Coss Ear2
lakbima.lk
COSS Ear 1

දමිතා අබේරත්න මේ දවස්වල ලොකු මන්නයකුත් අරගෙන මාළු පෙට්ටියකුත් මෝටර් බයිසිකලයක බැඳගෙන කොට්ටාව පාරේ වටේට “මාළු....... මාළු.......” කියලා කෑ ගහමින් ඇවිදින බව අපිට ආරංචි වුණා. දමිතා නිළිකම අතහැරලා මාළු වෙළෙඳාමටවත් බැහැලාද? අපි ඒ ගැන විමසන්නයි පසුගිය දවසක දමිතව හමු වුණේ. දමිතා කොහොමද මේ දවස්වල මාළු බිස්නස් සරුද? 
 
අ‍පොයි ඔව්. මේ දවස්වල මං කරන්නේ මාළු බිස්නස්. ජාතික රූපවාහිනියේ විකාශනය වන “රැජිණියෝ” ටෙලි නාට්‍යයේ නිර්මලාගේ චරිතය හින්දයි මට මාළු, මාළු, කිය කියා  පාර දිගේ ඇවිදින්න සිදුවුණේ. ඇත්තටම මේ චරිතය මගේ ජීවිතයට ලැබුණු සුවිශේෂී අවස්ථාවක්. 
 
මොන විදියටද මේ චරිතය ගලාගෙන යන්නේ? 
 
විශේෂයෙන්ම කියන්න ඕනේ  “රැජිණියෝ” ටෙලි නාට්‍ය පුරාවටම කතා කරන්නේ කාන්තාවන්ට සිදුවෙන අසාධාරණකම් ගැන කියන එක. ප්‍රධාන චරිත පහ අතරින් මම නිරූපණය කරන්නේ මාළු නිර්මලාගේ චරිතයයි. මාළු නිර්මලා කියන්නේ බොහොම අහිංසක ගැහැණියක්. නමුත් පසුව බොහෝ තාඩන පීඩනවලට ලක් වෙලා. ඇය ශක්තිමත් කාන්තාවක්් බවට පත් වෙනවා. ඒ හින්දම කාට හරි අසාධාරණයක් සිදුවුවහොත්,  ඒ වෙනුවෙන් ඉදිරිපත් වෙන්න නිර්මලා දෙපාරක් හිතන්නේ නැහැ. 
 
මේ වගේ චරිතයකට පණ පෙවීම ඔබට ‍ලේසි වුණාද? 
 
මම වෙජිටේරියන්. ඒ නිසා මාළු කපන කොටන වැඩ ටිකක් මට දරාගන්න අමාරු වුණා. ඒත් බොහොම අමාරුවෙන්, අකමැත්තෙන් මම දැන් මාළු කපනවා. සමහර දවස්වලට මම ගෙදර ඇවිත් පැයක් විතර නානවා. මොකද මාළු පෙට්ටියේ ගඳ මට ඉවසාගන්නම බැහැ. ඒත් චරිතෙට තියෙන ආශාව හින්දා හැම ගඳක්ම ඉවසාගෙන ඉන්නවා. 
 
දමිතාත් මාළු නිර්මලා වගේ තීන්දු තීරණ ගන්න අවස්ථා තියෙනවද? 
 
ඔය අහන්නේ මම මාළු නිර්මලාට සමාන වෙන අවස්ථා ගැන නේද? ඇත්තටම සමහර තැන්වලදී මම සමහර දේවල් කියනකොට හරි දැඩියි. නිර්මලා වගේම දෙයක් කියන්න තිබ්බොත් මං ඒ දේ කෙළින්ම කියනවා. ඒක මට ‍පොඩි කා‍ලේ ඉඳලාම තියෙන පුරුද්දක්. සමහරුන්ට මාව අල්ලන්නේ නැත්තේත් මම කෙළින් කතා කරන හින්දා වෙන්න ඇති. හැබැයි මං ‍පොඩි කා‍ලේ ඉඳලාම අහිංසක විදියට ජීවත් වෙන කෙනෙක්. ඒත් සමාජය විසින් සමහර තැන්වලදී අපේ හිත් ගල් කරනවා. 
 
මේ දවස්වල මාළු නිර්මලාට ලැබෙන්නේ මොන වගේ ප්‍රතිචාරද? 
 
ප්‍රතිචාර නම් හරිම හොඳයි මං මෝටර් බයිසික‍ලේ පැදගෙන මාළු......... මාළු.......... කියාගෙන කොට්ටාව ගම වටේට යනකොට සමහරු ඇවිත් කියනවා ෂා... මරුනේ කෑ ගහන විදිහෙන් අපි ඇත්තටම හිතුවේ ඇත්තම මාළු කාරියක් කියලයි. කොහොමත් මං කරන ඕනෑම චරිතයකට ලැබෙන ප්‍රතිචාර ඉතාමත් ඉහළයි. මං හිතනවා අපි දෙයකට අවංක වුණාම ඊට සොබා දහම විසින්ම හොඳ ප්‍රතිචාර ලබාගන්න අපට අවස්ථාව සලසා දෙනවා කියලා. 
 
මාළු නිර්මලා කියන චරිතය එක්කම ජීවත් වෙන කොට අමතක නොවන සිදුවීම් එහෙමත් වෙලා ඇති නේද? 
 
අ‍පොයි ඔව්. මම මෝටර් බයිසික‍ලේ පදින්න හරිම බයයි. ඒත් මාළු නිර්මලාගේ චරිතේ කරන කොට වැටි වැටී මෝටර් බයිසික‍ලේ පැදපු අවස්ථා හරි සුන්දරයි. ඒ වගේම මාළු කපන සිද්ධියත් මට අමතක කරන්න හරිම අමාරුයි. ඒක මගේ ඔළුවේ දිගටම රෙජිස්ටර් වෙලා තියෙනවා. මං මාළු මන්නේ අතට ගත්තාම දෙයියනේ සමහරු මිනිසුන්ව කපන්නෙත් මේ විදියට නේද කියන මහා භයානක සිතුවිලි මගේ හිතට එනවා. 
 
