Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

දැන් සුරාජ්ගේ අලුත්ම වාහනේ කුණු ට්‍රැක්ටරයලු නේද? 
ජාතික රූපවාහිනියෙන් විකාශය වන “චුට්ටේ” ටෙලි නාට්‍යයේ චුට්ටේ කියන චරිතය නිසා තමයි මට කුණු ට්‍රැක්ටරයක් ලැබුණේ. මේ චරිතය හරහා කුණු ට්‍රැක්ටරයක වැඩ කරන මිනිහෙකුගේ අත්දැකීම කොයි තරම් දුෂ්කරද කියන එකත් මට දැන ගන්න ලැබුණා. ඇත්තටම මේ චරිතය මගේ රංගන ජීවිතය තුළ ලැබුණු විශාලතම අභියෝගය විදියටත් හඳුන්වන්න පුළුවන්. 
 
ඔය කියන “අභියෝගය” ඔබ මොන විදියටද ජය ගත්තේ? 
ට්‍රැක්ටරේ පදවගෙන යන එක මට ගොඩක් අමාරු වුණා. වාහනේ අතට හුරු කරගන්නත් ලොකු කාලයක් වැය කරන්න 
වුණා. මට මේ ටෙලි නාට්‍ය සඳහා අධ්‍යක්ෂවරයාගෙන් ඇරයුම් ලැබෙන කොටත් ඇහුවේ සුරාජ් කුණු ට්‍රැක්ටරයක ඩ්‍රයිවර් කෙනෙක් වෙන්න කැමතිද කියලයි. හැබැයි බාර දුන් චරිතෙ මේ තරම් අභියෝගයක් වෙයි කියලා නම් එදා හිතුණේ නැහැ. 
 
එතකොට “චුට්ටේ” නිසා සුරාජ්ට කපුටෝ කොටන්න ආපු කතාව මොකක්ද? 
ඒක නම් මාරම අත්දැකීමක්. මොරටුව ටවුන් එකේ රූගත කිරීම්වලට යනකොට මැරිච්ච කපුටෙක්ව කුණු ට්‍රැක්ටරේට දාගන්න දර්ශනයක් තිබ්බා. මම ඉතින් කපුටාව අරගෙන කුණු ට්‍රැක්ටරේට දාගන්න යනකොට කපුටෝ රංචුවක් ඇවිත් මාව වට කරගත්තා. 
ඒ විතරක් නම් මදෑ. උන් ටික එකතු වෙලා මට පන්න පන්න කොටන්නත් ගත්තා. හරියට උන්ගේ රෑනේ් එකෙක්ව මම මරා දැම්මා වගේ. 
 
හාර කෝටියේ නැ‍පෝලියන්, චුට්ටේ වගේ වෙනස් විදිහේ චරිතවලටම දැන් සුරාජ්ට ආරාධනා ලැබෙන්නේ පෙම්වතාට දැන් සුරාජ් හරියන්නේ නැති නිසාද? 
කවුද කිව්වේ මම දැන් පෙම්වතාට හරියන්නේ නැහැ කියලා. මට තවමත් පෙම්වතාගේ චරිතේ හොඳට කරන්න පුළුවන්. ඒත් මම අහිංසක පෙම්වතාගේ චරිතෙන් මිදෙන්න ලැබුණ එකම ලොකු දෙයක්. මේ වගේ වෙනස් විදිහේ චරිත වලින්ද සුරාජ්ට අලුත් දේවල් කරන්න පුළුවන් කියන එක දැන් මගේ ආදරණීය ප්‍රේක්ෂකයන්ට දැනගන්න ලැබුණානේ. 
 
මේ වෙනකොට සිනමා සහ ටෙලි නාට්‍ය ක්ෂේත්‍රයේ ඔබට තිබෙන ඉල්ලුම මොන වගේද? 
මට චරිත දෙන්න කියාගෙන මම අධ්‍යක්ෂවරු පස්සෙන් යන්නේ නැහැ. අනිත් එක මට චරිත නොදුන්නත් මට කිසි කෙනෙක් එක්ක අමනාපයක්, තරහක් නැහැ. ඒත් මට චරිත ලැබෙන්න ඕන වේලාවේදී ලැබිලා තියෙනවා. 
 
