Coss Ear2
lakbima.lk
COSS Ear 1

සරත් කොතලාවල කියන්නේ අති දක්ෂ රංගන ශිල්පියෙකු බව අමුතුවෙන් කිව යුතු නැහැ. සිනමාවේ පුංචි තිරයේ වගේම වේදිකාවේ රංගනයෙනුත් ඔහු සිය රංගන ප්‍රතිභාව මනාව ප්‍රකට කරලා තියෙනවා. කොහොම නමුත් සරත් ජනප්‍රිය නිළියක වන මේනකා මධුවන්ති සමග ගත්  මංගල ඡායාරූපයක් පසුගිය දිනවල සමාජ ජාල ඔස්සේ හුවමාරු වීම නිසා ඔහු ගැන වෙනස් විදිහේ කතා බහක් පැතිරෙන්නට  පටන් ගත්තා. ඒ කතා බහත් එක්කම සරත් කොතලාවල අමුඩයක් පිටින් කොළඹ නගරයේ සැරිසැරුවා කියලත් ආරංචියක් පැතිර ගියා. සරත් ගැන පැතිරෙන මෙවැනි අමුතු විදිහේ ආරංචිවල ඇත්ත නැත්ත ගැන පාඨක ඔබ දැනුම්වත් කිරීමේ අරමුණින් අපි ඔහුව මෙලෙස සංවාදයකට එකතු කරගත්තා. 
 
සරත් කොතලාවලගේ අලුත් මනමාලි මේනකාද? 
අ‍පොයි නෑ. ඒක හර්ෂ උඩකන්දගේ කොළඹ සන්නිය රිටර්න්ස් චිත්‍රපටයේ රූගත කිරීම්වලදී ගත් ඡායාරූපයක් විතරයි. 
දකොළඹ සන්නිය කියන නම ඇහුවාම ප්‍රවීණ රංගන ශිල්පී ජෝ අබේවික්‍රම ප්‍රධාන චරිතය රඟපෑ චිත්‍රපටයක් සිනමා ලෝලින්ගේ මතකයට එනවා.
 
මේ චිත්‍රපටය එදා හදපු කොළඹ සන්නියේම ප්‍රති නිර්මාණයක්ද? 
ඒ චිත්‍රපටය පදනම් කරගෙන නිර්මාණය කළාට අලුත් චිත්‍රපටය වර්තමාන කාලයට ගැළපෙන විදිහටයි හැදෙන්නේ. ඒ නිසා මුල් චිත්‍රපටයේ ඇතුළත් නොවුණු ඇතැම් සිදුවීම් සහ චරිත මේ චිත්‍රපටයට ඇතුළත් කරලා තියෙනවා. මම තමයි එහි ජෝ අබේවික්‍රම මහත්තයා රඟපෑ අන්දිරිස්ගේ චරිතය නිරූපණය කරන්නේ. 
 
ජෝ අබේවික්‍රම වගේ රංගන ශිල්පියෙක් රඟපෑ චරිතයක් ප්‍රති නිර්මාණය කිරීමට බාරගැනීම ඔබට අභියෝගයක් වුණේ නැද්ද? 
ජෝ මහත්තයයි මාවයි සංසන්දනය කිරීම වැරදියි. මොකද ජෝ අබේවික්‍රම කියන්නේ ආසියාවේ බිහි වූ 
විශිෂ්ටතම රංගන ශිල්පින් අතරින් කෙනෙක්. මේ චිත්‍රපටයේදීයි. මම මගේම රංගන ධාරිතාවට අනුව මගේම විදිහකට තමයි. 
අන්දිරිස් ගේ චරිතය රඟපාන්නේ. 
 
කොළඹ සන්නිය මුල් චිත්‍රපටයේ හැටියට අන්දිරිස් කියන්නේ විවාහක පුද්ගලයෙක් නේද? 
ඔව්. හැබැයි අලුත් චිත්‍රපටයේදී අන්දිරිස් විවාහ දෙකක් කරගන්නවා. එයින් එක බිරිඳක් විදිහට තමයි මේනකා රඟපාන්නේ. 
 
