Coss Ear2
lakbima.lk
COSS Ear 1

පේෂල මනෝජ් කියන රටම දන්නා සංගීතවේදියාට, එහෙමත් නැත්නම් නිවේදකයාට අපි අද කියනවා සතුට සහ දුක කියන වචන දෙක  කෙටියෙන් විස්තර කරන්න කියලා. ඔබ කොහොමද එය කරන්නේ? 
හොඳ හෝ නරක අවශ්‍යතාවයක් ඉටු කර ගැනීමෙන් පසු දැනෙන හැඟීමට තමයි සතුට කියන්නේ. දුක කියන්නේ හොඳ හෝ නරක අවශ්‍යතාවයක් ඉටු කර ගන්නට නොහැකි වීම නිසා දැනෙන හැඟීමටයි.
 
කලා ජීවිතයේදී ඔබ විඳපු ලොකුම සතුට මතක්කරන්න කීවොත් 
මම බිහි කළ ගෝලයන්ගේ දක්ෂතා දකින හැම අවස්ථාවකදීම මම ගොඩක් සතුටු වෙනවා. 
 
එතකොට ඔබ කලා ජීවිතයේදී විඳපු ලොකුම දුක. 
තබ්ලා සඳහා එක්තරා සම්මුඛ පරීක්ෂණයකට මම ගියාම එතැන හිටපු විනිසුරු මඩුල්‍ලේ අය මගෙන් අහනවා. බෙර ගහන්න බැරිද කියලා ඊට පස්සේ කියනවා මේක ගුරුවරුන්ට වෙන් වූ එකක් මිස කලාකරුවන්ට වෙන්වූ එකක් ‍නෙවෙයි කියලා ඒ වේලාවේ ලොකු දුකක් වගේම තරහකුත් මට ආවා. එහෙනම් ඇයි තබ්ලා සඳහා පරීක්ෂණයක් කියලා නම් කළේ කියලා අහන්න හිතුණත් මම නිහඬව හිටියේ එතැනදි මගේ සදාචාර සම්පන්න බව රැකගන්න ඕන හින්දා. 
 
ඔබ පෞද්ගලික ජීවිතේ විඳපු ලොකුම සතුට මතකද? 
ඉන්දියාවට යන්නට ලැබිම 
 
එතකොට පෞද්ගලික ජීවිතේ විඳි ලොකුම දුක? 
ආයෙම ලංකාවට එන්න සිදු වූ දා දැනුණු   දුක 
 
ඔබට ආදරය සතුටක්ද දුකක්ද? 
ආදරය කියන්නේ බැඳීම, බැඳීම කියන්නේ දුක. ආදරය කියන්නේ තනිකරම දුකක්. 
 
ඒ කියන්නේ ආදරය හින්දා ඔබ සතුටක් විඳලාම නෑ කියන එකද? 
ආදරය කරන කා‍ලේ ආදරේ කරන කෙනාගෙන් බැණුම් අහන එකත් දැනෙන්්නෙ සතුටක් විදියට. ආදරය බිඳිලා ගියාම අතීත මතකයන් සිහිපත් වීමත් දුකක් වගේම තරහකුත් එනවා.
 
එහෙනම් කියන්නකෝ ආදරය හින්දා විඳපු ලොකුම සතුට මොකක්ද කියලා? 
ප්‍රථම ප්‍රේමයේ පළමු දවස තමයි. 
 
ආදරය හින්දා විඳපු ලොකුම දුක ආයෙමත් සිහිපත් කළොත්? 
ඒ ප්‍රථම ප්‍රේ්‍රමය අහිමි වූ දවස තමයි. 
 
පේෂල හින්දා වෙනත් කෙනෙකු වඩාත්ම සතුටු වූ අවස්ථාවි මතකද?  
එක දවසක් නන්දා ආන්ටි (නන්දා මාලිනී) මාව පෙන්නලා අපේ අම්මට කිව්වා, ඔයා හරි වාසනාවන්තයි මේ වගේ දරුවෙක් ලබන්න කියලා ඒ වේලාවේ අම්මට දැනුණු  සතුට මම අම්මගේ ඇස්වලින් දැක්කා. 
 
