Coss Ear2
lakbima.lk
COSS Ear 1

සමහර ආරාධනා බාරගන්න බයයි

සුන්දර රුවත්, තමාටම ආවේණික රංගන ශෛලියත් උපතින් උරුම කරගෙන රංගනයට පිවිසි දුලානි අනුරාධා ජනාදරයට පාත්‍ර වූයේ සරල විනෝදාත්මක සිනමාවේ තරුවක ලෙස නොවේ. දායක වූ සෑම නිර්මාණයක් තුළින්ම සිය රංගන කුසලතා පළකළ ඇය  චරිතාංග රංගනයෙන් සම්මානනීයත්වයට සේම ජනප්‍රියත්වයටද පත් රංගන ශිල්පිනියකැයි කීම නිවැරදිය. කලකට පසු අප ඇයව කතාබහකට එක්කර ගත්තේ ඇගේ රංගන දිවියේත්  පෞද්ගලික දිවියේත් තොරතුරු බිඳක් විමසන්නටය.
 
ඔබේ රංගනයන් ඉදිරියේදී දක්නට ලැබෙන්නේ කවර නිර්මාණ තුළින්ද?
මම රඟපෑ චිත්‍රපට දෙකක් සහ ටෙලි නාට්‍යය කිහිපයක් ඉදිරියේදී එන්නට තිබෙනවා. අවසන් වතාවට කළේ “එක හීනේ පාට ගොඩයි” කියන ළමා චිත්‍රපටය. ඉන්පසුව නම් අලුත් නිර්මාණයකට දායක වුණේ නැහැ.
 
රඟපාන නිර්මාණ ප්‍රමාණාත්මකව අඩුවන්නට හේතුව ඔබ තෝරා බේරාගෙන රඟපාන නිසාද ?
ඔව්, මට තෝරා ගැනීමක් කරන්න සිදුවෙනවා. මොකද, මම වෘත්තියෙන් ගුරුවරියක්. ඒ නිසා මට විශාල කාලයක් රංගනය වෙනුවෙන් යොදවන්න බැහැ. 
 
දුලානි සරල විනෝදාත්මක සිනමාවේ මල්ගස් වටේ රඟන පෙම්වතිය විදියට දකින්න ලැබෙන්නේ නැහැ.. 
මට එවැනි නිර්මාණවලට ආරාධනා ලැබිල තියෙනවා. ඒත් මට ඒ වගේ නිර්මාණ භාරගන්න පුංචි බයක් තියෙනවා. 
 
ඇයි ඒ .. ?
යම් ගැඹුරක් සංකීර්ණ බවක් තියෙන හැලහැප්පීම්වලට ලක්වන චරිත රඟපාන්න මට පුළුවන් කියන විශ්වාසය මා තුළ තිබෙනවා. ඒත් සරල විනෝදාත්මක සිනමාවේ මල්ගස් වටේ රඟන පෙම්වතියට තිබිය යුතු සරල බව මට මගේ රංගනය තුළින් හරියට මතු කරගන්න බැරිවෙයි කියලා බයක් මට හිතෙනවා. ඒ හින්දා මම එවැනි චරිත රඟපාන්න යන්නේ නැතුව මට ගැළපෙන දේ විතරක් කරනවා.
 
සරල බව ඔබට සංකීර්ණයි. සංකීර්ණ බව සරලයි. ඔය දේ සාමාන්‍ය ජීවිතයටත් ‍පොදුද? දුලානි අනුරාධා කියන්නේ සැබෑ ජීවිතේදීත් හැමදේම සංකීර්ණව දකින සුළු ප්‍රශ්නවලට විසඳුම් පවා ගැඹුරින් හොයන කෙනෙක් ද?
ඒ කතාවේ යම් තරමකට සත්‍යතාවක් නැත්තෙත් නැහැ. ඇත්තටම මම මහ ලොකු ප්‍රශ්න කරගත්තු සමහර දේවල් බොහොම පුංචි දේවල් නේද කියලා පස්සේ හිතුණ අවස්ථා තියෙනවා. ඒ වගේම එහි අනිත් පැත්තත් තියෙනවා. සමහර ලොකු දේවල් දිහා කිසිම බරක් පතළක් නැතුව හරිම සරලව සැහැල්ලුවෙන් බැලූ අවස්ථාත් මගේ ජීවිතේ තියෙනවා.
 
