Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

හදවතට දැනෙන විදිහට නිර්මාණය වන ගීත, කලක් ගතවනතුරු ජනතාවගේ මතකයෙන් ඈත් වන්නේ නැහැ. එවැනි ගීතයක් ටෙලි නාට්‍යයක තේමා ගීතය ලෙස යොදාගතහොත් එයින් ටෙලි නාට්‍යයටත් විශාල ආලෝකයක් ලැබෙන බවඅමුතුවෙන් කිවයුතු නැහැ. ප්‍රේක්ෂකයන්ගේ හදවත්වලට සමීප වූ එබඳු ආකාරයේ තේමා ගීතයකින් හැඩවෙන ටෙලි නාට්‍යයක් සඳහා හොඳම උදාහරණයක් විදිහට මේ දිනවල ටී.වී.දෙරණ නාලිකාවෙන් විකාශය වන “දෙවෙනි ඉනිම” ටෙලි නාට්‍යය හඳුන්වන්නට පුළුවන්. එම ගීතය නිර්මාණය වූ ආකාරය ගැන  දැනගන්නට බොහෝ දෙනා කැමැත්තෙන් සිටින බව ආරංචි වූ නිසාමයි අපි ඔවුන් වෙනුවෙන් එහි වගතුග සොයා යන්නට තීරණය කළේ.
 
