Coss Ear2
lakbima.lk
COSS Ear 1

දරුවෙකුට ආරම්භයේ (එකේ) සිට ඉදිරියට ගණන් කළ හැකි ප්‍රමාණය ද දරුවන්ගේ ගණිතමය දක්ෂතා පිළිබඳව සලකන මිනුම් දඬු අතර වේ. 
එය තවදුරටත් පැහැදිලි කළහොත් එකේ සිට දහයට ගණන් කරන දරුවාට වඩා එකේ සිට සියයට ගණන් කිරීමට හැකි දරුවා දක්ෂ බව බහුතරයකගේ අදහසය. නමුත් එය නිවැරදි වන්නේ නැත. 
දරුවන් එකේ සිට ඉදිරියට කට පාඩමින් කියවාගන යන බව සැබෑය. ඔවුන් නිදහසේ එසේ පවසන විට ඔවුන්ට බාධා කළ යුතුද නැත. නමුත් ඒ අතරම දරුවන්ට එකින් එක ගණන් කිරීමටද හුරු කළ යුතුය. 
පළමුවෙන්ම එය කළ යුතු වන්නේ සත්‍ය වස්තූන් අසුරිනි. එමෙන්ම එකවර විශාල සංඛ්‍යාවක් (ප්‍රමාණයක්) ගැනීමද සුදුසු නැත. දරුවන් බහ තේරීමට පටන් ගත් විගසම එකින් එක ගණන් කිරීමට ඉක්මන් විය යුතුද නැත. 
දරුවකුට වයස අවු. 2/2, 3ක් පමණ වූ පසු එම ක්‍රියාදාමය ආරම්භ කිරීම සුදුසුය. 
දරුවන්ට එකින් එක ගණන් කිරීමට හුරු කරන්නේ කෙසේදැයි බලමු. 
දරුවන්ට සංඛ්‍යා නාම ඉගැන්වීම පිළිබඳව පසුගිය සතියේ සාකච්ඡා කෙරිණි. දරුවන්ට සංඛ්‍යාත්මක අගය පිළිබඳ අවබෝධය ලබා දීමේදී එම ක්‍රියාවන්ම එකින් එක ගණන් කරමින් කළ හැකිය. 
 
උදාහරණ 
සෙරෙප්පු දෙක යන්න පවසන විට එකයි, දෙකයි ලෙස ඒවා එකින් එක ගණන් කර පෙන්වීමට පුළුවන. 
“මෙතන කෝප්ප තුනක් තියෙනවා” යයි පවසා ඒවාට ඇඟිල්ල / අත තබමින් “එකයි, දෙකයි, තුනයි“ යනුවෙන් පැවැසීමට හැකිය. 
මේ ආකාරයට නිවසේ වැඩ කටයුතු කරන විට මෙන්ම පරිසරයේ කාලය ගත කරන අවස්ථාවලදීද විවිධ දේ පෙන්වමින් දරුවා සමග එකින් එක ගණන් කරන්න. 
ආරම්භයේදී පහක් පමණ ප්‍රමාණවත් වේ. දහයට වඩා වැඩිවීම සුදුසු නැත. එමෙන්ම මුලින්ම මේ සඳහා තෝරා ගත යුතු වන්නේ ද සත්‍ය වස්තූන්ය. 
දරුවාගේ ‍පොත්, පැන්සල්, ක්‍රීඩා භාණ්ඩ ආදියද මේ සඳහා තෝරා ගැනීමට පුළුවන. 
ඉන්පසු ඇට වර්ග, යෝගට් හැඳි, හිස් ගිනිපෙට්ටි ආදී දේවල් භාවිතා කරමින් මෙසේ එකින් එක ගණන් කිරීමේ ක්‍රියාකාරකම් කළ හැකිවේ. 
මවුවරුන්ගේ විවේක කාලයේදී දරුවා සමග එකතු වී නිවසේ දරුවා කැමැති තැනකට ගොස් ගණන් කිරීමේ ක්‍රියාකාරකම් කිරීමට පුළුවන. 
මෙහිදී ගණන් කිරීම සඳහා තෝරා ගන්නා වස්තූන් විවිධ රටාවලට තබමින් ගණන් කිරීමට දරුවාව යොමු කළ යුතුවේ. එකම ප්‍රමාණය වුවද විවිධ රටාවලට තබමින් ගණන් කළ හැකිය. 
 
