Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

රචනා ලිවීමට අද බොහෝ දරුවන් දක්වන්නේ මැලි කමකි. මන්දයත් ඔවුන්ගේ නිර්මාණාත්මක හැකියාව පිරිහී ඇති නිසාය. එම නිසා රචනාවකට කරුණු ගොනු කර ඒවා නිවැරදිව පෙළ ගැස්වීම ඔවුන්ට අපහසු කාර්යයක් වී ඇත.

රචනාවක් යනු නිශ්චිත අදහසක් යටතේ සිතට නැගෙන අදහස් ලිඛිතව පෙළ ගැස්වීමය. එම නිශ්චිත අදහස රචනාවේ මාතෘකාව වේ.

රචනාවක් ලිවීමේ දී එහි කරුණු ගොනු කිරීම මාතෘකාවට අනුව සිදුවිය යුතුය. උදාහරණයක් ලෙස මගේ ගම ගැන රචනාවක් ලියන්නේ නම් ගමේ සුන්දරත්වය පිළිබඳව සඳහන් විය යුතු අතර ගමේ යම් ස්ථානයක් ගැන හා එම ස්ථානයේ සුන්දරත්වය පිළිබඳව අනවශ්‍ය ලෙස විස්තර කිරීම සුදුසු වන්නේ නැත.

රචනාවක ආරම්භය පැහැදිළි විය යුතුය. එමෙන්ම එය ක්‍රමානුකූලව විස්තර කර අධ්‍යයනය කිරීම ඉතා වැදගත් වේ.

යම් සිද්ධියක් පිළිබඳව විස්තර කරන ආකාරය අප බලමු.

උදාහරණයක් ලෙස 'මා ගිය විනෝද ගමනක්' යන මාතෘකාව ගනිමු.

මෙහිදී විස්තර විය යුතු වන්නේ ගමනේ ආරම්භයේ සිට අවසානය දක්වාය. මුලින්ම ගමනේදී තමන් විනෝද වූ ආකාරය විස්තර කර අවසානයට ගමන ආරම්භ කරන ලද ආකාරය විස්තර කිරීම සුදුසු නැත.

රචනාවක් ලිවීමට පෙර දරුවන්ට ඒ පිළිබඳව පසුබිම් විස්තරයක් කරදීම සුදුසුය. ඒ  තුළින් දරුවෝ කිසියම් මාතෘකාවකට අනුව රචනාවක් ලිවීමට හුරුවෙති.

දරුවන් සිඟිති වියේ සිටම මේ සඳහා හුරු කරන්නේ කෙසේදැයි  බලමු.

දරුවාගේ පළමු රජදහන නිවසය. එමනිසා නිවසේ ඇති දේ පිළිබඳව හා ඒ ඇසුරින් විවිධ අත්දැකීම් ලබා ගැනීමට දරුවාට අවස්ථාව ලබා දිය යුතුය. එතුළින්ම පරිසරයේ සුන්දරත්වය නැරඹීමට  දරුවාට ඉඩ දීමද ඉතා අවශ්‍යය.

දරුවාට පෙනෙන ලෙස නිවසේ සුන්දර දේවල් වල පින්තූර එල්ලා තැබීමට පුළුවන. ඒවා දෙස බලා ඒවා විස්තර කිරීමට දරුවාව උනන්දු කළ හැකිය. දරුවන්ගේ සිත් වලට අළුත් අදහස් ගලා ඒමට එය මනා පිටුවහලක් වේ.

කතාන්දර වල පින්තූර පෙන්වා ඒවා පිළිවෙලින් විස්තර කිරීමට දරුවාට අවස්ථාව ලබා දෙන්න.

දරුවා තරමක් වියපත් වී හොඳින් අකුරු කියවීමට හා ලිවීමට හුරු වූ විට පින්තූරයක් හෝ සැබෑ දර්ශනයක් දෙස බලා එය විස්තර කර ලියන ලෙස දරුවාට පැවසීමට පුළුවන. ඒ හරහා දරුවාගේ අදහස් ලිඛිතව ප්‍රකාශ කිරීමේ හැකියාව වර්ධනය වනු ඇත.

විවිධ අත්දැකීම් මෙන්ම පොත්පත් කියවීමද සාර්ථක රචනාකරුවකුට අවශ්‍ය ප්‍රධාන මෙවලම් අතර වේ. එම නිසා දරුවන්ට හැකි තරම් පොත් පත් කියවීමට අවස්ථාව සලසා දෙන්න.

