Coss Ear2
lakbima.lk
COSS Ear 1

ශ්‍රී ලාංකේය ටෙලි නාට්‍ය කලාවේ නව ප්‍රබෝධයක් ඇති කිරීමට සමත්ව තිබෙන “කූඹියෝ” ටෙලි නාට්‍යය මේ දිනවල විකාශය වන්නේ ප්‍රේක්ෂක කුතුහලය ඉහළම තැනක රඳවමිනුයි කීවොත් වැරදි නැහැ. “කූඹියෝ” කතා පුවතේ හැටියට, එහි ප්‍රධාන භූමිකාව වන ජෙහාන් (තුමිඳු දොඩම්තැන්න) “ගේම්කාරයෙකු” විදිහටයි සාමාන්‍ය ව්‍යවහාරයේදී බොහෝ දෙනා හඳුන්වන්නේ. නමුත් ඒ ගේම්කාරයවත්, එක්තරා අවස්ථාවක සියුම් උගුලකට හිරකරන පුද්ගලයෙක් ඉන්නවා. ඔහු තමයි සේනාධී තෙන්නකෝන් නමැති වාමාංශික පක්ෂ නායකයා. ගේම්කාරයකුවන ජෙහාන්වත් අමාරුවේ දාපු මහ මොළකාරයා විදිහට බොහෝ දෙනා හඳුන්වන සේනාධි තෙන්නකෝන්ගේ චරිතය නිරූපණය කරන රංගන ශිල්පියා කවුරුන්ද කියලා බොහෝ ප්‍රේක්ෂකයන් මේ දිනවල විපරම් කරනවා. චිත්‍රපට අධ්‍යක්ෂවරයකු ලෙස වඩාත් ප්‍රකටව සිටින ඔහු පරාක්‍රම ජයසිංහයි. ‘එකදා වැහි’, ‘චෙරියෝ හොල්මන්’ සහ ‘කේ සෙරා’ යන සිනමාපට රිදී තිරයට ගෙන ආ ඔහු තමන් ටෙලි නාට්‍ය නළුවකු වූ හැටි ගැන රිද්මට කීවේ මේ විදිහටයි.
 
සිනමාව හා සම්බන්ධවයි ඔබේ නම මතෛක් කාලයක් වැඩිපුරම කියැවුණේ. පුංචි තිරයට ආපු පළමු වතාවේ ඔබට ලැබෙන ප්‍රතිචාර මොනවගේද? 
ප්‍රතිචාර නම් හුඟක් හොඳයි. ටෙලි නාට්‍යය නරඹන සමහරු දන්නේ නැහැ මම අධ්‍යක්ෂවරයෙක් කියලා. මාව දන්නා හඳුනන අය නම් මට කතා කරලා කියනවා මගේ රඟපෑම හොඳයි කියලා. ඒ ගැන මට හුඟක් සතුටුයි. 
 
මීට කලින් රඟපාලා පළපුරුද්දක් තිබුණද? 
1994 වසරේ තිරගත වූ මගේ “එකදා වැහි” චිත්‍රපටයේ තත්පර 10-15ක විතර දර්ශනයකට මම පෙනී සිටියා. ඒක චිත්‍රපටයක පෙනී ඉන්න තිබුණු ආසාවට කරපු දෙයක් විතරයි. ඊට පස්සේ “කූඹියෝ” අධ්‍යක්ෂ ලක්මාල් ධර්මරත්නගේම කෙටි චිත්‍රපටයක සුළු චරිතයක් රඟපෑවා. ඊට එහා නළුවෙක් විදිහට මීට කලින් මම ලොකු දෙයක් කරලා නැහැ. 
 
