පාදකයාගේ වෙළෙඳ ලකුණුද තිබිය යුතුය. 
 
නීතිඥ එස්.බි. බුද්ධික වංශරත්න අවධාරණය කරයි 


"ළමයි ඉස්කෝලෙ එක්ක එන සමහර අම්මලාගේ සෙල්ලං ගැන දැන ගන්න ඕනද?"

පසුගිය දිනක ජා ඇල ප්‍රදේශයේ මගේ හිත‍වතෙක් ඇසීය. ඔහු සත්ව ගොවිපළක් පවත්වාගෙන යන්නෙකි.

"මේවා පත්තර වලට දාලා රටට එළිකරන්නම ඕන දේවල්. නැත්නම් අපේ සමාජෙ ඉවරෙටම ඉවරයි."

හෙතෙම කීය.

"මම තව පැය භාගෙකින් එන්නම් ඔයාව එක්ක යන්න; ලෑස්ති වෙලා ඉන්න."

ඔහු ඒ සමඟම කීයේ මගේ සිත තුළ පැවැති කුතුහලය දෙගුණ තෙගුණ කරමිනි. පොරොන්දු වූ පරිදිම මගේ එම හිතවතා පෙරවරු 11.00 ට මා සොයා ආවේය. ඉන්පසු ඔහු දිගු කළ හෙල්මටයද පැලද මම ඔහුද සමඟ ඔහුගේ මෝටර්සයිකලයෙන්  එම ගමනට මුල පිරුවෙමි.

එය  ජා ඇල ට මඳක් නොදුරින් කොළඹ - මීගමු පාර හා සම්බන්ධවන අතුරු මාර්ගයකි. මාද  කැටුව එම අතුරු මාර්ගය ඔස්සේ මෝටර්සයිකලයෙන් තරමක් දුර ගිය හෙතෙම එක්තරා ස්ථානයක එය නතර කළේය. ඒ අද්දර මාර්ගයෙන් තරමක් ඔබ්බට වන්නට පිහිටි ‍'ගෙස්ට් හවුසියක්' තිබිණ.

"ඔන්න බලන්න 11.30 වෙන කොට මොකද වෙන්නේ කියලා."

ඔහු කීයේ මට කිසිවක් තේරුම් ගත නොහැකි දෙයකි.

මුත් ඔහු කී ලෙසම පෙරවරු 11.30 ට විශේෂ දෙයක් සිදුවූයේ නැත. එහෙත් ඉන් විනාඩි දහයකට පසු  එනම් 11.40 ට එම ගෙස්ට් හවුසිය දෙසින් ආ කාන්තාවන් පදවන ස්කූටරයක් කොළඹ - මීගමුව ප්‍රධාන මාර්ගය දෙසට ධාවනය විය.

"වැඩේ හරි"

ඒ සමඟම කී මගේ හිතවතා එම මෝටර්සයිකලයට මඳ දුරක් ඈතින් මාද නංවාගත් තම මෝටර් සයිකලය ධාවනය කළේය. එම කුඩා ස්කූටරයේ දෙදෙනෙකු ගමන් කළ අතර එය පදවන ලද්දේ පිරිමියෙකු විසිනි. එහි පිටුපස කාන්තාවක් වාඩි වී සිටියාය. ඇය අත්දිග බ්ලව්සයක් සහ කළු දිග කලිසමක් ඇද සිටිණු පෙණින. මුත් පැළදි හෙල්මට් නිසා ඔවුන් දෙදෙනා හඳුනා ගැනීමට මට නොහැකි විය.

එසේ ගමන් කළ ඔවුන් දෙදෙනා රැගත් මෝටර් සයිකලය කොළඹ - මීගමුව ප්‍රධාන පාරට මීටර් 20 ක් පමණ මෙපිටින් නතර කෙරිණ. ඉන්පසුව සයිකලයෙන් බැස ගත් පිරිමියා තම හිස රැඳි හෙල්මට්ටුව ගලවා එම කාන්තාව අතට දී අඩියට දෙකට එතනින් නික්මුණි.

