Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - [email protected] youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

සිනමාව, පුංචි තිරය සහ වේදිකාව යන මාධ්‍යයන් ත්‍රිත්වයෙන්ම සිය රංගන ප්‍රතිභාව ප්‍රකට කළ නීටා ප්‍රනාන්දු පසුකාලීනව 
නිෂ්පාදකවරියක ලෙසද කලා ක්‍ෂේත්‍රය වෙනුවෙන් අනුපමේය මෙහෙවරක් ඉටු කළාය. දුහුළු මලක් සහ පවුරු වළලු වැනි සිනමාපටවලට රංගනයෙන් දායකවෙමින් ප්‍රේක්ෂකයන්ගේ මතකයෙන් නොමැකෙන ආකාරයේ සටහන් ඉතිරි කළ ඇය අඩසිය වසක කාලයක් පුරා තවමත් කලා ක්‍ෂේත්‍රය වෙනුවෙන් සිය දායකත්වය ලබාදෙන්නීය. මෙහි දැක්වෙන්නේ නීටා ප්‍රනාන්දුගේ නවතම නිර්මාණයන් සහ ඇගේ කලා දිවිය පිළිබඳ කළ සංවාදයකි. 
 
ප්‍රවීණ සිනමා නිළියක වන ඔබ සිනමාවෙන් ඔබ්බට ගිය නිර්මාණ කටයුත්තකට මේ දිනවල වෙහෙසෙන බව ආරංචි වුණා. ඇත්තද ඒ කතාව?
ඔව් මට අලුත් වේදිකා නාට්‍යයකට රංගනයෙන් දායක වෙන්න ආරාධනාවක් ලැබුණා. මම ඒ ආරාධනය සතුටින් පිළි ගත්තා. ඒ වේදිකා නාට්‍යයේ නම “සඳ එළියට වෙඩි තියන්න.” එය තනුජ් නවරත්නගේ වේදිකා නාට්‍යයක්. ඒ වේදිකා නාට්‍යය සැප්තැම්බර් 26 සහ 27 දිනවල නාමෙල් මාලිනි පුංචි තියටර්හිදී තමයි පළමුවරට වේදිකාගත වෙන්නේ. ජයනාත් බණ්ඩාර, ජනක කුඹුකගේ වැනි රංගන ශිල්පීන් මීට දායක වෙනවා.
 
ඔබ වේදිකාවට යළිත් ගොඩ වෙන්නේ කලකට පසුවයි නේද?
ගුණසේන ගලප්පත්තිගේ “සඳ කිඳුරු” මුද්‍රා නාට්‍යයෙන් තමයි මම මුලින්ම වේදිකාවට පිවිසුනේ. පසුකාලීනව සිනමාවේ තරම් වේදිකාවේ රංගනයට වැඩිපුර දායක වෙන්න බැරි වුණා. වසර හතකට විතර පස්සේ තමයි ප්‍රේක්ෂකයන්ට මාව වේදිකාවේ දකින්නට ලැබෙන්නේ. ප්‍රේක්ෂකයන්ටත් ඒක අලුත් අත්දැකීමක් වේවි.
 
වේදිකාව පැත්තට අවධානය යොමු කිරීම නිසා සිනමාව දැන් අමතක වෙලාද?
අ‍පොයි නැහැ. මම රංගනයෙන් දායක වූ චිත්‍රපට කිහිපයක්ම තිරගත වීමට නියමිතව තිබෙනවා. ඒ අතරින් ධර්මසේන පතිරාජගේ “ස්වරූප” චිත්‍රපටය ළඟදීම තිරගත වීමට නියමිතයි. ඊට අමතරව “තේජා” සහ “ස්වර” නමින් චිත්‍රපට දෙකක් චිත්‍රපට ‍පෝලිමේ තියෙනවා. ඒ විතරක් නොවෙයි, තවත් වෙනස්ම විදිහේ චිත්‍රපටයකටත් මට මෑතකදී රංගනයෙන් දායක වෙන්න ලැබුණා.
 
