Coss Ear2
lakbima.lk
COSS Ear 1

පුංචි තිරයේ මහා කලා මංගල්‍යය හෙවත් සුමති සම්මාන උළෙ‍ලේ හොඳම සංගීත අධ්‍යක්ෂවරයාට හිමි සම්මානය මෙවර හිමිකර ගත්තේ භාගේශ්‍රී ෆොන්සේකායි. ඒ ස්වර්ණවාහිනියෙන් විකාශය වූ “තාරා” ටෙලි නාට්‍ය වෙනුවෙනුයි. භාගේශ්‍රී ෆොන්සේකා වෘත්තියෙන්  විශ්වවිද්‍යාලයේ ශ්‍රී පාලි මණ්ඩපයේ ප්‍රසංග කලා අධ්‍යයනාංශයේ ‍‍‍ජ්‍යෙෂ්ඨ කථිකාචාර්යවරයෙකු ලෙසයි කටයුතු කරන්නේ.
 
මෙවර සුමති සම්මාන උළෙ‍ලේදී වසරේ හොඳම සංගීත අධ්‍යක්ෂවරයා ලෙස සම්මානයට පාත්‍ර වීම ඔබට දැනෙන්නේ මොන විදිහටද?
මේ සම්මානය මට විශාල අභිමානයක්. ඒ වගේම එය මගේ සංගීත ජීවිතයට අති විශාල උත්තේජනයක්ද ලබා දුන්නා. මට ‘තාරා’ නිසා ලැබුණු දෙවැනි සම්මානය තමයි මේක. ඒ වගේම මෙය තමයි සංගීත අධ්‍යක්ෂවරයෙකු ලෙස මට හිමිවූ පළමුවැනි සම්මානය. සම්මානයට නිර්දේශ වී තිබූ ‍‍‍ජ්‍යෙෂ්ඨ සංගීත අධ්‍යක්ෂවරු දෙදෙනෙක් අභිභවමින් මට හොඳම සංගීත අධ්‍යක්ෂ කිරුළ දිනාගන්න පුළුවන් වෙයි කියලා මම හීනෙකින්වත් හිතුවේ නැහැ.
 
තාරා නිසා ඔබට මීට කලිනුත් සම්මානයක් ලැබුණා කියලා ඔබ කිව්වා. මොකක්ද ඒ සම්මානය?
තාරා ටෙලි නාට්‍යයේ පිටපත් රචක නාමල් ජයසිංහගේ හඳුන්වාදීම පරිදි එහි අධ්‍යක්ෂ ආනන්ද අබේනායක මහතා විසින් තාරා ටෙලි නාට්‍යයේ සංගීත අධ්‍යක්ෂණයට මට කරපු ආරාධනාව තමයි මට “තාරා” නිසා ලැබුණු පළවෙනිම සම්මානය විදිහට මම සලකන්නේ. මේ ලැබුණු සුමති සම්මානය මට ලැබුණු විශාලම අභියෝගයකින් මාව සමත් කළ බව කිව යුතුමයි. 
 
ඒ කියන්නේ ‘තාරා’ ටෙලි නාට්‍යය ඔබට අභියෝගයක් වුණාද?
ඇත්තෙන්ම ඔව්, මම නවක සංගීත අධ්‍යක්ෂවරයෙක්. ආනන්ද අබේනායක වගේ දැවැන්ත නිර්මාණකරුවෙකුගේ නිර්මාණයකට දායක වෙන්න ලැබිම පවා මට විශාල අභියෝගයක් වුණා. නමුත් ඒ අභියෝගය සමත් කරලා දුන්නේ හොඳම සංගීත අධ්‍යක්ෂණය වෙනුවෙන් ලැබුණු මේ සුමති සම්මානය තමයි. 
 
‘තාරා’ ටෙලි නාට්‍යය ඔබේ සංගීත රිද්මයෙන් හැඩ කරපු ආකාරයත් ටිකක් මතක් කරමුද? 
‘තාරා’ කියන්නේ ‍ලේ නෑකම් නොමැති උතුම් මාතෘත්වය පිළිබඳව කියවෙන කතාවක්. දරුවෙකු බිහි නොකර වුවත් උත්තම මාතෘත්වයට පත්විය හැකි බවයි තාරා ටෙලි නාට්‍යයෙන් සමාජයට දෙන පණිවුඩය. බොහෝ විට මම මෙහි සංගීතය සඳහා යොදා ගත්තේ පියානෝව. මොකද තාරාහි සංගීතය බෙහෙවින් හැඟීම්බර විදිහට නිමකරන්න මට ඕනෑ වුණා. තාරා ටෙලි නාට්‍යයේ ගීත ගායනයට මගේ දුවලා දෙන්නත් දායක වුණා. ඉතිං මේ සම්මානය නිසාම එයාලගේ සතුටත් දෙගුණ තෙගුණ වුණා. 
 
