Coss Ear2
lakbima.lk
COSS Ear 1

මේ වන විට රූපවාහිනී ප්‍රේක්ෂකයන් අතර ඉහළ ජනප්‍රියත්වයක් දිනා තිබෙන “කූඹියෝ” ටෙලි නාට්‍යයේ චරිත අතරින් වැඩිම අවධානයක් යොමුවන චරිතයක් තමයි පියසේන මහඋල්පතගම කියන්නේ. එම චරිතය නිරූපණය කරන රංගන ශිල්පියා වන්නේ කලණ ගුණසේකර. කලණ මීට පෙරත් වේදිකාවේ සහ ටෙලි නාට්‍ය රංගනයෙන් විවිධ චරිත ඔස්සේ ප්‍රේක්ෂකයන් ඉදිරියට පැමිණි රංගන ශිල්පියෙක්. ‘කූඹියෝ’ හි රංගනය ගැන මෙන්ම ඔහුගේ කලා දිවිය ගැනත් කතා බහකරන්නට කලණ ‘රිද්ම’ සමග සංවාදයට එක්වූයේ මේ අයුරිනුයි.
 
කලණව සැබෑ නමින් හඳුනාගන්නවාට වඩා ප්‍රියන්ත මහඋල්පතගම කීවාම කවුරුත් දන්නා තරමට අද වෙද්දී “කූඹියෝ” ටෙලි නාට්‍යයේ චරිතය ජනතාව අතරට ගිහින් නේද? 
ඒක ඇත්ත. ලැබෙන ප්‍රතිචාරවලින් මටත් දැනෙනවා. ඒ චරිතය ප්‍රේක්ෂකයන්ට හොඳට අල්ලලා ගිහින් කියලා. 
 
ප්‍රියන්ත  මහඋල්පතගම මේ තරම් ජනප්‍රිය චරිතයක් වේවි කියලා බලා‍පොරොත්තුවක් ‘කූඹියෝ’ හදන කා‍ලේ තිබුණාද? 
ටෙලි නාට්‍යයේ පිටපත කියෙව්වාම සහ එහි වැඩ කරන පිරිස දැක්කාම විශ්වාසයක් ඇති වුණා. ‘කූඹියෝ’ කවදා හරි අපේ රටේ හිට් එකක් වේවි කියලා. හැබැයි මගේ චරිතය ගැන නම් මම ලොකු බලා‍පොරොත්තුවක් තියාගෙන හිටියේ නැහැ. 
 
‘කූඹියෝ’ වැඩ නිම කරලා අවුරුදු තුනක් විතර ගත වුණාට පස්සේ තමයි එය ප්‍රේක්ෂකයන් ඉදිරියේ දිග හැරෙන්නේ. නළුවෙක් විදිහට ඒක මොන වගේ අත්දැකීමක්ද? 
වසරින් වසර ටෙලි නාට්‍යය ප්‍රමාද වෙද්දී වචනයෙන් කියාගන්න බැරි තරමේ මොකක්දෝ හැඟීමක් නළු නිළියන් විදිහට අප තුළ ඇති වුණා. මට හිතෙන්නේ ඔය ප්‍රමාදය අපටත් වඩා අධ්‍යක්ෂවරයා සහ රචකයාට වැඩියෙන් දැනෙන්න ඇති.
 
ප්‍රියන්ත මහඋල්පතගම ඇවිදින විදිහ, වැඩ කරන විදිහ කතා බහ කරන විදිහ ආදියට බොහෝ ප්‍රේක්ෂකයන් ඇලුම් කරනවා. මොන විදියේ අධ්‍යයනයකින් පසුවද ඔබ ඒ චරිතයට පිවිසුණේ? 
ග්‍රාමීය තරුණයාගේ චරිතය ඊට කලින් රඟපාලා යම්කිසි පළපුරුද්දක් ඒ වෙද්දී මට තිබුණා. හැබැයි මම ඒ ගොඩනගපු චරිතය අද වෙනකොට යම් සාර්ථකත්වයක් ලබා තිබෙනවා. එහි ගෞරවයෙන් සෑහෙන කොටසක් අධ්‍යක්ෂවරයා හා රචකයාටත් හිමි විය යුතුමයි.  
 
