Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

තම දරුවා උසින් මහතින් වර්ධනය වනු දැකීම දෙමාපියන්ගේ සතුටය. එමෙන්ම දරුවන්ගේ නිරෝගී බව රැක ගැනීම හා ආරක්ෂා කර ගැනීම ද ඔවුන්ගේ අපේක්ෂාවයි.

දරුවන් කුඩා අවදියේ සිටම ඔවුන්ට පෝෂ්‍ය ගුණයෙන් සපිරි ආහාර ලබා දීමට වෙහෙස වන්නේ ඒ නිසාමය.

නමුත් දරුවන්ගේ ශාරීරික වර්ධනයට මෙන්ම නිරෝගී බව පවත්වා‍ගෙන යාමටත් පෝෂ්‍යදායී ආහාර පමණක් ප්‍රමාණවත් නොවේ. ඒ සඳහා ව්‍යායාම ද අවශ්‍යය.

අද බොහෝ දරුවෝ රූපවාහිනිය, පරිගණකය, ජංගම දුරකථනය ආදිය සඳහා යොමු වී සිටිති. ඒ කිසිදු අවස්ථාවක ඔවුන්ට ව්‍යායාම ලැබෙන්නේ නැත. ඒ අතරම අද පවතින තරඟකාරී අධ්‍යාපන රටාව ද දරුවන්ට ක්‍රීඩා කිරීමට ඇති කාලය සීමා කර තිබේ.

මෙවැනි තත්ත්වයන් නිසාම අත පය සොලවා වැඩක් කිරීමට ශරීරය වෙහෙස කරවන දේවල් කිරීමට බහුතරයක් දරුවන් කැමති නැත.

ශාරීරික වර්ධනය, නිරෝගී භාවය මෙන්ම මානසික සමබරතාවය සඳහා ව්‍යායාම ඉතාම වැදගත්වේ.

කෙසේ වුවත් දරුවන් කුඩා කාලයේ සිටම ව්‍යායාම කිරීම සඳහා යොමු කළ හොත් ඔවුන් වයසින් වර්ධනය වන විටද එක තැනකට වී සිටීමට උත්සාහ කරන්නේ නැත.  එම නිසා දරුවන්ව කුඩා කාලයේ සිටම ව්‍යායාම වලට හුරු කිරීමට දෙමාපියන් උනන්දු විය යුතුය.

කුඩා දරුවන්ට ව්‍යායාම කරවීම අභ්‍යාසයන් කරන ආකාරයට කළ හැකි නොවේ. එය කළ යුතු වන්නේ දරුවාට නොදැනෙන ලෙසයි.

ඒ සඳහා විවිධ උපක්‍රම භාවිතා කළ යුතු අතර එවැනි උපක්‍රම කිහිපයක් පහත දක්වා ඇත.

නිවසේ හා එළිමහනේ වැඩකටයුතු සඳහා දරුවාගේ සහයෝගය ලබා ගැනීම

උදා -: අතුගෑම, මකුළු දැල් කැඩීමට සහය ලබා ගැනීම, නිවසේ භාණ්ඩ වල බැඳී ඇති දූවිලි පිසදැමීම, තණකොළ ඉදිරීම, පැළ සිටුවීම, මල් ගස් වලට වතුර දැමීම.

මෙවැනි වැඩ කටයුතු වල දී ශරීරය වෙහෙස වීම සිදුවේ. එය ඇත්තෙන්ම දරුවාට ව්‍යායාමයක් හා සමානය.

දරුවා සමඟ එළිමහනේ ක්‍රීඩා කිරීම

වැඩිහිටියන් සමඟ ක්‍රීඩා කිරීමට සිඟිති දරුවෝ ඉතා ප්‍රිය කරති. එවැනි අවස්ථාවල දරුවා සමඟ එක් වී ක්‍රීඩා කළ යුතුය. එසේ නොමැතිව එවැනි අවස්ථාවලදී දරුවා රූපවාහිනිය, පරිගණකය ආදියට යොමු කිරීම කළ යුතු නොවේ.

