Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ආණ්ඩුවට විනය පාලකයෙක් ඕනෑ

මැයි 14 වැනිදා,
කොළඹදී.
ප්‍රිය ෆීල්ඩ් මාර්ෂල්,
 
මම ඔබට ප්‍රිය කියල ලියල තියෙනව දැකල මගේ බිරිඳ චකිතයෙන් ඇහුවා එහෙම කිව්වට කමක් නැද්ද, ඔබට ප්‍රිය කිව්වාම යුද්දෙට විරුද්ධ හැමෝම මාව ජාතිවාදී, අන්තවාදී ද්‍රෝහියෙක්ගෙ ගාණට දායි නේද කියලා. එතකොට මම බිරිඳට කිව්වා එහෙම වෙන්නෙ නෑ 2010 ජනාධිපතිවරණෙදි යුද්දෙට විරුද්ධ හැමෝම හිටියෙ යුද්දෙ ඉවර කරන්න හමුදාවට නායකත්වය දීපු ඔබේ පැත්තෙනෙ කියලා. එතකොට බිරිඳත් කිව්වා ඒක නම් ඇත්ත, කන්න ඕන වුණාම කබරගොයාත් තලගොයා වෙනව නේද කියලා. මම එතකොට බිරිඳට මතක් කරා ඔබට කබරගොයා කීම නම් නුවණට හුරු වැඩක් ‍නෙවෙයි, මොකද ඔබ ඊට වැඩියෙ කැත සත්තුන්ගෙ නම් හිටන් දන්න කෙනෙක් කියලා.
මේ ලියුම ලියන්න ගත්තෙ රාජිතව ආණ්ඩුවෙ මාධ්‍ය ප්‍රකාශක කමෙන් අයින් කරන්න කියල ශ්‍රීලනිප ඇමැතිවරු ජනාධිපතිගෙන් ඉල්ලීමක් කරපු බව දැකලයි. එතකොට ජනාධිපති කියල තියෙනව රාජිතව අයින් නොකර ශ්‍රීලනිපයෙනුත් මාධ්‍ය ප්‍රකාශකයෙක් දාන්නම් කියලා. ශ්‍රීලනිප ඇමැතිවරු ඒකට එකඟ වෙලා. ඒ වුණාට ඒ අයට කරන්න තිබුණෙ ඔබව කඩාකප්පල්කාරී කටයුතු ම¾ඩින්න කාර්යසාධක බළකායක් පිහිටුවල ඒකෙ ප්‍රධානත්වයට පත්කරනව කිව්වෙ විහිළුවටය කියන්න කියල ජනාධිපතිගෙන් ඉල්ලන එකනෙ. ඇයි මේ ප්‍රශ්නෙ මතුවුණෙ ජනාධිපතිවරයා කැබිනට් රැස්වීමෙදි කරේ විහිළුවක්ද නැත්නම් සීරියස් කතාවක්ද කියල තීන්දු කරගන්න බැරි නිසානෙ. රාජිත කියනව සීරියස් කතාවක් කියල. එස්. බි. කියනව විහිළුවක් කියලා. ජෝන් කියන්නෙත් ඒක සීරියස් කතාවක් ‍නෙවෙයි කියල ජනාධිපති එයාට කිව්වයි කියලා. ඊටපස්සෙ රාජිත අනික් කට්ටියට බණිනවා, අනික් කට්ටිය රාජිතට බණිනවා. ඔය කතාවෙන් වුණේ අන්තිමේ පාර්ලිමේන්තු ආණ්ඩු ක්‍රමය විහිළුවට ලක්වෙච්ච එක විතරයි කියලයි මං නම් හිතන්නෙ.
මොකද අපි ඉස්කෝලෙ යන කාලෙ උසස් පෙළ පන්තියෙදිමයි ඉගෙන ගත්තෙ කැබිනට් මණ්ඩලයේ සාමූහික වගකීම ගැන. හැබැයි රටේ ඇමැතිවරුන් වෙච්ච මේ කට්ටිය අපි වගේ සාමාන්‍ය මිනිස්සු ඉස්කෝලෙ යන කාලෙ ඉගෙන ගත්ත දේවල්වත් දන්නෙ නෑන. අනේ... එහෙම කියන කොටයි මට මතක් වුණේ අපිට පේරාදෙණියෙදි දේශපාලන විද්‍යාව උගන්නපු මහාචාර්ය සොයිසා ළඟදි කියපු කතාවක්. පාර්ලිමේන්තුවෙ 95 දෙනෙක්ම සාමාන්‍ය පෙළවත් පාස් නෑ කියලා. අනේ... සමාවෙන්න සාමාන්‍ය පෙළ පාස් නැති කට්ටිය කොහොමද අපි උසස් පෙළට ඉගන ගත්ත දේවල් දන්නෙ නේද ෆීල්ඩ් මාර්ෂල්?
ජනාධිපතිවරයා කැබිනට් රැස්වීමේදී කරේ විහිළුවක් කියන්නෙ කැබිනට් රැස්වීම කියන්නෙ සීරියස් රැස්වීමක් ‍නෙවෙයිද කියල අපේ පුතා මගෙන් ඇහුවා. එයා තව අහනව ඒක විහිළු තහළු කරන තැනක්ද කියලා. එතකොට බිරිඳ පුතාගෙන් අහනව රටේ නායකයො එකතු වුණොත් ඇත්නම් කරන්නෙ විහිළුනෙ කියලා ඔයා මෙච්චර කාලයක් දැනගෙන හිටියෙ නැද්ද කියලා. මෙතනදි අපේ ‍ලේලි අහනව ඕක විහිළුවක් කියන්නෙ ජනාධිපති ඇතුළු කැබිනට් මණ්ඩලයම එකතු වෙලා යුද්දෙ දිනවල දීපු සරත් ෆොන්සේකව විහිළුවට ගත්ත නේද කියලා. මේ ආණ්ඩුවෙ ඉන්න සමහර අයට යුද්දෙ විහිළුවක් වෙලා තිබිච්ච හැටි නම් අපිටත් තාම මතකයිනෙ. ඒක නිසා යුද්ධ හමුදාපති විහිළුවක් වීම මොකක්ද නේද ෆීල්ඩ් මාර්ෂල්?
අපේ කන්තෝරුවෙ ‍ලේකම්වරියක් මේ ළඟදි මගෙන් අහනව අපි කන්තෝරුවෙ රැස්වීමක වුණත් වාර්තාවක් තියාගන්නවනෙ, ඔය කැබිනට් රැස්වීම්වල වාර්තාවක්වත් තියාගන්නෙ නැත්තෙ ඇයි කියලා. ඇත්ත නේන්නම් වාර්තාවක් තිබුණ නම් බලාගන්න තිබුණනෙ ජනාධිපතිවරයා කරේ විහිළුවක්ද, නැද්ද කියලා.
මම,
මානි.
 
