Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

උදය කුමාරි රණසිංහ මේ දිනවල පුංචි තිරයේ වැඩිපුරම දකින්නට ලැබෙන්නේ හාසේ‍යා්ත්පාදක රංගන ශිල්පිනියක විදියට. “ඒ විතරක් ‍නෙවෙයි. දෙරණ ස්ටාර් සිටි” වැඩසටහන තුළිනුත් පහුගිය දවස්වල ඇයව දැකගන්නට ලැබුණා. එම තරගයෙන් ඉවත් වෙන්නට සිදු වුවත් උදය කුමාරිට ඒ වැඩසටහනත් එක්ක අලුත් කටයුත්තකට දායක වන්නත්  අවස්ථාව ලැබි තිබෙනවාලු. ඒ වගේම ‘ස්ටාර් සිටි’ තරගය ආරම්භයේදීත් ඇයට අභියෝගාත්මක අත්දැකීමකට මුහුණ දෙන්න සිදු වූ බවත් ආරංචියි. මේ සියලුම දේවල් එක්ක උදය කුමාරිගේ කලා ජීවිතේ අලුත් තොරතුරු ගැන කතා කරන්නත් හිතාගෙන අපි ඇයව මෙලෙස කතා බහකට එකතු කරගත්තා. 
 
දෙරණ ස්ටාර් සිටි තරගයෙන් ඉවත් වෙන්නට සිදුවීම ගැන උදය කුමාරිට දැන් මොනවාද හිතෙන්නේ? 
තරගාවලියේ හයවැනි වටය දක්වා ආවාට පස්සෙයි මට එයින් ඉවත් වෙන්න වුණේ. ඉවත්වීම දුකක් වුණත් වට හයක් පුරා මගේ දක්ෂතා රටටම පෙන්වන්න ලැබුණ එක ගැන මට සතුටුයි. 
 
ඉස්සර ඇනස්ලි, බර්ටි, සැමුවෙල්ගේ විනෝද සමයට ලොකු ජනප්‍රියත්වයක් තිබුණා. උදය කුමාරිත් මේ තරගයත් එක්ක ඒ වගේ අලුත් වැඩක්  පටන් අරගෙන කියලා ආරංචියි?
ඔව්. මමයි “දෙරණ ස්ටාර් සිටි තරගයේ මගේ සහකරු වූ “බොනිෆස් පෙරේරායි“ දැන් “උදය බොනි” කියලා විකට ජවනිකා ඉදිරිපත් කරනවා. ප්‍රසංග වේදිකාවේ දැන් අපිට ඒ සඳහා ආරාධනා රැසක් ලැබිලා තියෙනවා. ඒ අතර විදෙස් ප්‍රසංග දෙකකුත් තියෙනවා. ඒ වගේම තමයි ස්ටාර් සිටිවලින් ලැබුණු ජනප්‍රියත්වයත් එක්ක බොනිෆස්ට අලුත් ටෙලි නාට්‍ය හතරකටත් ආරාධනා ලැබිලා තියෙනවා. 
 
උදය කුමාරි සහ බොනිෆස් එකතුවීම අහඹු සිදුවීමක් නේද....? 
අ‍පොයි ඔව්. මේ වැඩසටහනට මාව තෝරා ගත්ත අවස්ථාවේ මම මගේ සහයකයා විදියට තෝරා ගත්තේ ජනප්‍රිය විකට නළුවෙක්වයි. සියලු දේවල් ලෑස්ති කරලා හැබැයි  වැඩසටහන පටන් ගන්න ඔන්න මෙන්න තිබියදී ඔහු මගෙන් ඉවත් වෙලා වෙනත් කෙනෙක් එක්ක තරගයට ඉදිරිපත් වුණා. ඒ වේලාවේ මම ගොඩක් අසරණ වුණා. අලුත් සහයකයෙක් ගැන සිහිපත් කරද්දී මට මතක් වුණේ බොනිෆස්ව. ඔහු ‘කෝපිකඩේ’ දීත් මාත් එක්ක රඟපාලා තිබුණා. ඉන්පසු මම ඔහුත් එක්ක තරගයට ආවා. 
 
