Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

"මේ ළමයාට කෑම කවන්න හරිම අමාරුයි; මොනවා කැව්වත් කටක් දෙකක් කාලා තූ ගාලා බිමට දානවා."

මෙවැනි වදන් වැඩිහිටියන් පවසනු අපි කොතෙකුත් අසා ඇත්තෙමු. කුඩා දරුවන් කෑම නොකන බවට වැඩිහිටියන් එලෙස නිගමන වලට පැමිණෙනුයේ කවර සාධකයක් මත පදනම්වදැයි ඔබ නිකමට හෝ සිතා බැලුවාද?

මෙලොව ජීවත් වන සෑම අයෙකුටම කිසියම් ආහාර රටාවක් තිබේ. ආහාර පාන ගන්නා වේලාව සහ ප්‍රමාණය ඒ ආහාර රටාවේ වැදගත්ම ලක්ෂණ දෙකකි. එහෙත් කුඩා දරුවන්  තුළ  මෙම ආහාර රටාව එක්වරම ස්ථාපිත නොවේ. දරුවා මව්කිරි වලින් ඝණ ආහාර වලට පුරුදු වන මුල් වකවානුව තුළ සිට කෙමෙන් මෙම ආහාර රටාව දරුවා තුළ ස්ථාපිත කළ යුතුය.

එමෙන්ම දරුවා කුසගින්නේ යැයි යන වැරදි උපකල්පනය මත දරුවාට නිතර දෙවේලේ ආහාර කැවීම සහ ප්‍රමාණය ඉක්මවා ආහාර කැවීම කෙසේවත් කළ යුත්තක් නොවේ. එමෙන්ම ආහාරයේ ඇති සමබරතාවය මිස එහි ප්‍රමාණය එතරම් වැදගත් සාධකයක් ‍නොවන බව අප සිහි තබා ගත යුතුය.

දරුවෝ ස්වභාවයෙන්ම පැණි රස වැනි දේ කෙරෙහි වැඩි ‍නැඹුරුවක් පළ කරති. එය පසුව ලුණු සහ තෙල් වැනි ආහාර වර්ග කෙරෙහිද දරුවා යොමු කරවන්නක් විය හැක. එහෙත් දරුවාගේ එම රුචිය මුල්කොට දරුවාට ලබා දෙන ආහාර, සීනි, ලුණු සහ තෙල් බහුල වීම දරුවා ජීවිතය පුරා විඳවන රෝගියෙකු බවට පත්කිරීමේ මූලික අඩිතාලමය. අපට කුසගුන්නක් දැනෙන විට ඒ පිළිබඳව සංඥා නිකුත් කරණුයේ මොළයෙනි. එහෙත් ඒ සඳහා දරුවාට එක්තරා අන්දමකින් කුසගින්න අත්දැකීමක් බවට පත් කළ යුතුය. මින් අදහස් කරන්නේ දරුවා කුසගින්නේ තැබීම නොවේ. දරුවාගේ මොළයේ ඇති කුසගින්න පිළිබඳ සංඥා පද්ධතිය ක්‍රියාත්මක වීමට ඉඩ සැලැස්වීමය. එසේ නොමැතිව නිරන්තරයෙන් දරුවාගේ කුස පිරී තිබිය යුතුයි යන වැරදි විශ්වාසය මුල් කොට මොන මොනවා හෝ දරුවාගේ 'කටේ ගැසීමට' යාමෙන් දරුවාගේ ආහාර රටාව ළමා කාලයේ දීම ව්‍යාකූල විය හැක. මෙවැනි නොවිධිමත් ක්‍රියා නිසා බිඳවැටෙන ආහාර රටාව නැවත ස්ථාපිත කිරීම අසීරුවන අතර ඇතැම් විට මුළු ජීවිත කාලය තුළම එය එලෙසම පැවතිය හැක.

එමෙන්ම කුඩා කාලයේ සමහර දරුවෝ විවිධ ආහාර වර්ග විවිධ රස වර්ග ප්‍රතික්ෂේප කරති. එම තත්ත්වය නව යොවුන් විය හරහා වැඩිහිටි බව දක්වාම පිවිසිය හොත් ඇතැම්විට සමහරුන් එම ආහාර දිවිහිමියෙන් ප්‍රතික්ෂේප කිරීමට පෙළඹෙනු ඇත. ඒ අනුව දරුවන්ට වදෙන් පොරෙන් කෑම කැවීම කෙසේවත් යහපත් දෙයක් නොවන බව ඉඳුරාම කිව යුතුය.

වෛද්‍ය සුගත් විජේවර්ධන
පේරාදෙණිය ශික්ෂණ රෝහල
පේරාදෙණිය.

 

 

