Coss Ear2
lakbima.lk
COSS Ear 1

සිඟිති දරුවෝ සෙල්ලම් වාහන වලට නොමඳ ආශාවක් දක්වති. මේවා දරුවන්ට අරගෙන දීමට දෙමාපියන්ද මැලි වන්නේ නැත.

මේවා ප්‍රයෝජනය ගත හැකි වන්නේ ක්‍රීඩා කිරීමට පමණක් නොවේ. දරුවාගේ බුද්ධි වර්ධන ක්‍රියාකාරකම් සඳහා ද මේවා භාවිතා කළ හැකිය. මව් වරුන්ගේ විවේක කාලයේ දී දරුවා සමඟ එක තැනක වාඩිවී මෙම ක්‍රියාකාරකම් වල යෙදීමට පුළුවන.

           පහත දැක්වෙන්නේ එවැනි ක්‍රියාකාරකම් කිහිපයකි.

  • වාහන සියල්ලම එක ගොඩකට දමා අහසේ යන වාහන, ගොඩබිම යන වාහන, ජලයේ යන වාහන ලෙස වෙන් කරන්න.
  • වාහන පේලියට තබා ගණන් කරන්න. එක් එක් වාහනයේ ඇති රෝද ගණන් කරන්න.

    ස්ථානය පිලිබඳ අවබෝධය ලබා දීම සඳහා පහත දැක්වෙන ක්‍රියාකාරකම් සුදුසුවේ.
     
  • බයිසිකලය කාරයට ඉදිරියෙන් තබන්න.
  • බසය කාරයට පිටුපසින් තබන්න.
  • බසය හා කාරය අතරින් ට්‍රැක්ටරය තබන්න.
  • ඉදිරියෙන්ම යන්නේ කුමක්ද?
  • පසුපසින්ම යන්නේ කුමක්ද?

මෙය දරුවා විසින් කළ යුතුවේ.

           වාහන පේලියට තබා පහත ආකාරයේ ප්‍රශ්න අසන්න

  • සීනුවක් ඇති වාහනය කුමක්ද?
  • වැඩිම රෝද ගණනක් ඇති වාහනය කුමක්ද?
  • අඩුම රෝද ගණනක් ඇති වාහනය කුමක්ද?
  • සතෙකුගේ ආධාරයෙන් යන්නේ කුමක්ද?


මෙසේ ප්‍රශ්න අසන විට දරුවාගේ චින්තන හැකියාව, තර්කානුකූලව සිතීමේ හැකියාව, දියුණු වේ. එම අවස්ථා වලදී දරුවන්ද ප්‍රශ්න ඇසීමට ප්‍රිය කරන අතර ඒ සඳහාද ඔවුන්ට අවස්ථාව ලබා දිය යුතුවේ. දරුවා විසින් යොමු කරන ප්‍රශ්න වලට මව විසින් පිළිතුරු ලබා දිය යුතුවේ.

අවසානයේ දී මේවා සියල්ල නිසි තැන් වලින් තැබීමටත්, ස්ථානය පිරිසිදු කිරීමටත් දරුවාට පුහුණු කළ යුතුයි. මෙහිදී කළ යුතු වන්නේ දරුවාට අණ දීම නොව දරුවාගේද සහයෝගය ලබා ගෙන මවගේ මූලිකත්වයෙන් එය සිදු කිරීමය.

 