ඒ මොකක්ද කියලා කීවොත්?
ඒ තමයි “සයපෙති කුසුම” චිත්‍රපටය අධ්‍යක්ෂණය කළ විසාකේස චන්ද්‍රසේකරන්ගේ අලුත්ම චිත්‍රපටය වන “පාංශු”. ඒ චිත්‍රපටයේ රඟපාද්දී මට වෙනස්ම විදිහේ අත්දැකීම් රැසකට මුහුණ දෙන්න අවස්ථාව ලැබුණා. නමුත් ඒ අත්දැකීම් සහ චිත්‍රපටය ගැන දැන්මම තොරතුරු හෙළි කරන්න අධ්‍යක්ෂවරයාගෙන් මට අවසර ලැබිලා නැහැ.
 
කලා ශිල්පිනියක් විදිහට ගත කරපු කාලය දිහා ආපසු හැරිලා බලද්දී අද මොනවාද ඔබට හිතෙන්නේ?
ඒ ගැන කල්පනා කරද්දී මට දැනෙන්නේ විශාල සතුටක්. එදා ප්‍රේක්ෂකයන්ගෙන් ලැබුණු ප්‍රතිචාර තවමත් ඒ වගේම මට ලැබෙනවා.
 
සිංහල සිනමාවේ ස්වර්ණමය යුගයේදී ජනප්‍රිය සමකාලීන නළු නිළියන් රැසක් සමග රිදී තිරයේ ඉඩකඩ බෙදා ගන්න ඔබට අවස්ථාව  ලැබුණා. 
ඔව්, ශ්‍රියානි අමරසේන, මාලනී ෆොන්සේකා, ස්වර්ණා මල්ලවාරච්චි වැනි රංගන ශිල්පිනියන් වගේම රවින්ද්‍ර රන්දෙණිය, ගාමිණී ෆොන්සේකා, රෝයි ද සිල්වා වැනි රංගන ශිල්පීන් සමගත් එකට වැඩ කරන්න මට අවස්ථාව ලැබුණා. ඇත්තටම ඒ කාලය හරිම සුන්දරයි.
 
රංගන ශිල්පිනියක් විදිහට ජනප්‍රියත්වයේ හිණිපෙත්තේ සිටියදී ඔබ තාවකාලිකව සිනමාවෙන් ඈත් වෙනවා. ඒ ගැන සිහිපත් කළොත්?
වසර 8ක් තුළ චිත්‍රපට 40කට රඟපෑමෙන් දායක වෙලා තමයි 1975 වසරේදී මම මගේ සැමියාත් සමග කැනඩාවේ පදිංචියට ගියේ. විදේශ ගත වූ නිසා මගේ කලා ජීවිතයට පාඩුවක් සිදු වූ බව ඇත්ත. නමුත් එහිදී ලබපු අත්දැකීම් පසුකාලීනව මගේ ජීවිතයට හුගක්  ප්‍රයෝජනවත් වුණා. ඒ නිසා මම ඒ ගැන පසුතැවෙන්නේ නැහැ.
 
රංගන ශිල්පිනියක් විදිහට ඔබේ ඉදිරි බලා‍පොරොත්තු මොනවාද?
මගේ ජීවිතයේ දැන් ලොකු බලා‍පොරොත්තු නැහැ. අන් අයටත් උදවු උපකාර කරමින් ජීවත්වීම තමයි මගේ අරමුණ.

ප්‍රවීණ සංගීතවේදී සරත් වික්‍රම දශක ගණනක් තිස්සේ අපේ රටේ සංගීතය වෙනුවෙන් කළ මෙහෙය නිසි ඇගයීමට ලක් වුණාද කියන එක නම් ප්‍රශ්නයක්. එදා චිත්‍රපට සහ ටෙලි නාට්‍ය සංගීත අධ්‍යක්ෂවරයකු ලෙස අදටත් කාර්ය බහුල දිවියක් ගත කරන මේ ප්‍රවීණ සංගීතවේදියා අද ඔබ හමුවට රැගෙන ඒමේ හේතුව මේ කතාබහ ඔස්සේම ඔබට දැන කියා ගන්නට පුළුවන්. 
 
