Coss Ear2
lakbima.lk
COSS Ear 1

කාලයෙන් කාලයට ප්‍රසංග වේදිකාවට අලුත් මුහුණු එකතු වෙනවා. නමුත් එදා ප්‍රසංග වේදිකාවේ රජ කරපු තරු තරමට අද කාලයේ බිහිවන ගායන තරුවලට දිගුකාලයක් ජනතාවගේ හදවත්වල රැඳෙන්න පුළුවන්ද කියන එක නම් ගැටලුවක්. හැබැයි ප්‍රසංග වේදිකාව පමණක් ‍නෙවෙයි, සමස්ත සංගීත ක්‍ෂේත්‍රයම සලකා බැලුවත් අඩසියවසකට වැඩි කාලයක් ගායනයේ යෙදිලා තවමත් සක්‍රීයව ගායන කටයුතුවල නිරතවන ගායකයන් සහ ගායිකාවන් නම් සුලබ නැහැ. එකී සුලබ නොවන ගායක ගායිකාවන්ගේ කාණ්ඩයට ඇතුළත්වන සුවිශේෂී ගායන ශිල්පියකුව අප මෙලෙස සංවාදයට එක්කර ගත්තා. 
ඔහු  ක්‍රිස්ටෝපර් ‍පෝල්. 
 
සමහර කලාකරුවන්ට වියපත් වෙද්දී කලාවෙන් ඈත්වෙන්න සිදුවෙනවා. ඔබ සම්බන්ධයෙනුත් ඒ කාරණය ඒ විදිහටම වලංගුද?
අ‍පොයි නැහැ. මේ වෙනකොට මගේ වයස අවුරුදු 81ක්. ඒත් තවමත් මම මගේ කටහඩින් තමයි හරි හම්බ කරගෙන ජීවත් වෙන්නේ.
 
ක්‍රිස්ටෝපර් ‍පෝල් කියන්නේ හැමදාමත් ගායනය වෘත්තිය කරගත් ගායන ශිල්පියෙක්ද? 
 නැහැ. මගේ ගායන දිවියට දැන් අවුරුදු 62ක් වෙනවා. අවුරුදු 15ක් මම ගොඩනැගිලි ද්‍රව්‍ය සංස්ථාවේ ප්‍රවාහන 
කළමනාකරුවෙක් විදිහට සේවය කළා. 1995දී සේවයෙන් ඉවත් වුණාට පස්සේ තමයි මම වෘත්තීයමය ගායකයෙක් වුණේ. හැබැයි මුලින්ම මම ගීත ගායනා කළේ විනෝදාංශයක් විදිහට.
 
එදා වගේම ඔබට අදටත් ප්‍රසංග සඳහා ඉල්ලුම තියෙනවාද?
ප්‍රසංග ඉල්ලාගෙන මම කවදාවත් කාගෙවත් පස්සෙන් යන්නේ නැහැ. නමුත් රසිකයෝ තවමත් මගේ ගීතවලට කැමති නිසා මට ප්‍රසංග ලැබෙනවා. අනික වයසට ගියත් මගේ කටහඬ වෙනස් වෙලා නැහැ. රූපයත් වයසේ තරමට වෙනස් වෙලත් නැහැ. මට තවමත් ඉහළ ප්‍රතිචාර ලැබෙන්න ඒවගේ හේතූත් බලපානවා ඇති. 
 
ඒ විදිහට ඔබේ තරුණ බව රැකෙන්න මොන විදිහේ කාරණා බලපාන්න ඇතිද?
මගේ හිත පිරිසිදුයි. කිසිම දේකින් ඔළුවට බරක් ගන්නේ නැහැ. ඒ විතරක් ‍නෙවෙයි, අවුරුදු 81 ක් වුණාට අදටත් මම තරුණයෙක් වගේ තමයි ජීවත් වෙන්නේ.
 
ඔබේ සමකාලීන ගායකයෝ බොහොමයක් අද ජීවතුන් අතර පවා නැහැ නේද? 
ඔව්, ඒ කා‍ලේ ප්‍රසංග වේදිකාවේ එකට ගී ගයපු එච්.ආර්. ජෝතිපාල, මිල්ටන් පෙරේරා වැනි ගායකයොත් මට පසුව තමයි ගායන දිවිය ආරම්භ කළේ. එදා ප්‍රසංග වේදිකාවේ හිටපු කවුරුවත් අද වෙද්දී එහි නැහැ. ඒ නිසා මම තමයි මේ වනවිට එළිමහන් ප්‍රසංග වේදිකාවේ ගී ගයන ‍‍‍ජ්‍යෙෂ්ඨතම ගායන ශිල්පියා.
 
