Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ජීවන් හඳුන්නෙත්තිව බොහෝ දෙනෙක් හඳුනන්නේ හාසේ‍යාත්පාදක නළුවෙක් විදිහටයි. මතෛක් කාලයක් රංගනයෙන් ශිල්ප දැක්වූ ඔහු තවත් නොබෝ දිනකින් සිය කලා ජීවිතයේ අලුත් පිටුවක් පෙරළන්න සූදානමින් සිටින බව අපට ආරංචි වුණා. ඒ ගැන වැඩිදුර තොරතුරු හෙළි කරන්නයි ජීවන් අපිත් එක්ක මේ විදියට සංවාදයට එක් වුණේ. 
 
අලුත් පිම්මකට නේද මේ දවස්වල සූදානම් වෙන්නේ? 
ඔව්. මගේ හීනයක් තිබුණා කවදා හරි චිත්‍රපටයක් අධ්‍යක්ෂණය කරන්න ඕනෑ කියලා තව ටික දවසකින් ඒ හීනය සැබෑ වෙනවා. 
 
කවදා වගේද චිත්‍රපටයෙ වැඩ පටන් ගන්න හිතාගෙන ඉන්නේ?
ලබන මාසේ අග හරියෙදි වැඩ කටයුතු ආරම්භ කරන්නයි හිතාගෙන ඉන්නේ. 
 
චිත්‍රපටයේ නම? 
දැනට නම් කිහිපයක්ම යෝජනා වෙලා තියෙනවා. ඒ අතරින් ආකර්ෂණීය නමක් අද හෙටම තෝරා ගන්නවා. 
 
නළු නිළියෝ එහෙම තෝරාගෙන ඉවරද? 
ප්‍රධාන නළුවා හැරුනාම අනෙක් චරිත සඳහා නළු නිළියන් තෝරාගෙන අවසන්. 
 
ආසාව තිබුණ පළියට හැම නළුවාටම හොඳ අධ්‍යක්ෂවරයෙක් වෙන්න බැහැ. ඒ භූමිකාවේ තිබෙන වගකීම ගැන අවබෝධයෙන්ද චිත්‍රපටයට මුල පිරුවේ?
චිත්‍රපටයක් හදන්න ආසාව තිබුණත් අධ්‍යක්ෂවරයාගේ භූමිකාව ගැන හොඳට ඉගෙන ගෙන චිත්‍රපටයකට අතගහනවා කියන අදහස තමයි මට මුල ඉඳන්ම තිබුණේ. නළුවෙක් වුණු හැටියේ අධ්‍යක්ෂවරයෙක් වෙන්න අමාරුයි. හැබැයි මම අවුරුදු ගාණක් තිස්සේ ඒ ගැන හදාරලයි චිත්‍රපටයට අතගැහුවේ. ඒ නිසා ඒ ගැන ලොකු බයක් මට නැහැ. 
 
කවුද ඔබට අධ්‍යක්ෂවරයාගේ භූමිකාව ගැන ගුරුහරුකම් දුන්නේ? 
අපට ඒ ගැන ඉගෙනගන්න පාසල් නැහැනේ. හැබැයි මම රඟ පෑ චිත්‍රපටවල අධ්‍යක්ෂවරු දිහා බලලා මම හුඟක් දේවල් ඉගෙන ගත්තා. 
 
අද කා‍ලේ චිත්‍රපටයක් නිර්මාණය කරනවා කියන්නේ අභියෝගයක්. එහෙම තියෙද්දී නිෂ්පාදකවරයකු සොයාගැනීම වගේ මුලින් මතුවන දුෂ්කරතා ඔබ ජය ගත්තේ මොන විදියටද? 
චිත්‍රපටයේ නිෂ්පාදකවරයා වන මගේ මිත්‍ර කරු අතුකෝරලට, ඒ හැම අභියෝගයක් ගැනම දැනුවත් කරලයි මම වැඩේට බැස්සේ. නිෂ්පාදකවරයාගේ මහ ලොකු සල්ලි කන්දරාවක් චිත්‍රපටයට යට කරන්න මගේ බලා‍පොරොත්තුවක් නැහැ. අනික, අභියෝගවලට බයවෙලා හිටියොත් කවදාවත් අලුත් දෙයක් කරන්න බැරි වෙනවා. 
 