දෙවෙනි ඉනිම ටෙලි නාට්‍යයේ තේමා ගීතය මිහිරි ස්වරයකින් ගායනා කරන ගායන ශිල්පිනිය කවුරුන්ද යනවග ගැන සමහරුන්ට තිබෙන්නේ විශාල කුතුහලයක්. ඒ ගායිකාව ගැන සොයා බලද්දී අපට දැන ගන්නට ලැබුණා ඇය අපේ රටේ ගීත ලෝලීන්ට ආගන්තුක ගායිකාවක් නොවන බව. මොකද ඇය තමයි දෙරණ ඩී්‍රම් ස්ටාර් ගායන තරගාවලියේ හයවැනි අදියරේ දෙවැනි ස්ථානය දිනාගත් ගායන ශිල්පිනිය වන යශෝධා ප්‍රියදර්ශනී. දෙවෙනි ඉනිම විකාශය වීම ඇරඹුණුදා පටන් මේ ගීතය වෙනුවෙන් ඇයට ලැබෙන ප්‍රතිචාරවල නම් නිමක් නැහැ කියලයි යශෝධා පවසන්නේ.
“මේ ගීතය ගායනා කරන්නේ මමයි කියලා දැනගත්තාම බොහෝ දෙනා මට සුබ පැතුවා. හැබැයි සමහරු තවමත් දන්නේ නැහැ එය ගායනා කරන්නේ මමයි කියලා. මාව ළඟින් ඇසුරු කරපු සමහරු පවා කලින් දැනගෙන හිටියේ නැහැ ඒ ගීතය ගායනා කරන්නේ මා බව. දෙවෙනි ඉනිම ටෙලිනාට්‍යයේ ලස්සන තේමා ගීතයක් තියෙනවා නේද කියලා මාත් එක්ක කතාබහ කරද්දී තමයි එය ගායනා කරන්නේ මමයි කියලා ඇතැම් අය දැන ගත්තේ. හැබැයි අද වන විටත් ගීතයට ලැබෙන ප්‍රතිචාරවල නම් අඩුවක් නැහැ” දෙවෙනි ඉනිම තේමා ගීතය වෙනුවෙන් ලැබෙන ප්‍රතිචාර ගැන යශෝධා කියන්නේ එවැනි කතාවක්. 
යශෝධා ප්‍රියදර්ශනී මීට පෙර ‘සිඳු’ ටෙලිනාට්‍යයේ තේමා ගීතයටත් යුග ගායනයෙන් දායක වී තිබෙනවා. සිඳු ටෙලි නාට්‍යයේ තේමා ගීතයටත් වඩා ඉහළ ප්‍රතිචාර දවෛනි ඉනිම තේමා ගීතය වෙනුවෙන් ඇයට ලැබෙන බවයි යශෝධා පවසන්නේ. 
“සිඳු තේමා ගීතයට වගේම මේ ගීතය ගායනා කරන්නත් මට ආරාධනා කළේ දෙරණ නාලිකාවේ ලක්සිරි වික්‍රමගේ සර්. ටෙලි නාට්‍යය විකාශය වෙන්න වැඩි කාලයක් නැති නිසා ඉතාම ඉක්මනින් ගීතය පටිගත කිරීමේ වැඩකටයුතු අවසන් කළ යුතුයි කියලයි මට දැනුම් දුන්නේ. ඒ දිනවල මම ටිකක් අසනීපයෙනුත් හිටපු නිසා මට බයකුත් තිබුණා ගීතය හරිහැටි ගායනා කරන්න බැරිවේවි කියලා. නමුත් අවසානයේ ඒ පටිගත කිරීම් හොඳින් නිමකරන්න මට හැකි වුණා. දෙවෙනි ඉනිම විකාශය කරන විට බොහෝ වේලාවට සම්පූර්ණ ගීතය විකාශය නොවෙන නිසා බොහෝ අය මට කතා කරලා මුළු ගීතයම මගෙන් ඉල්ලනවා” යශෝධා එලෙස පැවැසුවා.
දෙවෙනි ඉනිම තේමා ගීතයේ රචකයා තමයි සමන් එදිරිමුණි. ආරම්භයේදී දෙවෙනි ඉනිමට පිටපත් රචනයෙන් දායක වුණේ සමන් නිසා තේමා ගීතය ගැන කියන්නත් බොහෝ දේවල් ඔහුට තිබුණා.
“මේ ටෙලි නාට්‍යයට “දෙවෙනි ඉනිම” කියන නම තැබුවාට පස්සේ දෙරණ උප සභාපති ලක්සිරි වික්‍රමගේ මහතා මට කිව්වා ඒ නමත් සමග යන තේමා පාඨයක් යෝජනා කරන්න කියලා දෙවෙනි ඉනිමේ චරිතවල හැරවුම් ලක්ෂ්‍යයක් විදිහට දැනෙන පාඨයකුයි ඔහුට වුවමනා වී තිබුණේ. ඔහුගේ අදහස අහලා විනාඩි තුන හතරක් යද්දී මගේ සිතට ආපු පද පේළිය තමයි “සිත් යාය මත අපේ - මල් යාය යළි පිපේ” කියන එක. එතැනින් තමයි ටෙලි නාට්‍යයේ තේමා ගීතය රචනා කිරීම ආරම්භ වුණේ. දෙවෙනි ඉනිම ටෙලි නාට්‍යයේ තේමා ගීතයට අත්තිවාරම වැටුණු ආකාරය ගැන සමන් විස්තර කළේ ඒ විදිහටයි. ඒ වගේම එම තේමා ගීතයෙන් කියැවෙන්නේ කවුරු ගැනද යනවග කියන්නත් සමන් අමතක කළේ නැහැ. 
“දෙවෙනි ඉනිම ටෙලිනාට්‍යයේ මොනතරම් ජනප්‍රිය චරිත සිටියත් හිමාලි සයුරංගි නිරූපණය කරන උදේනිගේ චරිතය තමයි එහි කොඳු නාරටිය වන්නේ. ඒ නිසා උදේනිගේ ජීවිතය ගැන කියැවෙන විදිහට තමයි මම මේ තේමා ගීතය රචනා කළේ”. 
 