ඔබ හිතනවාද ඔබ එදා තරමටම ජනප්‍රියයි කියලා? 
මං අදටත් මිනිසුන්ගේ හදවතේ ඉන්න බව නම් මම දන්නවා. අනිත් එක ඉර්ඉ දාගෙන වසරේ ජනප්‍රියම නළුවා වෙන්න මට වුවමනා නැහැ. ජනප්‍රියත්වය කියන්නේ දවසින් දවස වෙනස් වෙන දෙයක්. ටික කලක් යනකොට ජනප්‍රියත්වය දිරන්නත් පුළුවන්. නාස්ති වෙන්නත් පුළුවන්. ඒත් හදවතේ ජනප්‍රිය නළුවා කියන එක සදහටම පවතින දෙයක්.
 
ඔබ එක්තරා රූපවාහිනී නාළිකාවක සුපිරි නර්තන කිරුළ තෝරන විනිශ්චය මණ්ඩලයක සිටියා. නමුත් එක්වරම ඔබ එයින් ඉවත් වුණා. ඒ ඇයි? 
මට ජජ් බෝඩ් එකට ආරාධනා කරන කොටම කිව්වා මට දිගුකාලීනව නම් ඉන්න බැහැ කියලා. මං ආස නැහැ පුංචි ළමයි විනිශ්චය කරලා එයාලව රිද්දන්න. ඉතින් මම වට දෙකකට විතරයි හිටියේ. මම නළුවෙක්නේ. මම කැමති මගේ රංගනයට මුල්තැන දෙන්න. 
 
සුරාජ් වසර ගණනාවක් තිස්සේම පෙම්වතාගේ චරිතේ රඟපෑවනේ. ඔය රඟපෑම සැබෑවක් වන දවස පේන තෙක් මානයේ නැද්ද? 
විවාහ වෙන්න තවම නම් මට කිසිම හදිස්සියක් නැහැ. ඒත් හැමෝම අහනවා සුරාජ්ට පෙම්වතියක් ඉන්නවානේ. ඇය ගැන කියන්න කියලා. සමහරු කියනවා මං යාළුවෙලා ඉන්නෙත් ජනප්‍රිය නිළියක් එක්ක කියලා. ඔව්. මට පෙම්වතියක් ඉන්නවා. ඒත් ඇය ජනප්‍රිය නිළියක් නම් නමෛයි. අපි ආදරේ කරනවා. ආදරේ විඳිනවා. ඒත් විවාහ වෙන දවස ගැන විතරක් තවම හිතලා නැහැ. 
 
සමන්මලී නැලිගම

සුන්දර රුවකින් විලාසිකා ලෝකයේ ඔටුනු කිහිපයක්ම දැරූ ඈ මේ වනවිට දේදුන්නයි ආකාසේ චිත්‍රපටියේ ප්‍රධාන නිළියක ලෙස ප්‍රේක්ෂකයන්ගේ ආදරයද දිනාගෙන සිටියි. සිය පළමු චිත්‍රපටියෙන් ජනතාව අතරට ගිය තමන්ට ලැබෙන ප්‍රතිචාර ගැන මෙන්ම සිය රංගන දිවිය ගැනද තොරතුරු කියන්නට චුලක්ෂි මෙලෙස සංවාදයට එක් වූවාය.
 
දේදුනු ආකාසේ චිත්‍රපටයේ රඟපෑම වෙනුවෙන් ඔබට මේ දිනවල ලැබෙන ප්‍රතිචාර මොන වගේද?
 “දේදුනු ආකාසේ” කියන්නේ මගේ පළමුවෙනි චිත්‍රපටය. ගොඩාක් හොඳ ප්‍රතිචාර ඒ වෙනුවෙන් මට ලැබෙනවා. රංගනයේදී තවත් හදාගන්න ඕනෑ තැනුත් සමහරු පෙන්වලා දෙනවා. මගේ කුළුදුල් චිත්‍රපටිය නිසා මට ඒක ටිකක් අභියෝගාත්මක වුණා. හැබැයි හේමාල් ඇතුළු කණ්ඩායමෙන් ලොකු සහයෝගයක් ලැබුණු නිසා එහි රඟපෑම විශාල අපහසුතාවයක් වූයේ නැහැ.
 
එහිදී ඔබ නිරූපණය කරන චරිතය ගැන කතා කළොත්?
එහි මම රඟපාන්නේ විහඟි කියන චරිතය. ආදරය ජීවිතය කරගත් යුවතියක් තමයි විහඟි කියන්නේ. චිත්‍රපටය නරඹපු අයට දැන් විහඟිව හොඳට හුරුපුරුදු ඇති.
 
