Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

හේෂාන් ගමගේ නමැති සංගීතඥයාගේ ගීත නිර්මාණ මොනවාද යනවග ගැන බොහෝ දෙනාට එතරම් අවබෝධයක් නොමැති වන්නට පුළුවන්. නමුත් ඔහු සංගීතය ගැන මනා දැනුමක් එක්රැස් කරගත් අයකු බව නම් බොහෝ අය දන්නවා. එපමණක් නොවෙයි. රියැලිටි ගායනා තරග විනිසුරුවරයකු ලෙසත් හේෂාන් කලක පටන් ප්‍රකටව සිටිනවා. මේ දිනවල ඔහුව පුංචි තිරයෙන් දැක ගන්නට ලැබෙන්නේ සිරස ජුනියර් සුපර් ස්ටාර් රියැලිටි වැඩසටහනේ විනිසුරුවරයකු ලෙසයි. 
 
ඉන්දියාවට ගිහින් ඉගෙන ගෙන සංගීතයෙන් ලොකු පෙරළියක් කරනවා කියලා හිතාගෙන ලංකාවට ආපු හේෂාන් අද වෙද්දී රියැලිටි තරගවල විනිසුරු භූමිකාවෙන් පමණක් ජනතාව ඉදිරියට එන චරිතයක් බවට පත්වෙලා නේද? 
එහෙමම කියන්න බෑ. හැබැයි මගේම කියලා ගීත නොමැතිකම මට තියෙන ලොකු පැමිණිල්ලක් බව නම් මමත් දන්නවා.
 
ඔය කියන පැමිණිල්ල ඇහෙද්දී ඔබට මොනවාද හිතෙන්නේ? 
එහෙම වෙලාවට ඒ ගැන මම පෙරළා මටම පැමිණිලි කරගන්නවා. 
 
ඒ පැමිණිල්ල ගැන හේෂාන්ට කියන්න නිදහසට කරුණු තියෙනවාද? 
කලාකරුවෙකුට නිර්මාණ කරන්න ලොකු නිදහසක් අවශ්‍යයි. මම කාලයක පටන් සෞන්දර්ය කලා විශ්වවිද්‍යාල කථිකාචාර්යවරයෙක් විදියටත් සේවය කරනවා. ඒ හැරුණාම මගේම කියලා සංගිත ඇකඩමියක් තියෙනවා. අලුත් ගීිත ගායනා කරලා ගායකයෙක් විදිහට ඉදිරියට නාවාට මම දැනටමත් හොඳ ගෝල පිරිසක් හදලයි තියෙන්නේ. 
 
ගායකයෙක් විදිහට තමන්ගේ අනන්‍යතාවයක් ගොඩනගා නොගෙන ගෝලයන්ට දැනුම බෙදා දීම විතරක් ප්‍රමාණවත්ද?
මා සම්බන්ධයෙන් මේ විදිහේ තත්ත්වයක් ඇතිවෙන්න එක හේතුවක් තමයි සංගීතය විකුණන්න මගේ තිබෙන අකමැත්ත. මගේ තාත්තා හෙක්ටර් කුමාරසිරි වේදිකා නාට්‍ය සහ චිත්‍රපට අධ්‍යක්ෂවරයෙක්. මම පුංචි කා‍ලේ ඉදන්ම හීන දැක්කේ මම කවදාහරි තාත්තා වගේ කලාකරුවෙක් බවට පත්විය යුතුයි කියලා. හැබැයි ඒ තැනට තවමත් ළංවෙන්න බැරි වෙන විදිහේ බාධක මා ඉදිරියේ තිබෙනවා.
 
මොනවාද ඔය කියන බාධක?
මාධ්‍ය වලට මුදල් දීලා ගීත ප්‍රචාරය සිදුවෙන විදිහේ වාතාවරණයක් තමයි අද සංගීත ක්ෂේත්‍රයේ තියෙන්නේ. ඒ විතරක් ‍නෙවෙයි රජයෙන් කලාවට ලැබෙන සහයෝගය අවම වීම වගේ ගැටලුවලටත් අපේ පරපුරට අද මුහුණ දෙන්න සිද්ධ වෙලා තියෙනවා.
 
