Coss Ear2
lakbima.lk
COSS Ear 1

ලහිරුකාගේ පුද්ගලික තොරතුරු කියලාම මේ කතාබහත් පටන් ගනිමු.
මම ඉපදුනේ 1999.08.19. මගේ ගම මාත‍ලේ, කූඹියන්ගොඩ. මාත‍ලේ ශ්‍රී සංඝමිත්තා බාලිකා ජාතික පාස‍ලේ තමයි අධ්‍යාපනය හදාරන්නේ. මේ අවුරුද්දේ වාණිජ අංශයෙන් උසස් පෙළට මුහුණ දෙනවා. 
 
කලාවට ලැදි, ඊට යොමු වුණු ලහිරුකා ඇයි වාණිජ අංශය තෝරා ගත්තේ ?
මම සාමාන්‍ය පෙළ දක්වා සංගීතය හැදෑරුවා. ඒත් ඉංග්‍රීසි මාධ්‍යයෙන් හදාරපු හින්දා උසස් පෙළට කලා කළොත් සිංහල විෂයය හරියට කරගන්න බැරි වෙයි කියලා පුංචි බයක් තිබුණා. ඒත් මම සංස්කෘතික මධ්‍යස්ථානයට සම්බන්ධ වෙලා නාට්‍ය හා සංගීත පාඨමාලා හැදෑරුවා. ළමා නාට්‍යවල මීට කලින් රඟපාලත් තියෙනවා. 
 
සංගීතය හැදෑරුවා නම් ගීත එහෙමත් ගයන්න පුළුවන් ඇති නේද?
අ‍පොයි පුළුවන්, අහගෙන ඉන්නව නම් කියන්නම්.
 
ඉතින් කියන්න?
චංචල දෑසේ මායා
ඉස්සර වාගේ පායා
ඉන්නට ආයේ මා හා ආදරේ දීලා 
මල්පෙති සිනහා ගේනා මුදු හාදු වෑහේනා
මින් පෙති ඊ සන්සාරා
ඊයේ වාගේ මා දෑතේ යෑවිලා
සිතේ නෑවිලා ඔබ එයිදෝ පායාලා
 
හොඳ ගායන හැකියාවක් තියාගෙන ඇයි ගායනය පැත්තෙන් ඉදිරියට නොගියේ ?
උසස් පෙළ ඉවර කරලා සංගීතය හදාරන්න තමයි හිතාගෙන ඉන්නේ 
 
ඒ ලෙවල්  චිත්‍රපටයේ අහිංසා වුණ හැටි මතක් කරමුද?
මම 2010 ළමා නාට්‍ය උළෙ‍ලේ අවසන් වටය දක්වා නියෝජනය කළ නාට්‍යයක රඟපෑවා. 2015 මධ්‍යම පළාත් නාට්‍ය උළෙ‍ලේ ප්‍රථම සම්මානය ගත්තු නාට්‍යයේ චරිත 6ක් රඟපෑවා. සංස්කෘතික මධ්‍යස්ථානයේ අපිට නාට්‍ය උගන්නපු කමල් ගුණරත්න සර්ගෙන් ඒ ලෙවල් අධ්‍යක්ෂ රොහාන් පෙරේරා සර් අහලා තියෙනවා චිත්‍රපටයේ අහිංසාගේ චරිතයට සුදුසු ගෑනු ළමයෙක් ඉන්නවද කියලා. කමල් සර් මම ගැන කියලා තියෙනවා. ඊට පස්සෙ ඒ සර්ල දෙන්නා අපේ ගෙදර ආවා. 
 
පාසල් ශිෂ්‍යාවක් විදියට ඉද්දී චිත්‍රපටයක ප්‍රේම ජවනිකා රඟපාන එක අමාරු දෙයක් වුණේ නැද්ද? 
අම්මා චිත්‍රපටයේ පිටපත කියෙව්වා. ඉස්කෝලෙනුත් අවසර ලැබුණා. ප්‍රේම ජවනිකා තිබුණට දෙබසින් කියන ජවනිකා විතරයි තිබුණේ. මුලදී ලැජ්ජාවක් ඇති වුණා. ඒත් අනුත්තරගේ චරිතය රඟපෑ සචිර අයියා චිත්‍රපටය හින්දා මගේ හොඳ යාළුවෙක් වුණා. ඒ හින්දා රඟපාන එක අමාරු වුණේ නැහැ.
 