අද වනවිට ඔබේ  වෘත්තිය රංගනයද? මෝස්තර නිරූපණයද?
රංගනය සහ නිරූපණය කියන දෙකම දැන් මම කරනවා. මගේ වෘත්තිය රංගනය හෝ නිරූපණය කියලා එකකට විතරක් මම සීමා හදාගෙන නැහැ.
 
අද බොහෝ නිරූපිකාවන් රංගන ශිල්පීන් බවට පත් වෙනවා. නමුත් ඒ අතරින් බොහෝ දෙනා කලා ක්ෂේත්‍රයේ රැඳෙන්නේ ටික කාලයයි නේද?
ඒක තීරණය වෙන්නේ තමන් ගන්නා තීරණ අනුවයි. නිරූපිකාවට රංගනයට එන්න පුළුවන්. ඒ වගේම ටික කාලෙකින් මට ඇති කියලා ඉවත් වෙන්නත් පුළුවන්. ඒක තීරණය වෙන්නේ තමන්ට තිබෙන ආශාව වගේම කැපවීම මතයි කියලයි මට හිතෙන්නේ.
 
සිනමාවට පාතැබුවා වගේ පුංචි තිරයේ රංගනයට එකතු වෙන්නත් කැමැත්තක් නැද්ද?
ටෙලි නාට්‍යවල රඟපාන්න නම් මගේ වැඩි කැමැත්තක් නැහැ. මම චිත්‍රපට නිළියක් විදිහට ක්ෂේත්‍රයේ රැඳෙන්න කැමැති. ඒත් එක දිගටම ‍නෙවෙයි. මට ගැළපෙන දේ විතරක් තෝරාගෙන ඉදිරියට යන්නයි හිතාගෙන ඉන්නේ.
 
නිළියක් වුණාම විවිධ කටකතාවලටත් මුහුණ දෙන්න වෙනවා නේද?
ගොසිප් ඉතිං ප්‍රසිද්ධ වෙන්නත් හැදෙනවානේ. මම නම් හිතන්නේ ගොසිප් කියන්නේ කාලය නාස්ති කිරීමක්. මට නම් ඒවා ගැන හිතලා නාස්ති කරන්න තරම් කාලයක් නැහැ.   
 
චුලක්ෂිගේ ඉදිරි වැඩ කටයුතු ගැනත් මතක් කරමුද?
දැනට වැඩ ඉවර කරපු නව චිත්‍රපටයක් තිරගත වීමට නියමිතව තිබෙනවා. ඒ වගේම ව්‍යාපාරයක් ආරම්භ කරන්නත් බලා‍පොරොත්තුවක් මගේ හිතේ තියෙනවා.
 
සමන්මලී නැලිගම

බාල වයස් කාරියන් ලිංගික අපයෝජනයට ලක් කොට සිර දඬුවම් විඳින පිරිමින් ගේ ගණන දිනෙන් දින ඉහළ නඟින බව නොරහසකි. එහෙත් පහළොස් හැවිරිදි පිරිමි දරුවෙකු ලිංගික අපයෝජනයට ලක් කළ ඔහුගේ සුළු මවක පසුගිය දා විසි එක් වසරක සිර දඬුවමකට ලක් වූවාය.

එම සිද්ධිය වාර්තා වනුයේ අනුරාධපුර මහාධිකරණයෙනි. 2007 වසරේ ජූලි මස 10 වෙනි දින සිට 2008 ජූනි 31 වෙනිදා දක්වා වසරකට ආසන්න කාලයක් තුළ අනුරාධපුර මහාධිකරණ බලප්‍රදේශයට අයත් මරදන්කඩවල ප්‍රදේශයේ දී මෙම විත්තිකාරිය පහළොස් හැවිරිදි ඥාති පුත්‍රයෙකු මෙලෙස වරින් වර ලිංගික අපයෝජනයට ලක් කොට ඇත.

මෙම වරද සම්බන්ධයෙන් විත්තිකාරිය චෝදනා තුනකට වරද කාරිය බව නිගමනය කළ අනුරාධපුර මහාධිකරණ විනිසුරු මහේෂ් වීරමන් මහතා ඇයට විසි එක් වසරක බරපතල වැඩ සහිත සිර දඬුවමක් නියමකොට එය වසර හතකින් ගෙවී යාමට කටයුතු සැලසීය.