හැකි සෑම විටම ලෝකය පිළිබඳව විවිධ දේ වටහා දෙන්න. අළුත් අත්දැකීම් ලබා ගැනීමට උත්සාහ කරන විට එයට ඔබගේ සහයෝගය ලබා දෙන්න.

එය ඔබගේ දරුවා අනාගතයේ දක්ෂ ලේඛකයකු වීමට මහඟු පිටිවහලක් වනු ඇත.
 

උපදෙස් -: ආචාර්ය ධම්මදේශ අම්බලන්පිටිය ( කොළඹ ළමා පොත් සංගමයේ නිර්මාතෘ)

දරුවකු මුලින්ම පෙර පාසලට යන අවස්ථාව දෙමාපියන්ට විශේෂය. ඇඳුම් - පැළඳුම්, පොත් - පත් හා අනිකුත් අවශ්‍ය දේ මිලදී ගනිමින් ඒ සඳහා ‍ඔවුන් සූදානම් වන්නේ සතුටිනි.

මේ සියල්ලමත් සමඟම පෙර පාසල් යාමට දරුවාගේ මනැස ද සූදානම් කළ යුතු බව දෙමාපියන් දැන ගත යුතුය.

දරුවකු පෙර පාසල තුළ සතුටින් කාලය ගත කිරීම සම්බන්ධයෙන් වගකීම ඇත්තේ පෙර පාසලේ ගුරු භවතුන්ට බව බහුතරයකගේ අදහසය. එම අදහස මුළුමනින්ම සාවද්‍ය වන්නේද නැත.

පෙර පාසලේ පරිසරය,ගුරු මව්වරුන්ගේ කථා බහ, ඇඳුම් පැළඳුම්, හැසිරීම් රටාවන් මෙන්ම පෙර පාසලේ වැඩ පිළිවෙල, ක්‍රියාකාරකම් සඳහා දරුවන්ව යොමු කරන විලාසය යනාදී දේවල් දරුවන් තුළ පෙර පාසල පිළිබඳව ඇල්මක් ඇති වීමට හෝ නොවීමට හේතු පාදක වේ.

නමුත් සමහර දෙමාපියන්ගේ යම් ක්‍රියාවන්ද දරුවාට පෙර පාසල අප්‍රසන්න කරවීමට හේතු වන  අවස්ථා තිබේ.

ඒ මොනවාදැයි බලමු,

දරුවාට පෙර පාසල සුන්දර ස්ථානයක් වීමට නම් ගුරුතුමිය පිළිබඳව ඇල්මක් ඇතිවීම අවශ්‍යය.

මේ සඳහා තම දරුවාට අසත්‍ය දේ පවසන හා අනවශ්‍ය බලාපොරොත්තු දෙන දෙමාපියෝ සිටිති.

"ටීචර් පුතාව වඩාගෙන ඉඳියි"

"ටීචර් අද තෑගි ගේනවා ඔයාලට දෙන්න"

"ඔයා තමයි හොඳම ළමයා"

මෙසේ පවසන විට දරුවාට සතුටක් ඇති වන බව සැබෑය. නමුත් ඒවා සත්‍ය නොවන බව දැන ගැනීමෙන් පසු දරුවා තුළ ඇති වන්නේ වේදනාවකි. පෙර පාසල් යාමට අකමැති වීමට එවැනි දේවල් ද හේතු වේ.

එමෙන්ම දරුවා ඉදිරියේ පෙර පාසල, ගුරුතුමිය හෝ අනෙක් දරුවන් පිළිබඳව අප්‍රසාදයෙන් කථා කිරීම ඔවුන්ව විවේචනය කිරීම ආදිය නුසුදුසුය.

එවිට දරුවා තුළ පෙර පාසල පිළිබඳව මැවෙන්නේ ප්‍රසන්න චිත්‍රයක් නොවේ. තමන්ට අප්‍රසන්න ස්ථානයක් කරා යාමට වැඩිහිටියන් වුවද ප්‍රිය කරන්නේ නැත. සිඟිති දරුවන්ද ඒ ආකාරයම බව දෙමාපියන් මතක තබා ගත යුතුය.

ඇත්තෙන්ම පෙර පාසල් ගුරුතුමිය සිඟිති දරුවන්ට මවක බඳු විය යුතුමය. තමන් වෙතින් දරුවනට ආදරය හා රැකවරණය ලැබෙන බව ඔවුන් හැඟවීම ද ඉතාම අවශ්‍යය.