ඒ ලෙවල් හින්දා දැන් යාළුවොත් ගොඩක් ඉන්නවලු නේද? 
අ‍පොයි ඔව්. අපි කට්ටිය රටේ තැන් තැන්වලින් ආපු අය. චිත්‍රපටය හින්දා හොඳම යාළුවෝ වුණා. ෂූටිං ඉවරවෙලා යන දවසේ කට්ටියම දුක වැඩිකමට බදාගෙන ඇඬුවා. තවමත් ඒ යාළුකම තියෙනවා. 
 
අනාගතයේ නිළියක් වෙන්නද කැමති?
හොඳ චරිතයක් ලැබුණොත් රඟපානවා. සංගීතයත් හදාරනවා. ඒත් වෘත්තීය විදියට තෝරා ගන්න කැමති බැංකුවේ රැකියාවක්.
 
ආරියවංශ කුලතිලක

ශ්‍රී ලංකාවේ උසම නිරූපණ ශිල්පියා විදියට නම් දරා සිටි ජනුක රාජපක්ෂ පහුගිය දිනක තවත් වාර්තාවක් තැබුවා. ඒ  “The best Model of the world - 2017” තරගයේදී රටවල් 170ක තරගකරුවන් සමග තරග වැදිලා ප්‍රථම ස්ථානය දිනාගැනීමයි. ශ්‍රී ලංකාවට අන්තර්ජාතික කීර්තියක් අත්කර දුන් ජනුක මේ වන විට නළුකමට එන්නත් සූදානමින් සිටින බව අපට ආරංචි වුණා. ඒ හැමදේම ගැන කියන්න ජනුක “රිද්ම” සමග සංවාදයට එක්වූයේ මේ විදිහටයි. 
 
මුලින්ම ‘රිද්ම’ අපි ජනුක ලැබූ ජයග්‍රහණය වෙනුවෙන් සුබ පතනවා. 
බොහොම ස්තූතියි. 
 
ලැබූ ජයග්‍රහණය ගැන තොරතුරු ටිකක් කියමුද? 
පහුගිය 11 වැනිදා ප්‍රංශයේ පැරිස් නුවර පැවැති The best Model of the world - 2017තරගයේදී රටවල් 170ක නිරූපණ ශිල්පීන් එක්ක තරග වැදිලා ප්‍රථම ස්ථානය මට හිමි වුණා. The best Model of the Sri lanka 2017” ප්‍රථම ස්ථානය දිනාගත් නිසයි මට මේ ජාත්‍යන්තර තරගයට ඉදිරිපත්වීමට අවස්ථාව ලැබුණේ. 
 
ජනුක ‘රිද්ම’ කතා බහකට එකතුවන පළමු වන අවස්ථාව හින්දා ඔබේ පෞද්ගලික තොරතුරු දැනගන්නත් පාඨකයන් කැමැත්තෙන් ඇති? 
මම මහනුවර ග‍ලේවෙල ඉපදිලා හැදුණු වැඩුණු කෙනෙක්. ඉගෙන ගත්තේ කුරුණෑගල මලියදේව විදුහලෙන්. මගේ අප්පච්චි ව්‍යාපාරිකයෙක්. අම්මා ගුරුවරියක්. මගේ පවු‍ලේ ඉන්නේ අයියලා දෙන්නයි මමයි මල්ලියි විතරයි. පවු‍ලේ කවුරුවත් කලාවට සම්බන්ධ නැහැ. දැනටත් මම පදිංචි මගේ ගමේම තමයි. අප්පච්චිගේ ව්‍යාපාර කටයුතුවලට එකතුවෙලා ඉන්න අතරේ තමයි මම නිරූපණ ක්‍ෂේත්‍රයට සම්බන්ධ වෙලා වැඩ කරන්නේ. 
 
