Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

පුද්ගලයකුගේ මානසික පෝෂණය සඳහා සංගීතයෙන් ලැබෙන්නේ නොමඳ සහයකි. ගීත ගායනය මෙන්ම ගීත වලට සවන්දීම විනෝදාංශයක් ලෙසද සැලකිය හැකිය.

කුඩා දරුවෝ ගීත ගායනය ඉතා ප්‍රිය කරති. එය ඔවුන්ගේ ස්වභාවික ගති ලක්ෂණ අතරින් එකකි.

එමෙන්ම දරුවාගේ ආශාව හා හැකියාව පිළිබඳව සිතා ඔවුන් එම අංශයෙන් ඉදිරියට යැවීමට කටයුතු කරන දෙමාපියෝද සිටිති.

ඕනෑම පුද්ගලයකුට ජන්මයෙන්ම පැමිණෙන ගතිගුණ හා හැකියාවන් තිබේ. ගායන හැකියාවද ඒ අතර වේ. නමුත් සිඟිති දරුවන් පිළිබඳව සලකා බලන කල හැකියාව ඇති නැති යැයි කොටස් කිරීම සුදුසු නැත. සිඟිති දරුවන් අතරින් ගායන හැකියාව නොමැති අය සිටී නම් ඒ සියයට 1 ක් 2 ක් පමණ ඉතා ස්වල්ප ප්‍රමාණයකි.

දරුවන් බොහෝ දෙනෙකුට ගායන හැකියාව තිබෙන අතර  නිවැරදිව දරුවන් ඒ වෙත යොමු කිරීම ගුරුවරයාගේ කාර්යභාරය වේ.

සිඟිත්තන්ට ගීත උගන්වන විට ප්‍රථමයෙන් වචන උගන්වා අනතුරුව තාලයට ගායනා කිරීමට හුරු කරන අවස්ථා තිබේ.

එවිට සිදුවන්නේ දරුවන් විසින්ම ඒ සඳහා තාලයක් නිර්මාණය කර ගැනීමය. එමනිසා එම ක්‍රමය සුදුසු නොවන අතර සුදුසු ක්‍රමය වන්නේ මුලින් වචන ඉගැන්වීමක් හා වචන කටපඩම් කීරීමක් නොකර ගීතය දරුවන්ට ඇසෙන්නට ගායනා කිරීමය.

දරුවන්ට ගැලපෙන ආකාරයට ශ්‍රෑතිය සකස් කර ගැනීමද ඉතාම වැදගත්ය. ආරම්භක ස්වර වලින් පටන්ගෙන මධ්‍ය ස්වර වලින් ගීතයක තනුව සකස් කර ගත යුතු වේ. උච්ඡ ස්වර යොදා ගැනීම සිඟිති දරුවන්ගේ ගීත සඳහා සුදුසු නැත.

එමෙන්ම දරුවකුට ගායනා කළ හැකි පරාසය හඳුනාගෙන එම පරාසය වෙත දරුවා ගෙන ඒමද ගුරුවරයාගේ දක්‍ෂතාවය හා වගකීම වන අතර හැකියාව වැඩිපුර ඇති දරුවන් ඉදිරියට ගැනීමට උත්සාය කිරීම නොකල යුතු බවද විශේෂයෙන් කිව යුතුමය.

උපදෙස් -: සංගීත උපදේශක, වාද්‍ය විශාරද - තිස්ස විජේරත්න

සංස්කරණය ජලදිනී සේනානායක,

(මුල් ළමා විය රැකවරණය හා සංවර්ධනය පිළිබඳ ඩිප්පෝමාධාරිනී, ප්‍රාථමික අධ්‍යාපනය පිළිබඳ ඩිප්ලෝමාධාරිනී, පෙරපාසල් ගුරු NVQ Level 04- දකුණු ආසියා අන්තර්ජාතික උසස් අධ්‍යාපන ආයතනය)

 

 

දරුවන්ට අකුරු හඳුනා ගැනීමට නම් ඒවායේ හැඩය යා ශබ්දයද (අකුරු උච්ඡාරණය කරන ආකාරය) දරුවාගේ මතකයේ රැඳිය යුතුවේ. සංඛ්‍යා පිළිබඳව කථා කිරීමේ දී ද සංඛ්‍යාවේ හැඩය හා එහි වටිනාකම දරුවාගේ මතකයේ රැඳිය යුතුය.

