Coss Ear2
lakbima.lk
COSS Ear 1

මේ දිනවල පවතින අධික ශීතල කුඩා දරුවන්ට තබා වැඩිහිටියන් වන අපටද දරාගත නොහැකිය. ඔරොත්තු නොදෙන සීතලත් සමග අපේ සමේ වියළි ස්වභාවයක් හටගන්නේය. ඇතැම් විට තොල්කට වියළීි යයි. තවත් විටෙක සම ඉරිතැලී වියළි ස්වභාවයක් පෙන්නුම් කරයි. එසේත් නොමැති නම් කකු‍ලේ විළුඹ හෝ අත්ල ඉරිතලායයි. මෙවැනි  තත්ත්වයන් වැඩිහිටි අපට දරා ගැනීමට හැකි වුවත් කුඩා දරුවන්ට එය දරා ගැනීමට නොහැකිය. ඔවුන් එයට ප්‍රතිචාර දක්වනු ලබන්නේ හැ¾ඩීමෙනි. 
දරුවන්ගේ සමේ තෙත ගතිය රඳවා ගැනීමට නම් දිනපතා නෑවිය යුතුය. එහෙත් මේ දිනවල පවතින අධික සීතල කුඩා දරුවන්ට හිතකර තත්ත්වයක් නොවන්නට පුළුවන. ඒ නිසාම බොහෝ මව්වරුන් දරුවන්ව මද උණු ජලයෙන් සෝදා බේබි ක්‍රීම් හෝ වෙනත් ආ‍ලේපනයන් ගැල්වීම කරනු ලබයි. මෙසේ කොතෙක් ආ‍ලේපන ගැල්වුවද එය රඳා පවතින්නේ කෙටි කාලයක් තුළපමණක් බව බොහෝ මව්වරු සඳහන් කරති.
මව්වරුන්ගේ මේ මැසිවිලිත් සමග රිජ්වේ ආර්යා ළමා රෝහලෙන් ආරංචි වූ පුවත ඔවුන්ගේ මැසිවිලිවලට කදිම විසඳුමක් සැපයුවේය.
සීතල කාලයක හෝ වියළි කාලයක සමේ ඇතිවන වියළි ස්වභාවය නැතිකර ඒ වෙනුවට දවස පුරාම සිරුර තෙත් ගතියෙන් යුක්තව තබා ගැනීම සඳහා රිජ්වේ ආර්යා ළමා රෝහ‍ලේ ඖෂධවේදියෙකු වන කොටුවේගෙදර  මහතා නවතම ආ‍ලේපනයක් සොයා ගෙන ඇති පුවතකි. මෙය රිජ්වේ ආර්යා ළමා රෝහ‍ලේ සමේ රෝග සායනය වෙත යන මව්වරුන්ට නම් අලුත් ප්‍රවෘත්තියක් නොවන්නේය. 
කොටුවේගෙදර මහතා මෙම නවතම ආ‍ලේපනය පිළිබඳව වසරක පමණ කාලයක් පුරා කාර්මික තාක්ෂණික ආයතනය තුළ අත්හදා බැලීම් සිදුකර එහි සාර්ථක භාවය හෙළි කර ගත්තේය. රුපියල් ලක්ෂ 8කට වැඩි ප්‍රමාණයක් තම පෞද්ගලික ධනය කැප කරමින් කොටුවේගෙදර මහතා මේ වන විට මෙම නවතම නිෂ්පාදනය රෝගී දරුවන් වෙනුවෙන් නොමි‍ලේ ලබා 
දෙමින් සිටින්නේය.
මේ අනුව ළමා රෝහ‍ලේ චර්ම රෝග සායනය වෙත යන දරුවන්ගේ සම වියළි ස්වභාවයක් ගෙන ඇත්නම් ඒ බව වෛද්‍යවරයාට පවසා මෙම ආ‍ලේපනයක් නොමි‍ලේ ලබා ගැනීමේ වාසිය කොටුවේගෙදර මහතා විසින් ලබා දී ඇත.
තමන්ගේ නවතම නිෂ්පාදනය පිළිබඳව ඔහු සඳහන් කළේ
“මම මේ ආ‍ලේපනය නම් කළේ “බාත් ඔයිල් “ යනුවෙන්. දරුවන්ගේ සම සෑම විටම තෙත් ගතියෙන් තියෙන්න ඕනේ . එහෙම නැතිනම් ඔවුන්ට එය අපහසුයි. 
මම නිෂ්පාදනය කරලා තියෙන මෙම බාත් ඔයිල් එකෙන් බිංදු කීපයක් දරුවා සෝදන වතුර බේසමට කවලම් කරලා දරුවාව ඒ වතුර බේසමේ විනාඩි 20ක් පමණ රඳවා තබන්න. ඉන් පසුව දරුවාගේ ඇඟ පිස නොදමා තෙත මාත්තු කරන්න. දවස පුරාම දරුවාගේ සම තෙල් ගතියෙන් පවත්වාගන්න පුළුවන්.”
කොටුවේගෙදර මහතාගේ මේ නව සොයා ගැනීම පිළිබඳ සමේ රෝග විශේෂඥ  ජයමිණි සෙනෙවිරත්න මහතා පවා ප්‍රශංසා කරනු ලබයි. 
අප අතර චර්ම රෝග 2200ක් පමණ තිබෙන බව ඔබ දන්නවාද? මෙය පුදුමයට පත් විය යුතු තත්ත්වයක් නොවේ. අනාදිමත් කාලයක සිට මෙම චර්ම රෝග පැවැති නමුත් ප්‍රතිකාර සඳහා හෝ ඉදිරිපත් නොවීම හේතුවෙන් ඒ පිළිබඳව බොහෝ දෙනා නොදත්හ. 
කෙසේ නමුත් සමේ රෝගයන්ට ප්‍රධානතම හේතුව වී ඇත්තේ සමේ පවතින වියළි ස්වභාවයයි. දවසේ පැය 24 පුරාම සමේ තෙත ගතිය රඳවා තබා ගැනීමට හැකියාව පවතින්නේ නම් සමේ රෝග බොහොමයක් සුවපත් කර ගැනීමට හැකියාව තිබේ.
කොටුවේගෙදර මහතාගේ නව සොයා ගැනීම බොහෝ මව්වරුන්ට සැනසිලිදායක ප්‍රවෘත්තියක් වනු නොඅනුමානය.
 
