Coss Ear2
lakbima.lk
COSS Ear 1

ටෝනි හසන් කියන්නේ දශක පහකට වැඩි කාලයක් තිස්සේ සංගීත ක්‍ෂේත්‍රයේ රැඳී සිටින ප්‍රවීණ ගායන ශිල්පියෙක්. ප්‍රසංග වේදිකාවට අදත් ඔහුගේ දායකත්වය තවමත් එදා වගේම ලැබෙනවා. ටෝනි හසන් කියන්නේ මොනවගේ ගායකයෙක්ද කියලා ඇහුවොත් බොහෝ දෙනාගේ පිළිතුර වනු ඇත්තේ ඔහු හින්දි ගීත ගායනා කරන ගායකයෙක් කියලයි. නමුත් තමන් නම් මේ හැඳින්වීමට එතරම් කැමැති නැති බවයි ටෝනි පවසන්නේ.
 
ටෝනි හසන් කියන්නේ හින්දි ගීතවලට පමණක් සීමා වූ ගායකයෙක් බවයි අදටත් බොහෝ දෙනා හඳුන්වන්නේ.
ඒ මතය බොහොම වැරදි එකක්. මොකද මගේම කියලා සිංහල ගීත 250ක් විතර මට තියෙනවා.
 
නමුත්, ඔබේ හඩින් බොහෝ විට අසන්නට ලැබෙන්නේ හින්දි ගීත 
ඔව්, මුලින්ම ප්‍රසිද්ධ වේදිකාවේ හින්දි ගීතයක් ගායනා කරපු දා පටන් ප්‍රසංග සංවිධායකවරු මගෙන් හින්ද ගීතම තමයි ඉල්ලුවේ. මොකද ඒ දවස්වල හින්දි ගීත ගයන ගායක ගායිකාවෝ හිටියේ නැහැ. සිංහල ගීත ගයන්න ඕනෑ තරම් ගායක ගායිකාවෝ ඉන්න නිසා දිගටම හින්දි ගීත ගයන්න කියලා ඔවුන් මට කිව්වා. චිත්‍රපටවලට එහෙම මම ගායනා කළ හුඟක් ගීත තියෙනවා ජනතාව අතරට ගිය. නමුත්, පසුකාලීනව මට ඒවා ගයන්න ඒ තරම් අවස්ථාවක් නොලැබුණු නිසා ඒ ගීත නිකම්ම යටගියා.
 
හැබැයි ඔබ සංගීත ක්‍ෂේත්‍රයට පය තැබුවෙත් හින්දි ගීත ගායනා කරමිනුයි නේද? 
කොහෙත්ම නෑ. 1962 අවුරුද්දේ මම ගායකයෙක් විදිහට මුලින්ම කරළියට ආවේ සිංහල ගීත ගායනා කරමින්. මගේ මාමා කෙනෙක් හිටියා ටී.කේ. හනීෆා කියලා. ඔහු දක්ෂ ගායකයෙක්. මිල්ටන් පෙරේරා, ෆේ‍රඩී සිල්වා වගේ ගායකයන්ගේ ගීත තමයි මම මුලින්ම ගායනා කළේ.
 
මතකද ප්‍රසංග වේදිකාවේ මුලින්ම හින්දි ගීතයක් ගායනා කරපු දවස? 
ඒ දවස නම් මට කවදාවත් අමතක වෙන එකක් නැහැ. මීගමුවේ පැවැත්වුණු ඒ ප්‍රසංගයට ලංකාවේ නම ගිය ප්‍රවීණ ගායක ගායිකාවන් තමයි ගීත ගායනා කරන්න එකතු වෙලා හිටියේ. ආධුනිකයෙක් විදිහට මම එදා වේදිකාවට නගිද්දී නරඹන්නෝ කවුරුවත් මාව ගණන් ගත්තේ නැහැ. මම එදා ගායනා කළේ ‘දෝස්ති’ හින්දි චිත්‍රපටයේ ගීතයක්. මම ගීතය ගයන්න පටන් ගත්තා විතරයි නරඹන්නෝ හැමෝම නිහඬවෙලා පුදුමයෙන්  මගේ දිහා බලාගෙන ගීතය රසවින්දා.
 
ඒ විදිහට ටිකෙන් ටික ලැබුණු ජනප්‍රියත්වයත් එක්ක ඔබට චිත්‍රපට පසුබිම් ගායකයෙක් බවට පත්වෙන්නත් අවස්ථාව ලැබුණා නේද?
ඔව්, මම චිත්‍රපට පසුබිම් ගායකයෙක් වෙලා මේ අවුරද්දට වසර 50ක් සම්පූර්ණ වෙනවා. “ඔබ නැත්නම්” චිත්‍රපටයට මිල්ටන් පෙරේරා එක්ක යුග ගීතයක් තමයි මම මුලින්ම ගායනා කළේ.
 
