Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

අම්මා එක්ක ගියාම නංගිද කියලා අහනවා
 ඉතින් මලීෂා කොහොමද ජීවිතේ?
ඉන්නවා ඉතින් වෙනදා විදියටම.
 දැන් මලීෂා ලොකු ළමයෙක්නේ?
ඔව්. මට දැන් අවුරුදු 19යි.
 එතකොට නංගිට?
එයාට අවුරුදු 11යි. නංගි මට වඩා අවුරුදු 8ක් බාලයිනේ.
 මලීෂා දැන් තරුණ ගෑනු ළමයෙක්. මේ තරුණ දුවෙක්ට තමන්ගේ සිතැඟි හුවමාරු කරගන්න අම්මා ළඟින්ම ඉන්න ඕනෑ කාලයක්?
මම හුඟාක් කිට්ටු තාත්තාට. තාත්තාට වඩා අම්ම දැන් කාර්ය බහුලයි. මම මගේ දේවල් හුඟාක්
ෂෙයා කරගන්නේ තාත්තා එක්ක. මම තාත්තාට හැමදේම කියනවා.
 අම්මාට කිට්ටු නෑ කියලද ඔය කියන්නේ?
නෑ..... නෑ...... අම්මටත් හංගන්නේ නෑ. වැඩිපුරම ගෙදර ඉන්නේ තාත්තානේ. තාත්තා තමයි මගේ හොඳම යාළුවා.
 මලීෂාගේ තාත්තා දක්ෂ අධ්‍යක්ෂවරයෙක්, නළුවෙක්. අම්මා නිළියක් එහෙම වෙලත් මලීෂා තාමත් රංගන
ක්ෂේත්‍රයට එන්න ප්‍රමාද ඇයි?
මම කැමති නෑ රඟපාන්න.
 පුංචිම කා‍ලේ රඟපෑවනේ?
ඔව්. ඒ නොදන්න කා‍ලේනේ. තාත්තාගේ ටිකිරි හපන්නු ටෙලි නාට්‍යයේ. ඊට පස්සේ රඟපෑවේ නෑ.
 මොකක්ද අකමැත්තට හේතුව?
විශේෂ හේතුවක් නෑ. මම හිතනවා රඟපෑමට මම දක්ෂ නෑ කියලා. මම කැමති ගායනයට. ඒත් දැන්ම ඒ ගැනත් හිතන්නේ නෑ. අධ්‍යාපන කටයුතු ඉවර කරලා සංගීතයත් හදාරලා ඊට පස්සේ මගේම කියලා ගීතයක් කරන්න හිතාගෙන ඉන්නවා. ඒකත් පූර්ණ කාලීන කරන්නේ නෑ. ගායනය මගේ විනෝදාංශයක් විතරයි.
සමහර කලාකරුවන්ගේ ළමයි පුංචි කාලෙම ක්ෂේත්‍රයට ඇවිත් අම්මලා තාත්තලාට වඩා ජනප්‍රිය වෙනවා. සමහරු කලා ක්ෂේත්‍රය ගැන දක්වන්නේ උදාසීනකමක්. මට හිතෙන විදියට මලීෂා අයිති වෙන්නෙ ඔය දෙවැනි කොට්ඨාසයට?
ඔව්. අනික අම්මයි තාත්තයි මට බලපෑම් කරන්නෙත් නෑ. කලාවට සම්බන්ධ වෙන්න කියලා. ඒ නිසා මම මගේ පාඩුවේ ඉන්නවා.
 ගයාත්‍රියි චන්නයි කියන්නේ අපේ කලා ක්ෂේත්‍රයේ ඉන්න නළු නිළියන් අතරින් දවසෙන් දවස වයසට යනවා වෙනුවට දවසෙන් දවස තරුණ වෙන දෙන්නෙක්. ඒ ගැන දුව විදියට මලීෂාට ආඩම්බර ඇති?
මට නම් ඒක මහා වදයක්. මට හිතෙන්නේ ඒ දෙන්නා ඉස්සරහ මම වයසයි කියලා. මොකද තාත්තත් එක්ක ගියොත් ඨඪපත ටපඪඥදඤ කියලා අහනවා. අම්මා එක්ක ගියාම නංගිද කියලා අහනවා. මම ඒකට කැමති නෑ. ඒ නිසා මම ඒ දෙන්නත් එක්ක වෙන වෙනම තනියෙන් එළියට යන්නත් කැමති නෑ.
 අම්මයි දුවයි අක්කයි නංගියි වගේ ඉන්න කොච්චර ආඩම්බරද? 
අම්මා ඒ ගැන ආඩම්බර වෙනවා ඇති. ඒත් මම නම් ඒකට එච්චර ආස නෑ.
 අනාගතයේ කවුරු වෙන්නද කැමති?
ව්‍යාපාර ක්ෂේත්‍රයෙන් ඉදිරියට යන්න ඕනෑ.
 මලීෂා මාධ්‍ය ඉස්සරහට එන්නත් අකමැතිලු නේද?
ඔව්. වැඩසටහන්, ෆොටෝ ෂූට්වලට සහභාගි වෙන්නත් මම වැඩිය ආස නෑ. ඒත් අම්මයි තාත්තයි වෙනුවෙන් සහභාගි වෙනවා. ෆොටෝ ෂූට්වලදී හරියට ඉන්නේ නෑ කියලා අම්මාගෙන් බැණුම් අහන වෙලාවලුත් තියෙනවා. ඔයාලගේ මේ ෆොටෝ ෂූට් එකේදීත් ඉතින් සුපුරුදු විදියට අම්මා මට දොස් කිව්වා. මම ගැන දන්න නිසාම අම්මයි තාත්තයි එයාලත් එක්ක මාධ්‍ය ඉස්සරහට යන්න වුණොත් කල් ඉඳන්ම ඉන්න ඕන විදිය කියලා මට උපදෙස් දෙනවා.
 ජනප්‍රිය අයට ඉක්මනින් කට කතා හැදෙනවා. අම්මා, තාත්තා, ගැන විවිධ විදියෙ කට කතා හැදෙද්දී මලීෂාගේ ප්‍රතිචාරය මොකක්ද?
අම්මයි, තාත්තයි, ඒ දේවල් ගණන් ගන්නේ නෑ. ඒ දෙන්නට ඒවා ප්‍රශ්න නොවෙන කොට අපිට ඒවා කොහොමත් ප්‍රශ්නයක් නමෛයිනේ. කවුරු මොන දේ කිව්වත් අපි අපේ අම්මයි තාත්තයි ගැන දන්නවානේ. එයාලට අපි තරම් වටින කිසිම දේකුත් නෑ. අපිටත් එයාලා තරම් වටින කවුරුත් ඇත්තෙත් නෑ.