එතකොට පහුගිය දවස්වල අමුඩය පිටින් නගර පුරා ඇවිදින්න සිද්ධ වුණෙත් මේ චිත්‍රපටය වෙනුවෙන්ද? 
ඔව්. අමුඩය කියන්නේ මට අමුතු ඇඳුමක් ‍නෙවෙයි. ඉස්සර මම අමුඩ ගහගෙන කුඹුරු කොටලාත් තියෙනවා. දැන් වෙනස් වෙලා තිබුණාට ඉස්සර අපේ ගම්වල උදවිය අමුඩ පිටින් තමයි කුඹුරු කෙටුවේ. ඒ නිසා විශාල පිරිසක් ඉස්සරහා අමුඩයක් ගහගෙන රඟපාන එක මට ලැජ්ජා වෙන්න හේතුවක් වුණේ නැහැ. අනික මම නළුවෙක්නේ. මට ලැබෙන චරිතයට අදාළ රඟපෑම මම උපරිමයෙන් කරනවා. මට විතරක් ‍නෙවෙයි සැනට් අයියාටත් (සැනට් දික්කුඹුර) චිත්‍රපටය නිසා අමුඩ ගහන්න සිද්ධ වුණා. 
 
චිත්‍රපටයේ රූගත කිරීම් අවසන් වෙන්න තවත් කොච්චර කාලයක් ගතවේවිද? 
රූගත කිරීම් අවසන් අදියරේ තමයි මේ වෙනකොට තියෙන්නේ. 
 
තන්හා රති රඟා චිත්‍රපටයෙන් පස්සේ ඔබ චිත්‍රපට පිටපත් රචනයට තිබුණු අවධානය අඩු වුණාද? 
අ‍පොයි නැහැ. කුමාර තිරිමාදුරයි මමයි එකතුවෙලා අලුත් චිත්‍රපට දෙකක් සඳහා මේ වන විට පිටපත් ලියලයි තියෙන්නේ. ඒ අතින් එක චිත්‍රපටයකට නිෂ්පාදකවරයෙක් සොයාගත්තා. අනෙක් චිත්‍රපටයට නිෂ්පාදකවරයෙක් තවමත් හොයනවා. 
 
කොළඹ සන්නිය හැරුණාම මැතකදී වෙනත් චිත්‍රපටවලින් ඔබව දැකගැනීමට ලැබෙන එකක් නැද්ද? 
මොකද නැත්තේ. මම රඟපෑ අලුත් චිත්‍රපට 6-7ක්ම ළඟදී තිරගතවීමට නියමිතව තිබෙනවා. 
 
කිෂාන් කනංකෙ

Nadeeka
නදීක ගුරුගේ කියන්නේ සංගීත අධ්‍යක්ෂවරයෙක් බව බොහෝ අය දන්නවා. නමුත් ඔබතුළ සිටින ගායකයා තවමත් ජනතාව අතරට ගිහින් නැති බව ඔබට පිළිගන්න පුළුවන්ද?
මම කලා ජීවිතයේ මගේ ගමන පටන් ගත්තේ ගායකයෙක් විදිහට. ඒ කේමදාස මාස්ටර්ගේ කණ්ඩායමේ බේස් ගායකයෙක් ලෙස. මම අවුරුදු ගණනාවකට කලින් ගායනා කරපු ගීත පවා අදටත් රස විඳින පිරිසක් ඉන්නවා. නමුත් ගායකයෙක් විදිහට මගේ නම වැඩිපුර ජනතාව අතරට ගිහින් නැති බව මම පිළිගන්නවා. ඩී්‍රම් ස්ටාර් තරගාවලියේ විනිසුරුවරයෙක් විදිහට කටයුතු කරද්දී තරගකරුවෙක් ගායනා කරපු ගීතයක් නිවැරදිව ගායනා කරලා පෙන්වපු අවස්ථාවක තමයි මට ගායන හැකියාවක් තිබෙන බවත් බොහෝ දෙනා දැනගත්තේ.

සමහරු ඔබ කරළියට එනවා දකින්නේ රියැලිටි තරග විනිසුරුවරයකු විදිහට විතරයි. ඔබ වසර ගණනාවක් තිස්සේ රියැලිටි තරග සමග ගමනක් යන්නේ මොන විදිහේ අරමුණක් හිතේ තියාගෙනද?
හොඳ ගායන හැකියාවක් තිබෙන ගායක ගායිකාවන් සංගීත ක්‍ෂේත්‍රයට අලුතෙන් ඇතුළු විය යුතුයි කියන කාරණය මම විශ්වාස කරනවා. ඔවුන්ට ක්‍ෂේත්‍රයට එන්න අත දීමක් විදිහටයි මම ඒවට සම්බන්ධ වෙන්නේ.


රියැලිටි තරග කියන්නේ අපේ රටේ ජනතාවට අද වෙද්දී අලුත් දෙයක් ‍නෙවෙයි. එවැනි තරගවලින් තෝරා ගැනෙන්නේ සැබෑ දක්ෂයෙක් කියලා ඔබට කියන්න පුළුවන්ද?
අනිවාර්යයෙන්ම ඔව්, රියැලිටි තරගවලින් අතිදක්ෂයන් එළියට එන බව පැහැදිලි කාරණයක්. එහෙම දක්ෂයන්ව මම මගේ නිර්මාණ කටයුතුවලට පවා සම්බන්ධ කරගන්නවා.