කතන්දර කියාදෙන විට ඒවායේ ඇති සිද්ධීන් රංගනයෙන් පෙන්වීමට උනන්දු කරවීම

උදා -: "සමනලයා පියඹාගෙන මලින් මලට ගියා"
"සුමුදු බබා ලොකු කැවුම් පෙට්ටියක් කරේ තියාගන අමාරුවෙන් කන්ද නැග්ගා"

මෙවැනි දේවල් කර පෙන්වන ලෙස දරුවාට උපදෙස්  දීමට පුළුවන. දරුවා ඊට මැලි වන්නේ නම් එම කාර්යභාරය ඔබ විසින් කළ යුතුය. එවිට දරුවාද එසේ කිරීමට පෙළඹෙයි.

ගීත ගයමින් නර්තනයේ යෙදීම

නර්තනයේදී අත පය, ඉණ, බෙල්ල, හිස වැනි ඉන්ද්‍රියන් චලනය කිරීමට සිදුවේ ඒ මගින් දරුවාට ව්‍යායාම ලැබේ.

මීට අමතරව ව්‍යායාම සඳහාම සුදුසු ගීත තෝරා ගෙන හෝ නිර්මාණය කර ඒවා ගායනා කරමින් අංග චලන ඉදිරිපත් කළ හැකිය.

උදා -:

අත් ඔසවා අප්පුඩි ගසමු

පහත දමා අත්පුඩි ගසමු

අත් දිගු කර අත් කරකවමු

අත් පහළට දමමු

සිඟිති දරුවෝ වැඩිහිටියන් අනුකරණය කිරීමට ආශා කරති. එමනිසා දරුවාට පෙනෙන ලෙස ඔබ ව්‍යායාම කරන්නේ නම් දරුවෝද ඊට පෙළඹීමට උත්සාහ කරති. එමෙන්ම මෙම අවස්ථාවල දී දරුවන්ගේ ආරක්ෂාව පිළිබඳව විමසිලිමත් වීමද ඉතා වැදගත් වේ.

දරුවකුට අකුරු ඉගැන්වීම, ගණන් කිරීම හා ඉලක්කම් ඉගැන්වීමට පෙර ඉගැන්විය යුතු බොහෝ දේ තිබේ. පාට, හැඩය, ලොකු - කුඩා බව, සමාන - අසමාන බව ආදිය ඉන් සමහරකි.

මෙවැනි දේ ඉගැන්වීම සඳහා සකස් කරන ලද අධ්‍යාපනික උපකරණ අද වෙළඳපලේ දුලබ නොවේ. නමුත් එදිනෙදා නිවසේ වැඩ කටයුතු කරන අතරතුර දරුවා සමඟ කථා බහ කරමින් මේවා අතරින් බොහොමයක් දරුවන්ට ඉගැන්විය හැකි බව ඔබ සිතුවාද?

 "අම්මා පුතාට රතු පාට පිඟානක් ගෙනවා."

"නිල් පාට දත් බුරුසුව පුතාගේ; කහපාට එක අක්කගේ."

"අද අපි රෝස පාට ගවුම අඳිමු."

මෙවැනි කථා බහ තුළින් දරුවාට පාට හඳුනා ගැනීමට අවස්ථාව ලැබේ.

දරුවාට හැන්දක් පෙන්වා,
"මේ වගේ හන්දක් අර තැඹිලි පාට පෙට්ටියෙන් අරගෙන එන්න."

මෙම වගන්තිය තුළ පාට හා සමාන බව යන කරුණු දෙක් ඇතුළත් වේ.

"තාත්තාගේ ලොකු කුඩය - නංගි බබාගේ චූටි කොට්ටය."

මේ හරහා දරුවාට ලොකු පොඩි සංකල්පය පිළිබඳ දැනුම ලැබේ.

"රෝස පාට පැන්සල දම් පාට පැන්සලට වඩා දිගයි නේද?"

මෙය පාට මෙන්ම දිග පිළිබඳව සන්සන්දනාත්මකව බැලීමට ද දරුවා යොමු කිරීමකි.

 මීට අමතරව නිවසේ වැඩකටයුතු වලටද දරුවාගේ සහයෝගය ලබා ගැනීම ඉතා වැදගත්ය. දරුවාගේ ක්‍රියාශීලී බව වර්ධනය වීමට මෙන්ම සහයෝගයෙන් වැඩ කිරීමට හුරු වීමට ද ඒ තුළින් ලැබෙනුයේ මහඟු පිටුවහලකි.

