Coss Ear2
lakbima.lk
COSS Ear 1

දුම්රිය රියැදුරන් 'චීන පෙට්ටි' වලට අකමැති ඇයි?

චීනයෙන් ගෙන්වන ලද දුම්රිය මැදිරි වල තිරිංග ක්‍රියාකාරීත්වයේ ප්‍රශ්න ඇති බැවින් දුම්රිය රියැදුරන් ඒවායේ ධාවනයෙන් ඉවත්ව සිටිති.

ඔවුන් පවසනුයේ මෙහි ඇති සම්පීඩන වායු තිරිංග පද්ධතිය දැනට ශ්‍රී ලංකාවේ ධාවනය වන කැනඩාවේ නිෂ්පාදිත M 04 දරණ දුම්රිය ඇන්ජින් සඳහා කෙසේවත් නොගැලපෙන බවය. එම චීන මැදිරිවල ඇති සම්පීඩන වායු තිරිංග සඳහා වන වායු සැපයුම M 04 දුම්රිය ඇන්ජින් වලින් ලබා ගැනීම සඳහා පසුව අතිරේක කොටසක් එක්කොට ඇතත් එය එතරම් ආරක්ෂිත නොවන බව දුම්රිය රියදුරෝ පෙන්වා දෙති.

(කැනඩාවේ නිෂ්පාදිත M 04 දුම්රිය ඇන්ජින්මක්)

එමෙන්ම ඉන්දියාවේ නිෂ්පාදිත M 08 සහ M 10 දුම්රිය එන්ජින් සහ ප්‍රංශයේ නිෂ්පාදනය කරන ලද M 09 එන්ජින් වල එම පහසුකම් ඇතත්  මෙම චීන මැදිරිවල ඇති කිසියම් දෝෂ සහගත තත්ත්වයක් නිසා ඇතැම් අවස්ථාවල එම මැදිරිවල තිරිංග නිසි පරිදි ක්‍රියාත්මක නොවන බව අප කළ විමසුමක දී දුම්රිය රියදුරු සංගමයේ ජ්‍යෙෂ්ඨ සාමාජිකයෙක් කීය.

(ඉන්දියාවේ නිෂ්පාදිත M 08 දුම්රිය ඇන්ජින්මක්)

මෙහිදී ඇතැම් අවස්ථා වල මෙම මැදිරි යොදා දුම්රිය ධාවනය කරන විට තමන්ට අවශ්‍ය පරිදි දුම්රිය කට්ටලය පාලනය කර ගැනීමට නොහැකි වූ අවස්ථා පිළිබඳ රියදුරන් වරින්වර වාර්තා කොට ඇතත් ගතවූ වසර ගණනාවක් තිස්සේ මේ දක්වා කිසිදු විසඳුමක් ලබා දීමට දුම්රිය බලධාරීන් අසමත්ව ඇතැයි කියනු ලැබේ.

මෙහිදී අවස්ථා කිහිපයකම මෙම දෝෂ තත්ත්වයන් නිරීක්ෂණය කිරීම සඳහා දුම්රිය ධාවන බල උප දෙපාර්තමේන්තුවේ යාන්ත්‍රික ඉන්ජිනේරුවරුන්ද මෙම මැදිරි සහිත දුම්රියන්හි එන්ජින් වල ගමන් කළ මුත් ඒ ගමන්වාර වලදී ඔවුන්ට එවැන්නක් නිරීක්ෂණය නොවූ බව එම උප දෙපාර්තමේන්තු ආරංචි මාර්ග කියයි. නමුත් රියැදුරන් ප්‍රකාශ කරනුයේ ඉතා අනපේක්ෂිත අවස්ථාවල මෙම තිරිංග දෝෂය අත්දකින්නට තමන්ට ලැබී ඇති බවකි.

(ප්‍රංශයේ නිෂ්පාදිත M 09 දුම්රිය ඇන්ජින්මක්)

කලින් මෙම දුම්රිය මැදිරි කන්ද උඩරට මාර්ගයේ මහනුවර දක්වා ධාවනයට යොදා තිබුණද මේ වන විට එම මැදිරි සම්බන්ධ තාක්ෂණික ප්‍රශ්න නිසා කන්ද උඩරට මාර්ගයේ ආරම්භක දුම්රිය පොළ වන රඹුක්කන දක්වා පමණක් ධාවනය කරන අතර අ‍නෙකුත් සියළු දුම්රිය මාර්ග වල දුර සේවා සහ කාර්යාල දුම්රිය සඳහා මෙම දුම්රිය මැදිරි යොදවනු ලැබේ.

