Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

“ඒකීය” වචනය ව්‍යවස්ථාවේ තිබිය යුතුය

Thisu

ආණ්ඩුක්‍රම ව්‍යවස්ථා මණ්ඩලයේ අතුරු වාර්තා කෙටුම්පත මේ වනවිට නිකුත් වී තිබේ. එහි අන්තර්ගත වනුයේ ආණ්ඩුක්‍රම ව්‍යවස්ථාවට සංශෝධන ඉදිරිපත් කිරීමට පත්කළ කමිටු 06 වාර්තාවේ අඩංගු යෝජනාය. මෙම යෝජනා සම්බන්ධයෙන් දැනටමත් රට තුළ විවිධ අදහස් පැතිර යමින් තිබේ. විශේෂයෙන් පවත්නා ව්‍යවස්ථාවේ මෙරට හඳුන්වා දී ඇත්තේ ඒකීය රාජ්‍යයක් ලෙසය. නමුත් කමිටු 06 යෝජනා අන්තර්ගත කළ, සකස් කළ අතුරු වාර්තාවේ යෝජනා 04ක් ඇතුළත් වන අතර එහි 1,2,3, යෝජනාවන්හි ශ්‍රී ලංකාව නොබෙදූ රාජ්‍යයක් ලෙස සඳහන් කර තිබුණද ඒකීය යන වචය එම යෝජනා වන්හි ඇතුළත් නොවේ. ඒවා බොහොමයක් ඒකීය රාජ්‍යයන්ට ප්‍රතිවිරුද්ධ මතවාදයන්ය. කෙසේ නමුත් ඒකීය යන වචනය ව්‍යවස්ථාවෙන් ඉවත් වීමට මේ රටේ බහුතර සිංහල ජනයා එකඟ වන්නේ නැත. එවැනි යෝජනාවන් වුව ඉදිරිපත් කිරීම මහජනයාගේ අප්‍රසාදයට ලක්විය හැකි කාරණයකි.
ශ්‍රී ලංකා නිදහස් පක්ෂයද මෙකී යෝජනා සම්බන්ධයෙන් දැනටමත් සිය අවධානය යොමු කර ඇති අතර දැනට ආණ්ඩුක්‍රම ව්‍යවස්ථාවේ පවත්නා 1 හා 2 වගන්ති ඒ අයුරින්ම පවත්වාගෙන යා යුතු බව ශ්‍රී ලංකා නිදහස් පක්ෂයේ ස්ථාවරය වී තිබේ. දැනට පවතින ආණ්ඩුක්‍රම ව්‍යවස්ථාවේ 1 වගන්තියේ සඳහන් වන්නේ ශ්‍රී ලංකාව නිදහස් ස්වෛරී, ස්වාධීන, ප්‍රජාතාන්ත්‍රික සමාජවාදී ජනරජයකි ශ්‍රී ලංකාව. ශ්‍රී ලංකා ප්‍රජාතාන්ත්‍රික සමාජවාදී ජනරජය යනුවෙන් හඳුන්වනු ලබයි. එහි 2වන වගන්තියේ සඳහන් වන්නේ ශ්‍රී ලංකා ජනරජය ඒකීය රාජ්‍යයකි යනුවෙනි. එම වගන්තිවල සඳහන් වචනමාලාව වෙනස් නොවිය යුතු බව ශ්‍රීලනිපයේ මෙන්ම ජාතික ඒකාබද්ධ කමිටුවේද අදහස වී තිබේ.
ඒකීය යන වචනය ඉවත් කිරීමේ අරමුණ ශ්‍රී ලංකාව ෆෙඩරල් රාජ්‍යයක් බවට පත් කිරීම බව රට තුළ සිටින සිංහල බෞද්ධ බලවේගයන්ගේ අදහස බැවින් නව ආණ්ඩුක්‍රම ව්‍යවස්ථා සංශෝධනය සකස් කිරීමේදී ඒ සම්බන්ධයෙන් පූර්ණ අවධානය යොමු කළ යුතුව තිබේ.