සටහන ශ්‍රියානි විජේසිංහ

විෂ ශරීරගතවීම් යනු මුළු ලෝකයටම බලපාන්නා වූ ප්‍රධාන සෞඛ්‍ය ගැටලුවකි. අද ලංකාවේද විෂ ශරීරගතවීම් නිසා රෝහල්ගත වන සංඛ්‍යාව බොහෝ ඉහළය. සමහරු විවිධ හිත් රිදවී නිසා වුවමනාවෙන්ම විෂ ද්‍රව්‍ය  ශරීරගත කරගන්න අතර තවත් අයගේ නොදැනුවත්වම විෂ ශරීරගත වන්නේ නිවසේ පවතින ඇතැම් විවිධ විෂ ද්‍රව්‍ය පිළිබඳ නොදැනුවත්කම නිසා ඒවා අපිළිවෙළට පරිහරණය කිරීම හේතුවෙනි. විශේෂයෙන්  විෂ ශරීරගත වන්නන් අතර කුඩා දරුවෝ සැලකිය යුතු ප්‍රමාණයක් සිටිති. ගෘහස්ථව සිදුවන විෂ ශරීරගතවීම් අවම කර ගැනීම සඳහා ගතයුතු පූර්ව ක්‍රියාමාර්ග කවරේදැයි දැනුවත්වීම ගෘහණියක ලෙස අතිශයින්ම වැදගත්ය. ගෘහස්ථව සිදුවන විෂ ශරීරගතවීම්වලට ප්‍රධාන ලෙස හේතුවන්නේ රසායනික ද්‍රව්‍ය, ඖෂධ වර්ග සහ ස්වභාවිකවම විෂ අඩංගු වන විවිධ ශාක වර්ගයන්ය. 
රසායනික ද්‍රව්‍ය විෂවීම් සම්බන්ධයෙන් කරන ලද අධ්‍යනයකින් ‍පොළ හෙළීම තිබෙන්නේ කුඩා දරුවන් වෙසෙන නිවෙස්වල මේ විෂ රසායනිකයන් අනාරක්ෂිතව ගබඩාකර තිබෙන බවය. ගොවිතැන් කටයුතු සඳහා භාවිත කරන වල් නාශක, ‍පොහොර වර්ග ගැන නොදැන කුඩා දරුවන් ඒවා අතපතගෑම හරහා වුවද විෂ ශරීරගත විය හැකිය. එසේම ඒවා පරිහරණයේදී පවා එහි ලබාදී තිබෙන උපදෙස් ඒ ආකාරයටම ක්‍රියාත්මක කිරීම අත්‍යවශ්‍ය තත්ත්වයකි. හැමවිටම මෙවැනි විෂද්‍රව්‍ය අඩංගු භාජනවල පියන් හොඳින් වසා තැබිය යුතුය. මේවා මිලදී ගැනීමේදී කුඩා දරුවන්ට විවෘත කළ නොහැකි ආකාරයේ ඇසුරුම් සහිත ඒවා මිලදී ගැනීමට උනන්දු වන්න. වල් නාශක වැනි විෂ සහිත දේ ඒවායේ ඇසුරුම් වලින් ගෙන වෙනත් බඳුන්වල ගබඩාකිරීමෙන් වළකින්න. එසේම ඒවා කිසිම විටෙක නිවසේ ආහාර ද්‍රව්‍ය සමග හෝ ඒ ආසන්නයේ ගබඩා කිරීමෙන් වළකින්න. නිවස තුළ හෝ පිටතදී වල් නාශක කලවම් කරන විට භාවිතා කරන විට කුඩා දරුවන් සුරතල් සතුන්, සෙල්ලම් බඩු එම ස්ථානයෙන් ඉවත් කිරීමට වගබලා ගන්න. වල් නාශකයේ ප්‍රතික්‍රියාකාරී කාලසීමාව තුළ ඒවා යෙදූ ස්ථානවලට දරුවන්ට සුරතල් සතුන්ට ඇතුල්වීමට ඉඩ නොදෙන්න. 
