Coss Ear2
lakbima.lk
COSS Ear 1

තාත්තේ සිංහල නවකතාව හෙළුවෙන්

අපේ පවු‍ලේ උදවියගේ බලවත් පෙරැත්තය නිසා මටද නවකතාවක් ලියන්නට සිදුවූ බව මගේ පාඨකයන්ට දැනුම් දෙනු කැමැත්තෙමි. ඒ සෑම සියලු දෙනාම නවකතා ලියන රටේ මා නවකතාවක් නොලිවීම පවුලට අගෞරවයක් බව ඔවුන්ගේ අදහස වූ නිසාය. පාඨකයන්ට වඩා ‍ලේඛකයන් වැඩි මේ කාලයේ මගේ ගෞරවය රැකගත හැක්කේ නවකතාවක් නොලියා සිටීමෙන් බව ඔවුන්ට ඒත්තු ගන්වන්නට මා කළ උත්සාහය අසාර්ථක විය.
නවකතාව කියවූ බිරිඳ, පුතා සහ ‍ලේලි මට එහි ගුණ දොස් කියා සිටින්නට වූහ.
මම මේක එක හුස්මට කියවගෙන ගියා බිරිඳ කියා සිටියාය. ‍පොඩ්ඩකටවත් නතර කරන්න හිතුණෙ නෑ.
ඒ අසා මා සතුටින් පිම්බුණද පුතාත්, ‍ලේලිත් මුහුණ නරක් කරගත්හ.
ඒ කියන්නෙ ‍පොතේ කිසි බරක් නෑ කියලනෙ පුතා කියා සිටියේය. එහෙම වන් ෂොට් කියවන්න පුළුවන් නවකතාවක් ගැන ප්‍රබුද්ධ විචාරකයො උනන්දු වෙයිද?
අනේ මන්දා තාත්තා විශ්වවිද්‍යාලෙදි ඉතිහාසෙත් ඉගෙන ගත්තු එකේ නවකතාව අනුරාධපුර යුගයේ භාෂාවෙන්වත් ලියන්න තිබුණනෙ ‍ලේලි කියා සිටියාය. එතකොට මෙලෝ යකෙකුට කියවගන්න බැරි නිසා ‍පොතට ලොකු අවධානයක් ලැබෙයිනෙ.
මගේ සිත පුතාගේ සහ ‍ලේලිගේ විවේචනවලින් අවුල් වුණේය.
මම නම් කියන්නෙ නවකතාවක් තේරුම් ගන්න බැරි නම් වැඩක් නෑ මම ඔවුන්ට කියා සිටියෙමි. කමක් නෑ. වෙන මොනවද ඕගොල්ලන්ට තියෙන ප්‍රශ්න?
තාත්තගෙ කොණ්ඩෙ, රැවුල සුදු වුණාට රට ලෝකෙ ගැන දැනුම ‍පොඩි ළමයෙක්ගෙ වගේ මෙහිදී පුතා කියා සිටියේය. නැත්නම් අදවගේ කාලෙක සෙක්ස් නැති නවකතාවක් ලියයිද?
මට ඒ කතාව ඇල්ලුවේ නැත.
මොකද මේකෙ සෙක්ස් නැත්තෙ? මම පුතාගෙන් ප්‍රශ්න කළෙමි. මට නම් පේන්නෙ ඔයා හරියට ‍පොත කියවල නෑ වගේ.
ඒ අසා පුතාට හිනා ගියේය.
අනේ තාත්තෙ කොල්ලෙක් කෙල්ලෙක්ව ඉඹිනවට සෙක්ස් කිව්වෙ 70 දශකෙ ඔහු කියා සිටියේය. ඩී. එච්. ලෝරන්ස්ට වුණත් ලැජ්ජ හිතෙන ඒවයි දැන් සිංහල නවකතාවල සෙක්ස් කියන්නෙ.
මේ වනවිට ‍ලේලි ලොකු කල්පනාවකට වැටී සිටියාය.
මට නම් තියෙන ලොකුම ප්‍රශ්නෙ මේක තනිකර සිංහල, බෞද්ධ නවකතාවක් කියන එකයි ‍ලේලි කියා සිටියාය. අපේ වගේ බහුජාතික, බහුආගමික රටක ලියවෙන හොඳ ‍පොතක් එහෙම වෙන්න බෑනෙ.
ඒ මොකක්ද ඒ කතාවෙ තේරුම?
ඇත්තටම මේකෙ ප්‍රධාන චරිතයක් දෙමළ හරි ක්‍රිස්තියානි හරි වුණා නම් තමයි වැඩියෙම හොඳ ඕ කියා සිටියාය. එහෙම බැරි නම් අඩු ගාණෙ කොල්ලයි, කෙල්ලයි බම්බලපිටියෙ කෝවිලට හරි කොච්චිකඩේ පල්ලියට හරි යන අවස්ථාවක්වත් දාන්න තිබුණනෙ.
