Coss Ear2
lakbima.lk
COSS Ear 1

ප්‍රවීණ රංගන ශිල්පිනියක සහ චිත්‍රපට නිෂ්පාදකවරියක වන සෝනියා දිසානායක කලක් විදේශගතව සිට මේ වනවිට නැවතත් ලංකාවට පැමිණ සිටින්නේ තමන් කලා ක්‍ෂේත්‍රයට එදා දැක්වූ දායකත්වය නැවතත් අලුත් කිරීමේ බලා‍පොරොත්තුවද ඇතිවයි. නමුත් මීට සති දෙකකට පමණ පෙර හදිසියේ රෝගාතුර වූ ඇයට සිය ජීවිතය පවා අවදානමකට ලක්වූ තීරණාත්මක අවස්ථාවකට මුහුණු දීමට සිදුවුණා. එකී අභාග්‍යසම්පන්න තත්ත්වයෙන් මිදී මේ වන විට පූර්ණ සුවය ලබා සිටින සෝනියා, රෝහල්ගතව සිටි දිනවල තමන් ලැබූ ඇතැම් අත්දැකීම් පිළිබඳ කළකිරීමකින් යුතුවයි “රිද්ම’ට මෙලෙස අදහස් පළකළේ. 
 
ඇත්තටම ඔබට මොකද වුණේ?
හීනෙකින්වත් නොහිතපු වෙලාවක මම බරපතළ විදිහට අසනීප වුණා. මුලින්ම පපුවේ අමාරුවක් හැදිලයි මාව රෝහල්ගත කළේ. හෘදයාබාධයට හේතුව මොකක්ද කියලා වෛද්‍යවරු වැඩිදුර පරීක්ෂණ කරද්දී තමයි හොයා ගන්න පුළුවන් වුණේ මගේ හදවතේ නාල දෙකක් අවහිර වී තිබෙන බව.
 
ඉතින් ඊට පස්සේ? 
වෛද්‍යවරු මට කිව්වා ශල්‍යකර්මයක් කරන්න ඕනෑ කියලා. හැබැයි මම මුලින්ම කැමති වුණේ නැහැ ඉක්මනින්ම ශල්‍යකර්මයක් කරනවාට. නමුත් වෛද්‍යවරු මට දැනුම් දුන්නා තවත් කල් ගතකරන එක මගේ ජීවිතයට හොඳ නෑ කියලා. ඒ නිසා හැම ප්‍රතිකාරයක්ම වෙලාවට සිද්ධ වුණා. එහි ප්‍රතිඵලයක් විදිහට මම තවමත් ජීවතුන් අතර ඉන්නවා. 
 
ජීවිතයට තිබුණු අවදානම ගැන නොදැන හිටපු නිසාද ශල්‍යකර්මයට කල් ගන්න හිතුවේ?
ඒකට ලොකුම හේතුව තමයි ඒ වෙලාවේ මගේ අතේ මුදල් තිබුණේ නැහැ. ශල්‍යකර්මයට රුපියල් ලක්ෂ 6 1/2ක් වැයවෙනවා කියලා වෛද්‍යවරු කිව්වා. ඒ මුදලින් ලක්ෂ 3ක් මුලින් ගෙවිය යුතු වුණා. මගේ දුවයි පුතයි දෙන්නාම ජීවත් වෙන්වෙන්නේ ඕස්ට්‍රේලියාවේ. ඒ නිසා මම වෛද්‍යවරුන්ට කිව්වා මම ඕස්ට්‍රේලියාවේ ගිහින් ශල්‍යකර්මය කරගන්නම් කියලා. 
 
අන්තිමේදී කොහොමද රෝහල් බිල ගෙවා දැමුවේ?
අසනීප වෙලා හිටපු දවස්වල මට තවත් හිත රිදෙන විදියේ සිදුවීම්වලටත් මුහුණ දෙන්න සිද්ධවුණා. විවිධ විදිහේ ප්‍රචාරත් පැතිරිලා ගියා. ඔස්කා සංවිධානයෙන් ලැබුණු රුපියල් ලක්ෂයක රක්ෂණ මුදල හැරුණම වෙනත් කාගෙන්වත් මුදල්වලින් නම් උපකාරයක් ලැබුණේ නැහැ. මගේ දුව රට ඉඳන් ඇවිල්ලා තමයි රෝහ‍ලේ බිල ගෙවා දැමුවේ. 
 
ඔබට මේ වනවිට තමන්ගේම කියා නිවසක් පවා නොමැති බව ඔබ මීට පෙර මාධ්‍යවෙතත් ප්‍රකාශ කර තිබුණා. එහෙම තියෙද්දී මෙවැනි අවස්ථාවක ඔබ කාගෙන්වත් පිහිටක්වත් ඉල්ලුවේවත් නැද්ද? 
මාත් එක්ක කාලයක් එකට චිත්‍රපට නිෂ්පාදනය කරපු සුනිල් ටී. ප්‍රනාන්දුගෙන් මම උපකාර ඉල්ලුවා. හැබැයි ඔහුගෙන් සත පහකින්වත් උදව්වක් ලැබුණේ නැහැ. ඔහු කිව්වා බයවෙන්න එපා ඔස්කා සංවිධානය ඒ සේරම බලාගනිවි කියලා. ඔස්කා සංවිධානයෙන් ඇහුවාම කියලා තිබුණා සුනිල් ටී. රෝහල් බිල ගෙවනවා කියලා ඔවුන්ට ‍පොරොන්දු වුණා කියලා.
 