සංගීත ක්ෂේත්‍රයේ ඇතැම් කාරණා ගැන ඔබ කළකිරීමෙන් සිටින බවයි ඔබේ කතා බහෙන් හැඟෙන්නේ.
ඉන්දියාවේදී උස්තාද්වරයකුගෙන් ගුරුකුල් පරිසරයකයි මම සංගීතය හැදෑරුවේ. නියම කලාකරුවෝ කවුද? සැබෑ සංගීතය මොකක්ද? වගේ දේවල් මම එහිදී දැක්කා. ඒ නිසා අපේ රටේ සංගීත ක්ෂේත්‍රයේ පවතින සමහර හරයක් නැති දේවල් එක්ක මට එකතුවෙන්න බැහැ. 
 
කොහොම නමුත් අන්තර්ජාලයේ සොයා බලන කෙනෙකුට ඔබේ ගීත කිහිපයක් හොයාගන්න බැරිකමක් නැහැ? 
ඒවා විවිධ අවස්ථාවල මගේ මිතුරන්ගේ ඉල්ලීම් වලට අනුව ගායනා කළ ගීත. 
මට තව සංගීතය ගැන ගොඩක් දේවල් ඉගෙන ගන්න තියෙනවා. මට හිතෙන විදියට මම තවම මගේ ගමන පටන් ගත්තා විතරයි.
 
මේ දිනවල ඔබ සිරස ජුනියර් සුපර් ස්ටාර් වැඩසටහන් විනිසුරුවරයෙක් විදිහට කටයුතු කරනවා. එතැනදී ඔබ අනෙක් විනිසුරුවන් දෙදෙනාත් සමග එකතුවෙලා කලින් සැලසුම් කරපු පිටපතකට අනුව නේද වැඩ කරන්නේ? 
කොහෙත්ම නැහැ. විනිශ්චයකරුවන් විදිහට මට ඒ වැඩසටහනේදී පෙර සැලසුම් කිසිවක් නැහැ. ඒ වෙලාවට මට දැනෙන හැඟීම් තමයි මම එළියට දාන්නේ. 
 
නමුත් ඔබ ප්‍රදීප් රංගන සහ අභිෂේකා විමලවීර යන විනිසුරුවන් තිදෙනාගේ ඇතැම් උදේ‍යා්ගිමත් ප්‍රතිචාර දකින ප්‍රේක්ෂකයන්ට ඒ ගැන සැකයක් ඇති වීම පුදුමයක් ‍නෙවෙයි? 
ජුනියර් සුපර් ස්ටාර් වැඩසටහනේ සාර්ථකත්වයට 50කට වැඩි දායකත්වයක් එහි විනිශ්චයකරුවන්ගෙන් ලැබෙනවා. එහිදි සීරුවෙන් පුටුවේ වාඩි වී ගෙන ඉඳලා අපේ මත ප්‍රකාශ කරන්න අපට බැහැ. සමහර වෙලාවට වැඩසටහන අතරතුරදී අපි කරන විකාර වැඩ වලට කැමරා කණ්ඩායම පවා අපහසුතාවයට ලක්වෙන අවස්ථා තියෙනවා. හැබැයි ඒ කරන දේවල් බොරු මවාපෑම් ‍නෙවෙයි. 
 
වැඩසටහනේදී දරුවන් සමග වැඩ කරන විට සංවේදී අවස්ථාවන්ට මුහුණ දීමට සිදුවෙනවා නේද? 
ඔව්. වැඩසටහනේ තරගකරුවන් අතරේ ඉන්නවා යන්තමින් ඡායාවක් විදිහට පමණක් ඇස් පෙනෙන දරුවෙක්. ඔහු අපූරුවට ගී ගයද්දී මම හුඟක් සංවේදී වුණා. තවත් දරුවෙක් සුජාතා අත්තනායක මහත්මියගේ ගීතයක් ගායනා කළ අවස්ථාවක අභිෂේකා කියපු කතාවකටත් බොහෝ අයගේ දෑස් තෙත් වුණා. 
 
