Coss Ear2
lakbima.lk
COSS Ear 1

1987 අප්‍රේල් 01 වැනිදා ස්වාධීන රූපවාහිනිය අලුත් විදියේ ටෙලි නාට්‍යයක් පටන් ගත්තා. ඒ තමයි “කෝපි කඩේ” එදා පටන් අද දක්වා අඛණ්ඩව වසර 30ක් පුරා විකාශය වූ මෙම ටෙලි නාට්‍යයට කොටස් 1600ක් පිරීම නිමිත්තෙන් පසුගියදා උත්සවයක්ද පැවැත්වුණා. කෝපි කඩේ පළමු කතාංගයේ පටන් අද දක්වාම කෝපි කඩේ හාමිනේ විදියට රැඳී සිටින රත්නා සුමනපාල “රිද්ම” කතාබහකට එකතු කරගන්න අපි හිතුවේ මේ දීර්ඝ ටෙලි නාට්‍යයේ ඉතිහාසය පිළිබඳ රසබර මතකයන් අවදි කරන්න හිතාගෙනයි. 
 
ඔබට මතකද හා හා පුරා කෝපි කඩේට එක්වූ ආකාරය..
“කෝපි කඩේ” ටෙලි නාට්‍ය මාලාව ආරම්භ කරන්න නළු නිළියන් තෝරාගැනීමේ වැඩමුළුවක් පැවැත්වුණා. ඒකට සහභාගි වූ අය අතරින් තමයි නළු නිළියන් තෝරා ගත්තේ. ඉන් පිටත පරීක්ෂණයකින් තෝරා ගත් එකම කෙනා මම. ඒ වෙද්දීත් මම ටෙලි නාට්‍ය ශිල්පිනියක්. කෝපි කඩේ හාමිනේගේ චරිතයට නිළියන් හයදෙනකුගේ නම් යෝජනා වෙලා තිබුණා. එවකට ස්වාධීන රූපවාහිනියේ හිටපු නිලධාරීන් මඩුල්ලක් තමයි ඒ හය දෙනා අතරින් මාව මේ චරිතයට තෝරා ගත්තේ. කෝපි කඩේ පළමු කතාංගයේ පටන් අද දක්වාම මම එහි “හාමිනේ” ගේ චරිතය රඟපානවා.
 
කෝපි කඩේ පළමු කතාංගය ගැන ඔබට මොනවගේ මතකයක්ද තියෙන්නේ ? 
“රන් කහවනු” කියලා නාට්‍යයක් තමයි කෝපි කඩේ වෙනුවෙන් මුලින්ම කළේ. එය විකාශය වුණේ 1984 අප්‍රේල් පළමු වැනිදා. පස්සේ කාලෙක කෝපි කඩේ ඉතිහාසය ගැන කතා කරපු අවස්ථාවක පළමු කතාංගය විදියට සඳහන් කරලා තිබුණේ “වහෙං ඔරෝ” නාට්‍යය. එය වැරදීමක්. 
 
එදා මෙදා තුර කෝපි කඩේ ගොඩක් වෙනස් වීම් සිදුවුණා නේද?  
අධ්‍යක්ෂවරු වෙනස් වුණා. නළු නිළියෝ වෙනස් වුණා. සමහරු මිය ගියා. කොටින්ම කියනවා නම් කෝපි කඩේ පවා වෙනස් වුණා. අද එය ඉඳිකරලා තියෙන්නේ අයි.ටී.එන්. පරිශ්‍රයේ වුණත්. මුල් කා‍ලේ කඩේ තිබුණේ අද තියෙන තැන ‍නෙවෙයි. 
 
කෝපි කඩේ එකට හිටපු පිරිස අතුරින් ඇතැම් අය අද නැහැ. ඒ ගැන මොකද හිතෙන්නේ? 
මගේ සැමියා රාජා සුමනපාල තමයි “කෝපි කඩේ” ‘අලිජේමිස්’ වුණේ. අද ඔහු ජීවතුන් අතර නැහැ. ඒ වගේම සුසිලා කූරගම දෙනවක හාමිනේ, ලාල් සේනාධීර, දමිතා සළුවඩන, චන්ද්‍රසිරි කොඩිතුවක්කු ඇතුළු බොහොමයක් අය අද ජීවතුන් අතර නැහැ. තවත් අය යම් යම් හේතුමත අමනාපකම් මත නාට්‍යයෙන් ඉවත් වුණා. කාලයත් එක්ක ඔය වගේ විවිධ වෙනස්කම් සිදු වුණා. 
 