ජලදිනී සේනානායක

මාධවී සහ රංග ඔවුන්ගේ විවාහයේ දසවන සංවත්සරය වෙනුවෙන් මිතුරු මිතුරියන් පිරිසකට දිවා භෝජනය සඳහා නිවසට ආරාධනා කළහ. එම පිරිසෙන් ඇතැම් අයව වසර කිහිපයකින්ම ඔවුන්ට මුණගැසී තිබුණේ් නැත. එදිනට එම සියලු දෙනාගේම පවුල්වල සාමාජිකයන්ද දැක හඳුනා ගැනීමට ලැබෙන නිසා ඔවුන් ඒ සඳහා සූදානම් වූයේ ඉතා සතුටිනි. නමුත් එදින පැමිණි ඇතැම් මිතුරන්ගේ දරුවන් නිසා මාධවීට හා රංගට සිදුවූයේ එම සතුට උපන්ගෙයිම වළ දැමීමටයි. 
දරුවන් කිහිප දෙනෙකු විනෝද වූයේ නිවසේ පුටු මත තිබූ අලංකාර කුෂන් බිමට දමා ඒවා මත නිදා ගනිමිනි. තවත් දරුවන් දෙතුන් දෙනෙක් රාක්කයක තිබූ මාධවීගේ දරුවාගේ ක්‍රීඩා භාණ්ඩ ගෙන ඒවා සමග සිතේ හැටියට ක්‍රීඩා කළහ. ඒ අතරින් එක් දරුවෙකු කළේ සමහර ක්‍රීඩා භාණ්ඩ වල තිබූ අලංකාර ස්ටිකර් ගලවා තම ශරීරයේ අලවා ගැනීමයි. මිදු‍ලේ තිබූ ගල් කැට නිවස තුළට රැගෙන ඒම, අලංකාරයට සිටුවා තිබූ මල් ගස්වල මල් කඩා දැමීම ආදිය දරුවන් අතින් සිදුවූ තවත් දේවල් අතර විය. 
දරුවන්ගේ හැසිරීමට වඩා මාධවී සහ රංග පුදුමයට පත්වූයේ ඔවුන්ගේ හැසිරීම් දෙස සිනාසෙමින් බලා සිටින දෙමාපියන් දැකීමෙනි. ඒ අතර ඇතැම් මවුවරු හා පියවරු ඒවා නුදුටුවා සේ සිටියහ. 
මේ අතර තවත් දරුවෙකු තම මවට ගසමින් අඬමින් යමක් ඉල්ලන ආකාරය මාධවීට පෙණින. මද වේලාවකින් ඇය මාධවීගෙන් ඉල්ලා සිටියේ අනේ මාධවී මෙයා සුදු කඩදාසියයි, පාට පෙට්ටියකුයි ඉල්ලනවා දෙන්න පුළුවන්ද? එතකොටවත් එක තැනකට වෙලා මට කරදර නොකර ඉදියිනේ යනුවෙනි. 
මේ අවස්ථාවේදී තවත් කාන්තාවක මම අපේ පුතාව දාලා ආවෙම ඒකයි. මම දන්නවනේ ආවනම් මට සැනසිල්ලක් නැහැ කියලා යනුවෙන් පැවැසුවේ තමන් දරුවා රැගෙන නොඒම පිළිබඳවයි. 
මෙවැනි හැසිරීම් ඇති දරුවෝ සිටිති. එසේම ඉහත ආකාරයේ අදහස් දරන දෙමාපියෝද සිටිති. 
සමස්තයක් ලෙස ගත් කල දරුවන්ගේ දැඟලිලි ස්වභාවය අරුමයක් නොවන බව අපි දනිමු. පුංචි දරුවෝ ස්වභාවයෙන්ම දඟලන අය වෙති. නමුත් එය සීමාව ඉක්මවා පවතී නම් ඒ ගැන විමසිලිමත් විය යුතුය. 
පහත දැක්වෙන්නේ දරුවන් එසේ වීමට හේතු පාදක වන කරුනු කිහිපයකි. 
 
ශාරීරික හෝ මානසික දුබලතා 
 
උත්පත්තියෙන්ම ඇතිවන මෙවැනි තත්ත්වයන් මත දරුවන්ගේ අසාමාන්‍ය චර්යා රටාවන් දක්නට ලැබේ. එම චර්යා රටා අතර අසාමාන්‍ය ලෙස දඟලන ස්වභාවයද වේ. ඒ වෙනුවෙන් කළ යුතු වන්නේ අවශ්‍ය වෛද්‍ය උපදෙස් ලබා ගැනීම හා ප්‍රතිකාර කරා දරුවා යොමු කරවීමයි. 
 
දරුවා කැමැති ඕනෑම ආකාරයකට සිටීමට ඉඩ දීම 
 
'ඕනෑ දෙයක් කරපුවාවේ' යන අදහස දරන මවුවරු වෙති. දරුවාට ඇති වඩාත් ආදරය නිසා හෝ තමාට කරදර කරන නිසා හෝ ඒ ආකාරයට මවුවරුන් හිඳීම නිසා දරුවාට තම කැමැත්ත මත හැසිරීමට නිදහස ලැබේ. එවැනි දරුවන්ට පිටස්තර තැනකට ගිය විටද එසේ හැසිරීම නුසුදුසු බව වැටහෙන්නේ නැත. 
 
