lakbima.lk
2017-06-15 ඇමෙරිකා ඩොලරය ගැනුම් මිල රු.150.8400 , විකුණුම් මිල රු.154.6400 | බි‍්‍රතාන්‍යය පවුම ගැනුම් මිල රු.191.5800 , විකුණුම් මිල රු.198.1100 | යුරෝ යුරෝපය ගැනුම් මිල රු.168.2300, විකුණුම් මිල රු.174.5900 | ස්වීස් ප‍්‍රෑන්ක් ගැනුම් මිල රු.154.3400 , විකුණුම් මිල රු.160.4500 | කැනඩා ඩොලරය ගැනුම් මිල රු.113.2400 , විකුණුම් මිල රු.117.7200 | ඔස්ට්‍රේලියා ඩොලරය ගැනුම් මිල රු.113.7400 , විකුණුම් මිල රු.118.8200 | සිංගප්පූරු ඩොලරය ගැනුම් මිල රු.109.0900 , විකුණුම් මිල රු.113.1000 | ජපානය යෙන් ගැනුම් මිල රු.1.3701, විකුණුම් මිල රු.1.4216 |

ව්‍යවස්ථාවේ බුද්ධාගමට හිමිතැන අහිමිද?

Thisu

මේ වන විට ලංකාවේ ක්‍රියාත්මක ආණ්ඩුක්‍රම ව්‍යවස්ථාව අනුව බුද්ධාගම සම්බන්ධයෙන් සඳහන්ව ඇත්තේ 9 වැනි වගන්තියේය. මෙම වගන්තිය නව ව්‍යවස්ථා සංශෝධනය යටතේ වෙනස් වන බවත්, ලංකාවේ බුද්ධාගමට හිමි ප්‍රමුඛස්ථානය නැතිවී යන බවටත්, දේශපාලන පක්ෂ සහ සංඝ සමාජය අතරින් ප්‍රබල හඬක් පසුගිය කාලය පුරා මතුවිය. මෙම විරෝධය මතුවීමට හේතු වූයේ ව්‍යවස්ථා සම්පාදක කමිටු සඳහා පත්කෙරුණු සමහර සාමාජිකයන් සම්බන්ධයෙන් දේශපාලන ක්‍ෂේත්‍රයේත්, සිවිල් සමාජයේත් තිබූ මුල්බැසගත් ආකල්ප බව දැකිය හැකිය. එසේම මෙසේ පත් කළ කමිටු සාමාජිකයන් බුද්ධාගම සම්බන්ධයෙන් තිබෙන 9 වැනි වගන්තිය සංශෝධනය කළ යුතු බවට අදහස් ප්‍රකාශ කර තිබිණ. මෙම අදහස් පළකිරීමත් සමග සමාජයේ ඊට විරුද්ධ මතවාදය ප්‍රබල ලෙස ඉස්මතු වන්නට පටන් ගැනිණ.
රටේ දේශපාලනයේ සිටින විරුද්ධ පාක්ෂික බලවේග විසින් මෙම මාතෘකාව ආණ්ඩුවට එරෙහිව දේශපාලන මෙවලමක් ලෙස යොදා ගැනීමත් සමග ජනාධිපතිවරයා සහ අගමැතිවරයා විසින් රටේ බුද්ධාගමට හිමි ස්ථානයේ කිසිදු වෙනසක් නොකරන බව රට ඉදිරියේ සහතික විය. නමුත් ඒ සම්බන්ධයෙන් රට තුළ වූ සැකය මේ වනතෙක් මුළුමනින්ම පහව ගොස් නැත. ඊට බලපාන විෂය මූලික තත්ත්වයන් බොහොමයක් තිබෙන නමුත් ප්‍රජාතන්ත්‍රවාදයට ගරු කරන රජයක් ලෙස බහුතරයේ හඬට සවන්දීමට සිදුවනු ඇත.
මේ වන විට රටේ ක්‍රියාත්මක ව්‍යවස්ථාවේ 9 වැනි වගන්තියේ බුද්ධාගමට හිමි ස්ථානයට අදාළව පවතින වගන්තිය මෙසේය. ශ්‍රී ලංකා ජනරජය බුද්ධාගමට ප්‍රමුඛස්ථානය පිරිනමන්නේය. එහෙයින් 10 වැනි ව්‍යවස්ථාවෙන් සහ 14 වැනි ව්‍යවස්ථාවේ (1) අනු ව්‍යවස්ථාවේ (ඉ) ජේදයෙන් සියලුම ආගම්වලට පිරිනැමෙන අයිතිවාසිකම් ආරක්ෂා කරදෙන අතර බුද්ධ ශාසනය සුරක්ෂිත කොට ‍පෝෂණය කිරීම රජයේ වගකීම විය යුත්තේය.
මෙම වගන්තිය සංශෝධනය නොකළ යුතු බවට ‍පොදු මතයක් තිබුණද, ආණ්ඩුක්‍රම ව්‍යවස්ථා මණ්ඩලයේ අතුරු වාර්තාවේ ඒ සඳහා නව යෝජනා 6ක් ඇතුළත්ව ඇත. එම යෝජනා බොහොමයකින්ද බුද්ධාගම සුරක්ෂිත කොට ‍පෝෂණය කළ යුතු බව සඳහන් වුවත් 9 වැනි වගන්තියේ බුද්ධාගම යනුවෙන් යොදා ඇති ශීර්ෂය වෙනුවට ආගම යන වචනය ආදේශ කර ඇත. එසේ කිරීමම බුද්ධාගමට හිමි තැන නොඑසේ නම් ප්‍රමුඛස්ථානය අහිමි කිරීමක් බව ඇතැම් පාර්ශ්වයන්ගේ අදහස වී තිබේ.