ඊට අමතරව ඇය වෙත එල්ල වූ එක් අධිචෝදනාවකට රුපියල් 500/- බැගින් දඬ නියම කළ විනිසුරුවරයා එම මුදල නොගෙවන්නේ නම් මාස 03 බැගින් වන සිරදඬුවම් ද නියම කරන ලදී.

ලෝක නිර්නායක අනුව ළමා ලිංගික අපයෝජනය ජලයේ පාවෙන අයිස් කුට්ටියකට උපමා කෙරේ. ඊ‍ට හේතුව එහි සැබෑ පරිමාව බාහිර සමාජය හමුවේ අනාවරණය නොවීමය. බොහෝ විට එසේ අපයෝජනයට ලක් වන දරුවා තමන් හට දරාගත නොහැකි එම කායික මානසික පීඩනය ලෝකය හමුවේ අනාවරණය නොකිරීම ඊට හේතුවය. ළමා ලිංගික අපයෝජනය පිළිබඳ ලෝක අවධානය යොමුවීමට එයද හේතුවකි.

එමෙන්ම ලිංගික අපයෝජන හේතුවෙන් බොහෝ විට දැරියන්ට ආරක්ෂාව ලබා දෙන අපගේ සමාජය පිරිමි දරුවන් අපයෝජනයට ලක් වීම පිළිබඳ සැලකිළිමත් වනුයේ මඳ වශයෙනි. එයිනුදු පිරිමි දරුවන් හට වැඩිහිටි පිරිමින්ගෙන් එල්ල වන ලිංගික අපයෝජනයන් පිළිබඳ තරමක සමාජ කතිකාවක් ඇතත් කුඩා පිරිමි දරුවන් හට වැඩිහිටි කාන්තාවන් වෙතින් සිදුවන ලිංගික අපයෝජනයන් පිළිබඳ විවෘත කතිකාවක් මේ දක්වාම ගොඩනැගී නැත.

එහෙත් ලිංගික සම්ප්‍රේෂණ රෝග පිළිබඳ සායනයන් වෙත කැඳවාගෙන එනු ලබන කුඩා පිරිමි දරුවන් ගේ සංඛ්‍යාව යම් මට්ටමක හෝ පැවැතීම ආදී හේතු මුල් කොට ඒ පිළිබඳව කරනු ලැබූ සමාජ සමීක්ෂණ වලින් බොහෝ විට හෙලිවී ඇත්තේ වැඩිහිටියන් නොමැති නිවෙස් වල සේවය කරන ගෘහ සේවිකාවන් විසින් එම නිවෙස් වල කුඩා දරුවන් අපයෝජනයට ලක් වීමේ යම් සම්භාවිතාවක් ඇති බවය. එමෙන්ම වැඩිහිටි කාන්තාවන්ගේ රැකවරණයට පත් කරනු ලබන කුඩා ‍පිරිමි දරුවන්ද මෙලෙස ලිංගික අපයෝජනයන්ට ලක් වූ අවස්ථා වරින් වර වාර්තා වී තිබේ. එමෙන්ම ගුරුවරියන් විසින් බාල වයස්කාර සිසුන් අපයෝජනයට ලක් කළ සිදුවීම් එම ගුරුදෙගුරුන්ට පමණක් සීමා වූ රහස් බවට පත්වූ අවස්ථා එමටය. ඊට හේතුව එමඟින් එම විද්‍යාල වල ගෞරවයත් පොදුවේ ගුරු ගෞරවයත් නැසෙන බැවිනි. ඒ අනුව  අධිකරණය හමුවේ එවැනි නඩු ගොනු වූ අවස්ථා අතිශයින් දුලබය.

කාන්තාවන් විසින් පිරිමි දරුවන් අපයෝජනයට ලක් නොකරන බව බොහෝ දෙනෙකු පිළිනොගනුයේ ලිංගිකත්වයෙහි ලා ක්‍රියාකාරී සහකරුගේ භූමිකාව (Active Partner)  පිරිමියා විසින් ඉටුකරන බවට සමාජය පුරා පවත්නා පොදු විස්වාසයයි. එහෙත් පෞරුෂ, පවුල් බිඳවැටීමට ලක් වූ සහ ඉච්ඡාභංගත්වයට පත් කාන්තාවන් සහ යම් යම් මානසික අර්බුද සහ මානසික රෝග වලින් පෙලෙන කාන්තාවන් මෙලෙස කුඩා දරුවන් අපයෝජනයට ලක් කර ගන්නා බව මනෝ විද්‍යාඥයන් සහ සමාජවිද්‍යාඥයෝ පෙන්වා දෙති.