නමුත්, නළුවෙක් විදිහටත් ඔබට යමක් කරන්න පුළුවන් බව “කූඹියෝ” අධ්‍යක්ෂවරයා වටහාගෙන ඉන්න ඇති නේද? 
කූඹියෝ අධ්‍යක්ෂ ලක්මාල් සහ පිටපත් රචක දමිත අතර මගේ මිත්‍රත්වය ඇතිවුණේ මීට අවුරුදු 10කට විතර කලිනුයි. ඒ මිත්‍රත්වයේ ප්‍රතිඵලයක් ලෙස තමයි “කූඹියෝ” ටෙලි නාට්‍යයේ චරිතයක් මා වෙනුවෙන් වෙන් වුණේ. 
 
ඒ විදිහට ඔබ වෙනුවෙන් වෙන්කරපු ඒ චරිතය බාර නොගෙන ඉන්න බැරි වුණෙත් ඒ මිත්‍රත්වය නිසාද?
මම නළුවෙක් ‍නෙවෙයි. ඒ නිසා මේ චරිතය රඟපාන්න කියලා ලක්මාල් කරපු ආරාධනාව බාර ගැනීම මම මුලින් ටිකක් අදිමදි කළා. එතකොට ලක්මාල් කිව්වා. මා ගැන හිතාගෙනමයි පිටපත රචනා කළෙත් කියලා. එහෙම කියද්දී මට ඒ ආරාධනාව ප්‍රතික්‍ෂේප කරන්න බැරි වුණා. 
 
‘කූඹියෝ’ ටෙලි නාට්‍යයේදී ඔබට ලැබෙන්නේ දේශපාලන පක්ෂයක නායකයෙකුගේ චරිතයක්. එවැනි චරිත ගැන අධ්‍යයනයක් කරලාද රංගනයට පිවිසුණේ?
අ‍පොයි නැහැ. ඒ වගේ චරිතයක් රඟපාන්නේ කොහොමද කියන එක ගැන කිසිම අධ්‍යයනයක් කරලා ‍නෙවෙයි මම රඟපෑවේ. දෙබස් මතකයේ තබා ගැනීමත් මට හුඟක් අමාරු වුණා. 
 
‘කූඹියෝ’ ටෙලි නාට්‍යයත් සමග ඇති වී තිබෙන ප්‍රබෝධයත් එක්ක ඔබටත් ටෙලි නාට්‍යයක් අධ්‍යක්ෂණයට යොමු වෙන්න හිතෙන්නේ නැද්ද?
අ‍පොයි නැහැ. තවමත් මගේ කැමැත්ත තියෙන්නේ සිනමාවටයි. 
 
නමුත් ඔබ අවසන්වරට හදපු ‘කේ සෙරා’ චිත්‍රපටය සාර්ථක වූයේ නෑ කියලා කීවොත් ඔබ එය පිළිගන්නවාද? 
නැහැ. මොකද ‘කේ සෙරා’ චිත්‍රපටයෙන් විශාල ආදායමක් මම බලා‍පොරොත්තු වුණේ නැහැ. මගේ බලා‍පොරොත්තුව වුණේ වියදම පියවා ගැනීම විතරයි.  ‘කේ සෙරා’ට සම්මාන 11ක් ලැබුණා. ඒ ලැබුණු ප්‍රතිචාර ගැන මම තෘප්තිමත්.
 
 ‘කේ සෙරා’ගෙන් පස්සේ ඔබ අලුත් සිනමාපටයකට තවමත් අත නොගැසුවේ සිනමාවේ තිබෙනවායි කියන අර්බුද නිසාද?
සිනමාවේ අර්බුද ගැන බොරු කතා කියලා වැඩක් නැහැ. මේ අවුරුද්දේ මම අලුත් චිත්‍රපටයක වැඩ පටන් ගන්නවා. 
 
කිෂාන් කනංකෙ

නිළියක් වගේම නර්තන ශිල්පිනියක් විදියටත් ජනතා ආකර්ෂණය දිනා සිටින හිමාලි  සිරිවර්ධන ගැන අලුත්ම අලුත් ආරංචියක් අපිට දැනගන්න ලැබුණා. ඒ සුබාරංචිය ගැන විමසන්න අපි ඇයට කතා කළා. හිමාලිට ආදරය කරන ඔබත් කැමැති ඇතිනේ ඒ ආරංචිය මොකක්ද කියලා දැනගන්න. එහෙනම් අපි ඒ ගැන හිමාලිගෙන්ම අහලා බලමු.
 