ගායකයෙක් විදිහට මෙරට සංගීත ක්‍ෂේත්‍රයට ඔබ මුලින්ම හඳුන්වා දීපු දේවලුත් තියෙනවා. ඒ ගැනත් ටිකක් මතක් කළොත් ? 
ලංකාවේ මුලින්ම ඉංග්‍රීසි ගීතයකට සිංහල පද ඇතුළත් කරලා දේශීය සංගීතයට ගුවන් විදුලියේ ගායනා කරපු ගායකයා මමයි. එල්විස් පේ‍රස්ලිගේ ‘වුඩ්න් හාට්’ ගීතය තමයි මම ‘පෙම් ලෝකේ පුරා’ නමින් මුල්වරට සිංහලෙන් ගායනා කළේ. ඒ 1959 වසරේදී. ඒ වගේම මුලින්ම ගුවන්විදුලියේ වෙළෙඳ දැන්වීමක් ගීතයෙන් ඉදිරිපත් කළ ගායකයත් මමයි. 
 
බටහිර ගීත ඇසුරෙන් ගයපු ගීත පවා ඒ කා‍ලේ හුඟක් ජනප්‍රිය වුණා නේද? 
අ‍පොයි ඔව්, ඒ කා‍ලේ විතරක් ‍නෙවෙයි. ඒවා අදටත් ජනප්‍රියයි. ‘ඇළ දොළ ගංගා යාවි ගලා’, ‘හා මල් පිපෙන්නේ’, ‘මේ කටුරොද ගම්මානේ’,’මැණිකා මැණිකා’ යන ගීත ඇතුළුව බටහිර ගීත ඇසුරෙන් මම ගායනා කළ ගීත සියල්ලම පාහේ ජනප්‍රිය වුණා. හැබැයි 1959 වසරෙදී ගායනා කළ ‘බෙල්ලෝ මුතු බෙල්ලෝ’ ගීතය තමයි ගායකයෙක් විදිහට මාව මුලින්ම ජනප්‍රිය කළේ.
 
මෑතකදී ගී තැටියක් එළි දැක්වූයේ නැද්ද?
ළඟදී ගී තැටියක් නිර්මාණය කළා. හැබැයි හොර පිටපත් ගහන නිසා ඒවා වෙළෙඳ‍පොළට දැම්මේ නැහැ. දන්නා හඳුනන අයට සී.ඩී. 200ක් බෙදා දීලා මගේ වියදම පියවා ගත්තා. 
 
ගායකයෙක් විදිහට ලබපු ඇගයුම් සහ සම්මාන ගැන සතුටු වෙන්න පුළුවන්ද? 
මේ තාක් කාලයකට රජයෙන් නම් කලාභූෂණ සම්මානයක් විතරයි මට ලැබිලා තියෙන්නේ. නොලැබුණු දේවල් ගැන දුකක් මට නැහැ. මොකද රසිකයන්ගේ ආදරය මට හැමදාමත් ලැබෙන නිසා. 
 
කිෂාන් කනංකෙ 
 
ඡායාරූප - පින්සිරි ආරියරත්න

අරුණ ක්‍රිෂාන්ත සහ කෞෂිකා ගීතානි කියන්නේ පවු‍ලේ නාලිකාවෙ යාව ජීව සාමාජිකයෝ. අරුණ මාධ්‍ය ක්ෂේත්‍රයට සම්බන්ධ වෙලා අවුරුදු 21යි. කෞෂිකා මාධ්‍ය ක්‍ෂේත්‍රයට සම්බන්ධ වෙලා අවුරුදු 15යි. අරුණ ගුවන් විදුලි හා රූපවාහිනී සන්නිවේදකයෙක්. කෞෂිකා ක්‍රීඩා වැඩසටහන් නිවේදිකාවක් සහ ප්‍රවෘත්ති නිෂ්පාදිකාවක්. පහුගිය දවස්වල මේ දෙන්නා හිටි හැටියේ දරුවොත් එක්ක රට අතහැරලා කැනඩාවට ගියා. ගිය හේතුව දේශපාලන ප්‍රශ්නයක් කියලයි වටින් පිටින් ආරංචි වුණේ. කැනඩාවට ගියාට අන්තර්ජාලය හරහා අරුණවත් කෞෂිකාවත් සම්බන්ධ කරගන්න අපට පුළුවන් වුණා. රට අතහැර ගිය හේතුව ගැන අරුණ අපිත් එක්ක මේ විදියට කතා කළා. 
 
හදිස්සියේ ගම රට අතහැරලා යන්න හිතුවේ ඇයි? 
මේක හදිස්සියේ ගත්ත තීරණයක් නමෛයි. කාලයක් බලන් ඉඳලා අන්තිමට කරන්න දෙයක් නැති කමට ගත්ත තීරණයක්. 
 
