Coss Ear2
lakbima.lk
COSS Ear 1

ඉන්දියාවම පුදුම කළ ක‍්‍රිකට් කෙල්ල ධාරා

ඉන්දියාව කියන්නේ ක‍්‍රිකට්වලට ප‍්‍රසිද්ධ වුණු සහ ක‍්‍රිකට් කිව්වොත් කන්න බොන්න පවා  ඕනෙ නැති මිනිස්සු ඉන්න රටක් කිව්වොත් නිවැරදියි. නමුත් මේ ඔක්කොම පහසුකම් තියෙන්නේ ජාතික මට්ටමේ ක‍්‍රිකට් ක‍්‍රීඩාවට විතරයි. ඒ විතරක් නෙවෙයි ක‍්‍රිකට් කියන්නේ පිරිමින්ගේ ක‍්‍රීඩාවක් කියලා තමයි ඉන්දියානුවන් හිතාගෙන ඉන්නේ. ඒ නිසා ගැහැනු ළමයෙක් ක‍්‍රිකට් ගහනවා කියලා කිව්වොත් ඒක විහිළුවට කාරණයක් බවට පත් වෙනවා. ඉන්දියානු ගැහැනු අය ඉන්නේ දරුවො හදන්නයි කෑම උයන්නයි විතරයි කියන සංකල්පය ඉන්දියානු පිරිමි අතරින් තුරන් කරන්න මේ වගේ ටෙලි නාට්‍යයකට පුළුවන් කමක් නැහැ. නමුත් ‘තමන්නා’ ටෙලි නාට්‍ය වැඩිපුරම ප‍්‍රසිද්ධ වෙලා තියෙන්නේ ඉන්දියානු පිරිමි අය අතර කියලා නම් කියන්නම  ඕනෙ. ඒ ක‍්‍රිකට් නිසා. තවත් පැහැදිලි කරනවා නම් ක‍්‍රිකට් ක‍්‍රිඩා කරන කෙල්ලෙක් තමන්නා ටෙලි නාට්‍යයේ ප‍්‍රධාන චරිතය රඟපාන නිසා.
තමන්නා ටෙලි නාට්‍ය, එහෙමත් නැත්නම් සෝප් ඔපෙරාව 2016 අවුරුද්දෙ පෙබරවාරි පළමුවෙනිදා ඉන්දියානු ස්ටාර් ප්ලස් නාලිකාවෙන් විකාශය වෙන්න පටන් ගත්තා. පළමුවෙනි කතා මාලාවට කොටස් 143 ක් අඩංගු වෙනවා. තාම ඉන්දියාවෙ විකාශය වෙන්නෙ පළමුවෙනි කතා මාලාව. ඒ වගේම අපේ රටෙත් දැන් තමන්නා ටෙලි නාට්‍ය ‘ධාරා’ නමින් විකාශය වෙන්න පටන් අරන්. ධාරා සොලාන්කි කියන්නේ තමන්නා නාට්‍ය මාලාවෙ ඉන්න ප‍්‍රධාන නිළියගෙ නම. ඇය තමයි කලින් කියූ ක‍්‍රිකට් ක‍්‍රිඩා කරන ගැහැනු ළමයා. තරුණ ධාරාගේ චරිතයට පණ දෙන්නේ ප‍්‍රසිද්ධ දකුණු ඉන්දියානු නිළි අනූජා සාතේ විසින්. ලංකාවෙ විකාශය වෙන ධාරා නාට්‍යයේ නම් තාමත් ධාරාගේ චරිතය ර`ගපාන්නේ ධාරාගේ පුංචි කාලයට පණ පොවන හර්ෂිතා  ඕජා කියන පුංචි නිළිය.
අනූජා සාතේ කියන්නේ 2010 වසරේ වේදිකා රංගනයෙන් ටෙලි නාට්‍ය කලාවට අවතීර්ණ වුණු මරාති නිළියක්. 