Coss Ear2
lakbima.lk
COSS Ear 1

මිහින්තලය යනු ශ්‍රී ලාංකීය බෞද්ධයන්ගේ මුදුන් මල් කඩක් බඳු අති පාරිභුද්ධ පුදබිමකි. එවන් පුද බිමක් තුළ දෙස් විදෙස් බැතිමතුන්ගේ ජීවිතවලට හානියක් සිදුවන ආකාරයේ දිරාගිය ගස් විශාල ප්‍රමාණයක් ඇතැයි කිව හොත් ඔබ පුදුම වනු නොඅනුමානය.  නමුදු එවන් ගස් කඩා වැටීමට පෙර ඉවත් කරන ලෙස වනජීවී සංරක්ෂණ දෙපාර්තමේන්තුවෙන් කොතෙකුත් ඉල්ලීම් කළත් අඩවි  ආරක්ෂක නිලධාරිගේ අත්තනෝමතික ක්‍රියා කලාපය නිසා එය වැළකී ගොස්  ඇතැයි මිහින්තලය රජමහා විහාර කාර්ය මණ්ඩලය කියයි.

වසර සිය ගණනක් පැරණි විවිධ වර්ගයේ අඩි 50-60ක උසින් යුක්ත වූ ගස් බොහොමයක් දිරාපත්වී කඩා වැටීමට ආසන්නව තිබෙන අතර දෙස් විදෙස් බැතිමතුන්ගේ හිස් මතට එම ගස්වල අතු පතිත වුවහොත් ඔවුන්ගේ ජීවිතවලට බරපතළ හානි සිදුවිය හැකි බව එහි ගිය අපට ද නිරීක්ෂණය කර ගැනීමට හැකිවිය.

දෙස් විදෙස් සංචාරකයන් දහස් ගණනක් පැමිණෙන මිහින්තලය පහළ මළුව,  ප්‍රභූ රථගාල, ‍ පොලිස් මුර ‍පොළ  කඳුපාමුල රථගාල,  කටුසෑය පිහිටි පූජා භූමිය, මිහින්තලය මැදමළුව, පහළ මළුව,  උඩමළුව ඇතුළු ස්ථාන රැසක මෙලෙස දිරාගිය ගස් තිබෙන අයුරු දක්නට ලැබුණි.

දිරාගිය ගස් මතට විශාල රිලවුන් වඳුරන් පනින අවස්ථාවලදී ඔවුන්ද සමඟ ගස් අතු කඩා වැටෙන බව කාර්ය මණ්ඩලය කියයි. දෙස් විදෙස් සංචාරකයන් පැමිණි පසු ඔවුන් දිරාගිය ගස් යටින් ඉවත් කිරීමට සේවකයන්ට විශාල වෙහෙසක් දැරීමට සිදුව තිබෙන බවද ඔවුහු පැවැසූහ.

‘වෙසක් ‍පොසොන් ඇතුළු විශේෂිත උත්සවවලදී දෙස් විදෙස් බැතිමතුන් දහස් ගණනින් එනවා. එතකොට අපිට පාලනය කරන්න බෑ. මොනවා හරි උනොත් කවුද වග කියන්නේ. අපිට තමයි දෝෂාරෝපණය එන්නේ. නමුත් අපිට ගස්වල අත්තක් හරි කැපුවොත් අපිට උසාවි  ගාණේ යන්න වෙනවා. මොකද මේක වනජීවි සංරක්ෂන දෙපාර්තමෙන්තුවට අයිති අභය භූමියක්. මිහින්තලය  නගරයේ තිබ්බ දිරපු ගස් කපලා ඉවත් කරන්න කියලා ‍පොසොන් කමිටු රැස්වීමේදී විවිධ පාර්ශ්ව ඉල්ලීම් කළා. ඒත් වගකිව යුතු අය අවධානය යොමු කළේ නෑ.

අන්තිමේදී සිවිල් ආරක්ෂක භටයකුට ජීවිතයෙන් වන්දි ගෙවන්නත් සිද්ධ වුණා. ගස් දිරලා ගියාට පස්සේ කපා ඉවත් කරන්න ඕන. උඩ මළුවට එන පඩිපෙළ දෙපස තියෙන අරලිය ගස් සියල්ල මුලින්ම දිරලා. ඒවා කොයි වෙ‍ලේ කඩන් වැටෙයිද දන්නේනෑ. නමුත් වනජීවී අඩවි අරක්ෂකට කිව්වම ඔහු නිහඬයි. විවිධ නිලධාරීන්ට ලියුම් යවනවා පෙත්සම් ගහනවා මේවා කපන්න දෙන්න එපා කියලා. අල්ලස් දුන්න නම් මේ සියලුම දේවල් කරගන්න පුළුවන්‘. විහාරස්ථ කාර්ය මණ්ඩය කියයි.

මේ සම්බන්ධයෙන් මිහින්තලා රජමහා විහාරාධිපති පූජ්‍ය වලවාහැංගුණවැවේ ධම්මරතන හිමියන්ගෙන් කළ විමසීමකදී උන්වහන්සේ මෙසේ පැවැසූහ.

ගස් විශාල ප්‍රමාණයක් දිරලා කඩා වැටෙන්න ඔන්න මෙන්න. වනජීවි ඇමැතිට දැන්වුවා. අධ්‍යක්ෂ ජනරාල්ට දැන්වූවා. වගේ වගක් නෑ. මේ පළාත භාර නිලධාරියාට අල්ලස් දෙන්න ඕන මේ දේවල් කර ගන්න. මම මේ වගකීමෙන් කියන්නේ.