ඉතින් හිමාලි මොනවද අලුත් තොරතුරු. 2018 සුබද? 
අ‍පොයි ඔව්, සුබයි. සුබම සුබයි. මගේ ජීවිතේ සුබම වසර 2018 වේවි කිව්වත් වැරදි නැහැ. 
 
හිමාලි මේ දවස්වල කලා කටයුතුවලින් ඈත් වෙලා නේද ඉන්නේ ? 
ඔව්, “සිත් අහස යට” ටෙලි නාට්‍යයේ රඟපෑවා. පස්සේ අලුත් නාට්‍යයක් භාරගත්තේ නැහැ. මගේ නර්තන කණ්ඩායමත් කෙටි කාලීනව නතර කළා. “හිරු සුපර් හීරෝ” වැඩසටහනේ විනිසුරුවරියක් විදියට කටයුතු කරන එක විතරයි පසුගිය කා‍ලේ කළේ. ඒත් දැන් ඒකෙනුත් ඉවත්වෙලයි ඉන්නේ.
 
එතකොට මේ දවස්වල මොනවද කරන්නේ ?
ගෙදරට වෙලා විවේකී සුවයෙන් ඉන්නවා. 
 
හිමාලිගේ ජීවිතේ උදාවූ සුබම සුබ වසර 2018 කිව්වා නේද?
ඔව්
 
එහෙනම් සුබම සුබ වසරේ ඇයි මේ සියලු කටයුතු නතර කරලා ගෙදරට වෙලා ඉන්නේ ?
(හිනැහී), සුබම සුබ කාරණය හින්දා තමයි මම විවේකයක් ගත්තේ.
 
ඒ සුබ ආරංචිය “රිද්ම” හිතවතුන්ට කියන්න කැමැතිද?
කැමැතියි, මම දැන් මව් පදවිය ලබන්න සූදානමිනුයි ඉන්නේ.
 
කවදාද අලුත් අමුත්තා ඔබේ ළඟට එන්නේ ? 
ලබන මැයි මාසේ විතර 
 
මේ බලා‍පොරොත්තුව ඉටු කරගන්න කාලයක් බලාගෙන ඉන්න වුණා නේද? 
අපි විවාහ වෙලා අවුරුදු 10ක් වෙනවා. විවිධ හේතු මත අපිට අපේ හීනය කල් දාන්න සිද්ධ වුණා. ඒ හැම හේතුවක්ම මගේ රංගන හා නර්තන කටයුතු සම්බන්ධ හේතු. අන්තිමට අපි හිතුවා දැන් හැමදේම නතර කරලා අපේ හීනය ගැන හිතන්න ඕන කියලා. 
 
මේ ආරංචිය ඇහුවම ඔබේ සැමියා ගොඩක් සතුටු වෙන්න ඇති නේද?
ඔව්, ඔහු ගොඩක් සතුටු වුණා. එයාට එයාගේ හීනය ඉටු කරගන්න බලාඉන්න වුණේ මම හින්දා. ඒත් ෂෙනාෂ් කවදාවත් මගේ කලා කටයුතුවලට බාධා කළේ නැහැ. එයා ඉවසීමෙන් බලාගෙන හිටියා. දැන් සතුටින් අලුත් අමුත්තා එනතුරු බලාගෙන ඉන්නවා. ෂෙනාෂ් කැමැති පුතෙකුටයි. මම ආස දුවෙකුට. ඒත් කවුරු ලැබුණත් ඒ අමුත්තා බාර ගන්නයි. අපි බලාගෙන ඉන්නේ.
 
ආරියවංශ කුලතිලක

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 2003

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 1094

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 5100

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2934

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 5014

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 6240

Please publish modules in offcanvas position.