ඔබ සංගීත ක්‍ෂේත්‍රයේ අලුත් කටයුත්තකට සැරසෙන බවක් අපිට ආරංචි වුණා. ඒ ගැන අපගේ ආදරණීය ‘රිද්ම’ පාඨකයන්ට කියමු.
මම සංගීතවත් කළ අරගලය, සමාව. අපේ කා‍ලේ පටාචාරා යන චිත්‍රපට සහ සමනළ වසන්තය, ‍පොඩි නෝනා, පරම්පරා අංගම් මල්දම්, සඳරු අරණ සහ සමනලී යන ටෙලි නාට්‍යවල සංගීත ඇතුළත් සී.ඩී. තැටියක් හා එම සියලුම ගී තනු නිර්මාණ ඇතුළත් ‍පොත් 10ක් එළි දක්වන්නයි මා සැරසෙන්නේ. එය නම් කර තියෙන්නෙත් ‘රිද්ම’ නමින්. සැප්තැම්බර් 8 වැනිදා සවස 4ට සුදර්ශි ශාලාවේදී උත්සවය පැවැත්වෙනවා. 
 
ඇයි ඔබ මේ වගේ දෙයක් කරන්න හිතුවේ ?
සංගීතයේ රස විඳින්නට කැමති අයටයි සී.ඩී. තැටිය. සංගීතය හදාරන අයගේ ප්‍රයෝජනය සඳහායි ‍පොත් 10 එළි දක්වන්නේ. 
 
ඔබ මින් පෙරත් මෙවැනි සංගීත නිර්මාණ කළා. එයින් ජාත්‍යන්තර අවධානයට පවා ලක්වූ අවස්ථා අපට මතකයි
2004 දී මම ‘නාද’ නමින් සංගීත තැටියක් කළා. අපේ ජන ගායනාවල නාද රටා ඇසුරිනුයි එහි සංගීත නිර්මාණය වුණේ.
 2011 දී “තාල” නමින් සංයුක්ත තැටියක් කළා. එයට අපේ වන්නම්වල නාද මාලා පවා ඇතුළත් වුණා. ජපානය ලෝකයේ පවතින විවිධ ජන සංගීත ඛණ්ඩ ඇසුරු කරගෙන ලොව පුරා යමින් පවත්වන දැවැන්ත සංගීත ප්‍රසංගයක් ලංකාවේදී පැවැත්වූවා. එහිදී ඒ අය අපේ රටෙන් තෝරා ගෙන තිබුණේ ‘නාද’ සංයුක්ත තැටියේ අඩංගු ‘ඔංචිලි වාරම්’ නාද මාලාවයි. මම මෙවැනි නිර්මාණ කරන්නේ ලෝකයේ සමග අපේ සංගීතය එකතු කිරීමේ අරමුණින්. බාල සුබ්‍රමනියම්, විශ්වනාදන් වැනි ඉන්දීය ශිල්පීන්ට මේ වනවිට මම ගීත නිර්මාණය කර තිබෙනවා. ශ්‍රියා ගෝෂාල්, සෝනුනිගම් වැනි අය යොදා ගෙන නිර්මාණ කරන්න. ඒ වගේ අති දැවැන්ත ප්‍රසංගයක් කරන්න මටත් ආසයි. ඊට සුදුසු අනුග්‍රහයන් නැතිකමයි ප්‍රශ්නේ. ‘රිද්ම’ ප්‍රසංගයටත් තිස්ස බාලසූරිය, සරත් තිලකරත්න ඇතුළු මිතුරන් කිහිප දෙනෙකුයි මට උදව් කරන්නේ. 
 
ඔබේ සංගීත නාදය ජාත්‍යන්තරයට විහිදී යන්න තිබූ අවස්ථාවක් කලකට පෙර ෙදෙවෝපගත විදියට ගිලිහී ගියා නේද? 
ගාමිණී ෆොන්සේකා සහ රජිනි කාන්ත් එක්ව නිර්මාණය කළ “ඉලයරාජා” චිත්‍රපටය සංගීතවත් කළේ මමයි. එය දැවැන්ත නිර්මාණයක්. රජිනි කාන්ත් අභිභවා ගාමිණීගේ රංගනය මතුවී තිබුණා. එය තිරගත වුණා නම් ගාමිණී ෆොන්සේකා ගැන ලෝකයේම අවධානය යොමු වේවි. මගේ සංගීතයටත් අවධානය යොමු වේවි. ඒත් 1982 නිර්මාණය කළ ඒ චිත්‍රපටය 1983 ජූලි කලබල අවස්ථාවේ විජය චිත්‍රාගාරය ගිනිබත් කරද්දී විනාශ වුණා. ඇත්තටම එය අභාග්‍ය සම්පන්න ෙදෙවෝපගත සිදුවීමක්. 
 