මේ තරම් දැඩි තීරණ ගන්න මොකක්ද ඇති වෙච්ච ප්‍රශ්නය?
 දේශපාලන පළිගැනීම් තමයි. රස්සාවෙන් එළියට දාන්න බැරි කමට අපට පල නොකියා පලා බෙදුවා. 
 
ඒ කියන්නේ අරුණලා කෞෂිලා නාලිකාව ඇතුළේ දේශපාලනය කළා?
අපි විතරක් නමෛයි. කවුරුත් කරනවා. ජනාධිපතිවරණයේදී හිටපු නායකයා දිනවන්න වැඩ කළා. ජනාධිපතිවරණය ඉවර වුණත් එක්ක තමයි පලි ගැනීම ආරම්භ වුණේ. 
 
ඔය කියපු නායකයා දිනවන්න උදව් කරපු ස්වාධීන රූපවාහිනියේ සහ ලක් හඬ ගුවන් විදුලියේ සමහර අය වැඩ තහනමටත් ලක් වුණා. ඔය දෙන්නට එහෙම දෙයක් වුණේ නෑනේ? 
නෑ. ඒ වුණාට වෘත්තීය කරගෙන යන මානසික වාතාවරණයක් ඇති කළේ නෑ. අපේ වැඩ කප්පදු කළා. අපේ හැකියාවෙන් ප්‍රයෝජනයක් ගන්න දුන්නේ නෑ. මානසික වැට්ටවීම්, මානසික වද හිංසා පුළුවන් තරම් ඇති කළා. කෞෂිකාගේ ක්‍රීඩා වැඩසටහන් නැවැත්තුවා. ප්‍රවෘත්ති වොයිස් කළේ කෞෂි ඒක නතර කළා. එයාගේ රූපය  නොපෙන්වා වැඩ විතරක් ගත්තා. පස්සේ පස්සෙ කරන්න කෙනෙක් නැති වුණාම සමහර වැඩ දුන්නට අපි දෙන්නම වෙන දේ ගැන හරි හිතේ අමාරුවෙන් හිටියේ. කොහොම හරි අන්තිමට අපි නාලිකාව ඇතුළේ අවලංගු කාසි වුණා. 
 
දේශපාලනය කරනවා නම් දරා ගන්නත් ඕනෑ. ඇයි මේ ඊට එරෙහිව සටන් කරනවා වෙනුවට පලා ගියේ? 
අපේ අවසාන අරමුණ ඡන්දෙ ඉල්ලලා පාර්ලිමේන්තු යන්න නමෛයිනේ. එහෙම අරමුණක් තිබුණා නම් දරාගෙන ඉන්න තිබුණා. අනික අපිට ඕනෑ දෙයක් දරාගන්න පුළුවන්. දරුවන්ට කරදරයක් වෙනවා නම් තවත් බලන් ඉන්න බෑනේ. 
 
ඇයි දරුවන්ට ඇති වෙච්ච ප්‍රශ්න මොනවාද?
අපිට මරණ තර්ජන කරලා නිර්ණාමික දුරකථන ඇමැතුම් ආවා. දරුවන්ව මරනවා කිව්වා. සමහර දවස්වල රාත්‍රියේ වැඩ ඇරිලා එනකොට අපේ වාහන ෆලෝ කළා. අනතුරු කරන්න හැදුවා. අපි ‍පොලීසියේ ඇන්ට්‍රි පවා දාලා තියෙන්නේ. දරුවෝ ගැන බයයි නේ. ඒකයි මේ තීරණය ගන්න තවත් ප්‍රමාද නොවුණේ. 
 
ආයතනයේ සභාපති තුමාත් මාධ්‍යවේදියෙක්නේ. ඔහුට මේ අව නඩුව කිව්වේ නැද්ද? 
කිව්වා විතරක් ‍නෙවෙයි. ලියලාත් දුන්නා. මම හිතන්නේ ඔහුටත් මේ දේශපාලන ක්‍රමය ඉක්මවන්න පුළුවන් කමක් නෑ. 
 
ගියාට පස්සේ යාළු මිත්‍රයෝ කතා කළාද?
ඔව්. ගියා කියලා අපේ ගමන නතර වෙන්නේ නෑනේ. 
 
නොඑන්නම නමෛයි නේද ගියේ?
අ‍පෝ නෑ. අපිට නිදහසේ වැඩ කරන්න පුළුවන් දවසක් උදා වුණාම අපි ආයෙමත් එනවා. 
 
හිමංගි සුලක්ඛනා {jcomments on}

 

IMAGE

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 3618

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 2395

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 3558

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 2120

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 7201

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 4431

Please publish modules in offcanvas position.