Coss Ear2
lakbima.lk
COSS Ear 1

හාරකෝටියේ ‘දෝණි’ එහෙම නැත්නම් සැබෑ ජීවිතේ ජාන්වි අප්සාරි අබේවර්ධන කියන්නේ කලා ලොවට පායා එන දඟකාර පුංචි තාරකාවියක්. තම සහජ කුසලතාව නිසාම මේ වන විටත් මේ අවුරුදු පහක පුංචි සිඟිතිය දැන් හැමදෙනා අතරම ජනප්‍රියයි. 
 
දෝණි ගැන දැන ගන්න ගොඩක් දෙනා බලාගෙන ඉන්නවා. ඉස්සෙල්ලාම ඔයා ගැන විස්තර ටිකක් කියන්නකෝ? 
මගේ නම ජාන්වි අප්සාරි අබේවර්ධන, මගේ වයස අවුරුදු පහයි මාස අටයි. මිනුවන්ගොඩ ධම්මාරාම ප්‍රාථමික විද්‍යාලයේ          පළමු ශ්‍රේණියේයි මම ඉගෙන ගන්නේ. 
 
මේ විදියට නිළියක් වුණේ කොහොමද? 
අම්මයි, තාත්තයි, අක්කයි මමයි දවසක් ඕර්ඛිඩ් එකේ තිබුණ ප්‍රදර්ශනයක් බලන්න ගියා. අපේ වාහනේ නතර කරලා එහා පැත්තට පාර පනිනකොට මාමා කෙනෙක් තාත්තාට කිව්වා වෙළෙඳ දැන්වීමකට මාව දෙන්න පුළුවන්ද කියලා. පස්සේ චාමර සමරවික්‍රම කියන කැමරාකරණ මාමා සද්ධා මංගල සූරියබණ්ඩාර මාමා ළඟට අපිව එක්කගෙන ගියා. ඒ මාමා තමයි ජාන්වි අද ඉඳලා ඔයාගේ නම “දෝණි’ කියලා කිව්වේ. 
 
ඉතින් ජාන්වි ගැන පාස‍ලේ යාළුවෝ මොකද කියන්නේ? 
යාළුවෝ මට දැන් කියන්නේ දෝණි කියලා. ටීච මට කියනවා ජාන්වි ටිකක් දෝණි වෙලා පෙන්නන්න කියලා. එතකොට මම හාරකෝටියේ දෝණි වෙලා රඟපානකොට යාළුවෝ අත්පුඩි ගහනවා. 
 
දෝණි ලොකු වුණාම කැමති නිළියක් වෙන්නද? 
මම මේකප් කරන්න ගොඩක් ආසයි. ඒ නිසා මම ලොකු වුණාම මේකප් ආටිස් කෙනෙක් වෙනවා. හැබැයි ඉතින් රඟපාන්න ලැබුණොත් ඒකත් කරනවා. 
 
අපි ඊළඟට මේ කතාවට එකතු කරගත්තේ ජාන්විගේ ආදරණීය තාත්තාවයි. 
ශම්මි අබේවර්ධන නම් ඔහු සමග කළ කතා බහයි මේ. 
 
ජාන්විගේ තාත්තා විදිහට ජාන්විගේ දක්ෂතාව ගැන මොනවාද හිතෙන්නේ? 
මගේ පුංචි දුව ජාන්වීට රඟපාන්න සහජ හැකියාවක් තිබෙනවා. ඒ නිසා සද්ධා සර් මට නිතරම කියනවා දුවට හොඳ අනාගතයක් තියෙනවා. හරි නිර්මාණවලට විතරක් එයාව යොමු කරන්න කියලා. 
 
ජාන්වි රංගනයෙන් දායක වුණ වෙනත් නිර්මාණ මොනවාද? 
චාමර පීරිස්ගේ ත්‍රිමාන ටෙලි නාට්‍යයේ ෂෙනුගේ චරිතය, ප්‍රාණ ටෙලි නාට්‍යයේ මතිගේ චරිතය, කඩවර අඩවියේ විජීය බණ්ඩාර කුමාරයාගේ පුංචි කා‍ලේ චරිතය. දැනට රංගනය යෙදුණු නිර්මාණ විශේෂයෙන් කියන්න ඕනේ කඩවර අඩවියේ මගේ දූ කරන පිරිමි චරිතය විශිෂ්ට ගණයේ රඟපෑමක් ලෙස බොහෝ දෙනාගේ ඇගයීමට ලක් වුණා. ඒ වගේම උසස් පෙළ කියන චිත්‍රපටයේ සිඟිති කියන ප්‍රධාන චරිතය කරන්නෙත් මගේ පුංචි දෝණියි.
ඒ චිත්‍රපටයේ ටේලර් එක දැකපු බොහෝ දෙනා කිව්වා ඒ චිත්‍රපටය තිරගත වුණාම ජාන්වි ගැන රටම හඳුනාගනිවි. එයා ඒ 
තරමටම දක්ෂ ලෙස රඟපාලා තිබෙනවා කියලා. 
 
අපි ඊළඟට කතා කළේ ජාන්විගේ ආදරණීය අම්මා එක්කයි.  නිලංකා නයනමාලි වන ඇය තමන්ගේ දුව ගැන අපි අහපු එකම ප්‍රශ්නෙට උත්තර දුන්නේ මේ විදියටයි.
 