ඔබේ ඉදිරි කලා කටයුතු පෙළ ගැසී ඇති ආකාරය ගැන දැන ගන්නත් “රිද්ම” පාඨකයෝ කැමති වෙයි? 
 
‘‘සල්සපුනා’’ ටෙලි නාට්‍ය මේ දවස්වල විකාශය වෙනවා. බොහෝ දෙනා මට කියනවා අපි සල්සපුනා බලන්නේ දමිතා ඔයා නිසාමයි කියලා. ඒ වගේම අයිස්ක්‍රීම්, ස්වර කියන චිත්‍රපට දෙක එන්න තියෙනවා. ටෙලි නාට්‍ය ගත්තොත් වර්ණ, පූරී කියන නිර්මාණ දෙකත් ඉදිරියේදී විකාශය වෙයි. 
 
සමන්මලී නැලිගම

“කාටවත් නොකී රහසක්” රිද්මට කියන මේ අවස්ථාවේ මම හෙළි කරන්න යන රහස නම් ටිකක් බරපතළ එකක්. ඒ රහස හෙළි කරන්න කලින් මට විශේෂයෙන් කිවයුතු දෙයක්  තියෙනවා. 
“නිළියෝ ගණිකා වෘත්තියේ යෙදෙනවා” කියන්නේ ඇත්තද? කියලා දවසක් එක්තරා මාධ්‍යවේදියෙක් මගෙන් ඇහුවා. “නිළියෝ ගණිකා වෘත්තියේ යෙදෙන්නේ නැහැ. ඒත් ගණිකාවෝ නිළිකමට එන හින්දයි ඔය වගේ කතාවක් හැදිලා තියෙන්නේ” කියලා මම ඔහුට උත්තර දුන්නා. නැතිබැරිකමට, අසරණකමට ගැහැනුන් ගණිකා වෘත්තියට යනවා. ඒත් තමන්ගේ ආත්මය පාවා දීලා හම්බ කරනවට වඩා කුලී වැඩක් කරලා ජීවිකාව ගෙනියන්න බැරිද කියන එකයි මට තියෙන ප්‍රශ්නය. ඒ කොහොම වුණත් ඒක ඒ අයගේ පෞද්ගලිකත්වය. තමන්ගේ ශරීරය අලෙවි කිරීම තමන්ගේ කැමැත්තට ඒ අය කරනවා කියමුකෝ. ඒත් ඒ වටිනාකම වැඩිකරගන්න. 
“මම නිළියක්” කියාගන්න රූප පෙට්ටියේ මූණ දාගන්න කලාව වගේ උත්තරීතර දෙයක් පාවා දෙන එකනම් අනුමත කරන්න බැහැ. හැමදේම කරලා කරන්න දෙයක් නැති වුණාම රඟපෑම තෝරා ගන්න එක අනුමත කරන්න බැහැ. ඒ හින්දයි මම මේ රහස හෙළි කරන්න තීරණය කළේ. 
මෙන්න මේකයි කතාව. විදෙස් රටක පදිංචි ශ්‍රී ලාංකික හිතවතෙක් ලංකාවට ආවා. ඔහු මටයි මගේ සැමියා සුජීවටයි රාත්‍රී ආහාරයට ආරාධනා කළා. ඉතින් අපි දෙන්නත් ලෑස්ති වෙලා මේ කියන අයගේ නිවසට ගියා. අපිව බොහොම සුහදව පිළිගත්තු ඔහු ටිකක් අපිත් එක්ක කතා කර කර හිටියා.
“ඩාලින්...ඉක්මනට ඔය කූල් ඩ්‍රින්ක්ස් ගෙනෙන්න...”
අර මනුස්සයා ගේ ඇතුලට හැරිලා එහෙම කියද්දී මට ඇතිවුණේ කුතුහලයක්. එයා බැඳලා දරුවෝ පවා ඉන්න කෙනෙක්. බිරිඳයි දරුවොයි එයයි ඉන්නේ පිටරට. සති දෙකකට ලංකාවට ආවේ තනියම කියලයි මේ පුද්ගලයා අපට කිව්වේ. එතකොට කවුද මේ “ඩාලිං” කියලා මම හොඳට බැලුවා. ඔය වෙලාවේ එක්තරා තරුණියක් ශීතකල බිම බඳුන් සහිත බන්දේසියක් අරගෙන අපි ළඟට ආවා. මට මේ ගෑනු ළමයගේ මුහුණ හොඳට පුරුදුයි. මම උනන්දුවෙන් එයා දිහා බලාගෙන හිටියා. 
“අක්කි.... අක්කිට මතකද මාව.... අපි අර... “.....” ටෙලි නාට්‍යයේ අපි දෙන්නා එකට රඟපෑවේ.
මේ ළමයා කිසිම ලැජ්ජාවක් නැතුව එහෙම කියද්දී තමයි මට මතක් වුණේ ඇය මා රඟපාපු ටෙලි නාට්‍යයක අතිරේක දර්ශනයක හිටි බව. ඒත් එක්කම මම වැලමිටෙන් සුජීවගේ කිහිල්ලට ඇන්නා. “අපිට හදිසි ගමනක් තියෙනවා. ඒකට නොයාම බැහැ. ආයේ දවසක මුණගැහෙමු....” 
මගේ හැටි දන්න සුජීව කිව්වා. ‘රෑ කෑමට ඉන්න’ කියලා අර පුද්ගලයා බලකරත් අපි ඒ වෙලාවෙම එතැනින් පිටත්වෙලා ආවේ කේන්තිය දරාගන්න බැරිකමටයි. 
ඒ පුද්ගලයා ලංකාවේ ඉන්න සති දෙක තුනට තමන්ගේ පාළුව මකාගන්න කෙනෙක් හොයලා දෙන්න කියලා තැරැව්කරුවෙකුට කියලා තියෙනවා. ඒ අතරමැදියා තමයි ඔහුට “නිළියක්” සපයලා තියෙන්නේ. නිළියක් හින්දා නියමිත මුදලට වැඩි මුදලක් වැය කරන්නත් ඔහුට සිදුවෙලා. අර ගෑනු ළමයගේ පූර්ණ කාලීන රැකියාව තමයි ගණිකා වෘත්තිය. ඒ අතරතුර කොහොම හරි ටෙලි නාට්‍යයකට මූණ දා ගන්නවා. ටෙලි නාට්‍යයක සමූහ දර්ශනයකට හිටියත් “මම නිළියක්” කියන අය ඉන්නවානේ. මේ ළමයත් “මම නිළියක්” කියලා තමන්ගේ ගැණුම්කරුවන්ගෙන් අය කරන මිල වැඩිකරගන්නවා. 
ඊට කාලෙකට පස්සේ මම රඟපෑ තවත් ටෙලි නාට්‍යයක සමූහ දර්ශනයකට ඇය ඇවිත් හිටියා
“හා කොහොමද.. ඊට පස්සේ කාත් එක්කවත් ගියේ නැද්ද...?” 
මම උපහාසයෙන් එහෙම ඇහුවේ ඇගේ පෞද්ගලිකත්වය මට අදාළ හින්දා නොවෙයි, ඇය නිළිකමට කරන අපහාසය මට අදාළ නිසා. 
“අනේ.... අක්කි... කියන ඒවා...” 
ඒ ළමයා කිසිම ලැජ්ජාවක් නැතුව එහෙම කියලා හිනාවුණා. පස්සේ එයාගේ විස්තර ඇහුවම නම් මටත් අනුකම්පාවක් ඇතිවුණා. ඇය ප්‍රශ්න ගොඩක ඉන්න කෙනෙක්. මුදල් අවශ්‍යතාවයටයි මෙහෙම කරන්නේ. ඒත් ගැහැනියක් අසරණ වුණාට තියෙන එකම විකල්පය ගණිකා වෘත්තියද..? අනෙක එවැනි වෘත්තියක යෙදෙන කෙනෙක් තමන්ගේ මිල වැඩිකරන්න රූප පෙටිටියට මූණ දාගන්න ක්‍රමයක් විදියට උත්තරීතර කලාව පාව්ච්චි කරන එක හරිද? 
 
ආරියවංශ කුලතිලක

ගෙලෙහි බාහිර කැපුම් නොමැතිව සිදුකරන Trannsoral Laparoscopic Thyroidectomy නමැති සැත්කම කුලියාපිටිය මූලික රෝහ‍ලේදී අති සාර්ථකව ඊයේ (8) සිදුකර ඇත.ලංකාවේ ප්‍රථම වරට සිදුකළ මෙම සැත්කම දකුණු ආසියාවේ තායිලන්තය, ඉන්දියාව වැනි ස්ථාන කිහිපයක පමණක් සිදුකර ඇති අතර ඉන්දියාවේ පවා සිදුකර ඇත්තේ මීට මාස 10 කට ඉහතදී බවට තොරතුරු ඇති බව පවසන කුලියාපිටිය මූලික රෝහ‍ලේ උගුර, කන, නාසය පිළිබඳව විශේෂඥ වෛද්‍ය රිස්නි සක්කාෆ් මහතා දකුණු ආසියාවේ සිවුවැනි වරට සිදුකළ අවස්ථාව මෙය බවද පැවැසීය. සෑම අයකුම සාමාන්‍යයෙන් ගෙලෙහි කැපුම් යොදා සිදුකරන සැත්කම්වලින් හටගන්නා කැලැල් හේතුවෙන් ඇතිවන බාහිර පෙනුමේ අවලක්ෂණ ස්වභාවයට අකමැති බැවින් මෙම සැත්කම සිදුකිරීමෙන් අනතුරුව රෝගියා නිර්වින්දනයෙන් මිදුණ පසු අවම වේදනාවකින් හා අවම රුධිර වහනයකින් සිදුකළ හැකි අතර ගෙල ප්‍රදේශයේ කැපුම් තුවාල කැලැල් ඇති නොවන බවද වෛද්‍යවරයා පැවැසීය.
වෛද්‍ය රිස්නි මහතා පවසන්නේ තාක්ෂණික දෝෂ බොහොමයක් නොතිබෙන්නට ඉතා සුළු වේලාවකින් අදාළ ශල්‍ය කර්මය සිදුකළ හැකි බවයි.


කුලියාපිටිය මූලික රෝහ‍ලේ වෛද්‍ය අධිකාරී අයි. එස්. යද්දෙහිගේ මහත්මිය ඇතුළු විශේෂඥ වෛද්‍ය කාර්ය මණ්ඩලය, වෛද්‍ය කාර්ය මණ්ඩලය, හෙද හා කණිෂ්ඨ කාර්ය මණ්ඩලය මෙලෙස ලංකාවේ ප්‍රථම වරට කොළඹින් පිටතදී සිදුකරන සැත්කමක් වුවත් ඊට අවදානම නොගෙන තමන් පිළිබඳව විශ්වාසය තබා දැක්වූ සහය මෙම සැත්කම සාර්ථකව සිදුකිරීමට ශක්තියක් වූ බවද විශේෂඥ වෛද්‍ය රිස්නි සක්කාෆ් මහතා පැවැසීය.

ඇම්. ඊ. සෝමසිරි - කුලියාපිටිය

මේ එළඹ ඇත්තේ මැතිවරණ සමයකි. මෙවැනි ඡන්දවලදී විශේෂයෙන් සමාජ කරලියට පැමිණෙන පුද්ගලයෝ වර්ග කිහිපයක් වෙති. ඔවුන් අතුරින් මැතිවරණ අනාවැකි කීමට කල එළි බසින ‍ජ්‍යොතිෂවේදීන්ට අප සමාජයෙන් විශේෂ ආකර්ෂණයක් හිමි වෙයි.