පවු‍ලේ කිසිම කෙනෙක් කලාවට සම්බන්ධ නැත්නම් ජනුක කොහොමද නිරූපණ කලාවට යොමුවුණේ? 
මම පුංචි කා‍ලේ ඉඳන් කලාවට ආසයි. මම පාස‍ලේදී කලා කටයුතුවලට සම්බන්ධ වෙලා වැඩ කළා. ඒ වගේම උස පැනීම, දිවීම, බාස්කට් බෝල්, රගර් වැනි ක්‍රීඩාත් කළා. හැබැයි පාසලෙන් ඉවත්වීමත් එක්ක මේ හැමදේම නතර වුණා. ඒ නිසා මේ කිසිම දේකින් ඉදිරියට යාමේ අදහසක් මා තුළ තිබුණේ නැහැ. අපේ පවු‍ලේ උසම කෙනා තමයි මම. මගේ උස අඩි 6යි අඟල් 4යි. මගේ උස දිහා බලලා මට මොඩ්ලින් කරන්න කියලා බොහෝ අය කිවුවා. ඔය නිසා ඇති වූ උනන්දුව මත මම 2012 ITN අවුරුදු කුමරා තරගයට ඉදිරිපත් වෙලා අන්තිම 12 දෙනා අතරට ආවා. 2015 සිරස මෑන් හන්ට් තරඟයෙන් තුන්වැනි ස්ථානය ලැබුවා. ඊට පස්සේ මට නිරූපණයට ආරාධනා ලැබුණා. මම මේ වන විට නිරූපණ අවස්ථා රැසකට සහභාගි වෙලා තියෙනවා. මම නිදහස් නිරූපණ ශිල්පියෙක් විදියටයි කටයුතු කරන්නේ. ලැබෙන ආරාධනා අනුව තෝරාගත් අවස්ථා සඳහා ඉදිරිපත් වෙනවා. 
 
The best Model of the world තරගය වෙනුවෙන් පැවැති The best Model of the Sri lanka තරගයට යොමු වුණේ කොහොමද? 
 
ෆේස් බුක් හරහා තමයි ඒ ගැන තොරතුරු ප්‍රචාරය කරලා තිබුණේ. මමත් එහෙම දැකලයි ඊට අයදුම් කළේ. 
 
ජාත්‍යන්තර කිරුළ ලංකාවට රැගෙන එන අතරවාරයේ අමතක නොවන සිදුවීම් ඔබේ ජීවිතයට එකතු කරන්න ඇති? 
අමතක නොවන සිදුවීම් නම් ගොඩක් තියෙනවා. මම මුලදි හිතාගෙන හිටියේ ඒවා ගැන පත්තරවලට නොකියා ඉන්න. ඒත් මම හිතනවා මගෙන් පසුව එන අයට මේ ක්‍ෂේත්‍රයේ ඉන්න කපටි පුද්ගලයන්ගේ සැබෑ තතු හංගන එක වැරදියි කියලා. ඒ හින්දා ඒ හැමදේම කියන්න මම කැමතියි. 
 
මොනවාද ඒ? 
ලංකාවේ පැවැති තරගය සංවිධානය කළ සංවිධයකයා සහ  ඔහුට සම්බන්ධ අනිත් දෙදෙනා  හරිම කපටියි. ඒ අය ලාංකීය තරගයේ කිරුළ වෙනුවෙන් මට හිමි වූ මුදල් ගසා කෑවා. ජාත්‍යන්තර තරගයට අවශ්‍ය ඇඳුම් පවා නිර්මාණය කරගත්තේ මගේම වියදමෙන්. ඒ විතරක් ‍නෙවෙයි ලංකාවෙන් කිරුළ දිනපු මට ජාතන්තර තරගයට යවන්න ඒ අය මගෙන් මුදල් ඉල්ලා සිටියා. මුදල නොදුන්නොත් මගේ පාස්‍පෝට් දෙන්නේ නැහැ කියලා තර්ජනය කළා. මම නීතියේ පිහිට ලබාගෙන තමයි ජාත්‍යන්තර තරගයට යන අවස්ථාව ලබා ගත්තේ. මගේ පියා ව්‍යාපාරිකයෙක් හින්දා මේ අභියෝග ජයගෙන ජාත්‍යන්තර තරගයට ගිහින් ජයගන්න මට පුළුවන් වුණා. එසේ නොවුණා නම් මට ජාත්‍යන්තර තරගයට ඉදිරිපත් වෙන්නවත් බැරි වෙනවා. 
 