මෙහිදී ගන්නා ලද ද්‍රව්‍ය ප්‍රමාණය එක රටාවකට තබා එකින් එක ගණන් කරන්න. පසුව ඒවාම තවත් රටාවකට තබා එකින් එක ගණන් කරන්න. රටාව වෙනස් වුවද ද්‍රව්‍ය ප්‍රමාණය සමාන බව එවිට දරුවෝ අවබෝධ කර ගනිති. 
ඒ සමගම අත්පුඩි ගැසීම, උඩ පැනීම, ඔන්චිලි පැදීම ආදියද දරුවාට දැනෙන ආකාරයට එකින් එක ගණන් කරමින්  කළ හැකිවේ. මුලදී එකවර පහක් බැගින් කරන්න. අත්පුඩි පහක් ගසා “අපි ආයෙත් තව අත්පුඩි පහක් ගසමු. “ යනුවෙන් පවසා එය කළ හැකිවේ. දරුවාට ඉදිරියට යා හැකි බව හැඟේ නම් දහය තෙක් යාම වරදක් නැත. 
මේ ආකාරයට සත්‍ය වස්තූන් මගින් එකින් එක ගණන් කිරීමට පුහුණුව ලැබුණු පසු රූප පෙන්වා ගණන් කිරීමට ඉඩ දීමට පුළුවන. 
ඒ සඳහා කාඩ්පත් සකස් කරගත හැකිය. මෙහිදී එම කාඩ්පත්වල තිබිය යුතු වන්නේ දරුවන් දන්නා වස්තූන්වල රූප වේ. එම කාඩ්පත්වල රූප ගණනට අදාළ සංඛ්‍යාව සටහන් කළ යුතු නැත. 
එම කාඩ්පත්වල රූප එකින් එක ගණන් කළ හැකිය. හොඳින් හුරු වූ පසු 
* පහක් තියෙන්නෙ මොනවාද?
* ගස් කීයක් තියනවද? 
ආදී වශයෙන් දරුවාගෙන් විමසීමට පුළුවන. 
ඒවාට අමතරව කතන්දර මගින්ද සංඛ්‍යාත්මක අගය පිළිබඳව දරුවන්ව දැනුවත් කළ හැකිවේ. නමුත් ඒ සඳහා එම කතාන්දරයට අදාළ රූප තිබිය යුතුය. රූප පැහැදිලිව ඇති කතන්දර ‍පොත් මගින් කතන්දර කියාදීම ඒ සඳහා සුදුසු ක්‍රමයකි. 
උදා - “අම්මා බබාලා දෙන්නත් එක්ක ගමනක් යනවා. කී දෙනෙක් යනවද බලමු”
යනුවෙන් පවසා රූප ගණන් කරන්න. 
පසුව දරුවාට විවිධ ආකාරයේ අභ්‍යාස ලබා දීමටද පුළුවන. දරුවන් අතරේ ඉලක්කම් ලිවීමට ඉතාම අකමැති බව බොහෝ මවුවරු පවසති. එසේ වන්නේ ළපටි මනසට ඔරොත්තු නොදෙන ආකාරයේ පීඩනයක් ලබා දෙමින් ඒවා කිරීමට මවුවරුන් උත්සාහ කරන නිසාය. 
නමුත් චිත්‍ර ඇඳීම, පාට කිරීම, පින්තූර ඇලවීම ආදී ක්‍රියාකාරකම්වලට දරුවන් අකමැති නැත. 
එම නිසා එවැනි ක්‍රියාකාරකම් දරුවාට සංඛ්‍යාත්මක වටිනාකම් පිළිබඳ අවබෝධය ලබා දීම සඳහා යොදා ගැනීමට පුළුවන. 
උදා - 
* “රවුම් හතරක් අලවමු”
* “මල් තුනක් අඳිමු”
* “ඔන්න අම්මා අඹ ගහක් ඇන්ද, දැන් පුතා අඹ ගහේ අඹ ගෙඩි පහක් අඳින්න”
මේ ආකාරයෙන් ක්‍රියාකාරකම් ඉතා සුදුසුයි. 
දරුවන්ට සංඛ්‍යාත්මක අගය පිළිබඳ අවබෝධය ලබා දීමට සුදුසු ක්‍රියාකාරකම් කිහිපයක් පහත දක්වා ඇත. 
 