රූපවාහිනී රියැලිටි වැඩසටහන් මගින් 'තරු' බිහි කිරීම මේ දිනවල ශීඝ්‍රාකාරයෙන් සිදුවෙමින් තිබේ. රියැලිටි වැඩසටහන් මගින් නොවුණත් ජනමාධ්‍ය මගින් දොරට වඩමවන '‍ජ්‍යොතිෂ තරු' කිහිපයක්  මේ රටේ සිටිති. ඉතා තරඟකාරී මට්ටමින් එකිනෙකා පරයමින් අසන්නවුන්ගේ ලොමු දැහැ ගැන්වෙන අන්දමේ අනාවැකි කීම නිසා ඔවුහු එලෙස ජනකාන්ත බවට ද, තරු බවටද එසේ නැතහොත් නවීන ග්‍රාම්‍ය ව්‍යවහාරයට අනුව කිවහොත් '‍පොරවල්' බවටද පත්ව හිඳිති.

මොණර නැටුම් බැලීමට අපි කවුරුත් කැමැත්තෙමු. සුවිසල් නීල වර්ණ අවානක් සේ පිල් විහිදුවා නටන මොණර නැටුම අතිශය දැකුම්කළුය. එහෙත්, ඒ සුන්දරත්වය ඇත්තේ  ඉදිරිපසින් බලන විට පමණි. එම මොණර නැටුම පිටුපසින් සිට නරඹන්නකු හට එම අලංකාරය වෙනුවට දැකගත හැක්කේ බාහිරව විවෘතව පවතින මොණරාගේ අධෝ මුඛයයි. සාමාන්‍ය ජන සමාජයට විසිතුරු මොණර නැටුමක් සේ පෙනෙන මෙම ජනකාන්ත ‍ජ්‍යොතිෂ තරු පවසන අනාවැකි සම්බන්ධයෙන් කීමට ඇත්තේ ද ඒ ටිකමය. ඊට හේතුව ‍ජ්‍යොතිෂය පිළිබඳ සෛද්ධාන්තික පසුබිම හදාරා ඇති ඕනෑම කෙනෙකුට ඔවුන්ගේ එම අනාවැකි තුළ පවතින ශාස්ත්‍රීය නිර්වස්ත්‍ර භාවය මැනවින් පෙනී යාමය.

2015වසරේ පැවැති ජනාධිපතිවරණය ‍ජ්‍යොතීර්වේදයේ නාමයෙන් රඟ දැක්වුණු මොණර නැටුම් රැසක් එක්වර  සමාජ කරලියට පැමිණි අවස්ථාවකි. මේ මැතිවරණයෙන් මහින්ද රාජපක්ෂ මහතා බලයට නාවොත්  ඔබ මොකද   කරන්නේ? සිරස රූපවාහිනී සජීවී වැඩසටහනකට සම්බන්ධවූ එවන් මොණර කුලයේ ‍ජ්‍යොතීර්වේදියෙකුගෙන් මාධ්‍යවේදී කිංස්ලි රත්නායක ඇසීය. එවිට ගත් මොහු ගත්කටටම කීවේ 'මම මෙතැනට ඇවිත් වෙඩි තියා ගන්නවා' යනුවෙනි. කෙසේ හෝ එම ජනපතිවරණයෙන් මහින්ද රාජපක්ෂ මහතා පරදවා මෛත්‍රීපාල සිරිසේන මහතා ජනාධිපති පදවිය භාර ගැනීමෙන් පසු ඔබ එදින ප්‍රසිද්ධියේ ‍පොරොන්දු වූ පරිදි වෙඩි තබා නොගත්තේ ඇයි?යනුවෙන් මාධ්‍යවේදියෙකු එම ඊනියා ‍ජ්‍යොතීර්වේදියාගෙන් ප්‍රශ්න කළේය. එවිට ඔහු දී ඇත්තේ මෙබඳු රසාලිප්ත පිළිතුරකි. 'මං වෙඩි තියාගත්තම දරුවව ඉස්කෝලෙ ගෙනියන්නේ කවුද?'

කිසියම් මැතිවරණයක් ජයග්‍රහණය කරන පක්ෂය හෝ පුද්ගලයා ‍ජ්‍යොතිෂය මගින් කල් ඇතිව හඳුනාගත හැකිද?ඒ සම්බන්ධයෙන් 'කණා පල්ලම් ගැසීමකින්' හැරුණු කොට එවන් අනාවැකියක් කීමේ කිසිදු හැකියාවක් ‍ජ්‍යොතිෂය සතුව නොමැති බව සහතිකය.

 සමුද්‍ර යාත්‍රිකයන්ට ප්‍රදීපාගාර උපකාරී වන්නේ යම් සේද ‍ජ්‍යොතීර්වේදීන් හට එලෙසින්ම උපකාර ලබාගත හැකි ‍ජ්‍යොතීර් ශාස්ත්‍ර සංග්‍රහ විශේෂයක් තිබේ. ඒවා හැඳින්වෙනුයේ 'පංචාංග ලිත්' යනුවෙනි. එම ලිත් අතරින් දැනට අප රටේ ග්‍රහස්පුට පංචාංග ලිතට හිමිවනුයේ මුල් තැනකි. එමෙන්ම එම පංචාංග ලිත් සංස්කරණය කරනුයේ සෛද්ධාන්තික ‍ජ්‍යොතීර්වේදය පිළිබඳ  ප්‍රාමාණික දැනුම් සහිත විද්වතුන් විසිනි. ග්‍රහස්පුට පංචාංග ලිතේ සංස්කාරක වරුන්ව සිටි එස්.ඩබ්ලියු කරුණාරත්න සහ ඇම්.කේ රොහාන් සිසිර කුමාර යන විද්වතුන් විසින් 'හඳහන් බැලීමේ ගුරු මුෂ්ටි' නම් ‍ජ්‍යොතිෂ ග්‍රන්ථයක් රචනා කොට තිබේ. එය ‍ජ්‍යොතිෂයට අත්පොත් තබන නවකයන් හට ඒ සම්බන්ධ වැදගත් ගුරු හරුකම් රැසක් ලබා දෙන කෘතියකි. එම කෘතියෙහි දෙවන කාණ්ඩයේ පෙරවදනේම මෙවන් සඳහනක් තිබේ.