ක්ෂේත්‍රයේ හැමෝම දන්නා කියන නළුවෙක් විදිහට ඔබට නළු නිළියන්ගෙනුත් විශාල සහයෝගයක් ලැබේවි නේද? 
අ‍පොයි ඔව්. සමහර නළු නිළියන් මට කිව්වා අපි ඔයා වෙනුවෙන් නොමි‍ලේ රඟපානවා කියලා. ඒත් මමත් නළුවෙක්නේ. ඉතින් මම කැමති නැහැ නළු නිළියන්ව මගේ චිත්‍රපටයට නොමි‍ලේ දායක කරගන්න. 
 
ඔබත් හාසේ‍යාත්පාදක නළුවෙක් නිසා චිත්‍රපටයත් හාස්‍ය පැත්තට බර එකක් වෙයිද? 
මේක හාස්‍ය වගේම, ආදරය සහ කුතුහලය වැනි හැඟීම්ද විඳගත හැකි මුල මැද හා අග තිබෙන කතා වස්තුවක් සහිත චිත්‍රපටයක්. 
 
කලා ජීවිතයට කොච්චර කාලයක් ගතවුණාට පසුවද ජීවන්ට අධ්‍යක්ෂවරයෙක් වෙන්න ලැබෙන්නේ? 
මට දැන් වයස අවුරුදු 53ක්. මගේ ජීවිත කාලයෙන් අවුරුදු 33ක් විතර ගෙවුණේ කලාව වෙනුවෙන්. ඒ කාලය තුළ මම වේදිකා නාට්‍ය 45ක සහ චිත්‍රපට 40ක රඟපාලා අත්දැකීම් ලැබුවා. ඇත්තම කීවොත් මේක මම බොහොම දුෂ්කරතා විඳලා ආපු ගමනක්. 
 
ඒ ගමනේදී ඔබ වේදිකා නාට්‍ය කිහිපයකුත් නිර්මාණය කළා නේද? 
මම වේදිකා නාට්‍ය දෙකක් නිෂ්පාදනය කළා. ඒ සම්මානයක් විතරයි සහ මට පුරුෂයෙක් ඕනෑ නමින්. සාරි ගැටේ නමින් තවත් වේදිකා නාට්‍යයක් ළඟදීම එළිදක්වන්නත් බලා‍පොරොත්තුවක් තියෙනවා. 
 
කලාකරුවෙකු විදිහට යන මේ ගමනට ශක්තිය ලබාදෙන්නේ කවුද? 
ප්‍රධානම කෙනා තමයි මගේ බිරිඳ. කලාකරුවෙකුට පවුල් ජීවිතය සාර්ථක කරගන්න බැරි වුණොත් අනික් හැම දෙයක්ම අවුල්වෙනවා. හැබැයි ඕක අපේ හුඟක් කලාකරුවෝ වරද්දා ගන්නා තැනක්. ඒ නිසා මම මගේ බිරිඳට ස්තූතිවන්ත වෙනවා මේ විදිහේ ගමනක් යන්න මට විශාල සහයෝගයක් දීම ගැන.
 
කිෂාන් කනංකෙ

මහින්ද පතිරගේ කියන්නේ අනුරාධපුරයෙන් කලා ලෝකයට එක්වූ ජනප්‍රිය තරුවක්. මට කලා ලෝකයට එන්නට මග පාදා දුන්නේ රජරට ගුවන්විදුලියයි.  මහින්ද අතීතය සිහිපත් කරන්නේ ඒ විදියටයි. අදටත් බස් එකේ කොළඹ ඇවිත් රංගන කටයුත්තකට දායක වෙලා ආපහු බස් එකේම අනුරාධපුරේ යන මේ හාසේ‍යාත්පාදක කලාකරුවා අද 'සතුටයි - දුකයි' විශේෂාංගයට එකතු කරගන්නේ ඔහුගේ ජීවිතයේ නොපෙනෙන පැත්තක් ගැන ඔබට කියන්නයි.
 
සතුට හා දුක නිර්වචනය කරන්න කියලා අපි ඔබට කියනවා. ඔබ කොහොමද එය කරන්නේ?
ස්වාධීනව ජීවත්වීමේ හැකියාව තමයි සතුට කියන්නේ. දුක කියන්නේ ප්‍රශ්න හා ගැටලු පිරි වටපිටාවක් මැද ජීවත්වීමයි.
 