දෙවෙනි ඉනිම තේමා ගීතය 
 
ළංවෙලා වස්සානයේ උද්‍යානයේ පුරා 
වෙන් වෙලා ගිම්හානයේ දුක්වේදනා දරා 
කඳුළින්ම ගී ගැයූ සමනල් යාළුවේ අසන් 
සිත් යාය මත අපේ මල් යාය යළි පිපේ 
 
නෙත කඳුළැලි රැඳි නෙත මත සායම් රන්දා 
සිත සිතිවිලි මත සිත සිත සිතුවම් ඇන්දා 
රහසින් කොඳුරා හදවත උදුරා 
 
කඳුළින්ම ගී ගැයූ සමනල් යාළුවේ අසන් 
සිත් යාය මත අපේ මල් යාය යළි පිපේ 
සිත් යාය මත අපේ මල් යාය යළි පිපේ 
 
කිෂාන් කනංකෙ

හැඩට ඇඳපු කාන්තාවක් තට්ට හිසකින් යුතුව පාරේ තොටේ ගියොත් ඕනෑම කෙනෙක් දෙවතාවක් ඈ දිහා හැරිල බලන එක සාමාන්‍ය දෙයක්. රටම හඳුනන කෙනෙක් ඒ විදිහට ගියොත් අවධානය කිහිප ගුණයකින් ඉහළ යනවා. මේ දවස්වල අපේ ජනප්‍රිය නිළියක් වන දුලීකා මාරපනටත් මේ වගේ අත්දැකීමකට මුහුණ දෙන්න සිදු වෙලා. ඒකට හේතුව තමයි මීට දින කිහිපයකට කලින් දුලීකා තමන්ගේ හිස මුළුමනින්ම මුඩු කිරීම. දුලීකාගේ තට්ට හිසේ රහස දැන ගන්නත් එක්ක අපි දුලීකාව මේ විදිහට කතාබහකට එක්කර ගත්තා. 
 
දුලීකා ඇයි මේ.... ලස්සනට තිබුණු කොණ්ඩෙට මේ මොකද වුණේ?
මම හිස බූ ගෑවා
 
ඇයි ඒ .....? 
මගේ අලුත්ම චිත්‍රපට රංගනය වෙනුවෙන්.
 
මොකක්ද චිත්‍රපටය ...?
චිත්‍රපටයේ නම සුපර්ණා. මම ඒකේ රඟපාන්නේ “සුපර්ණා” කියන චරිතය.
 
බොහෝ නළු නිළියෝ හිස බූ ගාන්නේ භික්ෂු චරිත රඟපාද්දී. දුලීකාගේ චරිතයත් එවැනි එකක්ද? 
ඒක තමයි මේ චිත්‍රපටයේ විශේෂත්වය. සුපර්ණා භික්ෂුණියක් නමෛයි. සාමාන්‍ය ගැහැනියක්. ඒත් සුපර්ණාට තියෙන්නේ තට්ට හිසක්. ඇයට ඒ තත්ත්වය උරුම වෙලා තියෙන්නේ පරම්පරාවෙන්. 
 
කේෂ කල්‍යාණිය අහිමි වීම හින්දා මානසිකව කඩා වැටුණු ගැහැනියක්ද සුපර්ණා කියන්නේ?
කිසිසේත්ම නැහැ. සුපර්ණා කියන්නේ හරිම ශක්තිමත් ගැහැනියක්. කොටින්ම කියනවා නම් සාමාන්‍ය ගැහැනියකට වඩා ආත්ම ශක්තියක් ඇයට තියෙනවා. ඇය අශ්වයන් පිට යන. අධිවේගයෙන් බයිසිකලය පැද යන ගැහැනියක්.
 
හිස මුඩු කළ චරිත රඟපාන කොට ඇතැම් නළු නිළියෝ කෘත්‍රිම තට්ටයක් පාවිච්චි කරනවා. ඇයි දුලීකා එහෙම නොකළේ?
මේ චරිතය විග් එකක් දාලා කරන්න බැහැ. මම මුලිනුත් කිව්වානේ අශ්වයෝ පිට යන බයිසිකල් පදින දර්ශන මෙහි තියෙනවා කියලා. විග් එකක් දාලා කරන්න බැරි ජවනිකාත් ගොඩක් තියෙනවා. ඒ නිසා තමයි චරිතය වෙනුවෙන් හිස මුඩු කළේ. 
 
