Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

පැහැසරා අතරමඟ නතර වෙනවා කියන කතාව ඇත්තද?
නෑ.... පැහැසරා අතර මඟ නතර වෙන්නේ නෑ. මොකද එහෙම වෙන්න හේතුවක් නෑ.
පැහැසරා එහෙමත් නැත්නම් ටෙලි නාට්‍යයේ ප්‍රධාන චරිතයට පණ ‍පොවපු මහේෂි මධුශංඛා හදිසියේ මාස හයකට නිවාඩු ගන්නවාලු. ඉතිං පැහැසරා නැතුවද නාට්‍ය කරන්නේ?
පැහැසරා නැතුව නාට්‍යය කරන්නේ නෑ. ටෙලි නාටය තීරණය කරපු විදියටම කොටස් 150ක් විකාශය වෙනවා.
මහේෂිගේ චරිතය මරනවාද නැත්නම් රට යවනවාද?
ඔය දෙකෙන් එකක්වත් වෙන්නේ නෑ.
ඒ කියන්නේ තාමත් රූගත කිරීම් කරනවාද?
ඔව්, නියමිත කොටස් ගාණ ඉවර වෙනතුරු රූගත කිරීම් කරනවා
මහේෂි තාමත් රූගත කිරීම්වලට එනවාද?
ඔව්, ඇය එනවා
එහෙනම් මහේෂි සඳුන්ව,
නිෂ්පාදකවරු අමාරුවේ දැම්මා කියන කතාව බොරුවක්ද?
අපිවත් ටෙලි නාට්‍යවත් ඇය අමාරුවේ දැම්මේ නෑ.
ඉදිරියේදී පැහැසරාවත් ගැබ්බර කරනවාලු නේද?
මිනිස්සු විශ්වාස කරන්නේ පැහැසරාගේ ගෙදරට පිරිමි යාදෙන්නේ නැති කතාවක්නේ. ඒක එහෙම නොවෙන්න නම් ඒ ගෙදර ගෑනු ළමයි කසාද බඳින්න ඕනෑ.
ළමයි හම්බවෙන්න ඕනෑ.
මුල ඉඳන්ම පිටපතේ තිබුණ දෙයක් ද වෙන්නේ නැත්නම් අවස්ථානුකූලව ගත්ත තීරණයක්ද?
මෙගා නාට්‍යවල පිටපත එකවර ලියලා ඉවර කරන්නේ නෑ. හැබැයි කතාවේ සාරාංශය ඔළුවේ තියෙනවා. ඒත් සාරාංශයටවත් තේමාවටවත් හානියක් කරන්නේ නෑ.
එහෙනම් මහේෂිගේ නිවාඩු ගැනීම ප්‍රේක්ෂකයාට ප්‍රශ්නයක් වෙන්නේ නෑ?
කොහෙත්ම නෑ. මෙගා නාට්‍යයක් කොටස් 100යි 150යි අතරනේ කරන්නේ. අපි ගිවිසුම් අත්සන් කළෙත් කොටස් 100ට. ඊට පස්සේ අපි 150 කරන්න තීරණය කළා. එතනින් එහා ගියොත් කතාව බෝරින් වෙනවා. අපි තීරණය කරපු විදියටම 150න් නතර කරනවා.
එතකොට මහේෂි නිවාඩු ගන්නේ පැහැසරා රූගත කිරීම් ඉවර වෙලාද?
මහේෂි පැහැසරා ඉවර වෙනකන්ම ඇයට නියමිත කොටස්වල රූගත කිරීම්වලට සහභාගි වෙනවා. එතනින් එහාට දෙයක් මම දන්නේ නෑ.