නමුත් අන්තිමේදී ඔහු ඒ ‍පොරොන්දුව ඉටුකළේ නැහැ? 
නැහැ. මගේ දරුවෝ මා වෙනුවෙන් යුතුකම් ඉටුකරන්නේ නැහැ කියලා කතාවකුත් සුනිල් ටී. කියලා තිබුණා. ඒක බොරු කතාවක්. මගේ දුව රෝහල් බිල ගෙවන්න සූදානමින් තමයි ලංකාවට අවේ. මෙහේ හිටපු අය බිල ගෙවනවා කියලා මුලින් දැන ගන්න ලැබුණු නිසයි ඇය ටිකක් හරි එන්න ප්‍රමාද වුණේ. සුනිල් ටී. එක්ක වතාවක් මේ ගැන දුරකථනයෙන් කතා කරද්දී වචන හුවමාරුවකුත් වුණා. දුව සුනිල්ට ඒවෙ‍ලේ කිව්වා “අපි කවදාවත් ඔයාගෙන් කිසි දෙයක් ඉල්ලලා නැහැ. මුකුත් කියලත් නැහැ. ඒත් ඔයා අපේ අම්මාත් එක්ක කාලයක් හිටියානේ. අපේ ගෙදරමනේ හිටියෙත්. ඉතින් දැන් මොකද බොරුවට චෝදනා කරන්නේ” කියලා.
 
කලාකරුවන් වෙනුවෙන් පෙනී සිටින ඔස්කා සංවිධානයෙන් වුණත් ඔබට බලා‍පොරොත්තුවෙන් හිටපු තරමේ පිහිටක් ලැබුණේ නැහැ කියලාද ඔබ කියන්නේ?
මේ ගැටලුවේදී ඔස්කා සංවිධානයේ ජයන්ත ධර්මදාස මහතාට චෝදනා කරන්න මම කැමති නැහැ. ඔහු මම හුඟක් ගරු කරන කෙනෙක්. සුනිල් ටී. කියපු කතා නිසා තමයි මේ සිදුවීම මේ තරම් දුරදිග ගියේ. 
 
කිෂාන් කනංකෙ

පසුගියදා පැවැති ලෝක රූ රැජින තරගය සඳහා ශ්‍රී ලංකාව නියෝජනය කරමින් සහභාගි වුණේ 2017 ශ්‍රී ලංකා රූ රැජින විදියට කිරුළ දිනූ දුෂේනි මියුරංගියි. නමුත් තරගයේදී අවසන් තරගකාරියන් 40 දෙනා අතරටවත් ඒමට ඇයට නොහැකි වුණා. “2017 ලෝක රූ රැජින” තරගයේදී තමන් මුහුණ දීපු අත්දැකීම් ගැන ඇය මුල්වරට කීවේ “රිද්ම” සමගයි. 
 
2017 ලෝක රූ රැජින තරගයට සහභාගි වීමට ලැබුණු අවස්ථාව ගැන මොකද හිතෙන්නේ ?
මගේ ජීවිතයේ ලැබූ ලොකුම අත්දැකීමක් තමයි මේ. මම මේ වගේ ජාත්‍යන්තර තරගයකට මුහුණ දුන්නේ පළමු අවස්ථාවටයි. නෑදෑ හිතවතුන්ගෙන් වගේම රටෙනුත් ඈත්වෙලා සති පහකට වැඩි කාලයක් මම තරගය වෙනුවෙන් චීනයේ ගත කළා. එතැනදී නම් පුංචි පාළුවක් හිතට දැනුණා. ඒත් ටික දවසක් යනකොට අනෙක් තරගකාරියෝ එක්ක මිත්‍රශීලිව ඉන්න කොට ඒ පාළුව තනිකම මැකිලා ගියා.
 
අවසන් තරගකාරියන් අතරට එක්වන්නට අවස්ථාව නොලැබිම ගැන දුකක් නැද්ද?
නැහැ. මොකද ඒ වන විට මම කිරුළ පිළිබඳ ආශාව අතහැර දාලයි හිටියේ.
 
