Coss Ear2
lakbima.lk
COSS Ear 1

ප්‍රවීණ රංගන ශිල්පිනී සුසන්තා චන්ද්‍රමාලි තමන්ගේ අතින් ලියැවුණු කවියක් පසුගිය දිනෙක “රිද්ම” වෙත යොමුකර තිබුණා. ඒ කවියේ තේමාව වුණේ “නුඹ මගේ ප්‍රාණයයි” යන්නයි. තමන්ගේ දියණිය ගැන සුසන්තාගේ සිතේ ඉපැදුණු බොහොම සංවේදී අව්‍යාජ සිතුවිලි ගොන්නක් තමයි ඇය ඒ විදිහට අප වෙත එවා තිබුණේ. සුසන්තාගේ දියණිය වන තිසුරි යුවනිකා ගැන අපේ රටේ කලා ලෝලීන්ට අමුතුවෙන් හඳුන්වා දිය යුතු නැහැනේ. කුඩා කාලයේදීම රංගනයට යොමු වෙලා අද වනවිට මෙරට තරුණ රංගන ශිල්පිනියන් අතර මුල්තැනක් හිමිකරගෙන සිටින තිසුරි තමන්ට කලා ක්ෂ්ත්‍රයේ දිගු ගමනක් යා හැකි බව දැනටමත් පෙන්නුම් කරලයි තියෙන්නේ. මෙම කවි පෙළෙන් කියැවෙන මවගේ ආදරය ගැන සුසන්තාට කියන්න බොහෝ දේවල් තිබුණ.
“මට ඉන්නේ එක දියණියයි. ඇය මගේ දියණිය විතරක් ‍නෙවෙයි. හොඳම යාළුවා කියලා කීවත් වැරදි නැහැ. මොකද තිසුරි මගේ සෙවණැල්ල වගේ මගේ ළඟින්මයි ඉන්නේ. මගේ සහ මගේ සැමියාගේ ලොකුම සම්පත තමයි අපේ දියණිය. ඉතින් ඇයට අපේ තිබෙන ආදරය ගැන මගේ සිතට ආපු සිතුවිලි තමයි මට ඇය ගැන මේ විදිහේ කවියක් ලියන්න මූලික වුණේ.
“සඳ එළියසේ හදටත්, මිණි පහනක් සේ නිවසටත් ආලෝකය ගෙන දෙන්නේ දියණිය කියලයි සුසන්තා ඇගේ කවි පෙළෙන් කියන්නේ. සුසන්තා කියන විදිහට ඇය මීට පෙරත් දියණිය ගැන කවි ගීත ලියලා තියෙනවාලු. ඒවා නැවත නැවත කියවද්දී පවා ඇගේ සිතට ලොකු සැනසීමක් දැනෙනවා කියලයි සුසන්තා පවසන්නේ.
කොහොම නමුත් සෙවණැල්ල වගේ ළඟින්ම හිටපු දියණිය පතිකුලයට යන දිනයත් දවසින් දවස ළඟා වෙන බව සුසන්තාගෙන් අපට දැන ගන්නට ලැබුණා. තිසුරිට හැමඅතින්ම ගැළපෙන මනාලයෙක් දෙමාපියන් මේවනවිටත් සොයාගෙනලු තියෙන්නේ. 
වසර විසිගණනක් තිස්සේ තමන්ගේ නිවස එළිය කරපු තිසුරි ලබන වසරේ මැද හරියේදී තවත් නිවසක් එළිය කරන්නට යුග දිවියට පිවිසෙන බව සුසන්තා පැවැසුවේ ඒ සඳහා දින තීන්දු කරගත් වහාම ඒ ගැන ‘රිද්ම’ පාඨකයන්ටත් දැනුම් දෙන බවට ‍පොරොන්දුවකුත් අප වෙත ලබා දෙමින්.
 
නුඹ අපේ ප්‍රාණයයි
 
දෙතනෙ එල්ලී කිරි උරා බිව්
සෙනෙහෙ උණුසුම නිබඳවම සෙව්
පුරා විස්සක් වසර ගෙවිලා 
මගේ තුරුලෙම තවත් රැඳිලා
නුඹයි මගේ ප්‍රාණේ.... දියණියෙ
නුඹයි අපෙ ප්‍රාණේ
 
සඳ එළිය හද සිසිල දෙන
මිණි පහන සේ ගෙට එළිය දෙන
නුඹයි මගෙ ප්‍රාණේ... දියණියෙ
නුඹයි අපෙ ප්‍රාණේ
 
තුරුණු වියෙ එළිපත්ත නැගලා
හද පියන්පත් තදින් වහලා
දැනෙන හැඟෙන දේ වසන් කොට
මගේ සිත සුවපත් කළා නුඹ
නුඹයි මගෙ ප්‍රාණේ දියණියේ
නුඹයි අපෙ ප්‍රාණේ....
 
