Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
Coss Ear2
lakbima.lk
COSS Ear 1
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ඔළු බක්කෝ සෙට් එකක් අර කූඩුව ඉස්සරහ ඉන්නවා

කසාද බඳින්න ඉස්සර ගෙදර ඉන්න කා‍ලේ වෙසක් බලන්න ටවුමට ගිය හැටි එන්සිනාට මතක් වුණා. ඒ වෙසක් කා‍ලේ ටවුමෙදී දකින්න ලැබෙන අවිනීතකම් දැකලා එන්සිනාලා නරක් වෙයි කියලා එන්සිනාලා වෙසක් බලන්න ටවුමට යන එකට  ඒ කා‍ලේ අම්මලා, තාත්තලා  එච්චර කැමැති වුණෙත් නැහැ.
‘ලලිතා ඇවිත් රුපියල් පනහක් දුන්නා’ 
මැරතන් එකෙන් නිවනට යමු අපි දෙන්නා
වගේ අවිනීත කවි තොරන් කූඩුවලට ආධාර ගන්න කාර්යාලවල ඉන්න කවියෝ කියන්නේ මේසේ යට තියන බෝතලෙයි වීදුරුවෙයි බල මහිමෙන් කියන එක එන්සිනාත් පුංචිකමට දැනගෙන හිටියා. ඒ වගේම  රෑට ටවුමේ වෙසක් බලන්න යනකොට කොහේවත් ඉඳලා ආපු එවුන් කණට කිට්ටු කරලා කන් අඩි බිරිවෙන සද්දෙන් නලා පිඹපු හැටි හාවෙකුගේ හරි බළලෙකුගේ හරි වෙස් මූණකින් මූණවහගත්තු අසමජ්ජාතියෙක් කාටවත් නොපෙනෙන්න එන්සිනාගේ පිටිපස්සට තට්ටුවක් දමපු හැටි  එහෙමත් එන්සිනාට  තවම හොඳටම මතකයි.
‘හැබැයි ඉතින් එදා විදිහට බලනකොට නම් අද තත්ත්වේ හුඟාක්ම හොඳයි. ඔන්න මෙදා සැරේ වෙසක්වලට ඔය ඔළුබක්කෝ නටනවා වගේ බහුබූතත් නතර කරන්න කියලා  ‍පොලිස්පතිතුමා ‍පොලීසිවලට නියෝග කරලත් තියනවා.’
පුංචි එවුනුත් එක්ක මෙදා සැරේ වෙසක් බලන්න යන්න මහත්තයත්  එක්ක කතා වෙන අතරේ එන්සිනා කිව්වා.
‘ඔව් ඉතින් කවුරු කොහොම කිව්වත් සමහර දේවල්වලින් අද සමාජය ඉස්සරහට වඩා ගොඩක් දියුණුයි. ඉස්සර මිනිස්සු  සෙනඟ පිරිලා  උතුරන බස්වල යනගමන් සිගරට් බිව්වා. අද මනුස්සෙක් ප්‍රසිද්ධ තැනක සිගරට්  එකක් බොනවය කියන්නේ ප්‍රසිද්ධ තැනක සුළු දිය පහ කරනවා වගේ වැඩක් හැටියටයි අනික් අය දකින්නේ.’
මහත්තයත් එහෙම කිව්වා.
කොහොම හරි  ඉතින් වෙසක් දවසේ සවස පන්සල් ගිහින් එහෙම ඉවර වෙලා එන්සිනායි මහත්තයයි පුංචි එවුන් දෙන්නත් එක්ක ටවුන් එක පැත්තට ආවය කියමුකෝ.
‘එන්සිනා ඔයා කිව්වා නේද  මෙදා වෙසක් එකට ඔළු බක්කෝ නටන එක තහනම් කරලයි  කියලා.’ ටවුන් එකේ කූඩුවක් කිට්ටුව වාහනේ නතර කරපු මහත්තයා ඇහුවා.
‘ඔව් ඉතින් ? එන්සිනාත් පටස් ගාලා උත්තර දුන්නා.’
ඒ වුණාට එන්සිනා ඉස්සර වෙසක්වලට එළියට නාපු ඔළුබක්කෝ සෙට් එකක් අන්නඅර කූඩුව ඉස්සරහ ඉන්නවා.’
මහත්තයා එහෙම කියනකොට එන්සිනා එක පාරටම තිගැස්සිලා වගේ ඒ දිහා බැලුවේ ‘කෝ ? කෝ?’ කියලා අහන ගමන්. මෙන්න එතකොටම අර කුඩුව අයිනේ ‍පොල්තෙල් පහන වටේට ඒ පැත්තේ ඉන්න මැති ඇමැතිවරු බොහොම  ආඩම්බරෙන් හිටගෙන ඉන්නවා.

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

තනුජා සිරස හැර යයි

IMAGE 2017 Dec 17 12:25
පෞද්ගලික රූපවාහිනී නාලිකා මේ රටේ ඇති කළ වෙනස තුළ බිහි වූ ප්‍රබල චරිතයක් තමයි තනුජා ජයවර්ධන...
Views - 2358

මගේ ගීත ගායනා කරන්න එපා වික්ටර්ගෙන් පුතුන්ට නියෝගයක්

IMAGE 2017 Dec 17 11:32
නව පරපුරේ සංගීතවේදියකු වන ඉරාජ් වීරරත්න මීට මාස කිහිපයකට පෙර නිර්මාණය කළ දැණුනා නම්වූ...
Views - 2334

රුපියල් දහසේ නෝට්ටු මවන භූතයෙක්

IMAGE 2017 Dec 17 10:13
නිවෙස්වලට කඩාවැදී ගෙහිමියන්ට වින පමුණුවන භූතයන් ගැන අපි කොතෙකුත් අසා ඇත්තෙමු. එහෙත්,...
Views - 1308

ෆේස්බුක් එකෙන් ඔබේ හිතේ ලෙඩ ගැනත් කියන්න පුළුවන්

IMAGE 2017 Dec 15 10:42
ඔබටත් ෆේස්බුක් ගිණුමක් තිබෙනවාද? එසේ ගිණුමක් තිබෙනවා නම් ඔබ ඒ සඳහා දවසකට; සතියකට හෝ මාසයකට පැය...
Views - 2754

සුද්දන්ට උණවටුන එපා කරවන ඩිස්කෝ ඩාන්ස්

IMAGE 2017 Dec 14 07:56
ආචාර්ය ආතර් සී. ක්ලාක් විද්වතා පවසන ආකාරයට උණවටුන වෙරළ තීරය ලෝකයේ ඇති දර්ශනීය වෙරළ දොළහෙන්...
Views - 4221

ගැබිණි නිලධාරිනිය අධ්‍යක්ෂක හා 'හනිමූන්' ගිහින්

IMAGE 2017 Dec 13 10:33
ඔහු මෙරට ප්‍රමුඛතම සමාගමක අධ්‍යක්ෂ වරයෙකි. වයස අවුරුදු 40 ක් පමණ වන ඔහු දරු දෙදෙනෙකුගේ පියෙක්...
Views - 10462

Please publish modules in offcanvas position.