(ඉන්දියාවේ නිෂ්පාදිත M 10 දුම්රිය ඇන්ජින්මක්)

මෙහිදී එම දුම්රිය රියදුරු සංගමයේ නියෝජිතයා පවසා සිටියේ ඇතැම් අවස්ථාවල මෙම දුම්රිය මැදිරිවල තිරිංග පද්ධතිය හරිහැටි ක්‍රියාත්මක නොවීම මත දුම්රිය කට්ටලය වේදිකා හෝ සිග්නල් කණු ඉලක්කකොට දුම්රිය නතර කරගැනීමට නොහැකි වූ අවස්ථාද තිබූ බවය.

මේ වන විට මෙම මැදිරිවල තිරිංග හරි හැටි ක්‍රියා නොවීම මත කිසියම් අවස්ථාවක මෙම මැදිරි යෙදූ දුම්රියක රියැදුරාට හදිසියේ තිරිංග ක්‍රියාත්මක කිරීමට සිදුවුවහොත් ඒවා ක්‍රියාත්මක නොවී දුම්රිය ඇන්ජිමේ පමණක් තිරිංග ක්‍රියාත්මක වීම මත බිහිසුණු අනතුරක් සිදුවිය හැකි බවද එම රියැදුරු සංගම් ප්‍රකාශකයා කීය.

(චීනයෙන් ගෙන්වන ලද දුම්රිය මැදිරි)

එවන් අවාසනාවන්ත තත්ත්වයක් ඇති වුවහොත් එහිදී එම වගකීම මුළුමනින් එම රියැදුරා මත පැටවීමේ පහසු හැකියාවක් පවතින බව පෙන්වා දෙන ඔහු එවන් දෝෂ තත්ත්වයන් පිළිබඳව දෙපාර්තමේන්තුව දැනුවත් නොකිරීම සම්බන්ධයෙන්ද රියැදුරන් පිට වරද පැටවීමේ පහසු අවකාශයක් ඇති විය හැකි බවද  කීය.

කෙසේ හෝ වසර ගණනක් අඛණ්ඩවම පැවැති මෙම තත්ත්වය මුල්කොට මෙවන් අවස්ථාවක වෘත්තීය සමිති පියවරක් ගැනීම සම්බන්ධයෙන් විවිධ අදහස් පළ වෙමින් පවතින අතර ඒ අතරින් ඇතැමුන් පවසනුයේ  මැතිවරණයක් ළඟ තිබිය දී මෙවැනි ගැටළුවක් එක්වරම ඉස්මතු කොට මගී ජනතාව අපහසුවට පත් කිරීම තුළ කිසියම් දේශපාලනික සබැඳියාවක් ද තිබිය හැකි බවය. එහෙත් ඒ සම්බන්ධයෙන් රියැදුරු සංගමයේ එම නියෝජිතයා ප්‍රකාශ කරනුය‍ේ මෙය හුදෙක් මගීන්ගේ ජීවිත සහ දේපල ආරක්ෂාව සම්බන්ධයෙන් අප්‍රමාදව ගත යුතුව තිබූ පියවරක් මේ මොහොතේ ප්‍රමාද වී හෝ ක්‍රියාත්මක කිරීමක් බවය.

 

සහන් සංකල්ප සිල්වා

 

IMAGE

නෙලා සමග ඔබ හමුවට එන බෙනට්ගේ පුතා

IMAGE 2018 Feb 25 14:21
අද වෙද්දී උදාර රත්නායක කියන්නේ නළුවෙක්ද? එහෙමත් නැතිනම් දේශපාලනඥයෙක්ද? නළුකම මගේ වෘත්තිය...
Views - 417

මගෙන් නම් සල්ලි ඉල්ලුවේ නෑ ඒත් මේ වගේ කතාවක් නම් කිව්වා

IMAGE 2018 Feb 25 14:08
මේ වෙද්දී ඉන්දිකාගේ කලා දිවිය දශක දෙකකටත් එහා ගිය එකක් නේද? ඔව්. මම මුලින්ම ක්‍ෂේත්‍රයට එකතු...
Views - 769

රනිල් සල් සපු නා හැර ගියේ ඇයි?

IMAGE 2018 Feb 25 13:52
“සල් සපු නා” ටෙලි නාට්‍යයේ දැන් රනිල්ව දකින්නට ලැබෙන්නේ නැහැ. ඇයි ඒ ? මම තාවකාලිකව ‘සල්...
Views - 689

තාත්තගේ අකමැත්තෙන් රඟපාන්න ආපු උපාසක අම්මා

IMAGE 2018 Feb 25 12:18
කොහොමද ඔබට අංජනා එහෙමත් නැත්නම් උපාසක අක්කා වෙන්න අවස්ථාව ලැබුණේ? මාව උපාසක අම්මා කළේ...
Views - 556

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 5186

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 3420

Please publish modules in offcanvas position.