රන් රුවන්සේ රූපෙ වැඩිලා
මගේ උරුමය දෝතෙ රැඳිලා
එදා මගෙ තැන - අද නුඹේ ළඟ
සෙනෙහෙ උතුරයි - සතුට තෙරපෙයි
බයයි හද පුපුරයිද කියලා
නුඹයි මගෙ ප්‍රාණේ - දියණියෙ 
     නුඹයි අපෙ ප්‍රාණේ...
 
අපට පමණක් නොවේ සැනසුම
රටට අභිමානයකි අද නුඹ
ලොවේ සිත් සනසන අයුරින්
හෙට දිනේ බැබළෙයි නුඹේ මග
නුඹයි මගෙ ප්‍රාණේ දියණියේ
නුඹයි අපෙ ප්‍රාණේ...
 
සුසන්තා චන්ද්‍රමාලි 
 
කිෂාන් කනංකෙ{jcomments on}

ස්වාධීන රූපවාහිනියෙන් විකාශය වන ‘මිල්ලෑව වලව්ව‘ ටෙලි නාට්‍යය වෙනුවෙන් පසුගියදා ගඟක් මැද කළ රූගත කිරීමකදී ඔරු පදිමින් සිටි ධනංජය සිරිවර්ධන සහ ගයේෂා පෙරේරා ඔරුව පෙරළීමෙන් අනතුරකට මුහුණ දුන්නා. නාට්‍ය කණ්ඩායමේ සහ අසල්වාසීන්ගේ උදව්වෙන් දෙන්නාටම කරදරයක් නැතුවම ගොඩට එන්න පුළුවන් වුණා. එදා සිදුවූ අනතුර ගැන වැඩි විස්තර අපි ධනංජයගෙන් ඇහුවා. 
 
වැඩ දන්නා නිසා බේරුණාද? නැත්නම් වැඩ දාපු නිසා බේරුණාද?
මම හිතන්නේ ඔය දෙකම නිසා වෙන්න ඇති බේරුණේ.
 
දැන් චණ්ඩියා වගේ කතා කළාට ඔරුව පෙරළෙන කොට මරණ බය  දැනෙන්න ඇති නේද?
බයක් ඇතිනොවුණා නමෛයි. ඒත් අනතුරක් නම් වෙන්නේ නැති වෙයි කියලා හිතට දැනුණා.
 
ඇත්ත කියන්න, ඔරුව පෙරළෙන වෙලාවේ කාවද මතක් වුණේ?
මට පීනන්න උගන්නපු මගේ බිරිඳ සශිනිව.
 
සශිනි උගන්වනකම් ධනංජය පීනන්න දැනගෙන හිටියේ නැද්ද?
නෑනේ. සශිනිට හොඳට පීනන්න පුළුවන්. එයා තමයි උනන්දු කරලා මට පීනන්න ඉගැන්නුවේ. ඒත් තාමත් මට පීනන්න හොඳටම බෑ. හැබැයි ඔරුව පෙරළෙද්දී හිතුණා උගන්නපු දේ අත්හදා බලන්න හොඳ අවස්ථාවක් කියලා.
 
කට්ටිය ළඟපාත හිටපු නිසා හොඳයි නේද?
කට්ටිය එනකොට මමත් පීනල ගොඩට එන්න උත්සාහ කළා. 
 
එතකොට ඔරුවේ හිටපු ගයේෂාට මොකද වුණේ?
ගයේෂා ටිකක් කලබල වුණා. මොකද එයා සාරියක්නේ ඇඳගෙන හිටියේ. සාරියත් එක්ක පීනන්න බෑනේ. 
 
ඔරුව පෙරළුණේ මොකක් වෙලාද?
අපි දර්ශනය රූගත කරමිනුයි හිටියේ. ඔරුව ඇතුළට වතුර පිරෙන්න ගත්තා. ගයේෂාත් කිව්වා වතුර එනවා නේද කියලා මම වැඩිය ගණන් ගත්තේ නෑ.
 
මීට කලින් ඔරුවක ගිහිල්ලාම නැද්ද?
ගිහින් තියෙනවා, හැබැයි ඒ තොටියෙක් එක්ක. මමම හබල් ගහගෙන ගියේ   පළමු වතාවට. 
 
බැරි වැඩ නොකරන් අඹරෝ කියලා කියමනක් තියෙනවා?
බැරිද පුළුවන්ද කියලා කරලම බලන්න ඕනෑනේ. ටිකෙන් ටික වතුර වැඩි වුණා. අන්තිමට ඔරුව පෙරළුණා.
 