ඒකට හේතුව සෙසු තරගකාරියන් ඔබට වඩා ඉහළින් සිටීමද? 
නැහැ. ඒ වනවිට මගේ හිතේ “තරගාවලිය” ගැන ඇතිව තිබූ අදහස් 
 
ඒ මොනවාද?
ඇතැම් රටවල් බොහොමයක ජනතාව තමන්ගේ රට නියෝජනය කළ තරගකාරිය වටා හිටියා. එවැනි අයට තරගය තුළ ලොකු විශේෂත්වයක් තිබුණා. 
ඒ වගේම දියුණු රටවල අයටත් විශේෂත්වයක් තිබුණා. මම ඉදිරිපත් වුණේ ලංකාව නියෝජනය කරමින්. ලංකාව පිළිබඳ ඒ අය තුළ ලොකු පිළිගැනීමක් තිබුණේ නැහැ. ඒ වගේම මගේ රටෙන් මට අනුග්‍රාහකත්වය දක්වන්න කෙනෙක් හිටියෙත් නැහැ. මම තරග බිම තුළ හුදකලා වූ චරිතයක් විදිහට හිටියේ. ඒ හින්දා මට කලින්ම දැනුණා අවසන් 40ට මම ඇතුළත් නොවන බව. 
 
ඒත් දුෂේනි තරගයට පිටව ගියේ පිබිදුණු සිතකින් ?
ඔව්, මට බලා‍පොරොත්තු ගොඩක් තිබුණා. ඒත් එහෙට ගිහින් දවස් ගෙවිලා යද්දී තමයි මම දැකපු හීන බොඳ වෙන බව තේරුණේ
 
තරගයේ සෙසු තරගකාරියන් ඔබට දැක්වූ ප්‍රතිචාර මොන වගේද? 
රටවල් 130ක අය ඇවිත් හිටියා. ඒ අය අතරින් “අප්ලර් ස්ටේල් (මිස් ටර්නි), ෆ(ර්) අර්න් (මිස් කොරියා) හා කොරිනා ජෝෂුවා (මිස් රුසියා) තුන්දෙනා තමයි මගේ හොඳම මිතුරියන් වුණේ. ඔවුන් සමග ගෙවී ගිය දවස් නම් හරිම සුන්දරයි. 
 
අනෙකුත් තරගකාරියන් ගැන කතා කළොත් ?
විවිධ මානසික මට්ටම් තියෙන අය ඕනෑම තැනක ඉන්නවානේ. ඇතැම් රටවල අය තමන් පිළිබඳ ලොකු අභිමානයකින් හිටියා. ඒ අයට ලංකාව පිළිබඳ තිබුණේ පහත් ආකල්පයක්. එවැනි අයගෙන් යම් යම් සිත් රිදෙන ප්‍රතිචාරත් ලැබුණා. හැබැයි මම ඒ හැම දෙයක්ම සම සිතින් දරාගෙන හිනා වෙලා හැමෝටම සුහදශීලී ප්‍රතිචාර දැක්වූවා.
 
ඉදිරියටත් මෙබඳු තරග සඳහා යාමට අදහස් කරගෙන සිටිනවාද? 
නැහැ. ‘මිස් ශ්‍රී ලංකා’ විදිහට මම කිරුළ දිනුවා. ලෝක රූ රැජින තරගයට සහභාගි වුණා. මීට වඩා දැවැන්ත තරග නැහැනේ. ඉතින් වෙන තරගයකට ආයෙ සහභාගි වෙන්න බැහැ. 
 
මෙම තරගයත් එක්ක දුෂේනිගේ රංගන ජීවිතයත් තාවකාලිකව නතර වුණා ?
ඔව්. මම ඒ කැප කිරීම කරලා තමයි මේ තරගයට ගියේ. 
“ශ්‍රී ලංකා රූ රැජින” විදියට කිරුළ ලැබුවට පස්සේ ටෙලි නාට්‍ය හා සිනමාවට ලැබෙන ආරාධනා වැඩි වුණා. ඉදිරියේදී ඒවායින් හොඳ නිර්මාණවලට එකතු වනවා. 
 
ආරියවංශ කුලතිලක

ගල්ගමුව සහ ඒ අවට ප්‍රදේශවල සැරිසැරූ දළ පුට්ටුවා නමින් ප්‍රසිද්ධ හස්තිරාජයා ඇත් දළ සොරුන් විසින් මරා දමා ඇතැයි යන ආරංචිය සැළවීමත් සමඟ ගල්ගමුව සහ ඒ අවට ප්‍රදේශවල ජනතාව දැඩි කම්පාවටත් සංවේගයටත් පත් වි සිටින බවත් එම සංවේගය සහ කම්පාව දුරු කර ගැනීම සඳහා ඉදිරියේදී එම හස්තියා වෙනුවෙන් මතක වස්ත්‍ර පූජාවක් සහ මතක බණක් පැවැත්වීමට ගල්ගමුව ප්‍රදේශවාසින්ගෙන් ප්‍රදේශයේ මහා සංඝරත්නය වෙත නිරතුරුව ඇරයුම් ලැබෙන බවත් ගල්ගමුව යු.බී.වන්නිනායක මධ්‍ය මහා විද්‍යාලයේ (ජාතික පාසලේ) හිටපු විදුහල්පති සහ ඇහැටුවැව දිවුල්ගනේ පුරාණ දිඹුලාගල රජමහා විහාරාධිපති ගලහිටියාවේ සිරිරතන හිමියෝ පවසති.