දරුවන් කුඩා අවධියේ සිටම ඔවුන්ව ‍පොතපත කියවීමට යොමු කළ යුතු බව බහුතරයකගේ අදහසයි. එහි අසත්‍යයක් නැත. ‍පොතපත ඇසුරින් දරුවන්ට පමණක් නොව වැඩිහිටියන්ටද බොහෝ දේ දැනගත හැකිය. නමුත් යමක් නිසි පරිදි අවබෝධ කර ගැනීමට නම් ‍පොතපතට වඩා අත්දැකීම් තුළින් ලබා ගන්නා දැනුම එනම් ප්‍රායෝගික දැනුම වඩාත් වැදගත් බව පැවැසිය යුතුය. 
මේ පැරණි චීන කියමනකි. 
මට ඇසෙන දේ  - මට අමතක වේ 
මම දකින දේ - මගේ මතකයේ රැඳේ
මම කරන දේ - මට අවබෝධ වේ 
මීට උදාහරණයන් මෙසේ පෙන්වා දිය හැකියි. 
දෙහි යනු ඇඹුල් රසැති දෙයක් බව දෙහි ගෙඩියක් දැකීමෙන් හෝ තවත් අයකු කියනු ඇසීමෙන් හෝ ‍පොත පතකින් දැකීමෙන් අපට තහවුරු කර ගත හැකි වන්නේ නැත. එය කරගත හැකි වන්නේ දෙහි ගෙඩියක රස බැලීමෙන්ම පමණි. 
කළු ගල් කැටයක රළු බව පුළුන් කැබැල්ලක සිනිඳු බව දැනගත හැකි වන්නේ එය ස්පර්ශ කර බැලීමෙනි. 
මේ අනුව ප්‍රායෝගිකව ලබා ගන්නා දැනුම ‍පොතපතින් ලබා ගන්නා දැනුමට වඩා වැදගත් බව තහවුරු වනවා නොවේද? 
දරුවකුට ‍පොතපතේ දැනුම අවශ්‍ය නැති බවක් මින් අදහස් නොකෙරේ. ‍පොතපතින් අප කාටත් දැනගත යුතු බොහෝ දේ දැන ගැනීමට අවස්ථාව සැලසෙන බවත් පිළිගත යුතුමය. 
නමුත් එදිනෙදා ජීවිතයේ අපහට නිරත වීමට සිදුවන දේ මෙන්ම අපට මුහුණ දීමට සිදුවන දේවල් සඳහාද සාර්ථකව ප්‍රතිචාර දැක්වීමට අවශ්‍ය වන්නේ ‍පොතපතේ දැනුම පමණක් නොවේ. ඒ සඳහා වඩාත් වැදගත් වන්නේ ප්‍රායෝගික දැනුමය. 
එම නිසා දරුවන්ව කිසිවිටකත් ස්වභාවික පරිසරයෙන් ඈත් කර ‍පොත පතට පමණක් සීමා නොකරන්න. රූපවාහිනිය, පරිගණකය, ජංගම දුරකථනය යනාදිය සමග කාලය ගත කිරීමට වඩා ‍පොත පතට යොමු වීම සුදුසු බව සැබෑය. 
නමුත් ඒ සමගම දරුවන්ට ස්වභාවික පරිසරය සමග ගැටීමටද ඉඩ දෙන්න. ඒ සඳහා ගත වන කාලය දරුවාගේ අධ්‍යාපන කටයුතුවලට බාධාවක් බව කිසි විටකත් නොසිතන්න. 
දරුවාට ගහකොළ හඳුන්වා දෙන්න. ගෙවත්තේ ඔබ කරන විවිධ කටයුතු සඳහා දරුවාද සහභාගි කරවා ගන්න. දරුවකු නිවස තුළටම කොටු කරගෙන සිටීම කොහෙත්ම සුදුසු වන්නේ නැත. දරුවාට පරිසරයට සංවේදී වෙමින් පරිසරයට හැඩ ගැසීමට මෙන්ම පරිසරය ආරක්ෂා කර ගැනීමටද උනන්දු කරවීමත් දරුවන්ට පරිසර අත්දැකීම් ලබා ගැනීමට මග පෙන්වීමත් ඔබ සතු යුතුකමකි. 
 
ජලදිනී සේනානායක

Page 1 of 4

IMAGE

රැඳවියකු බැලීමට ආ රූමතියට නියාමකගෙන් 'යෝජනාවක්'

IMAGE 2018 Jan 18 10:53
අනුරාධපුර බන්ධනාගාරයේ රක්ෂිත බන්ධනාගාර ගත කර සිටින සිය ඥාතියකු බැලීමට සහෝදරියක සමග ගිය...
Views - 3830

අයිවෝ ඩෙනිස් රෝහ‍ලේ

IMAGE 2018 Jan 17 10:59
මෙරට බිහි වූ විශිෂ්ටතම සංගීතඥයකු වූ සුනිල් ශාන්තයන්ගේ ගීත උරුමය ඉදිරි පරපුර වෙත රැගෙන ආ...
Views - 2936

ඡන්දය වෙනුවෙන් 'වඩියකට' ඉඩ දෙන්නැයි අපේක්ෂකයෝ ඉල්ලති

IMAGE 2018 Jan 16 10:42
තමන් කිසිදා  කසිප්පු පෙරීම නොකළ නමුත් මැතිවරණය අවසන් වන තුරු පමණක්  කාර්යාලය පිටුපස දින...
Views - 4406

අහඹු ගැබ් ගැනීම් වලකන පෙති ඇසුරුම් 20 අනුරපුර පාසලක

IMAGE 2018 Jan 16 09:59
පාසල ශුද්ධ පවිත්‍ර කිරීමේ ශ්‍රමදානයකට සහභාගී වූ මවකට අනුරාධපුර නගරයේ පාසලක තිබී අහඹු ලෙස...
Views - 5039

අන්තර්ජාල ඡායාරූපයේ සත්‍ය කතාව උදාරි හෙළි කරයි

IMAGE 2018 Jan 15 12:15
ප්‍රවේගය සිනමා පටයෙන් බොහෝ දෙනාගේ ආදරය දිනාගත් උදාරි පෙරේරාගේ තට්ට හිස සහිත ඡායාරූප පෙළක්...
Views - 5826

හොලිවුඩ් නිළියන්ටත් ලිංගික හිංසන

IMAGE 2018 Jan 15 11:49
වසර හැත්තෑ පහක කාලය තුළ අමුතුම ආකාරයේ ගෝල්ඩන් ග්ලෝබ් සම්මාන උළෙලක් පළමු වරට පසුගිය ඉරිදා...
Views - 3511

Please publish modules in offcanvas position.

X

Right Click

No right click