ඇත්තෙන්ම අධ්‍යාපනය සාර්ථක වීමට නම් උගන්වන දේ මතකයේ රඳවා‍ තබා ගැනීම ඉතාම අවශ්‍ය වේ. මතකය යනු ඕනෑම පුද්ගලයෙකුට ජීවිතයේ අත්‍යවශ්‍ය දෙයක් ලෙස පෙන්වා දීමට පුළුවන.

පහත දැක්වෙන්නේ සිඟිති දරුවන්ගේ මතක ශක්තිය වර්ධනය සඳහා සුදුසු ක්‍රියාකාරකම් කිහිපයකි.

මේසයක් මත ද්‍රව්‍ය කිහිපයක් තබන්න. මේවා දරුවා හොඳින් හඳුනන ද්‍රව්‍ය විය යුතුය.

උදා -: පොතක්, පෑනක්, කෝප්පයක්, පනාවක්, කතුරක්, හැන්දක්, බෝතලයක්

දරුවාට මේවා පෙන්වා හඳුනා ගැනීමට විනාඩි 3 – 5 අතර කාලයක් දෙන්න. දැන් රෙද්දක් හෝ විශාල ප්‍රමාණයේ කඩදාසියක් ගෙන මේ සියල්ල වැසෙන සේ මේසය මතට දමන්න. මේසය උඩ තිබුණු දේවල් මොනවාදැයි දරුවාගෙන් විමසන්න.

කඩදාසියක් ගෙන දර්ශනයක් එහි අඳින්න.

උදා-: කහපාට පසුබිමේ රතු පාට මල් වැටුණු ගවුමක් ඇඳගත් ගැහැණු ළමයකු කෙක්කක් අරගෙන අඹ කඩයි.

අඹ ගෙඩි 3 ක් බිමට වැටී තිබෙන අතර බලු පැටවකු ඒ දෙස බලා සිටියි. ළමයාගේ නිවස පසෙකින් පෙනේ. ඉර පායා ඇත. කුරුල්ලන් කිහිප දෙනෙක් අහසේ ඉඟිලෙති.

මෙම රූපය දරුවාට පෙන්වා ඒ පිළිබඳ විස්තර දරුවාගෙන් විමසන්න. විනාඩි කිහිපයක් ඒ පිළිබඳව කථා කර රූපය ‍පසෙකින් තබා එම රූපය ඇසුරින් දරුවාගෙන් ප්‍රශ්න අසන්න.

උදා -:

  •  බබාගේ ගවුම මොන පාටද?
  •  බබාගේ ගවුමේ තිබුණේ මොනවාද?
  •  බබා මොනවා කරමින් ද සිටියේ?
  •  ඒ දිහා බලාගන හිටියේ කවුද?
  •  අහසේ තිබුණේ මොනවද?

මෙවැනි ප්‍රශ්න දරුවා වෙත යොමු කළ හැකිය.

පාට කරන ලද රූපයක් දරුවා අතර දෙන්න. එම රූපය හා එහි පාට පිළිබඳව දරුවා සමඟ කථා කරන්න. දැන් එය දරුවාට නොපෙනන ලෙස තබා එම රූපයම ඇඳ (පාට නොකර) දරුවා අතට දී පළමු රූපයේ ආකාරයටම පාට කරන ලෙස දරුවාට පවසන්න.

මීට අමතරව දෙමාපියන් විශේෂයෙන්ම දැනගතයුතු දෙයක් තිබේ. එනම් දරුවන්ට කුඩා කාලයේ සිටම වගකීමෙන් යුතුව ජීවත් වීමට හුරු කිරීම ඉතාම වැදගත් බවයි.

දරුවකුට කුඩා කාලයේ සිටම තම වැඩ කටයුතු තමන්ටම කර ගැනීමට ක්‍රමයෙන් හුරු කළ යුතුය. නිවසේ වැඩකටයුතු සඳහා ද දරුවාගේ සහයෝගය ලබා ගත යුතුය.

දරුවාගේ සියළු දේම මව පමණක් මතකයේ තබාගත යුතු නැත. ඒවා පිළිබඳව දරුවාට ද වගකීමක් තිබිය යුතුය.

ඒ සමඟම දරුවන්ගේ මතක ශක්තිය වර්ධනය සඳහා මනැස නිරවුල් වීමට නිවසේ වාතාවරණය යහපත් වීමද ඉතාම අවශ්‍ය බව දෙමාපියන් මතක තබා ගත යුතුය.

 

 

Page 1 of 2

IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 3974

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 3719

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 6787

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4194

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2617

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3423

Please publish modules in offcanvas position.

Web Analytics