උන්වහන්සේ වැඩි දුරටත් මෙසේ ද පැවසූහ.

මේ ගල්ගමුව ප්‍රදේශය අවට වන අලි පනහකටත් වැඩි කණ්ඩායමක් සිටිනවා. ඒ අතරින් සියඹලන්ගමුවේ ඇත් රාජා සහ දළ පුට්ටුවා බොහෝ දෙනෙකුගේ අවධානයට ලක්ව සිටි සද්න්තයන් දෙදෙනෙක්. මීට කලකට ඉහත සියඹලන්ගමුවේ ඇත් රජු නිර්වින්දනය කොට මාඳුරු ඔය ජාතික වන උද්‍යානය වෙත ගෙන යමින් සිටියදී අතරමගදී අකල් මරණයට පත් වූණා. ඒ නිලධාරීන්ගේ නොසැලකිලිමත් කමින්.

එයින් ප්‍රදේශවාසින් තුළ ලොකු කම්පනයක් ඇති වුණා. මේ දළ පුට්ටුවාගේ ඇත් දළ යුගල සමඟ පොල්පිතිගමදී සැකකරුවන් දෙදෙනෙකු අත්අඩංගුවට ගැනීමත් ඉන්පසු එම හස්තියාගේ මළ සිරුරේ කොටස් කහල්ල පල්ලේකැලේ වන රක්ෂිතයේ තිබී සොයා ගැනීමත් සමඟ ප්‍රදේශ වාසින්ගේ කම්පාව සංවේගය තවත් තිවූර්ත තිබෙනවා.

වන අලින් ගම් වැදීම මිනිස් ජීවිත හා දේපල වලට බරපතල තර්ජනයක. ඒ වුවත් ඔවුන් ගම් වදින්නේ නොවිධිමත් මානව ක්‍රියාකාර කම් නිසා ඔවුන්ගේ පාරම්පරික වාස භූමි අහිමි වීම බව දැන් බොහෝ ගම්මුන් වටහාගෙන තිබෙනවා.

මේ ගල්ගමුව ප්‍රදේශයේ සිට මහව දක්වා කිලෝමීටර් තිහක් යන තුරු වැව් දහයක් පමණ හමුවෙනවා. සියඹලංගමුව වැව, මහ්ගල්ගමුව හෙවත් යකාබැඳි වැව, ගනේදිවුල් වැව, පාළුකඩවල වැව, අබකොළ වැව,  අතරගල්ල වැව,  මැඩියාව වැව, එරියාව වැව ඒ අතරින් ප්‍රධානයි. සියවස් ගණනක් තිස්සේ වන ගහනයෙන් වැසී තිබූ මේ අලි සංචරණ මාර්ග අද මිනිස් ජනාවාස බවට පත් වෙලා. ඒ වගේම මහවැලි සංවර්ධන ව්‍යාපාරය නිසා එළිපෙහෙළිවූ මහා වනාන්තරය වෙනුවට වන ජීවින් සඳහා වෙන් කළ කහල්ල පල්ලේකැලේ වන රක්ෂිතය කිසිසේත්ම ප්‍රමාණවත් නෑ. ඒක වන ජීවින්ගේ පැවැත්ම ගැන මෙලෝ හසරක් නොදැන කළ බිම්කොටසක්.

ඒ අනුව වන අලින් සිදු කරන්නේ තමන්ගේ පාරම්පරික ස්වභාවික උරුමය වෙනුවන් සටන් වැදීම බව දැන් මේ ප්‍රදේශවල ජනතාව තේරුම් අරන් තිබෙනවා. සිරිරතන හිමියෝ පැවසූහ. මේ අතර මෙහි සැරි සරන සෑම වන අලියෙකුටම පාහේ මිනිසුන්ගෙන් නොයෙක් තාඩන පීඩන එල්ලවී ඇති අතර ඔවුන්ගෙන් සැලකිය යුතු පිරිසක් නිත්‍ය ආබාධිත තත්වයකට පත්වී ඇති බව ද සිරිරතන හිමියෝ කීය.

මෙම තත්වය පාලනය කිරීම සඳහා වන ජීවි සංරක්ෂණ දෙපාර්තමේන්තුව අවශ්‍ය මුදල් ප්‍රතිපාදන, නිලධාරීන් සෙසු යටිතල පහසුකම් සේම නිශ්චිත වැඩ පිළිවෙළක් නොමැති අතර වන අලින් සඳහා සුදුසු වන කලාපයක් වෙන් කිරීම පිළිබඳ රජයේ කිසිදු වැඩ පිළිවෙළක් නොමැති බවද උන්වහන්සේ කීහ.