කලාකරුවකු විදියට ඔබ අත්විඳි ලොකුම සතුට මොකක්ද?
රජරට ගුවන් විදුලියේ පළමු වැඩසටහන ඉදිරිපත් කළ දවස.
 
කලාකරුවකු විදියට විඳි ලොකුම දුක මතකද?
එක්තරා ප්‍රවීණ නිෂ්පාදකවරයෙක් මා කලා ලොවට පැමිණි මුල් කාලයේ මාව ඔහුගේ වේදිකා නාට්‍යයේ ප්‍රධාන චරිතයකට සම්බන්ධ කරගෙන මගෙන් විශාල මුදලක් ඉල්ලා ගත්තා. ඉන්පසුව බොරු චෝදනාවක් එල්ල කරලා මාව නාට්‍යයෙන් ඉවත් කළා. ඒක තමයි කලාකරුවෙකු විදියට මම විඳපු ලොකුම දුක.
 
වෙනකෙනෙකු නිසා ඔබ වඩාත්ම සතුටු වූ අවස්ථාව කියන්න කීවොත්?
මගේ දුව නිපුනි 'සමනලී' ටෙලි නාට්‍යයට සම්බන්ධ වෙලා රඟපානවා දැක්කම මට දැනුණු සතුට වචනයෙන් කියන්න බැහැ.
 
වෙනත් කෙනෙකු නිසා වඩාත්ම දුකට පත්වූ අවස්ථාත් ඔබට ඇති.
එක්තරා කෙනෙක් සමග මම සීට්ටුවකට එකතුවුණේ සල්ලි එකතුකරලා ලොකු කටයුත්තක් කරන්නයි. ඒ නිසා මම හිතාමතාම අන්තිම නොම්බරය ඉල්ලා ගත්තා. සියලුම අයගේ මුදල් ගෙවලා ඉවර වුණාට අන්තිමයාගේ සීට්ටු මුදල් එකතු කරගෙන අර පුද්ගලයා අතුරුදන් වුණා. අදටත් ඔහු මාව මුණගැහෙන්න එන්නේ නැහැ.
 
කලාකරුවකුට සුපිරි දිවියක් හිමිවිය යුතුයි කියා සිතන අය ඉන්නවා. ඒ සතුට පිරි ජීවිතය ඔබට හිමිද?
අදටත් මම අනුරාධපුරේ ඉඳන් කොළඹ එන්නේ බස් එකේ. පාන්දර 3ට නැගිටලා පැය 3ක් බස් එකේ ඇවිත් පැය 1/2 වැඩේට සහභාගි වෙලා, අයෙම පැය 5ක් බස් එකේ යනවා. බොහෝ අය ඒක දුකක්ද කියලා අහනවා. මට නම් ඒක දුකක් නමෛයි. සාමාන්‍ය දෙයක්. 
 
ඒත් කලාකරුවන් ජීවිතයේ අන්තිම කාලයේ ආර්ථික කඩාවැටීම්වලට ලක්වෙලා දුක් විඳිනවා නේද?
මම ගෙවන ජීවිතය අනුව නම් මට එහෙම වෙන්නේ නැහැ. මම රාජ සභාවෙන් හම්බ කළ මුදලින් තට්ටු දෙකේ ගෙයක් හැදුවා. මම කියන්නේ කලාකරුවන් මුදල් කළමනාකරණය කරගත යුතුයි. සුපිරි ජීවිත ගෙවන්න ‍නෙවෙයි අත්‍යවශ්‍ය දේවල් වෙනුවෙන් සහ අනාගත ආයෝජන වෙනුවෙන් තමයි හම්බ කරන මුදල් යෙදවිය යුත්තේ. 
 
අනාගතය ගැන හිතද්දී ඇතිවන්නේ සතුටක්ද? දුකක්ද?
මම අනාගතය සැලසුම් කරලා ඉවරයි. ඒ හින්දා මට අනාගතය ගැන තියෙන්නේ සතුටක්. 
 
ආරියවංශ කුලතිලක
IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 3127

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 2970

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 6022

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 3595

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2187

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3002

Please publish modules in offcanvas position.

Web Analytics