ඔබේ සහයකයා විදියට ඉඳලා ඔබව හැරගිය නළුවා තවමත් තරගය තුළ ඉන්නවාද? 
නැහැ. ඔහු පළමු වටයෙන්ම ඉවත් වුණා. 
 
ජීවිතේ වැඩි කාලයක් කලාවේ රැඳී හිටපු හින්දා කලා ලෝකය ගැන සෑහෙන අත්දැකීම් ඔබට ඇති? 
ඔව්. වෙනත් රැකියාවල් කරන අයට මාසේ අන්තිමට පඩිය ලැබුණත් කලා ක්ෂේත්‍රයේ ඉන්න අයට ඊට වඩා ආර්ථික වාසි තියෙනවා. ඒත් ඒ ලැබෙන මුදල කළමනාකාරණය කරගැනීමයි කලාකරුවන්ට තිබෙන ලොකුම අභියෝගය. හැබැයි ඉන් සෑහීමට පත් නොවී ලොකු ආර්ථික වාසි ලබන්න හිතාගෙන වැරදි දේට යොමුවන අයත් ඉන්නවා. ඒ වගේ දේවල් නොකර කලාව හරියට කළොත් කලා ජීවිතෙයි පෞද්ගලික ජීවිතෙයි දෙකම සාර්ථක කරගන්න පුළුවන්. 
 
තමන් කොච්චර හොඳින් හිටියත් අනිසි බලපෑම්වලට ලක්වන්න වන බව ඇතැම් නිළියන් කියනවා. උදය කුමාරිටත් ඒ වගේ අත්දැකීම් තියෙනවාද? 
තමන් ශක්තිමත් නම් කවදාවත් එසේම වෙන්නේ නැහැ. මම තරුණ අවධියේදී නිළියෝ දෙන්නෙකුට පහරදීලා තියෙනවා. බිමතින් අධ්‍යක්ෂණය කරන්න ආපු අධ්‍යක්ෂවරයකුටත් ගහලා තියෙනවා. මට නම් අනිසි බලපෑම් ඇවිත් නැහැ. මොකද මම කාගෙත් බලපෑම්වලට යටත් වෙන කෙනෙක් නොවන බව බොහෝ අය දන්නවා. 
 
උදය කුමාරිට සැමියාව ලැබුණෙත් කලාව නිසාලු නේද? 
ඔව්. මගේ සැමියා ප්‍රසන්න සමරතුංග සිරස ටී.වී. නාලිකාවේ කැමරා අධ්‍යක්ෂවරයෙක්. “සුභා ප්‍රභා” ටෙලි නාට්‍යය කරද්දී තමයි අපි මුනගැසුණේ. දැන් අපිට දරුවෝ දෙන්නෙක් ඉන්නවා. පුතාට වයස 17යි. දුවට 14යි. අපි බොහොම සතුටින් පවුල් ජීවිතය ගත කරනවා. 
 
ආරියවංශ කුලතිලක

හිතේ කඳුළු හංගාගෙන හැඬුවා 
මගේ කුසේ දරුවෙක් නැතුවා 
දොහොත් මුදුන් දී දණ බිම ඇන්නා 
පිහිටක් වන්නකෝ පත්තිනි අම්මා... 
 