ඔය දළ පුට්ටුවා දැනට වසර පනහකට අධික කාලයක් තිස්සේ මේ ප්‍රදේශයේ පැරණි විහාරාරාම ආශ්‍රිත ඉඩ කඩම්වල බොහෝ විට රැදී සිටි සතෙක්. නමුත් ඒ විහාර බිම්වල ඇති බව භෝග වලට මේ සතාගෙන් හානියක් නොවන බවද මේ ප්‍රදේශයේ මහා සංඝරත්නය අතරේ පොදු කතිකාවක් ඇතිවී තිබෙනවා.

ඒ තත්වය යටතේ මේ ප්‍රදේශවාසීන් ඒ සතා වෙනුවෙන් ඉටු කරන ආගමික චාරිත්‍ර සඳහා මේ ප්‍රදේශයේ භික්ෂුන් වහනසේලාගේ උපරිම සහභාගීත්වයක් ලැබෙනු බව ඒකාන්ත යයි ද සිරිරතන හිමියෝ කීහ.

සහන් සංකල්ප සිල්වා

මේ දිනවල ස්වර්ණවාහිනිය ඔස්සේ  විකාශය වන හාරකෝටිය ටෙලිනාට්‍යය ජනප්‍රියත්වයට එහි රඟපාන රංගන ශිල්පීන් සහ ශිල්පිනියන්ගෙන් ලැබෙන දායකත්වය අමතක කළ නොහැකිය. හාරකෝටිය ටෙලි නාට්‍යයෙහි රශ්මිගේ චරිතය නිරූපනය කරන සඳනි ප්‍රනාන්දු ද ඒ අතරින් ප්‍රේක්ෂක ආකර්ෂණය ඉහළින්ම දිනා සිටින රංගන ශිල්පිනියකි. ශලනි තාරකා අතින් රචනා වූ නවතම ගීත වීඩියෝවේ රංගනයෙන්ද ඇය මේ දිනවල ප්‍රේක්ෂක අවධානය දිනා සිටී.
 
සඳනිට හාරකෝටියේ රශ්මි වෙන්න අවස්ථාව ලැබෙන්නේ කොහොමද කියලා මතක් කරමින් මේ කතාබහ අරඹමු?
මම 2016 අයි.ටී.එන්. අවුරුදු කුමාරි තරගාවලියේ දෙවැනි ස්ථානය දිනාගත්තාට පසුවයි. ක්‍ෂේත්‍රයේ බොහෝ දෙනා මාව හඳුනාගත්තේ. ඒ හඳුනා ගැනීමත් එක්කම චාමර සමරවික්‍රමගේ මග පෙන්වීම යටතේ තමයි හාරකෝටියේ රශ්මි වෙන්න මට අවස්ථාව ලැබුණේ.
 
සැබෑ ජීවිතයේදීත් සඳනි, රශ්මි වගේ චරිතයක්ද?
සඳනිත් රශ්මි වගේම යාළුවන්ට හොඳ යාළුවෙක්. රශ්මි ගොඩක් අහිංසකයි. හැබැයි සැබෑ ජීවිතයේදී මම ඒතරම් අහිංසක නැහැ.
 
ශලනි තාරකා ලියපු ගීතයක් නිසාත් සඳනි ගැන මේ දිනවල බොහෝ දෙනා කතා වෙනවා?
ඔව්. ඒ ගීතය මේ දවස්වල බොහෝ දෙනා ආදරයෙන් වැලඳගත්ත ගීතයක්. ඒ ගීතයේ රූප රචනයට දායක වෙන්න ලැබිම ගැන මට ගොඩාක් සතුටුයි. ඒ වගේම මගේ රංගනයෙන් ඒ ගීතයට මම උපරිම සාධාරණයක් ඉටු කළා කියලා මට හිතෙනවා. මොකද ඒ ගීතයට මට ගොඩාක් හොඳ ප්‍රතිචාර ලැබෙන නිසා.
 
නමුත් ඉරාජ්ගේ සාවි කියන මියුසික් වීඩියෝව නිසා ඔබට බැනුම් අහන්නත් වුණා නේද?
ගොඩාක් අය ඉරාජ් අයියා නිර්මාණය කළ 'සාවි' විෂුවල් එකට මුලින්ම බැන්නා. මම දැක්ක කමෙන්ට්වල එහෙමත් නොයෙක් දේවල් කියලා තියෙනවා. ඒත් වීඩියෝ එක ආවාට පස්සේ බොහෝදෙනා නොහිතපු වෙනසක් තමයි වීඩියෝ එකේ තිබුණේ. මිනිස්සු හුඟාක් බනිනකොට මම ඉවසාගෙන හිටියා. මොකද ඒක රිලීස් වුණාට පස්සේ ඒ නරක ප්‍රතිචාර නතරවෙයි කියන විශ්වාසය මා තුළ තිබුණා.
 