ඉන්පසුව ඔහු කොළඹ - මීගමුව ප්‍රධාන පාරේ ගමන් කරමින් තිබූ මීගමුව දෙසට යන බසයක එල්ලෙනු මම යාන්තමින් දුටුවෙමි. ඉන්පසු එම පිරිමියා දුන් හෙල්මටය තම මෝටර් සයිකලයේ අසුනට යටින් ඇති බක්කියේ බහා ලූ එම කාන්තාව එය පණගන්වා ගමන් ආරම්භ කලාය. ඇගේ ගමන අවසන් වූයේ විද්‍යාලයක් ඉදිරිපිටින් බව ඇයට රහසින් ඇගේ පසුපසින් ගිය අපට මනාව දැකිය හැකි විය.

ඒ වන විට එම පාසලේ ගේට්ටුව අසල එවැනි ස්කූටර් රථ, ත්‍රිරෝද රථ, මෝටර් රථ,  සැලකිය යුතු සංඛ්‍යාවක් නතරකොට තිබූ අතර එහි සිටි ඇගේ සමවයසේ කාන්තාවන් විසින් ඇය ආදරයෙන් පිළිගන්නා අයුරුද අපට දක්නට ලැබිණ.

"මෙයා සතියකට සැරයක් ඔය වැඩේ කරනවා."

"නමුත් මෙයාගෙ මේ හැසිරීම් අනික් අයට තේරෙන බව මෙයාට වැ‍ටහෙන්නේ නැහැ. ලියාපදිංචි අංකයක් තියෙන වාහනයකින් රහස් වැඩක් කරනකොට එයාව පහසුවෙන් හඳුනාගන්න පුළුවන් කියන කාරණය මෙයා දන්නේ නැහැ."

මගේ හිතවතා කීය.

"මෙයා ඔය ගෙස්ට් හවුස් එකේ ඉන්න බව ඔයා කොහොමද දැනගත්තේ?"

මම විස්මයෙන් යුතුව ඔහුගෙන් ඇසීමි.

"මම නිතරම මේ පාරේ එහෙ මෙහෙ යන කෙනෙක්. අද උදෙත් ඔය ජෝඩුව ඔය ගෙස්ට් හවුස් එකට යනවා මම දැක්කා. මීට කලිනුත් ඔය දෙන්නා ඔය විදිහට යන හැටි මට හොඳට දැකලා පුරුදුයි. ඔය දෙන්නා හැමදාමත් උදේ වරුවේ ඔය ගෙස්ට් හවුස් එකේ ඉදලා දවල් 11.30 ට ඔය විදිහට ඔතනින් එළියට එනවා. මොකද එයාගේ බබාව දවල් 12.00 ට ඉස්කෝලෙන් ගන්න ඕන නිසා. මේක මං වගේ කෙනෙක් දැක්ක හින්දා හොඳයි. මේ වගේ දේවල් වලින් අයුතු ප්‍රයෝජන ගන්න කෙනෙක් මේක දැක්කනං මෙයාව 'බ්ලැක්මේල්' කරන්න පුළුවන් නේද?"

මගේ හිතවතා ඇසීය.

ඔහුගේ කතාව පූර්ණ සත්‍යයකි. "දරුවා පාසලේ අම්මා හෝටලේ" යනුවෙන් මීට දශක කිහිපයකට පෙර ඇරඹි සමාජ කතිකාවේ නවතම පරිච්ඡේදයක් ඇරඹීමට මට හැකි වනුයේ මෙම සිදුවීමත් සමඟිනි. ඒ අනුව මම දරුවන් පාසල් ගෙනෙන ඇතැම් තරුණ මවුවරුන්ගේ මෙම  අවිචාරමත් ක්‍රියා කලාපය සහ එමගින් සිදුවන පවුල් සහ සමාජමය හානිය පිළිබඳ නවතම ගවේෂණයකට මුලපිරුවෙමි.