දෙස් විදෙස් සංචාරකයකුට ගහක් කඩන් වැටිලා හානියක් වුණොත් වනජීවී නිලධාරියා වග කියන්න ඕන. දේපළකට හානි වුණොත් ඔහු වග කියන්න ඕන. මේක දිසාපතිවරයටත් කරන්න පුළුවන්. නමුත් එතුමා කිසිම වැඩකට නෑ. කියන දෙයක් ගණන් ගන්නෙම නෑ.

මෙම චෝදනාව සම්බන්ධයෙන් මිහින්තලය වනජීවී අඩවි ආරක්ෂක (01) පී. එම්. අනුර කුමාර පැනහැටි‍පොල මහතාගෙන් දුරකථනයෙන් විමසීමක් කළත් “මම නිවාඩුවේ ඉන්නේ ඕවට උත්තර දෙන්න ඕන රාජකාරී මට්ටමින් ‍ප්‍රෝසීඩියර් එකට අනුව නිවාඩුව ඉවර වුණාම කතා කරන්න”යනුවෙන් කියමින් දුරකථනය විසන්ධි කළේය.

මේ සම්බන්ධයෙන් අනුරාධපුර අඩවි වන නිලධාරී ලලිත් ගමගේ මහතාගෙන් කළ විමසීමකදී ඒ මහතා පැවැසුවේ එම භූමිය වනජීවි දෙපාර්තමේන්තුවට අයිති බවයි. එහෙත් බැතිමතුන්ට අවහිරයක් සිදුවන ගස් ඇත්නම් ඔවුන්ගේ ජීවිත ආරක්ෂාව උදෙසා දිසාපතිවරයාට දන්වා වුව ඊට අවැසි ක්‍රියා මාර්ග ගත හැකි බව ද ඔහු පැවසීය.

බුද්ධික මහේෂ් විජේසූරිය - අනුරාධපුර

ප්‍රවීණ චිත්‍රපට අධ්‍යක්ෂ ආචාර්ය සෝමරත්න දිසානායකගේ නවතම සිනමා නිර්මාණය වන Underpants Thief (ජංගි හොරා) පසුගියදා පැවැති දිල්ලි සිනමා උළෙ‍ලේ තරගකාරී අංශයේ හොඳම චිත්‍රපටය ලෙස සම්මානයට පාත්‍ර විය. වැඩිහිටියන්ට පමණක් සීමා වූ චිත්‍රපටයක් වන මෙය ඔහු මෙතෙක් නිර්මාණය කළ චිත්‍රපටවලින් වෙනස් මගක් ගන්නා සිනමා පටයක් ලෙස හැඳින්විය හැකිය.

ලෝකයේ විවිධ සිනමා සම්මාන උළෙලවල් තිබෙනවා. ඔබ සම්මාන ලැබූ දිල්ලි සිනමා උළෙල ස්ථානගත වෙන්නේ ඒ අතරින් කවර තැනකද?

ලෝකයේ තිබෙන සිනමා උළෙලවල් විශාල සංඛ්‍යාව අතරින් මොන සම්මාන උළෙල ලොකුද මොකක් ‍පොඩිද කියන එක හරියටම කියන්න බැහැ. නමුත් සාමාන්‍යයෙන් කාන්ස්, වැනීස් ආදි අන්තර්ජාතික සිනමා උළෙලවල් 10ක් සම්මතයක් විදිහට පිළිගන්නවා. මුල් පෙළේ සිනමා උළෙලවල් විදිහට එම සම්මාන උළෙල 10ට දිල්ලි සිනමා උළෙල අයත් වෙන්නේ නැහැ. නමුත් සමස්තයක් විදිහට ගත්තොත්, දිල්ලි සිනමා උළෙල ඉන්දියාවේ මුල්පෙ‍ලේ සිනමා උළෙලක් විදිහට සඳහන් කරන්න පුළුවන්. එහිදී තරග වැදුණු චිත්‍රපට, විනිශ්චය මණ්ඩලය ආදී සාධක ඊට සාක්ෂි දරනවා. නමුත් මම කියන්නේ නැහැ එය ලෝකයේ ප්‍රධානම පෙළේ සම්මාන උළෙලක් කියලා.

මේ ඔබ දිනාගත් කීවැනි අන්තර්ජාතික සම්මානයද?

මම මෙතෙක් කළ චිත්‍රපට සියල්ල අන්තර්ජාතිකව සම්මානයට පාත්‍ර වුණා. සරෝජා චිත්‍රපටයට පමණක් සම්මාන 9ක් ලැබුණා. මේ තමයි මා ලැබූ 33වැනි අන්තර්ජාතික සම්මානය.

මාස කිහිපයකට පෙර මෙම චිත්‍රපටය බූසාන් චිත්‍රපට උළෙලටත් ඉදිරිපත් කෙරුණා. ඉන් අනතුරුව ඔබ දිල්ලි සිනමා උළෙ‍ලේ දී ජයග්‍රහණයක් ලබනවා. මෙතෙක් ඔබ හැදූ චිත්‍රපටවලට වඩා වෙනස් මඟක් ගත් මේ චිත්‍රපටය ජනතාව වැළඳගනීවි කියලා මේ ආරම්භයත් සමග හිතන්න පුළුවන්ද?

ඒ ගැන මට හරියටම කියන්න බැහැ. නමුත් මෙතෙක් සිනමාකරුවෙක් විදිහට මාගැන ගොඩනැගී තිබූ ප්‍රතිරූපය නම් මේ ජංගි හොරා චිත්‍රපටය නිසා බිඳ වැටෙන බව මම දන්නවා. මොකද මෙතෙක් කාලයක් මම ළමයින් ප්‍රධාන පවු‍ලේ සැමට නරඹන්න පුළුවන් විදිහේ චිත්‍රපට තමයි හැදුවේ. මේක වැඩිහිටියන්ට පමණක් සීමාවූ චිත්‍රපටයක් නිසා මට ඒ වෙනුවෙන් වෙනස් විදිහේ ප්‍රතිචාර ලැබේවි.