පසුගිය දිනවල ඉරාජ්ගේ මියුසික් වීඩියෝවලට දිගින් දිගටම විවිධ විවේචන එල්ල වුණා. ක්‍ෂේත්‍රයේ තමන් හැදීගෙන එන රංගන ශිල්පිනියක් විදිහට ඔහුගේ මියුසික් වීඩියෝවකට කළ ආරාධනාව බාරගන්න බය හිතුණේ නැද්ද?
ඔහුගේ කලින් වැඩත් එක්ක බලනකොට මුලදී නම් මට ටිකක් බය හිතුණා. ඒ නිසා මම ඇහුවා මොකක්ද මේ වීඩියෝවෙන් කියැවෙන කතාව කියලා. කතාව ඇහුවාම මට තේරුණා ඒක කළින් කරපු මියුසික් වීඩියෝවලට වඩා වෙනස් නිර්මාණයක් කියලා. ඒ නිසයි මම ඒ ආරාධනාව බාරගත්තේ.
 
සඳනි ඇත්තටම ජනප්‍රිය වෙන්නේ ශලනිගේ මියුසික් වීඩියෝව නිසාද? නැත්නම් හාරකෝටියේ රශ්මි නිසාද?
මම හිතන්නේ මට හැමදේම ලැබෙන්න පටන් ගත්තේ හාරකෝටියේ රශ්මි නිසා කියලයි. ඒ චරිතය වෙනුවෙන් ලැබුණු හොඳ ප්‍රතිචාර නිසාමයි ඔය කියන මියුසික් වීඩියෝවටත් මට ආරාධනා ලැබුණේ. 
 
සඳනිගේ පෞද්ගලික තොරතුරු ගැනත් කතාකරමුද?
මමයි, අම්මයි, තාත්තයි තමයි අපේ පවු‍ලේ ඉන්නේ. මම කැමැති හැමදේටම මගේ දෙමවුපියෝ ඉඩ දෙනවා. හැබැයි මම යන හැම වැඩකටම අම්මා මාත් එක්ක එනවා. සමහර වෙලාවට මම බැහැ කියපු වැඩවලට පවා අම්මා මාව උනන්දු කරලා යවලා තියෙනවා.  මම මේ දිනවල උසස් පෙළ ප්‍රතිඵල එනතුරුයි බලාගෙන ඉන්නේ. ඒත් එක්කම කළමනාකරණය පිළිබඳව උපාධියකට යොමුවෙන්න බලා‍පොරොත්තුවකුත් තියෙනවා. ඒ අතරතුර හොඳ නිර්මාණවලට විතරක් දායක වෙන්නයි හිතාගෙන ඉන්නේ.
 