 නිවස පිරිසිදු කරන අවස්ථා වලදී ඒ සඳහා දරුවා ද සහභාගි කර ගත හැකියි. සපත්තු - සෙරෙප්පු පිළිවෙළකට තැබීම දරුවාට භාර දිය හැකියි.

 නිවසට රැගෙන එන එළවළු වර්ග අනුව වෙන් කිරීම, සේදා වියළා ගත් ඇඳුම් අතරින් තමාගේ ඇඳුම් තෝරා වෙන් කර ගැනීම ආදිය දරුවාට භාර කළ හැකි කාර්යයන් අත‍රවේ.

 වර්ගය හෝ යම් කිසි ගුණයක් අනුව තේරීම පිළිබඳව මේ හරහා දරුවාට අවබෝධයක් ලැබේ.

තේරීම යනු මූලික ගණිත සංකල්පයකි.

මේ හරුණු විට මෙවැනි කටයුතු හරහා පිළිවෙළකට වැඩ කිරීමට ද දරුවෝ හුරුවෙති.

මෙවැනි අවස්ථාවලදී දරුවාව අගය කිරීමට ද අමතක කළ යුතු නොවේ. දරුවාට එම අගය කිරීම ඉතා සතුටක් වන අතර තව දුරටත් මෙවැනි කටයුතු වල නිරතවීමට උනන්දුවක් ද ඒ හරහා ඇති වේ.

ඒ සමඟම දෙමාපියන් වන ඔබ විසින් තරයේම මතක තබා ගත යුතු දෙයක් තිබේ. ඒ ඔබ සහ දරුවා අතර සමීප සබඳතාවයක් ‍ගොඩනගා ගැනීම ඉතාම අවශ්‍ය බවයි.

ඉහත දක්වන ලද කාර්යයන් හරහා ද එම සබඳතාවය ගොඩනගා ගැනීම සඳහා ලැබෙන්නේ මනා පිටුවහලකි.

ඔබ රැකියාවක නියුතු මවක වුවද නිවාඩු දිනවල දරුවා සමඟ රැ‍ඳෙන කාලය වැඩි කර ගැනීමට සැලසුම් කළ හැකිය.

දරුවා සමඟ පොත් බැලීම, කතන්දර කියාදීම, දරුවා සමඟ ක්‍රීඩා කිරීම යනාදී දේ හරහා එම සබඳතාවය තව තවත් වර්ධනය කර ගත හැකිය.

එම සබඳතාවය වගේම මිත්‍රත්වය දරුවාට ද ගෙන දෙන්නේ සතුටකි. දරුවා තුළ යහපත් ගුණාංග වර්ධනය වීමටත් එය මහත් උපකාර වනු ඇත.

ජලදිනී සේනානායක

Page 4 of 4

IMAGE

බ්‍රොයිලර් කාපුවාම හෘද රෝග-දියවැඩියාව හැදෙනවාමයි

IMAGE 2018 Jan 21 11:38
කුකුළු මස් සහ පීකුදු ආහාරයට ගැනීම පිළිබඳ මේ දිනවල සමාජයේ උණුසුම් කතිකාවක් ගොඩ නැගෙමින් පවතී....
Views - 52

‍ජ්‍යොතිෂය පට්ටපල් බොරුවක්

IMAGE 2018 Jan 21 10:29
ජ්‍යොතිෂය මිථ්‍යාවක් වන්නේ කෙසේද? යන මැයෙන් (පසුගිය ජනවාරි 16 අඟහරුවාදා කොළඹ 08, කොටා රෝඩ් හි...
Views - 201

රැඳවියකු බැලීමට ආ රූමතියට නියාමකගෙන් 'යෝජනාවක්'

IMAGE 2018 Jan 18 10:53
අනුරාධපුර බන්ධනාගාරයේ රක්ෂිත බන්ධනාගාර ගත කර සිටින සිය ඥාතියකු බැලීමට සහෝදරියක සමග ගිය...
Views - 6922

අයිවෝ ඩෙනිස් රෝහ‍ලේ

IMAGE 2018 Jan 17 10:59
මෙරට බිහි වූ විශිෂ්ටතම සංගීතඥයකු වූ සුනිල් ශාන්තයන්ගේ ගීත උරුමය ඉදිරි පරපුර වෙත රැගෙන ආ...
Views - 4541

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 6029

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 6719

Please publish modules in offcanvas position.

X

Right Click

No right click