ඔබ එදා මෙදාතුර ගායක ගායිකාවන් විශාල පිරිසකට සංගීතය නිර්මාණය කළ කලාකරුවෙක්. නමුත් ඔබගේ ජීවිතය තුළත්, වෘත්තීය තුළත් නිහඬ බවක් තිබෙනවා නේද? 
පිටරටවල නම් කෙනෙක් යමක් කළාම ඒ ගැන කතා කරන්නේ අනිත් අය. ඒත් අපේ රටේ එහෙම නැහැ. තමන් කරන දේ තමන්ටම තමයි කියන්න වෙන්නේ. මම කිසි කෙනෙකු විවේචනය කරනවා නමෛයි. ඒත් පුංචි දේවල් කරලා ඒ ගැන බොහෝ හඬ නැගීම් කරන අය අපේ රටේ ඉන්නවා. මම කවදාවත් කැමති වුණේ නැහැ මම ගැනම පුරාජේරු කතා කියන්න. ඒ නිසාම මා කළ දේවල් කතා බහට ලක්වුණෙත් අඩුවෙන්. ඒ වුණත් මගේ වෘත්තීය තුළ මම කවදාවත් නිහඬ වෙලා නැහැ. 
 
ඔබේ පෞද්ගලික තොරතුරු ගැන කතා කළොත් ? 
මගේ බිරිඳ නිර්මලා කලුආරච්චි. ඇය ගුරුවරියක්. මට පුතුන් දෙදෙනකු සහ දියණියක් ඉන්නවා. සසිත වික්‍රම හිරු එෆ්.එම්. ගුවන් විදුලියෙත්, ඉසුරු වික්‍රම රස එෆ්.එම්. ගුවන් විදුලියෙත් රැකියාව කරනවා. ඔවුන් විවාහ වෙලා. දුව (සචිනි හිමායා) තවම පාසල් යනවා.
 
චන්ද්‍රලතා තන්ත්‍රිගේ
IMAGE

සැමියාගේ බිමත්කම සහ නොගැළපීම නිසයි විවාහය බිඳ වැටුණේ

IMAGE 2017 Nov 23 13:33
තිලකා රණසිංහගේ ජීවිතයේ වඩාත්ම සතුටු වූ අවස්ථාව හා වැඩියෙන්ම දුක් වූ අවස්ථාව සිහිපත් කරන්න...
Views - 4324

ලංකාව හැර ගිය නතාෂා ආපහු ඇවිත් කියපු කතාව

IMAGE 2017 Nov 23 08:03
නතාෂා පෙරේරා පහුගිය කාලයේ වැඩිපුර දකින්නට ලැබුණේ නැහැ. ඒ ඇය තමන්ගේ ආදරණීය සැමියා ප්‍රිහාන්...
Views - 4031

55 වියැති බැංකු ලොක්කා 29 කන්තෝරු නෝනා සමඟ 'හනිමූන්' ගිහින්

IMAGE 2017 Nov 22 12:50
බැංකුවක උසස් නිලයක් දරන පනස්පස් හැවිරිදි සිය සැමියා වසර ගණනාවක් තිස්සේ විසිනව හැවිරිදි රජයේ...
Views - 7096

අහසේ සිට බිමට පනින එස්.ටී.එෆ්. යුවතියෝ

IMAGE 2017 Nov 22 10:55
අම්පාර උහන ගුවන් ධාවන පථයෙන් අහසට නැඟගත්, එම්. අයි. 17 වර්ගයේ හෙලිකොප්ටරය  නිලඹර දෙපළු කරමින්...
Views - 4425

මිහිදුම සහ වැස්ස ගැන 'කාලගුණ විද්‍යාවෙන්' බොරු කී‍වේ ඇයි?

IMAGE 2017 Nov 22 10:43
මේ දිනවල අළුයම් කාලයේ අගනුවර ඇතුළු ප්‍රදේශ රැසක දැඩි මිහිදුම් තත්ත්වයක් දක්නට ලැබුණු බව...
Views - 2816

මුගාබේගේ බිරිඳ ද පක්ෂයෙන් නෙරපයි

IMAGE 2017 Nov 21 09:37
වසර 37  ක කාලයක් සිම්බාබ්වේ දේශය පාලනය කළ රොබට් මුගාබේ නිවාස අඩස්සියට ගනිමින් හමුදාව එරට...
Views - 3622

Please publish modules in offcanvas position.

Web Analytics