හිමේෂා සවන්තී රාජපක්ෂ

ප්‍රවීණ රංගන ශිල්පිනී සුසන්තා චන්ද්‍රමාලි තමන්ගේ අතින් ලියැවුණු කවියක් පසුගිය දිනෙක “රිද්ම” වෙත යොමුකර තිබුණා. ඒ කවියේ තේමාව වුණේ “නුඹ මගේ ප්‍රාණයයි” යන්නයි. තමන්ගේ දියණිය ගැන සුසන්තාගේ සිතේ ඉපැදුණු බොහොම සංවේදී අව්‍යාජ සිතුවිලි ගොන්නක් තමයි ඇය ඒ විදිහට අප වෙත එවා තිබුණේ. සුසන්තාගේ දියණිය වන තිසුරි යුවනිකා ගැන අපේ රටේ කලා ලෝලීන්ට අමුතුවෙන් හඳුන්වා දිය යුතු නැහැනේ. කුඩා කාලයේදීම රංගනයට යොමු වෙලා අද වනවිට මෙරට තරුණ රංගන ශිල්පිනියන් අතර මුල්තැනක් හිමිකරගෙන සිටින තිසුරි තමන්ට කලා ක්ෂ්ත්‍රයේ දිගු ගමනක් යා හැකි බව දැනටමත් පෙන්නුම් කරලයි තියෙන්නේ. මෙම කවි පෙළෙන් කියැවෙන මවගේ ආදරය ගැන සුසන්තාට කියන්න බොහෝ දේවල් තිබුණ.
“මට ඉන්නේ එක දියණියයි. ඇය මගේ දියණිය විතරක් ‍නෙවෙයි. හොඳම යාළුවා කියලා කීවත් වැරදි නැහැ. මොකද තිසුරි මගේ සෙවණැල්ල වගේ මගේ ළඟින්මයි ඉන්නේ. මගේ සහ මගේ සැමියාගේ ලොකුම සම්පත තමයි අපේ දියණිය. ඉතින් ඇයට අපේ තිබෙන ආදරය ගැන මගේ සිතට ආපු සිතුවිලි තමයි මට ඇය ගැන මේ විදිහේ කවියක් ලියන්න මූලික වුණේ.
“සඳ එළියසේ හදටත්, මිණි පහනක් සේ නිවසටත් ආලෝකය ගෙන දෙන්නේ දියණිය කියලයි සුසන්තා ඇගේ කවි පෙළෙන් කියන්නේ. සුසන්තා කියන විදිහට ඇය මීට පෙරත් දියණිය ගැන කවි ගීත ලියලා තියෙනවාලු. ඒවා නැවත නැවත කියවද්දී පවා ඇගේ සිතට ලොකු සැනසීමක් දැනෙනවා කියලයි සුසන්තා පවසන්නේ.
කොහොම නමුත් සෙවණැල්ල වගේ ළඟින්ම හිටපු දියණිය පතිකුලයට යන දිනයත් දවසින් දවස ළඟා වෙන බව සුසන්තාගෙන් අපට දැන ගන්නට ලැබුණා. තිසුරිට හැමඅතින්ම ගැළපෙන මනාලයෙක් දෙමාපියන් මේවනවිටත් සොයාගෙනලු තියෙන්නේ. 
වසර විසිගණනක් තිස්සේ තමන්ගේ නිවස එළිය කරපු තිසුරි ලබන වසරේ මැද හරියේදී තවත් නිවසක් එළිය කරන්නට යුග දිවියට පිවිසෙන බව සුසන්තා පැවැසුවේ ඒ සඳහා දින තීන්දු කරගත් වහාම ඒ ගැන ‘රිද්ම’ පාඨකයන්ටත් දැනුම් දෙන බවට ‍පොරොන්දුවකුත් අප වෙත ලබා දෙමින්.
 
නුඹ අපේ ප්‍රාණයයි
 
දෙතනෙ එල්ලී කිරි උරා බිව්
සෙනෙහෙ උණුසුම නිබඳවම සෙව්
පුරා විස්සක් වසර ගෙවිලා 
මගේ තුරුලෙම තවත් රැඳිලා
නුඹයි මගේ ප්‍රාණේ.... දියණියෙ
නුඹයි අපෙ ප්‍රාණේ
 
සඳ එළිය හද සිසිල දෙන
මිණි පහන සේ ගෙට එළිය දෙන
නුඹයි මගෙ ප්‍රාණේ... දියණියෙ
නුඹයි අපෙ ප්‍රාණේ
 
තුරුණු වියෙ එළිපත්ත නැගලා
හද පියන්පත් තදින් වහලා
දැනෙන හැඟෙන දේ වසන් කොට
මගේ සිත සුවපත් කළා නුඹ
නුඹයි මගෙ ප්‍රාණේ දියණියේ
නුඹයි අපෙ ප්‍රාණේ....
 
රන් රුවන්සේ රූපෙ වැඩිලා
මගේ උරුමය දෝතෙ රැඳිලා
එදා මගෙ තැන - අද නුඹේ ළඟ
සෙනෙහෙ උතුරයි - සතුට තෙරපෙයි
බයයි හද පුපුරයිද කියලා
නුඹයි මගෙ ප්‍රාණේ - දියණියෙ 
     නුඹයි අපෙ ප්‍රාණේ...
 
අපට පමණක් නොවේ සැනසුම
රටට අභිමානයකි අද නුඹ
ලොවේ සිත් සනසන අයුරින්
හෙට දිනේ බැබළෙයි නුඹේ මග
නුඹයි මගෙ ප්‍රාණේ දියණියේ
නුඹයි අපෙ ප්‍රාණේ...
 
සුසන්තා චන්ද්‍රමාලි 
 
කිෂාන් කනංකෙ
IMAGE

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 2334

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 1546

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 819

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 1833

ඒ ආදර කතාව ඉවරයි මම දැන් සින්ගල්

IMAGE 2017 Nov 19 17:31
සිරස ජුනියර් සුපර් ස්ටාර් කියන්නේ මේ දවස්වල ප්‍රේක්ෂකයන් ආදරයෙන් වැළඳ ගත් රියැලිටි...
Views - 5469

කේන්ද්‍රයක මාරක අපල තිබීමටත් වඩා නොතිබීම භයානකය

IMAGE 2017 Nov 19 15:19
මහජන බැංකු විශ්‍රාමික සංගමයේ පිළියන්දල කැස්බෑව ශාඛාවේ අටවන සංවත්සරික සභාව පසුගිය...
Views - 3417

Please publish modules in offcanvas position.

Web Analytics