lakbima.lk
                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්   

අනේ මගේ පුතා හොයලා දෙන්න

අවුරුද්දත් අරගෙන තමන්ගේ දූ පුතුන් එනතුරු පාර බලාගෙන ඉන්න අම්මලා තාත්තලා අද අවුරුදු සමරන්නේ සතුට පිරුණු හදවතින්.  ඒත් තවමත් තමන්ගේ පුතා එනතුරු පාර බලාගෙන ඉන්න මේ අම්මගේ ඇස් දෙක පුරා තියෙන්නේ කඳුළු. “පුතා ආයෙම කවදාවත් එන්නෙ නැතිවෙයිද?” කියලා සමහරු ඇහුවත් ඒක පිළිගන්න මේ අම්මා කැමති නැහැ. අම්මා තවමත් පුතා එනතුරු පාර බලාගෙන ඉන්නවා.
ඇය මියුරියල් කීර්තිසේන.
වේදිකාව, ටෙලි නාට්‍ය වගේම පුංචි තිරය තුළත් ජනප්‍රිය නළුවකු වූ උපාලි කීර්තිසේනගේ ආදරණීය අම්මා. 2016 පෙබරවාරි 3 වැනිදා නිවසින් පිටත්වූ උපාලි තවමත් ගෙදර ආවේ නැහැ. ඔහුගේ අතුරුදන්වීම ඒ දවස්වල උණුසුම් පුවතක් වුණා.
ඒත් අද  වෙද්දී බොහෝ අයට උපාලිව අමතක වෙලා ගිහින්. ඒත් ඔහුගේ මව තවමත් පාර දිහා බලාගෙන ඉන්නේ පුතා එයි කියලා. ඒ නිසාමයි අපි හිතුවේ දශක කිහිපයක් කලා ලොවේ රැඳී හිටපු මේ කලාකරුවාගේ අතුරුදන්වීම ගැන අලුත් තොරතුරු ටිකක් හොයලා බලන්න.
“සැකකාර පුද්ගලයෙක් ගැන මේ වෙද්දී අපිට තොරතුරු ලැබිලයි තියෙන්නේ. එයා මල්ලිව ළඟින්ම ආශ්‍රය කරපු වේශනිරූපණ ශිල්පියෙක්. එයත් එක්ක තමයි අන්තිමට ගියේ. අනුරාධපුරේ යනව කියල තමයි ගියේ. අපි එයා ගැන ‍පොලීසියට දැනුම් දුන්නා. ‍පොලීසියෙන් එයාව ගෙන්නල කට උත්තර ගත්තා. දැන් එයා අතුරුදන් වෙලා ඉන්නවා. වරදක් කළේ නැත්නම් ඒ විදියට හැංගෙන්න අවශ්‍ය නැහැනේ...”
අපේ කතාබහට එකතුවුණේ උපාලිගේ අක්කා තමරා කීර්තිසේන. උපාලිගේ අම්මාට මේ වනවිට වයස 80ක් විතර ඇති. ඇයව මේ කතාබහට එකතු කරගන්න අපහසු නිසා තමයි අපි තමරාගෙන් තොරතුරු ඇහුවේ.

උපාලි අතුරුදන් වූ අලුත ආරංචිය පැතිරිලා ගියේ යාළුවො කට්ටියක් එක්ක සිරිපාද වන්දනාවේ ගියා, ආයෙම ආවේ නෑ කියල නේද..?
“ඔය කතාව බොරුවක්. මල්ලිට සිරිපාද යන්න යාළුවො කට්ටියක් කතා කරලා තියෙනවා. අර සැක කටයුතු කෙනා එක්ක අනුරාධපුරේ ගිහින් ඊට පස්සේ එහෙමම සිරිපාදෙ යනවා කියලා මල්ලි කිව්වා. අර සැක කටයුතු කෙනා තමයි කිව්වේ මල්ලි ඒ ගොල්ලෝ එක්ක අනුරාධපුරේ ඉඳලා ඇවිත් සිරිපාදෙ යන්න පිටත් වුණා කියලා. ඒත් මල්ලි සිරිපාදේ යන්න ආවේ නැහැ කියලා එයාගේ යාළුවෝ කියනවා.”