තවත් තොරතුරු බලාපොරොත්තුවන්න

ප්‍රසංග පෙරේරා - ජා ඇල{jcomments on}

 

ජනප‍්‍රිය පාසලකට තමන්ගේ දරුවාව ඇතුළත් කරගන්න දෙමාපියන් නොකරන දෙයක් නැති තරම්. පදිංචිය මාරු කරනවා. තමනුත් බොරු කියනවා. දරුවාටත් බොරු කියන්න උගන්වනවා. අපේ රටේ බොහෝ තැන්වල සිද්ධ වෙන සාමාන්‍ය දෙයක් තමයි මේක. ඇත්තටම මේක අපේ රටේ විතරක් සිද්ධ වෙන දෙයක් නෙවෙයි කියලා හිතෙන්නේ පසුගිය මැයි 19වැනිදා තිරගත වුණු ‘හින්දි මීඩියම්’ කියන අලූත් හින්දි සිනමා පටය නැරඹුවාට පස්සෙයි. විනෝදාත්මක චිත‍්‍රපටයක් ලෙස වර්ගීකරණයට ලක්වුණු මෙය සීනාත් ලඛානි විසින් ලියන ලද්දක් වන අතර සාකේත් චවුද්රි විසින් අධ්‍යක්ෂණය කොට තිබෙනවා. ඉර්ෆාන් ඛාන් සහ සාබා කමාර් මෙහි ප‍්‍රධාන චරිත දෙක නිරූපණය කරනවා.

අපි ටිකක් මේ කතාව මොකක්ද කියලා බලමු.

රාජ් බාත‍්‍රා (ඉර්ෆාන් ඛාන්) කියන්නේ දිල්ලියේ ඉන්න හොද ව්‍යාපාරිකයෙක්. ඔහුගේ බිරිඳතමයි මිතා (සාබා කුමාර්). ඔවුන් දෙදෙනාම හින්දි මාධ්‍යයෙන් උගන්වන සාමාන්‍ය පාසලක ඉගෙන ගත්තත්, ඔවුන්ගේ පස් හැවිරිදි දියණිය වන පියා (දිසිතා සෙහ්ගාල්) දිල්ලියේ තියෙන උසස් පාසලකට ඇතුළත් කරන්න බලාපොරොත්තුවෙන් ඉන්නවා. මේ පාසලට ඇතුලත් කරනවා නම් එයින් කිලෝ මීටර් 3ක ඇතුළත් පදිංචි වෙලා ඉන්න  ඕන. මේ නිසා ඔවුන් ඒ කියන දුර සීමාවේ තියෙවන වසන්ත් විහාර් කරා පදිංචියට යනවා.

දරුවාව පාසලට ඇතූලත් කරද්දී දෙමාපියන්වත් සම්මුඛ පරීක්ෂණයකට ලත්කරනවා. මේ ගැන දැනීමක් නැති නිසා ඒ සම්බන්ධව උපදෙස් ගන්න ඔවුන් ෂිකා ළඟට යනවා. ෂිකා ඔවුන්ව මේ සම්මුඛ පරීක්ෂණයේ අසන ප‍්‍රශ්නවලට පිළිතුරු ලබාදෙන විදිය පුරුදු කරවනවා. කොහොම වුනත් සම්මුඛ පරීක්ෂණයේ දී රාජ් ට නිවැරදිව පිළිතුරු ලබාදෙන්නට නොහැකි වෙනවා. අවසානයේ වෙන්නේ මේ පාසලින් පමණක් නෙවෙයි අනෙක් පාසල්වලට ද ඇතුල් වන්නට තමන්ගේ දුවට තියෙන අවස්ථාව ප‍්‍රතික්ෂේප වී යාමයි. රාජ් පොඩි පොඩි යටිකූටටු වැඩ ටිකක් කරන්න හැදුවත් ඒවා ද සාර්ථක වන්නේ නැහැ.

මෙන්න මේ විදියට තමයි චිත‍්‍රපටය ගළාගෙන යන්නේ. මොකක්ද වෙන්නේ කියලා බලන්න නම් සම්පූර්ණ චිත‍්‍රපටයම නරඹන්නට සිද්ධ වෙනවා.

මෙහි නිෂ්පාදන වියදම ඉන්දියානු රුපියල් කෝටි 23ක් වන  අතර මෙහි ආරම්භක දිනයේ ඉන්දියානු රුපියල් කෝටි 2.81ක ආදායමක් ලබා තිබෙනවා. ඒ වගේම මෙතෙක් ලබා ඇති ආදායම ඉන්දියානු රුපියල් කෝටි 102.7ක් වෙනවා.