ඒ සියල්ල අතරේ මතකයේ රැඳුණු සිදුවීම් ගොඩක් ඇති...?
ඒ දවස්වල අයි.ටී.එන්. එකේ පරිසරය අදට වඩා වෙනස්. කඩේ තිබුණු වටපිටාව කැලෑ ප්‍රදේශයක් වගේ. ෂූටින් තිබුණේ අඟහරුවාදා, බදාදා සහ බ්‍රහස්පතින්දා දවස්වල. අපි බ්‍රහස්පතින්දා ෂූටින් ඉවරවෙලා ගිහින් ආපහු ෂූටින් ආවේ අඟහරුවාදා. කඩේ පැදුරු ටික ඉවත් කරලයි තිබුණේ. ෂූටින් පටන් ගන්න කලින් බඩුමුට්ටු සූදානම් කරලා අලුත් පැදුරු ටික දිග අරිනකොට එතන තඩි ‍පොළගෙක්. ඔය වගේ සිදුවීම් නම් ගොඩක් තියෙනවා. ඒ වගේම ලාල් සේනාධීරගේ මරණයත් අමතක වෙන්නේ නැහැ. එදා කෝපි කඩේ ෂූටින් අතර තමයි එයා අසනීප වෙලා රෝහලට අරගෙන ගියේ. අපිට ගිහින් එන්නම් කියලා ගියාට ඔහු ආයේ කවදාවත් නොඑන්න ජීවිතය අතහැරලා ගියා.
 
ආරියවංශ කුලතිලක

Handaya

මෞලි මුලින්ම අපිට කියන්නකෝ හඳයාහි උක්කු වුණාම ලැබුණු ප්‍රතිචාර මොන වගේද කියලා?
මේ දවස්වල පාරේදී, ඒ වගේම පාස‍ලේදී මට කතා කරන්නේ උක්කු කියලනේ. එතකොට ඉතින් මට දැන් පුංචි ගම්මිරිස් ඇටේ කියලත් කියනවනේ. ඒ වගේම මෞලි හරිම හුරතල් විදිහට රඟපානව නේද කියලත් මගෙන් කට්ටිය අහනවා.

පුංචි ගම්මිරිස් ඇටේ උක්කුගේ චරිතයට ආසයිද?
ගොඩක් ආසයි. මොකද මට ඒ චරිතේ හින්දා ගොඩක් සෙල්ලම් කරන්න අවස්ථාව ලැබෙනවා. ඒ වගේම ඉතින් ඒ චරිතෙට හැමෝම ගොඩක් හරිම ආදරෙයිනේ. ඒ හින්දම මම උක්කුගේ චරිතයට ආසයි.

 උක්කු වගේම මෞලි සෙල්ලටම බරයි කියල අපිට ආරංචියි?
ඔව්, මං සෙල්ලම් කරන්න හරිම ආසයි. ෂූටිං ගියාමත් ඉතින් මං පුංචි පුංචි දඟ වැඩත් කරනවා. ඒත් ෂූට් එකේදී මං හොඳටම රඟපානවා කියලා හැමෝම කියනවා.

මෞලිට මුලින්ම කතා කළේ හඳයා ටෙලි නාට්‍යයේ ‍පොඩි හාමුදුරුවන්ගේ චරිතෙකටලු නේද?
ඔව්, සුදත් අංකල් ආලෝකෝ උදපාදි චිත්‍රපටයේ මගේ රඟපෑම දැකලා මට කතා කළේ ‍පොඩි හාමුදුරුවෝ රඟපාන්න. ඒත් පස්සේ උක්කුගේ චරිතයට ගත්තා. මමත් ගොඩක් කැමැති උක්කුගේ චරිතයට.

එතකොට මතීෂ ඉස්සරහට රඟපාන්න කැමැත්තෙන් ඉන්න විශේෂ චරිතයක් තියෙනවද?
ඔව්, මං ගොළු චරිතයක් රඟපාන්න හරි ආසයි.

