Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ස්වභාවික ආපදා අතරින් වන්දනාවේ යන්නේ කොහොමද?

ස්වභාවික ආපදාවක දී මෙරට ජන ජීවිතය මහත් සේ කම්පනය වන බව අපි හොඳින් ඇසා දැක ඇත්තෙමු. අප රටේ ජනතාව තුළ ප‍රෝපකාරය කෙරෙහි කෙතරම් උනන්දුවක් තිබේ දැයි ඉතා පැහැදිළි ලෙස මෙවන් ආපදා සමයන් තුළ දී නිරීක්ෂණය කළ හැක. ‍එහෙත් එහි නරක පක්ෂයක් ද තිබේ. එනම් එවන් ස්වභාවික ආපදාවක් නිමවූ පසු එම කම්පනය සිත්වලින් පහවයාම නිසා නැවත එවන් ආපදාවක් එළඹීමේ දී ගත යුතු පියවර පිළිබඳව නිසි පාඩම් ඉගෙන නොගැනීමය. එ‍මෙන්ම ජනතාවගේ හඟීම් ආවේග කුළුගැන්වෙන වැඩසටහන් වලදී තමන්ගේ ජීවිත අවදානම ගැන නොතකා කටයුතු කිරීම අප රටේ ජනතාව කෙරෙන්ද දැකිය හැකි පොදු දුර්වල කමකි.

ලොව පුරා ඇතැම් ආගමික සිද්ධස්ථාන වලට යන බැතිමතුන් පෑගීමෙන්, තෙරපීමෙන්, අධික විඩාවෙන් මිය යන අවස්ථා ලොව මාධ්‍ය මගින් නිතරම පාරේ අසන්නට දකින්නට ලැබේ. එය නොදියුණු සමාජ ලක්ෂණයකි. එමෙන්ම තමන් විසින් අදහනු ලබන ආගම දහමටත් සිදුකරනු ලබන අපේ රටේ ද ඉතා සුළු ප්‍රමාණයකින් හෝ මෙම තත්ත්වය දැකිය හැක.

රට මුහුණ පෑ ස්වභාවික ආපදාව මැද්දේ ළඟ එන පොසොන් පෝය වෙනුවෙන් එක් එක් ආයතන සහ කණ්ඩායම් දියත් කරන්නට සැරසෙන ආමිස පූජාවන්වල සද්ද එහෙන් මෙහෙන් ඇසේ. ආලෝක පූජාවන්, පෙරහැර, චෛත්‍ය, ස්තූප ආදිය ඉදිකිරීම් වල මුල්ගල් තැබීම, ලක්ෂ ගණනේ පහන් පූජා, දන්සැල්, තොරණ රාජයන් ආදී රුපියල් ලක්ෂ හෝ මිලියන ගණනින් ඇස්තමේන්තු වන ආමිස පූජා වල ශබ්ද ජනමාධ්‍ය වලින් ඇසේ. සමහරු මේ වන විටත් මුදල් රැස්කිරීම ආරම්භ කර ඇත.

පොසොන් උද්දාමය මධ්‍යයේ බොහෝ බැතිමතුන් හට සිදුවිය හැකි ආපදා කෙරේ දැක්විය යුතු අවධානය මෙවන් කාලගෝට්ටි අතරේ  මැකීයා හැකි නිසා මේ මතක් කිරීම කරමි. අප රටේ පොසොන් පොහෝ දින ආශ්‍රිතව සිදුවන ආපදා අතරින් වාහන අනතුරු සහ ජලය ආශ්‍රිත ආපදා සැලකියයුතු තරම්ය.

මෝසම් වැසි ආරම්භ වී ඇති නිසා ජලය ආශ්‍රිත ආපදා සිදුවීමේ වැඩි ප්‍රවණතාවයක් තිබෙන බව අප අවබෝධ කරගත යුතුය. ගංගා, අතුගංගා මෙන්ම ජලාශ බොහොමයක් පිරී ති‍බිය හැකි බැවින් පොසොන් වන්දනාවන් වලට සහභාගීවන බැතිමතුන් ජලාශ පරිහරණයේදී සැළකිලිමත් විය යුතුය.

මුහුදු රළ සහ සුළං වේගය අතර සෘජු සම්බන්ධයක් පවතී. මේ  හේතුවෙන් දිවයින සහ ඒ අවට සුළං ප්‍රවාහයන් ප්‍රචණ්ඩවන අතර නිරිතදිග මෝසම් සමයේ දිවයින වටා මුහුදු පෘෂ්ඨය රළුවීම සාමාන්‍ය දෙයකි. වෙරළ සහ ඒ අවට සයුරේ පහස ලබන අය මේ ගැන විමසිලිමත්වීම සිදුවිය හැකි ආපදා අවම කරගැනීමට උපකාරවනු ඇත.

නිරිතදිග මෝසම් සමයේ අනුරාධපුරය, පොලොන්නරුව, ත්‍රිකුණාමලය ආදී ප්‍රදේශ වලට ලැබෙන වර්ෂාව බොහෝවිට අකුණු සහ ගිඟුරුම් සහිතව ඇදහැලෙයි. එබැවින් අකුණු ආපදා අවම කරගැනීම සඳහා ද නිසි ආරක්ෂක පියවර ගැනීමට විශේෂයෙන් වන්දනාවන්ට සහභාගී වන සැවොම පියවරගත යුතුය.