අප රටේ පවත්නා නීතිය අනුව 1995 අංක 22 දරණ දණ්ඩ නීති සංශෝධන පනතේ 360 අ - ආ වගන්ති අනුව ලිංගික අපයෝජනය කරන පුරුෂයන්ට සේම කාන්තාවන්ට එරෙහිව ද නඩු පැවරීමේ බලය තිබේ.

ඒ අනුව ඉහත සඳහන් නඩු තීන්දුව අප සමාජයේ මෙතෙක් සැඟව ගත් අප්‍රකට අමිහිරි රහසක් ප්‍රකට කරවන්නක් වන අතර එය කු‍ඩා පිරිමි දරුවන් සිටින මාපියන්ගේ ඇස් ඇරවීම පිණිස හේතු වනු නොඅනුමානය.

දමයන්ති ගමගේ

කාන්තා යට ඇඳුම් වලට රසායනික ද්‍රව්‍ය  ඉසීමෙන් හෝ  තනපට (බ්‍රසියර්) වල ජෙල් වර්ග තැවරීමෙන් හෝ ආහාර වලට සහ කිරි වලට රසායනික ද්‍රව්‍ය මුසු කිරීමෙන් හෝ කාන්තාවන් 'වඳ' හෙවත් නිසරු භාවයට පත් කළ නොහැකි යැයි විශේෂඥ ප්‍රජා වෛද්‍ය ආරියසේන යූ ගමගේ මහතා පවසා සිටී.

නමුදු සමහර කෘෂි රසායනික සහ ඖෂධ වර්ග කාලාන්තරයක් ගැනීමෙන් නිසරු භාවය ඇති විය හැකි අතර පිළිකා රෝගීන් සඳහා දෙන 'කීමෝ තෙරපි සහ රේඩියෝ තෙරපි' වැනි චිකිත්සක ක්‍රම මඟින් පිරිමින් තුළ වඳ භාවය ඇතිවිය හැකි යැයි අනුමානයෙන් ඔවුන්ගේ ශුක්‍රාණු ඉවත්කර ගැනුණු බව පැවසීය.

ඒ අනුව ආහාර මඟින් වඳ බාවය ඇති කළ නොහැකි බවක් නොපැවසෙන අතර කාන්තාවන් සඳහා වූ ගිලින පෙති, නික්ෂේපන ආදියෙන් ඔවුන් තුළ තාවකාලික නිසරු භාවය ඇති කළ හැකි අතර පවුල් සංවිධාන ක්‍රම වශයෙන් ඒවා රජය මඟින් සහ ලෝක සෞඛ්‍ය සංවිධානය මඟින්ද ලබා දෙන බව පැවසීය.

 

වීඩියෝව මෙතනින්-:

එස්.ටී.පි.සිල්වා

නියෝජ්‍ය අමාත්‍ය රන්ජන් රාමනායක මහතා දිවුලපිටිය එක්සත් ජාතික පක්‍ෂ ආසන සංවිධායක ධුරයෙන් ඉවත් කොට ඇත. ‍

මේ ඒ සම්බන්ධයෙන් ඔහු සමඟ ලක්බිම ඔන්ලයින් කළ විශේෂ කතා බහකි.

  • දිවුලපිටිය සංවිධායක කමින් ඔබ ඉවත් කරන බව කලින්ම දැන සිටියා නේද?

ඔව්; පක්‍ෂ ලේකම් කබීර් හෂීම් මැතිතුමා මාව ඒ සම්බන්ධයෙන් සුහදශීලීව දැනුවත් කළා.

  • ඔබට ඔය විරෝධය ආවේ දිවුලපිටියේ ප්‍රාදේශීය දේශපාලඥයන් ගෙන් නේද?

අපේ ප්‍රාදේශීය දේශපාලනයත් නැවත ප්‍රතිසංවිධානය විය යුතු මට්ටමට ජරාජීරණ වී තිබෙනවා. පසුගිය රජය කාලයේ ඇතිවූ ඒ ඛේදනීය තත්ත්වය අනාගතයේ දී අවම කිරීමට එජාපය කටයුතු යොදාවි.