නිවසේ ඇති අපිළිවෙළ
 
දරුවන්ට කුඩා අවදියේ සිටම පිරිසිදුකම පිළිවෙල හුරු කළ යුතු අතර ඒ සඳහා ආදර්ශය ඉතාම වැදගත්වේ. නිවසේ එම තත්ත්වය නොමැති නම් මෙන්ම තම දෙමාපියන්ද එවැනි තත්ත්වයක් පිළිබඳව සැලකිල්ලක් නොදක්වයි නම් දරුවන්ද ඊට හුරු වන්නේ නැත. එවැනි දරුවන් තවත් ස්ථානයකට ගිය විටද එම ස්ථානයේ පිළිවෙළ පිරිසිදුබව පිළිබඳව තැකීමක් කරන්නේද නැත. 
එම නිසා නිවසේ පිරිසිදුකම හා පිළිවෙල දරුවන්ට දැක ගැනීමට සැලැස්විය යුතු බවත් දරුවන්ගේද සහයෝගය ඇතිව එය කළ යුතු බවත් මවුවරුන් විශේෂයෙන් අවබෝධ කර ගත යුතුමය. 
 
දරුවාගේ අසාමාන්‍ය දැඟලීම, ප්‍රචණ්ඩකාරී බව පිළිබඳව පුරසාරම් දෙඩීම 
 
මෙවැනි දෙමාපියෝද අප අතර සිටිති. දරුවාගේ හැසිරීම ගණන් නොගෙන සිටීම මෙන්ම ඒවා හපන්කම් ලෙස දරුවා ඉදිරියේ පුරසාරම් දෙඩීමද ඔවුන් කරන විශාල වරදකි. එවිට ඒවා ඇසෙන දරුවන් උත්සාහ කරනුයේ තව තවත් වැඩියෙන් දඟකාරකම් කර වැඩි වැඩියෙන් ඒ පිළිබඳව අගයනු ඇසීමට උනන්දු වීමය. 
 
දරුවා ඇසුරු කරන අයගේ බලපෑම 
 
දරුවාට නිතර ඇසුරු කිරීමට සිදුවන තවත් දරුවන් මේ ආකාර නම් ඒවා දැකීමෙන්ද එවැනි හැසිරීම්වලට පෙළඹෙන දරුවෝ සිටිති. එමෙන්ම මව හා පියා දෙදෙනාම රැකියාවල නියුතු දරුවන් වෙනත් අය සමග වැඩිපුර කාලය ගත කරන විට ඔවුන්ගේ බලපෑම් නිසාද කලහකාරී වීමට ඉඩ ඇත. ඒ සඳහා කළ යුතු වන්නේ නිවසේ සිටින විට තමන් සමග දරුවා රඳවා ගැනීමට දෙමාපියන් කටයුතු කිරීම හා දරුවාට නිවැරදිව හැසිරිය යුතු ආකාරය පිළිබඳ ආදරයෙන් අවබෝධ කර දීමයි. 
 
දරුවා අපේක්ෂා කරන ආදරය නොලැබිම 
 
මෙම තත්ත්වයද බොහෝ විට දිවා කාලයේ නිවසේ වෙනත් අය සමග රැඳෙන (මාපියන් රැකියාවල නියුතු) ඇතැම් දරුවන්ට ඇතිවන තත්ත්වයකි. තවත් දරුවෙකු ලැබුණු පසුද මෙම තත්ත්වයට මුහුණ දෙන දරුවෝ සිටිති. 
ආදරය යනු දරුවන් පමණක් නොව වැඩිහිටියන් සතුන්, ගස්වැල් පවා අපේක්ෂා කරන්නකි. තමන් අපේක්ෂා කරන ආදරය නොලැබිම කෙනෙකු කනස්සල්ලට පත් කරන්නකි. මෙම තත්ත්වය පිට කිරීම සඳහා කලහකාරී හැසිරීම් පෙන්වන දරුවෝ සිටිති. පිට තැනකට ගිය විටද ඔවුන්ගේ එම ස්වභාවය වෙනස් නොවේ. 
 