මේ අතර ශ්‍රී ලංකා මුස්ලිම් කොංග්‍රසය, දෙමළ ප්‍රගතිශීලී සන්ධානය, සමස්ත ලංකා මුස්ලිම් කොංග්‍රසය විසින් අතුරු වාර්තාව සඳහා ඉදිරිපත් කරන ලද ‍ලේඛනයේ ආගම සම්බන්ධයෙන් වූ ඔවුන්ගේ වගන්තිය මෙසේය. ශ්‍රී ලංකා ජනරජය බුද්ධාගමට ප්‍රමුඛස්ථානය දිය යුතුය. එහෙයින් බුද්ධ ශාසනය සුරක්ෂිත කොට ‍පෝෂණය කිරීම රජයේ වගකීමක් වියයුතු අතර 10 හා 14 (1) (ඉ) වගන්තිවල ආරක්ෂාව සියලු ආගම්වලට පිරිනමමින් අයිතිවාසිකම්ද සහතික කළ යුතුයි
එසේම මෙම කෙටුම්පත සඳහා ඊළාම් ප්‍රජාතන්ත්‍රවාදී පක්ෂය යෝජනා කර ඇත්තේ ශ්‍රී ලංකා ජනරජය අන්‍යාගමික රාජ්‍යයක් විය යුතු අතර 10 හා 14 (1) (ඉ) වගන්තිවල ආරක්ෂාව සියලු ආගම්වලට ලබාදී අයිතිවාසිකම්ද තහවුරු කළ යුතුය යන්නය
මෙම යෝජනා සඳහා ඒකාබද්ධ විපක්ෂය නියෝජනය කරමින් ව්‍යවස්ථා සම්පාදන ක්‍රියාවලියට සහභාගි වී සිටින දිනේෂ් ගුණවර්ධන මහතා ඉදිරිපත් කළ ‍ලේඛනයේ දැක්වෙන්නේ ව්‍යවස්ථාවේ දැනට පවත්නා 9 වැනි වගන්තිය ඒ ආකාරයටම රඳවා ගත යුතු බවය. එසේම ඉදිරිපත් වී තිබෙන විකල්ප යෝජනාවන්ට ඔවුන් විරුද්ධ බවද එහි සඳහන් කර ඇත. මේ සම්බන්ධයෙන් ශ්‍රී ලංකා නිදහස් පක්ෂයේ මතවී තිබෙන්නේද දැනට බුද්ධාගමට අදාළව ව්‍යවස්ථාවේ සඳහන් වගන්තිය ඒ අයුරින්ම තිබිය යුතු බවය.
මෙම අතුරු වාර්තාවේ යෝජනා සම්බන්ධයෙන් එක්සත් ජාතික පක්ෂයේ මතය නිල වශයෙන් මතෛක් ඉදිරිපත් වී නැති නමුත්, ඔවුන් පක්ෂයක් ලෙස පසුගියදා ප්‍රකාශ කරනු ලැබුයේ තම පක්ෂය අනාගාමික පක්ෂයක් බවය. මේ සම්බන්ධයෙන් සමාජයේ එතරම් සුවිශාල කතාබහක් ඇති නොවුණත් ව්‍යවස්ථා සම්පාදන ක්‍රියාවලියේදී දෘෂ්ටිය කුමක්ද යන්න අවබෝධ කර ගැනීමට එය එක්තරා අන්දමක ඉඟියක් වැනිය. මෙම සියලු කරුණු සම්බන්ධයෙන් ශ්‍රී ලංකා නිදහස් පක්ෂය සහ එක්සත් ජාතික පක්ෂය පසුගිය සතියේදී තීරණාත්මක සාකච්ඡාවක් පැවැත්වූ නමුත් සාකච්ඡාවට පාදක වූ කරුණු රට ඉදිරියට පැමිණියේ නැත. කෙසේ නමුත් ව්‍යවස්ථා සම්පාදක ක්‍රියාවලිය සිදුවන්නේ රහසිගත ව්‍යාපෘතියක් ලෙස නොවේ. ඒ සඳහා බහුතර පක්ෂවල දායකත්වය ලැබි තිබේ. රටේ බහුතර ජන මතය නියෝජනය කරන ප්‍රධාන ධාරාවේ පක්ෂ බුද්ධාගමට හිමි ස්ථානයට කිසියම් බලපෑමක් එල්ලවීමට ඉඩදේවි යැයි උපකල්පනය කළ නොහැකිය.
ලංකාවේ ව්‍යවස්ථා සම්පාදක කටයුත්තකදී සුළු ජන කොට්ඨාසයන්හි අයිතීන් තහවුරු කළ යුත්තේය. එසේ වන අතරම රටේ බහුතර පුරවැසියන්ගේ අයිතියද කප්පාදු විය යුතු නැති බව මධ්‍යස්ථ මතධාරීන්ගේ අදහස වී තිබේ. මේ රටේ බුද්ධාගමට ව්‍යවස්ථාවෙන් තහවුරු කර තිබෙන ස්ථානය උපයෝග කරගෙන සුළු ජන කොටස්හි අයිතීන් කප්පාදු කිරීමට සිංහල බෞද්ධයන් කිසිම අවස්ථාවක උත්සාහ කර නැත. සියලු ජාතීන් අතර ආගමිකයන් අතර සිටින අන්තවාදීන්ගේ ක්‍රියාකාරකම් පැන නගින අර්බුද සමස්ත සමාජයේ අර්බුද ලෙස සලකා ව්‍යවස්ථාවෙන් පිළියම් සෙවීමට උත්සාහ  කිරීම තවත් අර්බුදයකට මුලවීමටද ඉඩ තිබේ. එබැවින් සාමූහිකව තිබෙන ගැටලු කළමනාකරණය කර ගැනීම සියලුදෙනාගේ වගකීමකි.
 