හිමේෂා සවන්ති රාජපක්ෂ

ඡායා:-
අසන්ත ගමආරච්චි

පුතාට තවම මාස හතරයි. ගයේෂා දැන්මම නිළියක් විදිහට කාර්ය බහුල වෙලා නේද? 
ඇත්තටම පුතාට මාස හයක් හතක් යනතුරු වැඩක් කරන්නෙ නෑ කියලා හිතාගෙනයි හිටියේ. ඒත් හදිස්සියේම මිල්ලෑව වලව්ව විකාශනය ආරම්භ වුණා. ඒක අපි හුඟක් ආසාවෙන් බලාගෙන හිටපු නාට්‍යයක්. ඉතිං එහි ඉතුරු රූගත කිරීම් සිද්ද කරන්න මට සිද්ධ වුණා. මම මග ඇරියා නම් නාට්‍යයට හානියක් කළා වෙනවානේ. ඒ නිසා පුතාටත් අසාධාරණයක් නොවෙන විදිහට මම රූගත කිරීම්වලට සහභාගි වුණා.
 
අම්මාට ෂූටින් නිසා පුතාට පිටිකිරි ‍පොවන්න ඇති?
අ‍පෝ නෑ. එයා තාම බොන්නේ මව්කිරි විතරමයි. මගේ වැඩ පටන් ගත්තත් මම එයාට අසාධාරණයක් කරන්නේ නෑ කිව්වේ ඒකයි. රූගත කිරීම් අසලම තැනක් අරගෙන මම පුතාව එක්ක යනවා. එයාගේ තනියට මගේ හරි හසන්ජිත්ගෙ හරි අම්මයි, සේවිකාවකුයි ඉන්නවා. සමහර දවසට අපි දෙන්නගේ අම්මලා දෙන්නම එනවා. මමත් පැය දෙකෙන් දෙකට ඇවිත් කිරි දීලා යනවා. අතර මැදදී බඩගිනි වුණොත් කියලා කිරි දොවලා තියලත් යනවා. ඒ නිසා මගේ පුතාට අම්මාගේ වැඩ නිසා අසාධාරණයක් වෙන්නේ නෑනේ.
 
පුතා ලැබුණට පස්සෙත් ගයේෂා හැඩරුව ගැනත් හිතනවා වගේ?
පුතා ලැබෙන්න කලින් මගේ බර කිලෝ50යි. පුතා ලැබෙන්න ඉන්නකොට කිලෝ 75ක් වුණා. දැන් ආයෙමත් කිලෝ 55ක් වෙලා තියෙනවා. කිරි දෙන නිසා තවම ආහාර පාලනය කරන්නේ නෑ. ඒත් යෝග ව්‍යායාම නම් කරනවා. අම්මා කෙනෙක් වුණත් තමන් ගැනත් හිතන්න ඕනෑ නේ.
 