උත්තරීතර මාතෘත්වය හැම පතිනියකගේම අපේක්ෂාවයි. ඒ හීනය ඉටු නොවීම නිසා ජීවිතයම කඳුළක් කරගත්තු කාන්තාවොත් ඉන්නවා. මේ විදියට දරුවන් නොලද කාන්තාවෝ පිහිට පතාගෙන යන්නේ පත්තිනි මෑණියගේ ළඟටයි. පත්තිනි මෑණියන් වෙනුවෙන් මේ දිනවල අපූරු ගීතයක් නිර්මාණය වෙලා තියෙනවා. නීලක දිනේෂ් රූපතුංග තමයි මේ සත් කාර්යයට දායක වෙලා තියෙන්නේ. ඔහු විසින් ලියපු ගීතය සංගීතවත් කර ඇත්තේ ලහිරු කොස්තා. ගීතය ගායනා කරන්නේ සුභානි හර්ෂණී මුතුකුමාරණ විසින්. නීලක තමන්ගේ සන් ක්‍රියේෂන් තුළින් මේ ගීතයට අපූරු රූප රචනාවක්ද සිදුකර තිබෙනවා. අන්තර්ජාලයට පිවිසිලා පත්තිනි අම්මා සුභානි හර්ෂණී කියලා ටයිප් කළොත් ඔබටත් මෙය නරඹන්නට පුළුවන්. අපි හිතුවා මේ අපූරු නිර්මාණය පිළිබඳ තව ටිකක් සොයා බලන්න ඕන කියලා. ඒ හින්දා අපි මුලින්ම කතා කළේ නීලකට. 
අද ගීත වගේම රූප රචනා කෙරෙන්නෙත් මුදල් පරමාර්ථය පෙරදැරිවයි. මම කරපු කටයුත්ත උඩුගං බලා පිහිනීමක්. මම දැනට අවුරුදු 24ක් නිවේදකයෙක් වගේම නිෂ්පාදකවරයෙක් විදියටත් මාධ්‍ය ක්‍ෂේත්‍රයේ රැඳිලා ඉන්නවා. සංගීත වැඩසටහනක්, කලා. වැඩසටහන්, මෝටර් කාර්මික වැඩසටහන්, 1000කට අධික ප්‍රමාණයක් කරලා ඇති. මගේ වැඩසටහන් තුළින් ඇවිත් ගායනය තුළ රංගනය තුළ ඉහළ තැන්වල ඉන්න පිරිසකුත් ඉන්නවා. ඒත් කියන්න කනගාටුයි. පත්තිනි ගීතය කරලා මට ඒකත් අරගෙන නාලිකා ගානේ රස්තියාදු වෙන්න සිදුවුණා. පැකේජ් ක්‍රමයට ගීත ප්‍රචාරය කරන්න මුදල් ඉල්ලන නාලිකා තමයි අද ලංකාවේ වැඩිපුර තියෙන්නේ. නීලක කතා බහ පටන් ගත්තේ එසේ කියමින්. 
නීලක සමාජ සත්කාරයක් විදියට හිතලා ඔහු මේ නිර්මාණය කරලා තියෙන්නේ ලොකු කැපවීමකින්. ඒ අදහස නීලකගේ හිතට ඇවිල්ලා තියෙන්නේ අපූරු විදියටයි. 
මමත් පත්තිනි දේවිය තදින්ම විශ්වාස කරන කෙනෙක්. ඒක මම දන්නා තරමින් පත්තිනි මෑණියන්ට උපහාර ගීතයක් ලියැවිලා නැහැ. ඔය අදහස මට ඇති වුණාම මම ඒ ගැන මුලින්ම කිව්වේ වෛද්‍ය මඩපාත ගීතා ජයන්ති හේරත් මහත්මියට. එතුමිය දරුවන් නැති අය වෙනුවෙන් වෛද්‍ය උපදෙස් දෙන ආයුර්වේද වෛද්‍යවරියක්. 
නීලකගේ අදහස පිළිගත් ගීතා ජයන්ති හේරත් වෛද්‍යතුමිය ඒ කටයුත්තට සියලු මූල්‍ය දායකත්වය සපයන්නට කැමති වුණාලු. නීලක මුලින්ම තමන්ගේ ගී පදමාලාව ඇයට පෙන්නලා ඇගෙන් අනුමැතිය ලැබුණාට පසුව ගී පදමාලාව පෙන්නලා තියෙන්නේ නවගමුව පත්තිනි දේවාලයේ ප්‍රධාන කපු මහත්තයට. 
කපු මහත්තයා ගී පද මාලාව දැකලා ගොඩක් ප්‍රශංසා කළා. ඒ වගේම එහි ගණ පිහිටීමත් ඉතා සුබ බව කිව්වා. 
