Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

ජිප්සීස්ලාගේ ගීතවලට අයිතිවාසිකමක් දැන් අනුර පළිහවඩන කියන ඔබටත් තියෙනවා නේද?
ඔව් හැබැයි හැම ගීතයකටම ‍නෙවෙයි. ගීත 12කට විතරයි.
 
ජිප්සීස් නායක සුනිල් පෙරේරා කියනවා කැමති ඕනෑම කෙනෙකුට ජිප්සීස්ලාගේ ගීත මිලදී ගන්න පුළුවන් කියලා. ඔබට ඒ ගීත ප්‍රයෝජනවත් වෙන නිසාද ඔබ ගීත 12 ක්ම මිලදී ගත්තේ?
මුලින්ම කියන්න ඕනෑ මම පාසල් කාලයේ පටන්ම ජිප්සීස්ලාගේ තදබල රසිකයෙක් බව. පාසලෙන් ඉවත්වූ අලුතම වගේ තමයි මම මුලින්ම ජිප්සීස්ලාව සජීවීව දැක්කේ. එදා ඇතිවුණු කැමැත්ත නිසාම මම පසුකාලීනව ජිප්සීස්ලාගේ ගීත ගයනා කරන්න පටන් ගත්තා. අදටත් මම ඒවා ප්‍රසංග වේදිකාවේ ගායනා කරනවා. ඉදිරි කාලයේදී ඒ ගීත ඇතුළත් ගී තැටියකුත් එළිදක්වන්නයි මම හිතාගෙන ඉන්නේ.
 
ඔබ ජිප්සීස්ලාගේ ගීත ගායනා කරනවා පමණක් ‍නෙවෙයි සුනිල් පෙරේරාගේ හඬත් අනුකරණය කරනවා?
ඉස්සර ඉඳන්ම මම දැනගෙන හිටියා සුනිල් පෙරේරාට තරමක් සමාන රුවක් මට තිබෙන බව. ඒ වගේම ඔහුගේ හඬට සමාන හඬකින් ගීත ගායනා කිරීමේ හැකියාවකුත් මට තියෙනවා. ඒ හැකියාව නිසාම තමයි ස්වර්ණවාහිනියෙන් විකාශය වූ 'ෂැඩෝ ස්ටාර්' රියැලිටි වැඩසටහනට සුනිල් පෙරේරා අනුකරණය කරමින් ඉදිරිපත් වෙන්න මට අවස්ථාව ලැබුණේ.
 
නමුත් ඒ තරගාවලියෙන් ඔබට ජයග්‍රහණය හිමි වෙන්නේ නැහැ?
ඇත්ත, ඒ වැඩසටහනේදී මට ලැබුණේ හතරවැනි ස්ථානය, හැබැයි 'ෂැඩෝ ස්ටාර්' නිසා රටේ අස්සක් මුල්ලක් නෑර ජනතාව මා ගැන දැනගත්තා. ඒ නිසා මට ලැබෙන ප්‍රසංග සංඛ්‍යාවත් වැඩි වුණා.
 
ඒ ලැබුණු ජනප්‍රියත්වය නිසාමද ඔබට ජිප්සීස්ලාගේ ගීත මිලදී ගන්නත් අවස්ථාව උදා වුණේ?
හරියටම හරි, රත්නපුරයේ පූජි ඉන්ටර්නැෂනල් ආයතනයේ අධිපති පූජිත් ස්ටැන්ලි රණතුංග මහතා ජිප්සීස්ලාගේ හොඳ රසිකයෙක්. මම නොදැන හිටියාට ෂැඩෝ ස්ටාර්' රියැලිටි තරගය පැවැත්වෙන කාලෙත් මාව ඉදිරියට යවන්න ඔහු බොහෝ ප්‍රචාරක වැඩකටයුතු කරලා තිබුණා. ඔහු තමයි පසුව මා වෙනුවෙන් මුදල් ගෙවලා ජිප්සීස්ලාගේ ගීත 12ක අයිතිය මට අරගෙන දුන්නේ. 
 
ජිප්සීස්ලාගේ ජනප්‍රිය ගීතත් ඒ අතරේ තියෙනවාද? 
ඒ හැම ගීතයක්ම ජනප්‍රිය ඒවා තමයි. ලුණු දෙහි, අම්මා අම්මා, ළිඳ ළඟ සංගමේ සහ මල්ලිකා වැනි ගීත ඒ අතරේ තියෙනවා.
 