පේෂල හින්දා වෙන කෙනෙකු වැඩියෙන්ම දුක් වූ අවස්ථාව මතකද? 
මම හිතන්නේ මම කාටවත් දුකක් දීලා නැහැ. 
 
වෙන කෙනෙකු හින්දා පේෂල වඩාත්ම දුක් වූ අවස්ථාව මතකද? 
ඉන්දියාවේ මාත් එක්ක එකට ඉගෙන ගත්තු නිලංග කියලා මිතුරෙක් ලංකාවට ආවට පස්සේ ඩෙංගු හැදිලා මියගියා. ඒ දුක මට ගොඩක් දැනුණා. 
 
වෙන කෙනෙකු හින්දා පේෂල වඩාත්ම සතුටට පත්වූ අවස්ථාව මතකද? 
 ඒක නම් පත්තරේට කියන්න බැහැ. 
 
අනාගතය ගැන හිතද්දී ඔබට දැනෙන්නේ සතුටක්ද දුකක්ද? 
ලොකු සතුටක්. 
 
ආරියවංශ කුලතිලක

ජනප්‍රිය තරු බිහිවෙන්නේ සිනමාව, ටෙලි නාට්‍ය හා සංගීතය තුළයි. ඒ වුණත් ගුවන් විදුලි නාට්‍ය තුළිනුත් ජනප්‍රිය තරු බිහිවූ යුගයක් තිබුණා. 50 - 60 දශකවල ඈත ගම්වල මිනිස්සු රෑට හුළු අතු පත්තු කරගෙන ගුවන් විදුලි යන්ත්‍රයක් තියෙන නිවසට ගොඩ වැදිලා නාට්‍ය අහපු කාලයකුත් තිබුණා. ඒ කාලයේ “මුවන් පැලැස්ස” ගුවන්විදුලි ශ්‍රාවකයින් උන්මාදයට පත්කළ නාට්‍යයක්. කෝර‍ලේ මහත්තයා, මැණිකේ, කදිරා, පිනා, ඩිංගි ගුරුන්නාන්සේ වගේ චරිත ප්‍රේක්ෂකයන්ට තමන්ගේම අය බවට පත්වෙලා තිබූ යුගයක් තමයි ඒ.
මුවන්පැලැස්සේ මැණිකේ විදියට ජනතාව අතරට පැමිණි ඇය ඉන්පසු සිනමාව වේදිකාව, ටෙලි නාට්‍ය තුළටත් තමන්ගේ රංග ප්‍රතිභාව මුසුකළා. ඇය නමින් රත්නාවලී කැකුණවෙල. දශක ගණනක් කලාවේ ඉසව් රැසක් පුරා සිය කුසලතා පළකළ රත්නාවලී අද වනවිට ගිලන් ඇඳේ පසුවනවා. ඇගේ සුවදුක් විමසන්නත්, ඈ පිළිබඳ තොරතුරු බිඳක් ඔබ වෙනුවෙන් ගෙන එන්නත් හිතාගෙන අපි ඇය ජීවත්වන දෙහිවල පිහිටි ඇගේ නිවස වෙත ගියා. සුන්දර සිනාවකින් අපිව පිළිගත්තත් දැන් ඇයට එදා වගේ හරි හරියට කතා කරන්න බැහැ. ඒ හින්දා අපි ඇගේ දියණිය සුරනි කතා බහට එකතු කරගත්තා.
‘අම්මට හිටි හැටියේ මතකය එනවා. ඒත් එක්කම අමතක වෙලා යනවා. නංගි ඉන්නේ විදෙස් ගතවෙලා. පසුගියදා නංගි ලංකාවට ආවම අම්මට නංගිව අඳුන ගන්නත් බැරුව ගියා”. 
1931.01.20 වැනිදා කඩුගන්නාව කොටබෝගොඩ ඉපදිලා රත්මල්ගොඩ මහ විදුහලින් අධ්‍යාපනය ලැබූ රත්නාවලී ඉන්පසුව පවු‍ලේ හැමෝමත් එක්ක කොළඹ ආවා. ඉන්පසු ඇය අධ්‍යාපනය ලැබුවේ කොල්ලුපිටිය ශාන්ත මේරි විදුහ‍ලේ. රත්නාවලිගේ අයියා වික්ටර් මිගෙල්. කොළඹ ගුවන් විදුලියට සම්බන්ධ වුණාට පස්සේ ඔහු තමන්ගේ නැගණියවත් ගුවන් විදුලියට කැඳවාගෙන ගියා. මුදලිනායක සෝමරත්න රචනා කළ “කුරුළු බැද්ද” නාට්‍යයේ එතනහාමි වුණේ ඇයයි. මුදලිනායක සෝමරත්න විදෙස් ගතවු පසුව වික්ටර් මිගෙල් එම නාට්‍යය කරන්න පටන් ගත්තාම එය “මුවන් පැලැස්ස” විදියට වෙනස් කළා. එදා පටන් මැණිකේ වුණේ ඇයයි. පසුකලෙක මුවන් පැලැස්ස නතර වනතුරුම අඛණ්ඩව ඇය එම චරිතයේ රැඳී සිටියා. 
‘අම්මා අන්තිමට රඟපෑවෙත් කෝර‍ලේ මහත්තයා ටෙලි නාට්‍යයේ මැණිකේගේ චරිතය. 2013 දී එහි රූගත කිරීම් කරන්න රන්මිණි තැන්නට ගියාට පස්සේ තමයි අම්මා අසනීප වුණේ. ඒ ටෙලි නාට්‍යයේ මුල් කොටස්වල අම්මා රඟපෑවා. පසු කොටස්වල හිටියෙ වෙන නිළියක්. වයසත් එක්ක ආපු රෝගී තත්ත්වයක් තමයි අම්මට තියෙන්නේ. ප්‍රතිකාරවලට වඩා වැදගත් විවේකීව ඉන්න එක බව වෛද්‍යවරු කියනවා”.
රත්නාවලි කුමාරසිරි මිගෙල් රත්නාවලි කැකුණවෙල බවට පත්වුණේ ‍පොලිස් සේවයේ නියතු ඩේවිඩ් කැකුණවෙල සමග විවාහ වීමෙන් පසුවයි. ඔවුන්ට නාලක, තිලංක, රම්ලිත, ඉන්දික නමින් පුතුන් හතර දෙනෙක් සහ සුරනි, ඕෂධී නමින් දියණියන් දෙදෙනකු සිටිනවා. මුණුපිරි මිණිපිරියන් 9 දෙනෙකු දකින්නත් ඔවුන් වාසනාවන්ත වුණා. 2013 තමන්ගේ ආදරණීය සැමියා වියෝවීමත් රත්නාවලි රෝගී වෙන්න බලපාන්න ඇති කියලා ඇගේ දියණිය පවසනවා. 
අබල දුබල මට්ටමක හිටියත් ඡායාරූපවලට පෙනී සිටිද්දී, අප සමග වදනක් දෙකක් දොඩද්දී රත්නාවලිගේ මුවග සිනාවක් මෝදුවන්නේ ඉබේටම වගේ.
“ආයේ රඟපාන්න කැමති නැද්ද?” අපි ඇයට ළං වෙලා ඇහුවාම ඇය මෙහෙම වචන ගලපන්න ගත්තා. “ඉක්මනට  සනීප වෙලා ආයෙම රඟපාන්න එන්න ඕන...”
හැබැයි ඒ හඬ තුළ එදා මුවන්පැලැස්ස හොල්ලපු මැණිකෙගේ ගාම්භීර හඬ නම් තිබුණේ නැහැ. 
 
ආරියවංශ කුලතිලක
 
ඡායාරූප- ප්‍රියන්ත ගමගේ{jcomments on}
 

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1950

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 1055

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 5009

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2881

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4962

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 6181

Please publish modules in offcanvas position.