1. මල් දෙකක් පාට කරන්න.
 
2. දොඩම් ගෙඩි තුනක් තිබෙන ගොඩ රවුම් කරන්න. 
 
මෙහිදී ‍පොතක එක පිටුවක කළ යුතු වන්නේ එක ක්‍රියාකාරකමක් පමණක් වන අතර රූපසටහනක්ද පැහැදිලිව ඇඳ තිබිම අවශ්‍යය. මේ හරහා දරුවන්ට  සංඛ්‍යාත්මක අගය පිළිබඳව ඉතා හොඳින් හා පහසුවෙන් අවබෝධ කර ගැනීමට පුළුවන. 
සංඛ්‍යා සංකේත හඳුනා ගැනීම ලබන සතියේ 
 
පෙර පාසල් ගුරු පුහුණු උපදේශිකා ජලදිනී සේනානායක 

සිඟිති දරුවෝ කතන්දර ඇසීමට ප්‍රිය කරති. නමුත් අද දරුවන් රූපවාහිනියට, පරිගණකයට, ජංගම දුරකථන වලට ඇබ්බැහි වී සිටීම නිසා කතන්දර වලට සවන්දීමේ අවස්ථා අඩු වී ඇත. එසේම අද බොහෝ මව්වරුන්ද රැකියාවල නියුතු වන බැවින් දරුවන්ට කතන්දර කියා දීමට කාල වේලාවන් සොයා ගැනීම ද අපහසුවක් වී ඇත.

නමුත් වැඩිහිටියන් විසින් දරුවන්ට කතන්දර කියා දෙන්නේ නම් ඔවුන් ඒවා ආශාවෙන් රස විඳින බව නම් කිව හැකිය.

සිඟිති දරුවන්ට කතන්දර කියාදීමේ දී සැලකිලිමත් විය යුතු කරුණු කීපයක් ඇත. කතන්දර තෝරා ගැනීමේ දී ඒ පිළිබඳව දෙමාපියන් විමසිලිමත් විය යුතුය.

1 කතන්දරය සරල විය යුතුයි

කතන්දරය දරුවාට අවබෝධ කර ගැනීමට නම් එය සරල විය යුතු අතර දරුවාට ආශාවෙන් එය රස විඳීමට සිතෙන්නේද එවිටය.

2 කතන්දරයේ චරිත කිහිපයක් පමණක් තිබිය යුතුයි

දරුවාට කතන්දරය මතක තබා ගැනීමට එහි චරිත විශාල ප්‍රමාණයක් තිබීම සුදුසු නැත. එමෙන්ම එම චරිත දරුවන් ඉතා ප්‍රිය කරන චරිතද විය යුතුයි.

3 කතාවේ අවසානය සතුටුදායක විය යුතුයි

අවසානය වේදනාත්මක වීම දරුවාටද ගෙන එන්නේ සිත් වේදනාවකි. තවද අවසානයේ ජය ගත යුතු වන්නේද කතාවේ යහපත් චරිතයයි.

4 අද්භූත සතුන්, අත්භුත පුද්ගලයින් හා සිද්ධීන් සහිත කතාන්දර කුඩා දරුවන්ට සුදුසු නැත

මනෝ විද්‍යාඥයන්ගේ මතය වන්නේ වයස අවුරුදු 02 – 05 අතර දරුවන් සංකේත මඟින් සිතන බවයි. එමනිසා මෙවැනි සිද්ධීන් තාත්වික යයි ඔවුන්ට හැ‍ඟේ. එසේම මෙම චරිතයන් ඔවුන්ගේ වීරයන් බවට පත්වේ. එවැනි අතාත්වික චරිත සහිත කතා නුසුදුසු වේ.

කතන්දර හරහා දරුවන් තුළ සංවර්ධනය කළ හැකි කුසලතා මොනවාදැයි බලමු

වර්ණය, ප්‍රමාණය, හැඩය, ආදී සංකල්ප පිළිබඳ අවබෝධය.

උදා - "කුමාරි බබා නිල් පාට ගවුමක් ඇඳලා රතු තොප්පියක් දාගෙන ගියා."