පසුකාලීනව හින්දි බසින් ගීත ගයන ගායක ගායිකාවෝ විශාල වශයෙන් ප්‍රසංග වේදිකාවට ඒමත් එක්ක ඔබට එදා තිබුණු ඉල්ලුම අද අඩු වෙලා නැද්ද?
ඔව්. සංගීත කණ්ඩායම්වල ශිල්පීන් පවා දැන් හින්දි ගීත ගායනා කරනවා. නමුත් මම ප්‍රසංග වේදිකාවේ මගේම අනන්‍යතාවයක් ගොඩනගා ගත් ගායකයෙක් නිසා මට තිබෙන ඉල්ලුම නම් තවමත් අඩුවෙලා නැහැ. 
 
ඔබේ දුවත් දැන් ඔබ සමග ප්‍රසංග වේදිකාවේ ගී ගයනවා නේද? 
ඔව්, මට ඉන්නේ දුවෙක් සහ පුතෙක්. මගේ දුව සිම්රා හසන්. ගායිකාවක්. ඇය ගායනා කළ දමිළ ගීතයක් වෙනුවෙන් ඇයට 2015 වසරේදී හොඳම ගායිකාව විදිහට ජාතික සම්මාන පවා හිමිවුණා. 
 
කිෂාන් කනංකෙ

පුංචි තිරය හැඩ කරන බුවනි චාපා දියලගොඩ පසුගිය ජනවාරි 19 වැනිදා වත්තල “සෙසට්‍රිට් හොටෙල්” හිදී හැඩකාර මනාලියක් විදියට සැරසිලා හිටියා. මීට කලිනුත් බුවනි අවස්ථා කිහිපයකදීම මනාලියක් විදිහට සැරසිලා ඡායාරූපවලට පෙනී සිටියාට මේ වෙලාවේ නම් බුවනි මනාලියක් වෙලා හිටියේ සැබෑවටමයි. එදින පැවැත්වුණේ බුවනිගේ විවාහය ලියාපදිංචි කිරීමේ උත්සවයයි. තවත් මාස කිහිපයකින් සිය මනාලයා සමග මංගල ගමන යන්න සූදානමින් සිටින බුවනිට සිය අලුත් ජීවිතය ගැන කියන්න බොහෝ දේ තිබුණා. 
 
බුවනි ‘රිද්ම’ පාඨකයන්ට කියන්නකෝ ජීවිතයේ සිදුවූ අලුත් වෙනස ගැන....? 
මගේ විවාහය ලියාපදිංචිය කිරීමේ උත්සවය පසුගිය ජනවාරි 19 වැනිදා පැවැත්වුණා. ලබන මැයි මාසේ තමයි මංගල උත්සවය පවත්වන්න හිතාගෙන ඉන්නේ. 
 
විවාහයෙන් පස්සේ ගෙදර වැට පැනලා අල්ලපු ගෙදරට යන්න වෙයිද?
(හිනැහී) මගේ මනාලයා වුණේ මගේ අසල්වැසියා තමයි. හැබැයි ඉතින් විවාහයෙන් පස්සේ අපි දෙන්නා අලුත් ගෙදරක පදිංචියට යන්න තමයි හිතාගෙන ඉන්නේ.
 
අසල්වැසි ප්‍රේමවන්තයා ගැන විස්තර ටිකක් අපේ ‘රිද්ම’ පාඨක හිතවතුන්ට කියමු නේද?
එයාගේ නම කසුන් දේවින්ද ගාල්ලගේ. කසුන් වෘත්තියෙන් ව්‍යාපාරිකයෙක්. උපන්ගම අනුරාධපුරේ මැදිරිගිරිය වුණාට කසුන්ගේ ව්‍යාපාර තියෙන්නේ කොළඹ. ඒ නිසා ඔහුයි, ඔහුගේ පවු‍ලේ හැමෝමයි පදිංචි වෙලා ඉන්නේ කොළඹ. මාලබේ අපේ ගෙදර තියෙන තැනට ආසන්නයේ තමයි එයාලගේ ගෙදරත් තියෙන්නේ.
එහෙනම් ඉස්සර ඉඳන්ම දෙන්න හොඳ යාළුවෝ වෙන්න ඇති? 
අසල්වැසියෝ වුණාට ඉස්සර නම් අපි වැඩිය මුණ ගැහිලා නැහැ. මොකද එයා ගොඩක් කාර්යබහුලයි. මමත් එහෙමයි. දවසක් අහම්බෙන් තමයි කාර් එකේ යනකොට දෙන්නට දෙන්නා මුලින්ම දැක්කේ. 
 