ඇයි ඔබ මෙවැනි චිත්‍රපටයකට අත ගැසුවේ?

ඕනෑම සිනමාකරුවෙක් එකම රාමුවකට පමණක් කොටුවෙලා චිත්‍රපට හදන්න වුවමනා නැහැ කියන එක මම තදින් විශ්වාස කරනවා. මට හිතුණා මමත් මේ රාමුවෙන් පිටතට එන්න ඕනෑ කියලා.

මීට කලින් ඔබට මේ සීමාවෙන් පිටවෙන්න බැරි වුණේ, ඒ චිත්‍රපටවලට ඉහළ ප්‍රතිචාර ලැබුණු නිසාද?

මම ළමයින්ට විතරක් සීමාවූ චිත්‍රපට විතරක් හදපු සිනමාකරුවෙක් ‍නෙවෙයි. මොකද මා මෙතෙක් නිර්මාණය කළ චිත්‍රපට පවු‍ලේ සැමට නරඹන්න පුළුවන්. නමුත් ළමයින්ගෙන් ලැබුණු හොඳ ප්‍රතිචාරත් මාව මෙතෙක් කාලයක් මේ රාමුවට කොටු කරන්න හේතු වෙන්න ඇති. මේ චිත්‍රපටය සඳහා පිටපත රචනා කරලාත් අවුරුදු 7ක්  8ක් වෙනවා. මට හිතුණා මම ඉවසුවා ඇති කියලා.

චිත්‍රපට පිටපත් සංඛ්‍යාව 35කට සීමා වීම වැනි ගැටලු හේතුවෙන් ඔබ මීට පෙර චිත්‍රපට සංස්ථාවේ සභාපතිවරු සමග මත ගැටුම් පවා ඇතිකර ගත්තා. නැවත කවදාවත් චිත්‍රපට හදන්නේ නෑ කියන ස්ථාවරයේ පවා ඔබ එකල සිටියා. දැන් යළිත් ඔබ සිනමාවේ සක්‍රීය වී ඉන්නේ ඊට හිතකර තත්ත්වයක් සිනමා කර්මාන්තය තුළ ගොඩනැගී තිබෙන නිසාද?

පිටපත් අවුල සම්බන්ධයෙන් මා ඉදිරිපත් කළ මතය අවසානයේ ජයග්‍රහණය කළා. ඒක මගේ පුද්ගලික ජයග්‍රහණයක් ‍නෙවෙයි මුළු සිනමාවම ලැබූ ජයක් විදිහටයි මා දකින්නේ.  එම ජයග්‍රහණයේ ප්‍රතිඵලයක් විදිහට අද ඇතැම් සිනමාපට පිටපත් 60 - 70පවා මුදා හැරෙනවා. පිටපත් සීමාවීම පිළිබඳ ගැටලුව එලෙස විසඳුණත් සිනමාවේ තවත් ගැටලු බොහොමයක් ඉතිරි වී තිබෙනවා. ඒවාට ඉතා ඉක්මනින් විසඳුම් අවශ්‍යයි. මාද ඇතුළත් සිනමා කර්මාන්තයේ විවිධ පර්ශ්වයන් ගෙන් යුතු සාමාජිකයන්ගෙන් සැදුම් ලත් කමිටුවක් විසින් සිනමාවේ වත්මන් අර්බුදවලට විසඳුම් ලෙස නව යෝජනාවලියක් ජනාධිපතිතුමා වෙත ඉදිරිපත් කළා. ඒ යෝජනාවලින් ක්‍රියාත්මක වුවහොත් ලාංකේය සිනමාවට මීට වඩා යහපත් කලදසාවක් උදාවේවි.

කිෂාන්

තම පවුලක නාහෙට නාහන හිතුවක්කාර තරුණයෙකු වුව බන්ධනාගාරගත වන්නේ නම් එම පවුලේ ඥාතීන් තුළ විශාල හිත් වේදනාවක් ඇති වීම වැළැක්විය නොහැක.

මහ වනයෙන් පිටතට පැමිණ මිනිස් ජනාවාසවල හැසිරෙමින් මිනිසුන්ට සේම තම වර්ගයාටද චණ්ඩිකම් පෑ සද්දන්තයෙකු මුල් කොට ගල්ගමුව ප්‍රදේශවාසී ජනතාවගේ නෙත් වලට උණු කඳුළක් එක් කළ අනුවේදනීය කතා පුවතකි මේ.

මිනිස් ජීවිතයකට කිසිදු හානි සිදු නොකළත් මිනිස් දේපල වලට සහ ඔවුන්ගේ බව භෝග වලට හානි පමුණුවමින් හා වෙනත් අලි ඇතුන් සමඟ නිතර ගැටුම් ඇතිකරගනිමින් ගල්ගමුව වනජීවී කලාපයේ සැරිසැරූ ගල්ගමුවේ තනි දළයා  නම් ඇතා වනජීවී නිලධාරීන් කළ මෙහෙයුමකින් අනතුරුව පෙරේදා (16) ගල්ගමුව පහළදිගන බමුණුගම ප්‍රදේශයේදී අල්ලා ගැනුණි.