This email address is being protected from spambots. You need JavaScript enabled to view it.
 
තිසු.

 
IMAGE

අන්තර් ජාලයේ උයන පිහන මස්තානම්මා

IMAGE 2017 Jun 28 08:49
අන්තර්ජාලය හරහා වැඩි ආකර්ෂණයක් ඇත්තේ තරුණ පිරිස්වලට යැයි බොහෝ විට අපට සිතේ. එහෙත් ඒ සිතුවිල්ල...
Views - 36

'මළගමකට' වෙන් කළ මුදලත් පැහැරගෙන ගිහින් !

IMAGE 2017 Jun 27 20:45
ජීවත් වන්නවුන් වෙනුවෙන් වියදම් කිරීමට ඇති මුදල් ගසා කන්නවුන් පිළිබඳ තොරතුරු අපට නොයෙක් විට...
Views - 205

බුද්ධි-බූඩි අළුත් වැඩක

IMAGE 2017 Jun 26 13:47
ශ්‍රී ලාංකිය සිනමාව නව මගකට යොමුකළ බුද්ධි කිර්තිසේන හා බූඩි කිර්තිසේන පිය පුතු දෙපළ සිනමා...
Views - 1151

ලංකාවේ අවංකම බස් කොන්දොස්තර කුරුණෑගලින්?

IMAGE 2017 Jun 26 10:49
කුරුණෑගල මහ රෝහල ඉදිරිපිට බස් නැවතුම නිතර ජනයාගේන් පිරී පවතින්නකි. විශේෂයෙන් රෝහලේ රෝගීන්...
Views - 2502

සෙල්ෆි ගැසීම මානසික රෝගයක් නොවේ

IMAGE 2017 Jun 26 09:57
තමාගේම ඡායාරූපයක් තම ජංගම දුරකථනයෙන් ගැනීම හෙවත් සෙල්ෆි ගැනීමට ගිය කීපදෙනෙකු අවාසනාවන්ත ලෙස...
Views - 963

නතාෂා රට හැර යාමට සැරසෙයි

IMAGE 2017 Jun 25 19:41
නතාෂා පෙරේරා ගැන අමුතුවෙන් හැඳින්වීම් මොකටද? ඇය රටේම ආදරය දිනා ගත්තේ පුංචිම පුංචි...
Views - 3127

Please publish modules in offcanvas position.