මේ වනවිට මමද මගේ නවකතාව ගැන කලකිරී සිටියෙමි.
ඕගොල්ලො කියන්නෙ මට මේක විසිකරල දාන්න කියල නේද? මම පුතාගෙන් හා ‍ලේලිගෙන් ඇසුවෙමි.
අ‍පොයි නෑ තාත්තෙ අපිට එකතු වෙලා මේක ගොඩ දාගන්න පුළුවන් පුතා කියා සිටියේය. මුලින්ම මේකෙ භාෂාව හදාගෙන ඉමු. තාත්තගෙ අර නඩුකාර යාළුවා සමන් වික්‍රමාරච්චිට දුන්න නම් මේක කාටවත් තේරෙන්නෙ නැති රචනාවක් බවට හරවල දෙයි පැයකින්.
‍ලේලිද ඊට හිස වැනුවාය.
‍පොත සුළුජන, සුළු ආගමික හිතැති බව පේන්න කවරෙට ක්‍රිස්තියානි, මුස්ලිම් පල්ලි දෙකකයි, හින්දු කෝවිලකයි චිත්‍රයක් දාමු ‍ලේලි කියා සිටියාය. එතකොට සෙක්ස් ප්‍රශ්නෙ විතරයි ගැටලුවකට තියෙන්නෙ.
පුතා සිනාසුණේය.
ඒක අපි ‍පොතේ නමෙන් ෂේප් කර ගමු ඔහු කියා සිටියේය. කාමේසු මිච්ඡාචාරා වේරමණී වගේ නමක් දාලා.
මට ඔවුන් කියන දේවල් තේරුණේම නැත.
දැන් ‍පොතේ භාෂාව ව්‍යාකූල කරනව, කවරෙටයි, නමටයි නොගැලපෙන දෙකක් දානව, එතකොට මේක මහ විකාරයක් වෙනවනෙ මම කියා සිටියෙමි. කාටවත් මේක නවකතාවක්ද, මොකක්ද කියලවත් තේරෙන්නෙ නැතුව යනවනෙ.
පුතා අත්පුඩියක් ගසා සිනාසුණේය.
හරියට හරි තාත්තෙ අපි කරන්න ඕන විචාරකයන්වයි, සාහිත්‍ය විනිශ්චය මණ්ඩල සාමාජිකයන්වයි බය කිරීමනෙ ඔහු කියා සිටියේය. මේක මොකක්ද නොතේරුණාම ඒ කට්ටිය බයවෙනව මේක හොඳ නෑ කියන්න, එතකොට ඒගොල්ලො ප්‍රබුද්ධ නෑ කියල හෙළිවෙයි කියලා.
‍ලේලි මෙහිදී පරණ කතාවක්ද මතක් කළාය.
ඇයි තාත්තෙ අර ඉස්සර ඇඳුම් මහන්නො දෙන්නෙක් බුද්ධිමතුන්ට විතරක් පේන ඇඳුමක් මැහුවෙ රජ කෙනෙකුට ඈ කියා සිටියාය. අන්තිමේ ඒක ‍පොඩි එකෙක් දකිනකම් කවුරුත් කිව්වෙ නෑනෙ එතන ඇඳුමක් නෑ කියල. විචාරකයො, විනිශ්චය මණ්ඩල සාමාජිකයො අතරෙ බාලයො නැති නිසා අපිට එහෙම ප්‍රශ්නෙකුත් නෑනෙ.

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1251

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 709

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 4111

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2362

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4395

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 5549

Please publish modules in offcanvas position.