ශ්‍රීලනිපයේ මතය

මෙම අතුරු වර්තාව පවතින ව්‍යවස්ථාවේ තුන්වන වගන්තිය සඳහා යෝජනාවක් ඉදිරිපත් කර ඇත. එම යෝජනාව මෙසේය. ශ්‍රී ලංකාවේ පරමාධිපත්‍ය  ජනතාව කෙරෙහි පිහිටා ඇති අතර එය අත්හළ නොහැක්කේය. පරමාධිපත්‍යයට පාලන බලතල මූලික අයිතිවාසිකම් හා ඡන්ද බලයද ඇතුළත් වන්නේය. යනුවෙනි. නමුත් එම තුන්වන වගන්තිය දැනට පවතින ව්‍යවස්ථාවේ සඳහන් වන්නේ මේ ආකාරයටය. ශ්‍රී ලංකා ජනරජයේ පරමාධිපත්‍ය ජනතාව කෙරෙහි පිහිටා ඇත්තේය. පරමාධිපත්‍ය අත්හළ නොහැක්කේය. පරමාධිපත්‍යයට පාලන බලතල මූලික අයිතිවාසිකම් සහ ඡන්ද බලයද ඇතුළත් වන්නේය. මෙම වගන්තියේද වෙනස් විය යුතු නැති බව ඒකාබද්ධ විපක්ෂයේ ද අදහස වී තිබේ. ව්‍යවස්ථාවේ දැනට පවතින තුන්වන වගන්තිය වෙනස් නොකළ යුතු බව දිනේෂ් ගුණවර්ධන මහතා ඉදිරිපත් කළ යෝජනාවන්හි ද සඳහන් වේ. එසේම ශ්‍රීලනිපයේ ස්ථාවරයද ව්‍යවස්ථාවේ තුන්වන වගන්තිය වෙනසකට ලක්කිරීම නුසුදුසු බවය.
රටේ ජනතාවගේ පරමාධිපත්‍ය ක්‍රියාත්මක වන ආකාරය සම්බන්ධයෙන් පවතින ආණ්ඩුක්‍රම ව්‍යවස්ථාවේ සඳහන් 4වන වගන්තිය සඳහා අතුරු වාර්තාවේ සඳහන් යෝජනාවද උචිත එකක් නොවන බව ‍පොදු මතය වී තිබේ. විශේෂයෙන් ඒ සඳහා සිය මතය සඳහන් කර ඇති දිනේෂ් ගුණවර්ධන මහතාගේද යෝජනාව වී ඇත්තේ පවතින ව්‍යවස්ථාවේ 4 වගන්තිය ඒ අයුරින්ම තිබිය යුතු බවය. ඒ සම්බන්ධයෙන් ශ්‍රීලනිපයේ ස්ථාවරයද වනුයේ එයමය.