ඔය කියන විදිහේ දක්ෂයන් බිහි වෙනවා නම් පැරණි පරපුරට අභියෝග කළ හැකි ආකාරයේ ගායක ගායිකාවන් ක්‍ෂේත්‍රයට එක්විය යුතුයි. නමුත් එවැනි තත්ත්වයක් පේන තෙක් මානයකවත් නැහැ?
හැට හැත්තෑව දශකවලදී වගේ ජනතාවට මතක හිටින විදිහේ ගායක ගායිකාවෝ බිහිවෙන්නෙ නෑ කියන එක අද වෙද්දී තිබෙන ලොකු නෝක්කාඩුවක්නේ. එදාත් හොඳ නරක දෙකම තිබුණා. අනෙක් ක්‍ෂේත්‍රයන් වගේ තමයි සංගීතය වුණත් පරිණාමය වෙනවා. ඒ නිසා එදාට වඩා දක්ෂයන් අද බිහිවෙනවා. නව පරපුර අතරේ වැඩක් නොකරන අයත් ඉන්නවා තමයි. නමුත් අද වෙද්දී නිෂ්පාදකයන්               ක්‍ෂේත්‍රයෙන් ඉවත් වෙලා නිසා ඔවුන්ට ගීත එකතුවක්වත් එළිදක්වන්න අවස්ථාවක් නැහැ. මෙවැනි හේතූන් නිසා ඔවුන් තමන්ගේ හැකියාවන් එළියට දාන්නේ කොහොමද කියන එක ගැටළුවක්.

අද වෙද්දී ඔබ වේදිකා සහ ටෙලි නාට්‍ය සංගීතයෙන් ඈත් වෙලාද?
වේදිකාවේ සංගීතයෙන් මම නොනිල වශයෙන් ඉවත් වුණා. වේදිකාව කියන්නේ ඓන්ද්‍රීය කලාවක්. මේ නිසා එහි ගත කරන්නට සිදුවන කාලය වැඩි වීම නිසයි මම එවැනි තීරණයකට එළැඹුණේ. ටෙලි නාට්‍ය වුණත් ගොඩක් දීර්ඝ ඒවා වීම නිසා මීට කාලයකට ඉහතදීම එයින් ඉවත් වුණා.

සිනමාවේදී ඔබට එවැනි බාධක නැහැ?
සිනමාවේදී මට බෙහෝ දුරට ලැබෙන්නේ කලාත්මක චිත්‍රපට. වෙනත් විදිහේ අධ්‍යක්ෂවරුන්ගෙන් මට ආරාධනා ලැබෙන්නේ නැහැ. ඒ නිසා එම අධ්‍යක්ෂවරු විසින්ම සිනමාවේදී මාව තෝරාගනු ලබනවා කියලා කීවොත් නිවැරදියි.

එතකොට මේ දිනවල නියැළෙන කලා කටයුතු මොනවාද?
අනුරුද්ධ ජයසිංහගේ “ගින්නෙන් උපන් සීතල” සහ ගාමින්ද ප්‍රියවිරාජ්ගේ නවතම චිත්‍රපටයේ සංගීත කටයුතු මේ වනවිට අවසන් අදියරෙයි පවතින්නේ. ඒ අතරේ මගේ සංගීත ඇකඩමියේ වැඩකටයුතුත් කරගෙන යනවා.

“කර්ම” චිත්‍රපටයෙන් නළු වරම් ලබපු ඔබ, රංගන කටයුතු එතැනින්ම නතර කළේ ඇයි?
“කර්ම” චිත්‍රපටයේදී මට මගේ සැබෑ චරිතයට සමපාත වන වපරිසයක් තුළ තමයි රඟපෑම කරන්න සිදුවුණේ. ඒ නිසා මට ඒක අසීරු අභියෝගයක් වුණේ නැහැ. නමුත් රඟපෑම කියන විෂය හරිහැටි නොදැන රඟපාන්න යාම සාර්ථක නැහැ කියන කාරණය මට වැටහුණා. ඒ නිසා ඒ දිනවල රඟපෑමට ලැබුණු ආරාධනා මම ප්‍රතික්‍ෂේප කළා. නමුත් මගේ චරිතයට සමපාත වන චරිතයක් යළිත් රඟපෑමට ආරාධනා ලැබුණොත් ඒ ගැන සලකා බලන්න පුළුවන්.

කිෂාන් කනංකෙ

 

IMAGE

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 3625

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 2403

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 3562

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 2123

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 7206

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 4433

Please publish modules in offcanvas position.