ඊට පස්සේ ?
මුලින්ම අපි දෙන්නා දැන හඳුනා ගත්තා. ඊට පස්සේ කතාබහ කරලා යාළුවෝ වුණා. ඊටත් පස්සේ තමයි කසුන් මට එයාගේ ආදරය ප්‍රකාශ කළේ. අපි පෙම්වතුන් වුණාට පස්සේ මුලින්ම කළේ අපේ සම්බන්ධය ගැන ගෙවල්වලට කියන එක. අපිට දෙපැත්තේම ආශිර්වාදය ලැබුණා. ඉන් පස්සේ විවාහය ලියාපදිංචි කළා. 
 
මතකද කසුන් ආදරය ප්‍රකාශ කළ දවස?
ඔව්, ඒ 2017 අගෝස්තු 3 වැනිදා.
ද කසුන් ආදරය ප්‍රකාශ කරද්දී ඔහුට කැමැති වෙන්න බුවනිගේ හිතෙත් ඔහු ගැන කැමැත්තක් තියෙන්න ඇති නේද?
පැහැදීමක් තිබුණා. අපි හැමෝගේම හිතේ තමන්ගේ සහකරුවා මොන විදිහේ කෙනෙක් වෙන්න ඕනෑද කියලා ප්‍රතිරූපයක් තියෙනවානේ. මම හිතන්නේ මම හොයපු කෙනා තමයි කසුන්.
 
කසුන්ගේ හිත බුවනිට ඇදුනේ ජනප්‍රිය නිළියක් හින්දද? 
මට ආදරය ප්‍රකාශ කරද්දී කසුන් මගේ ටෙලි නාට්‍ය එකක්වත් නරඹලා නැතිලු. හැබැයි පත්තරවල පළවෙන මගේ ආටිකල් නම් ඔහු කියවලා තිබුණා. සම්බන්ධය ඇතිවුණ හැටියෙම එයා කිව්වේ “මම ආදරේ කරන්නේ නිළියෙකුට නමෛයි, අල්ලපු ගෙදර කෙල්ලට” කියලයි. ඒ වෙලාවෙම මට තේරුණා නිළියක විදිහට දිගටම රැඳිල ඉන්නවට ඔහු කැමති නැති බව. 
 
ඔබේ අක්කා වත්සලාත් විවාහයෙන් පස්සේ රඟපෑම සීමාකළා. ඔබත් එහෙම කරනවද? 
මම හිතාගෙන ඉන්නේ රඟපෑමෙන් ඉවත්වෙලා කසුන් එක්ක එයාගේ ව්‍යාපාර කටයුතුවලට එකතු වෙන්නයි. මේ දවස්වල ස්වාධීන රූපවාහිනියෙන් විකාශය වන “පිනි” ටෙලි නාට්‍යයේ මගේ ෂූටිං ඉවර කළාට පස්සේ මම අලුත් නිර්මාණ එකක්වත් භාර ගත්තේ නැහැ. ඒ නිසා බොහෝ විට “පිනි” ටෙලි නාට්‍යය මගේ අවසන් ටෙලි නාට්‍යය බවට පත්වේවි. 
 
ආරියවංශ කුලතිලක 
 
ඡායාරූප - ඉවෙන්ට් මීඩියා

 

IMAGE

නෙලා සමග ඔබ හමුවට එන බෙනට්ගේ පුතා

IMAGE 2018 Feb 25 14:21
අද වෙද්දී උදාර රත්නායක කියන්නේ නළුවෙක්ද? එහෙමත් නැතිනම් දේශපාලනඥයෙක්ද? නළුකම මගේ වෘත්තිය...
Views - 625

මගෙන් නම් සල්ලි ඉල්ලුවේ නෑ ඒත් මේ වගේ කතාවක් නම් කිව්වා

IMAGE 2018 Feb 25 14:08
මේ වෙද්දී ඉන්දිකාගේ කලා දිවිය දශක දෙකකටත් එහා ගිය එකක් නේද? ඔව්. මම මුලින්ම ක්‍ෂේත්‍රයට එකතු...
Views - 1137

රනිල් සල් සපු නා හැර ගියේ ඇයි?

IMAGE 2018 Feb 25 13:52
“සල් සපු නා” ටෙලි නාට්‍යයේ දැන් රනිල්ව දකින්නට ලැබෙන්නේ නැහැ. ඇයි ඒ ? මම තාවකාලිකව ‘සල්...
Views - 998

තාත්තගේ අකමැත්තෙන් රඟපාන්න ආපු උපාසක අම්මා

IMAGE 2018 Feb 25 12:18
කොහොමද ඔබට අංජනා එහෙමත් නැත්නම් උපාසක අක්කා වෙන්න අවස්ථාව ලැබුණේ? මාව උපාසක අම්මා කළේ...
Views - 771

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 5426

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 3587

Please publish modules in offcanvas position.