.... "මේ ශාස්ත්‍රය අනුව අකුරක් අකුරක් පාසා ඉලක්කමක් ඉලක්කමක් පාසා හරියටම හරියන ආකාරයට සියල්ලම කිරි ගහට ඇන්නා වගේ කීමට කිසිවකුටත් නොපුළුවන. එසේ කිව හැකි ස්ථිර නිවැරදි ශාස්ත්‍ර නීති ද මෙහි නැත. කල්ප ගණනක් පෙනෙන කුශාග්‍ර බුද්ධිමත් සෘෂිවරුන් විසින් රචනා කර තිබෙන සූර්ය සිද්ධාන්ත, බ්‍රහ්ම සිද්ධාන්ත ආදී මූලික ‍ජ්‍යොතිෂ ග්‍රන්ථවල පවා ග්‍රහ ගමන් ආදිය පිළිබඳ එකිනෙකට වෙනස් ගණිත චක්‍ර පෙන්වා තිබේ. ඒ ස්ථිර තැනම සොයා ගැනීමට නොහැකි නිසා තමන්ගේ ඥානයට පෙනෙන එයට ඉතා ආසන්න ගණන බව දත යුතුය.

මෙයින් අපට සිතන්නට තිබෙන්නේ සමහර විට මේ ශාස්ත්‍රය සියයට සියයක්ම සත්‍ය සිද්ධාන්ත ක්‍රම මතම ගොඩනැගූ විද්‍යාවක් නොවන බවත් එම ශාස්ත්‍රීය ක්‍රමවත් හරි හැටි ඉගෙන ගත් ‍ජ්‍යොතිෂ ශාස්ත්‍රඥවරුන් ලොව පහළවී නැති බවත්ය. "

ජනමාධ්‍ය මගින් මොණර රැඟුම් පා තම පශ්චාත් භාගය සමාජ කරලිය හමුවේ එළිදැක්වීමෙන් පසුව මේ දිනවල මුලුගැන්වී සිටින රාජකීය ‍ජ්‍යොතීර්වේදීන් වශයෙන් පවා මාධ්‍ය මගින් හඳුන්වනු ලැබූ රාජකීය කට්ටයන්  සහ වෙට්ටපිත්තලයන් කිහිප දෙනෙකි. නමුත්  ඔවුන් තම ලජ්ජා බය අතහැර ඉදිරි මැතිවරණ ඉලක්ක කර ගනිමින්ද ‍ජ්‍යොතිෂ අනාවැකි මගින් මොණර රැඟුම් පෑමේ යම් හැකියාවක් තිබේ.

 එහෙත් එවන් තොරොම්බල් කාරයන් හැරුණු කොට ‍ජ්‍යොතිෂය ආදී වෛදික ශාස්ත්‍රයන් පිළිබඳව ගැඹුරටම හැදෑරූ පඬිවරුන් ද අප රටේ සිටි හා සිටින බව තවමත් බොහෝ දෙනෙක් නොදනිති. පේරාදෙණිය විශ්වවිද්‍යාලයීය දර්ශන අංශයේ මහාචාර්ය පදවිය හොබවා දැනට මෙලොවින් සදහටම සමුගත් ගුණපාල ධර්මසිරි විද්වතාණන් එවන් ‍ජ්‍යොතීර් ආයුර්වේද ආදී ප්‍රාචීණ විෂයන් පිළිබඳ හදාරා තිබූ පඬිරුවනකි.

‍ජ්‍යොතිෂය සම්බන්ධයෙන් මා තුළ පවත්නා ආකල්පය කෙසේ වුවත් මානව ශාස්ත්‍රඥයකු වශයෙන් මගේ ගෞරවාදරයට ලක්ව සිටි මෙම පඬිවරයා මට මුල්වරට මුණගැසුණේ 2002වසරේ දිනයෙක පේරාදෙණිය විශ්වවිද්‍යාලයීය ශාස්ත්‍ර පීඨ කාර්යාලයේදීය. එහිදී ඔහු කේන්ද්‍ර බැලීම සම්බන්ධයෙන් කළ මෙම ශාස්ත්‍රීය විග්‍රහය අදටත් මගේ මතකයේ තදින්ම රැඳී පවතී.