එතකොට මෞලි ලොකු වුණාමත්, ජනප්‍රිය නළුවෙක් වෙන්නද කැමැති?
නැහැ. මම ඉගෙන ගන්නේ ලයිසියම් ජාත්‍යන්තර පාස‍ලේ 5 වන ශ්‍රේණියේ. ඉතින් හොඳට ඉගෙන ගෙන මං විද්‍යාඥයෙක් වෙනවා. හැබැයි රඟපෑම නතර කරන්නෙත් නැහැ. 
අපි ඊළඟට කතාබහට එකතු කරගත්තේ මෞලිගේ ආදරණීය අම්මා වන ප්‍රවීණ රංගන ශිල්පිනී නිමන්ති ‍පෝරගේවයි. ඇය තම පුංචි පුතුගේ දක්ෂතාව ගැන කතා කළේ මේ විදිහටයි.

ක්‍ෂේත්‍රයේ ඉන්න ප්‍රවීණ රංගන ශිල්පීනියක් විදිහට පුතාගේ රංගනය ගැන මොකද හිතෙන්නේ?
මෞලි පුතා පුංචි කා‍ලේ ඉඳලා රඟපාන්න හරිම දක්ෂයි. මුලින්ම කැමරාව ඉස්සරහට ගියෙත් මාත් එක්ක. එතකොට එයා මීටත් වඩා පුංචියි. ඒත් එයාගේ කිසිම බයක් තිබුණේ නැහැ. දැන් වුණත් රඟපෑම ලොකුවට ඔළුවට ගන්නේ නැහැ. ඒ හින්දා පුතාගේ රංගනය හරිම සොබාවිකයි.

ඉදිරියේදීත් මෞලි රංගනයට යොමු කරනවද?
නැහැ. දැන් අපි ගොඩක් එයාට ලැබුණු රංගන අවස්ථා බාර ගත්තේ නැහැ. මොකද අධ්‍යාපන කටයුතුවලට ගොඩක් පාඩු වුණා. හඳයා එකට දැනට බොහෝ දින වෙන් කරලා තියෙන්නේ. මගෙයි, සැමියගෙයි හැඳුනුම්කමත් එක්ක පුතාට ගොඩක් චරිතවලට කතා කරනවා. මොකද මෞලි හොඳට රඟපාන හින්දා. ඒ වුණාට එක පාරක් එකක් කළාම ඇති. පුතා දැන් වුණත් ෂූටිං යන්නේ රඟපාන්න නමෛයි සෙල්ලම් කරන්න. ඒත් ෂූටිං පටන් ගත්තම ඉතින් හොඳට රඟපානවා. විශේෂයෙන් අධ්‍යාපනයට මූලික තැන දීලා එක පාරකට එක නිර්මාණයකට යොමු කරවනවා.

මෞලි මතෛක් රඟපෑ චරිත අතරින් ඔබ මවක් විදිහට සංවේදී වූ අවස්ථාත් ඇති නේද?
ඔව්, මං පුතාගේ හොඳම රඟපෑම දකින්නේ ආලෝකෝ උදපාදි චිත්‍රපටයෙන්. මෙයාට රඟපාන්න පිටපතේ තිබ්බේ ‍පොඩි චරිතයක්. ඒත් පුතා ඒකෙදි ලොකු දෙයක් කළා කියලා චිත්‍රපටය බලනකොට හිතුණා. සමහර හැඟීම් දක්ෂ විදිහට නිරූපණය කළා. ඇත්තටම මටයි ප්‍රභාත්ටයි පුතාගේ රඟපෑම දැකලා ඇස් දෙකට කඳුළුත් ආවා.

සමන්මලී නැලිගම

 

IMAGE

බසයේදී දුන් බොරු විවාහ පොරොන්දුවෙන් පවුල්ජීවිතේ 'හබක්'

IMAGE 2018 Feb 23 12:25
ඔහු අගනුවර ප්‍රසිද්ධ සමාගමක විධායක නිලධාරියෙකි. වයස අවුරුදු 40 ඉක්මවූ ඔහුට රූමත් බිරිඳක් සහ...
Views - 3618

අහිමි පෙම ඉල්ලා පෙම්වතියට ප්‍රසිද්ධියේ ගුටි ඇනලා

IMAGE 2018 Feb 23 10:42
පැරණි පෙම්වතියගෙන් අහිමි වූ ආදරය නැවත ඉල්ලා එය නොලැබුණු විට නාරාහේන්පිට ප්‍රදේශයේදී ඇයට...
Views - 2396

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 3558

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 2120

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 7201

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 4431

Please publish modules in offcanvas position.