ටෙලි නාට්‍යයේදී ඔබ වැඩිපුර ගනුදෙනු කරන්නේ  ජෙහාන්ගේ චරිතය රඟපාන තුමිඳුත් එක්ක. කොහොමද ඔහු සමග ඔබේ සම්බන්ධය ගොඩනැගෙන්නේ? 
පාසල් යන කා‍ලේ මම තුමිඳුගේ ‘අරුන්දතී’ වේදිකා නාට්‍යය නරඹලා තිබුණා. ඊට පස්සේ මම ඔහුගේ ‘රයිනෝසිරස්’ නාට්‍යයේ රඟපෑවා. ඉන්පසුව අපි කලාවේදී නිතර  මුණගැහුණා. රංගන ජීවිතයේදී තුමිඳු කියන්නේ රේස් අශ්වයෙක් නොවෙයි. ඔහු රංගනයේදී තමන්ගේ පෞරුෂයෙන් අනෙක් අයව යටපත් කරන්න උත්සාහ දරන්නේ නැහැ. 
 
අද වන විටත් ඔබට වැඩි ගනුදෙනුවක් තිබෙන්නේ වේදිකාවත් එක්කයි කීවත් වැරදි නෑ. වේදිකාවේදී ඔබ අධ්‍යක්ෂණය පැත්තටත් යොමුවෙනවා. නළුවෙක් වීමද අධ්‍යක්ෂවරයෙක් වීමද කලා ක්ෂේත්‍රයේදී ඔබේ ඉලක්කය වුණේ? 
2004 වසරේදී රුවන් මලිත් පීරිස් සමග නිර්මාණය කළ දාස මල්ලිගේ බංගලාව වේදිකා නාට්‍යයට රාජ්‍ය සම්මාන 7ක් ලැබුණා. හැබැයි අධ්‍යක්ෂවරයෙක් වෙනවා හෝ රංගන ශිල්පියෙක් වෙනවා කියලා නිශ්චිත ඉලක්කයක් මට තිබුණේ නැහැ.
 
’කූඹියෝ’ ටෙලි නාට්‍යයට පෙර ඔබ ඉහළ ජනප්‍රියත්වයක් අත්කර ගන්නේ ගිනි අවි සහ ගිනිකෙළි ටෙලි නාට්‍යයේ පාතාල සාමාජිකයෙකු විදිහටයි?
ඔව්. ගිනි අවි සහ ගිනි කෙළි ටෙලි නාට්‍යයේ “සුන්නා” විදිහට රඟපාද්දිත් මට හුඟක් හොඳ ප්‍රතිචාර ලැබුණා. මට හිතෙන විදියට ජනප්‍රියත්වය කියන්නේ ප්‍රේක්ෂකයා හදවතින්ම දෙන තෑග්ගක්. එහෙම ජනප්‍රිය වුණා කියලා නළු නිළියෝ තටු ගහලා පියාඹන්න සූදානම් විය යුතු නැහැ. ජනප්‍රියත්වය ඕනෑවට වඩා ඔළුවට ගන්නවා කියන්නෙත් කරදරයක්. 
 
කොහොමද පවු‍ලේ තොරතුරු? 
කොළඹට නුදුරු “වෙනිවැල්කොළ” කියන ගමේ තමයි මගේ පදිංචිය. මගේ පියා ජීවතුන් අතර නැහැ. අම්මා, මල්ලි සහ බිරිඳ ගයාත්‍රි තමයි මගේ පවු‍ලේ ඉන්නේ. ඒ අය “සල්ලි හොයං වරෙන්” කියලා මාම ගෙදරින් එළවන්නේ නැතුව මගේ වැඩ වලට ලොකු සහයෝගයක් දෙනවා. 
 
කිෂාන් කනංකෙ 
 
ඡායාරූප - මංජුල පෙරේරා

දෙවෙනි ඉනිමේ රණේ් කියන්නේ මේ දිනවල ප්‍රේක්ෂක ආකර්ෂණය දිනාගත් චරිතයක්. ඒත් මේ රණේ් මේ දිනවල තිරගත වන ධර්මසේන පතිරාජගේ ස්වරූප චිත්‍රපටය හරහා ප්‍රේක්ෂකයන් හමුවට එන්නේ දවෛනි ඉනිමට වඩා හාත්පසින්ම වෙනස් චරිතයකින්. ඔහු එහි නිරූපණය කරන්නේ ගේ‍රගරි නම් සංකීර්ණ චරිතයක්. රූපයෙන් කවුරුත් හඳුනාගෙන සිටියත් ඔහුගේ සැබෑ නම වන්නේ තුෂිත ලක්නාත්. 
 