කිෂාන් කනංකෙ

මේ වන විට රූපවාහිනී ප්‍රේක්ෂකයන් අතර ඉහළ ජනප්‍රියත්වයක් දිනා තිබෙන “කූඹියෝ” ටෙලි නාට්‍යයේ චරිත අතරින් වැඩිම අවධානයක් යොමුවන චරිතයක් තමයි පියසේන මහඋල්පතගම කියන්නේ. එම චරිතය නිරූපණය කරන රංගන ශිල්පියා වන්නේ කලණ ගුණසේකර. කලණ මීට පෙරත් වේදිකාවේ සහ ටෙලි නාට්‍ය රංගනයෙන් විවිධ චරිත ඔස්සේ ප්‍රේක්ෂකයන් ඉදිරියට පැමිණි රංගන ශිල්පියෙක්. ‘කූඹියෝ’ හි රංගනය ගැන මෙන්ම ඔහුගේ කලා දිවිය ගැනත් කතා බහකරන්නට කලණ ‘රිද්ම’ සමග සංවාදයට එක්වූයේ මේ අයුරිනුයි.
 
කලණව සැබෑ නමින් හඳුනාගන්නවාට වඩා ප්‍රියන්ත මහඋල්පතගම කීවාම කවුරුත් දන්නා තරමට අද වෙද්දී “කූඹියෝ” ටෙලි නාට්‍යයේ චරිතය ජනතාව අතරට ගිහින් නේද? 
ඒක ඇත්ත. ලැබෙන ප්‍රතිචාරවලින් මටත් දැනෙනවා. ඒ චරිතය ප්‍රේක්ෂකයන්ට හොඳට අල්ලලා ගිහින් කියලා. 
 
ප්‍රියන්ත  මහඋල්පතගම මේ තරම් ජනප්‍රිය චරිතයක් වේවි කියලා බලා‍පොරොත්තුවක් ‘කූඹියෝ’ හදන කා‍ලේ තිබුණාද? 
ටෙලි නාට්‍යයේ පිටපත කියෙව්වාම සහ එහි වැඩ කරන පිරිස දැක්කාම විශ්වාසයක් ඇති වුණා. ‘කූඹියෝ’ කවදා හරි අපේ රටේ හිට් එකක් වේවි කියලා. හැබැයි මගේ චරිතය ගැන නම් මම ලොකු බලා‍පොරොත්තුවක් තියාගෙන හිටියේ නැහැ. 
 
‘කූඹියෝ’ වැඩ නිම කරලා අවුරුදු තුනක් විතර ගත වුණාට පස්සේ තමයි එය ප්‍රේක්ෂකයන් ඉදිරියේ දිග හැරෙන්නේ. නළුවෙක් විදිහට ඒක මොන වගේ අත්දැකීමක්ද? 
වසරින් වසර ටෙලි නාට්‍යය ප්‍රමාද වෙද්දී වචනයෙන් කියාගන්න බැරි තරමේ මොකක්දෝ හැඟීමක් නළු නිළියන් විදිහට අප තුළ ඇති වුණා. මට හිතෙන්නේ ඔය ප්‍රමාදය අපටත් වඩා අධ්‍යක්ෂවරයා සහ රචකයාට වැඩියෙන් දැනෙන්න ඇති.
 
ප්‍රියන්ත මහඋල්පතගම ඇවිදින විදිහ, වැඩ කරන විදිහ කතා බහ කරන විදිහ ආදියට බොහෝ ප්‍රේක්ෂකයන් ඇලුම් කරනවා. මොන විදියේ අධ්‍යයනයකින් පසුවද ඔබ ඒ චරිතයට පිවිසුණේ? 
ග්‍රාමීය තරුණයාගේ චරිතය ඊට කලින් රඟපාලා යම්කිසි පළපුරුද්දක් ඒ වෙද්දී මට තිබුණා. හැබැයි මම ඒ ගොඩනගපු චරිතය අද වෙනකොට යම් සාර්ථකත්වයක් ලබා තිබෙනවා. එහි ගෞරවයෙන් සෑහෙන කොටසක් අධ්‍යක්ෂවරයා හා රචකයාටත් හිමි විය යුතුමයි.  
 