සමන්මලි නැලිගම

බ්‍රිතාන්‍ය රජ පවුල මේ දිනවල නිතර පුවත් මවන පවුලක් බවට පත්ව ඇති බව පෙනේ. මහ රැජින සහ පිලිප් කුමරු අතර විවාහයේ ප්ලැටිනම් ජුබිලිය හෙවත් 70 වෙනි සංවත්සරය පැවැත්වුණේ මෙයට සතියකට පෙරය. ඒ පිළිබඳ පුවත්වලින් පසුගිය දිනවල ජනමාධ්‍ය බොහෝ කාර්යබහුල වී සිටි අන්දම දැකිය හැකි වූ අතර දැන් නැවතත් රජ පවුලෙන් තවත් විවාහයක් හා බැඳුණු පුවතක් වාර්තා වෙයි. මෙවර මෙම ප්‍රවෘත්තියේ කතා නායකයන් වී සිටින්නේ හැරී කුමරු  සහ ඔහුගේ පෙම්වතිය වන මෙගාන් මාර්කල්ය. ඔවුන් දෙදෙනාගේ විවාහ ගිවිස ගැනීම පිළිබඳ පුවත පසුගිය 27 වෙනි දින ප්‍රථම වරට නිල වශයෙන් නිවේදනය කෙරුණු අතර විවාහ උත්සවය ලබන වසරේ මුල් භාගයේ පැවැත්වෙනු ඇති බවද රජ මාලිගයෙන් නිවේදනය කෙරිණි. මෙම පුවතත් සමග  රජ පවු‍ලේ ලෝලීන් විශාල වශයෙන් උද්දාමයට පත්ව සිටින අයුරු බ්‍රිතාන්‍ය මාධ්‍ය හරහා දැකගත හැකි විය.
හැරී-මෙගාන් ආදර කතාව පිළිබඳ කිසියම් ආන්දෝලනයක් ඇති කළ එක් කාරණයක් වූයේ මෙගාන් බ්‍රිතාන්‍ය ජාතික තරුණියක නොවීමයි. එමෙන්ම ඇය වරක් විවාහ වී සිට දික්කසාද වූ අයෙකු වීමද  අවධානයට ලක් වූ කාරණයක් විය. ඒ රජ පවු‍ලේ සාමාජිකයෙකු විවාහ වීමේදී ඒ හා බැඳුණු සම්ප්‍රදායන් තුළ මෙවැනි කාරණා ගැන වැඩියෙන් සොයා බැලෙන බැවිණි. දික්කසාද වූ අය සමග විවාහ වීමට අදාළව කලක් රජ පවුල තුළ දැඩි සීමාවන් පැවැතිණි. නවසිය තිස් ගණන්වල විසූ 8 වෙනි ජෝර්ජ් රජුට රජකම අත්හැරීමට පවා සිදු වූයේ ඔහු වොලිස් සිම්ප්සන් නමැති, දෙවරක් දික්කසාද වූ කාන්තාවක සමග විවාහ වීමට තීරණය කිරීම නිසාය. නමුත් මේ වනවිට මෙම කාරණය ගැන එතරම් දැඩි සීමා ක්‍රියාත්මක නොවන අතර චාල්ස් සහ කැමිලා පාකර් අතර විවාහය එම පැරණි සම්ප්‍රදායන් විශාල වශයෙන් වෙනස් කළ අවස්ථාවක් විය. 
මෙගාන් මාර්කල් ඇමෙරිකානු ජාතික තරුණියක වන අතර සිනමා සහ රූපවාහිනී නිළියක ලෙසද, නිරූපණ ශිල්පිනියක ලෙසද කටයුතු කළ කෙනෙකි. 1981 අගෝස්තු 4 වෙනි දින ඇමෙරිකාවේ ලොස් ඇන්ජලීස්හි උපත ලැබූ මෙගාන්ගේ මව්පියන් වන්නේ තෝමස් මාර්කල් සහ ඩොරියා රද්ලාන්ය. තෝමස් සුදු ජාතිකයෙකු වන අතර ඩොරියා  අප්‍රිකානු- ඇමෙරිකානු කාන්තාවකි. තෝමස්  රූපවාහිනී ආලෝකකරණ අධ්‍යක්ෂවරයෙකු ලෙසද, ඩොරියා මනෝ චිකිත්සකවරියක ලෙසද කටයුතු කර ඇත. මෙගාන්ගේ පවු‍ලේ තවත් සහෝදරයෙකු සහ සහෝදරියකද සිටින බව ද සඳහන් වේ. කෙසේ නමුත් මෙගාන්ට වයස අවුරුදු හයේ දී ඇගේ මව්පියන් දික්කසාද වී ඇතැයි පැවැසේ. නමුත් ඇය තවමත් ඇගේ මව්පියන් සමග ඉතා සමීපව ඇසුරු කරන බව සඳහන්ය. 
33 වෙනි වියේ පසුවන හැරී සහ 36 හැවිරිදි මෙගාන් මුල් වරට මුණ ගැසුණේ මෙයට වසර එකහමාරකට පමණ පෙරය. 2016 ජූලි මාසයේ ලන්ඩන් නුවරදී එම හමුව සිදු වූයේ ඔවුන් දෙදෙනාගේම මිතුරියකගේ මැදිහත් වීමෙනි. හැරී පසුගිය දිනෙක පවසා තිබුණේ ඇය හමු වූ මුල් දිනයේම තමා තුළ මෙගාන් පිළිබඳ බැඳීමක් ඇති වූ බවයි. හැරී සහ මෙගාන් අතර මෙම හමුව සිදුවෙද්දී මෙගාන් ඇගේ පළමු විවාහයෙන් දික්කසාද වී වසර තුනකට ආසන්න කාලයක් ගතවී තිබිණි. ඇය කලින් විවාහ වී සිටියේ හොලිවුඩ් චිත්‍රපට නිෂ්පාදකයෙකු වන ටේ‍රවර් එන්ගල්සන් සමගය. 2011දී යුග දිවියට එළැඹුණු ඔවුහු  2013 වසරේ එකිනෙකාගෙන් වෙන් වූහ. එම දික්කසාදයට හේතුව ලෙස සඳහන් වූයේ ඔවුන් දෙදෙනා අතර තිබූ නොගැළපීම්ය. ටේ‍රවර් මේ වනවිට රජ පවුලක් පසුබිම් කරගත් රූපවාහිනී මාලානාටකයක් නිෂ්පාදනය කරමින් සිටින බව පැවැසෙන අතර තවමත් ඔහු සිය කලින් බිරිඳගේ විවාහ ගිවිස ගැනීම ගැන කිසිදු ප්‍රකාශයක් සිදු කර නැති බවද සඳහන් වේ.
හැරීද මෙගාන් සමග ප්‍රේම සම්බන්ධය ඇති කරගැනීමට පෙර තවත් තරුණියන් කිහිප දෙනෙකු සමග සබඳතා පවත්වා ඇති බවද සඳහන් විය. 2014 වසරේ හඳුනාගන්නට ලැබුණු බව පැවැසෙන 30 හැවිරිදි එලී ගෝල්ඩින් එවැනි එක් ‘පෙම්වතියකි’. 2016 මැයි මාසය වනතෙක්ම මේ දෙදෙනා අතර ඇසුරක් පැවැති බව සඳහන් වේ. හැරී සමග සබඳතා පැවැත්වූ බව පැවැසෙන ඇතැම් තරුණියන් පසුව එම සබඳතා නතර කර ඇත්තේ රජ පවු‍ලේ ජීවන ෙශෙලියට හැඩ ගැසීමට තිබූ අපහසුතා නිසා බවද පැවැසේ.
ලබන වසරේ හැරී-මෙගාන් විවාහ උත්සවය පැවැත්වෙන්නේ කවදාද, කවර ආකාරයෙන්ද   යන්න සම්බන්ධයෙන් තවමත් නිශ්චිත තොරතුරු අනාවරණය වී නැත. එය විලියම් කුමරු සහ කේට් මිඩ්ල්ටන් අතර පැවැති උත්සවය මෙන් මහා පරිමාණයෙන් පැවැත්වෙන්නක් වේවිද, නැතහොත් එතරම් විශාල නොවන උත්සවයක් වේවිද යන්න ගැනද කිසිවක් සඳහන්ව නැත. ඔවුන් දෙදෙනාගේ විවාහයෙන් පසු හැරී-මෙගාන් යුවළ රජ පවුලට අයත් කෙන්සින්ටන් මාලිගය පිහිටි භූමියේම පිහිටා ඇති නොටිංග්හැම් කොටේජ් (Nottingham Cottage)  නමින් හැඳින්වෙන මන්දිරයේ වාසය කරනු ඇත. විලියම් සහ කේට් දෙදෙනා මේ වනවිට කෙන්සින්ටන් මාලිගයේ වාසය කරන අතර දැනටත් හැරී කුමරුගේ වාසස්ථානය වන්නේ ඉහත කී නොටිංග්හැම් මන්දිරයයි. විලියම්-කේට් දෙදෙනාද කලක් මෙම මන්දිරයේ වාසය කර තිබේ. එය නිදන කාමර දෙකකින් පමණක් සමන්විත තරමක් කුඩා මන්දිරයකි. නිදන කාමරවලට අමතරව තවත් කාමර කිහිපයක්ද, අලංකාර ගෙවත්තක්ද එයට අයත් බව සඳහන් වේ.
හැරී සහ මෙගාන් දෙදෙනා විවාහ ගිවිස ගැනීම ප්‍රසිද්ධියට පත් කළේ පසුගිය සඳුදා (27) වුවද එම ගිවිස ගැනීම සිදුව ඇත්තේ මේ මාසයේ මුල් දිනවල බවද අනාවරණය වෙයි. මහ රැජින, චාල්ස් කුමරු, විලියම් සහ කේට් යුවළ ඇතුළු රජ පවු‍ලේ සාමාජික සාමාජිකාවන් මෙන්ම මෙගාන්ගේ මවුපියන් ද මේ සම්බන්ධයෙන් මහත් සතුටට පත්ව සිටින බව මාධ්‍ය වාර්තා කර තිබිණි. බ්‍රිතාන්‍ය අගමැතිනි තෙරේසා මේ ද, විපක්ෂ නායක ජෙරමි කෝබින් ද හැරී-මෙගාන් යුවළට සුබ පතමින් නිවේදන නිකුත් කර ඇත. 
 