‘තාරා’ විකාශය කෙරුණු කාලයේදී එහි තේමා සංගීතයට ප්‍රේක්ෂකයන්ගෙන් ලැබුණු ප්‍රතිචාර ගැනත් සිහිපත් කරමු නේද? 
අවර ගණයේ ටෙලි නාට්‍ය සුලබ කාලයක වැදගත් සමාජ කතිකාවතක් නිර්මාණය කළ තාරා ටෙලිනාට්‍යයට සංගීතයෙන් අගනා දායකත්වයක් ලබාදුන් බවට කියමින් බොහෝ දෙනා මාව අගැයුමට ලක්කළා. විශේෂයෙන් මගේ ඕනෑම නිර්මාණයක පළමු ප්‍රතිචාරය දෙන්නේ මගේ ලොකු දුව. මගේ ලොකු දුවට ඉහළ රසඥතාවක් තිබෙනවා. ඇයගෙන් හොඳ ප්‍රතිචාර ලැබෙනවා කියන්නේ ඒ නිර්මාණය හොඳ මට්ටමක තිබෙනවා කියන එකයි. ඒ වගේම අනෙක් ටෙලි නාට්‍යයවල සංගීත නිර්මාණයන්ට වඩා ‘තාරා’ වෙනස්. මොකද මම තාරාවලට සංගීතය නිර්මාණය කළේ ටෙලි නාට්‍ය පිටපත් රචක නාමල් ජයසිංහයන්ගේ තිර රචනයත් සමග රූගත කිරීම් අතරතුරේදීයි.
 
මෙය ඔබේ දක්ෂතාව සහ කැපවීම නිසා පමණක් ලැබුණු සම්මානයක් විදිහට හඳුන්වන්න පුළුවන්ද?
කොහෙත්ම බැහැ. මොකද මේ සම්මානය පිටුපස විශාල පිරිසක් ඉන්නවා. තාරාහි පිටපත් රචක නාමල් ජයසිංහ, අධ්‍යක්ෂ ආනන්ද අබේනායක ඇතුළු ‘තාරා’ ටෙලි නාට්‍යයට දායක වූ දක්ෂ වාදක මඬුල්ලටත් මේ සම්මානයේ ගෞරවය හිමිවෙන්නම ඕනේ. ඒ වගේම මගේ මව විනිතා කරුණාරත්නත. පියා ඩබ්.පී. ෆොන්සේකා, මගේ බිරිඳ වන නිර්මලා ෆොන්සේකා, ලොකු දුව උපාධ්‍යා ෆොන්සේකා සහ ‍පොඩි දුව ශෝභා ෆොන්සේකා වගේම මට දැනුම ලබා දුන් සියලු ගුරුවරුන් මේ සම්මානය ලබා ගන්න මට විශාල ශක්තියක් වුණා. 
 
විශ්වවිද්‍යාල සංගීත කථිකාචාර්යවරයකු වන ඔබ දක්ෂ සංගීත අධ්‍යක්ෂවරයෙකු වීමට සංගීතය ගැඹුරින් හැදෑරීමේ අවශ්‍යතාව දකින්නේ කොහොමද?
හොඳ සංගීත අධ්‍යක්ෂවරයකු වීමට එක්කෝ සංගීතය හදාරන්න ඕනේ නැත්නම් සංගීතය ගැන පර්යේෂණ කරන්න ඕනේ. උදාහරණයක් විදිහට කීවොත් කේමදාස මාස්ටර්ට සංගීතය ගැන උපාධි ගණනාවක් නැහැ. ඒත් ලංකාවේ හිටපු වටිනාම සංගීත අධ්‍යක්ෂවරයා තමයි එතුමා. ඒ සංගීතය ගැන පුළුල් පර්යේෂණ ඥානයක් තිබූ නිසායි ඔහුට එවැනි තත්ත්වයකට ළඟා වෙන්න හැකි වුණේ. 
 