තනි දළයා සමග නිතර සටන් වැදුණු  අනෙක් අලින්ගෙන් මේ ඇතා ආරක්ෂා කර ගැනීම සඳහා වනජීවී නිලධාරීන්ට අපමණ වෙහෙසක් දැරීමට සිදුවිය.

මීට පෙර අවස්ථා ගණනාවකදී වෙනත් අලි ඇතුන් සමඟ සටන් වැදුණු තනි දළයාට තම එක් දළයක් අහිමිව ඇත්තේද එවන් සටනක ප්‍රතිපළක් ලෙසය. මේ තත්වය යටතේ තව දුරටත් මේ තනි දළයාට ආරක්ෂාව දිය නොහැකි බැවින් ඔහු හොරොව්පතාන ඇත්අතුරු සෙවණ නම් අලි සිපිරිගෙයට යැවීමට ඊයේ කටයුතු යොදා තිබිණ.

පශූ වෛද්‍ය චන්දන ජයසිංහ සහ පශූ වෛද්‍ය ඉසුරු මහත්වරුන්ගේ විමර්ශනවලින් අනතුරුව තනි දළයා ඊයේ (17) දින හොරොව්පතාන ඇත්තුරු සෙවණ වෙත රැගෙන යාමට කටයුතු සලස්වා තිබුණු අතර මේ බව සැලවූ ගල්ගමුව ප්‍රදේශවාසීහු බෙහෙවින් කම්පාවට පත්වූහ.

මෙම තනි දළයා අල්ලාගත් ආරංචියට පැවැති වර්ෂාව ද නොතකා විශාල පිරිසක් ඇතා හට සමුදීම පැමිණියේ පැමිණියේ ඇතාගේ කුසගින්න වෙනුවෙන් බඩඉරිඟු කරල් ද අතැතිවය.

තමන්ට අත්වන සිපිරිගෙයි ජීවිතය ගැන කිසිදු තැකීමක් නොමැති තනි දළයා වනජීවි නිලධාරීන්ගේ අත්අඩංගුව යටතේ ලොරි රථයක නැගී හොරොව්පතාන ඇත්අතුරු බලා පිටත් වනු දුටු බොහෝ ගැමියන්ගේ දෙනෙත් වල කඳුළු පිරී තිබෙනු අපට පැහැදිලිව දැක ගත හැකි විය.


චන්ද්‍රරත්න ඉලංගකෝන් - ගල්ගමුව

දරු පිළිසිඳ ගැනීමකදී කාන්තාවක තුළ තිබිය යුතු සුදුසුකම් පිළිබඳව බොහෝ දෙනෙක් කථා කරනවා. නමුත් කාන්තාවක් ගැබ් ගැන්වීම සම්බන්ධයෙන් කටයුතු කරන පිරිමියෙකුගේ තිබිය යුතු නීරෝගීතාවය පිළිබඳව බොහෝ දෙනෙකු අවධානය යොමුකොට නැහැ.

මේ අතර ඉන්දියාවෙ මුම්බායි නගරයේ කොහිනූර් රෝහලේ ප්‍රසව සහ නාරිවේද විශේෂඥ වෛද්‍ය අංජලී තල්වල්කාර් මාස දෙකකට වරක් ආසියාතික තරුණියන්ගේ ගර්භනී බව පිළිබඳ වැඩමුළු පවත්වනවා. මෙවර ඇය කතා කර තිබෙන්නේ දරු උපතක් සඳහා පිරිමියාගේ සෞඛ්‍යයේ බලපෑම ගැනයි.

  • දරුවෙකු පිළිසිඳ ගැනීම සහ පිරිමියා අතර ඇති සම්බන්ධය විස්තර කළොත්?

පිරිමියෙකු නැතිව ස්වභාවික තත්වයන් යටතේ පිළිසිඳ ගැනීමක් සිදු වෙන්න කොහෙත්ම බැහැ. ශුක‍්‍රාණු සෛල ස්වභාවිකව නිෂ්පාදනය කරන්නේ පිරිමි පක්ෂයේ සිරුර තුළ ස්වභාවිකව ශ‍්‍රාවය වන හෝමෝන නිසයි. පර්යේෂණාගාර මට්ටමින් ශුක‍්‍ර සෛල නිෂ්පාදනය කරන්න පුළුවන් තාක්ෂණයක් තිබෙනවා. නමුත් ඒවා ස්වභාවික ශුක‍්‍ර සෛල වගේම ක‍්‍රියාකාරී ද කියලා සැකයක් තියනවා. ඒ නිසා දරු පිළිසිඳ ගැනීමක් සඳහා පිරිමියෙකුගේ ශුක‍්‍ර සෛල අත්‍යවශ්‍යයි.

  • පිළිසිඳ ගැනීමකට පියාගේ සෞඛ්‍ය තත්වයත් බලපානවාද?


අනිවාර්යයෙන්ම. දරුවෙක් හැදෙන්නෙ මව සහ පියා කියන දෙදෙනාගේම ජානවලින්. පිළිසිඳ ගැනීමක් බලාපොරොත්තුවෙන් ඉන්න පවුලක තාත්තා කෙනෙක් ඉතාමත් හොඳ සෞඛ්‍ය සම්පන්න පුද්ගලයෙකු වීම වැදගත්. ඒ කියන්නෙ අංගවිකල බව, මානසික ව්‍යාධි තත්වයන් ගැන නෙවෙයි. අසනීප තත්වයන්ගෙන් තොර නිරෝගී කෙනෙක් වීම වැදගත්.

  • ඒ ගැන තවදුරටත් පැහැදිලි කළොත්?