තමා වෙත අන් අයගේ අවධානය යොමු කරවා ගැනීමට 
 
බහුතරයක් දරුවෝ මේ සඳහා ප්‍රිය කරති. සමහර දරුවන් උත්සාහ කරන්නේ කුමන හෝ ක්‍රමයකින් අන් අයගේ අවධානය තමන් වෙත යොමු කර ගැනීමටයි. ඒ සඳහාද මේ ආකාරයේ ප්‍රචණ්ඩකාරී හැසිරීම් පෙන්වන දරුවෝ සිටිති. 
මෙහිදී දෙමාපියන් විසින් කළ යුතු වන්නේ එවැනි දරුවන්ට කාගේත් ප්‍රසාදය හිමි නොවන බව දරුවන්ට වටහා දීමයි. 
 
නිවසේ ඇති නීතිරීති දරුවාට දරාගත නොහැකි වීම
 
දරුවන්ට කුඩා කාලයේ සිටම පිළිවෙලකට සිටීම පුරුදු පුහුණු කළ යුතු බව සැබෑය. නමුත් දරුවාගේ වයසට ඔරොත්තු නොදෙන ආකාරයේ නීතිරීති දැමීම සුදුසු නැත. 
මේ අතරම දරුවන්ගේ වැඩි ආරක්ෂාව තකා නිවස තුළම කොටුකර ගෙන සිටීමද සුදුසු නැත. එවිට පිටස්තර ස්ථානයකදී හැසිරෙන ආකාරය පිළිබඳව දරුවාට අවබෝධයක් නොලැබේ. ඒ සමගම දරුවන්ට සම වයසේ මිතුරු මිතුරියන්ගේ ඇසුරද අවශ්‍ය බවත් දෙමාපියන් අවබෝධ කර ගත යුතුමය.  
පුංචි දරුවන් දුව පනිමින් දැඟලීම අරුමයක් නොවේ. එසේ දඟලන දරුවන් සියලු දෙනාම නරක දරුවන්ද නොවේ. එසේම තැන්පත්ව සිටින සියලුම දරුවන් ඉතාම ගුණ යහපත් දරුවන්ද නොවේ. 
නමුත් දරුවෙකුගේ අසාමාන්‍ය දැඟලීම අන් අයට කරදරයක් හිරිහැරයක් නම් එය කිසිසේත්ම අනුමත කළ නොහැකිවේ. 
එම නිසා දරුවෙකු එලෙස හැසිරෙන්නේ නම් කළ යුතු වන්නේ ඊට හේතු බලා ඒ සඳහා විසඳුම් සෙවීමයි. ඒ සමගම දරුවා තමාට කරදර කරන බැවින් හා තමාගේ නිදහසට බාධා වන බැවින් දරුවන්ව පිටස්තර ස්ථානවලට ගෙන යාමෙන් වැළකී සිටීමද නොකළ යුතු බවත් දෙමාපියන් මතක තබා ගත යුතුමය. 
 
පෙර පාසල් ගුරු පුහුණු උපදේශිකා ජලදිනී සේනානායක 

Page 1 of 6

 

IMAGE

නෙලා සමග ඔබ හමුවට එන බෙනට්ගේ පුතා

IMAGE 2018 Feb 25 14:21
අද වෙද්දී උදාර රත්නායක කියන්නේ නළුවෙක්ද? එහෙමත් නැතිනම් දේශපාලනඥයෙක්ද? නළුකම මගේ වෘත්තිය...
Views - 626

මගෙන් නම් සල්ලි ඉල්ලුවේ නෑ ඒත් මේ වගේ කතාවක් නම් කිව්වා

IMAGE 2018 Feb 25 14:08
මේ වෙද්දී ඉන්දිකාගේ කලා දිවිය දශක දෙකකටත් එහා ගිය එකක් නේද? ඔව්. මම මුලින්ම ක්‍ෂේත්‍රයට එකතු...
Views - 1141

රනිල් සල් සපු නා හැර ගියේ ඇයි?

IMAGE 2018 Feb 25 13:52
“සල් සපු නා” ටෙලි නාට්‍යයේ දැන් රනිල්ව දකින්නට ලැබෙන්නේ නැහැ. ඇයි ඒ ? මම තාවකාලිකව ‘සල්...
Views - 1001

තාත්තගේ අකමැත්තෙන් රඟපාන්න ආපු උපාසක අම්මා

IMAGE 2018 Feb 25 12:18
කොහොමද ඔබට අංජනා එහෙමත් නැත්නම් උපාසක අක්කා වෙන්න අවස්ථාව ලැබුණේ? මාව උපාසක අම්මා කළේ...
Views - 773

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 5428

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 3588

Please publish modules in offcanvas position.