කාන්තාවකට කොණ්ඩය ආභරණයක්. චරිතයක් වෙනුවෙන් කෙස්වැටිය අහිමි කරගන්න වුණාම පුංචි දුකක්වත් ඔබේ හිතට ආවේ නැද්ද?
මට කිසිම දුකක් නැහැ. හොඳ චරිතයක් වෙනුවෙන් ලිංගිකත්වය මතු කරවීම හැර ඕනෑම අභියෝගයක් මම භාර ගන්නවා.
ඇයි ලිංගිකත්වයට විශේෂ වාරණයක් දමා ගන්නේ?
අපිට තියෙන ප්‍රබලම සහ අත්‍යවශ්‍යම ප්‍රශ්නය ලිංගිකත්වය ‍නෙවෙයි. ඊට වඩා සිනමාව තුළ කතා කළ යුතු දේවල් තියෙනවා. අපිට ආවේණික සංස්කෘතියක් තියෙනවා. ඒ නිසාම තමයි මම සියලු දේවල් කරන්නේ. 
 
මේ තරම් කැපවීම් කරන්නේ ඇගයීම් ගැන හිතලද. නැත්නම් මුදල් ගැන හිතලද?
විශිෂ්ට තිර පිටපතක් නම් නොමි‍ලේ වුණත් රඟපානවා. මුදල ප්‍රශ්නයක් නොවෙයි. ඒත් අපිව ගණන් ගන්නේ නැති, රංගන ශිල්පිනියන්ට ගෞරවයක් නැති අය නිර්මාණය කරද්දී එහෙම නැහැ. කොහොමත් මම මගේ නිශ්චිත ගාස්තුවම තමයි අය කරන්නේ.
 
දුලීකා ගත්තු මේ තීරණය ගැන සැමියා මොකද කියන්නේ?
“සුපර්ණා” රචනය හා අධ්‍යක්ෂණයත් මගේ සැමියා සුජීව ප්‍රියාල්ගේමයි. ඒ චරිතය වෙනුවෙන් මා කළ කැපකිරීම ඔහු හුඟක් අගය කළා. 
 
දුලීකාගේ සැමියාගේ කට උත්තරය
 
සුජීව ප්‍රියාල්:
“සුපර්ණා” වෙනස්ම ආරක කතාවක්. ස්වභාව ධර්මය තුළ අපි හැමෝටම ඉන්න ඉඩ හදලා අපිට අවශ්‍ය දේ දීලා තියෙන්නේ. ඒත් මිනිසා ස්වභාව ධර්මය අභිභවා ගිහින්. අද වෙද්දී පරිසරයේ සමතුලිත බවත් බිඳිලා. ඒකේ අහිතකර ප්‍රතිඵල අපි අත්විඳිනවා. ඒ පණිවුඩය තමයි මේ තුළින් දෙන්නේ. දුලීකා එම නිර්මාණයේ සුවිශේෂ චරිතයක් කරනවා. ඒ වෙනුවෙන් ඇය හිස බූ ගෑවා. නිළියක් විදිහට කළ කැපකිරීමක් තමයි ඒ. එතැනදී ඇය මගේ බිරිඳ කියන එක ප්‍රශ්නයක් ‍නෙවෙයි. වෙනත් අධ්‍යක්ෂවරයකුගේ නිර්මාණයක් වෙනුවෙන් දුලීකා මේ කැපකිරීම කළත් මම ඊට විරුද්ධ වෙන්නේ නැහැ.
 
ආරියවංශ කුලතිලක
IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 4640

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 4250

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 7376

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4644

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2974

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3782

Please publish modules in offcanvas position.

Web Analytics