දරුවෙක් බලාපොරොත්තුවෙන් ඉන්න පවුලක පිරිමි කෙනෙක් මත් පැන් පානය කිරීම තාවකාලිකව හෝ නතර කිරීම වැදගත්. මත්පැන් නිසා ශුක‍්‍ර සෛලවල ප්‍රබල බව, නිරෝගී බව සහ ක‍්‍රියාකාරීත්වය අවම වෙනවා. ඒවායේ ආයු කාලයත් වෙනස් වෙන්න පුළුවන්.

  • ශුක‍්‍ර සෛලවල ආයු කාලය පිළිසිඳ ගැනීමකට බලපාන්නෙ කොහොමද?

සාමාන්‍යයෙන් ශුක‍්‍ර සෛල කාන්තා යෝනි මාර්ග තුළ දී දින 4 ක් 6 ක් විතර සජීවී තත්වයේ සිටිනවා. ඒ අතර ඩිම්බ සෛලයක් පිටවූ පසු එය සංසේචනය කරන්න යෝනි මාර්ගයේ තිබෙන ශුක‍්‍ර සෛලවලට පුළුවන්. නමුත් ශුක‍්‍ර ෙසෙල දින හතරක්ම සජීවී තත්වයේ ඉන්නේ නැතිව දින දෙකකින් එහි ජීවි බව නැති වුණොත් තුන් වෙනි දිනයේ ඩිම්බ සෛලයක් විමෝචනය වුණාට එය සංසේචනය කරන්න ශුක‍්‍ර සෛලවලට හැකි වෙන්නෙ නැහැ. ඒ නිසා තමයි වැඩි දින ගණනක් ශුක‍්‍ර සෛල සජීවී ව තබා ගැනීම වැදගත් වෙන්නෙ. මත් පැන් පානය, මත් ද්‍රව්‍ය පාවිච්චිය වගේ දේවල් ශුක‍්‍ර ෙසෙලවල ආයු කාලය අඩු කරන්න ඍජුවම හේතු වෙනවා.

  • එතකොට ඒවායේ ක‍්‍රියාකාරීත්වය බලපාන ආකාරයත් විස්තර කරලා දෙන්න.

ශුක‍්‍රාණු සෛල මිලියන ගණනක් යෝනි මාර්ගයට ඇතුළු වුණත් ඩිම්බයක් සංසේචනය කරන්න අවස්ථාව තිබෙන්නෙ එකම එක ශුක‍්‍රාණු සෛලයකට විතරයි. ඒ කියන්නෙ අර මිලියන ගණනින් හොඳම, ශක්තිමත්ම සෛලයට විතරයි. යෝනි මාර්ගයට ඇතුළු වුණු තැන ඉඳලා ඩිම්බ සෛලය දක්වා පිහිනාගෙන ගමන් කරන්න නම් ශුක‍්‍රාණු සෛලය ඉතාම හොඳ ක‍්‍රියාකාරීත්වයකින් යුතු නිරෝගී සෛලයක් විය යුතු යි. ක‍්‍රියාකාරීත්වයෙන් අඩු ශුක‍්‍රාණු සෛලවලට ඩිම්බය තෙක් පිහිනා යන්න බැහැ. ඒ ආකාරයට තමයි ක‍්‍රියාකාරීත්වය වැදගත් වෙන්නෙ. කලින් කිව්වා වගේම මත් පැන් පානය, මත් ද්‍රව්‍ය පාවිච්චිය වගේ දේවල් ශුක‍්‍ර ෙසෙලවල ආයු කාලය අඩු කරන්න හේතු වෙනවා.

  • පිළිසිඳ ගැනීමකට බලපාන්නෙ මත් පැන් සහ මත් ද්‍රව්‍යවල ක‍්‍රියාකාරීත්වය විතරද?

නැහැ. පිරිමියාගේ ස්ථුල බව හේතු වෙන්න පුළුවන්. පිරිමියා තමන්ගේ සිරුරේ බර නිසි පවත්වා ගැනීම වැදගත්. අධික තරබාරු බව ශුක‍්‍රාණු සෛල නිපදවීමේ ධාරිතාව අඩු කරනවා. ඒ වගේම අනුරාගී හැසිරීමක දී ශුක‍්‍රාණු සෛල විමෝචනය කිරීමේ වේගයත් අඩු වෙන්න ස්ථුල බව හේතු වෙනවා.

මීට අමතරව තවත් කාරණයක් කියන්න  ඕනෙ. දරුවෙක් බලාපොරොත්තුවෙන් ඉන්න පවුලක පිරිමියෙකු සවුනා,ස්ටීම් බාත්,හොට් බාත් වගේ දේවල් පාවිච්චි කිරීමෙන් තාවකාලිකව වැළකී සිටීම ඉතාම වැදගත්. හොට් බාත් හෝ සවුනා මගින් ශුක‍්‍රාණු සෛල අධික උණුසුමට ලක් වෙනවා. ඉන් ඒවායේ ජීවී බවට හානි වෙන්න පුළුවන්. ඒ නිසා තාවකාලිකව ඒ වගේ දේවල් නතර කරන්න අනිවාර්යයෙන්ම වගබලා ගන්න  ඕනෙ.

දුලංජලී මුතුවාඩිගේ

 

 

         

 

දෙරණ  සිහින තරු වේදිකාව අදියර හයක් පුරා නවක ගායන තරු රැසක්ම සංගීත ක්ෂේත්‍රයට බිහි කළේය. පසුගියදා සත් වැනි වරටද උත්කර්ෂවත් ආකාරයෙන් “ දෙරණ ඩ්‍රීරීම්ස්ටාර්” අවසන් මහා තරගය පැවැතියේ තවත් ගායන තරුවකට කිරුළු පලඳවමිනි. “ දෙරණ ඩ්‍රීරීම් ස්ටාර් හත්වැනි අදියරේදී කිරුළු පැලඳුවේ කඳානෙන් තරග වැදුණු “සුනීර සුමංගයි. තරගය නැරඹූ බහුතරයකගේ මනාපය දිනූ සුනීර පිළිබඳ තතු දැනගන්නට රුචි පාඨක පිරිස වෙනුවෙන් මෙවර අපි සුනීරව කතා බහකට එක්කර  ගන්නට සිතුවෙමු. 
 