 "යමෙක් උපදින දිනය, වෙලාව, ස්ථානය මුල්කරගෙන ජන්ම පත්‍රයක් සකස් වුණත් ඒක මූලික වශයෙන් ඒ පුද්ගලයාගේ දෙමාපියන්, සහෝදර සහෝදරියන්, විවාහ වුණාට පස්සේ බිරිඳ, දරුවන් මේ හැමෝගෙම ග්‍රහචාර එක්ක සම්බන්ධ වෙනවා. ඒ වගේම තමන් ජීවත් වෙන භූගෝලීය, දේශගුණික, සමාජ, ආර්ථික, සංස්කෘතික මේ හැමදෙයක්මත් එකිනෙකට සම්බන්ධ වෙනවා. උදාහරණයක් ගත්තොත් රාජ යෝගයක් එක්ක මෙලොව එළිය දකින පුද්ගලයා වටා ඒකරාශී වන මේ වගේ තුලනාත්මක පසුබිම් කරුණු මුල්කරගෙන ඒ පුද්ගලයාට රටක, පළාතක, ගමක හරි නායකත්වයක් හම්බු වෙන්න පුළුවන්. එහෙම නැත්නම් ඒ පුද්ගලයාට අනිත් හැමෝටම යටත්, යාචක, ජීවිතයක් අත් වෙන්නත් පුළුවන්. එහෙම තමයි සෛද්ධාන්තික ‍ජ්‍යෝතීර්වේදයේ හැඳින්වෙන්නේ,"මහාචාර්ය ගුණපාල ධර්මසිරි විසින් එදා කළ ඒ ඓතිහාසික ප්‍රකාශය 2015මැයි 08දා සිදුවූ ඔහුගේ අභාවයෙන් පසු පේරාදෙණිය විශ්වවිද්‍යාලයීය ශිෂ්‍ය සහ ආචාර්ය ප්‍රජාව විසින් එළිදක්වන ලද 'ගුණපාල ධර්මසිරි - ජීවිතය සහ දර්ශනය' නම් ශාස්ත්‍රීය ලිපි කළඹට  එක් කිරීමට මට  හැකිවිය. එමෙන්ම වත්මන් මාධ්‍ය කරලියේ රැඟුම්පාන තරු ගණයේ ඊනියා තොරොම්බල්කාර ‍ජ්‍යොතිෂ මොණරුන්ගේ පශ්චාත් භාගය දැකීමෙන් හටගන්නා අප්‍රසාදය සහ පිළිකුල මැඩගැනීමේ කැමැත්තෙන් සිටින්නවුන්ගේ මනදොළ සපුරාලනු පිණිස හඳහන් විශ්වාස නොකළ ‍ජ්‍යොතිෂ පඬිවරයා නම් වන එම පරිච්ජේදය මා විසින් සම්පාදනය කරන ලදුව පසුගිය දා එළිදැක්වුණු 'මනරංජන මිථ්‍යා කතා කෘතියේ යාවත්කාලීන සංස්කරණයටද එක් කළෙමි.

තිලක් සේනාසිංහ

 