නිරංජන් චාමින්ද කරුණාතිලක

නැතිවූ සහ සොරකම් කළ දේවල් පිළිබඳව දැන ගැනීම පිණිස සාත්තර, නිමිති, අංජනම්, පේන ආදියේ පිහිට පැතීමට අප සමාජයේ බෙහෝ දෙනෙක් පුරුදුව සිටිති. මෙම ගුප්ත සාත්තර වල ඇති සත්‍යතාව විමසීම පිණිස නොයෙකුත් විමර්ශන සිදු කොට ඇති මට සැබැවින්ම නැති වූ යමක් මුල් කොට එවන් සාත්තරයක් ඇසීමේ දුලබ අවස්ථාව පසුගිය සෙනසුරාදා(සැප් 30) උදාවිය.

ඒ මා භාවිතා කළ ජංගම දුරකථනය කොළඹ කොටුවේ ඕල්කට් මාවත සහ පලමු හරස් වීදිය අතර මංසන්දියේදී ඊට  පෙර සිකුරාදා(සැප් 29) හරියටම පස්වරු 2.30ට ගැට කපන්නෙකු විසින් පැහැර ගැනීම නිසාය. ඒ සම්බන්ධයෙන් ඒ මොහොතේම පිටකොටුව පොලීසියට පැමිණිලි කළ මම ජංගම දුරකථනයේ එමි අංකයද ලබා දුනිමි. ඊට පසු දින එනම් ඊයේ(30) සීතාවක ජනශ්‍රැති විමර්ශනයක් සඳහා රුවන්වැල්ල ප්‍රදේශයට ගිය මම එහි සිටින මගේ හිතවතෙකුට ජංගම දුරකථනය නැතිවීමේ පුවත කීවෙමි.

එවිට ඔහුගේ බිරිඳ වහා ඉදිරිපත්ව කීයේ තමන් යන කරුණ පවසා ඊට ගත යුතු පියවර පිළිබඳව පවසන සාස්තර මෑණි කෙනෙක් ඊට නොදුරු ගමක වෙසෙන බවය.

කාලිඅම්මාගේ ආරූඩයක් සහිත ඇය අපගේ ශරීර තුළ ඇති රෝග පීඩා පිළිබඳව කියා ඒවාට විසඳුම් ඉදිරිපත් කරන බවද හිතවතාගේ බිරිඳ කීවාය.

ඈ කී කතාවෙන් මගේ සිත තුළ මහත් සතුටක් ජනිත විණි. ඒ එම සාත්තරකාරිය ක්‍රියාවට නංවන 'සාත්තර සූත්‍රය' කුමක් දැයි දැන ගැනීමට මට ඉඩ ලැබෙන බැවිනි. කෙසේ හෝ ඒ සාස්තර දේවාලය ඇති ප්‍රදේශය තනිව සොයා ගත නොහැකි යැයි කී මගේ හිතවතා මගේ මඟ පෙන්වන්නියගේ භූමිකාව සිය නව යොවුන් දියණියට පැවරුවාය. ඒ අනුව ඇය ද සමගින් එම සාත්තර මෑණියන් හමුවට ගිය මට දේවාලය ඉදිරියේ පැයක් පමණ බලා හිදීමට සිදු විය.

ඒ සාස්තර මෑණියන්ට එදින කාලි ආරූඩය ඒමට තරමක් ප්‍රමාද වූ බැවිනි. එදින වැසි සහිත කාලගුණයක් පැවිති බැවින් සිග්නල්  අඩු වීම මත මත මෙසේ ආරූඩය ප්‍රමාද වන බව මම මා සමඟ සිටි දියණියට රහසින් කීවෙමි.

අප එහි යන විට තවත් වියපත් කතුන් දෙදෙනෙක්ද එහි පැමිණ සිටි මුත් එහිදී පියෙකු හා දියණියක ලෙස හැසිරෙමින් සාත්තර කියන වාරය එන තෙක් බලා සිටි අපට ආරූඩයට පත් කාලි අම්මාගෙන් මුල්ම ඇමතුම ලැබිණ. එහිදී කාලි අම්මාට මගේ සිත කියවීමට  හැකි වුයේද ජංගම දුරකථනය පිළිබඳව කීමට හැකිවුයේද යන්න මෙම හඬ පටය අසන ඔබට මනාව ඒත්තු යනු නියතය.

තිලක් සේනාසිංහ

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 741

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 355

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 3457

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 1957

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 3950

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 5040

Please publish modules in offcanvas position.