සුනීර පාසල් දිවියට සමුදුන් හැටියෙම තරග බිමට පැමිණි නව යෞවනයෙක්. මුලින්ම අපි ඔබගේ පෞද්ගලික තොරතුරු බිඳක් කතාබහ කරමු .. 
මම ඉපදුණේ 1997 මැයි මාසේ 8 වැනිදා. මම ඉපදුණේ හැදුණේ ‍පොල්ගහහේන ප්‍රදේශයේ. දැන් පදිංචි රාගම . කඳානේ “ද මැසනඩ්” විද්‍යාලයේ තමයි මම අධ්‍යාපනය ලැබුවේ . අම්මයි තාත්තයි මමයි නංගියි හතර දෙනාම සංගීතයට දක්ෂයි. පල්ලියේ ගීතිකා කණ්ඩායමින් වගේම පාසලිනුත් මගේ සංගීත හැකියාව දියුණු කරගන්න පුළුවන් වුණා. අම්මයි තාත්තයි දෙන්නත් පල්ලියේ ගීතිකා කණ්ඩායමේ ගී ගයනවා. ඉස්කෝ‍ලේ 3 වසරේ ඉඳන් උසස් පෙළ දක්වාම විවිධාකාර පාඨශාලාන්තර තරග සඳහා ඉදිරිපත්වෙලා ජය ගත්තා. 2015 දී සමස්තලංකා ගායනා තරගයෙන් “පාසල් ගායනා” අංශයෙන් ලංකාවෙන්ම ප්‍රථම ස්ථානය දිනාගත්තේ මම. උසස් පෙළ කලා අංශයෙන් විභාගය කළේ පහුගිය අවුරුද්දේ . විශ්වවිද්‍යාලයට යන්න ලකුණු කිහිපයක් මදි වුණා. ඒත් දෙවැනි වතාවට විභාගය කරන්නවත් බාහිර පාඨමාලාවක් කරන්නවත්  යොමු වුණේ නැත්තේ අවුරුද්ද පුරාම “ඩ්‍රීරීම් ස්ටාර් තරගය වෙනුවෙන් කැපවුණ හින්දා . ඒ කැපවීමේ ප්‍රතිඵල සාර්ථක ලෙස අත් විඳින්න පුළුවන් වුණ එක ගැන ගොඩක් සතුටුයි . 
 
ඒ කැපවීමට වටාපිටාවෙන් ලැබුණුු සහයත් සුනීරගේ ජයග්‍රහණයට හේතුවක් වුණා නේද .. ?
අනිවාර්යයෙන්ම.. මේ වෙලාවේ මම මට උදව් කළ හැමෝම ඉතාමත් ආදරයෙන් සිහිපත් කරන්න කැමතියි. ඒ විදියට උදව්කළ අය ගොඩක් ඉන්නවා. නම් සඳහන් කරන්න ගියොත් ඒ අය අතරින් එක්කෙනෙක්ගේ නමක්වත් අතපසු වෙන්න බැරි නැහැ. ඒ හින්දා මම මේ අවස්ථාවේ මෙම තරගය පුරාවට මට සහය ලබාදුන් හැමෝම ඉතා ආදරයෙන් සිහිපත් කරනවා.
 
මේ තරගයෙන් ඩ්‍රීරීම් ස්ටාර් වෙන්න ලැබෙයි කියන බලා‍පොරොත්තුව ඔබට තිබුණද?
එහෙම  අදහසකින් නෙමේ මුලින්ම ආවේ. ඒත් දවසින් දවස ඉදිරියට යනකොට මට හිතුණා මට ජයග්‍රහණය කරන්න ලැබෙයි කියලා.
 
පවු‍ලේ හැමෝම ගායන කුසලතා ඇති අය නම් සුනීරගේ නංගීත් ඊළඟ අදියරකදී “දෙරණ ඩ්‍රීරීම්ස්ටාර්” තරගයට එක්වේවිද .. ?
නංගිටත් හොඳ ගායන හැකියාවක් තියෙනවා. ඒත් තවම පාසල් අධ්‍යාපනය ලබන හින්දා නංගි දැන්මම  බාහිර කටයුත්තකට එන එකක් නැහැ.. නංගි ඉදිරියේදී  මොන වගේ ක්ෂේත්‍රයක් තෝරාගනීද මම දන්නේ නැහැනේ .. මම මේ ක්ෂේත්‍රය තෝරාගත්තා වගේ නංගිත් එයා කැමති ක්ෂේත්‍රයක් තෝරාගනීවි .
 
දැන් ඉතින් ඊළඟට මොනවද කරන්න හිතාගෙන ඉන්නේ .. ?
ගායකයකු විදියට ඉදිරියට යන්න තමයි කැමති . හැබැයි ගුණාත්මක ගීත තුළින් සංගීතය තුළ යමක් කරන්නයි හිතාගෙන ඉන්නේ . 
 