එසේම භූමිතෙල්, පැට්‍රල්, ගෘහස්ථ පවිත්‍රකාරක, සබන් දියර වර්ග, සබන් කුඩු වර්ග, ඇඟලුම් සුවද කාරක, නිය ආ‍ලේපන ඉවත් කිරීමට ගන්නා ද්‍රාවණ, ෂැම්පු වර්ග, මදුරු දඟර, කපුරු බෝල, වායු සුවඳකාරක වැනි නිවසේ එදිනෙදා භාවිත කරන විෂ රසායනිකයන් අඩංගු සියලු දෑ දරුවන්ට ළඟාවිය නොහැකි තැනක ගබඩා කර තැබිමෙන්ද විෂ ශරීර ගතවීම් අවම කරගත හැකිය. අද නිවෙස්වල භාවිත කරන බොහෝ ද්‍රව්‍ය වල විෂ අඩංගු වන බව වැඩිහිටියන්ට අවබෝධයක් නැත. එබැවින් ඒවා අනාරක්ෂිතව නිවසේ තැනින් තැන ගබඩා කර තැබිමෙන් දරුවන්ට ඒවා නිසා හානි සිදුවන්නට බොහෝ ඉඩකඩ තිබේ. විෂ ශරීරගතවී හේතුකරගෙන රෝහල් ගත වන බහුතරයක් දරුවන් මේ ආකාරයට කරදරයට පත්වූ අයයි. 
එසේම වෛද්‍ය උපදෙස් වලින් තොරව බොහෝ අය භාවිත කරනු ලබන සරල වේදනානාශක, කැස්ස, සෙම්ප්‍රතිශ්‍යාවට දෙනු ලබන සිරප් වර්ග, ප්‍රතිහිස්ටැමින් වර්ග හා විටමින් ආරක්ෂා සහිතව ගබඩා කර තැබිය යුතුමය. සෑම ඖෂධ වර්ගයකම අඩංගු වන්නේ කිසියම් රසායනික ද්‍රව්‍යකි. ඒවා අනවශ්‍ය ලෙස අධිමාත්‍රා ශරීරගතවීම්, කුඩා දරුවන්ට සේම වැඩිහිටියන්ටද මාරාන්තික ප්‍රතිඵල රැගෙන ඒමක් වීමට බොහෝ ඉඩකඩ ඇත. එබැවින් ඒවා මේසයක් මත මුළුතැන්ගෙයි, රාක්ක මත, ගබඩාකර තැබිමෙන් වැළකිය යුතුය. මේවා දරුවන්ට කිසිසේත්ම ළඟාවිය නොහැකි තැනක කබඩ් එකක ආරක්ෂා සහිතව තැබිමට වගබලා ගන්න. එසේම ඖෂධ ආහාර වර්ග ඇසුරුම් අසල ගබඩා කිරීමෙන්ද වළකින්න. 
විශේෂයෙන් වයස්ගත පුද්ගලයන් ඔවුන්ගේ ඖෂධ වර්ග ලබාගන්නා ආකාරය පිළිබඳව හා එක් ඖෂධ වර්ගයක් තවත් ඖෂධ 
වර්ගයකින් වෙන්කර ගැනීමට හැකියාව තිබේදැයි විමසිලිමත්ව පරීක්ෂා කර බලන්න. මේ ගැන තවත් උපදෙස් ලබන සතියේ 
 
ශ්‍රී ජයවර්ධනපුර විශ්වවිද්‍යාලීය වෛද්‍ය පීඨයේ හිෂක්වේදය පිළිබඳව ‍‍‍ජ්‍යෙෂ්ඨ කථිකාචාර්ය වෛද්‍ය ප්‍රදීපා ජයවර්ධන
 
සටහන නිර්මලා කුමාරි සේනාරත්න

Page 2 of 6

 

IMAGE

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 3606

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 2385

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 3553

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 2116

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 7194

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 4426

Please publish modules in offcanvas position.