කිඹුලෙක්වත් ආවා නම්?
ඇත්ත. කැලණි ගඟේනේ අපි ඔරුව පැද්දේ. කිඹුලොත් ඉන්නවා. දෙවියන්ගේ පිහිටෙන් කරදරයක් වුණේ නෑ.
දරූගත කිරීම්වල ඇස් බැන්ඳුම් තියෙනවානේ. අධ්‍යක්ෂවරයාට ගඟ මැද්දට ගිහින් ඔරුව පදින්නම ඕනෑ වුණාද?
අධ්‍යක්ෂ ප්‍රභාත් නම් කිව්වා ළඟ ඉඳන් ගමු කියලා. ඒත් දර්ශනය තාත්විකව ගන්න ඕනෑ නිසා අපි  කැමැත්තෙන්ම ටිකක් ඈතට ගියා.
 
ඕවට තමයි කියන්නේ ඇදගෙන නානවා කියලා?
ඇදගෙන නාලා හරි අපි වැඩේ තාත්විකව කළානේ.
 
ඔරුව පෙරළෙන වෙලාවෙ සෙල්ෆියකුත් ගත්තා නම් වටිනාකම කියලා නිම කරන්න බෑ?
සෙල්ෆිය තියා කැමරාව ළඟ තිබිලවත් ගොඩ ඉඳන් කවුරුත් අපේ ඡායාරූපයක් අරන් නෑනේ.
 
එතකොට මුහුණු ‍පොතේ හුවමාරු වුණේ මොනවාද?
ඒ ඔක්කොම ඉවර වුණාට පස්සේ අපි ගොඩට එන දර්ශනයි ඒ තිබුණේ. ඒත් මම ඇවිත් ඇහුවා ඇයි වීඩියෝ කළේ නැත්තේ කියලා. කට්ටිය කියනවා ඔරුව පෙරළෙයි කියලා දැනෙද්දී කට්ටිය කැමරා ඔෆ් කරලා අපිව බේරගන්න දිව්වා මිසක් වීඩියෝ කරන්න මතක් වුණේවත් නැතිලු. එහෙම ඒවා කොහොම ගන්නවද කියලා හිතා ගන්නවත් බැරිලු. ඒත් ප්‍රභාත් (ප්‍රභාත් රෝෂණ) ‍පොරොන්දු වුණා තව එක දර්ශනයක් තියෙනවා ඔරු පදින, එදාටත් පෙරළුණොත් නම් අනිවාර්යෙන්ම  වීඩියෝ කරලා දෙනවා කියලා. 
 
හිමේෂා සවන්තී රාජපක්ෂ
 
ඡායා: අසන්ත ගමආරච්චි{jcomments on}
IMAGE

ග්‍රැන්ඩ්පාස් ගොඩනැගිල්ල කඩා වැටීම සොයුරාගේ සැලසුමක් -...

IMAGE 2018 Feb 16 13:54
හත්දෙනෙකුට මරු කැඳවමින් පසුගිය (14) දා ග්‍රැන්ඩ්පාස් ගොඩනැගිල්ල කඩා වැටීමේ සිද්ධිය...
Views - 2511

මනාලයාගේ 'දෙනෙත් උඩ රැන්දූ' මනාලියගේ රැකියාව

IMAGE 2018 Feb 16 12:26
අනුරාධපුරයට ආසන්න නිකැලැල් චරිතවත් යුවතියක සඳහා මනාලයෙකු සොයන බව මීට සති කිහිපයකට ඉහත ඉරිදා...
Views - 5391

හෙදිය සමූහ දූෂණයට විනයාරක්ෂක කපිතාන් අල්ලයි

IMAGE 2018 Feb 14 23:55
රංචු ගැසී පුද්ගලික රෝහලක හෙදියක් සමූහ දූෂණයට ලක් කිරීමේ සිද්ධිය සම්බන්ධයෙන් ‍පොලීසියට...
Views - 4775

ඡන්ද ප්‍රතිඵල වලින් පස්සෙ සමහරුන් බුම්මාගෙන ඉන්නේ ඇයි?

IMAGE 2018 Feb 14 13:39
මෙවර පළාත් පාලන ඡන්දයේ දී මෙන්ම  සෑම මැතිවරණයකදීම කිසියම් පිරිසක් ජයග්‍රහණය කරන විට ඊට...
Views - 2867

හොර හැඳුනුම් පතක් ගෙන ප්‍රේම ලෝකයට බසින 'වැලන්ටයින්'

IMAGE 2018 Feb 14 09:22
පෙම්වතුන් පෙම්වතියන් අතර හෝ අඹු සැමියන් අතර පවත්නා ආදරය ලිංගිකත්වය හා අනුරාගය මත පදනම් වූ...
Views - 2821

කෝවක්කා කෑවම මැරෙනවද?

IMAGE 2018 Feb 13 19:41
කෝවක්කා ගෙඩියක් ආහාරයට ගත් දරුවෙකු ශරීරයේ සීනි මට්ටම පහත වැටීමෙන් මිය ගිය පුවත පසුගිය සතියේ...
Views - 7429

Please publish modules in offcanvas position.