ඇත්ත මොකක්ද කියලා කෙහොමද දන්නේ..?
“මේ කියන පුද්ගලයාට ජාඇල සැලුන් එකක් තියෙනවා. මල්ලි ඒ සැලුන් එකේදී තමයි අන්තිමට කෝල් අරගෙන තියෙන්නේ. ඒ කියන්නේ සැක කටයුතු කෙනා අනුරාධපුරේ ඉඳල ඇවිත් මල්ලිව එයාගේ සැලුන් එකට එකතු කරගෙන ගිහින් තියෙනවා. ඒත් එයා ඒක වසන් කරනවා. සැලුන් එකේදී තමයි මල්ලිව පැහැර ගැනීමක් හරි ජීවිත අනතුරක් හරි වෙලා තියෙන්නේ...”
උපාලිට අයිය කෙනෙකුයි අක්කා කෙනෙකුයි ඉන්නවා. අයියා විවාහ වෙලා දරුවන් තුන් දෙනෙකුම ලැබිලා. ඒත් උපාලියි ඔහුගේ අක්කයි තවම තනිකඩයි. අම්මවයි, අවිවාහක අක්කවයි විතරක් නොවෙයි අයියගේ දූ පුතුන් වෙනුවෙන් පවා උපාලි ඇප කැපවූයේ තාත්තා කෙනෙක් වගේ කියලා ඔහුගේ අක්කා කඳුළු සලනවා.
“කලාකරුවෝ පෞද්ගලිකව මල්ලි ගැන හොයල බැලුවා. ඒත් කලා සංගම් පවා නිහඬයි. ‍පොලීසිය කියන්නේ තවමත් පරීක්ෂණ කටයුතු කරගෙන යනවා කියලයි. දැන් සැක කටයුතු කෙනෙක් ඉන්නවා. හැබැයි දැන් එයා පළාතෙත් නැහැ. දැන්වත් අපිට සාධාරණයක් ඉෂ්ට කරලා දෙන්න කියලා වගකිවයුත්තන්ගෙන් ඉල්ලා සිටිනවා...”

උපාලි අතුරුදන් වූ දා ඉඳන් කැපවී කටයුතු කරන පවු‍ලේ අය අතර උපාලිගෙ අයියගේ පුතා ශිරානුත් ඉන්නවා. අපි ඔහුවත් මේ කතාබහට එකතු කරගත්තා.

“බාප්පා අතුරුදන් වීමට සති කිහිපයකට කලින් තමයි මල්ලිගේ මංගල්‍යය පැවැත්වුණේ. ඒ වෙනුවෙන් බාප්පා ලොකු දායකත්වයක් දැරුවා. බාප්පා අතුරුදන් වෙලා දැන් අවුරුද්දකටත් වැඩියි. එයාගේ ජීවිතේට අනතුරක් වෙලාද දන්නේ නෑ. ඒත් ආච්චි කැමැති නැහැ බාප්පා මැරිලා කියලා පිළිගන්න. නක්ෂත්‍ර බලපු තැන් කීපයකින් කිව්වා බාප්පා තවමත් ජීවතුන් අතර ඉන්නවා ගෙන්නල දෙන්නම් කියලා. ආච්චිගෙ හිත හදන්න අපි ඒ අය කීව දේ කළා. ඒ අයට ලොකු මුදලක් වැය කළා. ඒත් වැඩක් වුණේ නැහැ...”

ආරියවංශ කුලතිලක

Add comment

ප්‍රතිචාර දැක්වීමේ කොන්දේසි : -
ප්‍රතිචාර දැක්වීමේදී පරුෂ වචන අපහාස කිරීම් ලිපියට අදාල නොවන ප්‍රතිචාර පල කිරීමෙන් වලකින ලෙස කරුණාවෙන් දන්වා සිටිමු.


Security code
Refresh

IMAGE

ලිංගික ශක්තිය වඩවන ඉංග්‍රීසි බෙහෙත් තිබේද?

IMAGE 2017 Aug 18 15:22
‘බටහිර වෙදකමේ වාජීකරණ ඖෂධ සහ ප්‍රතිකාර නැත්තේ මන්දැයි’ පසුගිය දිනෙක මගේ හිතවතෙක් අසා...
Views - 1949

youtube සඳහා පෙම්වතිය තැබූ ‘බොරු වෙඩිල්ලෙන්’ පෙම්වතා මරුට

IMAGE 2017 Aug 18 10:40
ෆේස්බුක්, යූ ටියුබ් වැනි සමාජ ජාල වබේ අඩවිවල සිදුවන ආසාමාන්‍ය ක්‍රියාකාරකම් ගැන දැන් නිතර...
Views - 1593

කලා ලොවේ ‘මිස්ටර් හොඳ හිත’ හදිසි අනතුරකින් රෝහලේ

IMAGE 2017 Aug 17 11:20
අපේ කලා කරුවන් අතර විවිධ කරුණු සම්බන්ධයෙන් විශේෂත්වයක් දක්වන කලා කරුවෝ සිටිති. ඒ අතරින් සිනමා...
Views - 2334

දේවභක්තියක් නැතත් යකඩ කොකු වලින් එල්ලෙන්න පුළුවන්!

IMAGE 2017 Aug 16 16:24
ශරීරයේ විවිධ ස්ථාන වලට ගසන ලද යකඩ කොකු වලින් එල්ලී කිසිදු වේදනාවකින් තොරව ඇතැම්විට සතුටින්...
Views - 1574

හම්බන්තොට වරායේ තාත්තාත් මං බාප්පාත් මං

IMAGE 2017 Aug 16 11:43
කීර්තිමත් දේශීය ව්‍යාපාරිකයකු වන ආරියශීල වික්‍රමනායක සමුද්‍රිය කටයුතු පිළිබඳ...
Views - 6123

සිඳූ නිසා මලීට අසාධාරණයක් වුණේ නැහැ

IMAGE 2017 Aug 16 07:52
මලී ටෙලි නාට්‍යයේ මලී ලෙසින් අසීමිත ජනතා ආකර්ශණයට පත් සමාධි ආරුණචායා මලී - 3, සිඳු ටෙලි...
Views - 3927

Please publish modules in offcanvas position.