ප්ලාස්ටික් සැත්කම් පිළිබඳ අද නොඇසූ කෙනෙක් නැති තරම්ය. ලෝකයේ ප්ලාස්ටික් සැත්කම් වැඩිපුරම කෙරෙන්නේ දකුණු කොරියාවේ අගනුවර වන සියොල් නගරයේය. එනිසා සියොල් නුවර, ප්ලාස්ටික් සැත්කම් ලෝකයේ අගනුවර සේ ප‍්‍රකට වී ඇත. 
දකුණු කොරියාවේ දුම්රිය නැවතුම් පොළවල, බස්රථ වල හා මහමග දිගේ ප්ලාස්ටික් සැත්කම් පිළිබඳ දැන්වීම් ප‍්‍රදර්ශනය කර ඇත. ප්ලාස්ටික් සැත්කමක් කරගැනීම සඳහා වැය වන මුදල් ලබාදීම දෙමාපියන් විසින් තරුණ දියණිවරුන්ට දෙන ත්‍යාගයක් බවට පත්ව ඇති සෙයකි.
ප්ලාස්ටික් සැත්කමක් කර ගැනීම කොරියානු  ජන ජීවිතයට ඉතා තදින් බැඳී පවතින කරුණක් බව පෙනේ. රැකියාවක් ලබා ගැනීමට වුවත් සිරුරේ බාහිර පෙනුම තිබිය යුතු බව දෙමාපියෝ හා දරුවෝ අදහති. මෙනිසා තම පෙනුම ගැන සෑහීමට පත් නොවී කණස්සල්ලෙන් සිටින අයට ප්ලාස්ටික් සැත්කම් කදිම විසඳුමකි. මෙම සැත්කම් නිසා ඇතැම් ජීවිත වෙනස්වන අයුරු දැක්වෙන රූපවාහිනී වැඩසටහන් මගින් ද ජනතාවට ලැබෙන්නේ දිරිගැන්වීමකි. 
දකුණු කොරියාවේ ප්ලාස්ටික් සැත්කම් විදෙස් රටවල පවා ප‍්‍රසිද්ධය. ඒ වොෂිංටන් පෝස්වී, නිව් යෝකර් වැනි පුවත්පත් වල මේ සම්බන්ධ තොරතුරු නිරන්තරයෙන් සඳහන් කෙරෙන බැවිනි. 
ප්ලාස්ටික් ශල්‍ය වෛද්‍යවරුන්ගේ අන්තර්ජාතික සංගමය සඳහන් කරන්නේ දකුණු කොරියාවේ කාන්තාවන්ගෙන් 20%ක් කවර හෝ ප්ලාස්ටික් සැත්කමක් කරගෙන ඇති බවයි. ඒ අනුව එරට කාන්තාවන් දස දෙනෙකුගෙන් දෙදෙනෙකු හෙවත් පස්දෙනෙකුගෙන් එක් අයෙකු තම රූපය සැත්කමකින් වෙනස් කර ගෙන ඇත. මෙය අමෙරිකාවේ මෙන් දෙගුණයකටත් වඩා වැඩි තත්ත්වයකි. 
දහනව හැවිරිදි යුවතියක් ප‍්‍රකාශ කර තිබුණේ ප්ලාස්ටික් සැත්කමක් යනු සාමාන්‍ය දෙයක් බවයි. ඇගේ යෙහෙළියන් නිවාඩු කාලයකට පසු නැවත එන්නේ නව මුහුණකින් බව ඇය සඳහන් කර තිබුණි. කොරියානු රූපවාහිනියේ පරිවර්තිකාවක් ලෙස ඉඳහිට කොරියානු රූපවාහිනියේ පෙනී සිටින එම තරුණිය ඇගේ පෙනුම නිසා පේ‍්‍රක්ෂකයන්ගෙන් ලැබෙන්නේ නින්දාසහගත ප‍්‍රතිචාර බව කියයි. ඇය රූපවාහිනී තිරයේ දක්වන්නේ ඇයි? ඇය මෙතරම් මහත ඇයි? වැනි ප‍්‍රශ්න වලට ඇය මුහුණ දෙන්නේ තමන්ට වෙනත් ප‍්‍රකට තැනැත්තියන්ගේ පෙනුම නැති නිසා බවයි ඇය පෙන්වා දෙන්නේ. මේ නිසා තම නාසය හා හනු වෙනස් කරගැනීමට ඇය කල්පනා කරයි.
සෑම කාන්තාවකටම අවශ්‍යව ඇත්තේ බෝනික්කියන්ගේ හැඩරුවට සමාන වීමට බව පෙනේ. මෙනිසා සිරුරේ මහත අඩු කර ගැනීම, ඉංග‍්‍රීසි වී අකුරේ හැඩයට මුහුණ සකසා ගැනීම, පියයුරු විශාල කර ගැනීම, නළලේ පිරුණු බවක් ඇති කිරීම හා නාසය වෙනස් කර ගැනීම වැනි දේට බොහෝ කාන්තාවෝ ප‍්‍රිය කරති. මේ සියල්ලට වඩා වර්තමානයේ කොරියානු ජනයා උත්සුක වන්නේ තමන් උපතින් ලබා ඇති ඇසිපිය වෙනස් කර ගැනීමටයි.
කොරියානු ජාතිකයන් දෙනෙත් ඇරගෙන සිටින විට ආසියාතිකයින්ගේ මෙන් ඇහිපිය දාරයට උඩින් රැල්ලක් නොපෙනේ. එසේ රැුල්ලක් තිබීම හැඳින්වෙන්නේ ද්විත්ව ඇසිපිය Double Eyelidයනුවෙනි. තනි පියනේ ඇසිපිය මත ඇති මේදය ඉවත් කිරීමෙන් ද්විත්ව ඇසිපිය සැකසීමට ප්ලාස්ටික් සැත්කම් සිදුකෙරේ. ලෝකයේ ප්ලාස්ටික් සැත්කම් වලින් 15%ක්ම කෙරෙන්නේ ද්විත්ව ඇසිපිය සකසා ගැනීමටය. 
දැන් බොහෝ දෙනා ප්ලාස්ටික් සැත්කම් සඳහා පැමිණෙන්නේ දකුණු කොරියාවටය. එරටට එන සංචාරකයන්ගෙන් 1/5ක්ම වෛද්‍ය අරමුණු මත එන්නන්ය. 2020 වන විට එම පිරිස මිලියනයකින් වැඩිකර ගැනීමට ඔවුහු අපේක්ෂා කරති. පසුගිය සැප්තැම්බරයේදී එරට ප්ලාස්ටික් සැත්කම් සායන 1414ක් ලියාපදිංචි කර ඇත. ඒ වෙනත් රූපලාවන්‍ය සැත්කම් කෙරෙන රෝහල් හා සායන රැසකට අමතරවය. දැන් මේ සැත්කම් දකුණු කොරියාවට කදිම ආදායම් මාර්ගයකි.
එක්සත් රාජධානියේදී ඇස් සඳහා ප්ලාස්ටික් සැත්කමක් කරවා ගත් යුවතියක් පවසන්නේ තමන් කොරියාවේදී පෙර සැත්කමේ දොස් නිවැරදි කර ගත් බවයි.  
තම රටේදී ඒ සඳහා ඩො. 8000ක් වැය වුන ද, කොරියාවේදී වැයවන්නේ ඩො, 2000 - 4000ක් පමණක් බව ඇය පවසයි. මෙවර ඇගේ නළල, නාසය හා නිකට යළි සකසනු ලැබ ඇත. උදරයේ මේද ස්ථරයක් ද ඉවත් කරවාගෙන ඇත. 
ඇස්වල පළල වැඩිකිරීමට මෙන්ම නාසය හැඩ කිරීමට ද මෘදු රවුම් නළලක් ලබා ගැනීමට ද නිකට ප‍්‍රදේශයේ පිරුණු බව නැති කිරීමට ද කොරියානු යුවතියන් පෙළඹී ඇත්තේ ඒවා කෙනෙකුගේ පෙනුමට ඉතා වැදගත් බව පිළිගනිමිනි. 
ලොව බොහෝ රටවල ජනප‍්‍රියව ඇති හිසකෙස් සිටුවීම ඊළඟට ජනපි‍්‍රය සැත්කම් වර්ගයයි. අවපැහැවූ දත් සඳහා තුනී පෝසිලේන් සිවියක් අලවා කෙරෙන වේදනා රහිත ප‍්‍රතිකාරය සඳහා වැය වන්නේ සතියක කාලයක් පමණි. 
මේ තොරතුරු කියවන ඔබට ද ප්ලාස්ටික් සැත්කමක් කර ගැනීමට සිතුණේ නම් තම නාසය පිළිසකර කර ගත් යුවතියක් පැය ගණනාවක සැත්කමෙන් පසු කියන මේ කතාවත් අසන්න. 
‘මම මාස ගණනක් ගොඩක් වේදනා වින්දා. ඒක විස්තර කරන්න බෑ. මගේ ඇටකටු පිහියකින් කපන්න වගෙයි දැනුණේ. මගේ කට ඇරිල කෙළ බේරෙනවා. නහයෙ පුළුන් තලියයි.ඇත්තමයි මම පසුතැවිලි වුණ.’
මේ තවත් අයෙකුගේ වචන. 
මට කවදාවත් දරුවන් ලැබිල නැති නිසා ඒ වේදනාව ගැන මම දන්නේ නෑ. ඒත් මම ජීවිතේ විඳපු ලොකුම වේදනාව මේක. මහා පාපයක් විඳිනව වගේ. ‘රත්තරනේ ඇයි මේක කරගත්තෙ? මම අඩුවක් නැතිව ඔබ මැවුවා.’ කියල දෙවියන් වහන්සේ මට කියන හඬ විතරමයි මට ඇහුණෙ.
මෙවැන්නක් නොකර ගන්නැයි කිහිප දෙනෙකුම ලෝකයට කියා තිබුණි. ඔවුන් පවසන්නේ ඔබේ ස්වරූපය හෙළා දකින්නන් වෙනුවට ඔබට පි‍්‍රය කරන අලූත් යහළුවන් සොයා ගන්නා ලෙසයි. 
සැත්කමේ වේදනාවට වඩා මරණය හොඳයැයි ඒ දිනවල සිතුණත් දැන් තමන් තුළ වැඩි ආත්ම විශ්වාසයක් තිබෙන බවයි ඇතැමුන් නම් පවසන්නේ.
 