අපි ඔබට රණේ කියන්නද? ගේ‍රගරි කියන්නද? එහෙම නැත්නම් තුෂිත කියන්නද? 
දවෛනි ඉනිමට විතරයි මේ තුෂිත රණේ වෙන්නේ. ගේ‍රගරි කියන්නේ තුෂිතගේ ජීවිතේට ලැබුණු තීරණාත්මක කඩයිමක්. මොන නමකින් හැඳින්වුවත් ඒ නම පිටුපස ඉන්නේ තුෂිත කියන රංගන ශිල්පියායි. 
 
ස්වරූප වැනි කලාත්මක සිනමා පටයක ප්‍රධාන චරිතයක් රඟපෑම ඔබට අභියෝගයක් වුණේ නැද්ද? 
මේ සිනමා කෘතිය මට ලැබුණු වටිනා අවස්ථාවක්. ගොඩක් දෙනා මාව හඳුනාගත්තේ දවෛනි ඉනිමේ රණේ කියන හාස්‍යජනක චරිතෙන් වුණාට මම චිත්‍රපට ගණනාවකම, ප්‍රවීණ අධ්‍යක්ෂවරු හරහා සංකීර්ණ චරිත කරපු රංගන ශිල්පියෙක්. ඒත් ඉතින් අපේ රටේ තිබෙන චිත්‍රපට ‍පෝලිමත් එක්කම හොඳ නිර්මාණ එළියට එන එක නතර වෙලා. අපිට වුණත් එළියට එන්න විදියක් නෑ. 
 
මේ දවස්වල දෙවැනි ඉනිමේ රණේට ලැබෙන ප්‍රතිචාර ගැන මොකද හිතෙන්නේ? 
ඒ ගැන නම් කියන්න වචන නෑ. මේ චරිතය නිසාම මට තවත් එවැනිම චරිත කිහිපයකට ආරාධනා ලැබුණා. ඒත් මම ඒවා ප්‍රතික්ෂේප කළා. මොකද අපේ රටේ ඉන්න බොහෝ පිටපත් රචකයෝ හිතාගෙන ඉන්නේ එක චරිතයක් ජනතාව අතරට ගියාම එවැනි චරිතවලට ඒ රංගන ශිල්පියා හෝ ශිල්පිනිය විතරයි  සුදුසු කියලා. ඇත්තටම මම කොමඩි නළුවෙක් නමෛයි. ඊට වඩා සංකීර්ණ චරිත රඟපාන කෙනෙක්. අනිත් එක මම වගේම ඔය වගේ චරිත රඟපාන්න පුළුවන්  නළු නිළියෝ ඕනෑ තරම් අපේ රටේ ඉන්නවා.  
 
ඔබ ලබා දුන් උත්තරයත් එක්ක අපට නම් සිතෙන්නේ මේ රටේ ටෙලි නාට්‍ය කලාව සම්බන්ධයෙන් ඔබට කුමන හෝ ප්‍රශ්නයක් ඇති බවයි? 
ඇත්තම කිව්වොත් අද අපේ රටේ ටෙලි නාට්‍ය කලාව කියන්නේ සම්පූර්ණයෙන්ම මුදලට යට වෙච්ච දෙයක්. ඒත් වේදිකාව, සිනමාව කියන්නේ ඊට වඩා වෙනස් තැනක්. 
ඔය කියන මාධ්‍ය තුන ගැනම මට හොඳ හැදෑරීමක්, වැටහීමක්  තියෙනවා. වේදිකාවට, සිනමාවට මා වැඩිපුරම ඇලුම් කරන්නේ ඒ හරහා නිර්මාණශීලී ගුණාත්මක දෙයක් තවමත් කරන්න පුළුවන් නිසයි. අනෙක ටෙලි නාට්‍ය කලාව තරම් ඔය කියන මාධ්‍ය දෙක තවමත් විකිණිලා නෑ. 
 