නමුත් පෙර පාසල තුළ සිටිනුයේ තම දරුවා පමණක් නොවන බව දෙමාපියන්ද මතක තබා ගත යුතුම කරුණක් වේ.

පෙර පාසලේ සිටින දරුවන්ගේ හැසිරීම් රටාවන්ද එක හා සමාන වන්නේ නැත. නමුත් ගුරුතුමිය සෑම දරුවකු කෙරෙහිම එක හා සමාන ලෙස අවධානය යොමු කළ යුතුව තිබේ. එය භාර ධූර වගකීමකි.

පෙර පාසලේ ස්වභාවය නිවසට වඩා වෙනස් බව දෙමාපියන් අවබෝධ කර ගත යුතු අතර ඒ පිළිබඳව දරුවා සමඟ කථා කිරීම දරුවාට ද එම තත්ත්වය අවබෝධ කර ගැනීමට උපකාර වේ.

"එතන පුතාට යා‍ළුවෝ ගොඩාක් ඉන්නවා. ටීචර් තමයි හැම කෙනෙක්වම බලා ගන්නේ. කාගෙවත් අම්මලා එතන ඉන්නේ නැහැ."

මේ ආදී වශයෙන් පැවසීම අනිවාර්යයෙන්ම කළ යුතුය.

ඒ සමඟම තමන්ට පෙර පාසලේ දරුවා සමඟ රැඳී සිටීමට ඉඩ දෙන කාල සීමාව පිළිබඳව ද දෙමාපියන් සැලකිලිමත් විය යුතුය. දරුවා සමඟ වැඩිපුර කාලයක් රැඳී සිටීමට අවසර ඉල්ලීමද සුදුසු නැත.

දරුවකු පෙර පාසලකට ඇතුළත් කරන විට දරුවා හඬයිද යන්න ඕනෑම මවකට පියෙකුට ඇතිවන ගැටලුවකි. නමුත් ඒ පිළිබඳව දරුවා ඉදිරියේ කථා කිරීම නොකළ යුතු බවත් හොඳින්ම මතක තබා ගත යුතුමය.

පෙර පාසලක වැඩ කටයුතු සාර්ථකව කරගන යාමට නම් දරුවන් පෙර පාසලේ පිළිවෙළට අනුව හැඩ ගැසිය යුතුවේ. ඒ සඳහා ඉහත සඳහන් කළ ආකාරයට දෙමාපියන්ට සහයෝගය දිය හැකියි. පෙර පාසල දරුවාට සුන්දර තැනක් වූ විට එහි පිළිවෙළට අනුව හැඩ ගැනීම දරුවාට අපහසු කටයුත්තක් වන්නේ නැත.

Page 4 of 5

IMAGE

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 1498

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 1777

අන්තර්ජාල ඡායාරූපයේ සත්‍ය කතාව උදාරි හෙළි කරයි

IMAGE 2018 Jan 15 12:15
ප්‍රවේගය සිනමා පටයෙන් බොහෝ දෙනාගේ ආදරය දිනාගත් උදාරි පෙරේරාගේ තට්ට හිස සහිත ඡායාරූප පෙළක්...
Views - 3034

හොලිවුඩ් නිළියන්ටත් ලිංගික හිංසන

IMAGE 2018 Jan 15 11:49
වසර හැත්තෑ පහක කාලය තුළ අමුතුම ආකාරයේ ගෝල්ඩන් ග්ලෝබ් සම්මාන උළෙලක් පළමු වරට පසුගිය ඉරිදා...
Views - 1621

SMS මිස්කෝල් ෆෙස්බුක් නිසා කාන්තාවන් 26%ක් ගුටිකති

IMAGE 2018 Jan 15 08:37
සැමියා පහරදීම නිසා කාන්තාවන්ගෙන් සියයට විසිහයක් හිංසනයට ලක්ව ඇත්තේ ජංගම දුරකථනවලට එන කෙටි...
Views - 1945

හැන්දෑවට හඩා වැටෙන සියඹලාගසේ භූතයා

IMAGE 2018 Jan 14 13:05
නිකවැරටියට ආසන්න පිටිසරබද ගම්මානයක භූතයකු අරක්ගත් සියඹලා ගසක් පිළිබඳව මීට වසර කිහිපයකට පෙර...
Views - 3518

Please publish modules in offcanvas position.

Web Analytics
X

Right Click

No right click