ඔබ තව නොබෝ දිනකින් විදේශ ගතවෙන්නෙත් සංගීතය ගැන වැඩිපුර හදාරන්නද? 
ඔව්, මම මේ දිනවල ඉන්දියාවට යන්න සූදානමිනුයි ඉන්නේ. ඒ මගේ ආචාර්ය උපාධිය වෙනුවෙන් කළයුතු සංගීත පර්යේෂණ කටයුත්තක් වෙනුවෙන්.
 
සමන්මලී නැලිගම
ඡායාරූප - ලක්මාල් වසන්ත

ලොව පුරා සිනමා රසිකයන් කලබලයකට ලක් කරනා සුළු පුවතක් පසුගිය අගෝස්තු මාසයේ සිදු විය. එ් ලෝක ප‍්‍රකට ක‍්‍රියාදාම නළුවකු වන ටොම් කෲස් ‘මිෂන් ඉම්පොසිබල්’ චිත‍්‍රපට මාලාවේ හයවැන්නේ රූපගත කිරීමක් අතරතුර බරපතළ ලෙස අනතුරකට ලක්වීමේ පුවතයි. ඔබ බටහිර ක‍්‍රියාදාම චිත‍්‍රපටවල රසිකයකු නම් දැනටමත් මේ පුවත නොදන්නවා විය නොහැකි ය. ලන්ඩන් නුවර දී සිදුකෙරුණු මේ රූපගත කිරීමේ දී ටොම් කෲස් උඩින් පනින දැර්ශනයක් සදහා පෙනී සිටි අතර උඩින් පැනීමේ දී ඔහුගේ ඉලක්කය යම් ආකාරයකින් වැරදී යාම නිසා මෙම අනතුර සිදු වූ බැව් දක්නට හැකි විය. 
සාමාන්‍යයෙන් සිනමා නළුවන් අනතුරුදායී දර්ශන ස`දහා පෙනී සිටින්නේ නැත. එ්වා සදහා පෙනී සිටීමට වෙනත් අතිරේක නළුවන් යොදාගැනීම සාමාන්‍ය සිරිතය. නමුත් ටොම් කෲස් යනු කෙතරම් අවදානම් දර්ශනයක් රූගත කළ ද තමා වෙනුවෙන් ආදේශක නළුවකු යොදාගැනීමට අකැමැති වර්ගයේ පුද්ගලයෙකි. එසේ වෙනත් පුද්ගලයෙකු යොදා ගත්තේ නම් මෙවැනි අනතුරකට ඔහු ලක්වන්නේ ද නැත. කෙසේ නමුත් මෙම අනතුරෙන් ඔහුගේ සිරුරේ ස්ථාන හයක අස්ථි බි`දී ගොස් ඇති බවත්, වැඩිදුර ප‍්‍රතිකාර ස`දහා ඇමෙරිකාව බලා පිටත්ව ගිය බවත් පුවත්වලින් කියැවිණි. ‘මිෂන් ඉම්පොස්බල්’ චිත‍්‍රපට මාලාවේ හයවැන්න ලබන වසරේ ජූලි මාසයේ දී තිරගත කිරීමට සියලූ සැලසුම් පිළියෙළ කොට තිබුණ ද මෙම අනතුර නිසා එහි රූ ගත කිරීම් මාස කිහිපයක් දක්වා කල් දැමීමට සිදු වී ඇත.
මෙයට පෙර ද ටොම් කෲස් සිනමා රූගත කිරීම් සදහා මෙවැනි අවදානම් ක‍්‍රියා රැුසක් සිදු කොට ඇති නළුවෙකි. 
‘නයිට් ඇන්ඞ් ඬේ’ චිත‍්‍රපටයේ දී සිය සතුරන් තමා පසුපස ලූහුබැද එද්දී යතුරු පැදියකින් පෙන්වන විස්කම 
එවැන්නකි. ‘ජැක් රීචර්’ චිත‍්‍රපටයේ කාර් රථයකින් ලූහුබැ`ද යාම, ‘කොලැටරල්’ චිත‍්‍රපටයේ වෙඩි තැබීමේ දර්ශනය, ‘මිෂන් ඉම්පොස්බල් 2’ හි කදු නැගීම, ‘එඞ්ජ් ඔෆ් ටුමෝරෝ’ හි දිවීමේ සහ අවදානම් සහිත පැනීමේ දර්ශනය ද මේ අතර වේ. එමෙන්ම ‘ද ලාස්ට් සමුරායි’ හි සටන් ජවනිකා වඩාත් තාත්වික කරගැනීම සදහා ඔහු සමුරායි සටන් කලාව මාස හයක් තිස්සේ් හැදැරූ බැව් වාර්තා වේ. එමෙන්ම රූ ගතකිරීමේ දී අනතුරක් සිදු වේ යැයි සැක තිබුණු නිසා මුලින් තීරණය කොට තිබුණේ සම්මත දිගට වඩා අඩු අසිපත් භාවිත කරන්නට වුව ද ටොම් කෲස් එය ප‍්‍රතික්ෂේප කළේය. අනෙක එ්වා සැබවින්ම තියුණු අසිපත් විය යුතු බව ද ඔහු පවසා තිබේ. මෙම අසිපත් භාවිත කිරීම නිසා සටන් ජවනිකාවක දී තව මොහොතකින් ඔහුගේ ගෙළ කැපී යන්නට ඉඩ තිබුණු බව පෙනුණි. ඔහුගේ අවදානම් සහිත ක‍්‍රියාවන් තවත් බොහොමයක් සදහන් කළ හැකිය. කෙසේ නමුත් මෙවර ඔහුගේ ඉලක්කය යම් ආකාරයකින් වැරදී යාමෙන් මේ අනතුර සිදු විය.