ඔබ ගුරුවරියක්. නිළියක් විදියට ජනප්‍රිය චරිතයක් වීම පාසල් භූමිය තුළ කෙබඳු තත්ත්වයක්ද ඇති කරලා තියෙන්නේ. ගුරුවරියක ලෙස සිසු පිරිස ඉදිරියේ ඔබේ පෞරුෂය රැකගන්නට නිළිකම බාධාවක් වෙලා නැද්ද ?
පාසල තුළ මම සාමාන්‍ය ගුරුවරියක්. මගේ විදුහ‍ලේ ඉන්නේ සිසුවියන් විතරයි. ඒ අය අතර තියෙන්නේ මම ටිකක් සැර ගුරුවරියක් කියන හැඟීමක්. මට පාසල් භූමිය තුළදී නිළියක් කියන හැඟීම හිතේ තියාගෙන හැසිරෙන්න බැහැ. එතැනදී මට මගේ පෞරුෂය රැකෙන ආකාරයටයි හැසිරෙන්න සිදුවන්නේ.
 
ඔබ ළඟට ඇවිත් රඟපාන්නට අවස්ථා ඉල්ලන සිසුවියන් නැද්ද ?
එහෙම අයත් ඉන්නවා. ඒ අයට මම කියන්නේ රඟපාන්න කලින් තමන්ගේ අධ්‍යාපනය හරියට කරගෙන ඉන්න කියලා.
 
තවමත් තනිකඩව දිවි ගෙවන්නේ ඇයි ?
ජීවිත කාලෙම තනිකඩව ඉන්නවා කියලා මම කිසිම තැනක කියලා නැහැ. මගේ විවාහය තවත් කාලෙකින් සිදුවන්නටත් පුළුවන්, හෙට සිදුවන්නටත් පුළුවන්. 
 
ආරියවංශ කුලතිලක

 

IMAGE

නෙලා සමග ඔබ හමුවට එන බෙනට්ගේ පුතා

IMAGE 2018 Feb 25 14:21
අද වෙද්දී උදාර රත්නායක කියන්නේ නළුවෙක්ද? එහෙමත් නැතිනම් දේශපාලනඥයෙක්ද? නළුකම මගේ වෘත්තිය...
Views - 636

මගෙන් නම් සල්ලි ඉල්ලුවේ නෑ ඒත් මේ වගේ කතාවක් නම් කිව්වා

IMAGE 2018 Feb 25 14:08
මේ වෙද්දී ඉන්දිකාගේ කලා දිවිය දශක දෙකකටත් එහා ගිය එකක් නේද? ඔව්. මම මුලින්ම ක්‍ෂේත්‍රයට එකතු...
Views - 1160

රනිල් සල් සපු නා හැර ගියේ ඇයි?

IMAGE 2018 Feb 25 13:52
“සල් සපු නා” ටෙලි නාට්‍යයේ දැන් රනිල්ව දකින්නට ලැබෙන්නේ නැහැ. ඇයි ඒ ? මම තාවකාලිකව ‘සල්...
Views - 1018

තාත්තගේ අකමැත්තෙන් රඟපාන්න ආපු උපාසක අම්මා

IMAGE 2018 Feb 25 12:18
කොහොමද ඔබට අංජනා එහෙමත් නැත්නම් උපාසක අක්කා වෙන්න අවස්ථාව ලැබුණේ? මාව උපාසක අම්මා කළේ...
Views - 786

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 5445

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 3599

Please publish modules in offcanvas position.