2010 අවුරුද්දෙ ඇය Agnihotra කියන ටෙලි නාට්‍ය අතිශය ජනප‍්‍රියත්වයට පත් වුණා. Agnihotra නාට්‍යයට අනුජාව තෝරා ගන්න හේතු වුණේ ඇය වේදිකාවේ සිදුකළ අපූර්ව රංගනයන් බව Agnihotra හි අධ්‍යක්ෂකවරයා පවසා තිබුණා. අනූජා මේ වනවිට රඟපා ඇති ටෙලි නාට්‍ය ගණන 6 ක්. ඒ සෑම ටෙලි නාට්‍යයකම පවා ඇයට උප ප‍්‍රධාන චරිත ලැබී තිබෙනවා. නමුත් තමන්නා ටෙලි නාට්‍යයේ ඇයට ප‍්‍රධාන චරිතයම ලැබී තිබෙනවා. ඊට අමතරව ඇය මරාති චිත‍්‍රපට පහකත් බජ්රා ඕ මස්තානි කියන බොක්ස් ඔෆිස් වාර්තා තැබූ හින්දි චිත‍්‍රපටයේ රඟපා තිබෙනවා. 
1987 වසරේ ඔක්තෝබර් මස 8 වැනිදා ඉන්දියාවේ පූනෙ හි උපත ලැබූ අනූජා සාතේ බාල කාලය ගත කළේ පූනෙ නගරයේයි. පාසල් අධ්‍යාපනය ලබන අතරම පාසල් වේදිකාවේ දක්ෂ ලෙස රඟපෑ ඇයට ඉන්පසු ප‍්‍රසිද්ධ වේදිකාවේ රඟපාන්නට අවස්ථාව ලැබුණා. වර්තමානය වනවිට ඇය මරාති සිනමාවේ වෘත්තීය නිළියක බවට පත් වෙලා. ටෙලි නට්‍ය ක්ෂේත‍්‍රයේ දී දැන හඳුනා ගත් මරාතේ සිනමා නළු සවුරබ් ගෝක්ලේ සමග විවාහ වුණු අනූජා මේ වනවිට සවුරබ් සමග මුම්බායි නගරයේ පදිංචිව සිටිනවා. 
තමන්නා නිසා අනූජාට ක‍්‍රිකට් ක‍්‍රීඩාව ඉතා හොඳින් පුහුණු වෙන්න සිදු වුණා. රූගත කිරීම් සිදු කරන්න මාස තුනකට කලින් සිට ඇය පන්ජාබි ක‍්‍රිකට් පුහුණුකරුවෙකු යටතේ දවසකට පැය හතර බැගින් පිති හරඹය පුහුණු වුණු ආකාරය ගැන ‘ස්ටාර්ස්’ සඟරාවට විස්තර කර තිබුණා. මේ වනවිට ඇය ප‍්‍රාන්ත තරගවල පවා හොඳින් දක්ෂතා පෙන්වන්න පුළුවන් මට්ටමින් ඉන්නවා කියලයි ඇය කියන්නේ. ඒ වගේම ක‍්‍රිකට් ක‍්‍රිඩාවේ නීති රීති ගැනවත් දැනුමක් නොතිබුණු අනූජාට මේ වෙද්දි ක‍්‍රිකට් ගැන විශාල ඇල්මක් ඇති වී තිබෙන බවත් ඇය ස්ටාර්ස් සඟරාවට පවසා තිබෙනවා. මේ හේතු නිසා කතා මාලා කීපයකින් සමන්විත තමන්නා නාට්‍ය මාලාවේ රඟපාන්නට අවස්ථාව ලැබීම තම ජීවිතයේ කඩඉම් ලක්ෂ්‍යයක් බව ඇය විශ්වාස කරනවා.
 
දුලංජලී මුතුවාඩිගේ

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1223

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 699

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 4085

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2349

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4379

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 5529

Please publish modules in offcanvas position.