නවගමුව දේවාලය තුළ මේ ගීතය රූගත කරන්න මම කපු මහතාගෙන් අවසර ඉල්ලුවා. මීට පෙර නවගමුව පත්තිනි දේවාලය තුළ රූගත කිරීම් කරන්න කාටවත් ලැබිලා නැහැ. ඒත් මට ඒ අවස්ථාව ලැබුණා. මේ ගීතය තමයි නවගමුව පත්තිනි දේවාලය තුළ රූගත කළ පළමු ගීත රූප රචනාව.
ගීතය නිෂ්පාදනය කළ මඩපාත ගීතා ජයන්ති හේරත් වෛද්‍ය තුමිය අපි අපේ කතා බහට එකතු කරගත්තා.
දරුවන් නැති කාන්තාවෝ පිහිට අයදින්නේ පත්තිනි මෑණියන්ගෙන්. පත්තිනි මෑණියෝ ගැන ගීතයක් නිර්මාණය කරන බව කිව්වාම මම ගොඩක් කැමැත්තෙන් ඊට එකතු වුණා. 
ගීතයට ගායනයෙන් එකතුවන සුභානි මෑත කාලයේ ගීත කීපයක්ම ගායනා කළාලු. ඇය අන්තිමට ගායනා කළ ගීතය තමයි මේ පත්තිනි ගීිිතය. සුභානි තාවකාලික ගායනයෙන් දුරස්වීමට හේතුවත් විශේෂයි. 
මට කුළුඳුල් දරුවා ලැබෙන්න ඉන්න කා‍ලේ තමයි  තාවකාලිකව ගායනයෙන් ඈත් වුණේ. ඒ කා‍ලේ තමයි නීලක අයියා මේ ගීතය ගයන්න ආරාධනා කළේ. මමත් පත්තිනි මෑණියන් අදහන කෙනෙක්. මමත් කුළුඳු‍ලේම මවු පදවිය ලබන්න සූදානම් වෙලා හිටියේ. ඒ හින්දා මම මේ ගීතය ගායනා කළේ බොහොම කැමැත්තෙන්. 
රූප රචනාවේ සුභානිගේ මුහුණ විතරක් පෙන්නන්නේ ඒ වෙද්දී ඇය අට මස් ගැබිනියක් නිසා. ඒ වගේම මේ ගීතය රූපගත කරද්දී තවත් අමුතු අහඹු සිදුවීමක් වුණාලු.
ගීතයේ රූප රචනාවේ රඟපෑවේ නීලංගනී සහ සුමිත්. රූප රචනාවට පුංචි දරුවෙකුත් අවශ්‍යයි. ඒත් ගෙනාපු දරුවා අදාළ දර්ශනයට ගැළපුණේ නැහැ. ඔය වේලාවේ දෙමවුපිය යුවළක් දේවාලයට ඇවිත් හිටියා. දරුවෝ නැති හින්දා නවගමුව දේවාලයට ඇවිත් භාරයක් වෙලා. ඉන්පසුව දරුවන් ලැබිලා ඒ භාරේ ඔප්පු කරන්නයි ඒ අය ඇවිත් හිටියේ. ඒ දරුවා තමයි රූප රචනාවට යොදාගත්තේ. 
නීලක තමයි ඒ කතාව අපිට කිව්වේ.  
 
චන්ද්‍රලතා තන්ත්‍රිගේ
IMAGE

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 2498

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 1639

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 876

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 1899

ඒ ආදර කතාව ඉවරයි මම දැන් සින්ගල්

IMAGE 2017 Nov 19 17:31
සිරස ජුනියර් සුපර් ස්ටාර් කියන්නේ මේ දවස්වල ප්‍රේක්ෂකයන් ආදරයෙන් වැළඳ ගත් රියැලිටි...
Views - 5540

කේන්ද්‍රයක මාරක අපල තිබීමටත් වඩා නොතිබීම භයානකය

IMAGE 2017 Nov 19 15:19
මහජන බැංකු විශ්‍රාමික සංගමයේ පිළියන්දල කැස්බෑව ශාඛාවේ අටවන සංවත්සරික සභාව පසුගිය...
Views - 3477

Please publish modules in offcanvas position.

Web Analytics