          "අලි‍යගේ ඇඟ උඩින් ලේනෙක් ගියා." ( අලියා - විශාල, ලේනා - කුඩා)

          "එදා පෝය දවසක් නිසා හඳ රවුමට පායලා තිබුණා." (රවුම)

සංඛ්‍යා අවබෝධය

උදා - "අම්මයි තාත්තයි එක්ක හා පැටියා ගමනක් ගියා." කී දෙනෙක් ගියා ද?

අවබෝධයෙන් යුතුව සවන් දීම හුරු කරවීම

අධ්‍යාපන කටයුතු වලදී අවධානයෙන් යුතුව සවන්දීම ඉතාම අවශ්‍යවේ. එය කුඩා කාලයේ සිටම හුරු කළ යුතුය. කතන්දර වලට සවන්දීම ඒ සඳහා පෙරහුරුවකි.

සිතීමේ ශක්තිය දියුණු කිරීම හා කථන හැකියා සංවර්ධනය

මේ සඳහා කතන්දරයක් කියා දෙන විට ප්‍රශ්න ඇසිය යුතුයි. එවිට සිදුවන දේ හා පිළිතුරු දීමට දරුවා ඒ පිළිබඳව සිතින් විමසා බැලිය යුතු වේ. එසේම කතා කිරීම අදහස් ප්‍රකාශ කිරීම සඳහා ද අවස්ථාව ලැබේ.

දරුවන්ගේ සදාචාරාත්මක සංවර්ධනය

මෙහිදී කතන්දර වල ඇති යහපත් චරිත පෙන්වා දෙමින් දරුවන්ට ඒ පිළිබඳව අවබෝධ කරවීමට පුළුවන.

ජලදීනී සේනානායක

Page 2 of 6

IMAGE

ග්‍රැන්ඩ්පාස් ගොඩනැගිල්ල කඩා වැටීම සොයුරාගේ සැලසුමක් -...

IMAGE 2018 Feb 16 13:54
හත්දෙනෙකුට මරු කැඳවමින් පසුගිය (14) දා ග්‍රැන්ඩ්පාස් ගොඩනැගිල්ල කඩා වැටීමේ සිද්ධිය...
Views - 2510

මනාලයාගේ 'දෙනෙත් උඩ රැන්දූ' මනාලියගේ රැකියාව

IMAGE 2018 Feb 16 12:26
අනුරාධපුරයට ආසන්න නිකැලැල් චරිතවත් යුවතියක සඳහා මනාලයෙකු සොයන බව මීට සති කිහිපයකට ඉහත ඉරිදා...
Views - 5390

හෙදිය සමූහ දූෂණයට විනයාරක්ෂක කපිතාන් අල්ලයි

IMAGE 2018 Feb 14 23:55
රංචු ගැසී පුද්ගලික රෝහලක හෙදියක් සමූහ දූෂණයට ලක් කිරීමේ සිද්ධිය සම්බන්ධයෙන් ‍පොලීසියට...
Views - 4774

ඡන්ද ප්‍රතිඵල වලින් පස්සෙ සමහරුන් බුම්මාගෙන ඉන්නේ ඇයි?

IMAGE 2018 Feb 14 13:39
මෙවර පළාත් පාලන ඡන්දයේ දී මෙන්ම  සෑම මැතිවරණයකදීම කිසියම් පිරිසක් ජයග්‍රහණය කරන විට ඊට...
Views - 2866

හොර හැඳුනුම් පතක් ගෙන ප්‍රේම ලෝකයට බසින 'වැලන්ටයින්'

IMAGE 2018 Feb 14 09:22
පෙම්වතුන් පෙම්වතියන් අතර හෝ අඹු සැමියන් අතර පවත්නා ආදරය ලිංගිකත්වය හා අනුරාගය මත පදනම් වූ...
Views - 2820

කෝවක්කා කෑවම මැරෙනවද?

IMAGE 2018 Feb 13 19:41
කෝවක්කා ගෙඩියක් ආහාරයට ගත් දරුවෙකු ශරීරයේ සීනි මට්ටම පහත වැටීමෙන් මිය ගිය පුවත පසුගිය සතියේ...
Views - 7428

Please publish modules in offcanvas position.