කිත්සිරි මල්වත්ත

ඇමෙරිකා එක්සත් ජනපදයේ ලාස්වේගාස් හිදී පසුගියදා (26) පැවැති 2017 විශ්ව රූ රැජින (Miss Universe) තරගයේ අවසන් තරගකාරිනියන් 16 දෙනා අතරට තේරී පත්වීමට ශ්‍රී ලංකාව නියෝජනය කරමින් තරග වැදුණු ක්‍රිස්ටිනා පීරිස්  සමත්වී තිබේ. 
1955 වසරෙන් පසු විශ්ව රූ රැජින තරගයක අර්ධ අවසාන පුර්ව වටය දක්වා ශ්‍රී  ලංකේය තරගකාරිනියන් පැමිණි පළමු අවස්ථාව මෙය වීම විශේෂත්වයකි. 1955 වසරේදී ශ්‍රී  ලංකාව නියෝජනය කරමින් විශ්ව රූ රැජින තරගාවලියට සහභාගි වූ මොරින් හින්ගර්ට් එහි තෙවනි ස්ථානය දිනාගැනීමට සමත්වූවාය. රත්මලාන ප්‍රදේශයේ උපත ලබා බම්බලපිටියේ හෝලි ෆැමිලි විදුහලෙන් 9 වැනි ශ්‍රේණිය දක්වා අධ්‍යාපනය ලබා ඇති ක්‍රිස්ටිනා ඉන් අනතුරුව සිය පවු‍ලේ සාමාජිකන් සමග අබුඩාබිහි පදිංචියට ගොස් තිබේ. ඇය මේ වන විට 23 වන වියේ පසුවන්නීය. මෙවර පැවති 66 වැනි විශ්ව රූ රැජින තරගාවලියේ කිරුළ දකුණු අප්‍රිකාවේ ඩබේලෙග් නෙල් පීටර්සන්ට හිමිවිය.

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 2010

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 1100

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 5114

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2943

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 5027

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 6254

Please publish modules in offcanvas position.