සුනිල් පෙරේරාව ප්‍රසංග වේදිකාවේදී අනුකරණය කිරීම ගැන ඔහුගෙන් ඔබට කවදාවත් විරෝධයක් එල්ල වෙලා නැද්ද?
ෂැඩෝ ස්ටාර් තරගයට සහභාගි වෙන්න කලින් නම් ඔහු විවිධ අවස්ථාවලදී ප්‍රකාශ කරලා තිබුණා මං වගේ කෙනෙක් ප්‍රසංගවලට එනවා. රැවටෙන්න එපා කියලා. සුනිල් අයියලා සාමාන්‍යයෙන් එළිමහන් ප්‍රසංගවලට සහභාගි වෙන්නේ නැහැනේ. ඒ නිසා මට ඒ අවස්ථාව ලැබුණා, ඔහු අනුකරණය කරමින් ඒ ප්‍රසංගවලට සහභාගි වෙන්න. මගේ සින්දු කිව්වාට කමක් නෑ. මගේ වගේ තොප්පියක් පාවිච්චි කරන්න එපා කියලා ඔහු මුලදී කිව්වා. හැබැයි 'ෂැඩෝ ස්ටාර්'  විකාශය වෙද්දී ඒ විරෝධතාවය වෙනස් වුණා. 
 
ඒ කොයි විදිහටද?
සුනිල් අයියා මම සහභාගි වූ ෂැඩෝ ස්ටාර් වැඩසටහනක් නරඹලා තිබුණා. ඒ කා‍ලේ දවසක් ඔහු මට දුරකථනයෙන් කතා කරලා තමුසෙගේ වැඩේ නැගලා යනවා නේද? කියලා අහලා ඊළඟ දවසේ 'සිඤ්ඤෝරේ' සින්දුව කියනවා කියලා මගේ සහයට රොනී ලිච්වත් එවලා තිබුණා. ඒ විතරක් ‍නෙවෙයි ඔහු පළඳින විදිහේ පිටරටින් ගෙනාපු තොප්පි හතරකුත් පසුකාලෙක මට තෑගි කළා. 
 
කිෂාන් කනංකෙ
 
එක්වන්න අපගේ Facebook පිටුවට - www.facebook.com/lakbima.lk

“මට නම් දැන් රඟපෑම ඇතිවෙලයි තියෙන්නේ. ඉස්සරහට මට ලැබෙන ආරාධනා බාරගන්නවාද නැද්ද කියලා හිතලා බලන්නයි හිතාගෙන ඉන්නේ” 
මෙහෙම කියමින් අප සමග සංවාදයට එකතුවූණේ රංගන ශිල්පී ඩී.බි.ගංගොඩතැන්නයි. සිනමාවෙන් සහ පුංචි තිරයෙන් නිතර දකින්නට ලැබෙන ඩී.බි.ගංගොඩතැන්න නමින් තරමක ආගන්තුක වුණත් රූපයෙන් නම් ඔහු ඔබට හොඳට මතක ඇති. වයසට ගියත් තවමත් රංගන ක්‍ෂේත්‍රයේම රැඳී සිටින ඔහුට ඇතිවී තිබෙන ගැටලු මොනවාද කියලා විමසද්දී කලා ක්‍ෂේත්‍රයේ ඇතැම් සැඟවුණු කාරණා ගැනත් ඔහු මෙසේ රිද්මට හෙළි කළා.
 
හිටි හැටියේම ඔබට රඟපෑම එපාවුණේ ඇයි ? 
ඒක හිටිහැටියේ වෙච්ච දෙයක් නමෛයි. මට දැන් අවුරුදු 74යි. ඉස්සරට වඩා වැඩිපුර මහන්සි ගතියකුත් දැන් දැනෙනවා. ඒ නිසා වෙලාවකට හිතෙනවා රඟපෑමෙන් ඉවත් වෙලා ගෙදරට වෙලා නිදහසේ ඉන්න.
 
ඇඟේ හයිය අඩුවුණාට තවම ඔබේ හිතේ හයිය නම් ඒ විදිහටම තියෙනවානේ...? 
හිතේ හයිය තියෙනවා තමයි. ඒත්, කලා ක්‍ෂේත්‍රයේ සිද්ධවෙන දේවල් නිසා සමහර වෙලාවට හිත හොඳටම කලකිරෙනවා. 
 
ඔච්චර කලකිරෙන්න තරම් මොනවාද ඔබට වෙච්ච අකටයුතුකම් ? 
වැඩිපුරම කලකිරීම් ඇතිවෙන්නේ රඟපෑම වෙනුවෙන් ගෙවන්න ‍පොරොන්දු වෙන මුදල් නොලැබුණාම තමයි. ඒවගේ අත්දැකීම් මම සෑහෙන අත්විඳලා තියෙනවා. පිරිමියෙකුට නම් සිනමා ක්‍ෂේත්‍රයට ඇවිල්ලා වැඩක් නැති බව මම නම් දැන් තේරුම් අරගෙනයි ඉන්නේ.
 