ඔබ හිතන්නේ නළුවෙක් හෝ නිළියක් වීමට නම් රංගනය ගැන හැදෑරීමක් අත්‍යවශ්‍යම බවද? 
මම නම් කලාවට ආවේ කලාව ගැන ඉගෙන ගෙන. මම සෞන්දර්ය කලා විශ්වවිද්‍යාලයේ උපාධිධාරියෙක්. ඒ වගේම මේ වන විට කැලණිය විශ්වවිද්‍යාලයේ නාට්‍ය හා රංග කලාව පිළිබඳව කථිකාචාර්යවරයෙක් විදිහටත් සේවය කරනවා. ඒ නිසා ඔය කියන හැදෑරීම හෝ ඉගෙන ගැනීම මා තුළ තිබෙනවා. ටෙලි නාට්‍යයක, චිත්‍රපටයක ජනප්‍රිය වූ පමණින් තමන් සියල්ල දන්නවා,... තමන්ට සියල්ල පුළුවන් යැයි සිතා සිටින පිරිසකුත් ඉන්නවා. හැබැයි ඒ අය එනවා යනවා. ඉතිරි කර යන කිසිවක් නෑ. 
 
ඔබේ පෞද්ගලික ජීවිතයේ තොරතුරු දැනගන්නත් ආදරණීය රසික රසිකාවියන් කැමති වෙයි. 
මගේ බිරිඳත් නාට්‍ය හා රංග කලාව පිළිබඳ ගුරුවරියක්. මගේ පුතාත් රංගනයෙන් දායක වුණ චිත්‍රපටයකුත් ඉදිරියේදී එන්න තියෙනවා. 
 
සමන්මලී නැලිගම
IMAGE

ග්‍රැන්ඩ්පාස් ගොඩනැගිල්ල කඩා වැටීම සොයුරාගේ සැලසුමක් -...

IMAGE 2018 Feb 16 13:54
හත්දෙනෙකුට මරු කැඳවමින් පසුගිය (14) දා ග්‍රැන්ඩ්පාස් ගොඩනැගිල්ල කඩා වැටීමේ සිද්ධිය...
Views - 2512

මනාලයාගේ 'දෙනෙත් උඩ රැන්දූ' මනාලියගේ රැකියාව

IMAGE 2018 Feb 16 12:26
අනුරාධපුරයට ආසන්න නිකැලැල් චරිතවත් යුවතියක සඳහා මනාලයෙකු සොයන බව මීට සති කිහිපයකට ඉහත ඉරිදා...
Views - 5396

හෙදිය සමූහ දූෂණයට විනයාරක්ෂක කපිතාන් අල්ලයි

IMAGE 2018 Feb 14 23:55
රංචු ගැසී පුද්ගලික රෝහලක හෙදියක් සමූහ දූෂණයට ලක් කිරීමේ සිද්ධිය සම්බන්ධයෙන් ‍පොලීසියට...
Views - 4777

ඡන්ද ප්‍රතිඵල වලින් පස්සෙ සමහරුන් බුම්මාගෙන ඉන්නේ ඇයි?

IMAGE 2018 Feb 14 13:39
මෙවර පළාත් පාලන ඡන්දයේ දී මෙන්ම  සෑම මැතිවරණයකදීම කිසියම් පිරිසක් ජයග්‍රහණය කරන විට ඊට...
Views - 2868

හොර හැඳුනුම් පතක් ගෙන ප්‍රේම ලෝකයට බසින 'වැලන්ටයින්'

IMAGE 2018 Feb 14 09:22
පෙම්වතුන් පෙම්වතියන් අතර හෝ අඹු සැමියන් අතර පවත්නා ආදරය ලිංගිකත්වය හා අනුරාගය මත පදනම් වූ...
Views - 2822

කෝවක්කා කෑවම මැරෙනවද?

IMAGE 2018 Feb 13 19:41
කෝවක්කා ගෙඩියක් ආහාරයට ගත් දරුවෙකු ශරීරයේ සීනි මට්ටම පහත වැටීමෙන් මිය ගිය පුවත පසුගිය සතියේ...
Views - 7431

Please publish modules in offcanvas position.