  • නමුත් එජාපය ඔබට තනතුරක් අහිමි කළා නේද?

මා දේශපාලනමය වශයෙන් තනතුරක් නැති කාලෙත් ජනතා සේවයට උපරිමයෙන් කැපවුණු කෙනෙක්. විදේශ සේවයේ යෙදෙන ශ්‍රී ලාංකීය කාන්තා ඛෙදවාචකය හඳුනාගෙන එය පිටුදැකීම සඳහා උපරිම ලෙස මම කැපවුණේ දේශපාලන බලයක් අතේ තබාගෙන නොවේ. ඒ බලය තවමත් මා සතුයි.

  • ඔබට මේ තනතුරු අහිමිවීම දේශපාලනමය කැපිල්ලක් ලු නේද?

පවුල් බලයක් ,ධන බෙලයක්, මැරබලයක් ආදී කිසිවක් නැතිව රන්ජන් රාමනායක චරිතය අද මේ තත්ත්වයට ඇවිත් තිබෙන්නෙත් ඔය කියන දාහකුත් එකක් කැපිලි කෙටිලි මැදයි. ඒ නිසා ඇතැම් අය කියන හෝඩුවාවල් පසුපස ලුහුබඳින්න මං සූදානම් නෑ. අනික පක්ෂනායක රනිල් වික්‍රමසිංහ මහතා වංචාවෙන් දූෂණයෙන් තොර දූර්දර්ශී නායකයෙක් එනිසා එතුමාගෙන් මට අගතියක් සිදුවෙතැයි මා සිතන්නේ නැහැ.

  • ඔබ ජනතාවට සිදුවන අසාධාරණය ගැන සෘජුව හඬ නගන්නෙක්; විශේෂයෙන් පසුගිය කාලයේ අපේ රටේ පරිසර සංහාරය පිළිබඳව ඔබ ප්‍රසිද්ධියේම හඬ නැඟුවා; ඔබේ ඒ ක්‍රියාව සහ මේ තනතුර අහිමිවීම අතර කුමක් හෝ සම්බන්ධයක් තිබිය නොහැකිද?

මගේ ඒ ක්‍රියාවලිය ජනාධිපතිතුමාගේ පවා පැසසුමට ලක් වුණා. නමුත් මා දිවුලපිටිය සංවිධායක කමින් ඉවත් කිරීම ගැන කුමන්ත්‍රණයක්, කැපිල්ලක් වගේ වචන පාවිච්චි කරන්න මම කැමති නැහැ. මේක පක්‍ෂ නායකත්වය ගත් තීරණයක්. මා ඒ තීරණය හිසනමා පිළිගන්නවා.

  • පක්‍ෂය ඔබ ආසන සංවිධායක කමින් ඉවත් කිරීමට හේතු දක්වා තිබෙනවා ද?

ආසන්න හේතු ‍කිහිපයක් තිබෙනවා. නමුත් ඒවා මගේ පෞරුෂය පිළිබඳ කාරණා මිස මගේ දුබලතාවයන් නොවේ. අනික ඒක පක්‍ෂයේ නායකත්වය ගත් තීරණයක්.

  • දිවුලපිටිය ආසන සංවිධායක කමින් ඉවත්කිරීම ගැන ඔබ ඉන්නේ කලකිරීමකින්ද?

නැහැ; කිසිසේත්ම නැහැ.

  • ඒකට හේතුව මොකක්ද?

මම දේශපාලනයට ආවේ රජ පවුලකට සේවය කිරීමකටවත්, තවත් ප්‍රභූන්ට ගැතිකම් කිරීමටවත්, දේශපාලනය මුවාවෙන් සිදුකෙරෙන හොර, මැර, වංචා වලට ආවැඩීමටවත්, වෙනකාටවත් කඩේ යාමටවත් නොවේ. මුළු හදවතින්ම මගේ උපරිම කැපවීමෙන් ජනතාවට සේවයක් කිරීමටයි. එතැනදී ආසන සංවිධායක කම කෙසේ වෙතත් නියෝජ්‍ය ඇමති කම හෝ පාරිලිමේන්තු මන්ත්‍රීකම අහිමි වුණත් 'රන්ජන් රාමනායක කම' මා සතුව තියෙන තුරු ඒ ශක්තිය, ධෛර්ය මට තියෙනවා.