1962 ජූලි 3 වැනිදාවක උපන් ටොම් කෲස්ගේ මුල්ම සිනමා පටය වන්නේ ‘එන්ඞ්ලස් ලව්’ ය. ඔහු ඇකඩමි සම්මානය ස`දහා තෙවරක් යෝජනා වූවෙක් වූ අතර ගෝල්ඩන් ග්ලෝබ් සම්මානය තෙවරක්ම දිනා ගත්තෙකි. 2012 වසරේ දී හොලිවුඩයේ වැඩිම ගෙවීමක් ලද නළුවා වූයේ ටොම් කෲස් ය. ඔහුගේ චිත‍්‍රපට 49න් 16ක්ම ඇමෙරිකාව තුළදී පමණක් ඇමෙරිකානු ඩොලර් මිලියන 100කට වඩා ආදායම් උපයා තිබේ. චිත‍්‍රපට 23ක් මුළු ලොව පුරා ප‍්‍රදර්ශනය කිරීමෙන් ඇමෙරිකානු ඩොලර් 200කට වඩා ආදායමක් ලබා තිබේ. 2017 සැප්තැම්බර් මාසය වෙද්දී ටොම් කෲස්ගේ චිත‍්‍රපට ඇමෙරිකාව සහ කැනඩාව තුළ පමණක් තිරගත කිරීමෙන් ලබා ඇති ආදායම් දළ වශයෙන් ඇමෙරිකානු ඩොලර් බිලියන 3.7 ක් වන අතර ලොව පුරා ප‍්‍රදර්ශනය කිරීමෙන් ලබා ඇති ආදායම ඇමෙරිකානු ඩොලර් බිලියන 9 කි.
ටොම් කෲස්ගේ ළමා කාලය සතුටින් ගෙවී ගිය එකක් නොවේ. ඔහුගේ පියා දරුණු ලෙස දරුවන්ට පහර දුන්නෙක් විය. කෙසේ නමුත් පියාගේ ජීවිතයෙන් තමා උගත් පාඩම් ජීවිතය හරි මගට ගැනීමට ඉවහල් වූ බව ටොම් පවසයි. 
ටොම් කෲස්ගේ රංගන දිවිය කෙතරම් සාර්ථක වුව ද පෞද්ගලික දිවිය එතරම් සාර්ථක නැතැයි පෙනෙන්නේ ඔහු මේ වන විට තිදෙනෙකු හා විවාහ වී එ් තිදෙනාගෙන්ම දික්කසාද වී ඇති නිසාය. ඔහු 1987 දී මිමී රොජ්ර්ස් නම් නිළිය සමග විවාහ වූ අතර එය 1990 කෙළවර විය. ඉන් පසුව නිකොල් කිඞ්මන් නම්  ඕස්ටේ‍්‍රලියානු නිළිය සමග 1990 දී විවාහ වූ අතර 2001 දී එය කෙළවර විය. අවසන් වශයෙන් 2006 වසරේ දී ඇමෙරිකානු නිළියක වන කැටී හෝම්ස් හා විවාහ වූ අතර එය 2012 දී කෙළවර විය. මේ විවාහ තුනේම ප‍්‍රතිඵලයක් ලෙස ඔහු දරුවන් තිදෙනෙකුගේම පියෙකු වන නමුත් මේ තිදෙනොගෙන් දෙදෙනෙකු දරුකමට හදාවඩා ගත්තවුන් වන අතර ටොම් කෲස් සැබෑ ලෙස ජෛව විද්‍යාත්මකව පියා බවට පත්ව ඇත්තේ එක් දරුවෙකුට පමණි. ඇය කැටී හෝම්ස් නිසා ඔහුට ලැබුණු දියණියයි. ඇය නමින් සූරි ය. කෙසේ නමුත් දික්කසාදය නිසා ඔහුට සූරිව බැලීමට පවා අවසර තිබුණේ නැත. මේ නිසා ඔහු සූරිව බලන්නට යාමට සූදානම් වීම පවා හොලිවුඩයේ පුවතක් බවට පත්ව තිබේ.
ටොම් කෲස්ගේ විවාහයන් මේ ආකාරයෙන් කෙළවරවීමට ඔහුගේ පවතින සෙල්ලක්කාර බව ද ඉවහල් වී ඇතැයි බොහෝ දෙනෙකු පවසති. ඔහුට පෙම්වතියන්ම 12 දෙනෙකුටත් වඩා සිට ඇති බැව් කනින් කොනින් ආරංචි වේ. ලෝරා ප‍්‍රිපොන්, යොලන්ඩා පෙකොරාරෝ, සොෆියා වර්ගාරා, නසානින් බොනියාඩි ආදී වශයෙන් වූ නිළියන්, අධ්‍යක්ෂවරියන්, නිෂ්පාදකවරියන් කලින් කලට ඔහුගේ පෙම්වතියන් බවට පත්ව ඇත.
දැනට දැනගන්නට ලැබී ඇති පරිදි මිෂන් ඉම්පොසිබල් චිත‍්‍රපට කතා මාලාවේ 6 වැන්නේ ඔහු සමග රංගනයේ යෙදෙන රෙබෙකා ෆර්ගියුෂන් සමග ටොම් කෲස් ඉදිරියේ දී විවාහ වන්නට සූදානම් වන බැව් ද හොලිවුඞ් පුවත්වලින් පැවසෙයි.
 