ජනුක දැන් නළුවෙක්? 
රූනිගේ “රෝස නගරේ” ගීතයේ Music video එකේ රඟපෑවට පස්සේ ටෙලිනාට්‍ය කීපයකටම ආරාධනා ලැබුණා. Music video වලටත් නිතරම ආරාධනා ලැබෙනවා. ඒත් මම නොගැළපෙන දර්ශන තියෙන Music video වලට යන්නේ නැහැ. චිත්‍රපටයකට ආරාධනා ලැබිලා තියෙනවා. පැරිසියේ Modling Show එකටත් ආරාධනා ලැබුණා. ඉදිරියේදී ඒ සියල්ල ගැන වැඩි විස්තර කියන්නම්. 
 
දැන් ඔබට රසිකාවියන්ගේ ආදර යෝජනා එහෙමත් ලැබෙනවා ඇති? 
(හිනැහි) රසිකාවියන්ගේ ආදර ඇරයුම් ලැබෙනවා. කලින් මාව දාලා ගිය අයගෙනුත් ආදර යෝජනා ලැබෙනවා. ඒත් ජනප්‍රියත්වය හා මුදල් පසුපස එන අයව මම ගණන් ගන්නේ නැහැ. 
 
ඔය හැම යෝජනාවක්ම ප්‍රතික්‍ෂේප කරන්නේ විශේෂ කෙනෙක් ඉන්න හින්දද? 
කෙනෙක් හිතේ ඉන්නවා. හැබැයි එයා තවම ඒක දන්නවද කියලා මම හරියටම දන්නේ නැහැ. මොකද දැන් එයා ඉන්නේ ලංකාවේ නෙමෙයි. 
 
ආරියවංශ කුලතිලක 

IMAGE

සංසාර සිහිනයේ ගී සංකල්පනය මම 'ටැබ් එකේ ටයිප් කරපු' එකක්

IMAGE 2018 Feb 21 12:00
සනුක වික්‍රමසිංහ ගායනා කරන “සංසාර සිහිනේ” කලක පටන් බොහෝ ගීත දර්ශකවල පෙරමුණ ගෙන තිබෙන...
Views - 1228

මම නාට්‍ය කලාවෙ ඉන්නේ ඒ ගැන තියන 'උණ' නිසයි

IMAGE 2018 Feb 21 11:53
වේදිකාව, පුංචිතිරය සහ සිනමාව යන මාධ්‍ය ත්‍රිත්වයෙහිම සිය ප්‍රතිභාව ප්‍රකට කළ කලාකරුවකුවන...
Views - 700

බිරිඳ රැකියාවක් නොකිරීම මගේ සාර්ථකවයට හේතුවක්

IMAGE 2018 Feb 20 14:38
“සිරස ජූනියර් සුපර් ස්ටාර්..” තරගය ගැන මුලින්ම අප ඔබගෙන් විමසන්න කැමතියි.. ඇත්තෙන්ම “සිරස...
Views - 4090

බිරිඳට පින් තකා සුනඛයන්ට දිනපතා සහල් කිලෝ 08ක දනක්

IMAGE 2018 Feb 20 14:23
මිනිසා තිරිසනුන් වන අවස්ථාත් තිරිසනා මිනිසුන් වන අවස්ථාත් අපට බොහෝ විට දක්නට ලැබුණද...
Views - 2351

ලංකාවේ අන්තිම රජු සැඟවූ නිධානය කෝ?

IMAGE 2018 Feb 19 11:34
මහනුවර රජ කළ රාජාධිරාජසිංහ රජුට බිසෝවරුන් කිහිප දෙනෙක්ම සිටියහ. ඔවුන් අතර අලමේලු අම්මා,...
Views - 4382

රඟපෑමෙන් සමුගත් හේතුව නදීකා කියයි

IMAGE 2018 Feb 19 10:41
“චංචල රේඛා” චිත්‍රපටයේ “දං චූටි” නාඳුනන කෙනෙක් එදා සිනමා ලෝලීන් අතර හිටියේ නැහැ....
Views - 5536

Please publish modules in offcanvas position.