ටෙලි නාට්‍යයේදී ඔබ වැඩිපුර ගනුදෙනු කරන්නේ  ජෙහාන්ගේ චරිතය රඟපාන තුමිඳුත් එක්ක. කොහොමද ඔහු සමග ඔබේ සම්බන්ධය ගොඩනැගෙන්නේ? 
පාසල් යන කා‍ලේ මම තුමිඳුගේ ‘අරුන්දතී’ වේදිකා නාට්‍යය නරඹලා තිබුණා. ඊට පස්සේ මම ඔහුගේ ‘රයිනෝසිරස්’ නාට්‍යයේ රඟපෑවා. ඉන්පසුව අපි කලාවේදී නිතර  මුණගැහුණා. රංගන ජීවිතයේදී තුමිඳු කියන්නේ රේස් අශ්වයෙක් නොවෙයි. ඔහු රංගනයේදී තමන්ගේ පෞරුෂයෙන් අනෙක් අයව යටපත් කරන්න උත්සාහ දරන්නේ නැහැ. 
 
අද වන විටත් ඔබට වැඩි ගනුදෙනුවක් තිබෙන්නේ වේදිකාවත් එක්කයි කීවත් වැරදි නෑ. වේදිකාවේදී ඔබ අධ්‍යක්ෂණය පැත්තටත් යොමුවෙනවා. නළුවෙක් වීමද අධ්‍යක්ෂවරයෙක් වීමද කලා ක්ෂේත්‍රයේදී ඔබේ ඉලක්කය වුණේ? 
2004 වසරේදී රුවන් මලිත් පීරිස් සමග නිර්මාණය කළ දාස මල්ලිගේ බංගලාව වේදිකා නාට්‍යයට රාජ්‍ය සම්මාන 7ක් ලැබුණා. හැබැයි අධ්‍යක්ෂවරයෙක් වෙනවා හෝ රංගන ශිල්පියෙක් වෙනවා කියලා නිශ්චිත ඉලක්කයක් මට තිබුණේ නැහැ.
 
’කූඹියෝ’ ටෙලි නාට්‍යයට පෙර ඔබ ඉහළ ජනප්‍රියත්වයක් අත්කර ගන්නේ ගිනි අවි සහ ගිනිකෙළි ටෙලි නාට්‍යයේ පාතාල සාමාජිකයෙකු විදිහටයි?
ඔව්. ගිනි අවි සහ ගිනි කෙළි ටෙලි නාට්‍යයේ “සුන්නා” විදිහට රඟපාද්දිත් මට හුඟක් හොඳ ප්‍රතිචාර ලැබුණා. මට හිතෙන විදියට ජනප්‍රියත්වය කියන්නේ ප්‍රේක්ෂකයා හදවතින්ම දෙන තෑග්ගක්. එහෙම ජනප්‍රිය වුණා කියලා නළු නිළියෝ තටු ගහලා පියාඹන්න සූදානම් විය යුතු නැහැ. ජනප්‍රියත්වය ඕනෑවට වඩා ඔළුවට ගන්නවා කියන්නෙත් කරදරයක්. 
 
කොහොමද පවු‍ලේ තොරතුරු? 
කොළඹට නුදුරු “වෙනිවැල්කොළ” කියන ගමේ තමයි මගේ පදිංචිය. මගේ පියා ජීවතුන් අතර නැහැ. අම්මා, මල්ලි සහ බිරිඳ ගයාත්‍රි තමයි මගේ පවු‍ලේ ඉන්නේ. ඒ අය “සල්ලි හොයං වරෙන්” කියලා මාම ගෙදරින් එළවන්නේ නැතුව මගේ වැඩ වලට ලොකු සහයෝගයක් දෙනවා. 
 
කිෂාන් කනංකෙ 
 
ඡායාරූප - මංජුල පෙරේරා
IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 3970

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 3715

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 6785

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4192

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2615

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3421

Please publish modules in offcanvas position.

Web Analytics