නිරංජන් චාමින්ද කරුණාතිලක{jcomments on}

 

IMAGE

නෙලා සමග ඔබ හමුවට එන බෙනට්ගේ පුතා

IMAGE 2018 Feb 25 14:21
අද වෙද්දී උදාර රත්නායක කියන්නේ නළුවෙක්ද? එහෙමත් නැතිනම් දේශපාලනඥයෙක්ද? නළුකම මගේ වෘත්තිය...
Views - 625

මගෙන් නම් සල්ලි ඉල්ලුවේ නෑ ඒත් මේ වගේ කතාවක් නම් කිව්වා

IMAGE 2018 Feb 25 14:08
මේ වෙද්දී ඉන්දිකාගේ කලා දිවිය දශක දෙකකටත් එහා ගිය එකක් නේද? ඔව්. මම මුලින්ම ක්‍ෂේත්‍රයට එකතු...
Views - 1138

රනිල් සල් සපු නා හැර ගියේ ඇයි?

IMAGE 2018 Feb 25 13:52
“සල් සපු නා” ටෙලි නාට්‍යයේ දැන් රනිල්ව දකින්නට ලැබෙන්නේ නැහැ. ඇයි ඒ ? මම තාවකාලිකව ‘සල්...
Views - 999

තාත්තගේ අකමැත්තෙන් රඟපාන්න ආපු උපාසක අම්මා

IMAGE 2018 Feb 25 12:18
කොහොමද ඔබට අංජනා එහෙමත් නැත්නම් උපාසක අක්කා වෙන්න අවස්ථාව ලැබුණේ? මාව උපාසක අම්මා කළේ...
Views - 771

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 5426

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 3587

Please publish modules in offcanvas position.