  • ඔබ මෛත්‍රීපාල සිරිසේන ජනාධිපති තුමා හමුවේ 'කුටු කුටු' ගානවා කියා සමහරු කියනවා ඇයි ඒ?

ඒ වගේ ශ්‍රේෂ්ඨ නායකයෙක් ඉදිරියේ හයියෙන් කෑ ගහන්න හොඳ නෑනෙ; ඒකයි.

  • ඔබ ජනාධිපතිවරයා හමුවේ එජාපය විවේචනය කරන බවත් සමහරු කියනවා.

රන්ජන් රාමනායකට 'කුටු කුටු' ගාමින් එජාපය විවේචනය කරන්න ඕනෑ නැහැ. ආණ්ඩුවේ හිටියත්, විපක්ෂයේ හිටියත්, හොරා හොරා මයි කියා මා පසුගිය කාලයේ මාධ්‍ය මඟින් මහ හඬ දී කියා තිබෙනවා. බැඳුම්කර සිද්ධිය ප්‍රසිද්ධියේම විවේචනය කොට තිබෙනවා. ඉතින් මොකටද මං 'කුටු කුටු' ගාන්නෙ. ඕවා නිකන් බොරු ජෝක් කතා නෙ.

  • මෛත්‍රීපාල සිරිසේන මහතා ඔබට ශ්‍රීලනිපයට පැමිණෙන ලෙස රහසින් ඇරයුම් කළා ද?

ඒවැන්නක් ඔබ දැනසිටියාට; මා තබා එතුමාවත් එවැන්නක් තවම දන්නේ නැහැ.

  • ඔබ එජාපයේ දිවුලපිටිය සංවිධායක කමකින් ඉවත් කිරීම ඔබේ දේශපාලන පසුබැස්මක් නේද?

කිසිසේත්ම නැහැ.

  • ඔබ එසේ කියන්නේ ඇයි?

මම ජනතාව අතරට පැමිණියේ කලා කාරයෙක් හැටියටයි. ඊට අමතරව දැන් දේශපාලන භූමිකාවකත් නියැලී සිටිනවා. ඒ අනුව මගේ දේශපාලන හාම්පුතුන් සහ මුර දේවතාවුන් මහජනතාව යැයි කියන ස්ථාවරය මං කවදාවත් වෙනස් කරන්නේ නැහැ. මහජනතාවගේ සකලවිධ මනාපයන් නොලැබුණා නම් අද ඔබ මේ කතා කරන අන්දමේ රන්ජන් රාමනායක කෙනෙක් නැහැ.

  • ඒ කියන්නේ ඔබ කාගෙවත් දේශපාලන ගැත්තෙක් නෙවෙයි?

පසුගිය මහින්ද රාජපක්ෂ රජය තුළ ඒ පවුලට යටත් දේශපාලන ගැත්තන් බිහිවුණා. දේශපාලන නිලතල නොතකා ඒ පවුලේ ඇත්තන්ගේ යටත් වැසියන් බවට පත්වීමට සාමාන්‍ය ජනතාවට වගේම දේශපාලඥයන්ටත් සිදුවුණා. නමුත් අද මේ එළැඹි ඇත්තේ ඊට ඉඳුරාම වෙනස් ප්‍රජාතන්ත්‍රීය නව යුගයක්. මා ඉතා පැහැදිළිවම කියනවා ජනාධිපතිතුමාත්, අගමැතිතුමාත් පවුල් වාදය, රදළ වාදය මුළුමනින් බැහැර කළ  නවීන දේශපාලන මතිමතාන්තර වලින් යුත් අදට වගේම හෙටටත් ගැලපෙන නායකයන් දෙදෙනෙක් කියා.

  • එතකොට ඔබේ දේශපාලන හෙට දවස?

අනේ සමාවෙන්න මට සාස්තර කීමේ හැකියාවක් නම් නැහැ. අනෙක මම දේවාල, සාස්තර පසුපස දුවන්නෙත් නැහැ. ඒ වගේම අර 'සුමනෙ' වගේ කෙනෙක්ගෙන් සාස්තර ඇහුවොත් අර තියෙන 'මොකක්ද එකත්' ඇහිරෙනවනේ. මතක නැද්ද පහුගිය කාලේ සිද්ධවෙච්ච දේවල්.