 ඒ.ජී. දීපිකා ප‍්‍රියදර්ශනී

නගර සංවර්ධනය කිරීම සඳහා යාචකයන්, ගවයන් සහ සුනඛයන් නගර වලින් ඉවත් කළ යුතුය යන අන්තගාමි අදහස දැන් ශීඝ්‍රයෙන් සමාජ ගත වෙමින් තිබේ.

මෙය අද වන විට කෙතරම් ප්‍රවර්ධනයකට ලක් ව තිබේද යත් ගවයන් සහ සුනඛයන් තුරන් කරන බවට ඡන්ද පොරොන්දු දුන් අපේකෂකයන් පිළිබඳව පවා මෙවර අසන්නට ලැබිණ.

එහෙත් මේ අතර යාචකයන්ට සේම ගවයන් සුනඛයන් ඇතුළු සෑම සතෙකුටම මෙලව ජීවත්වීමට සම උරුමයක් ඇතැයි යන ප්‍රබුද්ධ සිතුවිල්ලද මේ වන විට අප ජන සමාජයෙන් නැගෙමින් තිබේ.

මෙහිදී සිදු කළ යුත්තේ යාචකයන්ගේ දිළිඳු බව තුරන් කිරීම සහ නාගරික ප්‍රදේශවල වෙසෙන ගවන්ගේත් සුනඛයන්ගේත් ගහණය පාලනය කිරීම ඔවුන් හට ජීවත්වීමට සුදුස ස්ථාන හඳුන්වාදීම මිස පසුගිය කාලයේ සිදුකළාක් මෙන් සුනඛයන් සිය ගණනන් කොහෝ හෝ රැගෙන ගොස් වෙඩි තබා මරා දැමීම නොවන බව මේ වන විට අප සමාජයේ බොහෝ දෙනෙක් විශේෂයෙන් තරුණ පෙළ ශීඝ්‍රයෙන් පිළිගනිමින් සිටිති.

මෙවන් පසුබිමක් යටතේ අගනුවරට තදාසන්න ප්‍රදේශයක් වූ රාජගිරියේ ප්‍රාදේශීය ලේකම් කාර්යාලය අද්දර සුනඛයන් සහ බළලුන් හතලිහක් පමණ පෝෂණය කරමින් තාවකාලික ආවරණයක් යට දිවි ගෙවන මෙම අසරණ මවගේ කතාව අප ඔබ හමුවට ගෙනෙනුයේ විශේෂ කරුණක් මුල් කර ගනිමිනි.

එනම් දැනට එළඹී ඇති තත්වය අනුව ඉතාම නුදුරු දිනයක කිනම් හෝ මෙහොතක මේ අසරණ මව සහ සතුන් සමූහය හිටි හැටියේ අතුරුදන් වීමට අවශ්‍ය පසුබිම මේ වන විට ශීඝ්‍රයෙන් නිර්මාණය වෙමින් පවතින බව ඉතා විශ්වාස කටයුතු ලෙස අපට දැන ගන්නට ලැබී තිබීමය. 

මෙම මව පිළිබඳ කිසිදු තොරතුරක් අප ඔබට පවසන්නේ නැත. එමෙන්ම අඩුම තරමින් ඇගේ නම වත් හෙළි කිරීමට අපි අකමැත්තෙමු. ඒ එමගින් ඇගේ ඥාතීන්ට අවමානයක් සිදුවිය හැකි බැවිනි.

එමෙන්ම තම නෑදෑයින් වෙතින් මුළුමනින් දුරස්වූ ඇය වැස්සකට පින්නකටවත් හරි හැටි මුවාවිය නොහැකි මෙම ආවරණය තුළ සිට තමන්ට අතිශයෙන් හිතවත් මෙම අසරණ සතුන් පන මෙන් සුරකිනුයේ තම ජීවිතයේ මෙතෙක් මුහුණ දුන් අතිශය කටුක අත්දැකීම් තුළින් මිනිස් සමාජය පිළිබඳ හට ගත් දැඩි කළකිරීමක් නිසා විය නොහැකිද?

ඒ කෙසේ හෝ මෙම ස්ථානයේ සිඟමන් යැදීමෙන් ලැබෙන ඉතා සුළු මුදලින් මේසා අසරණ සතුන් සංඛ්‍යාවකගේ කුස ගිනි නිවන ඇය බෝසත් පාරමිතාවක් පුරන්නියකසේ හැඳින්වීමට මහා කාරුණික බුදු හිමියන්ගේ දහමින් කිසිදු තහංචියක් නොපැනවෙන බව අපට ඉදුරාම විශ්වාසය.

නුතන දේශපාලඥයන්ගේ වදන් වලින් කිව හොත් හෙට අනිද්දාම මෙම ස්ථානයෙන් තුරන් වී ආගිය අතක් නොමැති වීමේ පැහැදිලි අවදානමකට මුහුණපා සිටින මෙම අසරණ මවගේත් අසරණ සතුන්ගේත් ආරක්ෂාවත් මතු යහ පැවැත්මත් සත්ව අවිහිංසාව අගයන ඔබ සැමගේ සාමුහික වගකීමක් බව පෙන්වා දෙමින් අපි මෙලෙස නිහඬ වන්නෙමු.

විශේෂ ස්තූතිය චම්පිකා ගමගේ මෙනවියට

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 737

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 354

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 3453

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 1955

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 3947

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 5039

Please publish modules in offcanvas position.