වෘත්තීය ගායකයකු විදියට ඉදිරියට යන්න හිතාගෙන ඉන්නවා නම් ප්‍රසංග වේදිකාවට ගොඩ වෙන්නත් සිදුවනවා. එහෙම වුණොත් ගුණාත්මක ගීතවලින් පමණක් පවතින්නට බැරිවේවි නේද .. ?  
මේ වනවිටත් ප්‍රසංග වේදිකාවට ආරාධනා තියෙනවා. ඒ අවස්ථා අනුව ඊට සුදුසු ගීත ගයන්න සිදුවේවි . ඒත් ගුණාත්මක ගීතවලට වැඩි නැඹුරුවක් දක්වන්නටයි හිතාගෙන ඉන්නේ . 
 
ඔබ හොඳ හඬක් හා මනා ගායන කුසලතාවක් ඇති දක්ෂ යොවුන් ගායකයකු හින්දයි මේ ජය හිමිවුණේ .. ඒත් සුනීර ගායනය තුළ ඉදිරියට යන්නට නම් හැකියාව වගේම සංගීත ඥානයත් වැදගත් නේද .. ?
අනිවාර්යයෙන්ම.. මමත් එය පිළිගන්නවා. මම උසස් පෙළට හැදෑරුවේ කලා විෂය ධාරාව. එහිදී සංගීතයත් විෂයක් විදියට හැදෑරුවා. ඒත් එතැනින් නවතින්නට මමත් කැමති නැහැ. ඉදිරියේදී වැඩි දුරටත් සංගීතය හදාරන්නටයි හිතාගෙන ඉන්නේ ..
 
දැන් ඔබ රටම හඳුනන චරිතයක් . කොහොමද රසික ප්‍රතිචාර
මේ තරගයේ ජය ලබන්න මට රසික පිරිස ලොකු ශක්තියක් වුණා. මගතොටේදී මුණ ගැහුණම කතාකරන අය වගේම මගේ දුරකථන අංකය හොයාගෙන මට කතාකරන අයත් ඉන්නවා. මමත් ඒ හැමෝටම සුහදව වචනයක් හෝ කතාකරන්න අමතක කරන්නේ නැහැ. 
 
කෙනෙක් ඉදිරියට යනවිට ආදරයෙන් මග සකසාදෙන සුබ පතන අය වගේම ඊර්ෂ්‍යා කුහකකම් කරන අයත් ඉන්නවා. ඔබටත් එවැනි වේදනාකාරී ප්‍රතිචාර එල්ල කළ අයත් ඇති .
ඒ වගේ අයත් ඉඳලා තියෙනවා. ඒත් තරගය තුළදී මම එවැනි සිදුවීම් හින්දා මානසිකව වැටුණේ නැහැ. කවුරු හරි ඒ විදියේ නිර්නාමික දුරකථන ඇමතුමක් දුන්නත් මම ඒවා මගහරිනවා. හැබැයි ඉතින් ඒ විදියේ අයහපත් ප්‍රතිචාර ලැබුණේ හරිම අඩුවෙන්. වැඩියෙන්ම ලැබුණේ ආදරණීය ප්‍රතිචාර
 
ඒ විදියට ආදරය කරන අය අතරේ සුවිශේෂ කෙනෙක් නැද්ද .. ?
දැනට එහෙම කෙනෙක් නැහැ.
 
ආරියවංශ කුලතිලක 

සේන ගුණවර්ධන කියන ඔබව දැන් රටම හඳුනන්නේ “හීං බබා සීයා” නමින්. වයසට ගිහින් හරි රටම හඳුනන නළුවෙක් වීම ගැන අද මොකද හිතෙන්නේ?
අපේ රටේ විතරක් නමෛයි, ලෝකයේ බොහෝ රටවල ජනප්‍රිය නළු නිළියන් විදියට වැජඹෙන්නේ ලස්සන තරුණ රූපයක් තියෙන අය. සීයලා ජනප්‍රිය වෙනවා අඩුයි. ඒත් මම සමහර වැඩකටයුතුවලට මහලු නිවාසවලට යද්දී අවුරුදු 80-90 ආච්චිලත් මට කතා කරන්නේ “හීං බබා සීයා” කියලා. මං හිතන්නේ ටෙලි නාට්‍යය ඉතිහාසයේ සුදු සීයාට (දූ දරුවෝ ටෙලි නාට්‍යයේ) පස්සේ සීයා නැවත ජනප්‍රිය වුණා නම් ඒ ‘සිඳූ’ ටෙලි නාට්‍යයේ ‘හීං බබා සීයා’. ඒ ගැන නම් තියෙන්නේ විශාල සතුටක්.
 
කලා ජීවිතයේදීයි, පෞද්ගලික ජීවිතයේදීයි වැඩියෙන්ම සතුටු වූ දවස උදාකරල දුන්නේ ‘හීං බබා’ සීයාද?
හිං බබා සීයයි ‘සිඳූ’ ටෙලි  නාට්‍යයයි සිහිපත් කිරීමත් සතුටක් තමයි. ඒත් කලා ජීවිතයේදී වැඩියෙන්ම සතුටු වුණේ හා හා පුරා කැමරාවක් ඉදිරියේ රඟපෑ අවස්ථාවේ. හැරී විමලසේනගේ ‍පෝය ඒකාංගික ටෙලි නාට්‍යයක හිඟන්නෙකුගේ චරිතයක් තමයි මම මුලින්ම රඟපෑවේ. පෞද්ගලික ජීවිතයේදී වැඩියෙන්ම සතුටු වුණේ 1994 සැප්තැම්බර් 24 වැනිදා. එදා තමයි මම අප්පච්චි කෙනෙක් වුණේ.
 