 

තිලක් සේනාසිංහ

 

 

SISUVIYAපාසල් යන බව පවසා නිවසින් පිටවී පෙම්වතාගේ නිවසට පැමිණ අඹුසැමි ඇසුරක් පවත්වමින් සිටි අනුරාධපුර නගරයේ ප්‍රධාන පෙළේ් පාසලක උසස් පෙළ සිසුවියක් ඇගේ තරුණ පෙම්වතා හා පෙම්වතාගේ මව අනුරාධපුර මූලස්ථාන ‍පොලීසියේ ‍පොලිස් හදිසි ඇමතුම් ඒකකයේ නිලධාරීන් විසින් 26දා උදෑසන ‍පොලිස් භාරයට ගනු ලැබූහ.
උසස් පෙළ අධ්‍යාපනය ලබන 18 හැවිරිදි සිසුවිය තරුණයා සමග කලක සිට පෙම් සබඳතාවක් පවත්වා ඇති බවත්, 26 වැනිදා පාසල් එන බව පවසා ඇය අනුරාධපුරයට පැමිණි අවස්ථාවේ පෙම්වතා ඇය ත්‍රිරෝද රථයකින් නිවසට රැගෙනවිත් තිබෙන බවත් ‍පොලීසිය පැවැසුවේය.
පුත්‍රයා තරුණ සිසුවිය නිවසට රැගෙන ආ අවස්ථාවේ ඔහුගේ මව ඔවුන් දෙදෙනාට රිසිසේ නිවසේ සිටීමට ඉඩහැර නිවසින් පිටවී ගොස් ඇති අතර ‍පොලීසිය පැමිණෙන අවස්ථාවේ ඔවුන් අඹු සැමියන් ලෙස හැසිරී ඇති බව ‍පොලීසිය අනාවරණය කරගෙන තිබුණි. සිසුවියගේ පාසල් ඇඳුමේ ටයි පටිය හා ‍පොත් බෑගය ‍පොලීසියට පෙම්වතාගේ නිවසේ තිබියදී හමු වී ඇත.
සිසුවිය පෙම්වතා හා ඔහුගේ  මව අනුරාධපුර මූලස්ථාන ‍පොලීසියේ ළමා හා කාන්තා කාර්යාංශයට වැඩිදුර
පරීක්ෂණ සඳහා බාර දී තිබූ අතර සිසුවියන්ගේ දෙමාපියන් ‍පොලීසියට කැඳවීමට එහි ස්ථානාධිපතිවරිය කටයුතු
කර තිබුණි. 

අනුරාධපුර - බුද්ධික මහේෂ් විජේසූරිය

IMAGE

රැඳවියකු බැලීමට ආ රූමතියට නියාමකගෙන් 'යෝජනාවක්'

IMAGE 2018 Jan 18 10:53
අනුරාධපුර බන්ධනාගාරයේ රක්ෂිත බන්ධනාගාර ගත කර සිටින සිය ඥාතියකු බැලීමට සහෝදරියක සමග ගිය...
Views - 4681

අයිවෝ ඩෙනිස් රෝහ‍ලේ

IMAGE 2018 Jan 17 10:59
මෙරට බිහි වූ විශිෂ්ටතම සංගීතඥයකු වූ සුනිල් ශාන්තයන්ගේ ගීත උරුමය ඉදිරි පරපුර වෙත රැගෙන ආ...
Views - 3351

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 4822

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 5441

අන්තර්ජාල ඡායාරූපයේ සත්‍ය කතාව උදාරි හෙළි කරයි

IMAGE 2018 Jan 15 12:15
ප්‍රවේගය සිනමා පටයෙන් බොහෝ දෙනාගේ ආදරය දිනාගත් උදාරි පෙරේරාගේ තට්ට හිස සහිත ඡායාරූප පෙළක්...
Views - 6264

හොලිවුඩ් නිළියන්ටත් ලිංගික හිංසන

IMAGE 2018 Jan 15 11:49
වසර හැත්තෑ පහක කාලය තුළ අමුතුම ආකාරයේ ගෝල්ඩන් ග්ලෝබ් සම්මාන උළෙලක් පළමු වරට පසුගිය ඉරිදා...
Views - 3833

Please publish modules in offcanvas position.

X

Right Click

No right click