අම්මා කෙනෙක් විදිහට පුංචි දුවව රඟපෑමට යොමු කරද්දී බය හිතුනේ නැද්ද? 
මට කිසිම බයක් දැනුණේ නැහැ. මොකද එයාට දැන් හාරකෝටියේ කලා පවුලක්ම ඉන්නවානේ. අනික අපි කවදාවත් අපිට මේ ගාණ ඕනේ කියලා මුදල් ඉල්ලලා නැහැ. මොකද දෙමාපියන්ට කවදාවත්  දරුවන්ගේ වටිනාකම මිල කරන්න බැරි නිසා. එයා දැනට ආසාවෙන් රඟපානවා. කවදා හරි දවසක ඇතියි කියලා හිතුණොත් රඟපෑමෙන් අයින්වෙන්නත් මගේ දෝණිට ඉඩකඩ නිදහස තියෙනවා. 
 
සමන්මලී නැලිගම{jcomments on}

සම්පත් ජයවීර කියන්නේ සැබෑ ජීවිතේ මොනවගේ කෙනෙක්ද?
ඉතාම සරල බොහොම සැහැල්ලුවෙන් ජීවත්වෙන සාමාන්‍ය මනුස්සයෙක්. ඒ වගේම ඕනෑම චරිතයක් බාරගන්නා, චරිතාංග නළුවෙක්.
 
ප්‍රසිද්ධ ලිංගික දර්ශන ඇතුළත් වූ ‘ඉගිලෙන මාළුවෝ’ චිත්‍රපටයේ රඟපෑවේ ඕනෑම චරිතයක් බාරගන්න නළුවෙක් නිසාද?
ඔබ ඔය අහපු ප්‍රශ්නය නිසාම මම තවමත් නොයෙකුත් අපහසුතා අත්විඳිනවා. ඒත් මම ඒ හැම දෙයක්ම අමතක කරලයි ඉන්නේ. මොකද මම කළේ චරිතයක්. ඒ වගේම රඟපෑමක්. පිටපතට අධ්‍යක්ෂකට අවශ්‍ය දේ තමයි මම කළේ. දැන් ‘ඉගිලෙන මාළුවෝ” ඉවරයි. ඊට පස්සේ මම කරපු නිර්මාණ ගැන ඇයි කතා නොකරන්නේ. මා කළ එකම චරිතයක් අල්ලගෙන ඇයි මට චරිත සහතික දෙන්න යන්නේ.
 
ඕනෑම චරිතයක් බාරගන්නවා යැයි කිව්වට ඉදිරියේදීත් ‘ඉගිලෙන මාළුවෝ” වගේ චරිතයක් සඳහා ඇරයුම් ලැබුණොත් ඔබ එය බාරගන්නවාද?
පිටපතට එකඟවෙන්න පුළුවන් නම්, සීමාවනුත් බලලා අධ්‍යක්ෂවරයා එක්ක කතා කරලා චරිතය බාර ගන්නවා. මොකද චරිතය බාරගන්නවාද නැද්ද කියලා තීරණය කරන්නේ මා නිසා. ඒක මගේ ස්වාධීන අයිතියක්. ගෙදර අයගෙන්වත් යාළුවන්ගෙන්වත් මම ඒ ගැන අදහස් විමසන්න යන්නේ නැහැ.
 
ගාමිණී ඉගිලෙන මාළුවෝ, අසනි වර්ෂා, මුරුගසන්නිය වැනි නිර්මාණවලට දායක වූ ඔබ දැන් විකට නළුවෙක් වෙලා කියලා හිතෙන්නේ නැද්ද?
සමහරු එහෙම හිතනවා නම් ඒක ඒ අයගේ බුද්ධි මට්ටමේ ප්‍රශ්නයක්. හැම වෙලාවෙම කළු චරිතම කරන්න බැහැ. එතකොට මට ප්‍රේක්ෂකයන් දිනාගන්න බැරිවෙනවා.
 
මෙඩිසිනා නිසා මේ දවස්වල ඔබට ලැබෙන ප්‍රතිචාර මොන වගේද?
සමහරු මට මගතොටේදීත් ඩොක්ටර් නාරම්පනාව කියලා කතා කරනවා. නමුත් ඩොක්ටර් නාරම්පනාවයි සම්පත් ජයවීර කියන්නෙයි දෙන්නෙක් කියලා අනිවාර්යයෙන්ම කියන්න ඕනේ. ඩොක්ටර් නාරම්පනාව හිනාවේගෙනම ඉන්නවා කියලා මගතොටේදීත් සම්පත් ජයවීර ඒ වගේම ඉන්න කියලා නියමයක් නෑනේ.
 
ඔබ ඉදිරියේ ලොකු වැඩකට අතගහන්න යනවා කියලත් ආරංචියි..
ඔව් ඉදිරියේදී සම්පත් ජයවීරව චිත්‍රපට අධ්‍යක්ෂවරයකු ලෙසත් ඔබට මුණ ගැසේවි. මේ වනවිටත් චිත්‍රපටයට අදාළ පිටපත සකස් කරමින් සිටිනවා.
 
ඔබේ පවු‍ලේ තොරතුරු ගැන කිව්වොත්...?
මගේ පෙම්වතිය තමයි මගේ ආදරණීය බිරිඳ. ඇය ගුවන් විදුලි ක්ෂේත්‍රයේ වැඩ කරන්නේ. අපේ ආදරය අලුත් කළේ අපේ පවුලට ආපු පුංචි පුතා. එයා මේ වන විට ප්‍රාථමික අධ්‍යාපනය ලබනවා. ඒ තමයි මගේ රත්තරං පුංචි පවුල.
 
සමන්මලී නැලිගම{jcomments on}

 

IMAGE

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 3606

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 2385

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 3553

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 2116

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 7193

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 4425

Please publish modules in offcanvas position.