වෘත්තීය ජීවිතයේදී විඳපු ලොකුම දුකත් නළුකමට පාර කියන සතුටුදායක ෙදෙවෝපගත සිදුවීමක් වුණා නේද?
ඔව්. මම 1986 ඉඳන් එක දිගට අවුරුදු 12ක් හමුදා සේවයේ යෙදී සිටියා. මම හමුදාවෙන් ඉවත් වුණේ රෝගී තත්ත්වයක් නිසා. මම ගෙදර විවේකීව ඉන්නකොට තමයි නළුකමට එන්න අවස්ථාව ලැබුණේ.
 
ඔබ ආබාධිත වූ ඒ දුක්බර අවස්ථාව සිහිපත් කළොත්?
මම ආබාධිත තත්ත්වයට පත්වුණේ යුද්ධයේදී ‍නෙවෙයි. බෙල්‍ලේ ආබාධයක් තමයි මුලින්ම ඇතිවුණේ. එය කාලයත්  සමග වැඩි වුණා. ඒ හින්දා රැකියාවෙන් ඉවත් වුණා. ඉවත් වෙලා ප්‍රතිකාර ලබමින් තමයි රඟපෑමට ආවේ. ඒ 2002දී. දැන් නම් සුවයි. 
 
ආබාධිත තත්ත්වය මත රැකියාවෙන් ඉවත්වෙලා ප්‍රතිකාර ගනිමින් රඟපෑමට ආවේ කලාවට ඇති ආසාව හින්දනේ. ඒ ආසාව තරුණ කා‍ලේ ඇති නොවීම ගැන දැන් දුකක් නැද්ද?
ඇත්තටම පුංචිම කා‍ලේ ඉඳන් මම කලාවට ආසයි. කොටින්ම මම චිත්‍රපට පිස්සෙක්. ඒත් මම තරුණ වයසකදීවත් පුංචි කාලෙදීවත් නළුවකු වෙන්න සිහින දැක්කේ නැහැ. හමුදා සේවයේ ඉන්න කා‍ලේ සුගත් සමරකෝන්ගේ “උතුරේ රාහුල හිමි”, “කමාන්ඩෝ දියසේන” වැනි නාට්‍ය බලන්න ලැබුණා. ඒ අවස්ථාවේදී තමයි මටත් නළුවෙක් වෙන්න ඇත්නම් කියලා හිතුණේ.
ද ඒත් හමුදා නිලධාරියෙක් විදියට ගෙවන කාර්යබහුල ජීවිතයත් එක්ක නළුවකු වෙන්න බැරිවීම ගැන දුකක් හිතෙන්න ඇති...?
එහෙම හිතුණේ නැහැ. රඟපාන්න ආසාවක් හිතේ ඇතිවීම විතරයි සිදුවුණේ. 
 
රැකියාවෙන් ඉවත්වෙලා ඉන්නකොට  දැනුණ දුක පාළුව එක්කම නළු හීනය මතුවුණාද?
රැකියාවෙන් ඉවත්වීම මට දුකක් ගෙන දුන්නේ නැහැ. බිරිඳයි දරුවයි එක්ක කාලය ගෙවන්න  ඉඩ ලැබුණු හින්දා සතුටක් තමයි ඇතිවුණේ. ඒ කාලයේ නවක නළුවන් අවශ්‍යයි කියලා පත්තරේක පළවූ දැන්වීමක් දැකලයි මමත් ඒ සම්මුඛ පරීක්ෂණයට යන්න හිතුවේ. එතැනදී තමයි අර මුලින් කියපු ‍පෝය ඒකාංගික නාට්‍යයට මාව තෝරාගත්තේ.
 
ආදරය හින්දා විඳි සතුට හා දුක ගැනත් අපි කතා කරමු.
ආදරය හින්දා දුකක් නම් විඳලා නැහැ. මගේ පෙම්වතිය මගේ බිරිඳ වෙලා මගේ ජීවිතයට ආවේ 1992-12-10 වැනිදා. අප 25 වැනි විවාහ සංවත්සරය පැවැත්වුණේ පසුගිය 10 වැනිදා. 
 
ආරියවංශ කුලතිලක

 

IMAGE

නෙලා සමග ඔබ හමුවට එන බෙනට්ගේ පුතා

IMAGE 2018 Feb 25 14:21
අද වෙද්දී උදාර රත්නායක කියන්නේ නළුවෙක්ද? එහෙමත් නැතිනම් දේශපාලනඥයෙක්ද? නළුකම මගේ වෘත්තිය...
Views - 635

මගෙන් නම් සල්ලි ඉල්ලුවේ නෑ ඒත් මේ වගේ කතාවක් නම් කිව්වා

IMAGE 2018 Feb 25 14:08
මේ වෙද්දී ඉන්දිකාගේ කලා දිවිය දශක දෙකකටත් එහා ගිය එකක් නේද? ඔව්. මම මුලින්ම ක්‍ෂේත්‍රයට එකතු...
Views - 1159

රනිල් සල් සපු නා හැර ගියේ ඇයි?

IMAGE 2018 Feb 25 13:52
“සල් සපු නා” ටෙලි නාට්‍යයේ දැන් රනිල්ව දකින්නට ලැබෙන්නේ නැහැ. ඇයි ඒ ? මම තාවකාලිකව ‘සල්...
Views - 1014

තාත්තගේ අකමැත්තෙන් රඟපාන්න ආපු උපාසක අම්මා

IMAGE 2018 Feb 25 12:18
කොහොමද ඔබට අංජනා එහෙමත් නැත්නම් උපාසක අක්කා වෙන්න අවස්ථාව ලැබුණේ? මාව උපාසක අම්මා කළේ...
Views - 784

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 5442

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 3597

Please publish modules in offcanvas position.