ඇයි ඔබ එහෙම කියන්නේ ? 
නිළිය ලස්සන නම්, ‍ලේසියෙන් අල්ලගන්න පුළුවන් නම් සමහර අධ්‍යක්ෂවරු සහ නිෂ්පාදකවරු එකතු වෙලා අපට ගෙවන මුදලටත් වඩා වැඩි මුදලක් ඔවුන්ට ගෙවනවා. සමහරු කාර්, ගෙවල් පවා තෑගි කරනවා. මේ වගේ දේවල් නිසා ගෑනු අයට තමයි අද රංගන ක්‍ෂේත්‍රයේ වැඩිපුර අවස්ථා තියෙන්නේ.
 
කාන්තාවන්ට සහ පිරිමින්ට සිනමා ක්‍ෂේත්‍රයේදී හැඳි දෙකකින් බෙදන්නේ ඇයි ? 
වෙන දේකට නමෛයි, ඒ ගෑනු අයත් එක්ක ලිංගික සම්බන්ධතා පවත්වන්න බලාගෙනයි අධ්‍යක්ෂවරු ඔය විදිහේ සැලකිලි දක්වන්නේ. ඔය විදිහේ තත්ත්වයක් තමයි අද සිනමාවේ තියෙන්නේ. ඉතින් මේ දේවල් දැක්කාම කලකිරෙන එක පුදුමයක්ද?
 
ඩී.බි.ගංගොඩතැන්න කියන්නේ නළුවෙක් වෙන්න පෙරුම් පුරමින් හිටපු කෙනෙක් ද?
මම නළුවෙක් වෙන්න හිතාගෙන හිටපු කෙනෙක් නමෛයි. මගේ ගම මාවනැල්ල. “ඇල්ල ළඟ වළව්වේ” රඟපාන්න කලින් මම වතුපිටි බලාගෙන ගෙදරට වෙලා තමයි හිටියේ. ධර්මසේන පතිරාජ මගේ පාසල් මිත්‍රයෙක්. ඇල්ල ළඟ වලව්ව අපේ ගමේ රූගත කරද්දී මමත් ‍පොඩි ‍පොඩි උදව් කළා. ඒ අතරතුරේ ටෙලි නාට්‍යයේ හාමුදුරුනමකගේ චරිතය රඟපාන්න නළුවෙක් හොයද්දී තමයි පතිරාජ මට කිව්වේ “මචං මේ චරිතය කරලා දෙන්න” කියලා. එදා පටන් ගත් ගමන තමයි තවමත් මේ යන්නේ.
 
ඒ ආපු ගමනේදී වැඩිපුර ඔබට ලැබුණේ හාසේ‍යාත්පාදක චරිතයි කීවොත් නිවැරදිද? 
එහෙමම කියන්නත් බැහැ. ‘යකඩ පිහාටු’ වගේ චිත්‍රපටවල මම රඟපෑවේ කොමඩි චරිත නමෛයිනේ. මම රඟපෑ චරිතවලින් බාගයක් විතර ඕනෑනම් හාසේ‍යා්ත්පාදක චරිත තියෙන්න ඇති. හැබැයි ප්‍රේක්ෂකයන්ට මාව වැඩිපුරම මතකයේ තියෙන්නේ විකට නළුවෙක් විදිහටද කියලා නම් මම දන්නේ නැහැ.
 
දශක තුනක් විතර කලා ක්‍ෂේත්‍රයේ හිටපු නිසා දූ දරුවන්වත් කලාව පැත්තට යොමු කරන්න ආසාවක් තිබුණේ නැද්ද?
අ‍පොයි නැහැ. මට ඉන්නේ දුවලා දෙන්නෙක් සහ පුතෙක්. පුතා ජීවත් වෙන්නේ ඕස්ට්‍රේලියාවේ. අපේ රටේ පවතින තත්ත්වය අනුව දුවලා නම් රංගනය පැත්තට යොමු කරන්න මගේ කිසිම බලා‍පොරොත්තුවක් තිබුණේ නැහැ. ඒ විතරක් නමෛයි දන්නා හඳුනන කෙනෙකුගේ දුවෙකුටවත් සිනමාවට එන්න ඉඩ දෙන්නේ නැහැ. මොකද අද අපේ රටේ සිනමාව කාන්තාවකට පය තියන්න සුදුසු ක්‍ෂේත්‍රයක් නමෛයි. 
 
කිෂාන් කනංකෙ
IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 1691

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 2060

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 4882

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 2903

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 1671

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 2545

Please publish modules in offcanvas position.

Web Analytics