ගයේෂා කියන්නේ රංගන ශිල්පිනියක් ලෙස අභියෝගවලට මුහුණ දුන් කෙනෙක් ඔබ ආන්දෝලනාත්මක චරිතවලට වුණත් නොබියව ඉදිරිපත් වුණා. දැන් ඔබ මවක්. ඉදිරියේදීත් ආන්දෝලනාත්මක චරිත ලැබුණොත් බාර ගන්නවාද? 
වෙනත් රටවල නම් රංගන ශිල්පිනියකට රංගනයේදී තමන්ගේ පෞද්ගලිකත්වය වැදගත් නෑ. ඒත් අපේ රටේ ඒ නිදහස නෑ. මිනිස්සු රංගන ශිල්පීන් ශිල්පිනියන් මනින්නේ ඔවුන් කරන චරිතවලින් මිසක් හැබෑ ජීවිතයෙන් නමෛයි. ඒ නිසා පෞද්ගලික ජීවිතයේ කොයිතරම් අඩව් කස්තිරම් ඇල්ලුවත් බොහොම අහිංසක ලඳ බොළඳ චරිත රඟපාන අය අපේ ලංකාවේ මිනිස්සුන්ට හරි හොඳයි. මොකද ඒ අය නළු නිළියන්ගේ චරිතය තීරණය කරන්නේ එයාලා රඟපාන චරිතවලින් නිසා. සමාජයට පණිවිඩයක් දෙන්න කලාත්මක නිර්මාණයක කළු චරිතයක් කළත් ඒ අය අපිව මනින්නේ ඒ චරිතයේ ස්වභාවයෙන්. පහුගිය කාලයේ මට ඒ පිළිබඳව හොඳ අත්දැකීම් ලැබුණා. ඒ නිසා දැන් මට දරුවෙක්, සැමියෙක්, පවුලක් තියන නිසා චරිත බාර ගනිද්දී මිනිසුන්ගේ සිතුවිලි ගැනත් ඉස්සරහට හිතන්න වෙනවා.
 
ගයේෂා ඔය කතා කරන්නේ කලකිරීමෙන්ද?
පෞද්ගලික ජීවිතයෙන් නම් කලකිරෙන්න මට කිසිම හේතුවක් නෑ. මොකද මම වාසනාවන්ත දුවෙක්, බිරියක්, අම්මෙක්. ඒත් කලා ක්‍ෂේත්‍රය ගැන නම් කලකිරීම් නැතුවාම නමෛයි. 
 
ඔබේ සැමියා හංසජිත් නම් දැන් පූර්ණකාලීනව ව්‍යාපාරවලට යොමු වෙලානේ. ගයේෂාගේ අදහසක් නැද්ද ව්‍යාපාරයක් කරන්න?
ව්‍යාපාරයක් කෙසේ වෙතත් කාලයක ඉඳන් මගේ ලොකු ආසාවක් තියෙනවා අලුත් ළමයින්ට නිරූපණ ශිල්පය පිළිබඳ හරි දැනුමක්, මග පෙන්වීමක් කරන ආයතනයක් ආරම්භ කරන්න. මට එහෙම හිතුණෙම පහුගිය කා‍ලේ අපේ අය එක එක්කෙනාට රැවටිලා රූප රැජින තරගවලට ගිහින් අමාරුවේ වැටෙනවා දැක්කහමයි. ඇත්තටම එහෙම වෙන එක රටටත් හොඳ නෑ.
 
ගයේෂාත් විවාහක රූ රැජින තරගෙට ඉදිරිපත් වෙන්න දැන්ම ඉඳන්ම පිඹුරුපත් හදනවා වගේ ?
මේ තියෙන තත්ත්වයත් එක්ක නම් මට ලංකාවේ විවාහක රූ රැජින වෙන්න නම් කිසිම වුවමනාවක් නෑ. මොකද ඒ තරගයේ කිසිම ප්‍රමිතියක් නෑ. ඒ වගේම තමයි රටවල් නවයකින් දහයකින් එන තරගකරුවන් සහභාගි වෙන, ඒත් නැත්නම් එන ඔක්කොටම මොකක් හරි කිරුළක් දෙන, හැම රටකටම මිනි ටයිටල් දෙන තරගයකට ගිහින් කිරුළ දිනාගෙන එන්නත් මට ඕන කමක් නෑ. මම යනවා නම් යන්නේ ලෝකය පිළිගත්ත රටවල් ගණනාවකින් සහභාගී වෙන වටිනාකමක් තියන තරගයකට විතරයි. එහෙම නැතුව යන්නන් වා‍ලේ යන්නේ නෑ. 
 
හිමේෂා සවන්තී රාජපක්ෂ
ඡායා- අසන්ත ගමආරච්චි
IMAGE

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 2326

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 1539

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 815

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 1827

ඒ ආදර කතාව ඉවරයි මම දැන් සින්ගල්

IMAGE 2017 Nov 19 17:31
සිරස ජුනියර් සුපර් ස්ටාර් කියන්නේ මේ දවස්වල ප්‍රේක්ෂකයන් ආදරයෙන් වැළඳ ගත් රියැලිටි...
Views - 5464

කේන්ද්‍රයක මාරක අපල තිබීමටත් වඩා නොතිබීම භයානකය

IMAGE 2017 Nov 19 15:19
මහජන බැංකු විශ්‍රාමික සංගමයේ පිළියන්දල කැස්බෑව ශාඛාවේ අටවන සංවත්සරික සභාව පසුගිය...
Views - 3413

Please publish modules in offcanvas position.

Web Analytics