ප:ලි: රටේ විනයක් නැතිකමට විසඳුමක් ගැන කතා කරන්න ගිහින් මේකෙන් පෙනුණෙ ආණ්ඩුවෙවත්, කැබිනට් මණ්ඩලයේවත් විනයක් නැතිකම නේද කියල අපේ පුතා වැඩිදුරටත් මගෙන් ඇහුවා. ඉතින් ඔක්කොටම කලින් ආණ්ඩුවෙයි, කැබිනට් මණ්ඩලෙයි විනය පවත්වාගෙන යන්න කෙනෙක්ව පත්කරා නම් හොඳ නැද්ද කියල එයා අහනවා. එතකොට අපේ ‍ලේලි අහනව කාවද ඒකට පත් කරන්නෙ ෆීල්ඩ් මාර්ෂල්වමද කියලා.

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 1273

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 2720

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 8221

2017 විශ්ව රූ රැජින ඩෙමී සහ අපේ ක‍්‍රිස්ටියානා

IMAGE 2017 Dec 13 10:17
ලෝක රූ රැජින තේරීමේ තරගයේ උණුසුම පහව යෑමටත් පෙර තවත් සුරූපිනියක් විශ්ව රූ රැජින ලෙස  කිරුළ...
Views - 4115

ඉන්දීය ක්‍රිකට් නායක විරාත් කෝලි නිලියක ගේ අත ගනී

IMAGE 2017 Dec 12 12:41
ඉන්දීය ක්‍රිකට් නායක විරාත් කෝලි ඊයේ (11) යුග දිවියට එළඹුණි. ඔහුගේ අතගත් මනාලිය වූයේ බොලිවුඩ්...
Views - 4343

පාතාලයට ඔත්තු දීමේ වරදට වෙඩි කෑ රූපලාවන්‍ය ශිල්පිනිය

IMAGE 2017 Dec 12 10:22
අතුරුගිරිය නගරයේ පිහිටි සයෝනාරා රූපලාවන්‍යාගාරයේ හිමිකාරිය වන හතළිස්හත් වියැති මංජුලා...
Views - 6003

Please publish modules in offcanvas position.