ජනරජය ශ්‍රී ලංකාව කිරීම

ශ්‍රී ලංකාවේ දේශ සීමාව සම්බන්ධයෙන් සඳහන් පස්වන වගන්තිය ද නව යෝජනා අනුව වෙනසකට ලක්ව තිබේ. එම යෝජනාව අනුව තම අදාළ විෂය ක්ෂේත්‍රය සම්බන්ධයෙන් පුළුල් පැහැදිලි කිරීමක් දක්නට ලැබුණත් පවතින ව්‍යවස්ථාවේ සඳහන් ජනරජය යන වචනය එම වගන්තියෙන් ඉවත්කොට ඒ සඳහා ශ්‍රී ලංකාවේ යනුවෙන් සඳහන් කර ඇත. මෙම වගන්තියද දැනට ව්‍යවස්ථාවේ සඳහන් ආකාරයට තිබිය යුතු බව බහුතරයේ අදහස වී තිබේ.
නව ව්‍යවස්ථා යෝජනා අනුව ජාතික කොඩිය වෙනසකට ලක්වන බවට විවිධ මත පළ වුවත් එවැනි වෙනසක් නව යෝජනා තුළද අන්තර්ගතව නැත. දැනට පවතින ව්‍යවස්ථාවේ සඳහන් ආකාරයටම එම වගන්තිය සඳහන්ව ඇත. නමුත් ශ්‍රී ලංකා ජන රජයේ ජාතික කොඩිය යන්න යෝජනාවේ සඳහන් වන්නේ ශ්‍රී ලංකාවේ ජාතික කොඩිය යනුවෙනි. නමුත් බරපතළවෙනසක් නොමැත වුවත් ඊට පසුව එන සංශෝධනයන් අනුව එම වචනයේ වෙනස්වීමද එතරම් හිතකර නොමැති බව ජාතික ඒකාබද්ධ කමිටුවේ විවරණ අනුව පෙනී යයි. මේ සම්බන්ධයෙන් ප්‍රතිචාර දක්වන ශ්‍රීලනිපය ද කියා සිටිනුයේ එම වගන්තියද දැනට පවතින ආකාරයෙන් තිබිය යුතු බවය.
ශ්‍රී ලංකාවේ ජාතික ගීය සම්බන්ධයෙන් පවතින ව්‍යවස්ථාවේ 7 වැනි වගන්තියේ සඳහන් වන්නේ ශ්‍රී ලංකා ජනරජයේ ජාතික ගීය ශ්‍රී ලංකා මාතා ගීය වන්නේය. එය අතුරු වාර්තාවේ සඳහන් වනුයේ ශ්‍රී ලංකාවේ ජාතික ගීය යනුවෙනි.
ජනරජය යන වචනය ඉවත් කෙරී ඇත. කෙසේ නමුත් ජාතික ගීය සම්බන්ධයෙන් ශ්‍රී ලංකා මුස්ලිම් කොංග්‍රසය, දෙමළ ප්‍රගතිශීලී සංවිධානය, සමස්ත ලංකා මුස්ලිම් කොංග්‍රසය, ඊ.පී.ඩී.පී. යන පක්ෂ එම වගන්තියට එක්කර ඇති සංශෝධනය මෙසේය.
ශ්‍රී ලංකා ජනරජයේ ජාතික ගීය සිංහල භාෂාවෙන් ශ්‍රී ලංකා මාතා හා දෙමළ භාෂාවෙන් ශ්‍රී ලංකා තායේ ගීය වන්නේය. මෙම යෝජනාව සඳහා විශේෂ විරෝධයක් මතු වී නොමැත. එමෙන්ම ශ්‍රී ලංකා නිදහස් පක්ෂයද එම යෝජනාව අනුමත කර ඇත.

(නව යෝජනාවල බුද්ධාගමටහිමි තැන ලබන සතියට)

[email protected]

තිසූ

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

බත් පත බෙදාගන්නට මට සිටියේ ඔබ පමණි

IMAGE 2017 Oct 19 20:52
මිනිසත් බව ලැබිමට තමන් රැස් කළ කුසල් හේතුවන බව බෞද්ධ ඉගැන්වීමේ සඳහන් වේ. ආත්ම ගණනක්...
Views - 1631

සිසුවියන් තිදෙනෙකුගේ මුහුණු වලට ලිංගික 'ස්ප්‍රේ' විදලා

IMAGE 2017 Oct 19 10:56
දඹුල්ල ප්‍රදේශයේ පාසලක අටවන ශ්‍රේණියේ ඉගෙනුම ලබන සිසුවියන් තිදෙනෙකුගේ මුහුණු වලට එම...
Views - 2736

සරණාගත කඳවුරු වල කතුන් ලිංගික අතවර වලට

IMAGE 2017 Oct 18 13:35
ආපදා තත්වයන් යටතේ අවතැන්වන කාන්තාවන් හා ගැහැණු දරුවන්ට අනාරක්ෂිතම ස්ථානයක් වන්නේ සරණාගත...
Views - 1928

මගේ පෙම්වතිය රඟපාන්න කැමති නෑ - සජිත අනුත්තර

IMAGE 2017 Oct 17 12:52
ඔබට නළුකමට එන්නට පියා ලොකු ආලෝකයක් වුණා අනිවාර්යයෙන්ම ඔව්. ගෙදර කලා පසුබිමක් ඇති වන්නට මුල්...
Views - 1691

ලංකාවේ පළමු මෝටර් සයිකල් ලයිසන්කාරිය විමල නයනා

IMAGE 2017 Oct 17 00:21
ඇමෙරිකානුවෙක වූ නීල් ආම්ස්ටේ‍රා්න් සඳ තරණය කළ දා මුළු ලොවම ඒ සඳට ගිය මිනිසා ගැන කතා කරමින්...
Views - 2180

රවීන් දැක්කාම “බුදු අම්මෝ” කියලා ඔළුවේ අත ගහ ගත්තා

IMAGE 2017 Oct 15 18:43
හිමාලි සයුරංගි කියන ඔබ “සතුට” හා “දුක” කියන අත්දැකීම් දෙකට මුහුණ දෙන්නේ මොන විදියටද? ...
Views - 3401

Please publish modules in offcanvas position.