වර්ෂාවේ අතුරු ප්‍රතිපලයක් ලෙස මහාමාර්ග සුමටවීම මෙන්ම ප්‍රදේශ ගණනාවකම විශේෂයෙන් සන්ධ්‍යා රාත්‍රි සහ අළුයම් හෝරාවල වායුගෝලීය පහළ ස්තර මීදුම් සහිත වීම සිදුවිය හැකිය. මෙම සාධක දෙක පිළිබඳව රියැදුරු මහතුන් අවධානය යොමු කළ යුතුමය. මාර්ග සුමට නම් වාහන වේගය පාලනය කරගත යුතුමය. මීදුමේ බලපෑම රියැදුරන්ගේ දෘශ්‍ය (‍පෙනෙන) දුර සීමා කරන බව පැහැදිලිය. එවන් අවස්ථාවක සෑම ආරක්ෂක පියවරක්ම ගත යුතු බවත් පැහැදිලිය.

එසේ නොකළ හොත් මේ පොසොන් සමයේ අනුරාධපුරය ඇතුළු වෙනත් සිද්ධස්ථාන වලට යන වන්දනා ගමන් මරණයෙන්, නිත්‍ය ආබාධයකින් හෝ බරපතල රෝගී තත්ත්වයකින් නිමා විය හැක. මෙය තමන්ට මෙන්ම පවුලේ ඥාතීන්ටත් සෙසු ඥාති මිත්‍රාදීන්ටත් සුවිසල් මානසික කම්පනයක් ඇති කිරීමට හේතුවක් විය හැක. එමෙන්ම වන්දනාවේ ගොස් අකල් මරණයකට ලක් වීම ‘වඳින්න ගිය දේවාලේ ඉහේ කඩා වැටුණා’ යන පිරුළ අපේ යටි සිත් වලින් හෝ නැවත ඉස්මතු කෙරෙන්නකි. එනිසා තමන්ගේ ආරක්ෂාව ආගමින් සැලසෙන බව නොසිතා තමන්ගේ ආරක්ෂාව තමන් විසින්ම සලසා ගත යුතු බව තරයේ සිත් තුළ සනිටුහන් කර ගනිමින් මෙම වන්දනා ගමන් වල යෙදීම කොයි කාගේත් ‘ඇඟට ගුණය.’

 

කාලගුණ විද්‍යාඥ - කේ.ආර්. අභයසිංහ (හිටපු කාලගුණ විද්‍යා අධ්‍යක්ෂ)

 

 

 

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

බත් පත බෙදාගන්නට මට සිටියේ ඔබ පමණි

IMAGE 2017 Oct 19 20:52
මිනිසත් බව ලැබිමට තමන් රැස් කළ කුසල් හේතුවන බව බෞද්ධ ඉගැන්වීමේ සඳහන් වේ. ආත්ම ගණනක්...
Views - 1631

සිසුවියන් තිදෙනෙකුගේ මුහුණු වලට ලිංගික 'ස්ප්‍රේ' විදලා

IMAGE 2017 Oct 19 10:56
දඹුල්ල ප්‍රදේශයේ පාසලක අටවන ශ්‍රේණියේ ඉගෙනුම ලබන සිසුවියන් තිදෙනෙකුගේ මුහුණු වලට එම...
Views - 2736

සරණාගත කඳවුරු වල කතුන් ලිංගික අතවර වලට

IMAGE 2017 Oct 18 13:35
ආපදා තත්වයන් යටතේ අවතැන්වන කාන්තාවන් හා ගැහැණු දරුවන්ට අනාරක්ෂිතම ස්ථානයක් වන්නේ සරණාගත...
Views - 1928

මගේ පෙම්වතිය රඟපාන්න කැමති නෑ - සජිත අනුත්තර

IMAGE 2017 Oct 17 12:52
ඔබට නළුකමට එන්නට පියා ලොකු ආලෝකයක් වුණා අනිවාර්යයෙන්ම ඔව්. ගෙදර කලා පසුබිමක් ඇති වන්නට මුල්...
Views - 1691

ලංකාවේ පළමු මෝටර් සයිකල් ලයිසන්කාරිය විමල නයනා

IMAGE 2017 Oct 17 00:21
ඇමෙරිකානුවෙක වූ නීල් ආම්ස්ටේ‍රා්න් සඳ තරණය කළ දා මුළු ලොවම ඒ සඳට ගිය මිනිසා ගැන කතා කරමින්...
Views - 2180

රවීන් දැක්කාම “බුදු අම්මෝ” කියලා ඔළුවේ අත ගහ ගත්තා

IMAGE 2017 Oct 15 18:43
හිමාලි සයුරංගි කියන ඔබ “සතුට” හා “දුක” කියන අත්දැකීම් දෙකට මුහුණ දෙන්නේ මොන විදියටද? ...
Views - 3402

Please publish modules in offcanvas position.