Coss Ear2
lakbima.lk
COSS Ear 1

'රැකියා බර' ගෙදර ගෙනයාම තහනම් කරන නීතියක්!

'උඹ කරන රස්සාව හැම තිස්සෙම ඔළුවේ තියා ගනින්'

මෙය තවමත් අපේ බොහෝ හාම්පුතුන්ගෙන් සේවකයන්ට නිතර අසන්නට ලැබෙන අවවාදයකි. එහෙත් 'රස්සාව ගෙදර ගෙනියන්න එපා' යනුවෙන් සේවකයන්ට අවවාද දෙන නව නීතියක් දැන් ප්‍රංශයේ ක්‍රියාත්මක වේ. මෙම නීතිය හැඳින්වෙන්නේ විබන්ධනය වීමේ නීතිමය හිමිකම (Right to Disconnect law) යනුවෙනි. ප්‍රංශයේ ක්‍රියාත්මක වන මෙම නව නීතිය අනුව රැකියාවෙන් බැහැරව සිටින විට රැකියාව හා සම්බන්ධ ඊමේල් ඇතුළු විද්යුත් සන්නිවේදන කටයුතු වල යෙදීම තහනම්ය.

මෙය වඩාත් සරළ ලෙසින් කිව හොත් කාර්යාලයේ හෝ සේවා ස්ථානයේ රැකියාව 'ගෙදර ගෙන යාම' මෙම නීතියට අනුව තහනම් වේ.

මෙම නීතිය සම්පාදනය කිරීමේ පුරෝගාමී වී ඇත්තේ කාන්තාවකි. ඇය ප්‍රංශ ජනතාවාදී පක්ෂය නියෝජනය කරමින් කම්කරු ඇමති ධුරය හොබවන 39 හැවිරිදි මීරීයම් එල්. කොම්රි (Miriam el Khomri) ය.  ඇගේ මෙම යෝජනාවට පදනම් වී ඇත්තේ රැකියාව හා පෞද්ගලික ජීවිත 'එකිනෙකට' සම්බන්ධ කර ගැනීමෙන් රැකියා ජීවිතය සේම ගෘහ ජිවිතයද අසාර්ථක වන බවට ඇය විසින් කරන ලද නිරීක්ෂණ මාලාවකි.

මීරීයම් එල්. කොම්රි (Miriam el Khomri)

ඒ නිසා ජාතික ශ්‍රම ඵලදායකත්වයේ පවා පසුබෑමක් ඇතිවිය හැකි බව ඇය අවධාරණය කරයි.

සේවකයන් සේවයෙන් බැහැර අවස්ථා වලදී ඊමේල්, දුරකථන වැනි විද්යුත් සන්නිවේදන ක්‍රම මගින් රැකියාව හා සම්බන්ධ වීම ප්‍රංශය පාර්ලිමේන්තු පනතක් මගින් තහනම් කොට තිබේ.

2016 වසරේ පෙබරවාරි 17දා ඇය විසින් ප්‍රංශ පාර්ලිමේන්තුවට ගෙනා පනත් කෙටුම්පත 2016 අගෝස්තු 8දා පාර්ලිමේන්තුවේ සම්මත කර නීතියක් බවට පත් කර ඇත.

කාර්ය මණ්ඩලයේ පනස් දෙනෙකුට වඩා සේවයේ නියුතු ආයතන වලට බලපාන මෙම නීතිය නිසා ඒවායේ හාම්පුතුන් කාර්යාල වේලාවෙන් බැහැර අවස්ථාවල තම විද්යුත් සන්නිවේදන ජාල අවහිර කොට ඇත.

ඒ එහි සේවකයන්ට පූර්ණ නිදහස ලබා දීම සඳහාය. විද්යුත් සන්නිවේදනය නිසා සේවකයන් මතට පැටවී ඇති අතිරේක රැකියා බර මින් ඉවත් වී තිබේ.

මේ මගින් එම සේවකයන්ට සේවා කාලයෙන් බැහැර අවස්ථාවන්හිදී රැකියා මානසිකත්වයෙන් අත්මිදී තම පවුලේ සාමාජිකයන් සමග හෝ පෙම්වතුන් පෙමිවතියන් සමගින් නිදහස් මනැසකින් කාලය ගත කිරීමට අවකාශ ලැබේ. එය ඔවුන්ගේ රැකියාවේ සාර්ථකත්වයටද හේතු වන බව ප්‍රංශ රජය අද වන විට පිළිගෙන තිබේ.

ශ්‍රී ලංකාවේ පෞද්ගලික අංශයේ සේවකයකු සතියකට පැය 45ක කාලයක් සේවය කරන මුත් ප්‍රංශ සේවකයෙකුගේ සතියක සේවා කාලය වනුයේ පැය 35ක් පමණි.

වැඩියෙන් වැඩ කිරීමෙන් වැඩි ප්‍රතිලාභයක් ලැබිය හැකි යැයි බෙහෝ දෙනා සිතන යුගය තොරතුරු තාක්ෂණය මත පදනම් වූ වර්තමාන රැකියා ක්ෂේත්‍රයට එය එතරම් අදාල නොවන බව නවතම සෙයා ගැනීමකි. එහිදී ඒ සදහා ගතවන කාලයට වඩා එම කටයුත්තේ ඇති විධිමත් බව හා නිවැරදි බව මගීන් වැඩි ශ්‍රම ඵලදායක්වයක් ලැබිය හැකි බව නවීන වෘත්තීන් හා සම්බන්ධ මනෝ විද්‍යාඥයෝ තහවුරු කරති.

ඒ අනුව 'රැකියාව ගෙදර ගෙන යාම' හෝ 'නැහීගෙන' වැඩ කිරීම එතරම් ප්‍රයේජනවත් නොවන බව මේ වන විට ප්‍රංශය ඇතුළු නවීන ලෝකයේ පොදු පිළිගැනීම වී තිබේ.

ඒ.ජී.රේණුකා{jcomments on}

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1943

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 1051

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 5003

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2876

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4954

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 6175

Please publish modules in offcanvas position.